Monthly Archives: January 2015

Imyigaragambyo y’impuruza yabereye i Edinburgh mu Bwongereza yagenze neza

edinburgh1

Nk’uko byari byateguwe kandi bigatangazwa n’amashyaka ya opozisiyo y’u Rwanda, kuri uyu wa kane tariki ya 29 Mutarama 2015 imyigaragambyo y’impuruza yabereye ahantu hatandukanye ku isi yose yakorewe na hano i Edinburgh.

Iyo myigaragambyo igamije kwamagana icyemezo cya LONI cyo kurasa impunzi zicyihishe mu mashyamba ya Repubulika Iharanira Demokarasi ya Kongo no kuzishyira Kagame zimeze nk’iziboheye amaboko inyuma.  Iyo myigaragambyo igamije kandi gusaba Umuryango mpuzamahanga gufasha Abanyarwanda mu kuzana impinduka nziza mu Rwanda, hakurwaho ubutegetsi bw’igitugu bwa Paul kagame n’Agatsiko ke, ubutegetsi bwubakiye ku iterabwoba, ikinyoma n’ukwikubira ibyiza byose by’igihugu. Ubwo butegetsi bw’igitugu nibwo NYIRABAYAZANA ituma Abanyarwanda benshi bakomeza guhunga igihugu cyabo. Mu by’ukuri nta mpunzi yishimiye kuba ishyanga ariko igitugu n’ubwicanyi bya FPR, nibyo bibuza Impunzi gutahuka.

Tutitaye ku rubura n’imvura byagwaga twahagurutse ku isaha ya saa sita mu mujyi wa Glasgow twerekeza i Edingburgh kuri ambasade ya Leta zunze ubumwe z’Amerika. Tuhageze twakomeje kuririmba indirimbo zitandukanye dusaba ko umuryango w’abibumbye wareka gukomeza kuba igikoresha cya Paul Kagame uhora ashaka kumara impunzi kugeza n’aho zamuhungiye. Mu byapa twari twitwaje hari handtse amagambo nka: “Rwanda refugees want peace, UN wants War”  aribyo kuvuga ngo impunzi z’abanyarwanda zirashaka amahoro ariko LONI igashaka intambara.

Byaje kugera aho n’abatubonaga baza kutubaza icyo twigaragambiriza maze tubabwira ko impunzi zirimo kwicwa n’umuryango w’abibumbye kandi ari wo wagakwiye kuzirinda. Nabo bageze aho baza kudufasha.

Ndashimira abantu bose bitabiriye iki gikorwa kandi nsaba ko byaba intangiriro tukazaruhuka ari uko ikibazo cy’impunzi cyumvikanye neza aho kuraswa ahubwo ubutegetsi bwa Kagame bugatanga espace politique kugira ngo impunzi zibashe gutaha mu mahoro zitange umusanzu wazo mu buyobozi bw’igihugu binyujijwe muri Demokarasi, kandi zitikanga kwicwa, cyangwa se ngo zijugunywe muri Rweru, ngo zitikirwe muri Nyungwe  se, cyangwa ngo zifungirwe ubusa.

unnamed

Bamwe mu bari bayoboye imyigaragambyo bamaze kuvugana n’umukozi wa Ambasade y’Amerika.

Umwe mu bitabiriye imyigaragambyo

Glasgow, UK.

IMYIGARAGAMBYO Y’ IMPURUZA YABEREYE PLACE DE LA BASTILLE YAGENZE NEZA.

SONY DSC

Abayobozi b’Amashyaka yateguye iyi myigaragambyo

Imyigaragambyo y’Impuruza yari iteganyijwe kubera i Paris kuri Place de la Bastille yabaye kuri uyu wa kane taliki ya 29/1/2015 kandi yagenze neza. N’ubwo hari imvura nyinshi n’ubukonje, abanyarwanda batari bake bashoboye kwigomwa barayitabira . Icyari kigamijwe ni ukuvuganira impuzi z’Abanyarwanda zisaga ibihumbi 245 zibarizwa  muri Repubulika Iharanira Demokarasi ya Kongo zishobora kugabwaho ibitero n’ingabo za Kongo zifatanyije n’iz’umuryango w’Abibumbye , ngo hagamijwe gusenya umutwe wa FDLR.

Muri iyo myigaragambyo hatanzwe ubutumwa bunyuranye hakoreshejwe itangazamakuru nka radiyo  BBC, VOA, Ijwi rya rubanda n’Inyabutatu. Hatanzwe ubuhamya ku buzima n’akaga abanyuze inzira ndende yo  mu mashyamba ya Kongo bahuye nako . Hatanzwe n’ubuhamya ku mikorere mibisha y’ubutegetsi bw’igitugu bwa FPR ari nayo ituma impunzi z’Abanyarwanda zidatinyuka gutahuka ahubwo abaturage benshi bakaba bakomeza guhunga igihugu kugeza n’uyu munsi.

Imyigaragambyo yajyanye kandi no kugeza ubutumwa bwanditse(Memorandum) ku bategetsi b’ibihugu nka Amerika, Ubufaransa, Repubulika iharanira Demokarasi ya Kongo, Ibihugu bya SADC ndetse n’u Rwanda.

Nyuma y’imyigaragambyo twabwiwe inkuru mbi y’uko ibyo bitero twamagana bishobora kuba byatangiye. Gusa icyo ntigikwiye kuduca intege.

Niyo mpamvu dusaba Abanyarwanda aho bari hose ko bakomeza kuba “MOBILISES”, ntibahweme gutera ijwi hejuru basaba ko iyo gahunda yo kurasa impunzi yakurwaho. Ariko tuzi neza ko icyakemura bidasubirwaho ikibazo cy’impunzi z’Abanyarwanda ari uko zahabwa inzira yo gusubira iwabo habanje gukurwaho icyatumye bahunga kuko ari nacyo kibahejeje ishyanga. Nta munyarwanda uri mu mashyamba kubera ko abikunze cyangwa bimunyuze. Twese tuzi ko dufite iwacu, ni ukuvuga mu RWANDA. Ni ubutegetsi bw’igitugu bwa Paul Kagame n’Agatsiko ke bukwiye guhindurwa binyuze mu nzira y’ibiganiro n’amatora byakwanga hakitabazwa Revolisiyo ya rubanda.

