Monthly Archives: January 2016

« TUGIYE GUFUNGURA GEREZA ZOSE » : Iyumvire icyo Umunyamakuru Madame SAIDATI MUKAKIBIBI yaganiriye na Padiri Thomas Nahimana.

SAIDATI

Umunyamakuru SAIDATI MUKABIBI

« Nahimana Thomas ati Perezida Kagame naduha igisubizo tuzahambira utwangushye » …. »kandi nubona  twatangiye gusezera abo twabanye uzamenye ko Kagoma yiyemeje gufata ikirere »!

Perezida wa Repubulika aduhaye igisubizo cyiza kitwemerera kuganira twahita duterura utwangushye tugataha. Guhera taliki 28 Mutarama 2016 Delegation iri STANDBY.Niko Kongere ya bigennye. Bitagenze bityo, nubona twatangiye gukora Meetings zo gusezera abo twabanye mu mahanga (i Buruseli, Paris, i Londres, Oslo, Washington DC, Ottawa na Canberra ) uzamenye ko yiyemeje gufata ikirere.Rendez-vous i Kanombe.

 

IKIGANIRO UMUNYAMAKURU MADAMU MUKAKIBIBI SAIDATI WA MONTJALINEWS YAGIRANYE NA PADIRI THOMAS NAHIMANA, UMUYOBOZI W’ISHYAKA ISHEMA RY’U RWANDA AKABA N ‘ UMUKANDIDA WARYO MU MATORA YA PEREZIDA WA REPUBULIKA YO MU MWAKA WA 2017.

2016-01-31-14-43-31-141678529

Padiri NAHIMANA Thomas

SAIDATI: Kuwa 28 Mutarama 2016 mwasohoye Itangazo mwifuriza Abanyarwanda umunsi Mukuru wa Demukarasi. Ni kuri uwo munsi kandi mwari mwarabijeje ko muzaba mwatashye mu Rwanda gukorera politiki muri mu gihugu . Uwo munsi ni nawo mwibuka isabukuru y’ishingwa ry’ishyaka Ishema Party . Kuba mutarubahirije gahunda musanga mutaratengushye Abanyarwanda bamwe bari babatezeho demokarasi muvuga ko mu Rwanda itaharangwa?

PADIRI THOMAS :

Mbanje kugusuhuza kandi ngushimira n’iki gitekerezo cyiza cyo kuntumira ngo tuganire. Ku kibazo umbaza rero ndangira ngo ntangarize Abanyarwanda ko tutabatengushye kandi ko tudateze no kubatenguha. Gusa ndabibutsa ko gukorera politiki mu Rwanda muri iki gihe, uri muri Opozisiyo, ari ibintu bisaba ubwitonzi n’ubushishozi bwinshi. Kuri njyewe , gufata indege iva i Paris yerekeza i Kigali ku italiki nziza ya 28 Mutarama 2016 ntibyari ikibazo gikomeye. Gusa hagati aho urwego rusumba izindi rw’Ishyaka ISHEMA ry’u Rwanda rwitwa KONGERE, rwateraniye I Buruseli mu Bubirigi kuva taliki ya 15 kugeza ku ya 17 Mutarama 2016, rwarashishoje rusanga hari intambwe y’ingenzi igomba kubanza kugeragezwa: ni UKUGANIRA n’ubutegetsi bw’u Rwanda buriho muri iki gihe. Icyo kiganiro dusaba ntikigamije gusaba uruhushya rwo kujya guharanira uburenganzira bwacu mu gihugu cyatwibarutse; ntikigamije kandi gusaba imyanya mu butegetsi. Icyo kigamije rero ni iki? Sinshobora guhagurukana ikipe y’Abanyapolitiki ivuye hanze y’igihugu ngo yinjire mu Rwanda nk’aho icyo gihugu kitagira Abayobozi! N’ubwo hari byinshi tunenga imikorere ya Leta iriho, nibura twemera kandi tukihatira kubaha abafite inshingano yo kuyobora igihugu muri iki gihe. Tugize amahirwe bakwerekana ubushake bwo kwemera tukaganira. Tuzi neza ko Abanyarwanda benshi babyakira neza kandi bikaba bishobora kugirira igihugu cyacu akamaro gakomeye. Ndabizi neza ko byagira akamaro. Ubwo rero ngarutse ku kibazo, gutaha kuri iriya tariki byanze bikunze si byo by’ingenzi dore ko n’ ubundi tumaze imyaka myinshi hanze. Nkanjye maze imyaka 10 mu buhungiro. Bibaye ngombwa ko ntegereza ukundi kwezi kumwe cyangwa abiri ariko ibintu bikarushaho gutanga amahoro, ninde waba ahahombeye uretse umwanzi w’Abanyarwanda!

SAIDATI:

Taliki ya 29 Mutarama 2016 Ishyaka Ishema Party ryasohoye irindi tangazo rigaragaza ibyo yise amasezerano yo gukwirakwiza ikinyoma kuri vision 2020, kuki mwategereje kurisohora nyuma yuko mutabashije kuza mu Rwanda ntabwo bwaba ari uburyo bwo kurangaza abanyarwanda n’amahanga ngo bareke kubabaza ahubwo ikinyoma cyanyu cy’uko mutatashye ku minsi mwitangarije ubwanyu?

PADIRI THOMAS:

NK’uko tumaze kubisobanura haruguru uwavuga ko turi mu kinyoma ni uko yaba atazi cyangwa se yirengagiza nkana imikorere y’amashyaka n’amahuriro ya politiki. Urwego rwa Kongere y’ishyaka ni rwo rwonyine rwari rwaragennye italiki ya 28 Mutarama 2016 nk’ umunsi wo kujya gukorera politiki mu Rwanda. Mu gihe urwo rwego nanone rusanze hari ibikenewe bigomba kubanza gushyirwa mu buryo kugira ngo ISHYAKA ISHEMA ry’u Rwanda ribashe kuzuza neza inshingano ryihaye yo gufasha Abanyarwanda kugera kuri demokarasi isesuye binyuze MU NZIRA Y’AMAHORO ISHINGIYE KU BIGANIRO, kandi rukabitangariza rubanda, ikinyoma cyaba ari ikihe?
Naho ku byerekeye gutangaza inkuru igaragaza uko Viziyo 2020 Ishyaka rya FPR ryubakiyeho igihugu ari BARINGA ishingiye ku KINYOMA kandi hakerekanwa n’ibimenyetso bifatika, ni igikorwa kiri mu nshingano zisanzwe z’Ishyaka ryose rya Opozisiyo. Bishatse kuvuga ngo Ishyaka ISHEMA ntabwo ryahagaritse ibikorwa byaryo bisanzwe ngo ni uko ryitegura kujya gukorera politiki mu Rwanda. Nirigera no mu Rwanda rizakomeza guhugura abenegihugu ryerekana aho ibya rubanda bipfira n’ uko ibitagenda neza byakosorwa. Ntaho rero iriya nkuru yaba igamije kurangaza no kujijisha rubanda. N’izindi nkayo ziracyaza .

SAIDATI:

Bimaze kugaragara ko amashyaka akorera hanze y’u Rwanda aho kugira ngo yuzuzanye yitana bamwana ibyo tukabishingira ku bimaze iminsi bitambuka muterana amagambo na Plate Forme y’ amashyaka 5 . Mwadusobanurira Impamvu zabyo n’ikibitera ku ruhande rwanyu?

