Oreste Hasingizwimana yishwe afite imyaka 46 gusa.

Nk’uko tubikesha ikinyamakuru Jambo news gikorera mu gihugu cy’u Bubiligi, Oreste Hasingizwimana wari impunzi mu gihugu cya Centrafrica yarashwe n’abitwaje intwaro kuwa 20 Gashyantare uyu mwaka.

Uyu mugabo Oreste yari amaze imyaka igera kuri 15 muri iki gihugu akora ubucuruzi bwe nta nkomyi. Cyakora mu gihe gishize inyeshyamba zo mu mutwe wa Seleka zashatse kumwambura imodoka ye. Igihe ingabo z’u Rwanda zageraga muri iki gihugu Seleka yavuye mu murwa mukuru, umutekano ukaba ucunzwe n’ingabo z’u Rwanda mu butumwa bwa  Mission internationale de soutien à la Centrafrique (MISCA). 

Umwe mu bicanyi bahitanye Oreste yari asanzwe azwi. Ni umunyarwanda uzwi ku izina rya Karoli Ntaganda uhamaze igihe gitoya bikaba bikekwa ko akorana na Leta ya Kigali ikomeje guhangayikisha Abanyarwanda bayihunze.

Ingabo z’u Rwanda ziramutse zihawe amategeko meza zatanga umusaruro ushimishije.

Kuva ingabo z’ u Rwanda zagera muri Centrafrica, impunzi z’Abanyarwanda  zihaba zirahangayitse cyane kubera ko zidashira amakenga ingabo z’u Rwanda zabirukankanye zikabica umugenda kuva mu Mutara kugera Kinshasa, ibirometero bigera hafi 5000.

Gendarmerie yatangiye gukora iperereza ngo imenye icyihishe inyuma y’urupfu rwa Oreste. Niba ingabo z’u Rwanda ziterekana ko atarizo zabikoze ubwo zizadutangariza uwabikoze. Ikindi zigomba kwibuka ko ubutumwa zahawe ari ubwo kurinda umutekano w’abatuye muri Centrafrica bose.

Bisanzwe bizwi ko ingabo z’u Rwanda zigira discipline ishimishije ariko nanone zikorera ku mategeko. Bivuga ko ziramutse zibonye ubuyobozi bwiza zakora akazi kazo ku buryo bushimishije. Ubwo buyobozi ni bwo bubuze rero, kandi mu gihe butaraboneka ibikorwa by’urugomo bizakomeza gukorwa n’abasirikare b’ U Rwanda kandi nyamara bashoboraga guhabwa amategeko meza zigakorera Abanyarwanda zigahesha icyubahiro igihugu n’isi yose.

Chaste Gahunde

FPR ikomeje kwandagaza Mwarimu muri gahunda yo kumutindahaza no kumwica nabi. Nimwisomere iyi nkuru dukesha igihe.com

Ndungutse Daniel, umwarimu ku mashuri abanza ya Rukomo II, ikigo giherereye ku karere ka Nyagatare mu murenge wa Rukomo, yatukiwe mu ruhame n’abayobozi bamukuriye mu murenge n’akarere bamuziza kuba yaragejeje ikibazo cye muri minisiteri y’uburezi. Ababivugwaho barabihakanye ndetse baramwibasira imbere y’abarimu bagenzi be barakangarana, nkuko bagenzi be babitangarije IGIHE.

Mu nama yahuje abarimu bose bo mu murenge wa Rukomo, ku wa Kane tariki ya 20 Gashyantare 2014, hagarutswe ku kibazo cy’umwarimu woherereje ubutumwa Umunyamabanga wa Leta muri Minisiteri y’Uburezi ushinzwe amashuri abanza n’ayisumbuye, Dr Harebamungu Mathias, amugezaho ikibazo cye ko afitiwe ibirarane by’igihe kirekire, ariko akaba atabyishyurwa. Ubwo butumwa yabwohereje tariki ya 6 Gashyantare 2014.