Turashishikariza Abanyarwanda ko bakwitabira ari benshi n’imyigaragambyo izabera i Bruxelles , kuwa gatatu w’icyumweru gitaha, taliki ya 4/2/2015. N’ahandi hose mu bihugu birimo abanyarwanda mushobora gutegura imyigaragambyo nk’iyi mukayimenyesha abandi kugira ngo ababishoboye bazayitabire.

Dukomeze tuvuganire abavandimwe bacu bari mu kaga.

Nidufatanya TUZATSINDA.

Padiri Thomas Nahimana

Ishema Party.

Welcoming the Start of Military Operations Against the FDLR

usdos-logo-seal

Press Statement

Jen Psaki
Department Spokesperson
Washington, DC
January 29, 2015

The United States welcomes the announcement by the Government of the Democratic Republic of the Congo (DRC) of the start of military operations against the Democratic Forces for the Liberation of Rwanda (FDLR), an armed group that has inflicted immeasurable suffering on the civilian population of eastern DRC and Rwanda for over 20 years. The UN Security Council has mandated the UN Organization Stabilization Mission in the DRC (MONUSCO) to protect civilians and, in support of the DRC authorities, to neutralize armed groups including the FDLR. Last July, the International Conference on the Great Lakes Region (ICGLR) and the Southern African Development Community (SADC) gave the FDLR, including its leadership, a clear deadline of January 2, 2015 to surrender fully and unconditionally or face military consequences. However, the FDLR failed to deliver on its promise to surrender and instead used this period to continue to commit human rights abuses, recruit new combatants, and pursue its illegitimate political agenda.

In October, the ICGLR and SADC heads of state reaffirmed that military action should take place in the absence of a full surrender of the FDLR, and on January 8, the UN Security Council reiterated the need to neutralize the FDLR through immediate military operations.

The United States fully supports DRC military operations with MONUSCO against those members of the FDLR who have failed to surrender. We encourage the DRC and MONUSCO to continue their coordination and joint planning and to take immediate steps to end the threat from the FDLR.

We stress the importance of these military operations being conducted in a way that protects and minimizes the impact on civilians, in accordance with international law, including international humanitarian law, and in line with the UN’s human rights due diligence policy. The neutralization of the FDLR will contribute to long-term peace and stability for the people of the Great Lakes region.

Source:US Department of State

28 MUTARAMA :« Demokarasi ni ukudatinya amatora »!

Abbé_Thomas_Nahimana,

Padiri Nahimana Thomas, umuyobozi w’ishyaka ISHEMA ry’u Rwanda

« Demokarasi ni ukudatinya amatora »

Banyarwandakazi, Banyarwanda, baturanyi b’u Rwanda,

  1. Taliki ya 28 Mutarama 1961, ntiteze kwibagirana mu mateka y’u Rwanda. Uwo munsi, Nyiricyubahiro Gregoire Kayibanda, Dominiko Mbunyumutwa n’abandi barwanashyaka b’imena bakoze igikorwa cyahinduye bidasubirwaho amateka y’u Rwanda.
  1. Bahamagaje abayobozi bose b’amakomini bari baherutse gutorwa na rubanda muri Kamena 1960,  bahurira i Gitarama (Place du marché public). Bari bafite igitekerezo cyo gukoraIGIKORWAkitazibagirana . Kandi babigezeho. Taliki ya 28 Mutarama 1961, hafashwe ibyemezo bitandatu byahise bishyirwa mu bikorwa bihindura burundu icyerekezo cy’amateka y’igihugu. Ibyo byemezo ni ibi bikurikira :

(1)Gusezerera ingoma ya cyami

(2)Gutangaza Repubulika

(3)Guca Karinga n’izayo zose

(4) Gushyiraho  ibendera rya Repubulika y’u Rwanda

(5)Kugena Itegekonshinga rya Repubulika

(6)Gushyiraho inzego z’ubuyobozi bwa Repubulika: Perezidansi,Guverinoma, Intekonshingamategeko, n’ubutegetsi bw’ubucamanza

  1. Ibi byose bimaze gukorwa LONI ntiyashoboye kubisambura nk’uko yabisabwaga n’Umwami n’abiru be, bityo bigaragara ko nta bushobozi ifite bwo gusubiza inyuma amateka y’u Rwanda. Nibwo abayobozi b’ishyaka LUNARI bumvise ikosa riremereye rya politiki bakoze,mu gutinya no kwihunzaamatora yo mu 1960,iryo shyaka ryabaye nk’iryiteye inkota mu mutima. N’ubu abarikundaga baracyabyicuza.
  1. Umunsi w’iya 28 Mutarama niwo watangiye rubanda rya banga rya politiki rihatse ayandi rikaba n’umutima wa demokarasi , ko“Ubutegetsi bwose buri mu maboko ya rubanda”.
  1. Repubulika ya kabiri yakoze ikosa rikomeye ryo guhigika uguhimbazwa kw’italiki ya 28 Mutarama, nk’isabukuru ngarukamwaka ya Demokarasi na Repubulika. Kugeza n’ubu uwo munsi mukuru waribagiranye kandi nyamara aribwo wari ukenewe cyane kugira ngo ukomeze wigishe Abanyarwanda icyo Demokarasi aricyo kandi utoze urubyiruko akamaro ko guharanira iyo ndangagaciro isumba izindi.
  1. Koko rero hari benshi bakora politiki batazi ibyo barimo, abenshi bakayikora baringiye kubona uburyo bwo gukurikirana inyungu zabo bwite, hakaba n’abayikora babitewe koko no guharanira inyungu za rubanda. Hatabayeho demokarasi ntawashobora kubatandukanya.
  1. Demokarasi niyo iha umwenegihugu uwo ari wese amahirwe yo kuba yaganira na rubanda, akayereka imigambi myiza yifitemo, rubanda ikamwemera cyangwa ikamwamagana. Ibyo ntibyakunda hatabayeho demokarasi.
  1. Nta yindi nzira ibaho tuzi yo guhosha umwiryane n’imidugararo, kuzana amahoro n’umutekano mu benegihugu  hatabayeho uburyo bwo gucyamura abantu ku giti cyabo cyangwa imiryango ishaka kwihambira ku butegetsi no guhindura abandi benegihugu abagererwa n’inkomamashyi mbese nko mu gihe cy’ingoma ya cyami na gihake, ya yindi yari yarasezerewe taliki ya 28 Mutarama 1961. Demokarasi ni yo ifasha rubanda gucyaha cyangwa gushima Abanyapolitiki b’ukuri.