Ese mubona ibyo byaha Abanyarwanda ikihe cyizere cy’ubumwe n’ubwiyunge mu gihe mutabashije kwiyunga kandi mwese mu ntego murangaje imbere ari uguhuza Abanyarwanda?

PADIRI THOMAS :

Kugira amashyaka menshi atavuga rumwe si umuvumo ahubwo ni umugisha. Guha urubuga abatavuga rumwe niho haturutse ingufu zikomeye zatumye ibihugu by i Bulayi n ‘Amerika bigera ku mahoro n’iterambere rirambye baryoshyemo muri iki gihe. Guterana amagambo ubwabyo si ikibazo ahubwo ni inshingano ku mashyaka ya politiki! Abatemerewe gutekereza nibo bonyine badashobora guterana amagambo, mbese nk’uko bigendekera abaturage bayobowe n’ingoma y’igitugu n’iterabwoba. Ahubwo icyo dukwiye kwinengaho nk’abanyapolitiki b’abanyarwanda ni ukudaterana amagambo bihagije. Impamvu zibitera ni nyinshi ariko reka tuvugemo ebyiri z’ingenzi. Iya mbere ni ukubura URUBUGA rukwiye,iya kabiri ibitera ni uko benshi muri twe batagize amahirwe yo guhabwa uburere bubemerera KUGANIRA mu mutuzo no KUJYA IMPAKA (DEBAT) n’abo batabona ibintu kimwe! Abafaransa babivuze neza ngo kujya impaka bitanga urumuri :  » Du débat jaillit la lumière ». Niba ukuvuguruje wese ugomba kumufata nk’umwanzi ndetse byarimba ukabatura intwaro ivusha amaraso ukamutsinda aho, urabyumva ko politiki y’abanyarwanda ari aho ikunze gupfira. Abakora politiki bakaba mbarwa kuko ikibuga ikinirwamo cyahinduwe isura kikaba ari  » très dangereux « . Ushaka kumva impamvu twiyemeza gukora politiki duharanira kurengera inyungu rusange ariko twahindukira tugasanga abo mu miryango yacu n’abayoboke b’amashyaka yacu bakegeswe amajosi, yahera aho ! !! Ibi rero nibyo twebwe abo muri « Nouvelle Génération  » twifuza guhindura, politiki ikaba inzira itagendwa n’abajura n’abicanyi gusa, ahubwo abarusha abandi umutima muzima kandi bashoboye kurengera inyungu za rubunda akaba aribo bagirirwa icyizere bagashingwa kuyobora igihugu, binyuze mu matora adafifitse. Rubanda iramutse ibyiyemeje byagerwaho.
Naho kubaka ubumwe n’ubwiyunge bw ‘abanyarwanda si ukubarundira bose mu kizu kimwe baboshye amaguru n’amaboko ngo ni ukugira ngo hatagira ugirira undi nabi. Toza Abanyarwanda kubana no kubahana mu budasa bwabo. Bareke bishyire hamwe bagendeye ku bibahuza byubaka. Icy’ ingenzi ni uko Leta yubahiriza inshingano yayo yo gukiranura mu butabera abatandukiriye bakajya kubangamira uburenganzira bw ‘abandi. Naho ubundi Idéologie y’ubumwe n’ubwiyunge itambutswa n’INKOTANYI muri iki gihe ntawe utabona ko irimo akabazo, ikwiye kuvugururwa mu maguru mashya.

SAIDATI:

Akenshi Abataripfana iyo bafashe ijambo bavuga ko politiki y’imiyoborere y’igihugu , amajyambere n’ imibereho myiza yubakiye ku makabyankuru. Igishya muri plan d’action yanyu muzanye ku byo munenga ni ikihe kizatuma abaturage babagirira icyizere?

PADIRI THOMAS :

Nibyo koko dukunze kwemeza ko Iterambere riririmbwa muri iki gihe ririmo amakabyankuru menshi ndetse n’ibinyoma bitari bike. Niba ushaka kumenya koko niba rubanda yaravanywe mu bukene nk’uko biririmbwa, jya iwanyu mu giturage, uzenguruke igihugu cyose, mu Ntara zose, mu Turere twose, mu Mirenge yose, mu Tugari twose no mu Midugudu yose, urebe uko abaturage babayeho : ntutangazwe n’ubwinshi bw’ahahoze ari abakire ubu bashubijwe ku isuka; witegereze uko Mwalimu afashwe nabi; ntiwibagirwe kubarura abamaze imyaka irenga 20 akadobo karabumiye ku mutwe; witegereze ubwinshi bw’urubyiruko rwandagaye rutagira icyo rukora; usozereze mu ma gereza uratangazwa n ‘ umubare w’amaboko yakagombye kubaka igihugu ahashyinguye. Uteranye imibare, ukomereze ku ijanisha, wirebere ukuntu abaturage bagera kuri 85% batazi icyo ijambo ITERAMBERE risobanura kuko bo babayeho mu bukene n’ubutindi!

Uko twe tubibona, Ishyaka rya FPR riri ku butegetsi ryahisemo kwemeza isi ko u Rwanda ari abaherwe b’i Kigali gusa! !! Igishya gikomeye Abataripfana tuzanye , tugerageje kubivuga muri make : ni uko dushaka kubaka iterambere ritibagirwa n’umuturage wo hasi mu Kagari!Umushinga wacu ukubiye mu nyandiko twise  “MES 30 PROPOSITIONS”  njye nk’umukandida w’ishyaka ISHEMA nzageza kuri rubanda igihe cyo kwiyamamaza nikigera. Mbere na mbere turashaka kuzashingira byose mu kuvugurura ISHURI, uburezi bugahabwa IREME. Bityo ruriya rubyiruko (Nouvelle Génération )rwandagaye kandi ruremerewe n’ubushomeri rukigishwa imyuga igezweho ndetse rugahabwa ubushobozi buhanitse bwabakingurira n’imiryango ku isoko mpuzamahanga ry’umurimo. Abana bacu bakaba bakoroherezwa kujya gukora akazi mu bihugu bindi by ‘Afurika ndetse n ‘ Ibulayi, Amerika na Aziya bityo bagatunga imiryango yabo yasigaye mu gihugu ndetse bakagira uruhare mu mushinga iteza imbere Urwababaye. Aho gushyira ingufu mu guteza intambara z’urudaca mu bihugu duturanye tuzagirana imishyikirano n’ ibihugu byose byo mu Karere k’Ibiyaga Bigari kugira ngo Abana bacu baharonke imirimo ibafitiye akamaro. Tuzafungura imiryango ya za Gereza, kugira ngo bose bahabwe andi mahirwe yo kugira uruhare mu kubaka U Rwanda rwa twese. Abacuruzi bazahabwa ubwisanzure, « Monopoles zififitse  » zikurweho. Tuzubaka demokarasi y’umwimerere yitwa « Demokarasi y’Impanga  » izatanga umuti ukenewe w’ikibazo cy’ubusumbane n’umwiryane hagati y’amoko cyane cyane hagati y’Abatutsi n’Abahutu. Tuzaca Iterabwoba, Abanyarwanda bose bishyire kandi bizane mu Rwababyaye, batozwe umuco wo kuganira no kuvuga ikibari ku mutima badakebaguzwa.