Iki kibazo cyabaye nk’igiteza impagarara, uhereye ku karere kabajijwe impamvu kadakemura iki kibazo, ndetse na mwarimu Ndungutse Daniel wagitangaje, ubwe yahamagajwe mu nama ku karere shishi itabona, abwirwa ko ibyo yakoze ari ugusebya inzego, asabwa no kwandika ibaruwa isaba imbabazi arayandika.

Nyuma yaho, ubuyobozi bw’ikigo yigishaho nabwo bumaze kumutonganya, bwamusabye kwandika ibaruwa yabwiwe ko agomba kuyandika asaba imbabazi kuko ngo yakoze amakosa akomeye akabitirira icyaha cy’akazi k’ubuvugizi bw’ikigo yakoze.

Iyi nama y’abarimu bose yatangiye isaa mbiri za mu gitondo, irangira saa kumi n’ebyiri, abari bayirimo bose, bavuga ko nta cyo kurya nta n’amazi aba barimu bahawe, kandi ngo hari harimo abataha kure.

Gasana Robert, umuyobozi w’ishuri rya Rukomo Secondary School, ari imbere y’aba barium bose, ngo yakoresheje amagambo akomeye arimo imvugo nyandangazi n’iteshagaciro ku barium, bibatera agahinda no kumva bacitse intege.

Aba barimu banenze imvugo ya Gasana nk’umuyobozi, ngo kuko yagaragaramo iteshagaciro, iyicarubozo n’ihohotera kuri bo nkuko babivuga.

Mu kiganiro umwe mu barimu, bari bitabiriye iyo nama, yagiranye na IGIHE yavuze ko bababajwe cyane n’amagambo yabwiwe mugenzi wabo nabo bakumviraho kuko bon go babonaga ari nko kwibasira umwuga muri rusange Atari uwo muntu ku giti cye.

Yagize ati : “Ntibikwiye kubwira umuntu ko ari gasiya, kuko turi abarimu turerera igihugu.”

Ngo mu mvugo y’uriya muyobozi w’ishuri witwa gasana yakanze abarimu agira ati : “Ikibazo ukigeza kuri Minisitiri, ni so ni nyoko ni mwene wanyu ?[…] Ntashobora kumenya gasiya nkawe y’umwarimu.”

Icyatangaje abarimu b’irukomo muri iyi nama n’uburyo bayifashwemo nabi bakanasuzugurwa, ngo ni uko uyu muyobozi w’ishuri yabibasiye amaze no kwambura mikoro yari yahawe mwarimu Ndungutse ngo afate umwanya wo kugira icyo avuga kuri ubu butumwa yohereje bufatwa nk’ikirego.

Undi mwarimu yagize ati : “Ni uko tudafite aho tujya, twagombye kugenda, turarera ngo tutazabibazwa n’Imana.”

Si uyu muyobozi Gasana gusa aba barimu bavuga ko yahohoteye mugenzi wabo, kuko ngo n’umuyobozi w’inama Njyanama y’umurenge wa Rukomo, Niyonsenga Isaie, nawe ngo yarababwiye bapfuka amatwi.

Umwe muri bo yagize ati : “Niyodusenga yatubwiye ko turi munsi y’ibirenge bye, ngo duhembwa make kandi tukambara inkweto zitobaguritse.”

Ikindi ngo ni uko yasuzuguye mugenzi wabo amubwira ati : “Kubyoherereza n’umuyobozi wo hejuru ni ukwikoza ubusa, kuko ibyo mumwoherereza bitugarukaho.”

Gusa ngo nubwo yababwiye aya magambo ngo bababajwe cyane n’amagambo ya Gasana wabatutse ko ari gasiya [umwanda].

Uyu mwarimu yagize ati : “Uwatubabaje cyane ni Gasana wavuze ko turi umwanda.”