Banyarwandakazi, Banyarwanda, baturanyi b’u Rwanda,

Nta matora, nta demokarasi.

  1. Isomo dukura muri ibyo byose ni uko demokarasi ubwayo itabaho hatabayeho amatora. Amatora ni wo mutima wa Demokarasi. Uburenganzira bwo gutora ntawe ukwiye kubukerensa mu gihe tuzi ko hari ababuharaniye kugeza bambuwe ubuzima.
  1. Amatora y’abayobozi b’amakomini yabaye mu 1960, niyo yabaye intangiriro nyakuri ya demokarasi mu Rwanda. Abaturage bari baratsikamiwe na gihake bisubije uburenganzira bwo kwihitiramo abayobozi bibonamo.  Abatowe icyo gihe ni nabo nyine bahuriye i Gitarama, hari  taliki ya 28 Mutarama 1961, maze bafata icyemezo cyo gusezerera cyami na karinga birajyana, bitoramo Perezida wa mbere wa Repubulika, ariwe Nyakwibukanwishema Dominiko Mbonyumutwa, na we ashyiraho Guverinoma, abasigaye biremamo intekonshingamategeko,  abandi bahabwa kuba abakuru b’ubutegetsi bw’Ubucamanza.  Repubulika iba ivutse ityo. Ibendera n’indirimbo yubahiriza igihugu bisimbura Karinga n’imirishyo yayo.

11.Kuva uwo munsi kugera n’ubungubu u Rwanda ni Repubulika, byabaye nk’ihame ridakuka. Kugeza n’ubu abayobozi b’ishyaka LUNARI ntibaribagirwa icyaha cyabo gikabije cyo guhunga amatora no gukinira hanze y’ikibuga, kandi byarashoboraga kugenda ukundi.

  1. Isomo rya kabiri twakwigira aho ni uko guhunga amatora byari icyaha gikabije ejo hashize , bikiri icyaha gikomeye n’uyu munsi, kandi bikaba bizakomeza kuba icyaha kijyana mu rupfu n’ ejo hazaza. Uhunze amatora aba yikuye mu kibuga cya politiki  , agasa n’uwahawe ikarita y’umutuku kubera amakosa ye.
  1. Nta matora yoroshye yigeze kubaho mu Rwanda, nta n’ahandi aba, nta n’igihe azabaho. Amatora ya demukarasi ni urugamba nk’izindi zose. Abiyemeza kururwana bagomba gukenyera bagakomeza.   Abishuka ko bazajya mu matora ngo mu gihe nta “nta risque “ n’imwe izaba ikiriho nta buryo batakora rya kosa twakomeje kuvuga ryo kuyahunga no kwikura mu kibuga. Bene abo bakwiye kwigira mu kiruhuko cy’izabukuru, ibihe byarahindutse !
  1. Mu mwaka w’2003, Nyakubahwa Faustin Twagiramungu yagerageje kugira uruhare mu matora y’umukuru w’igihugu, twabonye uko byagenze, icyakora ntibyabaye guta igihe. Ku bazi gushishoza nk’abanyapolitiki, icyo gikorwa cyari umunzani utanga igipimo cy’aho imyumvire ya rubanda igeze : Abaturage baratinyutse batora uko babyumva batitaye ku ngaruka byabagiraho, ubutegetsi bwa FPR buhinduka rubebe n’ igisambo cy’amajwi izuba riva!
  1. Mu mwaka w’2010, Madame Victoire Ingabire Umuhoza yasize byose ajya mu Rwanda agamije guhangana na Paul Kagame mu matora y’umukuru w’igihugu, aho ari ubu turahazi. Nyamara igikorwa cy’uwo mubyeyi nticyari ikosa nta n’ubwo cyari ukwihuta . Cyari ikizami gihawe Abanyapolitiki ba opozisiyo kandi uwatsinzwe si Victoire Ingabire!  Umugabo umwe agerwa kuri nyina ,dusanzwe tubizi. Komora inzovu ntibishobora guharirwa abategarugori abagabo bigaramiye!
  1. Iyo uteranyije 2003 ku 2010 bitanga icyerekezo CY’2017:  Rubanda irahari habuze Abalideri batinyuka, bazi kwifatanya no gukorana na rubanda, ubundi uwahekwaga akigenza ku manywa y’ihangu.

16.Mu gihe uwagennye ko ingero zombi zo mu 2003 n’2010 zizahora zimufasha guca intege abadasanganywe nyinshi, bikagamburuza ubutwari bw’abashaka impinduka, biragaragara ko  hari ibanga rimwe rishobora kuba ryaramwihishe, ni uko ibihe bihora bisimburana iteka kandi akaba nta bapfira gushira.

Hari urubyiruko rwa Nouvelle Generation rwamaze kumenya neza  ko ntawe uhabwa uburenganzira bwe ku isahani, bityo ko demokarasi itazazuka mu Rwanda hadatanzwe ibitambo bitari bike. Koko demokarasi ni ubukungu bukomeye umwana w’umuntu yakwemera no kumenera amaraso ye.

