Twebwe Abanyarwanda batuye mu mujyi wa Melbourne ho muri Australia twafashe icyemezo cyo gutangiza Ikipe Ishema kugira ngo idufashe kuva mu bwoba , mu bwigunge no mu burangare bityo tugire icyo natwe dukora kiri mu bushobozi bwacu kugirango impinduka ishoboke mu gihugu cyacu kandi ku buryo bwihuse.
Turasanga kandi kimwe mu bituma politiki ya opozisiyo nyarwanda yarakomeje guhura n’inzitizi nyinshi ari uko abari n’abategarugori batitabiriye cyane gukora politiki kubera ahari ko politiki babonye ishingiye ku kinyoma, ku gusahura umutungo w’igihugu no kwica abaturage yabakuye umutima cyangwa se kubera ko bakomeje guheezwa. Turashishikariza abari n’abategarugori ko igihe kigeze ngo nabo bahagurukane ishema maze barengere igihugu cyabo uko bishoboka kose.
Mu izina ry’Ikipe Ishema mbereye umuyobozi, nsezeranyije Abanyarwanda batuye Melbourne ko twiteguye kubafasha mu gutsinda iterabwoba, kwihugura mu bya politiki, kubagezaho amakuru anyuranye no kubahuza hagamijwe kungurana ibitekerezo ku cyagarura amahoro mu gihugu cy’u Rwanda.
Kuko bamwe muri twe banyuze mu nzira ndende z’amashyamba ya Kongo, ntidushobora kwibagirwa abavandimwe bacu twasizeyo bakihahurira n’ingorane nyinshi kugeza n’uyu munsi . Turifuza ko hakorwa ibishoboka byose nabo bagafashwa, intambara zenda kongera kubarimbura zigakurwaho ahubwo twese tukazabona amahirwe yo kongera guhurira mu gihugu cyacu, tugafatanya kucyubaka ntawe uhejwe, kandi ntihazagire igice cy’abanyarwanda cyongera kwiyemera ko gifite uburengenzira ku byiza by’u Rwanda kurusha abandi.Turasaba Abanyarwanda benshi ko bashyigikira gahunda z’Ishyaka Ishema kuko dusanga zisobanutse kandi zishobora kuzahura igihugu cyacu.
Mu matora y’umukuru w’igihugu yegereje(2017) , turifuza ko Umukandida w’Ishyaka ryacu mwazamuhundagazaho amajwi bityo abishuka ko aribo bonyine bavukanye imbuto bakamenyeraho neza ko “Ubutegetsi bwose buturuka kuri rubanda , ikaba ariyo yihitiramo abayobozi bayinyuze biciye mu matora adafifitse”.
Kugaba igitero cy’ubwiyahuzi (attaque suicide) ku ishyaka ISHEMA ry’u Rwanda.
Mu nyandiko ya Romeo aragaragaza ko ngo yababajwe n’uko mu kiganiro kuri radio Ijwi rya Rubanda cyabaye tariki ya 15 Ugushyingo 2014, Jotham Rwamiheto yahaswe ibibazo akananirwa kwisobanura ku byerekeye inzira yo gufata intwaro yakanguriraga Abanyarwanda. Reka twibutse ko igihe tugezemo atari cya gihe cya za 1990 aho abanyapolitiki bakoreraga mu bwiru’ abantu bakabakurikira buhumyi kugeza n’aho bashyigikiye FPR batazi uko bigenze! No mu myaka 20 ishize hari abanyapolitiki bakomeje kubwira abantu ngo “tubibabereyemo”. Ibiki ??? Ntibagaragazaga umushinga bafite ndetse ngo banerekane uruhare buri wese akwiye kuwugiramo. Uko byagenze ibara umupfu.
Mu kiganiro Romeo avuga, jye nafashe umwanya uhagije nsobanura impamvu ishyaka Ishema ry’u Rwanda ryahisemo gushyira imbere inzira y’amahoro ishingiye ku matora cyangwa revolisiyo ya rubanda. Ibisobanuro natanze bishingiye ku bushakashatsi bwimbitse bwakozwe n’ishyaka ISHEMA ry’u Rwanda ribitewemo inkunga n’umuryango mpuzamahanga witwa AIPAD (Association Internationale Paix et Démocratie) ufite icyicaro i Paris mu Bufaransa.
