Monthly Archives: January 2017

Abatwandikiye:ivangura ryimakajwe na FPR turarirambiwe! (Ibikurikira)

Iyi nyandiko irakurikira iyo twabagejejeho ifite umutwe  witwa Ivangura ryimitswe na FPR turarirambiwe kuwa 31/01/2017 yamagana ivangura rikorerwa abenegihugu b’u Rwanda rikaba rishobora gukurura umwiryane. Ubwanditsi
(11) Genocide silencieux: 
Fact 1: Ubu mu Rwanda hari gahunda ivuga ko umugore wese ubyaye agomba guhita aterwa urushinge rwa 5 ans kugirango ngo atazakurikiza umwana akiri muto ariko ubundi ONAPO yakagombye kuba individuel. Gusa ni uko bikorerwa abagore b’abahutu gusa. Muzayikurikirane rwose si igihuha kuko nayibwiriwe n’umuganga turi inshuti magara. Gusa nyiri kuruterwa ntabyo amenya ahubwo usanga bajya ku mavuriro ya fertility ngo barebe ikibazo bagize kandi ari izo shinge babadudira. 
Fact 2: Gahunda yo gukona abagabo, bayita kwifungisha burundu ariko ubajije uwabikorewe nta mututsi urimo. 
Fact 3:  Icyo bise igeragezwa ry’urukingo rwa sida rikorwa na project San Franscico Bagutera urukingo hanyuma bakazabatera virus ngo barebe uko rukora ariko birangira banduye. Urutewe ahabwa 300,000Rwf.
Fact 4: Artificial hunger (inzara yaremwe), Leta yakoze inzara mu gihugu cyose ku bushake bwa leta. Kurandura imyaka, guhinga ihingwa kimwe, gusarurira hamwe, gukusanya ibirayi, n’izindi ngirwa gahunda za leta.
Fact 5: Exclusion from jobs and education: Rwose barafata bakabemerera kujya kaminuza ariko bagerayo bagasanga nta kashi, bakarivamo.
Fact 6: Guca abazunguzaji muri Kigali, buriya 90% byabo ni abasigaye inyuma mu majyambere (Abahutu).
Fact 7: Kubaka inzu aho ari hose usanga bazana amananiza kandi ugasanga abandi boroherezwa.
Fact 8: Imirimo yose abantu bakagombye gukora ikorwa n’ikigo kimwe kitwa “Ngali Holdings Ltd”, Gusoresha, amashanyarazi, imihanda, amazu, ibyangombwa bitangwa na leta byose kuva ku murenge kugeza ku gihugu bikorwa na http://www.irembo.gov.rw imwe mu mashami ya Ngali holdings Ltd. Yewe no kurihisha amasoko amwe yo mu kabande! Kugeza ubu mu Rwanda hose amazi asigaye yishyuzwa.
Fact 9: Buriya mu ngabo  kuva kuri Sous-lieutenant,kugera kuri General kubonamo umuhutu uri active nimbarwa. Mu bakurutu barimo ariko nibo birirwa batizwa ibihugu ngo baragarura amahoro.
Fact 10: Kuraswa bimaze gufata indi ntera (ngo yashatse kwiruka polisi iramurasa……..): Gusa hano ho mbona bose baraswa nubwo umubare munini ari uwa abahutu. Abatutsi nabo baraswa pee bakananigwa. Gutwika amagereza: kugeza ubu nta gereza itarashya izwi mu rwanda kandi bikorwa hagamijwe kwica abafungiyemo ngo babone aho bashyira abandi. Kurigiswa bireze: ukabura umuntu burundu ntihagire ubaza.

Umunyarwanda ubakunda

Kigali Rwanda

TWIZIHIZE ISABUKURU YA REPUBULIKA TURWANYA UBWIKANYIZE BWA PEREZIDA W’UMUNYAGITUGU!

img_20161216_200807

IJAMBO ry’umuyobozi w’Ishyaka Ishema ku isabukuru ya Repubulika:

Twizihize Isabukuru ya Repubulika turwanya ubwikanyize bwa Perezida w’umunyagitugu!

Banyarwandakazi, Banyarwanda,

Baturanyi namwe ncuti z’Abanyarwanda,

1.Uyu munsi Abanyarwanda baribukana icyubahiro umunsi muhire w’iya 28 Mutarama,  umunsi Abenegihugu bahagurutseho baturutse mu mpande zose z’u Rwanda bagahurira i Gitarama, bagafata icyemezo kidasubirwaho cyo gusezerera ingoma ya cyami na gihake, igasimbuzwa Repubulika ishingiye ku mahame ya Demokarasi . Kugeza n’uyu munsi u Rwanda ni Repubulika. Ushaka guhinyuza yasoma itegekonshinga u Rwanda rugenderaho , mu ngingo yaryo ya mbere :

« Leta y’u Rwanda ni Repubulika yigenga kandi ubutegetsi bwose niyo buturukaho, ishingiye kuri demokarasi kandi igamije guteza imbere abaturage kandi ntishingiye ku idini.

Ishingiro rya Repubulika ni ubutegetsi bwa rubanda, butangwa na rubanda kandi bukorera rubanda« .

2.Reka twibutse ko ingengabitekerezo ya cyami yari yaracengeje mu mitwe y’abenegihugu ko ubutegetsi atari ubwabose, ko ahubwo ari ubwabamwe, ko gutegeka bivukanwa, ko bitangwa mu maraso, ko hari bake bavukiye gutegeka, abandi benshi bakavukira kubabera abagaragu. Ko ubutegetsi bubereyeho gukorera inyungu z’abategetsi mbere na mbere.

3.Niyo mpamvu abaturage babagaho babereyeho guhakirizwa, gutanga imisoro, amakoro n’amahoro by’urudaca. Abaturage baberagaho gukorera umwami n’ibyegera bye , ubuzima bwite bw’ingo n’imiryango yabo nta kandi gaciro bwagiraga ! Umuturage warambirwaga ako gahato akihagararaho akanga kuyoboka yakubitwaga ikiboko akamugazwa, yaricwaga cyangwa agacirwa ishyanga !