  1. Uwakwicara hasi agasuzuma neza umubare munini cyane w’abagore n’abagabo b’Abanyarwanda b’intwari, baba abari mu gihugu cyangwa abagihunze, ukabarura abicwa n’inzoga ndetse n’itabi buri munsi, ukitegereza umubare w’abazira impanuka zo mu muhanda buri cyumweru, ukongeraho uw’abanigirwa mu maguru y’indaya buri kwezi, ugateranyaho abasaga ibihumbi ijana Kagame yicira ubusa buri mwaka…….yagakwiye kwibaza ati “guharanira demokarasi mu Rwanda  byo bimaze kudutwara bangahe “?
  1. Ndahera aha nshishikariza urubyiruko gushyira mu gaciro, tukifashisha ya mibare twize mu mashuri abanza, tugateranya, tugakuramo ndetse tugakuba, tukibaza kandi tukisubiza! Demokarasi ni indangagaciro ihatse izindi mu gihugu nk’u Rwanda cyamunzwe n’ingoma y’igitugu nyuma y’akangarateke rubanda yarimo ku ngoma ya gihake. Guharanira demokarasi nta gihombo kirimo, gukomeza kuyirengagiza ni ukubura byose nk’ingata imennye, kuyitangira tukaba twayimenera n’amaraso yacu,BIRAKWIYE KANDI BIRATUNGANYE.

19.Ngiyi impamvu, mu izina ry’Abataripfana bose kimwe n’abo tureba mu cyerekezo kimwe, nongeye gutangaza kuri uyu munsi w’iya 28 Mutarama ko ku italiki nk’iyi umwaka utaha w’2016, Ishyaka ISHEMA ry’u Rwanda rizasesekara mu Rwanda,  kuko ryo ridateganya guhunga amatora yo mu 2017, mbese nk’uko Ishyaka LUNARI ryabikoze rikiyahura bidasuburwaho, dore turiho turibuka ko imyaka ishize isaga 54.

20.Nifurije umunsi mwiza abakunda Repubulika y’u Rwanda bose,

Umunsi w’ibyishimo ku bigeze gusogongera ku byiza bya demokarasi

Umunsi w’amizero ku rubyiruko rusonzeye kwandika izina mu gitabo cy’abitangiye kubaka u Rwanda ruha amahirwe angana abana barwo bose rutabavanguye.

Bikorewe i Paris, taliki ya 28 Mutarama 2015,

Padiri Thomas Nahimana

Umuyobozi w’Ishyaka Ishema ry’U Rwanda

Umukandida mu matora y’umukuru w’igihugu ateganyijwe mu 2017.

RDC: l’offensive contre les rebelles rwandais est imminente selon l’ONU

0d09b2ea7f4a2318f66d80000373eaeb5493ab75

RDC: l’offensive contre les rebelles rwandais est imminente selon l’ONU © AFP

L’ONU a jugé mercredi imminente l’offensive de l’armée congolaise contre les FDLR dans l’est de la République démocratique du Congo, attendue depuis que l’ultimatum lancé à ces rebelles hutu rwandais pour désarmer a expiré début janvier.

“Nous sommes certains que ces opérations” contre les Forces démocratiques de libération du Rwanda (FDLR) “sont imminentes et sont sur le point de commencer”, a déclaré à la presse le général Abdallah Wafy, chef adjoint de la Mission de l’ONU en RDC (Monusco).

“Mais pour des raisons de discrétion militaire, je ne peux pas vous donner d’autre précision”, a ajouté le général Wafy, qui s’exprimait lors d’une conférence de presse à Goma, capitale de la province du Nord-Kivu, dans l’est du Congo.

Présent à ses côtés, le chef de la Monusco, Martin Kobler, a indiqué que les soldats de la force onusienne fourniraient notamment à l’armée congolaise un appui aérien avec des hélicoptères d’attaque, un soutien logistique et une aide à l’évacuation médicale des soldats blessés.

Le gouvernement congolais et la communauté internationale avaient donné jusqu’au 2 janvier aux FDLR pour que ces rebelles déposent les armes et se rendent, faute de quoi ils s’exposeraient à un désarmement forcé.

Le groupe rebelle n’a pas répondu à cette injonction et l’opération annoncée se fait attendre.

Plusieurs experts et diplomates doutent de la détermination de Kinshasa à lutter contre ces rebelles, opposés au régime du président rwandais Paul Kagame. Plusieurs chefs des FDLR sont accusés d’avoir participé au génocide de 1994 contre les Tutsi au Rwanda et sont recherchés par la justice internationale et par Kigali.

En visite à Kinshasa le 19 janvier, le président angolais José Eduardo dos Santos a exhorté le chef de l’Etat congolais Joseph Kabila à donner son feu vert à l’offensive, selon des sources diplomatiques.

M. dos Santos est le président en exercice de la Conférence internationale sur la région des Grands Lacs (CIRGL), garante de l’accord-cadre d’Addis Abeba signé en février 2013 pour tenter de ramener la paix dans l’est de la RDC, déchiré par les conflits armés depuis plus de vingt ans.

La question de l’est congolais sera au menu des discussions lors du sommet de l’Union africaine prévu ce week-end à Addis Abeba.

Les membres les plus anciens des FDLR sont présents depuis 1994 en RDC, où la milice est accusée de commettre des atrocités (meurtres, viols. . . ) et des pillages contre les civils.