Rwamiheto we avuga ko mu Rwanda revolisiyo ya rubanda itashoboka , ngo ko hashoboka intambara y’amasasu gusa. Abajijwe inyigo yabikozeho ati “ntayo”. Abajijwe uburyo ibyo avuga bishoboka ati “si ndi umunyapolitiki”!!! Ikibabaje ni uko Rwamiheto yasabaga ishyaka ISHEMA, Abataripfana ndetse n’Abanyarwanda bose kureka ibikorwa iri shyaka ryatangiye bakayoboka inzira we ashaka ariko aterekana uko ifunguye n’uko abantu bayinyuramo. Nyamara biragaragara ko ibikorwa by’ISHEMA aribyo bitanga icyizere cyo gufasha u Rwanda kuva mu kaga rurimo, ndetse hagacika burundu umuco wa “vaho njyeho” wimakajwe hagati y’abahutu n’abatutsi. Birumvikana ko mu gihe ISHEMA rifite umushinga risobanura neza, abanyarwanda batazemera ko hari umuntu uza ababwira ngo nimureke ISHEMA muze mbereke ahandi mbajyana kandi na we ubwe yigaragaza nk’utazi aho ahagaze n’aho yerekera.
Ikindi kibazo cyabayeho ni uko Rwamiheto amaze gushima no kwemera ko ISHEMA rikora umurimo mwiza wo kumara ubwoba abaturage, yananiwe gusobanura impamvu inyandiko ye igaragara nk’itera ubwoba Abanyarwanda ndetse ikaba yunganira ideology ikoreshwa na FPR igambiriye ko Abanyarwanda batashira ubwoba ngo bayivudukane!
Uyu musore Romeo wagaragaraga muri studio ntiyagize ubutwari bwo gufata ijambo ngo yunganire umuvandimwe Rwamiheto niba koko bumva ibintu kimwe, ntiyigeze anasaba ko haba ikindi kiganiro ngo iyo ngingo tuyigarukeho, ahubwo na we yihutiye gushishimura inyandiko idasobanutse yikoma ISHEMA. Iki ni igitero cy’ubwiyahuzi Romeo akoze nk’uko ngiye kubigaragaza.
Uwitwa cyangwa uwiyita Jean Paul Romeo Rugero yatangiye kumenyekana mu gihe gito gishize aho yatangiye kujya yandika inyandiko nyinshi cyane zisenya, zisesereza ,zisebya kandi zandagaza abanyapolitiki b’abasaza . Ikibabaje ni uko mu kugaba ibitero kuri aba banyapolitiki bakuze, ntibyabaga bya bindi byo kunenga ikosa ugamije kubaka, ahubwo yabaga agamije gucisha umuntu bugufi gusa no kumwangisha rubanda. Imvugo nyandagazi yabinyuzagamo yerekanye ko Romeo yubahuka cyane ku buryo ntawe acyubaha. Ibi bitandukanye n’amahame ya demokarasi duharanira: biragayitse kwikoma umuntu cyangwa kumutesha agaciro witwaje ko afite ibitekerezo utemera. Ikibazo cya Romeo ni aha kiri: aba Bakambwe baramwihoreye yigira igikenya mu isesengura ryuzuyemo ubusa none arishuka ko ashobora gukururira Ishyaka Ishema muri ubwo busa bw’amatiku. Cyakora namugira inama yo kutikorereza Abataripfana kuko bo bazi neza ibyo barimo bakaba nta kindi biyemeje kwitangira uretse gufasha rubanda kwibohora ku ngoma y’igitugu n’iterabwoba ya FPR Inkotanyi. Bityo rero Abataripfana ntibashobora kwihanganira Inkonkobotsi zitagaragaza uwo zikorera, ngo zisobanure ku buryo bwumvikana gahunda nzima zaba zikurikiranye, ahubwo bikaba bigaragara ko zigambiriye gusa gusenya ibyiza abandi bageze kure bubaka.
