Daily Archives: January 8, 2014

Arrests made after death of Rwanda’s ex-spy boss

download

Col Patrick Karegeya

Three Rwandan nationals were arrested for the murder of Rwanda’s former spy chief Patrick Karegeya, the New Agereported on Wednesday.

Karegeya (53) was living in exile in South Africa for a number of years. He was found dead in the Michelangelo Towers in Sandton, Johannesburg, last Wednesday.

Private investigator Chad Thomas reportedly said Rwanda’s Lieutenant Colonel Francis Gakwere was among those arrested in Maputo, Mozambique, for Karegeya’s murder.

“Gwakere was also a prime suspect in the failed hit on General Kayumba Nyamwasa in 2010 but there was insufficient evidence to allow the charges to stick,” Thomas was quoted as saying.

Three other suspects were still on the run.

Karegeya’s nephew David Batenga said he last saw his uncle with a close family friend, Apollo Kiririsi, at the hotel.

The New Age reported that Kiririsi had since been seen in Rwanda and had denied any involvement in the killing.

Kagame accusations
Former Rwandan army chief-of-staff Nyamwasa and others have accused Rwandan President Paul Kagame of ordering Karegeya’s assassination.

Kagame has denied the claims.

While the Rwandan government denies it targets dissidents for assassination, the death of Karegeya fits a pattern of attacks on Rwandan dissidents. Kagame has long been accused of extra-territorial killings, including ones committed when Karegeya was the feared boss of Rwanda’s external security agency.

Among the attacks, gunmen twice tried to kill Kagame’s former chief of army staff Nyamwasa while he was living in exile in Johannesburg in 2010. Nyamwasa told the Associated Press in 2012 that Kagame has hunted him and other dissidents around the world “using hired killer squads”.

Rwanda’s foreign minister said on Monday her government had no sympathy for the slain former spy chief. He had a falling out with the country’s president. Rwanda’s prime minister also warned on Monday that betraying one’s country brought consequences.

In Twitter messages, Rwandan Foreign Minister Louise Mushikiwabo said Karegeya was a “self-declared” enemy of their African nation. Referring to Karegeya’s death, she tweeted: “You expect pity?”

Responding to the tweets, Karegeya’s eldest son Elvis asked her on Twitter: “So it’s your government’s view that any ‘enemy’ of the state deserves to be strangled to death?” Mushikiwabo responded: “It’s my Gov position: 1. what happens to its enemies shd not make it lose sleep & 2. investigation shd proceed”

She repeated accusations that the slain dissident colonel and his colleagues had been behind grenade attacks in Rwanda in recent years.

Fake SA passport

Karegeya’s family, meanwhile, said the Ugandan government has rejected a request for him to be buried in Uganda, the country of his birth and where his mother and siblings still live. James Mugume, the permanent secretary at Uganda’s foreign ministry, said on Monday Karegeya cannot be buried in Uganda because of “sovereignty” issues.

“He was a citizen of Rwanda and was resident in South Africa. We don’t want to interfere in other countries’ matters,” Mugume said.

In an interview with the Associated Press on Monday, Karegeya’s nephew Batenga, said he believes that the last person seen with Karegeya used a fake passport to enter South Africa. Batenga said on Monday that the man, whose full name is Apollo Kiririsi Gafaranga, had seemed to be a friend of the former Rwandan external intelligence chief.

“We haven’t been able to find any record of him entering the country. So he must have used a fake passport,” Batenga said.

Fears of the Rwandan regime

Three days earlier, Batenga and his uncle had picked Gafaranga up at a light-rail station and driven him to the plush Michelangelo Towers where he had asked to be booked in. According to family members and friends, Gafaranga had spent years earning Karegeya’s trust and had travelled to South Africa at least four times, always apparently on fake documents and staying at Karegeya’s home.

But this time asked to be booked into a hotel, citing growing fears of the Rwandan regime and the security risk to his friend.

Karegeya was found dead in the hotel room after failing to respond to phone calls and text messages from his nephew. Gafaranga was gone, taking only his cellphone and wallet with him and leaving his suitcase behind in the room, Batenga said. Batenga believes more than one person was involved in the killing, saying it would likely take a several men to overpower his uncle and there weren’t any signs of a massive struggle in the hotel room. – Sapa, Sapa-AP

http://mg.co.za/article/2014-01-08-three-arrests-made-for-rwandas-ex-spy-boss

 

Aba “Banyabwenge” bishuka ko barusha abandi kumva neza ubutegetsi bw’Abamene , aho ntibari muri « cage » nk’iy’ibisimba ?

Chiens en cageItegereze neza iri tungo riri hejuru aha, muri aka kazu Abafaransa bita « cage », abanyarwanda bakakita « IKIBUTI » : Urabona hari ikiziriko kiyirimo ? Urabona hari umuntu uri kuyihata inkoni ? Ubu se ntiwavuga ko iyi mbwa YIGENGA ? Ikaba ndetse yakora icyo ishatse ? Ariko se ubwisanzure bwayo bugarukira he ? Hari utabona ko ubwigenge bwayo bugarukira ku mipaka ya kariya kazu (Cage) ifungiyemo!Ng’uku uko Abanyapolitiki bakorana n’Agatsiko ka FPR babayeho !

Maze gusoma iyi nkuru ya Alain Patrick Ndengera alias Tito Kayijamahe mpita mbona ko ikibazo cya bamwe mu biyita ko bajijutse « mu bya politiki » ari ukutamenya neza imbibi za « Cage » Agatsiko kayoboye FPR -Inkotanyi gafungiramo abanyarwanda badashishoza!

