Daily Archives: January 19, 2014

Paul Kagame avoue avoir tué Col Patrick Karegeya.

01701201415381800000020140118_kagameLe chef de l’État rwandais, Paul Kagamé, a accordé à Jeune Afrique sa première interview depuis l’assassinat de l’opposant Patrick Karegeya.

Après la mort, le 1er janvier en Afrique du Sud, de Patrick Karegeya, ancien chef des services de renseignement extérieur du Rwanda, le pouvoir de Kigali a immédiatement été pointé du doigt par les opposants en exil et la famille de la victime, et désigné comme responsable, voire coupable.

Le président rwandais a fini par briser le silence, le 10 janvier, avec des responsables lors d’une « breakfast prayer », lors de laquelle il a évoqué les conséquences de la trahison, sans pour autant citer Karegeya.

Dans l’édition de Jeune Afrique à paraître ce dimanche (n°2767, 19-25 janvier 2013), Paul Kagamé répond pour la première fois à une interview sur le sujet. “Le terrorisme a un prix, la trahison a un prix. On est tué comme on a soi-même tué”, répond-il à la question “Qui a tué Patrick Karegeya ?”.

Le dirigeant rwandais précise sa pensée et juge que la communauté internationale applique, pour le Rwanda, une politique du “deux poids, deux mesures”. “Quand il s’agit du Rwanda, l’injonction qu’on nous donne est la suivante : ces individus qui vous combattent et qui ont juré votre perte par tous les moyens, s’il vous plaît, protégez-les. […] Je suis désolé, mais je n’accepte pas cette logique.

Source: http://www.jeuneafrique.com/Article/ARTJAWEB20140117151109/

 

Abanyarwanda barasabwa kugira ubushishozi mu byo babwirwa.

Nyuma y’urupfu rwa Patrick Karegeya havuzwe byinshi cyane. Abenshi bashinje Leta ya Kagame ko ariyo yahitanye Colonel Karegeya, intore ziva inyuma mu kumuhanaguraho icyaha  ariko ziza gukorwa n’isoni zisanze hari imigambi zishorwamo zitazi ibyayo. Ministri w’ububanyi n’amahanga yavuze amagambo ateye agahinda yunganirwa na ministri w’intebe maze Kagame we araza yiyemerera ku mugaragaro ko ari we wishe Karegeya.

Hagati aho ariko hari igihuha cyavuzwe ngo ko Kagame yapfuye, abantu bava mu mirimo yabo mu mujyi wa Goma ngo barishimira ko Kagame yapfuye. Ababikurikiranira hafi bakemanze Kagame kuba ari we wapanze iki gihuha kugira ngo nibura abantu barangamiye urupfu rwa Karegeya baba baretse kubivuga akibagirana nk’uko ba Sendashonga bahise bibagirana. Gusa rero Kagame yasanze aho iterambere mu itumanaho rigeze, bidashoboka ko ikintu nka kiriya kiba bikibagirana. Ikindi kiyongeraho ni uko ubu mahanga amaze iminsi arangamiye ibibera mu Rwanda no mu karere k’ibiyaga bigari ku buryo bigoye kuyobya uburari.

Ubu noneho igihuha gihari ni ishingwa ry’umutwe wa gisirikare Coalition Forces for Change in Rwanda (CFCR) ngo uhuriweho n’amashyaka atavuga rumwe na leta. Abagaragara ko bashyize umukono kuri iri tangazo ni general Emmanuel Habyarimana, Theobald Gakwaya Rwaka, aba bakaba ari abo mu Ishyaka CNR Intwari, Dr Rudasingwa wo muri RNC, Rutayisire Boniface wo mu ishyaka Banyarwanda, Dr Gasana Anastase na Mukeshimana Isaac bo mu ishyaka PRM/MRP-Abasangizi hamwe na Professor Jean De la Paix Mupenzi uvuga ko afite ipeti rya General de Brigade ngo akaba ari nawe uyoboye ingabo.