Lire l’article sur Jeuneafrique.com : | RDC: l’offensive contre les rebelles rwandais est imminente selon l’ONU | Jeuneafrique.com – le premier site d’information et d’actualité sur l’Afrique
Follow us: @jeune_afrique on Twitter | jeuneafrique1 on Facebook

NTA GISIBYA IMYIGARAGAMBYO Y’IMPURUZA YO KUWA 29 MUTARAMA 2015 IZABA.

place-de-la-bastille-450107-sw[1]

  1. Dushingiye ko ku itariki ya 10 Mutarama 2015 amashyaka ya opozisiyo yateraniye i Bastille h’i Paris mu Bufaransa agamije gusuzuma uko bahuriza amajwi hamwe ngo bavuganire impunzi z’abanyarwanda zibarizwa muri Repubulika iharanira Demokarasi ya Kongo zishobora kuraswa nyuma y’uko FDLR itarangije gushyira intwaro hasi ku itariki ya 2 Mutarama 2015,
  2. Tumaze kubona ko kimwe mu byemezo byafashwe n’iyo nama ari ugutegura no gukora imyigaragambyo y’impuruza igamije kwamagana icyemezo cyo kurasa impunzi zisaga ibihumbi 250 hagendewe ku rwitwazo rw’uko izo mpunzi zibana n’abarwanyi ba FDLR babarirwa hagati y’igihumbi na magana atanu (1500) n’ibihumbi bibiri (2000),
  3. Twongeye kwibutsa ko iyo myigaragambyo yemewe kandi igatangirwa uruhusa na Leta y’Ubufaransa izaba tariki ya 29 Mutarama 2015 ikabera ahitwa Place de La Bastille mu mujyi wa Paris,
  4. Tugendeye ku nyandiko zikomeje gukwirakwizwa hirya no hino ku mbuga nkoranyambaga zanditswe n’abantu batewe ipfunwe n’ubwoba bwabahejeje mu myobo bakaba badashobora kwigaragaza ngo bavuganire impunzi z’abanyarwanda nyamara abo ari na bo ba babandi bahoraga basakuza ngo ni inshuti magara za FDLR banigira abavugizi b’impunzi z’abahutu muri rusange, igitangaje kikaba ari uko izo nyandiko zigamije mu by’ukuri guca abantu intege no kubabuza kwitabira imyigaragambyo y’impuruza igamije kurengera izo mpunzi,

Turatangariza Abanyarwanda bose ibi bikurikira :

  1. Imyigaragambyo y’impuruza nta kizayibuza kuba nk’uko byateganyijwe. Izabera aha hakurikira no ku masaha akurikira :
  • Place de La Bastille Paris, France saa munani zuzuye (14h00)
  • Mu Bwongereza saa munani zuzuye (14h00)
  • Lilongwe, Malawi, saa munani zuzuye (14 h00 )
  • Maputo, Mozambique, saa munani zuzuye (14h00)
  • Oslo, Norway, saa sita n’igice (12h30)
  • Kampala, Uganda saa munani zuzuye (14h00)
  • Canberra, Australia saa munani zuzuye (14h00)
  1. Abategura ikinamico bakanirishyira mu bikorwa ni abigaragaraza nk’abakunzi b’impunzi nyamara igihe cy’ ukuraswa kwazo cyagera bagahenengera mu myobo ari nako bashaka gusenya ibyo abandi batangiye kandi bishimwa n’Abanyarwanda bose bashyira mu gaciro.
  2. Twongeye kwibutsa ko umuco mwiza uranga abantu bashyira mu gaciro ugena ko mu bihe by’amage n’imidugararo abenegihugu bagerageza gushyira ku ruhande  ibyo bari basanzwe bapfa bakishyira hamwe ngo babanze bahangane n’icyorezo kibangamiye rubanda.
  3. Twamaganye abashaka gushoza impaka zidafite ishingiro bakina ku mubyimba impunzi zibabariye zibunza imitima zibaza niba buri bucye cyangwa buri bwire. Bene abo turabasaba kuba baretse iby’imiteto no guterana amagambo, nibatuze bazabigarure nyuma niba ari ngombwa twiteguye kubijyaho impaka zubaka.

Banyarwandakazi Banyarwanda mubabajwe n’akaga impunzi z’abanyarwanda ziri muri Kongo zirimo ntimucibwe intege n’inyangabirama zivuga ngo ‘Nirugurumane haguma amagara’ muzitabire imyigaragambyo y’impuruza muri benshi. Nimwime amatwi abo babaca intege, bo bibereye mu bususuruke bw’Amerika n’u Burayi kandi ikibashishikaje ni inyungu zabo bwite niyo mpamvu umusonga w’impunzi utababuza gukomeza kwikinira n’ubugambo.

Bikorewe i Paris kuwa 27 Mutarama 2015

  1. Akishuli Abdallah
  2. Immaculée Kansiime Uwizeye
  3. Augustin Karengera
  4. Boniface Hitimana
  5. Yohani Damaseni Ntaganzwa
  6. Dr Murayi Paulin
  7. Claudette Mukamutesi
  8. Padiri Thomas Nahimana
  9. Chaste Gahunde

Rwanda refuses to pay its dues and loses its UN General Assembly voting right!

60th plenary meeting of the General Assembly 66th session:

Jan. 26, 2014 – Rwanda and Yemen are among eight countries to have their General Assembly voting rights suspended over non-payment of dues.

These countries have fallen foul of Article 19 of the UN Charter, which states that countries will lose their UNGA vote if their “arrears equals or exceeds the amount of the contributions due from it for the preceding two full years.”

Rwanda completed a two-year stint on the Security Council on Dec. 31, 2014. It is the fifth biggest troop contributor to UN peacekeeping operations.

Minimum payments of $69,948 from Yemen and $7,636 from Rwanda are required to get their voting privileges back, according to a letter from Ban Ki-moon to the president of the General Assembly. Liberia is also listed in Ban’s letter but he has sinceinformed the GA that Monrovia has made the necessary payment.

Macedonia is also among the countries currently without a General Assembly vote. It will have to make a minimum payment of $24,606.

In total, 12 countries are not in compliance with Article 19, but four of those, including Guinea-Bissau and Somalia, can still vote as the GA decided that inability to pay is beyond their control.

The eight countries currently without a vote in the General Assembly:

1. Yemen
2. Grenada
3. Kyrgyzstan
4. Marshall Islands
5. Rwanda
6. The former Yugoslav Republic of Macedonia
7. Tonga
8. Vanuatu

Rwanda has been assessed dues of $54, 271 for 2015 while Yemen’s dues are $271,357 for the year.