Ikindi cyavuzwe ni uko ngo uyu mwarimu yatewe ubwoba abwirwa ko uretse ko umuyobozi w’akarere agira impuhwe, naho ubundi ngo aba yarirukanwe cyangwa akimurirwa mu misozi.

Mu kiganiro IGIHE yagiranye na Niyonsenga, ushinjwa n’abarimu ko yababwiye ko bari munsi y’ibirenge bye ndetse bambara n’inkweto zitobaguritse, yavuze ko aya magambo ntayigeze ahavugirwa, ahubwo ko ngo uyu mwarimu yakoze ibidakorwa asimbuka inzego.

Niyodusenga yagize ati : “Natunguwe no kubyumva ko yarenze inzego, hari inzego nyinshi.”

Niyodusenga nk’umuntu ushinzwe uburezi mu murenge wa Rukomo yavuze ko atari azi ko iki kibazo gihari, ariko ngo kiri mu karere kose ku buryo ngo bitari bikwiye gusiga umurenge, ikibazo ukakigeza kwa Minisitiri.
Ati : “Nk’umurezi akwiye guha agaciro inzego. Kuko iki kibazo siwe wenyine ugifite, n’abandi barabifite. Ni nk’icy’abandi n’abandi. Ntiyagombye guhuruza abo hejuru.”

Ku bijyanye n’imvugo ziswe iz’iteshagaciro, zakoreshejwe muri iyo nama, uyu muyobozi yavuze ko atazizi ahubwo ko abarimu bakanguriwe guha agaciro umwuga wabo.

Gasana Robert, Umuyobozi w’ikigo cy’amashuri yisumbuye wari muri iyi nama, agashinjwa n’abarimu kubatuka ko baba ari umwanda, nawe twavuganye kuri telefoni ngendanwa ye, avuga ko ari mu nama, ariko ko twamugezaho ikibazo twifashishije ubutumwa bugufi.

Nyuma yo kubumwoherereza, yatwoherereje ubugira buti : “Ndumva icyo nzi ku ngingo z’ibyigwa, gutukana ntabyo nzi.”

Igihe kandi yavuganye n’umwarimu urebwa n’iki kibazo, Daniel Ndungutse, we avuga ko ntacyo ashaka kubivugaho, ariko ko atohereje ubu butumwa agamije kwanga igihugu.

Kuri izi mvugo zakoreshejwe zisa n’izimwibasira zagaragajwe n’abandi barimu nyamara atari bo barebwa n’ikibazo cyane nk’uwabibwiwe, Ndungutse yavuze mu magambo make ati : “Narabyemeye nta bundi bushobozi mfite.”

Abarimu bo mu murenge wa Rukomo bavuga ko bagaragaje iki kibazo cy’ibirarane by’imyenda y’imishahara yabo baberewemo, guhera mu 2008.

Nyuma mu 2010 bongeye kukibyutsa, babwirwa ko aya mafaranga bazayahabwa, ariko ngo amaso yaheze mu kirere kuko ngo hari abamaze gusabwa ibyangombwa inshuro zirenze ebyiri babwirwa ko ari ibyo kugira ngo gikemurwe.

deus@igihe.com

Source: http://www.igihe.com/amakuru/u-rwanda/article/nyagatare-mwarimu-yandagarijwe-mu

Twebwe, Bernard Ntaganda, Perezida Fondateri w’Ishyaka PS-Imberakuri,

Dushingiye ku itegeko-teka rya Ministri No 07/07/01 ryo kuwa 07 Nyakanga 2001 ryemera ishyaka PS Imberakuri nk’umutwe wa politiki ufite icyicaro cyawo i Kigali mu Rwanda ;

Dukurikije itegeko-shingiro ndetse n’itegeko ngengamikorere y’ishyaka Imberakuri, aya mategeko akaba ariyo aha PS-Imberakuri ububasha n’ubushobozi bwemewe n’amategeko, bukubahwa kandi bukubahirizwa n’abantu bose ;