Iri tangazo rikimara kujya ahagaragara, umuntu wese ushishoza arabona ko hari ikintu cy’amakemwa rifite. Ntibishoboka ko abantu barenga batanu bose b’abahanga bandika itangazo ririmo amakosa. Urugero ni aho bavuga ishyaka ryitwa Amahoro Peace Congres. Iri shyaka ntaho riba. Ikindi kigaragara ni uko amashyaka amwe agiye agira imikono ibiri, twavuga nka CNR hasinye Habyarimana na Rwaka, uretse ko Habyarimana ngo yasinye nk’uhagarariye Inkomarume za CNCD, na PMR Abasangizi ryasinyiwe n’abantu babiri. Ikindi uyu Mupenzi Jean de la Paix asanzwe atazwi muri opposition. Cyakora hari umugabo witwa Mupenzi w’umwarimu wa Kaminuza biherutse kuvugwa n’itangazamakuru ry’u Rwanda ko yatorotse gereza mu Rwanda bakavuga ko yasubiye muri FDLR, wenda wasanga ari uwo.

38ef0c9

Prof Jean De la Paix Mupenzi

Inkuru kuri uyu Prof Jean de La Paix zatangajwe na Leta ya Kigali zaje kunyomozwa n’ibaruwa Jean de la Paix Mupenzi yandikiye umunyamabanga mukuru w’umuryango w’abibumbye kuwa 19 Ukuboza 2013 asobanura uko byagenze.

Avuga ko FPR yashakaga ko Mupenzi wari ufite ipeti rya Capitaine, Mbarushimana  Placide na Mazimpaka Yozefu basubira mu gisirikare bakoherezwa muri Kongo kurwana indi ntambara. Ibi kugira ngo bishoboke babanje guhabwa amapeti yo hejuru Mupenzi ahabwa ipeti rya General de Brigade. Nyuma baje kujyanwa mu rukiko imanza zabo zisubirwamo mu ikinamico barafungurwa bahita bajyanwa Gisenyi aho biteguraga kwambuka bakajya kurwanya MONUSCO n’ingabo za Tanzaniana na Africa y’epfo. Kubera ko batari babyishimiye, bafashijwe n’abandi basirikare, batishimiye gahunda za Kagame muri Congo baratorotse binjira muri Uganda.

Muri iyi baruwa kandi Mupenzi yasabaga ko leta ya Kagame yakwemera gushyikirana n’abatavuga rumwe na yo kandi ko amashyaka yose yahuriza hamwe imbaraga. Amwe mu mashyaka atavuga rumwe na FPR kandi nayo yahawe copies.

Mbere y’uko iri tangazo risohoka ngo bamwe mu Banyamashyaka babonye ibaruwa ibasaba kurisinya ariko barahakana kuko babonaga ari ibintu bihubukiwe cyangwa bitajyanye n’imirongo ya politiki bagenderaho. Na none hari amashyaka amaze gutangaza ko atigeze asinya iryo tangazo harimo ahuriye muri plateforme ya RNC, Amahoro People’s Congres n’igice cya FDU Inkingi.

Abanyarwanda barasabwa kwitondera ibyo basoma cyangwa bumva, kuko nta wundi ubifitemo inyungu uretse ushaka ko abantu barangara bakananirwa kwisuganya ngo barwane urugamba rwa politiki birinda gukora amakosa yabayeho mu bihe byashize.

Chaste Gahunde

Ushobora kubona ibaruwa ya Mupenzi aha:

denouncing-of-criminal-abuses-by-the-government-kigali-on-its-population

Gutsindwa kwa M23 kwazanye ihungabana ry’ubukungu bw’u Rwanda.

SONY DSC

Nk’uko tubikesha ikinyamakuru Jeune Afrique, ubukungu bw’u Rwanda mu gihembwe cya gatatu cya 2013 bwaracumbagiye cyane. Bivuye ku mibare itangazwa na banki y’igihugu ikaba yerekana ko ubukungu bwazamutseho 3.9% akaba ari bwo bwa mbere  kuva mu mwaka wa 2009.Ubusanzwe ubukungu bw’u Rwanda bwazamukagaho ku gipimo cyo hejuru ya 7% kuva mu mwaka wa 2008 kugeza muri 2012.