4.Italiki ya 28 Mutarama 1960 niyo yahinduye iyo miterere y’ubutegetsi : niyo mpamvu ibyabaye icyo gihe byiswe« Revolisiyo ya Rubanda ». Mu kwemeza ko u Rwanda rubaye Repubulika, ko Kalinga iciwe n’izayo zose, ko ubwiru burangiye…. imiterere y’ubutegetsi yari ihindutse bidasubirwaho, kuko bwari busubijwe mu maboko ya bene bwo : kuva uwo munsi byumvikanye ko « ubutegetsi ari ubwa rubanda, rubanda ikaburagiza abo yishakiye binyuze mu matora adafifitse ». Icyo nicyo duhimbaza uyu munsi ku ncuro ya 57 !

Gusa rero iyi sabukuru tuyihimbaje mu gihe gisa n’ikidasanzwe.

5.Tubabajwe no kuyihimbaza mu gihe umwami wa nyuma w’u Rwanda, Kigeli V Ndahindurwa aherutse kwitaba Imana ariko n’ubu tukaba tutazi neza aho ashyinguye kugira ngo ababyifuza babe bajya kumwunamira . Nk’uwabaye umukuru w’igihugu , Kigali V Ndahindurwa , yakagombye kuba yarashyinguwe agahabwa icyubahiro kimukwiye, nyamara siko byagenze. Ubu rubanda iribaza niba mu by’ukuri umugogo w’umwami wacu ushyinguye muri Porotugali cyangwa i Mwima ya Nyanza . Ninde uvugisha ukuri, ninde ubeshya Abanyarwanda hagati ya Paul Kagame n’abakunzi ba Kigeli? Politiki yo kurindagiza Abanyarwanda izarangira ryari ! Dukeneye ko iki kibazo gisobanuka .

6.Tuboneyeho akanya ko gusuhuza « Yuhi  VI » wimiye ishyanga bitari bikwiye . N’ubwo ari umwami udategeka ahubwo akaba ari umwami w’umuco nk’uko byasobanuwe, tumwifurije ishya n’ihirwe , Imana imukomeze kandi izamuhe ubushishozi n’imbaraga zo gutanga umuganda we mu gukemura ibibazo bikomereye Abanyarwanda muri iki gihe, bityo na we azagire amahirwe kandi aterwe ishema no gutaha mu Rwamubyaye yemye.

7.Nanone ariko mu gihe duhimbaza iyi sabukuru ya Repubulika ishingiye ku mahame ya demokarasi, turamagana twivuye inyuma imikorere y’umunyagitugu Paul Kagame wagaruye muri Repubulika y’u Rwanda bwa butegetsi bwubakiye ku muntu wishuka ko « yavukanye imbuto, ngo akaba ari we wenyine ushoboye gutegeka u Rwanda « .Dore bigeze n’aho arenga umurongo utukura akadukana ibyo « gucira ishyanga » abandi benegihugu bifuza kugira uruhare mu micungire myiza y’igihugu cyabo , binyuze mu kwitabira amatora . Ubu bubasha  Paul Kagame yihaye bugaragaza neza uko yumva ibintu mu mutwe we :  yiyumva nk’umwami, u Rwanda rukaba rutakiri Repubulika , ahubwo rwarasubiye kuba akarima k’abibwira ko bavukanye imbuto !

8.N’ubwo Abanyarwanda benshi (Abatutsi, Abahutu n’Abatwa) bashyira mu gaciro babibona , bakababara mu mutima wabo ariko bagahitamo kwicecekera, twebweho rwose ntabwo dushobora kwemera kuripfana : ibi bintu ni amahano. Paul Kagame arananiwe.  Akwiye kurangiza manda ye ya kabiri ubundi akegama, akareka abaturage bakihitiramo abayobozi bashaka muri aya matora yegereje. Ntabwo dukwiye kwemera ko asubiza ighugu cyacu mu kaduruvayo no mu ntambara z’urudaca ku nyungu ze bwite n’umuryango  we!

8.Niyo mpamvu twifuza dukomeje  ko hashyirwaho « Leta y’u Rwanda ikorera mu buhungiro » mu gihe kitarambiranye, bityo ikibazo cy’Umunyagitugu ushaka gukomeza kugira Abanyarwanda bose ingaruzwamuheto kigashakirwa umuti mu maguru mashya.

9. Ntitwasoza iri jambo tutunamiye abenegihugu b’intwari bahanze Repubulika, tugashima by’umwihariko Mbonyumutwa, Gitera , Kayibanda n’abo bafatanyije. Ndasaba imiryango yabo ko idakwiye kwemera gukomeza guhatirwa kubaho mu ipfunwe, ahubwo ko igomba kubyutsa umutwe, ikagira uruhare rugaragara mu kugoboka Repubulika ; igihe kizagera isubizwe ishema kandi ihabwe ingororano ikwiye abitangiye igihugu.

10.Twifurije Abataripfana bose umunsi mwiza kuri iyi taliki bizihizaho ishingwa ry’Ishyaka ryabo « ISHEMA ry’u Rwanda » riharanira « Kunga abenegihugu kugira ngo bafatanye kwiyubakira u Rwanda rujya mbere kandi ruha abana barwo bose amahirwe angana ».

Harakabaho Repubulika y’u Rwanda

Harakabaho abenegihugu batewe ishema no guharanira ko demokarasi ishinga imizi mu Rwanda.

Padiri Thomas NAHIMANA, Umuyobozi w’Ishyaka Ishema,

Umukandinda mu matora y’Umukuru w’igihugu yo mu 2017

logo-300x135

Abatwandikiye:ivangura ryimakajwe na FPR turarirambiwe!

