Daily Archives: February 7, 2021

Ishema Party: Intwari za Rubanda n’Urugero rw’ubutaripfana 2021.

Ishyaka Ishema ry’u Rwanda, ku munsi ngarukamwaka ryashinzweho, 28/01 ryizihije imyaka umunani rimaze rishinzwe. Kuribuwo munsi, ryahisemo bamwe mu Banyarwanda ribagenera Ishimwe nk’ikimenyetso cyo kuzirikana ibikorwa byabaranze no gutoza abatoya kubakurikiza.
Abahawe amashimwe barimo ibice bibiri.
Icya mbere kitwa, Intwari za Rubanda kirimo abasirikare batatu b’Inzirabwoba kubera ibikorwa byabaranze mu kurwanirira ubusugire bw’igihugu cyabo.
Abo ni:
1.Major RWANDEYE Ildephonse
2.Général NSABIMANA Déogratias uzwi ku kabyiniriro ka Castal

3.Général KABIRIGI Gratien
Mu gice cya kabiri kitwa “Urugero rw’ubutaripfana” harimo abanyarwanda bagaragaje gushirika ubwoba bagafata ijambo , bakanga kuripfana , bakamagana akarengane gakorerwa rubanda kandi biteguye kwakira ingaruka zose zabababaho.
Muri iki cyiciro turasangamo:

  1. Bwana NIYONSENGA Dieudonné alias CYUMA Hassan
  2. Bwana KARASIRA Aimable
  3. Abaturage bo muri Bannyahe
  4. Ishyirahamwe LECP Info
  5. Bwana NKUSI Joseph
  6. Madamu Judi REVER

Gutanga aya mashimo bibaye ku nshuro ya kabiri kuko unuheruka hari tariki ya 28/01/2018. Icyo gihe abagenewe ishimwe ry’intwari ni MUTARAIII Rudahigwa, Grégoire KAYIBANDA, Dominique MBONYUMUTWA na Juvenal HABYARIMANA. Naho mu Uruhero rw’ubutaripfana harimo Madamu Victoire INGABIRE, Me Bernard NTAGANDA, Déogratias MUSHAYIDI, Kizito MIHIGO, Joseph MATATA na Siméon MUSENGIMANA.

Nitwe tugomba guha agaciro intwari zacu, nta wundi ubitubereyemo.

Chaste Gahunde

Ishema Party

Gushyingura cyangwa kubika mu tubati imibiri y’abishwe? Tubyibaze.

Ikibazo kiri mu mutwe w’iyi nyandiko cyabajijwe n’umuntu ukoresha amazina ya Hon Oré kuri facebook. Aribaza niba Leta yarasabye uruhushya imiryango y’abishwe, bakemeranywa kubika iyi mibiri mu tubati aho kuyishyingura.

Dore uko abivuga:

Mu myaka yashize nagize ibyago cyangwa amahirwe yo gusura camp de concentration ya Auschwitz – birkenau muri Pologne ahakorewe génocide y’abayahudi.

➡️Nabonye ibyumba byuzuyemo za lunettes abahamburiwe ubuzima babaga bambaye.
➡️Mbona imbago n’utugare tw’ibimuga byahiciwe
➡️Mbona amafoto y’abahasize ubuzima
➡️Mbona chambres à gaz zakoreshwaga mu guhohotera izo nzirakarengane
➡️ n’ibindi byinshi…

Gusa nta mirambo, amagufa, cyangwa uduhanga by’abahasize ubuzima nahabonye.

Ibibazo abaza ni ibi bikurikira:

  1. Ese iwacu kuki twahisemo kwanika amagufa n’uduhanga by’abacu?
  2. Ko atari umuco wacu, tukaba n’ubundi dukopera abandi, kuki tutiganye uburyo abahuye n’ako kaga mbere yacu babigenje kugirango bitazibagirana?
  3. Ese Leta yaba yarabajije ababuze ababo uruhushya mbere yo kubashyira muri turiya tubati?

Ibi bibazo buri wese yabyibaza ariko ibisubizo byatangwa na Leta ya FPR. Na none umuntu yakwibaza ati ese ni nde ufite uburenganzira ku murambo w’uwitabye Imana, yaba yishwe cyangwa apfuye urupfu rusanzwe?

Nanjye nkibaza niba koko FPR yaba ifite gahunda yo kuzashyingura iyi mibiri mu gihe abiciwe ababo baba bakomeje gusaba ko bikorwa, cyane ko benshi mu banyarwanda babona kugumisha iyi mibiri mu tubati ari agashinyaguro!

Icyitonderwa: Ubusanzwe, umubiri ugizwe n’amagufwa, amazi avanze n’amaraso, n’inyama. Iyo umuntu amaze gupfa umubiri urabora hagasigara amagufwa yonyine. Ngo mu rwego rwo kubaha abishwe, FPR yafashe icyemezo cyo kuvuga imibiri mu kigwi cy’amagufwa. Ibi bikaba mu maso y’abatari bakeya bigaragara nko gushaka gushuka abiciwe ko abantu babo bapfuye batigeze babora. Abazi ibinyanye n’ibinyabuzima bemeza ko kugira ngo umubiri udashanguka, bisaba kuwutera imiti yabugenewe iwufasha kandi igatuma abawegereye batagira indwara banduzwa na wo.

Inyandiko y’umukunzi wacu.