Koko rero FPR-Inkotanyi yarangije kurema « Cage » ishaka kurundamo Abanyarwanda bose cyane cyane abavuga ko barusha abandi gusobanukirwa, bakaba ngo bashaka gufasha u Rwandakubona ibisubizo ariko birengagije IKIBAZO nyakuri : FPR-Inkotanyi si ishyaka rya politiki nk’ayo dusanzwe tuzi,aharanira imibereho myiza y’abenegihugu bose. FPR-Inkotanyi ni UMURYANGO uteye kandi ukora nk’udutsiko tw’iterabwoba (groupes terroristes), ukaba mu by’ukuri udakora politiki ahubwo warifatiye igihugu ho ingwate kugira ngo wikorere « BUSISSES » zikungahaza abagize Agatsiko bonyine(kwambura abaturage, guhinga urumogi, gucura amafaranga, blanchiment d’argent… !) FPR rero kugira ngo igere ku nshingano yihaye, yubatse « cage », rimwe na rimwe isa n’isize zahabu icumbikiramo abiyemeje kuyegera atari uko bayikunze(nayo irabizi !) cyangwa bashaka gufasha abanyarwanda ahubwo bagamije kuyishakaho amaramuko !

 Hari « balises » eshatu z’ingenzi zerekana ko umuntu yahonongeye muri « Cage »  ya FPR:

1.Gusubiramo nka « Gasuku » ikinyoma cy’Iterambere ridasanzwe FPR yazanye mu Rwanda !

Iryo terambere ritagera ku muturage(95%) , ni terambere bwoko ki ? Niba imibare yerekana ibipimo by’iterambere ridasanzwe rya buri mwaka (croissance) atari imihimbano yose, byaba bisobanura ko mu gihugu hari Agatsiko kifitiye ibifaranga byinshi kavana mu gusahura abaturage, guhinga urumogi, gucura amafaranga y’amahanga cyane cyane amadolari, gusahura ubukungu bwa Kongo….ibi byose bikaba bitabujije abaturage gutindahara no kwicwa n’inzara, abanyeshuri ntibarihirwe cyangwa ngo bahabwe inguzanyo, abarimu ntibahembwe agashyitse… Niba iri ariryo terambere bamwe baririmba, nibijyanire ntibazampeho ! Ntabwo ariryo Abanyarwanda bakeneye. Iyo mitamenwa yo n’ubwo ntacyo imariye umuturage muri iki gihe, nikomeze yubakwe ku bwinshi, bapfa gusa kutayiteraho amapine ! Ejo cyangwa ejobundi niba igihari itarahiritswe, ishobora kuzabyazwa umusaruro ikagirira rubanda akamaro !

2.Kwemererwa gutekereza ariko nturenze amaso ingengabitekerezo ya « jenoside yakorewe Abatutsi  bonyine »

Muri iki gihe (2014), gukomeza kubeshya rubanda ko Leta ya FPR yahagaritse « jenoside » kandi ikaba ihangayikishijwe n’uko u Rwanda rutakongera gusubira muri « jenoside » ni ukwiha amenyo y’abasetsi. Iyi Leta ubwayo irashinjwa kuba yaragize uruhare rukomeye muri « jenoside » yarimbuye Abahutu n’Abatutsi, guhera taliki ya 1/10/1990 kugeza na n’ubu. Iyi Leta kandi ibikorwa by’iterabwoba ikomeje gukora mu gihugu no hanze yacyo yica abanyarwanda, abahutu n’abatutsi, ikagerekaho n’abanyamahanga birerekana ko igitegura izindi za jenoside zishobora kuzatugwirira ejo cyangwa ejobundi ! Kugeza uyu munsi byaragaragaye ko « Jenoside yakorewe batutsi bonyine » ifatwa na benshi(Abanyarwanda n’abanyamahanga) nk’ igishoro cy’ubucuruzi cya FPR ,kigamije kwegezayo 80% by’Abanyarwanda, ni ukuvuga ABAHUTU ! Hanyuma bizwi na bose ko Abatutsi bagize amahirwe yo kurokoka Interahamwe na FPR, ariko bakaba batabarirwa mu Gatsiko, bagowe cyane no kwigobotora iyi ngengabitekerezo kuko mu by’ukuri bazi UKURI KOSE ariko bakisanga barafashweho INGWATE ! Bazi neza ko iki kinyoma kitazaramba kandi ko gishobora kuzabagiraho ingaruka zitari nziza.

Umuntu wese wemera kandi wigisha ko ishingiro rya politiki y’u Rwanda  nta yindi atari ugukumira « jenoside » niIGITAMBAMBUGA, UMUSWA cyangwa UMUHASHYI ! Ugusaranganya ibyiza by’igihugu mu butabera , nta buryamirane ni byo byonyine bikumira jenoside , ni naryo shingiro rya politiki y’ukuri. Utabizi , ntacyo yiyumvira.

3.Igishuko cyo kugirana ibiganiro na Leta uri « nyakamwe »

Agatsiko kigaruriye FPR -Inkotanyi ntigashaka ko hagira undi munyarwanda ukora politiki ihinyura amarorerwa kakoze kandi n’ubu kagikora, yaba umuhutu , yaba umututsi ! Ako Gatsiko kibwira ko ariko gafite « monopole » yo gukora politiki konyine, niyo mpamvu kica urubozo,kagafunga cyangwa kagatorongeza abashaka kukagamburuza.

Kubera ko gukora politiki ari uguharanira inyungu rusange, bikaba rero bitakorwa n’umuntu umwe ku giti cye, bisaba ko abantu barenze umwe bishyira hamwe,bakisuganya, bagafatanya. Ishingiro ry’amashyaka ya politiki ni aha riri.Kuba menshi kwayo si ikibazo , ahubwo bishobora kuba igisubizo . Impamvu yo gushyira hamwe niboneka , ntakizayabuza gushira hamwe, igihe kizaba kigeze.