Mu minsi ishize, umunyarwanda utuye i Kigali yatwandikiye atugezaho akababaro ahura nako gashingiye ku ivangura mu buzima bwe bwa buri munsi. Rumwe mu ngero atanga ni aho abana b’abacitse ku icumu barihirwa amashuri kugeza kuri Masters mu gihe abasigaye basaba n’inguzanyo yo kwiga bagaheba. Ubusanzwe iyo gahunda yo gufasha igice iki n’iki cy’abenegihugu bahuye n’inzitizi mu mibereho yabo, birahagije ngo ube wabageza ku mpamyabumenyi ya Bachelor’s degree (Licence). Impamvu ni uko guhera aho kuzamura mu byiciro byo hejuru biba bitakiri iby’ibanze (fundamental). Ibyo Leta ya FPR ikora rero nta kindi biamije uretse guteranya abana b’u Rwanda. Nimwisomere iyo baruwa. Ubwanditsi

Nanditse iyi email ngirango muvuge ibibazo byose biri iwacu mubimareyo. Nubwo batagira icyo babikoraho ariko nibura bamenyeko ibibazo biriho. Mwe mufite uruvugiro ariko twe ntarwo.

Muvuge ibintu bijyanye na droits fondamentaux zimaze kuba zero mu Rwanda :

Ingero:

(1) Kwivuza: abantu ntibafite uburenganzira bwo kwivuza: bamwe bakoresha FARG card (Abacike) abandi (Mutuelle Card) kd ufite mutuelle ahita amenyekana uwo ariwe (Umuhutu) nunafite FARG card ahita amenyekana.

(2) Kwiga: abantu ntibagifite equal rights muri education, bamwe ni priviledged abandi ni vulnerable : Abacike bafite ikigega FARG kigiye kubarihirira kugeza kuri Masters abandi ngo ni inguzanyo nayo itanaza. Ukurikije imibare ntabwo umubare w’abacike waruta uwa abandi banyarwanda muri za Kaminuza mugiye twese twaba dufite equal access. Kwiga hanze byo, utari umucike ntakijyayo. Uzabaririze ishuri bita Utalii Kolegi ryo muri kenya ryoherezwamo abana bajyanye nigihe ko hari uwasigajwe inyuma n’amateka cg n’amajyambere urimo.

(3) Akazi: akazi kabiswe abahutu ni guhinga, gukakurura imizigo i kigali, kwigisha primaire, gutwara ibishingwe muri kigali no ubuzunguzayi. abandi biswe abacike amaki yose nibo bakoramo, igisoda, inzego zose z’ibanze (99%).

(4) Itotezwa: iyo bavuze umuganda, ukorwa n’abashigajwe inyuma n’amajyambere kera babitaga (abahutu) n’abashigajwe inyuma n’amateka kera bitaga (Abatwa). Abajyanye nigihe kera bitaga (abatutsi baba bigaramiye cg banenganenga)

(5) Ubuhinzi: abashigajwe inyuma n’amajyambere ntibagihinga ibingwa bashaka, bityo ibyo bahawe guhingwa bikarumba kubera kubihinga batabisha. Abajyane nigihe nabo inzara ibageraho ariko bitewe na monthly aid bakura muri FARG imipfire si imwe.

(6) Ubutabera: Kuburana n’ujyanye nigihe ntibigishoboka ko atsindwa urubanza yaba ahuguza cg anyaga abantu. umva ino video:Nyamyumba:Abaturage bafite ubwoba kubera ibibazo by’amasambu

Abashigajwe inyuma n’amajyambere bakurwa mu masambu yiswe ngo nayabo muri 1959. Imanza ntiziba nguhita babakuramo direct. Njye kugiti cyanjye nzi cases 12 aho imiryango yakuwemo burundu kd abajyanye nigihe ntibahatura baragurisha bakisubirira iwabooo

(7) Ubukungu: abashigajwe inyuma n’amajyambere ntibakemererwa gucuruza nka kera, ntibahabwa amasoko ya leta kubera icyaha basizwe n’amateka cya genocide. Big business doers ubu mu rwanda ni abajyanye n’igihe.

(8) Democracy : abashigajwe inyuma n’amajyambere  bakorerwa ibyibo bakajya gusaba change of constitution kugira ngo the Best man agume kuri power

(9) Liberty : No freedom for abashigajwe inyuma n’amajyambere .Ubwoba buba bupima toni 6 kubera ingabo ziba ziri deployed every evening in the country. Rwose ipfunwe ry’icyaha cyakozwe mu izina ryabo ryabatewe kuba inkomashyi nayo adafashe

(10) Reconciliation: Ngo ubu igeze kuri 95% daaa (icyegeranyo cya komisiyo y’ubumwe n’ubwiyunge). Reka daa, kubana kw’abanyarwanda kure kure nk’umubumbee wa Pluton. Gusa babana bishishanya. kandi ubushyingirwe hagati y’amoko bwaragabanyutse cyane.

Ndekeyahoo. Uzacukumbure ibibibazo icumi, mubikoreho ibiganiro hamwe n’abataripfana.

Nanjye ndaruhutse peee. Ngiryo iryari rindi ku mutima.

Imana ibahe umugisha kandi mutuvuganire tugire amahoro arambye mu bwubahane bw’amoko yacu atagize icyo atwaye na mba.