2.Arafasha FPR gucengeza iterabwoba mu banyarwanda ko nta revolisiyo ya rubanda ishoboka, ngo kuko uwabatsinze ntaho yagiye
FPR yabaye indashyikirwa mu kwica no gutera ubwoba abaturage. Ikiba kigamijwe ni ukumvisha abaturage ko Inkotanyi arizo zifite ubutegetsi kandi ko ntawe uzongera kubuzambura kuko ngo nta n’uwazirwanya ngo azitsinde. Ikibazo gikomeye ni aha kiri. Hari abatari bake bakiriye iyi ngengabitekerezo bati koko nta kindi cyadukiza FPR atari amasasu. Abareba hafi ntibashobora kugira ikindi batekereza, niyo mpamvu badashobora no kwicara ngo bige uko iyo ntambara yakorwa ahubwo bashimangira igitekerezo ngo FPR yarabivuze nta kundi byagenda.
Twibuke neza ko ikintu cyatumye abahutu bamara imyaka irenga 400 mu bucakara bashyirwagaho n’ingoma ya gihake, ni uko abami bari baremeje buri munyarwanda ko u Rwanda rugomba gutegekwa n’ ibimanuka byaturutse mu ijuru bizanywe no gutegeka no guhaka abahutu, maze bo bakaba bararemewe gutegekwa no kuyoboka. Mu gihe revolisiyo yatangiraga gutegurwa mu myaka ya za 1950, abahutu benshi bari bashyigikiye umwami kuko bumvaga ko ngo u Rwanda rutabaho rudafite umwami, ababyeyi ntibabyara badafite umwami, inka ntizakamwa… Habaye ubutwari bukomeye bw’abarwanashyaka nka Gregoire Kayibanda na bagenzi be bafashije rubanda kumva ko ubutegetsi butavukanwa n’agatsiko k’abatutsi bari ku ngoma ko ahubwo buri mu maboko ya rubanda ishobora kwihitiramo abategetsi bayinyuze.
Uyu munsi wa none, ubutegetsi bwa FPR ntaho butanira na gihake: hari abaturage bemeye ingengabitekerezo ko nta wakura FPR ku butegetsi, ngo kereka ayirushije ubukana bwo kurimbura abaturage benshi akoresheje amasasu, ibifaru n’amabombe. Muri iki gihe icyo abanyarwanda bakeneye ni abalideri (leaders) bafasha abaturage kumva imbaraga bifitemo, bakava mu bwoba bakazikoresha mu guharanira uburenganzira bwabo kandi bagashirwa bahiritse ubutegetsi bushingiye ku iterabwoba rya FPR.
Mu gusoza inyandiko ye, Romeo aremeza ko intambara y’amasasu yonyine ariyo ishobora kudukiza FPR. Hari ikintu mu kinyarwanda twita gupfa kwivugira gusa. Iyi mvugo ikoreshwa iyo umuntu avuze ibintu bigaragara neza ko atabitekerejeho. Ukoresheje iyi mvugo bamucira umugani ugira uti ‘ururimi ntacyo rupfana n’umuntu’. Ibi biragaragarira aho Romeo, nk’umuntu watangiye inkuru ye atubwira ko ari igihangange mu buhanga bw’intambara, mu kuyitegura no kuyirwana, bityo agatuma dukeka ko agiye kutubwira uko ishoboka, nyamara we agasoza atubaza ngo ‘tuyirwane gute’ !? Ibi ni byo bita kwiganirira cyangwa guteta mu bikomeye.
Romeo aramutse atari kwiganirira yaba ari umugome, umugambanyi cyangwa se byombi hamwe. Ni gute wahagurutswa no kwemeza abanyarwanda ko intambara y’amasasu ishoboka muri iki gihe, warangiza ukababaza ngo tuyirwane gute kandi ari wowe uri kubigisha ibyayo ? Ibi byatumye nkubita agatima ku nkuru http://ikazeiwacu.fr/search/Kuburira%20Abanyarwanda yasohotse mu kinyamakuru Ikazeiwacu, ku itariki ya 13 Ugushyingo 2014,aho uwitwa cyangwa uwiyita Uwimana Joseph yaburiraga abanyarwanda abasaba ubushishozi bukomeye mu gihe hari abantu babahamagarira kujya mu mitwe ya gisilikari . Dore uko abivuga :
« Nyuma y’aya makuru y’imirambo Ikaze Iwacu yagiye ikora itohoza, ubu rikaba ryerekana koabantu benshi bicwa muri iyi minsi ari abantu bashimutwa na baneko ba DMI, bashuka abaturage cyane cyane urubyiruko bababwira ko bagiye kubajyana mu gisirikari cya FDLR na RNC. Iyo bamaze kwiyandikisha barabarundarunda maze bakabapakira amamodoka bakagenda ubutazagaruka, kubera ko nta nusezera umuryango we, kuko abo ba DMI bababwira ko bigomba kuba ibanga, kugira leta itazabica iryera.