SAIDATI :

Mu Itangazo mwashyize ahagaragara ku wa 28 Mutarama 2016 mugira muti “ntidushaka kuza mu Rwanda nk’abagabye igitero” ! Ko muri abanyarwanda kuki mwumva ko ikipe y’abantu batarenze 10 yaza ari igitero kandi mutashye iwanyu ari uburenganzira bwanyu?

PADIRI THOMAS :

Ni koko iyo umuntu umwe atashye mu gihugu cye ntabwo akenera kubitangaza mu binyamakuru . Gusa nk’uko ubivuga, twe tuzaza turi IKIPE itaje kwitemberera mu Rwanda. Tuzaza turi Abanyapolitiki baje bafite intego yo kwimenyekanisha ku Banyarwanda, tuganira nabo, twumva ibyifuzo byabo, tubabwira kandi natwe umushinga mwiza tubafitiye. Gusa rero tuzi ko iyo gahunda yacu n’iyo yaba nziza ite atari yo yonyine iri mu gihugu. By’umwihariko hari abari ku butegetsi batubona nk’abakeba, kandi ibyo ubwabyo si icyaha niyo kamere ya politiki. Abo nibo tugomba kugerageza kuganira , abo nibo tugomba kubanza kwimenyekanishaho bwa mbere. Nibo dushaka kwitwararikaho kuko twabonye nyine uko bakiriye abatubanjirije! Aho Victoire Ingabire ari turahazi. Uko byagendekeye Faustin Twagiramungu ntitubiyobewe. Mu rugero byaduturukaho turashaka kwirinda guta igihe mu mahane atari ngombwa. Ngiyo impamvu dushaka kubanza kuganira nabo.

SAIDATI :

Ikibazo cyanjye cya nyuma, mwagaragaje ko muri gukora imishyikirano na Leta y’u Rwanda kugirango mutahe ntawe mubangamiye. Niba atari ibanga ni iki mwasabaga? Niba se mwaravuganye, ni iki mutumvikanyeho cyababereye inzitizi kikababuza gutaha kuwa 28 Mutarama 2016?

PADIRI THOMAS :

Muri Kongere yacu twafashe icyemezo cyo kwandikira no koherereza Perezida wa Repubulika ibaruwa. Icyakora twayitanze dutinze kuko uwitwa Olivier NDUHUNGIREHE, Ambasaderi mushya w’u Rwanda i Buruseli mu BUBILIGI yadutengushye cyane. Yabanje kudushuka ko ashobora kuzayitugereza kuri Nyakubahwa Perezida wa Repubulika, nyuma amaze kudutesha icyumweru cyose biza kugaragara ko aryama ahindukira, bityo tumaze kubona ko atari umugabo ukwiye kwizerwa duhitamo gutuma Yakobo KABARE, Ambasaderi w ‘ u Rwanda i Paris mu Bufaransa, ubu tukaba twizera ko ubutumwa bwacu yabusohoje. Mu gihe rero tugitegereje igisubizo cya Perezida wa Repubulika, ntabwo dushobora kumenyesha itangazamakuru ibyo twamwandikiye. Si umuco mwiza.

SAIDATI :

-Nk’umunyapolitiki uteganya kuza mu Karere uratekereza iki ku bibera i Burundi ?

PADIRI THOMAS:

Ibibera i Burundi birababaje cyane. Iyo ubonye inzu y’umuturanyi ifashwe n’inkogi ibyiza wamutabara aho kumutererana cyangwa kumusonga kuko bitabaye ibyo bwacya hagafatwa iyawe. Niba koko Leta y’u Rwanda ifite uruhare mu kurema , gutoza, no gushyigikira imitwe ihungabanya umutekano mu Burundi nk’uko bivugwa mu ma raporo atandukanye biragayitse ndetse bikwiye guhagarara mu maguru mashya.

SAIDATI : Mu gusoza ni ubuhe butumwa mwaha abazasoma Mont Jali News? Ese murateganya kuza mu Rwanda ryari ko umwana ujya iwabo ntawumutangira mwese ko muri abanyarwanda?

PADIRI THOMAS:

Uzambwirire Abanyarwanda uti ABATARIPFANA ni abana beza cyane, bafite ibitekerezo byiza, bafite ubwenge n’ubushake bwo gutanga umuganda wabo mu kubaka igihugu cy’amahoro giha amahirwe angana abana bacyo bose. Gusa uzanabambwirire ubateguze hakiri kare ko Abataripfana bafite akageso :  » Aho kuryamira ukuri bahitamo kuryamira ubugi bw’intorezo « ! Uzabatubwirire ko tuje tutari abantu bafunze imitwe, icyo tugamije si ukubaka Itsinda ry’abashotoranyi, ikituzinduye ni ugukora Opozisiyo yubaka kandi ishishikajwe no kurengera inyungu rusange z’Abanyarwanda bose nta vangura (Opposition ouverte et constructive ).

SAIDATI:

Ni iyihe plan d’ action nshya mufite nyuma y’uko iyo mwari mufite le 28 Mutarama 2016 ihindutse?

PADIRI THOMAS :

Perezida wa Repubulika aduhaye igisubizo cyiza kitwemerera kuganira twahita duterura utwangushye tugataha. Guhera taliki ya 28 Mutarama 2016 Délégation yacu iri STANDBY. Niko Kongere ya bigennye. Bitagenze bityo, nubona twatangiye gukora Meetings zo gusezera abo twabanye mu mahanga (i Buruseli, i Paris, i Londres, Oslo, Washington DC, Ottawa na Canberra ) uzamenye ko Kagoma yiyemeje gufata ikirere. Rendez-vous i Kanombe. Imana iguhe UMUGISHA.

SAIDATI : MURAKOZE.

UMUTEGO W’IKINYOMA : « IBYAGEZWEHO » N’UBUTEGETSI BWUBAKIYE KURI « VIZIYO 2020 » YA BARINGA NABYO BYARI BARINGA BIRASHYIZE BIGIYE AHAGARAGARA!

Twese tuzi indirimbo yakomeje guterwa n’abambari ba FPR-INKOTANYI, ngo u Rwanda rwageze ku iterambere ry’akataraboneka ku isi; ngo imiyoborere myiza ni agatangaza mu Rwanda rwa nyuma y 1994, ngo kandi nta mugayo ibyo byiza bidasanzwe u Rwanda rubikesha kuba ruyobowe n’Umulideri w’akataraboneka kandi ureba kure (Visionary Leader) ariwe Nyakubahwa Pahulo Kagame!

Iyo ntero kandi niyo yashyizwe imbere n’Intore za Rupiyefu muri uyu mwaka ushize kugira ngo zihindure Itegekonshinga (n’ubwo bibeshye bakarihindura nabi!) bityo Visionary Leader wabo ashobore kuzagwa ku butegetsi, kuko nyine ngo nta wundi washoboraga kuyobora igihugu ngo akigeze ku  » BYAGEZWEHO  » na Kagame !