Biracyaza…

Umunyarwanda ubakunda

Kigali Rwanda

ISHEMA : Hagiye gushyirwaho « Guverinoma y’ u Rwanda ikorera mu buhungiro ».

logo

UKURI – UBUTWARI – UGUSARANGANYA

ITANGAZO RIGENEWE ITANGAZAMAKURU

« NTIDUCOGORA  NGO DUTERERE IYO… »

Banyarwandakazi, banyarwanda, nshuti z’u Rwanda,

  1. Ibintu birashyize birasobanutse. Kuri uyu wa mbere tariki ya 23 Mutarama 2017, guverinoma y’u Rwanda iyobowe na Pawulo Kagame yafashe icyemezo kigayitse kandi kinyuranyije n’amategeko, cyo kubuza umukandida w’ishyaka ISHEMA mu matora y’umukuru w’igihugu ya 2017 n’ikipe ye kurira indege yagombaga kubavana ku kibuga mpuzamahanga cy’indege cya Zaventem i Buruseli mu Bubirigi mu rugendo rwabo bagana i Kigali.
  2. Tuributsa ko iyo guverinoma ya Pawulo Kagame, yongeye kugaragaza ko idaha abenegihugu agaciro bakwiye, ntiyubahe itegeko nshinga ry’u Rwanda n’andi mategeko y’igihugu, habe no kubahiriza amasezerano mpuzamahanga n’ayo mu Karere k’ibiyaga bigari u Rwanda rwashyizeho umukono, ari ubugira kabiri ibuza Padiri Thomas Nahimana n’ikipe ye gutaha mu rwababyaye kuko mu mpera z’umwaka ushize yategetse ko babuzwa kwinjira mu ndege yari kubageza mu Rwanda ibakuye ku kibuga mpuzamahanga cy’indege cya Jomo Kenyatta i Nairobi, hari ku itariki ya 23 Ugushyingo 2016. Icyo gihe, Perezida Pawulo Kagame yari yagerageje kwisobanura nuko anenga mu ruhame abategetsi bari bafashe icyo cyemezo kigayitse cyo kubuza abenegihugu gutaha mu rwababyaye. Twari twibwiye ko ibyo perezida yabikoranye umutima utaryarya. Burya koko iminsi iba myinshi igahimwa n’umwe, ukuri kwe kwagiye ahabona kandi kugaragaje mu buryo budasubirwaho ko twari twamugiriye icyizere adakwiye.

Kubera impamvu zavuzwe haruguru, turatangariza abanyarwanda n’umuryango mpuzamahanga ibi bikurikira :

4.Kubera ko bigaragaye neza ko Umunyagitugu Pawulo Kagame afite ubwoba bukabije bwo gupiganwa muri demokarasi kandi ko, kubera ubwo bwoba, byagaragaye ko yiyemeje kuniga, gufunga, cyangwa gukumira umukandida utavuga rumwe nawe wese abona ko afite amahirwe menshi yo kumwanikira mu matora, ntiduteze kugamburura ngo tuyoboke inzira yo kwituramira, ahubwo tuzakaza umurego ngo turwanye igitugu cye twivuye inyuma.

5.Kubera ko, mu kuboza kwa 2015, Umunyagitugu Pawulo Kagame, yateguye « kamarampaka ififitse » yari igamije kumukuriraho inzitizi zo mu rwego rw’amategeko zateganywaga n’ingingo y’101 y’itegeko nshinga ryo mu mwaka wa 2003 yishakira kugundira ubutegetsi ku nyungu ze bwite, ntidushobora gucika intege ngo dutererane imbaga y’abanyarwanda ngo tubarekere mu maboko y’umunyagitugu wigize indakoreka, utegekesha urugomo n’ubugome butagira rutangira kandi udaterwa ikimwaro no gutindahaza nkana abanegihugu. Kuva ubu, ntituzongera kumuha icyubahiro gikwiye umukuru w’igihugu mwiza kandi ntutuzatinya kwamagana ubushobozi bwe buke bwo kuyobora igihugu nk’uko bimaze kugaragarira bose.

6.Kubera ko Perezida Pawulo Kagame yatatiye ubumwe bw’abanyarwanda yari ashinzwe kubungabunga no guteza imbere, akavangura bamwe abandi akabacira ishyanga, bityo akaba yongeye gushyira u Rwanda mu kaga ko kuba rwagwirirwa n’intamabara zishyamiranya abenegihugu, ntiducitse intege ahubwo turahamagarira abanyarwanda aho bari hose guhagurukira rimwe maze bagategura neza « ingamba ziboneye zo kwibohora no gusubiza Repubulika mu maboko y’abenegihugu ».

 NI YO MPAMVU :

7. Twiyemeje, mu gihe kitarenze ibyumweru bibiri, kujya inama n’amashyaka atavuga rumwe na leta, amashyirahamwe aharanira uburenganzira bwa kiremwa muntu ndetse n’abantu ku giti cyabo ngo turebere hamwe uko tuzashyiraho « Guverinoma y’u Rwanda ikorera mu buhungiro » izaba ifite inshingano zo gutegura izo ngamba no kuvuganira abanyarwanda no gusobanura neza ikibazo cyabo imbere y’Umuryango mpuzamahanga n’imbere y’ibihugu bisanzwe bifite inyungu mu Rwanda.

8. Tuzagirana ikiganiro n’abanyamakuru kuri uyu wa gatatu tariki ya 25 mutarama 2017 i Buruseli tuzasobanuramo mu buryo burambuye imigambi dufite kandi dushyire ku karubanda « amayeri » ya guverinoma ya Pawulo Kagame agamije kwimakaza ingoma y’igitugu no kuburizamo ibikorwa by’abanyarwanda benshi bifuza ko mu Rwanda abategetsi bajya basimburana mu buryo bwa demokarasi no mu mahoro .

9. Turahamagarira abanyarwanda, cyane cyane abarwanashyaka n’inshuti z’ishyaka ISHEMA batuye mu Rwanda bari badutegereje ngo batwakirane ubwuzu kudashya ubwoba no kudaha urwaho uwabashotora, cyane cyane turabasaba kwirinda igikorwa icyo ari cyo cyose cy’urugomo bakorera abandi bantu cyangwa ibyabo.

10. Turashishikariza umuryango mpuzamahanga, by’umwihariko ibihugu bisanzwe bitera inkunga umunyagitugu Pawulo Kagame, ko, ku nyungu z’abanyarwanda n’iz’akarere k’ibiyaga bigari by’Afurika u Rwanda ruherereyemo, bavugurura amasezerano bafitanye na we bakazakomeza kumutera inkunga gusa ari uko afunguye urubuga rwa politiki mu Rwanda kandi akubahiriza amahame ya demokarasi.