Iyo FPR ishaka kurindagiza abanyarwanda, ibumvisha ko amashyaka ya politiki atari ngombwa, ko Leta yifuza kwiganirira n’umuntu umwe umwe ku giti cye, bivuze ko idashaka ko hagira undi ukora Politiki ! Ministre Mukantabana yigeze kwivamo , abivugira kuri Radiyo BBC-Gahuzamiryango, ngo buri munyarwanda ajye yivugira ikibazo cye ku giti cye, maze Leta ye na FPR igishakire umuti, ngo si ngombwa kubinyuza mu nzira za politiki ! Bivuze ko umunyarwanda FPR yishakira ari umuntu « uharanira utunyungu twe twonyine » , wa wundi igaraguza agati atakira kirengera! Ng’uyu umutego(cage) Alain Patric Ndengera ahonongeyemo izuba riva, none arashaka n’abo yisasira ! Si ubwambere tubonye ingero za bene aba , si n’ubwanyuma! Wagira ngo ntacyo amateka acyigisha Abanyarwanda !

4.Dufate iki ?

FPR yubatse « cage » ishaka gushyiramo Abanyarwanda bose ! Bemererwa gukora « ibyo bashaka byose », nabwo by’igihe gito cyane,  ari uko bemeye kwinjira muri iyo « cage » ! Nabwo kandi bakarutswa utwo batamiriye muri “cage” !

Itegereze kandi uzirikane amwe mu magambo akurikira Alain Patrick Ndengera akoresha, urahita ubona uko umugabo ari kwishuka cyangwa se akaba agambiriye gushuka abandi :

(1)Kurekera aho gushyira icyizere mu mashyaka ya opozisiyo kuko ari baringa ;

(2) « Abantu ku giti cyabo batitwikiriye amashyaka nibo bagomba kwemera dialogue hakubakwa pont ihuza abatavuga rumwe »;

(3) « Iyo groupe de reflexion rero yaratangiye ariko haracyakenewe inkunga y’abandi bantu ku giti cyabo batitwikiriye amashyaka baza gufasha mu gutekereza kurebana na leta ya Kigali aho u Rwanda rwakwerekeza ndetse n’uburyo cyangwa cadre politiki yakorerwamo hatagombye abagomba kubigwamo cyangwa kubifungirwa » .

(4)Kumvikana kuri « les règles du jeu » ;« Niyo mpamvu aho gusimbukira mu kibuga abantu babanza kumvikana ku bintu bimwe na bimwe bikaba clair pour tout le monde ». 

Umwanzuro

Nifurije amahirwe masa uyu mugabo Alain Patrick Ndengera muri « recrutement » yatangiye y’abiyemeje kujya guharanira utunyungu twabo ariko bituriye muri « cage » !

« Les règles du jeu » arota kuganiraho, zashyizweho na FPR kandi ntiteganya kuzihindura ! Kutabibona ni ukuba IMPUMYI idasanzwe, wagira ngo uyu musore ni we wambere winjiye mu kibuga cya politiki y’u Rwanda kuva mu 1990 !

Reka tumwemerere ikuzo ry’uko abaye « EXPLORATEUR », kandi iyi nyandiko ye tuyihe agaciro gakomeye kuko isa na “Charte y’INKOMAMASHYI” !

Igendere amahoro, musore mwiza, “Uwiyishe ntaririrwa” kandi n “Urwishigishiye ARARUSOMA” .

Mukabalisa Solange,

Umunyarwandakazi wabonye ibipfa n’ibikira.

Source: Leprophete.fr

Icyo ntekereza ku nyandiko ya Tito Kayijamahe yo kuwa 8 Mutarama 2014.

65379_431195146929047_75401205_n

“Ishyaka rya politiki ridaharanira ko habaho ubutabera bureba bose mu Rwanda ngo uwakoze icyaha wese agihanirwe riba rivuga rumwe na Leta ya Kigali. Ishyaka ribona ko umuntu akwiye kubuzwa kuvuga iki n’iki ngo aha byakurura umwiryane  riba rivuga rumwe na FPR. ”                                            

Chaste Gahunde; 08 Mutarama 2014

Mu minsi yashize Patrick Ndengera alias Tito Kayijamahe yasezeye ku mugaragaro mu Ishyaka RDI-Rwanda rwiza riyobowe n’umunyapolitiki uzwi cyane Faustin Twagiramungu. Uku kwegura kwaje nyuma gatoya y’aho agiranye ibiganiro na bamwe mu ntumwa za Leta ya Kigali zari ziyobowe na nyakwigendera madame Inyumba Aloyiziya zarimo zizenguruka isi zishaka uburyo zacengeza amatwara ya FPR mu mpunzi cyane cyane mu rubyiruko.

Kayijamahe yaje no kwitabira inama y’umushyikirano yabaye mu kwezi kwa 12 umwaka wa 2013 maze avuyeyo atunyuriramo muri rusange uko yasanze byifashe. Kuri we arasanga ibintu bimeze neza: demokarasi irahari ariko itari iy’abanyaburayi n’ibindi bihugu byateye imbere, amajyambere ariyongera uretse umujyi wa Butare udatera imbere,…

Mu gusoza inyandiko ye, Kayijamahe avuga uburyo abona amashyaka ya opposition mbere yo gufata umwanzuro ko “abanyarwanda baba ab’impunzi ziba mu mahanga ndetse baba n’ababa mu gihugu bagomba guhagarika gushyira ikizere cyabo ku cyitwa amashyaka ya opposition kuko ikitwa opposition ari balinga“. Cyakora arivuguruza akavuga ko ayo mashyaka ya opposition abaho, aha umuntu akibaza noneho icyo Kayijamahe yita balinga icyo aricyo. Umenya yarashakaga kuvuga ko opposition nta mbaraga ifite, kandi nyamara ibura imbaraga kuko abo banyarwanda batayiziha.

Kayijamahe arongera akavuga ko we ahitamo ko abantu baganira kuri politiki ariko batavuye mu mashyaka ya politiki, ikindi ngo bagombye kuganirira hamwe na FPR.