Ibi bikorwa bibisha biri kubera cyane mu ntara y’amajyaruguru n’iy’iburengerazuba. DMI iri gukora iyi gahunda ngo mu rwego rwo kwikiza abo bita « umwanzi w’igihugu ». Banyarwanda, banyarwandakazi, mube maso, kandi mushishoze munirinde abantu babashuka ngo babajyanye mu gisirikari cya FDLR na RNC, kubera ko abaguye muri uyu mutego nibo tubona imirambo yabo mu kiyaga cya Rweru. Umuntu yasaba kandi aya mashyaka FDLR na RNC gushyiraho ingamba zihamye zo kurinda abayoboke bayo bari mu Rwanda no kunoza gahunda zabo zo gushaka abayoboke ».
Byaba ari agahomamunwa abanyarwanda bemeye gushorwa mu migambi batasobanuriwe bakisanga mu kaga batigeze batekereza.
Umwanzuro :
Hari inzira nyinshi zo guhindura ibintu mu Rwanda ariko zimwe muri izo ziragoye kurusha izindi. Ishyaka ISHEMA ry’u Rwanda ryavutse rije gutanga umusanzu wo gufasha abaturage gutekereza ku nzira iri mu bushobozi bwabo, abaturage bafitemo uruhare kuko aribo ba nyirubutegetsi, kandi ikaba isaba ibitambo bikeya kurusha izindi. Ni inzira y’amahoro ishingiye ku matora cyangwa revolisiyo ya rubanda. Koko rero Bibiliya ivuga ko hari ibintu bitatu umwana w’umuntu adashobora guhagarika :1) Imvura y’amahindu yazindukiye kugwa ; 2) Umukobwa washatse kurongorwa, 3) n’abaturage bahagurukiye gukora revolisiyo !
Hari abantu nka Romeo ahari batekereza bati nimube muretse mutazadutanga umushi. Uwo mushi Romeo amutanguranwa na nde ? Imyaka 20 yose ishize ISHEMA ritaravuka Romeo yari he ko atatanguranwe uwo mushi ? Ikidushishikaje kurusha byose ni uko akarengane kagirirwa Abanyarwanda karangira kandi vuba bishoboka. Naho gukomeza gutegereza ko hazaza MESIYA Romeo uzadutegurira intambara zisesa amaraso, akatwereka uko tuzirwana, ngo tukazitsinda zitishe abaturage, ndareba ngasanga hari abanyarwanda bakoreshwa n’ihahamuka rikaze, bo bakibwira ko babiterwa n’ubutwari cyangwa ubuhanga budasanzwe.
Imana tugira iwacu ni uko ibuye ryagaragaye ritaba ricyishe isuka!
Padiri Nahimana (hagati) yasuye Abanyarwanda muri Australia
Nk’uko byari biteganyijwe kuri gahunda,Umukandida w’Ishyaka Ishema akomeje ingendo zo kuganira n’abanyarwanda batuye hanze y’igihugu. Muri urwo rwego , guhera taliki ya 8/11/2014 ari kuganira n’Abanyarwanda bo mu gihugu cya Australia , barungurana ibitekerezo ku mateka y u Rwanda, ku bibazo bya politiki bihangayikishije Abenegihugu no ku ruhare buri wese yagira kugira ngo impinduka nziza dutegereje igerweho bwangu.
Muri uko kujya impaka no kungurana ibitekerezo, bikomeje kugaragara ko ikibazo kiriho mu Rwanda atari uko turi abahutu cyangwa abatutsi, tukaba dukomoka i Nduga cyangwa mu Rukiga. Birumvikana ko tudakwiye na busa kwirengagiza amateka y’u Rwanda ngo twiyibagize ukuntu ubwoko cyangwa akarere byakomeje gukoreshwa mu gucamo Abanyarwanda bikozwe n’udutsiko tugamije kwikubira ibyiza by’igihugu.