Twibukije itangazo rigenewe Abanyamakuru No 19/P.S.IMB/013 ry’ishyaka PS Imberakuri ;

Tumaze kubona icyiswe icyemezo cy’Inama Nkuru y’igihugu ngo yaba yarateranye ku itariki ya 2 Gashyantare 2014 ;

Tugarutse ku ihame ry’uko inzego z’ishyaka ryacu zigomba gukorera imirimo yazo ku cyicaro gikuru cy’ishyaka ;

Mu rwego rwo gukumira uburiganya n’ukujarajara bikabije biranga bamwe mu bayobozi b’ishyaka bagiye mu buhungiro ku mpamvu zifite cyangwa izidafite ishingiro;

Dutangarije amashyaka yose ya politiki atavuga rumwe n’ubutegetsi buriho mu Rwanda, abantu bose haba mu gihugu cyangwa se ku rwego mpuzamahanga, abarwanashyaka b’ishyaka bari mu Rwanda cyangwa se mu mahanga, ibi bikurikira : 

 Alexis Bakunzibake

Ingingo ya mbere :

Mu rwego rwo guharanira inyungu nyakuri z’ishyaka PS-Imberakuri, abayobozi bari mu buhungiro basabwe gukomeza gukora imirimo yabo ya politiki bubuhiriza uburyo bwagenwe mu itangazo rigenewe abanyamakuru No 002/PS.Imb/2013 nashyizeho umukono. Bitabaye ibyo bazafatwa nk’Ingambanyi zikorera FPR. 

 Ingingo ya 2:

Ishyaka PS-Imberakuri ni ishyaka ritavuga rumwe n’ubutegetsi buriho kandi rikorera imirimo yaryo ya politiki mu Rwanda, ahari icyicaro cyaryo. Inama y’igihugu ivugwa na Bwana Bakunzibake Alexis ntiyigeze itumizwa mu buryo bwemewe n’amategeko cyangwa se ngo ibere ku cyicaro cy’ishyaka. Kubera iyo mpamvu, ibyemezo byayo nta gaciro nta n’ishingiro bifite.

Ingingo ya 3 :

 Mu gihe cyose Bwana Bakunzibake Alexis cyangwa se mugenzi we Imaculata batarabasha gukorera imirimo yabo ku mugaragaro ku cyicaro gikuru cy’ishyaka, ntibagomba gufatwa nk’abavugira Ishyaka .

 Ingingo ya 4 :

Tuributsa ko ibibazo bireba ishyaka PS-Imberakuri hanze y’u Rwanda bishinzwe ku buryo budasubirwaho Bwana Ryumugabe Jean Baptiste kuko ari we uhagarariye Ishyaka imbere y’amategeko mu mahanga.

Ingingo ya 5:

Nk’uhagarariye ishyaka imbere y’amategeko nkaba na Perezida Fondateri w’ishyaka; nshingiye ku cyifuzo cy’inama y’igihugu yateranye mu buryo bwemewe n’amategeko, ntangaje ko Bwana Sylver Mwizerwa wari umuvugizi w’ishyaka agizwe Umunyamabanga mukuru.

Ingingo ya 6:

Iri tangazo rigamije kurwanya uburiganya n’ukujarajara bikabije bibangamira inyungu z’ishyaka n’iza opozisiyo muri rusange.

Ingingo ya 7:

Ibikorwa byose binyuranyije n’iri tangazo bizafatwa nk’ibikorwa by’urugomo n’ubugambanyi kandi bigenerwe igihano kibikwiye .

Bikorewe muri Gereza ya Nyanza, kuwa 6 Gashyantare 2014,

Me Ntaganda Bernard, Perezida Fondateri wa PS-Imberakuri.