Ndagira ngo nibutse Kayijamahe cyangwa mubwire umenya atari abizi ko abantu ku giti cyabo baganira na FPR babikoze kuva kera. Nibyo byabaye mu ngando zitandukanye biba mu ma club atandukanye, biba muri za diaspora buri munsi…ariko kubera ko FPR iba yo ari ishyaka rya politiki kandi riri ku butegetsi, riba rifite umurongo rigenderaho akaba ari na wo rigeza kuri abo bantu ku giti cyabo. Ibi nta kosa ririmo nyine kuko FPR igomba guharanira gukomera. Ikibazo kirimo ni uko FPR aba ariyo ifite ijambo rifatika bityo iby’abandi bikaburizwamo gutyo.

Kayijamahe avuga ko mu nama y’umushyikirano Abategetsi baba badagadwa ngo kuko umuturage agiye kubaza ikibazo.  Reka mbanze mubwire ko bataba badagadwa kubera uwo muturage. Ikimenyimenyi ni uko iyo umuturage abagiye mu maso bamusuzugura. Ahubwo ikibatera kudagadwa ni Perezida wa Repubulika uba uri aho. Kuba perezida wa repubulika ari na we muyobozi wa FPR bivuga ko ibikorwa n’ibivugwa byose biba bigomba kunyura muri wa murongo wa politiki igenderaho. Reka nibutse ko kimwe mu byo benshi (nanjye ndimo) tunenga FPR ari ubutabera bubogamye, buvangura abicanyi n’abapfuye. Iyi ngingo umuntu wese uyizanye ahita aba umwanzi wa FPR ndetse akitwa umwanzi w’u Rwanda kandi nyamara aba agamije gutanga umuganda.  Hari umuntu uherutse kumbwira ngo ariko kuki tugarura ibyahise, ndamubwira nti none se turekeye aho kwibuka noneho? Abura icyo ansubiza. Aha hari izingiro ry’ibibazo u Rwanda rufite. Hari ibigomba kwibukwa hari n’ibigomba kumera nk’aho bitabayeho. None se Kayijamahe, muri ibyo bibazo abaturage bababjije ni bangahe babazaga igihe inzirakarengane zishwe na FPR zizabonera ubutabera? Ni bangahe babajije igihe impunzi zarasiwe mu makambi zizashyingurwa mu cyubahiro? ni bangahe babajije igihe icyunamo kizajya kiba ariko abazize ubwicanyi bwose bwabaye mu Rwanda bakibukwa? Ibi nawe ubwawe iyo ubibaza wari kuba ugonze rwa rukuta watubwiye, kandi byari kukugora.

Kayijamahe abona ko abantu bakwiye kuganira ku bibazo ku giti cyabo bafatanyije na FPR yarangiza agatanga urugero rw’amakipe ashaka gukoresha amategeko atandukanye. Aha harimo kwivuguruza gukomeye ngira ngo buri musomyi yumve.

Buri muntu ku giti cye agira ibyumviro bye(uko abona ibintu, inyungu ze, iyobokamana rye). Ibi bikaba bivuga ko ku bantu bagera kuri miliyoni 11 b’Abanyarwanda hari ibyiyumviro bijya kwegera uwo mubare. Reka wenda tuvuge ko babiri babiri bahuza ibyumviro. Ni ukuvuga ko tuzagira ibyumviro miliyoni 5 n’igice. Nihabeho ibiganiro rero maze buri wese ahabwe ijambo azana igitekerezo kinyuranye n’icy’undi, ibi nta na hamwe byatugeza kuko kugera kuri synthesis ikenewe byagorana. Aha niho Amashyaka ya politiki agira akamaro. Abahuriye mu ishyaka baba bafite umurongo umwe wo kubona ibintu. Baba barwanira ishyaka ibitekerezo bimwe. Niyo mpamvu ujya kubona ukabona umwe arasezeye kuko aba wenda asanze badahuje. Ni ukuvuga ko ku mashyaka nka 40 haba hari nibura imirongo y’ibitekerezo 40 bityo bikaba byakoroha guhuza iyi mirongo kurusha uko wahuza imirongo miliyoni 11 cyangwa se 5 n’igice.

Amashyaka 21 yose si opposition

Ngendeye ku mibare Kayijamahe aduhaye, amashyaka atavuga rumwe na Leta ni 21. Ariko  nanone Kayijamahe yatwibukije ko hari abashinga amashyaka bagamije kumenyekana gusa. Ibi bisobanuye ko bene abo batari muri opposition. Ahubwo nabagira inama yo gukoresha ubundi buryo bakamenyekana. Hari uburyo bwinshi bwiza ndetse n’ububi bwatuma umuntu amenyekana kurusha n’umunyapolitiki. Kuba muri opposition byagombye kugaragazwa no kutavuga rumwe na FPR mu ngingo zikomeye ishingiraho politiki yayo. Ibi na none bitandukanye no kwicara umuntu akavuga ko atemera iki n’iki, ahubwo aba agomba no kugaragaza alternative we agifitiye. Icyo gihe twavuga ko koko ishyaka ritavuga rumwe na FPR.

Mu by’ukuri njye nsanga opposition ikwiye gushingira ku guharanira ko Abanyarwanda bose babona ubutabera n’ubwisanzure mu bitekerezo. Tugire ubutwari bwo kuvuga ukuri kugira ngo buri wese agerweho n’ibyiza by’igihugu.  Ishyaka rya politiki ridaharanira ko habaho ubutabera bureba bose mu Rwanda ngo uwakoze icyaha wese agihanirwe riba rivuga rumwe na Leta ya Kigali. Ishyaka ribona ko umuntu akwiye kubuzwa kuvuga iki n’iki ngo aha byakurura umwiryane  riba rivuga rumwe na FPR. FPR yumvisha abantu bose ko jenoside yakorewe Abatutsi ari cyo cyaha cyonyine gikwiye guhanwa ko kandi umuntu wese uvuze ko abahutu bapfuye aba ashaka kugarura jenoside. Kayijamahe na we ndabona ariyo nyikirizo azanye!