Source:UNTRIBUNE

Imyigaragambyo y’impuruza yo kuwa 29 Mutarama 2015: Twese biratureba

place

Place de la Bastille

Uyu mwaka wa 2015 twawutangiranye impungenge nyinshi ziturutse ku banyarwanda b’impunzi baba mu gihugu cya Repubulika iharanira Demokarasi ya Congo bashobora kuraswa n’ingabo z’umuryango w’abibumbye. Icyo izo mpunzi zizira  ngo ni ukuba FDLR itarashoboye kurangiriza igihe igikorwa yiyemeje cyo gushyira intwaro hasi, igikorwa kitagombaga kurenza tariki ya 2 Mutarama 2015. Ntawe utabona ko iri raswa ry’impunzi ryagira ingaruka mbi ku baturage b’akarere k’uburasirazuba bwa Kongo ariko cyane cyane impunzi z’Abanyarwanda ubu zibarirwa mu bihumbi 245. By’umwihariko ariko, abenshi nanjye ndimo basanga gukemura ikibazo cy’umutekano muke kirangwa mu karere bidakwiye gukorwa hashozwa izindi intambara zimena amaraso kuko ayamenetse kugeza ubu ahagije.

Ni muri urwo rwego ku itariki ya 10 Mutarama 2015, bamwe mu banyamashyaka atavuga rumwe na Leta y’u Rwanda bagaragagaje ko bahangayikishijwe n’iki kibazo bahuriye i Bastille h’ i Paris mu Bufaransa maze barebera hamwe icyakorwa ngo izi mpunzi zivuganirwe. Kimwe mu byo biyemeje harimo gutegura no gukora imyigaragambyo y’impuruza (SOS Manif/ SOS Protest)  yo gutabariza abari mu kaga. Muri iyi nyandiko ndagira ngo twongere turebere hamwe impamvu nta muntu n’umwe yaba umunyapolitiki cyangwa se impunzi isanzwe udakwiye kwitabira imyigaragambyo y’impuruza izaba kuwa kane tariki ya 29 Mutarama 2015.

  1. Igitekerezo cy’inama

Hakimara gutangazwa ko ibitero kuri FDLR aricyo kigezweho ariko hagatumizwa inama ya SADC na ICGLR ngo irebere hamwe uko ibyo bitero byatangira, byagaragaye ko hashobora kuboneka idirishya ry’icyizere. Ni muri urwo rwego bamwe mu banyapolitiki bafashe icyemezo cyo guhura ngo babyigire hamwe.  Mu butumire bw’inama bwagejejwe ku mashyaka 26 yose harimo 23 akorera mu mahanga hamwe n’andi atatu akorera mu Rwanda, hari igitekerezo nifuza ko buri wese yakwibuka. Kigira kiti:

‘umuco mwiza uranga abantu bashyira mu gaciro ugena ko mu bihe by’amage n’imidugararo abenegihugu bagerageza gushyira ku ruhande  ibyo bari basanzwe bapfa bakishyira hamwe ngo babanze bahangane n’icyorezo kibangamiye rubanda’. Nyuma bitunguranye iyo nama ya SADC na ICGLR yaje kuvanwaho.

  1. Imyanzuro ya Bastille

Inama imaze gutegurwa neza yabereye i Batille –Paris mu Bufaransa. Itangazo https://gahunde.org/2015/01/11/bastille-paris-itangazo-risoza-inama-yamashyaka-ya-opozisiyo-nyarwanda/ riyisoza naryo ryagejejwe kuri rubanda rikaba rivuga ko abanyapolitiki bahamagariwe kugaragaza ko mu gihe cy’amage bashyize imbere inyungu za rubanda aho kuba utunyungu twabo ku giti cyabo. Itangazo rivuga ko kandi Abanyapolitiki barisinye basanga ikibazo cy’impunzi zo muri Kongo kigomba gukemurirwa hamwe n’icy’abarwanyi ba FDLR kandi byombi bigahabwa ibisubizo biboneye cyane cyane hakitabwa ku guca impamvu zituma habaho imitwe yitwaza intwaro ndetse n’impamvu zitera ubuhunzi. Iri tangazo rinatumira abanyarwanda bose b’impunzi mu myigaragambyo idasanzwe yo kumvikanisha ijwi ry’impunzi no gukangurira LONI, SADC na ICGLR ko inzira zitamena amaraso arizo zahabwa agaciro mu gukemura ibibazo. Iyo myigaragambyo yiswe iy’impuruza cyangwa SOS Manif mu rurimi rw’igifaransa izaba tariki ya 29 Mutarama 2015 ikazabera mu mujyi wa Paris no mu yindi mijyi ndetse no mu makambi y’impunzi hagatangwa ubutumwa bumwe bwumvikanyweho. Ubwo butumwa buzaba busaba ibintu bibiri y’ingenzi:

  • Ko icyemezo cyo kurasa impunzi cyakurwaho bwangu ahubwo impunzi zo muri Kongo zari zaratereranywe zigahabwa ubufasha bwose zikeneye.
  • Gufasha Abanyarwanda gushyira igitutu ku butegetsi bw’igitugu bwa Paul Kagame kugira ngo akingure urubuga rwa politiki, amashyaka ya politiki akorere mu bwisanzure, Itangazamakuru ryigenga rikore, imfungwa za politiki zifungurwe nta yandi mananiza, impunzi zibone inzira yo gutaha zitikanga kugirirwa nabi.

Abantu benshi bakomeje kwitegura kuzajya muri iyi myigaragambyo cyane ko ubuhungiro bumaze kurambirana kandi koko burya  ngo nta shyo ry’ishyanga.

  1. Twese biratureba

Hari umuntu twaganiriye ambaza impamvu imyigaragambyo y’impuruza izaba ari ku munsi w’akazi kandi hari abazaba bagiye gukora. Igisubizo namuhaye ndetse nkaba ngiha n’abandi bibaza nka we gikubiyemo ibice bibiri.