[Byahindiwe mu kinyarwanda n’ubwanditsi bwa Leprophete-Umuhanuzi]

  Source: leprophete Umuhanuzi

Certains des Bataripfana prêts à se rendre au Rwanda en 2016 en compagnie de leur candidat

RÉSOLUTIONS DU PREMIER CONGREES DU PARTI ISHEMA

Fondés sur les statuts du Parti Ishema signés le 28 avril 2013 , surtout dans ses articles 52, 53 et 54 portant composition et compétences du « Congrès »du Parti ISHEMA,

Nous, 32 militants convoqués et réunis en Congrès , dans la ville de Paris, du 7 au 9 février 2014 :

1.Ayant remis devant nos yeux les divers malheurs du peuple rwandais liés essentiellement aux agissements du pouvoir dictatorial en place qui privilégie le mensonge et le terrorisme comme stratégies de gouvernement;

2.Constatant que le Parti unique du FPR-Inkotanyi s’est injustement accaparé de tous les pouvoirs de l’État, qu’il a mis main basse sur le bien public par divers stratagèmes éhontés et qu’il s’allonge même le droit de spolier régulièrement la propriété privée des citoyens sans défense;

3. Déplorant la manière dont le Président Paul Kagame a instrumentalisé les organes de sécurité et de l’administration nationale pour terroriser la population,tricher et truquer les résultats du vote pendant les élections présidentielles de 2003 et de 2010;

4.Faisant mémoire du triste sort qui a été jusqu’ici réservé aux Leaders opposés à la politique d’apartheid menée par Paul Kagame et sa clique qui les a dépouillé de leurs droits sociaux et politiques, muselés, terrorisés, jetés sur le chemin de l’exile, condamnés et emprisonnés injustement, assassinés par décapitation ou par étranglement ;

5.Après avoir analysé et apprécié les divers faits,signes et indices qui portent à croire que le Président Paul Kagame est en train de fermer hermétiquement l’espace politique rwandais en vue de prolonger indéfiniment son mandat présidentiel et s’imposer comme un président à vie, preuve irréfutable que Monsieur Paul Kagame confond à dessein le régime républicain actuel et la monarchie abolie le 28 janvier 1961 pour n’avoir profité qu’ à ses grands parents au détriment du menu peuple;

6.Considérant les diverses politiques injustes que subit le peuple redevenu exactement comme « un peuple de serfs » surexploité pour le seul bonheur des Seigneurs de l’ancien régime;

 DÉCIDONS ET DÉCRÉTONS CE QUI SUIT :

 1.Nous refusons de nous laisser paralyser par la peur et déserter la scène politique alors que notre engagement public va contribuer à donner une alternative au pouvoir tyrannique qui sévit au Rwanda.

2.Le Parti ISHEMA participera aux élections présidentielles de 2017 et mobilisera les citoyens rwandais autour d’un projet politique nouveau dont la finalité est de doter notre pays d’un régime démocratique fondé non pas sur le principe de l’exclusion ethnique ou régionale mais sur celui de l’intégration de toutes les composantes de la force vive de la nation.

3.Nous désignons, à l’issue d’élections démocratiques internes, et présentons au public le Candidat qui portera le flambeau de notre parti aux élections présidentielles de 2017, en la personne de Monsieur l’abbé Thomas NAHIMANA.

4. Nous accueillons, validons et assumons la demande du groupe des congressistes qui prennent la décision d’accompagner notre Leader au Rwanda pour faire front commun avec les militants de notre parti qui font déjà l’œuvre merveilleuse de sensibilisation clandestine du peuple au bien-fondé de la voie pacifique et à la faisabilité et efficacité d’une révolution non-violente.

5.Nous fixons la date d’arrivée au Rwanda de notre Leader et son équipe au 28 janvier 2016.