Kuvuga ko umuntu uvuze ibinyuranye na FPR aba ashaka kuzana jenoside ni ugukabya. Ese iyo jenoside yashoboka ubutegetsi butayishyigikiye? Ko FPR ariyo ifite ubutegetsi ikagira polisi n’igisirikare, iyo jenoside izakorwa na nde niba Leta itayishyigikiye?

FPR ivuga amateka acuritse ikavuga ibiyivuga neza gusa. Nta na rimwe FPR yigeze igaragaza ko igitero cya 1990 cyagize uruhare rubi mu mibanire y’Abanyarwanda, kandi iki gitero cyaje kitagamije guhagarika jenoside kuko nta yabaga. Ahubwo iki gitero cyaje kuvamo intambara yaje kubyara jenoside.

Wigaya opposition ahubwo gaya FPR 

Kayijamahe aravuga ko opposition idashobora guhura ngo igire icyo igeraho. Iki ni igitekerezo cy’umuntu utarigeze akurikirana ibya politiki cyangwa se ngo agerageze gusobanukirwa. Ese ayo mashyaka arahura ngo akore iki niba adahuje ibyumviro? Aho Kayijamahe ntiyaba atekereza nka ba bandi bavuga ko opposition ihuriye ku gukura FPR ku butegetsi gusa? Ese ni nde wahuza ayo mashyaka? Buri shyaka niba ari ryo koko rigomba kuba rishaka ko ibitekerezo byaryo ari byo bikundwa na rubanda maze rigatorwa rikajya ku butegetsi. Ikiyongera ku bitekerezo ni uburyo bwo kubishyira mu bikorwa. Hari abashaka gufata intwaro, hari n’abashaka  ko wenda hakoreshwa ubundi buryo. Kayijamahe azi neza ko FPR ica intege amashyaka atavuga rumwe nayo yaba ari mu Rwanda ndetse n’ari mu mahanga. Irije rifite ibyumviro bitandukanye na FPR ntiryemerewa kwandikwa ngo rijye mu matora. Amashyaka menshi ya opposition ahora avuga ko hakwiye ibiganiro bihuza FPR n’ayo mashyaka atavuga rumwe n’ubutegetsi buri i Kigali. Mu rwego rwo kwikemurira ibibazo twe nk’Abanyarwanda ni twe dukwiye gutegura ibyo biganiro tubinyujije kuri Perezida wa repubulika. Unfortunately, perezida na we ni FPR nsansa, bivuga ko atiteguye kwemera ibiganiro bimwibutsa ko FPR ye yishe abahutu batagira ingano, ndetse ngo abeshyuzwe ku mateka agoreka.

Mu gusoza rero, ndasanga Kayijamahe arimo yikiriza intero iterwa na FPR ishaka ko abantu batibumbira mu mashirahamwe ya politki kugira ngo batazayigamburuza. Ijwi ry’umuntu ku giti cye riba ari rimwe nyamara ijwi ry’ishyaka rya politki riba rivugwa na benshi kuko buri shyaka rigira abayoboke. Bashobora kuba bakeya cyangwa benshi ariko kugeza ubu nta gipimo twagenderaho ngo tumenye uko Abarwanashyaka baba bangana. Ahubwo ndasaba Abanyarwanda aho bari hose kwitabira ibikorwa by’amashyaka ya politiki bibonamo niba kandi bikundira FPR nta kibazo gihari. FPR nishire impumu ifungure urubuga twiyamamaze, na yo itsinde bigaragare, aha ni ho tuzanamenya ko hari ishyaka ritagira abayoboke koko. Kutitabira amashyaka ni politiki ya FPR mu rwego rwo gushaka gufunga urubuga rw’ibitekerezo.

Chaste Gahunde

Ushaka gusoma inyandiko ya Kayijamahe kanda aha hasi:  http://rwandanpolitics.wordpress.com/2014/01/08/amakuru-yo-mu-rwanda/

Inkuru bifitanye isano: http://gahunde.rw-leaks.org/?p=1068

 

Tito Kayijamahe arikiriza intero ya FPR-Inkotanyi

ndengera

Alain Patrick Ndengera

Netters,

Mu minsi ishize nakoze urugendo mu Rwanda ku buryo nagize amahirwe yo kwitabira inama zinyuranye mu gihugu ziyobowe n’abayobozi bo mu nzego zo hejuru nk’inama nkuru y’umushyikirano, inama zirebana na gahunda za ndi umunyarwanda ndetse nanahuye na bamwe mu bayoboz bo hejuru tugirana biganiro brebana n’aho u Rwanda rugeze haba mu iterambere, muri demokarasi, mu mibereho myiza y’abaturage, mu bukungu bw’igihugu ndetse twanaganiriye no ku mashyaka akorera hanze no ku mpunzi ziri hanze y’igihugu z’abanyarwanda. Ntawabivuga ngo abirangize byose tuzabiganiraho buhoro buhoro ariko ndabaha muri macye uko nabonye u Rwanda n’abanyarwanda.

Kwitabira uru rugendo kwanjye rero byaje bikurikirana na dialogue twagiranye (njye n’abandi bagenzi banjye baba muri Canada) na bamwe mu bayobozi bakuru b’i gihugu mbere gato ya Rwanda Day. Ntibanze cyane kuri ibyo biganiro kuko nabikozeho ikiganiro kuri radio Itahuka ariko navuga ko muri macye aribyo mbarutso. Ikibanzweho cyane muri ibyo biganiro ni ukubaka pont, na climat de confiance hagati y’abatavuga rumwe n’ubutegetsi hamwe na leta ya Kigali.