Gusa rero icyakomeje gutangaza Abanyarwanda benshi n’abanyamahanga bazi neza u Rwanda ni uko ibyo « BYAGEZWEHO  » by’agahebuzo bo ntabyo babona mu Rwanda : guhera mu 1994 abakene bararushaho gutindahara, inzara iravuza ubuhuha mu giturage kandi ku buryo buhoraho, abigeze kuba abatunzi ubu babaye ingarisi; muri make abaturage bangana na 85% ntibazi neza icyo ijambo  » IBYAGEZWEHO BY’AGAHEBUZO » bya Pahulo KAGAME risobanura ! Ariko nyamara Intero ya Visionary Leader igakomeza kwikirizwa n’ibitangazamakuru ndetse n’Imiryango mpuzamahanga itari mike. Yewe byarushagaho kubera benshi urujijo iyo bitegerezaga ingufu zidasanzwe zishyirwa mu kwikiriza iyo ntero n’abahoze ari abategetsi b’ibihugu by’ibihangange nka BILL CLINTON wa Amerika , TONY BLAIR w’ Ubwongereza n’abandi. Birushaho kuba inshoberamahanga iyo hicotseho  » ubuhamya » bw’abavuga ko bakora umurimo w’Imana nka cya gihangange cy’Umupasiteri w’umunyamerika witwa Rick WARREN bitiranya gusingiza Imana no kuramya « the Rwandan Visionary Leader », kuko nyine baba bamutegerejeho amaronko atubutse mu gihe abana ba rubanda bicwa n’inzara na bwaki!

Burya koko ngo ikinyoma ntikiramba! Ubu noneho rero ibyari bihishwe byatangiye gushyirwa ahagaragara. Burya bwose imikorere ya FPR INKOTANYI yubakiye ku gucuruza IKINYOMA, kandi bigahombya u Rwanda nk’ igihugu ku buryo budasubirwaho.

Muri iyi minsi abategetsi ba Leta Zunze Ubumwe z’Amerika bashatse ko tumenye ibyerekeye Kontaro(Contract) yo GUCURUZA IKINYOMA Leta y’ u Rwanda yasinyanye na Sosiyete yigenga y’Abanyamerika yitwa W2 GROUP, Inc. Hari taliki 1/9/2009. Ku ruhande rwa Leta y’u Rwanda iyo Kontaro yasinywe na Ministiri Louise Mushikiwabo naho Sosiyeti isinyirwa na Edward ABELL.

Mbere yo kubabwira ingingo z’ingenzi zikubiye muri ayo masezerano yuje uburiganya, ubujura n’ubugambanyi, twatangajwe no gutahura ko Leta ya Paul Kagame yiyemeje kujya yishyura buri kwezi miliyoni zisaga 35 z’amafaranga y’u Rwanda (50 000$), ni ukuvuga igice cya miliyari buri mwaka kugirango iriya Sosiyeye ijye ivuga ibigwi by’ ibihimbano Leta Rwanda n ‘ umuyobozi wayo Paul Kagame! Ya mafaranga avuye mu misoro ya rubanda, ya mafaranga yamburwa abaturage agashyirwa mu bigega bitagira indiba ( Agaciro Fund ….) ngaho aho azimirira shenge !!! Mu kugura ishusho nziza idahuye n’ukuri kw’akarengane n’ibindi bibi byinshi bibera mu gihugu!

Ngiyo rero ya ngeso ntindi isa n’iyahinduwe itegeko riyobora igihugu na services zose :   “gutanga ibyamirenge ngo ukunde wiraariire wiyerekana uko utari ari nako ukina ku mubyimba rubanda udahwema kugaragaza agati kandi nyamara ariyo igutunze”!

Muri make ibyo Leta ya Kagame yumvikanye n ‘ iriya Sosiyeti bikubiye muri izi ngingo zikurikira:

1. Ikinyoma kigomba gukwirakwiza kiri ukubiri , hari ibyerekeye Igihugu n’ibyerekeye Perezida Pahulo Kagame ubwe:

a)Kumvikanisha ko Igihugu cy’u Rwanda ari intangarugero ku isi hose mu byerekeye umutekano, imiyoborere myiza, ubumwe n’ubwigenge, gucunga umutungo w’igihugu neza, kurwanya ruswa, iterambere ry’akataraboneka mu bukungu, …

b) Gushyira ingufu nyinshi mu kubeshya hose ko Pahulo Kagame ari umuperezida w akataraboneka,ureba kure( Visionary Leader ) uzi ubwenge bwinshi cyane birenze urugero kandi akaburusha n’abandi ba Perezida bose bo muri Afurika ababayeho n’abaza nyuma, utazi kwica abenegihugu, utavangura amoko, ukunda demokarasi n’iterambere ry’abaturage bose …

Rwandan-President-Paul-Kagame-receives-honorary-doctorate-William-Penn-University-051212-300x290

2.Abo ikinyoma kigenewe

a) Iriya Sosiyete yapataniye gucengera inzego zose zifata ibyemezo mu bihugu by’ibihangange nka Leta Zunze Ubumwe z’Amerika n’Ubwongereza n’iz’imiryango mpuzamahanga nk ‘Ubulayi Bwunze Ubumwe (EU) na LONI.

b) Kwigarurira ibitangazamakuru bikomeye cyane ku isi : Radiyo-Televiziyo nka Wall Street Journal, BBC Hard Talk; Ibinyamateka nka The New York Times, The Economist, The Financial Times; Imbuga za interneti(social media) nka Huffington Post , Washington Post, MSNBC,…no kubiha « inyoroshyo » kugira ngo bijye bikomeza bitambutse inkuru zibeshya amahanga ko nta kibazo kindi kikiri mu Rwanda uretse abasize bakoze jenoside bagenda basebya igihugu!

3. Inzira izakoreshwa(Stratégie ) mu kurushaho guha ikinyoma intebe

a)Kubaka inkuta (mûrs électroniques) zibasira Ibitangazamakuru bigaragaza ibibazo nyakuri biri mu Rwanda cyane cyane kugaba ibitero no kubangamira mu buryo bwose bushoboka Imbuga za interneti zikoreshwa n’abatavuga rumwe nubutegetsi (Za Leprophete.fr zumvireho!)

b) Gukwirakwiza amakuru atesha agaciro abanyamahanga babaye mu Rwanda n’abandi bose bazi amakuru y’impamo ku bibera mu Rwanda kandi bafite umurava wo gushaka kuyamenyekanisha!

UMWANZURO

Ngo Umutego w’ikinyoma ushibuka nyirawo akihahagaze ! Babandi bari barigize abacuruzi kabuhariwe n »ABARINZI » b  » IBYAGEZWEHO bya BARINGA  » bamenyereho ko nta kindi bakora uretse guhenera abazi guheengeeza : Umunyamerika wamubeshya rimwe na rimwe ariko agera aho akagutamaza !

Sinasoza ntabwiye « Visionary Leader w’ikibumbano » ko amahirwe asigaranye ari ukwemera kwicarana natwe, tukaganira nta buhendanyi , tukumvikana  igikwiye gukorwa kugira ngo igihugu gishobore kubogorwa amazi atararenga inkombe.

Reka twisabire abenegihugu bashyira mu gaciro ko bakwemera tugafatanya uru rugamba maze tukiha inshingano n’intego yo kugera ahantu hose Leta ya « Visionnary Leader « yageze ihacuruza ikinyoma cy’ITERAMBERE rya BARINGA, tukabagaragariza ukuri ku bibera mu Rwanda ari nako tubereka ibimenyetso bifatika by’uko babeshywe.

Ubutaha tuzabagezaho n’amasezerano yo gusahura u Rwanda « the Rwandan Visionnary Leader » yagiranye na  Tony BLAIR,  Bill CLINTON na Pasteur  Rick WARREN  . Muzumirwa !

Uwemera naze,

Padiri Thomas NAHIMANA, Umuyobozi w’Ishyaka ISHEMA n’Umukandida waryo mu matora ya Perezida wa Repubulika yo muri 2017.

BIRACYAZA. ….