 POUR CE MOTIF , NOUS DEMANDONS CE QUI SUIT:

I. AU CITOYENS RWANDAIS

1. De bien comprendre que le joug de la dictature féroce du FPR-Inkotanyi qui pèse sur leurs épaules ne disparaîtra pas comme par miracle ;qu’ils ne doivent aucunement fonder leurs espoirs sur le rêve de quelque libérateur étranger ; qu’une libération certaine ne peut être que le fruit mûr de leur propre engagement politique

2. D’avoir une conviction inébranlable que la voie des élections présidentielles de 2017 constitue une belle opportunité que Dieu donne au peuple rwandais qui doit savoir vite en profiter pour reconquérir ses droits fondamentaux bafoués et confisqués.

   3.De vaincre la peur paralysante que la « Gente » du Général Paul Kagame essaie d’inculquer dans leur esprit depuis 25 ans et, ainsi, oser s’investir et suivre de près les programmes intéressants que le Parti ISHEMA met en route dans les prochains mois.

II.A L’ONU ET A LA COMMUNAUTÉ INTERNATIONALE

Dans le cadre d’aider le peuple rwandais à évincer la dictature qui empoisonne continuellement sa vie et à renoncer définitivement aux voies de la violence meurtrière et génocidaire, nous demandons à l’ONU et la Communauté internationale d’envisager dans les meilleurs délais ces deux mesures suivantes :

1. L’envoi au Rwanda d’une puissante « Commission de supervision » des élections présidentielles de 2017.

2. Le déploiement d’une « Brigade d’intervention » chargée d’assurer la protection des Leaders de l’opposition et de garantir au peuple votant le déroulement pacifique des élections en lui évitant la terreur habituelle semée par les escadrons de Kagame d’une part et, d’autre part, la révolte sanglante prévisible du peuple trop fatigué par la pratique des fraudes électorales devenue comme une seconde nature du régime du FPR-Inkotanyi.

EN CONCLUSION

Nous demandons à tous les opposants au régime dictatorial du Général Paul Kagame, d’examiner avec discernement dans quelle mesure « l’opportunité » offerte au peuple rwandais par cette échéance électorale de 2017 ne soit pas un virage raté mais plutôt une occasion profitable pour l’avènement d’un régime plus démocratique et fondamentalement pacifique.

 Vive le Rwanda définitivement pacifié

Vive les autorités motivés par l’intérêt général

Vive le peuple rwandais fier de ses représentants

 Chaste GAHUNDE,

 Porte parole du Congrès.

Twebwe Abarwanashyaka 32 bitabiriye Kongere ya mbere y’Ishyaka Ishema yateraniye mu mujyi wa Paris guhera taliki ya 7 kugeza ku ya 9 Gashyantare 2014,

1. Tumaze kuganira bihagije ku bibazo bikomeye bibangamiye abanyarwanda bishingiye ahanini ku butegetsi bw’igitugu bwubakiye ku kinyoma n’iterabwoba;

2. Tumaze kubona ko Ishyaka rukumbi FPR-Inkotanyi ryikubiye ryonyine ubutegetsi, ibyiza byose by’igihugu ndetse rikagerekaho no kwigabiza imitungo bwite y’abaturage;

3. Tumaze kwiyibutsa uko Perezida Paul Kagame yakoresheje inzego z’umutekano n’iz’ubutegetsi bw’igihugu mu gutoresha rubanda ku gahato no mu kwiba amajwi mu matora y’umukuru w’igihugu yabaye mu myaka ya 2003 na 2010;

4. Twongeye kuzirikana uko Abanyapolitiki batavuga rumwe n’ubutegetsi bw’igitugu bwa FPR-Inkotanyi bamburwa uburenganzira bwabo, bagashyirwaho iterabwoba rihoraho, bagafungirwa ubusa, bakicwa baciwe amajosi cyangwa banigishijwe ibiziriko;

5. Nyuma yo gusuzuma ibimenyetso bihagije bigaragaza ko Perezida Paul Kagame afite umugambi mubisha wo gufunga burundu urubuga rwa politiki kugira ngo abe umukuru w’igihugu ubuziraherezo, aha bikaba bigaragararira buri wese ko Paul Kagame yitiranya Repubulika n’Ingoma ya cyami;