Leta ya Kigali kuba yaradusabaga kuza gusura u Rwanda tukirebera n’amaso yacu aho u Rwanda rugeze noneho tukajya turuvuga tuvuga ibyo twahagazeho byabanje kudutera ubwoba kubera kutizera umutekano wacu bitewe na position yacu twagiye dufata mu guhangana n’ubutegetsi bwa Kigali. Ariko abayobozi batwijeje umutekano batubwira ko niba ibyo tuvuga byo kubaka climat de confiance no kubaka pont bitagerwaho tutari capable yo gukandagira mu gihugu. Nibwo twafashe inzira turagenda I Kigali turahasura mu mugi I Kigali ndetse njye narakomeje ngera no mu cyaro nganira n’abaturage ku buryo navuyeyo mfite isura nyayo yuko u Rwanda ruhagaze muri iyi minsi.

  1. Iterambere                                           

Mu Rwanda iyo uhageze ucyururuka ku kibuga cy’indege icyo ubona cya mbere ni isuku iranga umujyi wa Kigali ndetse n’imihanda ikoze neza ifite naho abanyamaguru bagendera. Ubu mu mujyi wa Kigali hose hari za feu de circulation ndetse na za parc vert. Icyo nabonye gishya ni imihanda ya racourci yagiye yubakwa hirya no hino ku buryo utagombera gufata za nzira principal ngo ugere za Gikondo, Kicukiro, Nyamirambo, Gisozi, etc.

Ikindi umugi wa Kigali urakura ugana mu cyaro ufashe axe Kigali ugana i Kibungo umugi urakura ugana i Rwamagana, za Kabuga, Kanombe, kuri 15 hose amasambu yarafashwe bari kubaka imitamenwa. Ufashe axe ya Bugesera umuhanda uragenda urimo kaburimbo kugera i Bujumbura. Inzira igana i Nyamata yose hari amazu niho umugi naho ukura usatira. Ufashe axe ya Gitarama umugi urakura ujya ku Ruyenzi. Ba baturage basenyewe mu Kiyovu cy’abakene ubu bimukiye ku Ruyenzi bubatseyo za villa umugi barawufashe. Uzamutse za Ruhengeri ugera za Nyirangarama ubona amazu meza .

Mu migi yindi nabonye umugi utera imbere kandi wihuta ari umugi wa Ruhengeri. Ku buryo nibaza ko ubu ariwo mugi wa kabiri nyuma ya Kigali. Indi migi yateye imbere ni Gitarama, Nyanza, Gisenyi, Rwamagana, ndetse na za Kibuye hariyo ama hotel meza cyane n’ibikorwa bya kijyambere. Umugi nabonye udatera imbere ni umugi wa Butare usanga warasigaye inyuma cyane. Nabonye hotel Ibis ariyo bakozemo etage ya 3 niveaux naho za Faucon zo zirenda guhirima. Ikindi nabonye ni stade Huye iri hafi kuzura. Nanasuye Kaminuza y’i Butare uretse za building ebyiri nshya ziri hafi yaho binjirira nta kindi gishya gihari.

Ku byerekeranye na za infrastructure imihanda imeze neza uva i Kigali ukagera mu mijyi ugenda ku mihanda myiza, amashanyarazi arimo gukwizwa hose mu gihugu ndetse no mu byaro. Masenge wan jye niwe wambwiye ko iwabo mu cyaro za Gitarama hafi ku Rucunshu i Rukaza bacana umuriro ndatangara. Amazi nayo ari gukwirakwizwa hose mu Rwanda. Ariko haracyari ikibazo cy’uko umuriro udahagije hamwe na hamwe ugira utya ukabura. Hari abavuga ko ari imikorere mibi ya Ewsa yahoze ari Electrogaz kera.

Ikindi kibazo gihari ni abanyeshuri barangiza za Kaminuza ntibahite babona akazi. Kera leta niyo yari employeur principal ariko ubu siko bikimeze. Abo banyeshuri basabwa kwihangira imirimo. Kwihangira imirimo bibasaba gushaka inguzanyo muri banque. Kubona inguzanyo muri banque bisaba gutanga ingwate byibuze ya 30% yayo waka. Ibi byababereye insobe. Ariko leta yarabagobotse ubwo yashyizeho ikigega kizajya kibatangira ingwate. Igisigaye ni uko abo banyeshuri bamenya kugana icyo kigega.

Mu buvuzi nabwo hari za mutuel ku baturage barenga 95% ku buryo kwivuza bisigaye byoroshye. Ahubwo ikibazo cyavutse ni abturanyi nk’abarundi n’abacongomani basigaye baza mu Rwanda pour profiter le système de santé.

Guhahirana n’amasoko mpuzamahanga leta y’u Rwanda, Uganda na Kenya bafunguye imipaka u buryo ufite identité y’imwe muri ibyo bihugu ushobora uzenguruka muri ibyo bihugu ukoresheje identité yawe. No ku kibuga cy’indege izo identité ni automatisé ugacishamo imiryango igakinguka ugahita udategereje ku murongo.

Mu buzima busanzwe ubuzima burahenda i Kigali ariko abantu bariruka bari occupé mu gushaka amaramuko. Gushaka umuntu ngo uzamubone ntibyoroshye bari occupé cyane barakora bashakisha ifaranga. Kandi urebye n’ibikorwa by’amajyambere mu migi no mu byaro usanga bitanga umusaruro. Ubu abo mu cyaro nibo bari gutera imbere kubera gukora twa cooperative tubateza imbere. Mu minsi iri imbere barasiga abanyamugi.