 

Harakabaho Repubulika;

Harakaza amahinduka ya kidemokarasi mu Rwanda.

Bikorewe i Buruseli, kuri iyi tariki ya 23 mutarama 2017

Padiri Thomas Nahimana,

Umuyobozi mukuru w’Ishyaka ISHEMA ry’u Rwanda

Umukandida mu matora y’umukuru w’igihugu ya 2017

logo-300x135

Rwanda : Paul Kagame aux trousses d’un opposant ” fantôme”

Thomas

L’opposant rwandais Thomas Nahimana a été empêché de prendre son vol à Bruxelles (Belgique), ce lundi 23 décembre à destination de Kigali (Rwanda). En novembre dernier, l’opposant, a été aussi refoulé à l’aéroport de Nairobi (Kenya),en partance pour Kigali. Vu la répétition de ces déconvenues, M. Nahimana serait-il un élément  gênant pour les autorités de Kigali ?

Thomas Nahimana a été empêché ce lundi 23 janvier, de prendre son vol en partance de Bruxelles en Belgique pour Kigali, la capitale rwandaise. Au moment où M. Nahimana s’apprêtait à embarquer sur un vol de la compagnie aérienne Brussels Airlines, des employés de cette compagnie sont venus lui notifier l’interdiction de voyage signée des autorités de Kigali.

Il faut souligner que l’opposant rwandais n’en est pas à sa première déconvenue avec le pouvoir de Paul Kagame. En novembre 2016, M. Nahimana, exilé en France depuis 2005, a voulu regagner Kigali via Nairobi. Mais une fois à l’aéroport au Kenya, il a été notifié au Rwandais qu’il ne pouvait pas prendre le vol.

Plus tard ce lundi 23 janvier, les services d’immigration rwandais ont dévoilé les motifs de ces refoulements incessants. Il est reproché à l’opposant de ne pas avoir déclaré sa binationalité et de voyager avec un passeport rwandais expiré. De son côté l’opposant indique que la demande de  renouvellement de son passeport adressée à l’ambassade rwandaise à Paris est restée sans suite.

En réalité, cette guerre que livre Kigali à M. Nahimana semble être d’ordre politique. En effet, Thomas Nahimana, exilé en France depuis 2005, compte rentrer  au pays pour se présenter à la présidentielle de 2017 contre le président Paul Kagame, qui brigue un troisième septennat à la tête de ce petit pays d’Afrique de l’Est. Par ces manières, le chef de l’Etat  montre qu’il a peur d’être concurrencé dans la course à la magistrature suprême. Il est alors prêt à empêcher tout autre prétendant sérieux à se présenter.

M. Nahimana, étant certainement l’une des personnalités dont la candidature allait déranger M. Kagame, celui-ci a simplement préféré ne pas lui permettre de mettre pieds au pays.

Christophe SESSOU-beninmondeinfos.comSource : beninmondeinfos.com

COMMUNIQUE DE PRESSE: Face à la provocation de Paul KAGAME…

« NOUS NE BAISSONS PAS LES BRAS… »

Rwandaises, rwandais, amis du Rwanda,

  1. Le mythe est définitivement tombé : en cette date du 23 Janvier 2017, le Gouvernement rwandais dirigé par Paul Kagame a pris une décision aussi illégale que honteuse, de bloquer à l’aéroport international Zaventem de Bruxelles, le Candidat du Parti Ishema aux élections présidentielles de 2017 et son équipe qui devaient atterrir ce soir même à Kigali.
  2. Nous rappelons que le même Gouvernement de Paul Kagame, qui prouve une fois de plus, qu’il ne respecte ni ses citoyens, ni la constitution rwandaise, ni les lois nationales, encore moins les accords régionaux et internationaux, avait déjà interdit l’accès à la mère patrie, l’abbé Thomas Nahimana et son équipe en les débarquant de l’avion qui les ramenait au Rwanda, c’était le 23 Novembre 2016, à l’aéroportinternational Jomo Kenyatta de Nairobi. Le Président Paul Kagame avait finalement essayé de se justifier en désavouant publiquement les responsables qui avaient pris une telle folle décision d’empêcher des citoyens rwandais à rentrer dans leur pays. Nous avions cru le président de bonne foi. Aujourd’hui la suite des événements le démasque et nous donne tort.

Pour ces motifs, nous portons à la connaissance du peuple rwandais et de la communauté internationale ce qui suit :

  1. Parce qu’il devient enfin très clair que le Dictateur Paul Kagame a trop peur de la compétition démocratique et que, de ce fait, il s’est engagé ou bien à égorger, ou emprisonner, ou bloquer à l’étranger tout candidat de l’opposition capable de le battre dans les urnes, nous ne baisserons pas les bras, nous allons plutôt intensifier la lutte contre sa tyrannie.
  1. Parce que, en décembre 2015, le même Dictateur Paul Kagame, désireux de rester indéfiniment au pouvoir pour convenances personnelles, a organisé un « Referendum truqué » destiné à faire sauter la limite des mandats prévu par l’article 101 de la Constitution rwandaise de 2013, nous ne pouvons plus baisser les bras et abandonner le peuple rwandais à la merci des caprices et débordements d’un dictateur violent et insensible aux misères du menu peuple. Nous allons désormais contester sa légitimité et faire sanctionner son incompétence désormais connue de tout le monde.
  2. Parce que le Président Paul Kagame a trahi la cause de l’unité nationale qu’il est sensé promouvoir et protéger et ainsi exposer, une fois de plus, notre pays au risque de la guerre civile, nous ne baissons pas les bras et appelons le peuple rwandais à se lever pour organiser « une résistance civile et républicaine » forte et efficace.