6. Tumaze kwitegereza AKARENGANE gakabije gakomeje kugirirwa rubanda rugufi rwongeye guhindurwa inkomamashyi n’indorerezi mu gihugu cyarwo;

TWIYEMEJE IBI BIKURIKIRA :

1. Kudaheranwa n’ubwoba ngo tuzibukire urubuga rwa politiki kuko ari rwo rwonyine rwafasha gukemura ikibazo cy’ubutegetsi bubi buriho mu Rwanda;

2. Ishyaka Ishema ry’u Rwanda rizitabira amatora y’umukuru w’Igihugu azaba mu mwaka w’2017, rifatanye n’abanyarwanda bose kunoza no gushyira mu ngiro umushinga mushya wo gushyiraho ubuyobozi bushingiye ku mahame ya demokarasi isesuye kandi abanyarwanda bose bibonamo;

3. Dutoye kandi tweretse rubanda Umukandida uzahagararira Ishyaka Ishema muri ayo matora y’Umukuru w’igihugu, ari we Padiri Thomas Nahimana;

4. Dushyigikiye icyifuzo cy’itsinda ry’Abataripfana biyemeje kuzajyana na we mu gihugu muri gahunda yo kwegera no gufatanya n’abarwanashyaka bacu bakorera imbere mu gihugu;

5. Twemeje ko itariki ntarengwa yo kuba basesekaye mu Rwanda ari iya 28 Mutarama 2016.

KUBERA IYO MPAMVU :

I.TURASABA ABANYARWANDA IBI BIKURIKIRA :

1. Kumva neza ko ingoyi y’ubutegetsi bw’igitugu ibarembeje nta wundi uzayibakiza, keretse bo ubwabo bemeye guhaguruka , bakisuganya, bakagira uruhare rugaragara mu kuyisezerera;

2. Kwemera badashidikanya ko Inzira y’Amatora yo mu 2017 ari akadirishya Imana ibakinguriye kugira ngo bihutire kukanyuramo bityo barengere bidasubirwaho uburenganzira bwabo bumaze igihe buhonyorwa;

3. Kwanga guheranwa n’ubwoba baterwa n’Agatsiko ahubwo bakiyemeza gukurikiranira hafi no kwitabira gahunda nziza Ishyaka Ishema rizabagezaho muri aya mezi ari imbere .

II. Mu rwego rwo gufasha abanyarwanda kuva ku ngoyi y’ingoma y’igitugu gikabije, kwirinda kongera kugwa mu makimbirane asesa amaraso no kwishyiriraho ubutegetsi abaturage bibonamo,

TURASABA DUKOMEJE LONI N’UMURYANGO MPUZAMAHANGA MURI RUSANGE IBI BIKURIKIRA:

1. Kugena no kohereza Komisiyo izahagararira amatora y’umukuru w’igihugu yo mu 2017

2. Kohereza “Brigade” y’ingabo zizarindira umutekano abakandida batavuga rumwe na FPR-Inkotanyi no kurinda abaturage kugira ngo bashobore gutora mu bwisanzure.

MU GUSOZA:

Turasaba abandi banyapolitiki batavuga rumwe na Leta y’umunyagitugu Paul Kagame ko basuzumana ubushishozi ibi bihe turimo bakemera ko igihe cyo kuzanira Abanyarwanda impinduka nziza ari iki ngiki kandi ko Inzira y’amatora yo mu 2017 idakwiye gusuzugurwa cyangwa gupfushwa ubusa, bityo bagashishikariza abayoboke babo kuyitabira bivuye inyuma.

Harakabaho u Rwanda ruhumeka ituze n’amahoro

Harakabaho abategetsi bakunda rubanda kandi bashyizweho na rubanda.

Mu izina ry’abagize Kongere y’Ishyaka Ishema,

Chaste Gahunde,

watorewe kuba Umuvugizi wa Kongere.