Ngaho nawe isomere uko iyo Kontaro y urukozasoni iteye.  Kanda hasi aho :

Master service agreement

 

Learn how Rwanda under Paul Kagame managed to manipulate the international opinion.

Paul-Kagame-                                                          

Racepoint Group worked to promote  the so-called “Rwanda’s visionary leader”

A detailed PR strategy prepared by lobbyists for the Rwandan government has been published by the US authorities. Under US law, lobby firms working on behalf of other governments are required to register their activities publicly.

The memo, which was prepared by “Racepoint Group” in 2009, is addressed to the Rwandan Information Minister from company bigwigs Larry Weber and Peter Prodromou – whose previous experience includes “working with the leaders of Saudi Arabia and Libya to positively impact global public perception and support negotiating positions with key allies”.

The strategy aims: to “build a strong and sustained Image campaign communicating the successes of Rwanda with key stakeholders in the political and financial elite communities” and “Offset the negative and factually incorrect information of those parties with vested interests in mis-portraying Rwanda’s advancements”.

Campaign themes include “Rwanda’s Visionary Leader… highlighting President Kagame and his visionary leadership” and “The Rwandan Miracle: Healing of a Nation”. The company’s fees are listed as $50,000 per month plus $2,500 – £3,500 per month for “out of pocket expenses”. The average Rwandan has an income of$510 per year.

Racepoint suggests that Rwanda has a “significant image problem”, in part because “Certain NGOs, such as Human Rights Watch, continue to advance a story of an unstable Rwanda” . Racepoint seems dismissive of this picture, alleging that Human Rights Watch and others are presenting it merely “as a means of continuing to attract donors and wield influence in the region”.

The PR firm then outlines “a consolidated set of tactics to publicize both Rwanda and President Kagame“. This will initially involve “leveraging top print and broadcast outlets to communicate the Rwanda success story… and, in the process, validate it based on their credibility”, together with “a proactive campaign that leverages the web to seed stories favorable to Rwanda”.

Racepoint singles out  the Huffington Post as a particular online media target, together with “careful seeding across the blogosphere” to “initiate an offensive to control the organic search on Rwanda and set the agenda in print and broadcast”.

“At the same time, we will blunt the online impact of our opposition by initiating a wall of defense debunking their accusations… we will identify and selectively respond to the most egregious… we will erect, on free social networks, ‘walls’ of pro-Rwandan data that debunks myths and links to Rwanda’s national web site. This will enable us to establish captive audiences on the web…”

Further elements mooted include a “Celebrity Visitor Program” a “Global College Tour” for President Kagame, and “challenging heads of NGOs that are the country’s largest detractors to public, televised debates on networks like CNN, BBC and al-Jazeera. This will provide Rwandan officials with the opportunity to debunk mythology being propagated by hostile NGOs and other detractors.”

The Guardian last year profiled Racepoint’s PR work for the Rwandan government, and highlighted critical comments by the Commonwealth Human Rights Initiative:

The Commonwealth Human Rights Initiative, in a report last year, found that Rwanda has “excellent public relations machinery” which has succeeded in “persuading the key members of the international community that it has an exemplary constitution emphasising democracy, power-sharing, and human rights which it fully respects”. It concluded: “The truth is, however, the opposite.”

Rwanda’s constitution, the report said, was “a facade which hides the exclusionary and repressive nature of the regime”, “basic human rights are in an unsatisfactory state”, “censorship is prevalent” and there are “serious concerns about the level of political freedom”.

Tariki ya 28 Mutarama, umunsi wa Demokarasi ukwiye icyubahiro cyawo.

kayibanda

1. Abanyarwanda benshi bakuze ndetse n’abakiri batoya bita ku mateka nyayo y’igihugu cyacu bibuka itariki ya 28 Mutarama 1961, umunsi abenegihugu bari barambiwe ubucakara bwajyanaga n’ubutegetsi bwa cyami na gihake, bahuriye i Gitarama maze bagatora ko Repubulika ikuye bidasubirwaho ingoma ya cyami. Iyi ntambwe ikomeye yaje gushimangirwa n’amatora ya Kamarampaka yabaye tariki ya 25 Nzeri 1961, nuko guhera ubwo buri munyarwanda yaba umutwa, umuhutu cyangwa umututsi, yaba umwega cyangwa umuzigaba, agira uburenganzira bwo kuba yatorerwa kuyobora igihugu.

2. Ubu hashize imyaka igera kuri 25 iyo taliki nziza ya 28 Mutarama itibukwa mu Rwanda ngo ihabwe agaciro kayo ndetse idufashe kwibuka, kuzirikana no gushima Abanyarwanda b’intwari nka Geregori KAYIBANDA, Dominiko MBONYUMUTWA , Yozefu HABYARIMANA GITERA, MUNYANGAJU n’abandi Barwanashyaka b’imena bagaragaje ko iyo rubanda ibyiyemeje ishobora guhambiriza ingoma zigize akari-aha-kajyahe bityo uwahekwaga akigenza!

3. Abataripfana b’Ishyaka ISHEMA ry’u Rwanda bibuka kandi bagahimbazanya ibyishimo bikomeye uyu munsi bazirikana ibyiza bya Demokarasi yashubije rubanda ububasha bwo kwotorera abayobozi bikajyana no kwizihiza isabakuru y’umunsi iryo shyaka ryavutseho: hari ku itariki ya 28 Mutarama 2013, mu mujyi wa Paris ho mu Bufaransa.

4.  Reka twibutse ko Kongere y’ishyaka ISHEMA yateranye muri Mutarama 2014 yahisemo kandi tariki ya 28 Mutarama 2016 nk’umunsi wo kujya gukorera politiki mu Rwanda mu rwego rwo kwegera rubanda kugira ngo impinduka nziza Abanyarwanda basonzeye zigerweho binyuze mu nzira y’amahoro ishingiye ku biganiro bidafifitse. Uyu mwanzuro wanashimangiwe na Kongere yo muri Mutarama 2015 yagennye n’ikipe y’Abataripfana bazajya mu Rwanda baherekeje umukandida w’ishyaka ISHEMA ry’u Rwanda mu matora ya perezida wa Repubulika yo mu 2017. Kongere y’ishyaka ISHEMA ry’u Rwanda ni rwo rwego rw’ikirenga. Nta rundi rwego rushobora gusubira ku cyemezo yafashe dore ko imyanzuro ya Kongere iba ari amategeko ( Décrets) agomba kubahirizwa n’abagize Ishyaka.

5. Nanone kandi Kongere y’ishyaka ISHEMA ry’u Rwanda iherutse guteranira i Buruseli mu Bubiligi kuva tariki ya 15 kugeza kuya 17 Mutarama 2016 yashimye imyiteguro imaze gukorwa mu rwego rwo kujya gukorera politiki mu Rwanda hagamijwe guha rubunda amahirwe yo gusubirana uburenganzira bwo kwitorera abayobozi nta gitugu n’iterabwoba bashyizweho  . Abataripfana bari muri Kongere bagiye impaka , bajya inama ku mpungenge zagaragajwe n’Abanyarwanda b’ingeri zose cyane cyane abari mu Rwanda maze bemeza imyanzuro yatangajwe tariki ya 17 Mutarama 2016

6. Usibye umwanzuro wo kujya gukorera politiki mu Rwanda wakomeje gushimangirwa nk’ihame ridakuka, Kongere yasanze ku bw’ineza y’Abanyarwanda cyane cyane Abakunzi b’Ishyaka Ishema bari mu hihugu hakwiye guterwa intambwe ya ngombwa yo kubanza kugerageza kuganira n’ubutegetsi buriho kugira ngo urwikekwe rw’uko Abataripfana bagenzwa no gusenya igihugu ruvanweho burundu.