VOILA POURQUOI :

  1. Nous nous engageons à consulter, dans les quinze jours, l’ensemble des forces de l’opposition pour former un « Gouvernement rwandais en exile » avec pour mission d’organiser la résistance et de plaider la cause du peuple rwandais auprès des instances et de la communauté internationale.
  2. Nous tiendrons une conférence de presse ce mercredi 25 Janvier 2017, à Bruxelles pour expliquer notre démarche et mettre à nue les « manœuvres » du gouvernement de Paul Kagame destinées à réduire à néant les efforts du peuple en faveur d’une alternance démocratique et pacifique
  3. Nous appelons le peuple rwandais, surtout les militants et les amis du Parti Ishema vivant au Rwanda qui attendaient de nous accueillir à bras ouverts de ne pas céder ni à la panique, ni à la provocation et surtout à éviter tout acte de violence envers les personnes et les biens d’autrui.
  4. Nous invitons la communauté internationale et plus particulièrement les pays qui soutiennent le Dictateur Paul Kagame à revoir leur engagement et à conditionner leur aide à l’ouverture démocratique pour le plus grand bien du peuple rwandais et de la région des grands lacs africains.

 

Vive la République ;

Que vienne le changement démocratique au Rwanda.

 Fait à Bruxelles, ce 23 janvier 2017

 

Abbé Thomas Nahimana,

Leader du Parti Ishema

Candidat aux élections présidentielles de 2017

LE PRÉSIDENT KAGAME À DAVOS : UN TROU DE TROP DANS LE BUDGET RWANDA

kagame-davos

Le président Paul Kagame vient d’assister au Forum Economique mondial de Davos (Suisse) qui a ouvert son 47è sommet le 17/01/2017. Il est légitime de se poser la question : que va-t-il y faire ? Car, à voir la configuration du sommet, il n’est pas taillé pour un président d’un pays comme le Rwanda qui a de la peine à financer son budget. Pour cette année 2017, il doit quémander 40% pour combler son déficit budgétaire.

Davos : un gouffre d’argent

Davos est une ville des Alpes suisses. Elle doit sa notoriété au fait qu’elle abrite chaque année  le Forum économique mondial (World Economic Forum, WEF). Celui-ci est une invention de Klaus M. Schwab, professeur d’économie à l’Université de Genève qui, en 1971, invita des centaines de chefs d’entreprises européennes pour un développement d’un nouveau management à l’américaine. Le Forum prit une grande ampleur de telle sorte qu’en 1974, des responsables politiques y sont également invités. La cuvée 2017 a réuni près de 3.000 participants, dont 1200 patrons d’entreprises et une cinquantaine de chefs d’Etat et de gouvernement issus presque tous des pays développés. Le président rwandais est un des rares chefs d’Etat des pays pauvres à y participer : de mauvaises langues, en paraphrasant Jean de la Fontaine, parlent de la grenouille qui veut se faire plus grosse que le bœuf.

De fait le WEF est une question de gros sous : 19.000 dollars de ticket d’entrée à Davos, une cotisation annuelle à la fondation de 52.000 dollars ; 137.000 dollars pour accéder aux rencontres privées ; 263.000 dollars pour un billet d’un accompagnant. Pour un maximum de cinq personnes, il faut  527.000 dollars de cotisation et 95.000 dollars de billets. Sans parler du prix du transport en jets privés, des frais de logement qui peuvent  aller jusqu’à plus de 600 dollars par nuit.

Des dépenses d’apparat

Paul Kagame avec ses deux enfants au sommet de Davos 2016. Les prix ci-haut cités sont dans la normale des choses quand on sait que les participants sont entre autres Bill Gates de Microsoft, Lloyd Blankfein de Goldman Sachs, ou Eric Schmidt de Google, etc. Mais ces prix, ramenés à la taille du budget du Rwanda, sont un gouffre d’argent. De plus, le président Paul Kagame y participe avec une délégation consistante (l’année passée, il était avec ses deux enfants et quelques ministres), ce qui contribue à alourdir la facture. L’on ne peut que déplorer ce gaspillage qui sent une irresponsabilité criante. Il s’agit ni plus ni moins des dépenses d’apparat car les retombées attendues sont inexistantes.

Devos : chantre de la mondialisation

Des critiques de Forum ne manquent d’ailleurs pas : le sommet de Davos a acquis, au fil des années un pouvoir impressionnant qu’il est l’incarnation de l’impérialisme. Qui osera encore alors dire que Paul Kagame est un nationaliste ?

En outre le sommet de Davos prône la mondialisation ultralibérale, et fait en sorte que des dirigeants des multinationales jouent un rôle de plus en plus important dans la prise de décisions importantes dans l’économie des pays au détriment du rôle de régulation des États. Davos œuvre à affirmer la légitimité d’une nouvelle « gouvernance globale » où les entreprises ont de plus en plus tendance, contre toute éthique, et sans une implication citoyenne, à remplacer le rôle des États. Soulignons ici que Paul Kagame s’inscrit bien dans cette gouvernance mondiale. N’a-t-il pas un gouvernement parallèle composé de conseillers internationaux (board advisors), dont l’ex-président américain Bill Clinton, l’ex-premier ministre anglais Tony blair, ou le richissime homme d’affaires Warren Buffet, qui orchestre le contrôle de la région à partir du Rwanda.

Le WEF ne représente pas les intérêts de la population mondiale mais seulement ceux de très grandes entreprises, des banques et des États les plus riches ; il s’arroge le droit de prendre des décisions majeures sur les orientations économiques du monde ; c’est la réunion des nantis, des chantres de la mondialisation économique. Encore une fois Paul Kagame y trouve son compte : son holding, Crystal Ventures rentre bien dans la philosophie du Forum économique de Davos. N’a-t-il pas fait main basse sur l’économie rwandaise (bâtiment, ingénierie, agro-alimentaire, travaux publics, matériau de construction, électricité, granite, café,…) tout  en favorisant des multinationales de s’installer au Rwanda souvent contre des intérêts de la population. Les exemples ne manquent pas : en avril 2011, n’a-t-il pas autorisé la société Merck à administrer le Gardasil à plus de 100.000 fillettes rwandaise sous prétexte de lutter contre le cancer du col utérin alors que l’efficacité de ce vaccin était contestée par certaines études. Ces élèves ont servi en fait de cobayes pour les recherches de la société. Récemment, le Rwanda a autorisé l’entreprise américaine de robotique Zipline, d’expérimenter ses drones au Rwanda sous prétexte de faciliter l’acheminement du sang dans les hôpitaux ; la priorité des hôpitaux rwandais, ce ne sont pas des drones mais des ambulances car la plupart s’en sont pas pourvues. Des centaines d’hectares ont été distribués aux riches hommes d’affaires dans bon nombre de coins du pays. Comme la terre manque cruellement, cela s’est souvent opéré au prix des expropriations sauvages des paysans.