Ikigega mpuzamahanga FMI kigendeye ku mibare yari isanzwe itangazwa cyari cyatangaje ko ubukungu bw’u Rwanda bushobora kuzazamukaho 6.6% mu mwaka wa 2013 na 7.5 mu mwaka wa 2014. Cyakora iri hungabana ryo mu gihembwe gishize ritumye abantu batangira kubigiraho amakenga. Ubundi ku bazi iby’ibarurishamibare, guteganya uko ubukungu buzagenda bashingira ku byo babona bisanzwe biba. Urugero, niba ubukungu busanzwe buzamuka, biroroshye guhita ufata umwanzuro ko buzakomeza kuzamuka, nanone niba burimo kumanuka nta gihamya ifatika ko bugiye guhita buzamuka. Gusa rero abazi iby’ubukungu bagendera cyane ku ihame ryitwa “ceteris paribus” ni ukuvuga ngo hatagize igihinduka. N’ubwo mu buzima bigoye kubona ko nta kizahinduka, ariko ibyo abanyabukungu bavuga akenshi biba byo.

Hari ibintu bibiri by’ingenzi bijyanye n’iri hungabana ry’ubunkungu. Icya mbere ni uko M23 yatsinzwe muri iki gihembwe ikindi ni uko ifaranga ry’u Rwanda ryataye agaciro ku buryo burushije ibyabaye ku yandi mafranga. Mu gihe Leta y’u Rwanda ivuga ko ubukungu buzahita bwongera kuzamuka, ababikurikiranira hafi bo basanga gustindwa kw’umutwe M23 washinzwe ukanaterwa inkunga na Leta ya Kigali ari yo mpamvu nyirabayazana. Aba bemeza ko u Rwanda rwasahuraga ibintu byinshi muri Congo bikabarwa nk’umusaruro w’u Rwanda. Ibi bikaba bisobanura ko gutsindwa kwa M 23 kugomba kujyana no guhungabana kw’ubukungu bw’igihugu. Reka twibutse ko iki kibazo cya M23 ari cyo cyari cyatumye ibihugu bimwe na bimwe bihagarika inkunga byageneraga u Rwanda, dore ko 40% by’ingengo y’imari y’ u Rwanda iva mu mfashanyo z’amahanga. Hari abo ibi bitangaza cyane cyane iyo bumvise ivogonyo ry’abategetsi ba FPR.

Mu kwezi kwa Nyakanga 2013 idolari rimwe rya America ryavunjwaga ku mafranga 655 y’amanyarwanda , naho kurigura bigasaba 660. Nyamara muri uku kwezi kwa Mutarama 2014, idolari rimwe ry’America rivunjwa ku manyarwanda 666.1 naho kurigura bigasaba 709.1. Ni ukuvuga ko ifranga ry’u Rwanda ryataye agaciro ho amafranga 11 cyangwa se 1.7% mu gihe cy’amezi makeya cyane. Ikintu gitangaje ariko ni uko iyi mibare itangazwa na ORINFOR itandukanye cyane n’itangazwa na Banki y’igihugu kuko yo yerekana ko idolari ry’amanyamerika rivunjwa amanyarwanda 673.3 hanyuma rikagurwa 679.7.

Ikigega FMI cyo kiratangaza ko kidatangajwe n’iri hungabana ngo kuko n’ubundi ubukungu bw’igihugu busanzwe bujegajega kuko umusaruro uturuka mu Rwanda ari mukeya cyane. FMI itanga inama ko u Rwanda rugomba gushakisha uburyo bwo kubona amafranga yabwo yo gushora mu majyambere kuko no kugurisha impapuro z’agaciro ku masoko mpuzamahanga ngo bifite ibibazo bijyana nazo.

Ubwanditsi