7. Ni muri urwo rwego umwanzuro wa kabiri ugira uti: “Twongeye gushimangira ko Opozisiyo twiyemeje gukora idakwiye gufatwa nk’urubuga rwo kujya impaka za “ngo turwane”, gufunga umutwe no kwima amatwi abo tutavuga rumwe, ahubwo nibimenyekane ko icyo tugamije ari ugutanga ibitekerezo byubaka twirinda kuryamira ukuri kandi twihatira kugaragaza no gusobanura umushinga w’uko tuzayobora igihugu mu gihe rubanda izaba imaze kuduhundagazaho amajwi. (Opposition ouverte et constructive).”

8.Niyo mpamvu mu kwihatira gushyira mu bikorwa imyanzuro ya Kongere, twatangiye ibikorwa binyuranye byo kugerageza kuganira n’ubutegetsi bwa Leta ya Kigali kuko tudashaka gutaha mu Rwatubyaye dusa n’abagabye igitero. Turizera ko igisubizo kitazatinda.

9.N’ubwo tugitegereje igisubizo cy’ubutegetsi bwa Kigali, imyiteguro yo kugenda yo yararangiye. Bityo mu gihe Leta ya Kigali yaba itadusubije cyangwa se ikanga ko tuganira ntibizatubuza kujya mu Rwanda guharanira uburenganzira bwacu.

10.Intambwe yo gusezera abo twabanye mu mahanga izaterwa mu minsi itarambiranye.

11. Turifuriza Abanywarwanda bose umunsi mukuru mwiza wa Demokarasi, by’umwihariko turifuriza ABATARIPFANA bose isabukuru nziza.

Muhorane UKURI, UBUTWARI no GUSARANGANYA ibyiza by’igihugu.

UWEMERA NAZE DUFATANYE…….

Padiri Thomas Nahimana,
Umuyobozi w’Ishyaka ISHEMA n’Umukandida waryo mu matora ya Perezida yo mu 2017.

ISHEMA PARTY CONGRESS RESOLUTIONS: OUR DECISION TO RETURN TO RWANDA TO EXERCISE OUR POLITICAL RIGHTS REMAINS UNSHAKABLE

ishema-congres-menHaving intensely discussed, exchanged views on, and analyzed two main points on the agenda of the Congress which were:

(a)To finalize our plan to go and exercise our political rights in Rwanda: political agenda, objectives and steps to follow;

(b)To design the necessary strategies to be used by Rwandans as a tool to dissuade Paul Kagame from rigging the third term which he wants to take forcefully;

*Based on our principles of TRUTH, INTREPIDNESS and SOCIAL JUSTICE ;

*Considering the views, wishes and worries presented to us by the Rwandans during the preparation of this Congress;

*Taking into account the current political environment in Rwanda, the security situation within the region of the Great Lakes of Africa and the ongoing international diplomatic concerns;

We, twenty-seven members of ISHEMA Party gathered in our Congress in Brussels from the 15th to 17th of January 2016;

I. DO SOLEMNLY DECLARE THE FOLLOWING:

1.We confirm once again that we strongly support the resolution to go and exercise politics in Rwanda as concluded by the first Congress of ISHEMA Party held in January 2014 and confirmed by the second Congress held in February 2015. We undoubtedly underline that going to Rwanda to exercise our political rights is unshakable.

2.We urge the public to note that the opposition we make should never interpreted as an opportunity to make trouble or to neglect and disrespect our opponent, on contrary let it be known by everybody that our intention is to give our democratic constructive criticism, speaking the truth and striving to explain our political agenda as alternative and how we intend to govern the country after the people of Rwanda will have voted for us.

3.We underline the importance of our approach to resolve conflicts peacefully via the genuine dialogue since it does not destroy the nation and gives opportunity to every citizen to actively participate in the political life without terror especially through free and fair electoral process. This is the only way we can bring back to Rwandans the hope of the sustainable peace.

4.We believe that the problem of refugees deserves a special attention and must be truly debated so as to provide an appropriate and definitive solution for it.

5.We encourage all well intentioned Rwandans to join the “ANTI THIRD TERM RALLY” in order to proceed with real actions aimed at dissuading Paul Kagame from the third term he wants to rig in violation of the rwandan Constitution as revised in December 2015.

6.We call upon all the citizens within Rwanda to support and join the UNSTOPPABLE DEMONSTRATION that will move from the Southern, Northern, Eastern and Western provinces to contest Paul Kagame’s intention to rig the third term.

7.We strongly condemn belligerent politics institutionalized by the Rwandan leaders within the Great Lakes of Africa: by fueling continuous wars in the Democratic Republic of the Congo, starting, training and supporting terrorist groups to destabilize the republic of Burundi and provocation against the leaders of Tanzania.

II. OUR GOAL WILL BE REACHED THROUGH THE FOLLOWING SEVEN (7) STEPS:

1.Although we are ready to go and start exercising our political rights in Rwanda from January 28th 2016, we do not want to enter our homeland like people launching an armed attack. We rather prefer start by trying to dialogue with the Government of Rwanda. To that end, we set up a delegation that is ready to go to Kigali for the dialogue with the leadership in place.

rwanda mission

2.We will keep our contacts with the countries partnering with Rwanda and approaching the leaders of neighboring countries in the Great Lakes Region of Africa in order to explain and ask their support towards our agenda.

3.Speeding up the talks we started with other opposition political parties in order to expose to them our project and explore ways of collaboration.

4.Approaching the Rwandan refugees from all over the world to sensitize them for joining real actions aimed at a quick political change in our country so that all causes of refuge are uprooted once for all.

We therefore nominate Mr Emmanuel MUGENZI as Commissioner in charge of Australia and New Zealand.

5.Proceeding to the registration of ISHEMA Party for recognition by the Rwandan laws.

6.Receiving views, ideas and advices of the Rwandans on the national territory and show them the development projects we have for them and exhort them to support our political agenda actively.

7.Participating in the presidential elections to take place in 2017 and the parliamentary elections of 2018. We take this opportunity to remind that our Congress held in Paris in January 2014 elected Reverend Father Thomas NAHIMANA as our party’s flag bearer ( Candidate) in 2017 presidentials. The names of our candidates for 2018 legislatives will be communicated in due time.

Therefore,

III . FROM THE RWANDANS AND THE INTERNATIONAL COMMUNITY , WE REQUEST :

A. FROM THE RWANDANS:

1. All kinds of support since our task is both far reaching and challenging. We particularly call upon all the Rwandans on national territory to overcome the terror and join our peaceful struggle. ISHEMA party members also known as ABATARIPFANA from province, district, sectors and community levels are there to help you for mobilization.

2. To join the New Generation Leaders. Especially, the youth are urged to come to us so as combine efforts for building a future fair to everyone.

3. We particularly persuade President Paul Kagame to accept the dialogue with our delegation so that the political change deservedly requested by Rwandans takes place smoothly without necessity to opt for armed struggles. We all shall benefit.