Icya mbere ni uko abo twigaragambiriza, abo dushaka ko bumva ibibazo byacu nta handi twababonera uretse ku kazi. Byaba bimaze iki guhata inzira ibirenge ngo urigaragambya mu gihe abagakwiye kubona akababaro ufite bibereye muri week end cyangwa mu biruhuko?

Icya kabiri ni uko ntawe ukwiye gusiba imyigaragambyo yitwaje ko yagiye gukora. Kubera iki? Kubera ko impunzi ya politiki itandukanye n’impunzi y’ubukungu. Twe abanyarwanda b’impunzi turi impunzi za politiki ni ukuvuga ko tutavuye mu gihugu cyacu tuje gushaka akazi, twaje duhunze itotezwa rya politiki. Ni ukuvuga ko rero niba dufite akazi dukora, tugakora ngo turebe ko twaramuka ariko ntikaturutita kugira igihugu cyacu twigengamo kandi dukunda. Niba dukunda igihugu cyacu rero kwigomwa amasaha makeya y’ikigoroba tukagaragaza ko natwe dufite uburenganzira ku gihugu cyacu, ko tudakunda izina ry’impunzi, nta mpamvu tutabikora.

Iyi myigaragambyo ikwiye gufatwa nka priority. Ni ukuvuga ikintu kikurutira ibindi. Tekereza muri wowe bakubwiye ko umwana wawe agize impanuka, umubyeyi wawe apfuye, cyangwa se ku bakunda amatungo bakubwiye ko inka yawe itembye ku manga, icyo ukora ni iki ? Uhita uva mubyo wakoraga ugatabara ibisobanuro iyo bibaye ngombwa ubitanga nyuma. Abasaba impushya tuzisabe cyane cyane dusobanure ikibazo uko kimeze. Umukoresha wawe azi ko utavukiye mu gihugu wahungiyemo. Yewe n’ubwo waba ufite ubwenegihugu bakubaza aho wavukiye. Fata akanya usobanure impamvu uri impunzi unasobanure uko igihugu cyawe ugikeneye, umusobanurire ko abantu ibihumbi 245 bigiye kuraswa kubera akagambane gakorwa n’ingoma mpotozi ya FPR kandi ko nawe washoboraga kuba uri muri izo ngorwa. Nta shiti umukoresha wese ushyira mu gaciro azakumva. Nataguha uruhushya nibura bizatuma atekereza ku Rwanda burya ijambo ni nk’imvura ngo ni yo idasubira hejuru itabobeje ubutaka.

Uyu muntu wambazaga nanjye namubajije igihe aherukira gusaba konji. Ansubizanya umutima mwiza ngo yasabye agahushya kugira ngo yishimishe n’umuryango we. Kandi barakamuhaye. Nanjye namubwiye ko nta kabuza umuntu uguha agahushya ko kwishimisha si we wabura kuguha agahushya ko gutabara.

Umwanzuro :

Imyigaragambyo y’impuruza twese iratureba. Ni koko mu gihe cy’amage abantu bareka byose bakibagirwa ibyabatanyaga maze bagahanga n’icyago cyugarije rubanda. Dukwiye kuva mu miteto cyangwa se kumva ko ubwo atari twe tugiye kuraswa nta kibazo. Ruriye abandi rutakwibagiwe kandi inkoni ikubise mukeba abayirenza urugo. Ngaho rero egerana n’abo muturanye mwumvikane uko muzagera aho imyigaragambyo izabera dutabarize abari mu kaga. Abashaka n’abakunda guterana amagambo mureke wenda muzabikomeze nyuma y’iki gikorwa.

Ikitonderwa:

*Adresse y’ahazabera imyigaragambyo ni iyi :

2 bis, Place de la Bastille,

75011 Paris

*Station ya Metro ni iyitwa :BASTILLE

  • Ku bazaturuka Gare du Nord na Gare de l’Est muzafata Metro Ligne 5 (M 5), direction Place d’Italie.
  • Ku bazaturuka Gare d’Austerlitz, muzafata Metro Ligne 5, direction Bobigny/Pablo Picasso

Liste y’abatumiwe mu gikorwa cyo gutegura iyi myigaragambyo:

  1. ARRDC-Isangano, Minani Jean Marie Vianney
  2. Amahoro People Congress, Gallican Gasana
  3. Banyarwanda,Rutayisire Boniface
  4. CNR-Intwari, Habyarimana Emmanuel
  5. CNR-Intwari, Rwaka Theobald
  6. DGPR, Frank Habineza
  7. FDLR, Byiringiro Victor
  8. FDU-Inkingi,Victoire Ingabire
  9. FDU-MN-Inkubiri, Eugene Ndahayo
  10. FPP-Urukatsa, Abdallah Akishuri
  11. ISHEMA Party, Nahimana Thomas
  12. MLR, President
  13. MRP, Bonaventure Uwanyirigira
  14. ODR-Dufatanye, Ildephonse Munyeshyaka
  15. PDR-Ihumure, Paul Rusesabagina
  16. PDP-Imanzi, Deogratias Mushayidi
  17. PRM/MRP –Abasangizi, Anastase Gasana
  18. PPR-Imena, Habimana Bonaventure
  19. PS-Imberakuri, Bernard Ntaganda
  20. RDI -Rwanda Rwiza, Faustin Twagiramungu
  21. RDU- Murayi Paulin
  22. RUD-Urunana, Higiro Jean Marie Vianney
  23. Rwanda National Congress, Theogene Rudasingwa
  24. RPRK Ihuriro ry’Inyabutatu, Joseph Mutarambirwa
  25. RPP-Imvura, John Karuranga
  26. UDFR-Ihamye, Hitimana Boniface
  27. AIPAD
  28. CLIIR
  29. CPCH
  30. COVIGLA
  31. IBUKABOSE
  32. OPJDR
  33. JAMBONEWS
  34. PCN
  35. Hotel Rwanda Rusesabagina Foundation
  36. Réseau International des Femmes pour la Démocratie et la Paix 
  37. CORWABEL asbl
  38. IKONDERA INFO
  39. RIPRODHOR
  40. FEIDAR
  41. TUBEHO TWESE

United we stand, Divided we fall.