  1. Demokarasi

Mu Rwanda umuntu ashatse kugereranya demokarasi nkuko tuyizi muri bino bihugu by’abazungu tubamo wavuga ko nta demokarasi ihari. Ariko iyo ugezemo imbere mu manama nka yayindi y’umushyikirano utangazwa n’ubwisanzure burimo ku buryo abayobozi baba badagadwa kubera ibibazo by’abaturage babaza en direct ku murongo wa telephone, kuri za message texte SMS. Umuturage abaza ikibazo nta kwishisha nuko umuyobozi urebwa n’icyo kibazo agahaguruka akisobanura kuva kuri premier ministre kugera kuwo muyobozi wo hasi.

Ikindi nashoboye kubona mu mitegekere yo mu Rwanda ni uko hari ikintu cyo kurwanya ikintu cyose cyagarura genocide mu Rwanda. Aha niyo mpamvu amashyaka akorera hamwe na FPR usanga icyo kintu bacyumvikanaho ko gahunda bakora zose zitagomba kugarura amacakubiri asubiza u Rwanda mu ntambara z’amoko ndetse bikaba byaganisha no kuri genocide. Rero amashyaka atarumva iyi concept akorera inyuma y’iyo cercle niyo usanga agonga urukuta.

Mu Rwanda habayemo amahano akomeye nka genocide njye nasanze hakiri ibikomere haba mu baturage ndetse no mubayobozi ku buryo no muri gahunda za buri munsi no muri decision zose bose berekeza kuri iyo concept yo guharanira ko ibyo bakora byose bitazaganisha ukundi ku yindi genocide. Ibi nanjye nabyumvise nyuma y’ibiganiro binyuranye n’abayobozi.

Bivuze ko dialogue ari ingenzi kuko imyumvire yabo muri opposition hamwe n’imyumvire y’abari mu buyobozi hari un fossé ishingie ku myumvire. Mu Rwanda bo bifuza ko amashyaka yakorera débat hamwe bagacoca ibitagenda nuko bagafata concessus nuko abanyapolitiki bashaka bagaterana amakofi ariko abaturage batinjijwe muri izo ntambara bigasubiza u Rwanda mu rwobo rwa genocide.

Muri opposition yo hanze no mu gihugu bo bumva demokarasi nko kugira uburenganzira bwo kwishyira ukizana, kuvuga icyo utekereza cyose nta nkomyi no gukoresha meeting mu baturage uko ushatse. Ariko aho batarumva ni uko ibyo bikorwa bigomba kwinjira muri gahunda yo gukumira icyagarura genocide cyose. Ese aba opposition iyi concept barayizi ? Urumva ko izi concept zombi zidahura, bamwe bati ibyo byadusubiza mu bibazo bya genocide kwongera guhanganisha abaturage amashyaka abacamo ibice kandi inyungu ari iz’abanyapolitiki gusa. Birumvikana ko bisaba dialogue ngo abanyarwanda duhuze imyumvire ku miyoborere y’igihugu cyacu kandi tutirengangije amahano yakibayemo nka genocide yakorewe abatutsi muri 94 ndetse n’andi mateka yaranze u Rwanda mbere.

  1. Opposition nyarwanda ihagaze ite ?

Iyo urebye amashyaka akorera hanze y’igihugu ndetse no hagati mu gihugu usanga ayo mashyaka adakomeye na busa ku buryo yazana changement ikomeye mu gihugu nkuko bakomeza kubyizeza impunzi z’abanyarwanda ziba hanze y’igihugu ndetse n’abanyarwanda bo mu gihugu imbere. Dore bimwe mu byerekana ko ayo mashyaka ahuzagurika :

Icya mbere ayo mashyaka avuka na champignons uko bwije uko bukeye ubu akaba abarirwa kuri 21 byerekana ko abashinga amashyaka baba bashaka kugaragara gusa aho kuzana ibitekerezo bishya.

Icya kabiri abakuru bayo mashyaka birirwa baterana cyangwa bajombana ibikwasi hagati yabo. Ibi byerekana ko bitwa abanyapolitiki ku izina ariko batanazi n’umukino bakina uko witwa
Icya gatatu nta bayoboke bagira. Usanga ishyaka rigizwe na ba membres ba comité nyobozi gusa. Mu mashyaka 21 yose ariho harimo nka 19 adafite abayoboke barenze 10.

Icya kane ni uko abayobozi bayo mashyaka 21 badashobora kwicarana mu cyumba kimwe ngo baganire. Kandi iyo buri shyaka risohoye communiqué ugasanga bose baravuga bimwe. Ariko bakwicarana umuriro ukaka.Icya gatanu kuba amategeko mu Rwanda asaba amashyaka gukorera imbere mu gihugu bituma amashyaka yose akorera hanze y’igihugu ahinduka illégal imbere y’amategeko agenga igihugu cy’u Rwanda.

Iyo urebye izi ngingo eshanu zonyine utiriwe ushaka n’izindi bikwereka ko opposition nyarwanda igifite inzira ndende kugirango ibe yakwitwa bya nyabyo une alternative crédible au pouvoir en place.

4. Umuti ni uwuhe ?

Umuti ni uko abanyarwanda baba ab’impunzi ziba mu mahanga ndetse baba n’ababa mu gihugu bagomba guhagarika gushyira ikizere cyabo ku cyitwa amashyaka ya opposition kuko ikitwa opposition ari balinga(bitavuze ko ayo mashyaka agomba kuvaho – nibaza ko uyu mwaka urangira abaye 40). Ahubwo ikigomba gukorwa ni uko abantu ku giti cyabo batangira gukora ikimeze nka Groupe de réflexion itekereza ukuntu yakorana na let aya Kigali nuko bakarebera hamwe uko hakwigwa ubutegetsi bubereye u Rwanda kandi bukurikije amateka igihugu cyanyuzemo navuga nko ku ngoma ya cyami, ingoma y’abakoloni, imyivumbagatanyo yo muri 59, ingoma ya Kayibanda, coup d’état ya 73, ingoma ya Habyalimana, génocide yakorewe abatutsi muri 94, ingoma ya Kagame,etc