B. FROM THE INTERNATIONAL COMMUNITY:

1. To monitor closely the political environment within Rwanda and take the responsibility of peacekeeping if need be.

2. To keep supporting the New Generation vision and agenda.

Long live Republic and Democracy

Long live the Rwandan people ready to manage conflicts through peaceful means and dialogue.

Done at Brussels this day 17 of January 2016.

On behalf of ISHEMA PARTY

Venant NKURUNZIZA, The Congress Spokesperson

IMYANZURO YA KONGERE Y’ISHYAKA ISHEMA : KUJYA GUKORERA POLITIKI MU RWANDA NI IHAME RIDAKUKA.

rwanda mission

Abagize Delegation yiteguye guhita ijya i Kigali

Imyanzuro ya Kongere y Ishyaka ISHEMA ry’u Rwanda : Kujya gukorera politiki mu Rwanda ni ihame ridakuka.

*Tumaze kuganira birambuye, kungurana ibitekerezo no kujya impaka ku ngingo ebyiri zashingiweho mu gutumiza iyi nama y’urwego rw’ikirenga rw’Ishyaka ISHEMA ari zo :

a.Kunoza gahunda yo kujya gukorera politiki mu Rwanda : kunononsora umurongo wa politiki, intego n’intambwe zigomba guterwa
b.Kugena ingamba zihamye zo gufasha Abanyarwanda guhangana n’ikibazo cya manda ya gatatu Paul Kagame ashaka kwiha ku ngufu ;

*Dushingiye ku mahame Ishyaka ISHEMA ry’u Rwanda ryiyemeje kugenderaho cyane cyane akubiye mu ndangagaciro z’UKURI, UBUTWARI N’UGUSARANGANYA ibyiza by’igihugu;

*Twitaye ku bitekerezo, impungenge n’ibyifuzo twagejejweho n’abanyarwanda benshi mu gihe twateguraga iyi Kongere;

*Dufatiye kandi ku makuru y’impamo yerekeye politiki y’u Rwanda, iy’Akarere k’Ibiyagabigari n’imibanire mpuzamahanga muri iki gihe;

Twebwe Abataripfana 27  twateraniye muri Kongere y’i Buruseli, kuva taliki ya 15 kugera kuya 17 Mutarama 2016,

I. TUNEJEJWE NO GUTANGAZA IBI BIKURIKIRA:

1.Twongeye gushyigikira no gushimangira umwanzuro wo kujya gukorera Politiki mu Rwanda nk’uko watowe na Kongere yambere yo mu kwezi kwa Mutarama 2014 kandi ugashimangirwa na Kongere idasanzwe yabaye mu kwezi kwa Gashyantare 2015. Turemeza rwose tudashidikanya ko kujya gukorera politiki mu Rwanda ari ihame ridakuka.

2.Twongeye gushimangira ko Opozisiyo twiyemeje gukora idakwiye gufatwa nk’urubuga rwo kujya impaka za “ngo turwane”, gufunga umutwe no kwima amatwi abo tutavuga rumwe, ahubwo nibimenyekane ko icyo tugamije ari ugutanga ibitekerezo byubaka twirinda kuryamira ukuri kandi twihatira kugaragaza no gusobanura umushinga w’uko tuzayobora igihugu mu gihe rubanda izaba imaze kuduhundagazaho amajwi. (Opposition ouverte et constructive).

3.Dukomeje gushyigikira byimazeyo inzira y’AMAHORO ishingiye kubiganiro bidafifitse kuko ariyo idasenya igihugu kandi igaha buri munyarwanda urubuga rw’ubwisanzure nta terabwoba ashyizweho, bityo agashobora kwitorera abayobozi b’igihugu nta mususu. Ibi nibyo byonyine byasubiza abanyarwanda icyizere cy’amahoro arambye.

4.Turasanga ikibazo cy’ubuhunzi cyabaye agatereranzamba ku banyarwanda kigomba kuganirwaho ku buryo burambuye kandi nta buhendanyi kikabonerwa umuti ku buryo budasubirwaho.

5.Turashishikariza Abanyarwanda bose bashyira mu gaciro aho bava bakagera kwitabira « RASSEMBLEMENT ANTI-TROISIEME MANDAT » kugirango duhurize ku bikorwa bigaragara byamagana « manda ya gatatu » Paul Kagame ashaka kwiha ku ngufu kandi nyamara bigaragara neza ko atayemererwa n’Itegekonshinga nk’uko ryavuguruwe mu kwezi kw’Ukuboza 2015.

6.Turahamagarira Abenegihugu bose batuye mu Rwanda gushyigikira no kuzitabira IMYIGARAGAMBYO SIMUSIGA izahagurukira mu majyepfo, amajyaruguru, iburasirazuba n ‘iburengerazuba yamagana « Manda ya gatatu  » Paul Kagame ashaka kwiha ku ngufu.

7.Turagaya kandi turamagana twivuye inyuma politiki gashozamvururu mu Karere k’Ibiyaga Bigari abategetsi b’u Rwanda bimitse: mu guteza intambara z’urudaca muri Repubulika iharanira Demokarasi ya Kongo; kurema, gutoza no gushyigikira imitwe y’iterabwoba ihungabanya umutekano mu gihugu cy’Uburundi n’ubushotoranyi ku bayobozi b’igihugu cya Tanzaniya.

II. INTEGO TWIYEMEJE TUZAYIGERAHO MURI IZI NTAMBWE NDWI  (7) ZIKURIKIRA :

1.N’ubwo twiteguye kujya gukorera politiki mu Rwanda guhera ku itarikiya 28 Mutarama 2016, ntitwifuza gutaha mu Urwatubyaye nk’abagabye igitero. Duhisemo kubanza kugerageza kuganira na Leta y’u Rwanda. Niyo mpamvu twemeje amazina n’umubare w’abagize “Delegation” yiteguye guhita ijya i Kigali kuvugana n’ubutegetsi buriho.

2.Gukomeza kwegera ibihugu bisanzwe bitera inkunga igihugu cyacu no kurushaho gushyikirana n’ubutegetsi bw’ibihugu byo mu Karere k’Ibiyaga Bigari hagamijwe kurushaho kubasobanurira no kubasaba gushyigikira umugambi mwiza twiyemeje.

3.Kwihutisha ibiganiro twatangiye n’andi mashyaka ya Opozisiyo mu rwego rwo kuyasobanurira gahunda dufite no kuyasaba ubufatanye.

4.Gukomeza kwegera impunzi z’abanyarwanda aho ziri hose ku isi no kuzisaba kwisuganya kugirango zitabire ibikorwa byo kwihutisha impinduka muri politiki y’igihugu cyacu bityo impamvu zose zitera ubuhunzi zicike burundu.

Muri urwo rwego, twemeje ko Bwana Mugenzi Emmanuel agizwe Komiseri ushinzwe Australia na New Zealand.

5.Kwandikisha Ishyaka ISHEMA kugirango ryemerwe n ‘amategeko y ’ u Rwanda.

6.Kuganira n’Abanyarwanda bari mu gihugu kugirango twakire ibitekerezo byabo,
tubasobanurire imishinga y’iterambere rirambye kandi risaranganyijwe tubafitiye, tunabasabe kuyigiramo uruhare rugaragara.