By’umwihariko muri iki gihe, biragaragara ko Agatsiko ka Paul Kagame na FPR ye ari nako konyine duhanganye, karimbura abanyarwanda muri rusange, baba abahutu cyangwa abatutsi, baba abakiga cyangwa abanyenduga. Isasu ntiritoranya akarere, akandoya ntikarobanura ubwoko.
Nanone kandi bimaze kugaragarira bose ko Agatsiko gakoresha Intore ziganjemo abo mu bwoko bw’Abahutu kugirango bahe utuzi bene wabo b’Abahutu. Agatsiko gakoresha Abatutsi kugira ngo bamene amaraso y’abandi batutsi, babagambanire, babagurishe, babarase, babanigishe ibiziriko, babafungishe, babirukanishe mu kazi….uyu muco mubi wo guteranya Abanyarwanda hagamijwe indonke ukaba udakoreshwa mu giturage gusa ahubwo mu ngabo z’igihugu iyo virusi yo guhakirizwa ugurisha abavandimwe bawe ikaba yarahawe intebe ku buryo buteye isoni.
Niyo mpamvu Abanyarwanda bose , ari abasivili n’abasilikari, bakwiye kubumbura amaso , bakanga kugendera kuri politiki yo gucamo abanyarwanda ibice ya FPR hashingiwe ku bwoko, inkomoko cyangwa amaramuko.
(5)Igihe kirageze ko Opozisiyo yaha agaciro amatora y’umukuru w’igihugu ateganyijwe mu mwaka w’2017 kandi ikayagiramo uruhare hagamijwe kuyifashisha kugira ngo hasezererwe ubutegetsi bw’igitugu no gusubiza Abanyarwanda ishema ry’ukwishyira ukizana mu gihugu cyawe aho gukomeza kubaho nk’abacakara, indorerezi, inkomamashyi n’abagerererwa.
(6)Hakenewe ingufu nshya kandi zubatswe ku buryo bwihuse zatuma Impuzi ziri mu mashyamba ya Kongo zitaraswa ahubwo zigahabwa amahirwe yo kwinjira mu buzima bw’igihugu cyabo mu mucyo, badacunaguzwa.
Umwanzuro
Umukandida w’Ishyaka Ishema, Padiri Thomas Nahimana, arashimira Abanyarwanda ba Queensland bamwakiriye neza kandi akaba yarakiriye neza inkunga yose bamusezeranyije. Nawe ntazabatenguha ku bijyanye n’ibitekerezo ndetse n’amasezerano bumvikanyeho.
Ibiganiro birakomeje mu zindi ntara za Australia.
Muragahorana Ishema.
Ernest SENGA, ushinzwe Ishyaka Ishema muri Australia.
(7)Kwakira Amakipe Ishema mashya akomeje kuvuka mu Rwanda no mu bindi bihugu.
Kuri iyi ngingo ya nyuma, tuboneyeho akanya ko guha ikaze amakipe abiri aherutse kuvuka i Maputo mu gihugu cya Mozambique n’i MANZINI mu gihugu Swaziland.
Nk’uko ayo makipe yombi yabyifuje, muri uyu mwaka azaba ahagarariwe, ku mugaragaro, na Nyakubahwa Padiri Gaspard NTAKIRUTIMANA.
Ikipe Nyobozi y’Ishyaka Ishema, mu nama yayo yo ku cyumweru taliki ya 31/ 8/ 2014 , ikaba kandi yaremeje ko Padiri Gaspard NTAKIRUTIMANA ari we uhagarariye Ishyaka Ishema muri Afurika yose y’Amajyepfo, guhera ku italiki ya 1 /9/2014.
Tumwakiranye ibyishimo nk’UMUTARIPFANA ufite ubushake bushyitse n’ubutwari budashidikanywaho bwo gutanga umuganda we mu rugamba rwo kwamagana ingoma ya FPR-Inkotanyi yiyubakiye ku karengane, ikinyoma, irondakoko n’iterabwoba hagamijwe gufasha Abanyarwanda kwishyiriraho ubutegetsi bwubakiye ku ndangagaciro z’Ubwigenge bw’abana b’Imana, Ukuri n’Ugusaranganya neza ibyiza byigihugu.