Chaste Gahunde

Ishema Party

The United States stands ready to support the DRC in democratic process

usdos-logo-seal

Press Statement

Jen Psaki
Department Spokesperson
Washington, DC
January 25, 2015

The United States welcomes the Parliament of the Democratic Republic of the Congo’s approval of electoral legislation that sets the country on course towards timely elections in line with its Constitution. We applaud the efforts of the National Assembly and the Senate to reach consensus and ensure that presidential elections happen no later than December 2016. Parliament’s action today reflects the will of the Congolese people and upholds the DRC constitution. We urge President Kabila to expeditiously sign the electoral legislation as passed by the Parliament and reaffirm that Congo’s first peaceful transition of power will take place through presidential elections in 2016‎. We also call upon the National Independent Electoral Commission (CENI) to release a global electoral calendar promptly that is in line with Parliament’s action and the Constitution.

The actions the DRC Parliament has taken today, along with President Kabila’s expected signature, represent critical, albeit initial, steps towards national elections in 2016 and what could be the DRC’s first peaceful transfer in power in its almost 55 years since independence. We encourage all Congolese stakeholders, including the government, opposition, and civil society, to use this opportunity to undertake a peaceful, transparent, and inclusive dialogue about the electoral process moving forward. The United States stands ready to support the DRC in this process.

Source:US Department of State

Imyigaragambyo y’Impuruza izabera i Paris, PLACE DE LA BASTILLE kuwa kane , le 29/1/2015.

place

Place de la Bastille, Paris

Mu guha Abanyarwanda uruhushya rwo kwigaragambya, Ubuyobozi bw’umujyi wa Paris(France) bwadusabye gutoranya ahantu twifuza gukorera imyigaragambyo yacu taliki ya 29/1/2015, guhera saa munani z’amanywa (14h).

Ntitwazuyaje, twahisemo PLACE DE LA BASTILLE, kuko ari ahantu hafite amateka yagira icyo yigisha abanyarwanda.

Place de la Bastille ni ahantu nyaburanga hibutsa Revolisiyo y’Abafaransa. Koko rero Revolisiyo y’Abafaransa yatangiye ubwo abaturage bariye karungu biyemezaga gusezerera ingoma ya cyami na gihake, bagashyiraho Repubulika.  Barahagurutse, bafata Gereza ya Bastille, yafungirwagamo cyane cyane abatavuga rumwe n’ubutegetsi, barayikingura, ndetse baranayisenya. Ni cyo gikorwa cya mbere gifatwa nk’intangiriro ya Revolisiyo y’Abafaransa. Hari kuri ya taliki Abafaransa badateze kwibagirwa, ya 14 /7/1789.

Twibutse ko La Bastille, ari naho amashyaka ya Opozisiyo nyarwanda aherutse guhurira, taliki ya 10/1/2015, akemeza ko Abanyarwanda nabo bakwiye guhaguruka bagakora Imyigaragambyo y’Impuruza. Iyo myigaragambyo igamije kwamagana icyemezo cya LONI cyo kurasa impunzi zicyihishe mu mashyamba ya Repubulika Iharanira Demokarasi ya Kongo no kuzishyira Kagame zimeze nk’iziboheye amaboko inyuma.  Iyo myigaragambyo igamije kandi gusaba Umuryango mpuzamahanga gufasha Abanyarwanda mu kuzana impinduka nziza mu Rwanda, hakurwaho ubutegetsi bw’igitugu bwa Paul kagame n’Agatsiko ke, ubutegetsi bwubakiye ku iterabwoba, ikinyoma n’ukwikubira ibyiza byose by’igihugu. Ubwo butegetsi bw’igitugu nibwo NYIRABAYAZANA ituma Abanyarwanda benshi bakomeza guhunga igihugu cyabo. Mu by’ukuri nta mpunzi yishimiye kuba ishyanga ariko igitugu n’ubwicanyi bya FPR, nibyo bibuza Impunzi gutahuka.

Mu kwigaragambiriza PLACE DE LA BASTILLE Abanyarwanda bazaba berekanye ko basezereye umuco mubi wo KWITURAMIRA, bakaba biyemeje guhaguruka kugira ngo bagire uruhare rufatika mu mpinduramitegekere igihugu cyacu gikeneye.

Nyuma y ‘imyagaragambyo hazatangwa Memorandum ikubiyemo ibyifuzo by’Abanyarwanda izashyikirizwa :

*Perezida Francois Hollande w’Ubufaransa

*Perezida Barack Obama binjujijwe kuri Ambasaderi wa Amerika uri i Paris

*Prezida Paul Kagame binyujijwe kuri Ambasaderi w’u Rwanda uri i Paris.

*Perezida Joseph Kabila binyujijwe kuri Ambasaderi  wa RDC i Paris.

Iyo Memo kandi izashyikirizwa n’abategetsi b’ibindi bihugu bifite inyungu mu karere kacu.

Muzaze muri benshi, dutangize iki gikorwa kiganisha kuri Revolisiyo ya Rubanda.

ICYITONDERWA : Uko muzahagera

*Adresse y’ahazabera imyigaragambyo ni iyi :

2 bis, Place de la Bastille,

75011 Paris

*Station ya Metro ni iyitwa :BASTILLE

  • Ku bazaturuka Gare du Nord na Gare de l’Est muzafata Metro Ligne 5 (M 5), direction Place d’Italie.
  • Ku bazaturuka Gare d’Austerlitz, muzafata Metro Ligne 5, direction Bobigny/Pablo Picasso

Mu izina rya Komite ngari itegura imyigaragambyo:

Abdallah AKISHULI,

Immaculee UWIZEYE,

Augustin KARENGERA

Boniface HITIMANA,

Jean Damascène NTAGANZWA

Dr Paulin MURAYI

Claudette MUKAMUTESI

Chaste GAHUNDE

Padiri Thomas NAHIMANA.