7.Kwitabira amatora y’ umukuru w’igihugu ateganyijwe mu mwakawa 2017 n’ay ‘Intumwa za rubanda ateganyijwe mu mwaka wa 2018. Tuboneyeho akanya ko kwibutsa ko Ishyaka ISHEMA ry’u Rwanda muri Kongere yaryo yambere yo muri Mutarama 2014 ryatoye Nyakubahwa Padiri NAHIMANA Thomas nk’umukandida uzarihagararira mu matora y’umukuru w’igihugu yo mu mwaka wa 2017. Amazina y’abazarihagararira mu matora y’Intumwa za rubanda yo mu mwaka wa 2018 azatangazwa igihe kigeze.

Bityo rero,

III. TURASABA ABANYARWANDA N’UMURYANGO MPUZAMAHANGA IBI BIKURIKIRA

A. TURASABA ABANYARWANDA:

1. Kudutera inkunga yose ishoboka kuko ibikenewe ari byinshi . By’umwihariko turasaba abari mu gihugu gutsinda ubwoba bakitegura gufatanya natwe. Abataripfana bose mu Ntara, mu Turere, Imirenge, Utugari, Imidugugu no mu Miryango-Remezo bafashe rubanda kwisuganya.

2. By’umwihariko, Urubyiruko turarurarikira kutwegera nk’Abalideri ba « La Nouvelle Génération « tugafatanya gushyira ingufu mu kubaka ejo hazaza hadaheza bamwe.

3. Perezida Paul Kagame turamushishikariza kwemera kuganira n’intumwa zacu hagamijwe ko impinduka nziza abanyarwanda bifuza zigerwaho hatagombye kwitabazwa inzira zisesa amaraso. Twese tubifitemo inyungu.

B. TURASABA UMURYANGO MPUZAMAHANGA:

1. Gukurikiranira hafi umwuka wa politiki uriho mu Rwanda no gukora inshingano zawo zo kubungabunga umutekano mu gihe byaba ngombwa.

2. Gukomeza gutera inkunga intumbero n’imishinga ya « La Nouvelle Génération « .

Harakabaho Repubulika ishingiye ku mahame ya demokarasi,

Harakabaho Abanyarwanda bashishikariye gukemura ibibazo byabo biciye mu nzira y’amahoro n’ibiganiro

Bikorewe i Buruseli mu Bubirigi , kuwa 17 Mutarama 2016

Venant NKURUNZIZA, Umuvugizi wa Kongere.

Special Envoy Perriello Travel to Belgium, Italy, Tanzania, Rwanda, DRC, Burundi, and Ethiopi

usdos-logo-seal

Media Note

Office of the Spokesperson
Washington, DC
January 11, 2016

 


U.S. Special Envoy for the Great Lakes Region of Africa Thomas Perriello departs today for an extended trip that will include stops in Brussels, Belgium; Rome, Italy; Dar es Salaam, Tanzania; Kigali, Rwanda; Bukavu, Goma, and Kinshasa, Democratic Republic of the Congo (DRC); Bujumbura, Burundi; and Addis Ababa, Ethiopia. The trip is focused on supporting regional efforts to resolve the crisis in Burundi and to support upcoming elections in the DRC.

The U.S. Government strongly supports the regionally-mediated Burundian dialogue relaunched on December 28, 2015, and is urging all stakeholders to remain committed to the process without preconditions. An inclusive dialogue remains the best route for peacefully resolving the crisis in Burundi and restoring the stability achieved by the Arusha Agreement. The Special Envoy will engage with Burundian stakeholders and East African Community (EAC) leadership about next steps for advancing the dialogue, including moving the dialogue to Arusha, Tanzania.

The United States is committed to supporting the DRC in holding elections per the constitution. The Special Envoy will meet with Congolese stakeholders to discuss next steps in the electoral process and the importance of respecting human rights throughout an electoral cycle, including the rights to peacefully assemble and to free speech. While in the DRC, the Special Envoy will also continue to work to resolve the impasse over adoptions and engage with stakeholders working to counter the illegal trade in Congolese natural resources and promote conflict-free minerals.

The trip will culminate in Addis Ababa, where the Special Envoy will join the U.S. delegation to the African Union Summit.

Source: US Department of State

KUJYA GUKORERA POLITIKI MU RWANDA: Kongere yo gutegura urugendo izateranira i Buruseli taliki ya 15-17/01/2016.

Decollage-d-un-avion-de-la-Compagnie-Lufthansa-300x168

1.Nshingiye ku bubasha mpabwa n’Itegeko Shingiro ry’Ishyaka  ISHEMA ry’u RWANDA ryo kuwa 28 Mata 2013 cyane cyane mu ngingo yaryo ya 52, nejejwe no gutumiza ku mugaragaro  inama ya Kongere y’Ishyaka  ISHEMA izateranira mu mujyi wa Buruseli, mu gihugu cy’Ububiligi, guhera ku wa gatanu taliki ya 15 kugeza ku cyumweru taliki ya 17 Mutarama 2016.

2.Kongere nirwo rwego rw’ikirenga rw’Ishyaka ISHEMA. Ububasha bwayo bugenwa n’ingingo ya 51 y’Itegeko Shingiro ryo kuwa 28 mata 2013 .

Kongere ishinzwe :

(a)Kwemeza politiki y’Ishyaka;

(b)Kwemeza no kuvugurura Itegeko Shingiro;

(c)Gutora Ikipe  Nyobozi;

(d) Kwemeza Umukandida w’Ishyaka mu matora ya Perezida wa Repubulika.

3.Iyi Kongere y’Ishyaka ISHEMA ry’u Rwanda izateranira mu Bubiligi izasuzuma kandi ifate ibyemezo kuri ibi bibazo bibiri bikurikira:

(a)Kunoza gahunda yo kujya gukorera politiki mu Rwanda : kunononsora umurongo wa politiki,  intego n’intambwe zizakurikizwa.

(b)Kugena ingamba  zihamye zo gufasha Abanyarwanda guhangana n’ “Ikibazo cya Manda ya Gatatu “  Paul Kagame ashaka kwiha ku ngufu kuko ishobora guteza u Rwanda akaga gakomeye : iyo nyagwa ngo ni manda ya gatatu nta mwenegihugu n’umwe ushyira mu gaciro uyishyigikiye ;  ntiyemewe n’Itegekonshinga u Rwanda rugenderaho nk’uko ryavuguruwe mu Ukuboza 2015 ; kandi ikaba ikomeje kwamaganwa bikomeye  n’ibihugu by’ibihangange byari bisanzwe bitera inkunga igihugu cyacu.

4.Turasaba  mwebwe Abataripfana n’Abakunzi b’Ishyaka ISHEMA, ari  abari mu Rwanda, ari n’ababarizwa  mu mahanga, ko mwakomeza kutwoherereza inkunga yanyu y’ibitekerezo  bijyanye na ziriya ngingo zizasuzumwa.

Mwatugeraho mukoresheje :

(a)Iyi mirongo ya internet : ishema_party@yahoo.fr.; chaste.gahunde@gmail.com ; nahimanathom@gmail.com .

(b)Telefoni : 00 33  64 36 01 311 (Chaste) ; 00 33 65 21 10 445 (Padiri Thomas)

Imana ikomeze irinde Abakongeresiste mu ngo zabo no mu mayira bagiye gufata kandi izabahe urumuri rwayo muri iyi nama y’ingirakamaro cyane.

Reka nsoze ngira nti : “Uwemera naze dufatanye”.

 

Padiri Thomas Nahimana,

Umunyamabanga mukuru w’Ishyaka ISHEMA ry’u Rwanda

Umukandida wa  « La Nouvelle Generation » mu matora ya Perezida yo mu 2017