Abantu ku giti cyabo batitwikiriye amashyaka nibo bagomba kwemera dialogue hakubakwa pont ihuza abatavuga rumwe, bagasura u Rwanda bakareba uko ruhagaze ubu, bakareba ibigenda neza ndetse n’ibitagenda nabyo bakabireba nuko bakumvikana na leta ya Kigali bagashyiraho cadre y’ibiganiro. Ibyo biganiro nibyo bizubaka transition nziza izatugeza ku Rwanda rwiza abanyarwanda bose abahutu, abatutsi ndetse n’abatwa bibonamo. Iyo dialogue hagati y’iyo groupe de reflexion y’abantu ku giti cyabo na leta ya Kigali niyo yatuma haza ukwizerana ndetse abantu bakaganira uko igihugu gikwiriye kuyoborwa duhereye ku mateka yaranze u Rwanda. Burya ikosa dukora mbere na mbere ni uko dushaka guhurutura iby’abazungu bakoze ngo dukore copiecollé ku Rwanda kandi tudahuje amateka.

Iyo groupe de reflexion rero yaratangiye ariko haracyakenewe inkunga y’abandi bantu ku giti cyabo batitwikiriye amashyaka baza gufasha mu gutekereza kurebana na leta ya Kigali aho u Rwanda rwakwerekeza ndetse n’uburyo cyangwa cadre politiki yakorerwamo hatagombye abagomba kubigwamo cyangwa kubifungirwa. Burya iyo abantu bashaka kugera ku kintu kimwe (imibereho myiza y’abanyarwanda) ariko ntibumvikane ku nzira yo kubigeraho burya baba bagomba kwicara hasi bagakemura icyo bakumvikana kuri principes de bases no kuri concepts zimwe na zimwe za ngombwa mbese bakumvikana kuri règles du jeu.

Twabigereranya nk’amakipe aza jya gukina muri Mundial nuko buri kipe muri 32 igomba kuza ikaza ifite amategeko yayo yo mu gihugu cyayo. Byahinduka akavuyo hatabayeho amategeko rusange areba ayo makipe yose ku buryo buri kipe ikina izi neza ko na bagenzi bayo bumva kimwe les règles du jeu. Ni kimwe na politiki yo mu Rwanda rero uyu munsi ari opposition ari na leta ya Kigali ntabwo bumva kimwe les règles du jeu. Niyo mpamvu aho gusimbukira mu kibuga abantu babanza kumvikana ku bintu bimwe na bimwe bikaba clair pour tout le monde. Ngako aka kazi k’iyo groupe de reflexion yakorana na leta ya Kigali mu kubaka les règles du jeu zizaba nka fondation u Rwanda ruzubakiraho imyaka magana n’amagana.

À suivre

ALAIN PATRICK NDENGERA alias TITO KAYIJAMAHE

 

Mu Rwanda haranuka umwuka w’ubushyamirane

general-karenzi-karake1

 Hari uwigeze kuvuga ko Paul Kagame afata aba generali be nk’abakozi bo mu gikoni: uyu yafungishijwe ijisho ngo kuko yavuganye na mugenzi we.

Nyuma y’uko Koloneli Karegeya Patrick yiciwe muri Africa y’epfo, ama telephone ye yatwawe n’abishi bikaba bikemangwa ko yahise agezwa i Kigali. Hahise hakorwa igenzura rikomeye kandi ryakozwe na Jack Nziza ubwe mu maso ya Perezida Kagame, ibyavuye muri iryo genzura rikaba ryateje umwuka mubi n’ubwoba mu basirikare. Ikintu kibabaje ariko ni uko umusirikare wese atinya kubiganiraho na mugenzi we kuko ubu nta wizeye undi , cyakora ubwoba burabarya bakagera hirya bakihugikana umusivile bati byashobotse nitutareba neza haraba Rucunshu ya kabiri.

Igenzura ry’amatelephone n’ama site ya interneti Karegeya yakoreshaga ryerekanye abasirikare bo mu rwego rwo hejuru bakoranaga na Karegeya rwihishwa uza ku murongo wa mbere akaba ari General Karenzi Karake ubu wahise afungishwa ijisho. Undi ngo wavuganye na Karegeya ni General Kabarebe cyakora we ntiyafunzwe ngo kuko ibyo yavuganye na Karegeya yabibwiye Afande Kagame.

Birahwihwiswa ko Karegeya mu gutoroka gereza mu mwaka wa 2006 yabifashijwemo na bamwe mu basirikare bakuru barimo na Kabarebe. Ikindi mbere y’uko General Bosco Kazura agirirwa icyizere cyo kuyobora ingabo z’Afurika zishinzwe umutekano muri Mali, na we yamaze igihe kitari gitoya mu gihome azira ko yaje muri Africa y’epfo ngo akaba yaragiranye ibiganiro na Karegeya hamwe na bagenzi be.

Cyakora mu rwego rwo kujijisha abasirikare ngo batisuganya bakagira uko bakwirinda kuzapfa urwa Karegeya, ubu mu Rwanda hatangiye icyunamo kidasanzwe ubundi cyari kimenyerewe muri Mata none ubu kikaba gitangiye muri Mutarama.

Nk’uko Padiri Nahimana Thomas abivuga mu busesenguzi bwe, iki cyunamo kirasa n’indaki Kagame acukuye kugira ngo abashe kwikingamo maze akore ibyo ashaka nta we ugira icyo amubwira. Africa y’epfo niramuka itinyutse kumubaza uburyo yishe Karegeya, arahita ayirega ko ipfobya genocide. Nyamara rero iyi ndirimbo hari abasanga imaze kuva kuri mode. Ikindi ubu abantu barimo kwibaza iyo icyunamo gihujwe na Ndi Umunyarwanda icyo bibyara!

Ubwanditsi.