Turasaba Abanyarwanda batuye igice cy’amajyepfo y’Afurika, bakaba bibona mu migambi myiza y’Ishyaka Ishema, ko bakwegera Padiri Gaspard NTAKIRUTIMANA,bakaganira.
Mushobora kumubona kuri telefoni ye igendanwa : 00268076801815. Cyangwa mugakoresha email : gaspardnt@yahoo.fr.
Some of the founders of ISHEMA Party:L-R: Mr Jean Baptiste Kabanda, France; Mr Chaste Gahunde, Guyana; Ms Claire Nadine Kasinge, Canada; Rev Fr Thomas Nahimana, France; Dr Deogratias Basesayabo, Belgique.
Inspired by our conscience and the love of our Motherland, we met, sat down and prayed together, we discussed and exchanged views and we concluded the following:
1. The image of our motherland, Rwanda, has been tarnished due to fratricide conflicts that have characterized Rwandans in the past.
2. All regimes from the kingdom to the republic have served the nation enormously in terms of territory expansion, the fight for and attainment of the independence, and attempted to trace a path towards economic development; but they failed to find a solution to the problem of conflicts fueled by politics of divisionism implemented by small groups formed based on ethnic and/or regional origin that controlled and misused national resources.
3. The Rwandese Patriotic Front (RPF) that is in power since 1994 did not implement an administration that console the Rwandans after the war organized and led by the same RPF and ended up in genocide against Rwandans especially Tutsis.
4. On contrary RPF-Inkotanyi was immediately hijacked by a band of self-selected military formerly exiled in Uganda, a band that took over the economy, enthroned military terrorism in the nation and based politics on lies and senseless pride. The systems of Justice and national security turned into tools of victimization and oppression against the people in a manner never experienced before in our history.
5. The same band that operates like Italian Mafia blocked the political space, rigged elections, jailed journalists and reporters as well as politicians from the opposition killing some of them while the rest were forced into exile where they were hunted down as shown by different international reports such as Mapping Report inter alia.
6. The same band has continually committed crimes against humanity and wars crimes that pushed France and Spain to release international arrest warrants against more than fifty (50) leaders of Rwanda.
7. In 2012, European countries and the United States of America (USA) by stopping aids have testified that they shall not continue to overlook the mischief of Rwanda’s current leaders, the reason being that aids were used to fuel and finance wars in Democratic Republic of Congo (DRC). As a consequence, Rwandans are suffering in many ways: development projects have stopped, public servants are not paid, and hospitals are not offering the service, in few days students will not study any more.
8. After eighteen years spent sowing divisionism among Rwandans using genocide survivors as milking –cows for selfish interests, RPF’S administration has more than disgusted Rwandans and foreign counterparts. Instead of finding solutions to our big problems, the RPF’s clique has become itself the Rwandans’ biggest puzzle.
9. We, as Rwanda’s children who love our country, can neither remain indifferent nor keep silent while our beloved Motherland keeps losing the dignity it deserves. Therefore, after a three-day conclave in Paris, France; we declare the following:
1. We launch a new political party, Ishema ry’u Rwanda. In few words it shall be calledIshyaka Ishema/ Parti Ishema and Ishema party in three languages used in our country Kinyarwanda, French and English respectively.
2. We are prepared to work together with other well-wisher Rwandans who have the zeal to fight and dethrone the RPF clique without delay. After being given the power by the people we shall manage it to develop our country and give it the dignity within the Great lakes region of Africa and international arena.
3. We value more the peace process since it does not shed the blood of innocent people, and it respects human rights.
4. Very soon we will declare our political project aimed at the revision of institutions in order to them based democracy. We will also declare different projects of shared development we have conceived for Rwandans, we will let people know special plans we have for groups the most neglected such as:
a. Unemployed youth
b. Teachers and students from poor families that have been abandoned
c. Refugees
d. Those falsely judged by unjust courts of law of RPF clique.
5. We will never stop receiving ideas and wishes from the people.
GAHUNDE 