De l’argent jetés par la fenêtre alors que le pays en a besoin

Alors Paul Kagame était en partance pour Davos, le courant électrique de l’université nationale du Rwanda, campus de Butare, a été coupé à cause des factures impayées des 12 derniers mois. Selon certaines études réalisées par des spécialistes de l’économie rwandaise, le Rwanda devra demander de l’aide aux bailleurs de fonds pour équilibrer son budget de 2017 qui accuse un déficit de 40%. Et ce n’est pas tout.

Florilèges : des articles de presse ne cessent de dévoiler des hôpitaux dans lesquels les femmes accouchent sur un éclairage de lampes-torches faute de courant électrique ; des étudiants qui ne peuvent pas poursuivre leurs études faute de bourse ; la famine qui fait rage depuis des années et qui a occasionné des émigrations massives des paysans vers l’Ouganda ; un manque d’eau dans bon nombre de régions dont la capitale Kigali où les moins nantis se contentent des eaux usés des rigoles ou des flaques d’eau comme dans le Mutara, etc.

A ces sommes dépensées à Davos s’ajoutent d’autres dépenses qui déforcent le budget de l’Etat, à savoir celles occasionnées par des voyages incessants du président Paul Kagame. Déjà en ce mois de janvier 2017, il était en Inde du 9 au 12 janvier pour un énième sommet économique ;  du 13 au 14 il était à Bamako au Mali pour le sommet France-Afrique et après ce fut le départ pour Davos. Ce train de vie s’apparente ni plus ni moins aux voyages touristiques tellement le président s’y plaît. Il en a été ainsi pour 2016 : pour le seul mois d’octobre par exemple, il a enchaîné des voyages : Maputo (Mozambique) du 24 au 25 /10/2016 ; du 27 au 28/10/2016 à Brazzaville (Congo) ; 28/10/2016 : Libreville (Gabon), etc.

Le Rwanda n’est pas au bout de ces peines car Paul Kagame, qui va rempiler pour un nouveau mandat de 7 ans cet été 2017, a taillé la Constitution à sa mesure de façon qu’il va rester aux commandes du pays jusqu’en 2034 !

Jean-Charles Murego
20/01/2017

Source: http://www.musabyimana.net/20170120-le-voyage-du-president-kagame-a-davos-un-trou-de-trop-dans-le-budget-rwandais/

 

2017, umwaka wo kubyutsa umutwe, tugaharanira ISHEMA ryacu.

img_20161216_200807

Banyarwandakazi,
Banyarwanda,
Baturanyi namwe nshuti z’Abanyarwanda,

Dore umwaka wa 2016 urashize uwa 2017 uratashye.

1.Uwampa ububasha bwo kwita izina uyu mwaka mushya uje, nawita « Umwaka wo kubyutsa umutwe » no guharanira ishema rya buri mwene gihugu.
2.Nk’uko twese twabibonye kandi tukaba dukomeje kubizirikana mu mitima yacu, umwaka wa 2016 wabayemo ibyiza bitari bike byaduhaye icyizere cyo gukomeza kubaho ariko wanabayemo byinshi byagoye Abanyarwanda. Muri make habonetse ibibazo byinshi ,ibisubizo bike cyane.

Ushojwe :

(1) rubanda icyibuka « itekinika » rigayitse ryagaragaye muri gahunda yo guhindura ingingo y’101 Itegekonshinga ryo mu 2003 mu rwego rwo kuniga demokarasi burundu.
(2) havugwa inzara yiswe « NZARAMBA » ikomeje guca ibintu mu turere twose tw’igihugu, ikaba ahanini yaratewe na politiki mbi yo kurandura imyaka y’abaturage, kubambura  imirima y’ibishanga no kubabuza guhinga ibyo bashaka kandi bibafitiye akamaro.
(3) hari urubyiruko rutagira ingano rukomeje gutaka no guta icyizere cy’ejo hazaza, rukaba ruremerewe cyane n’ivangura rukorerwa, ubushomeri no kubuzwa ukwishyira ukizana.
(4) hari abaturage barira ayo kwarika kuko Leta yabasenyeye amazu hakaba n’abo yambuye amasambu yabo ntibahabwe ingurane ikwiye.
(5) hariho abenegihugu benshi baraswa n’ inzego zakagombye kubarindira umutekano.
(6) hagaragara iterabwoba rikaze mu Turere, mu Mirenge no mu Tugari riherekejwe no kweguzwa ku ngufu kw’abayobozi benshi b’inzego z’ibanze abasivili bagasimbuzwa abasilikari ku mpamvu zifitanye isano n’amatora yegereje .
(7) haganje ruswa, ivangura n’akarengane mu nzego zinyuranye.
(8) haradutse « inkongi z’imiriro »  zibasiye amagereza n’amazu y’ubucuruzi y’abatari abatoni b’Ishyaka riri ku butegetsi.
(9) hari ukurebana ayingwe n’ukwiteranya n’ibihugu by’abaturanyi gushobora gukurura intambara zisenya.
(10) N’ibindi bitari bike bibangamiye ubumwe n’ubwiyunge bw’abanyarwanda.

3.Ku buryo bw’umwihariko ntitwabura kwibutsa uko uyu mwaka wa 2016 urangiye hagaragaye ikosa rikomeye kuri Leta iriho ryo kubangamira bikomeye uburenganzira bw’Abanyarwanda bari mu mahanga bifuza gutaha mu gihugu cyabo batubitse umutwe, ahubwo bafite ubushake bwiza bwo kugira uruhare rugaragara mu micungire iboneye y’ubuzima bw’igihugu no gutanga umuganda wabo mu gushyikiriza Abanyarwanda ubuyobozi bubanyuze.

4.Niyo mpamvu twifuriza Abanyarwanda ko umwaka mushya wa 2017 wababera muhire.

Umwaka mwiza wa 2017 ndawifuriza Abalideri bose ba politiki bifuriza igihugu cyacu impinduka nziza kimwe n’impirimbanyi za demokarasi zose bafatanyije.

Ndanawifuriza Perezida wa Repubulika , Imana izawumuheremo ubushishozi bukomeye , azashobore gukiranura Abanyarwanda nk’uko abifite mu nshingano .

Umwaka mwiza wa 2017 ndawifuriza Abanyarwanda bose muri rusange , cyane cyane abashavuye kubera impamvu zinyuranye. Uzababere umwaka w’ubutwari bubahagurukiriza guharanira uburenganzira bwabo mu bwitonzi no mu mutuzo .

5.Koko rero uyu mwaka wa 2017 uje ni umwaka udasanzwe . Turifuza ko waba umwaka w’impinduka zikomeye ariko nziza.

Umwihariko w’uyu mwaka wa 2017 ni uko uzaha abenegihugu ICYANZU cyo kwipakurura ubutegetsi bw’igitugu bakitorera Umukuru w’igihugu uzabubaha, akabakunda, akabafasha kurushaho kwiyunga no kwiyubakira iterambere rirambye kandi risaranganyijwe.

6.Ndasaba Abanyarwanda aho bari hose, mu mahanga cyangwa mu gihugu, KUBYUTSA UMUTWE , bakiyemeza kwitabira amatora y’umukuru w’igihugu ateganyijwe taliki ya 3 n’iya 4 Kanama (8) 2017, batitaye ku iterabwoba batazabura gushyirwaho . Nibimenyekane neza ko « Guhunga amatora »   ari ubundi buryo buhambaye bwo « guhitamo gushyigikira ubutegetsi bw’igitugu » buriho .
Gusa nanone nibyumvikane ko kugira ngo amatora ari imbere azagenda neza kandi azane impinduka ikenewe,  bizaba ngombwa ko  abenegihugu biyemeza gutsinda ubwoba , bakayitegura , bakayitabira, bagakurikirana uko amajwi abarurwa n’uko atangazwa.

7.Guhitamo kwituramira no kwiturira mu gice cy’abanyabwoba na bantibindeba nta musaruro bitanga kuko bitabuza akarengane gusagamba no kuzagera kuri buri wese umunsi umwe .

8. Ibibazo nyakuri Abanyarwanda bafite twese turabizi. N’ibisubizo byatanga amahoro kuri bose , nta munyarwanda ubiyobewe.
Abanyarwanda barambiwe « politiki y’ibipindi » y’ishyaka rukumbi rya FPR-Inkotanyi, politiki  yo kubashinyagurira ngo bavuye mu bukene kandi inzara yenda kumarira abana babo ku icumu ! Ngo u Rwanda ni intagereranywa mu miyoborere myiza kandi iterabwoba rivuza ubuhuha, abaturage b’inzirakarengane bakomeje kuraswa ku manywa y’ihangu! Ngo demokarasi yashinze imizi mu Rwanda  kandi urubuga rwa politiki rudanangiye , imfungwa za politiki nka Victoire INGABIRE , Deogratias MUSHAYIDI, Kizito MIHIGO, Padiri Édouard NTULIYE, Padiri MATEGEKO Aimé  n’abandi …batarenganurwa kandi aribyo bikwiye .

9.Nyamara twese tuzi neza ko icyo Abanyarwanda bakeneye mbere na mbere ari ukwicarana nk’abareshya, bakaganira nta buhendanyi, bakumvikana ku nzira zo guca burundu ivangura rishingiye ku irondakoko , gusaranganya neza ibyiza by’igihugu no gufatanya kurwanya akarengane aho katuruka hose .

10.Nk’umuyobozi mukuru w’ISHYAKA ISHEMA ry’u Rwanda nkaba n’umukandida waryo mu matora y’umukuru w’igihugu ateganyijwe, nongeye kwizeza Abanyarwanda bose ko twiteguye gutaha mu mahoro mu gihugu cyatwibarutse taliki ya 23 Mutarama 2017 kugira ngo twandikishe ishyaka ryacu nk’uko biteganywa n’amategeko, twitabire amatora  bityo tuzabone uko dutanga umuganda wacu mu kubaka igihugu gitekanye kandi giha abana bacyo bose « AMAHIRWE ANGANA ».

11.Sinasoza ntongeye gushimira mbikuye ku mutima Abanyarwanda benshi badutabaye, bakatwereka urukundo mu bihe bikomeye, ubwo guhera taliki ya 23 Ugushyingo 2016 twari nk’imfungwa mu kibuga cy’indege cya Nairobi, twambuwe uburenganzira bwacu bwo kwinjira ku butaka bw’uRwatubyaye . Igihe kirageze ngo twese duhagurukire guharanira ko hatazongera kugira undi mwenegihugu ukorerwa igikorwa nk’icyo cy’urugomo n’agasuzuguro.

Mbifurije mwese Umwaka w’ibyiza gusa , « Umwaka wo kubyutsa umutwe tugaharanira ishema ryacu ».
Harakabaho Repubulika y’u Rwanda
Harakabaho Abenegihugu batewe ishema no kwitwa Abanyarwanda .

Padiri Thomas Nahimana , Umuyobozi w’Ishyaka ISHEMA
Umukandida mu matora y’umukuru w’igihugu ateganyijwe muri 2017

logo