Ishyaka RNC mu mugambi wo kubiba amacakubiri, nk’iturufu yo gusenya amashyaka.

Mu bisanzwe politiki yubaka igihugu, igateza imbere umuryango w’abantu ishingira mu gutsimbataza ubumwe n’ubwubahane bw’abenegihugu, demokarasi n’ubwisanzure kuri buri wese, bityo bakabasha gushyira hamwe mu gushaka ibisubizo by’ibibazo biba byugarije umuryango batuyemo, ari nako bafatanya mu guhanga icyerekezo cy’ejo hazaza.
Nyuma yo gukurikira ibibera mu ishyaka RNC no gusesengura neza uburyo ishyaka RNC ryadukanye ingeso mbi yo kubiba amacakubiri mu mashyaka aharanira impinduka za politiki mu Rwanda, nk’uko babigaragaje bakoresha bwana KARENGERA Augustin mu mugambi wabo wo gusebya ishyaka PPR-Imena, hagamijwe kubiba urwicyekwe n’amacakubiri mu muryango nyarwanda, cyane cyane mu banyarwanda bagize opozisiyo nyarwanda bari mu mashyaka atanduakanye, byatumye abagize ishyaka PPR-Imena, bicara bakora isesengura ry’ibyihishe inyuma y’uyu mugambi ugayitse w’ishyaka RNC mu kubiba urwicyekwe n’amacakubiri.
Kugira ngo umuntu asobanukirwe neza n’impamvu yaba yihishe inyuma y’uyu mugambi w’ishyaka RNC, umuntu yabanza akareba abacurabwenge b’iri shyaka abo ari bo.
Nk’uko mubizi, abacurabwenge b’iri ishyaka RNC, ndavuga abafite imyanya izwi mu buyobozi bw’ ishyaka RNC nka Bwana Rudasingwa Théogène, Micombero, ndetse n’abakorera mu bwihisho, inyuma ya rideau nka Kayumba Nyamwasa, Karegeya, Gahima, n’abandi , bafite amadosiye atandukanye y’inkiko ,zaba izo mu igihugu imbere, ndetse n’inkiko mpuzamahanga, nka Kayumba Nyamwasa, ufite mandats d’arrêt mpuzamahanga zigera kuri ebyiri z’ibyaha yakoreye umuryango nyarwanda. Ikindi kandi kigaragara kuri aba bacurabwenge b’ishyaka RNC ni uko bafitanye amasinde yihariye ashingiye ku rwango n’inzika na Kagame Paul uyobora u Rwanda muri iki gihe, bivuye ku mpamvu zabo bwite, cyane cyane zishingiye ku mitungo, ibyubahiro, ubusambo n’ibindi bishingiye ku nyungu bwite zabo.
Ntanuwakwiyibagiza ko aba bagabo bahoze ari abambari n’abakaraza b’imbere b’ingoma ya FPR-Inkotanyi, kuva mu myaka ya za 90 ubwo yateraga u Rwanda, ari bo bubatse iyi système ya FPR, bakayiha imbaraga n’isura ifite ubu. Ntagushidikanya rero ni abafatanyabikorwa ba FPR-Inkotanyi, mu byago n’amakuba byagwiririye u Rwanda, ndetse ntanugushidikanya amakosa yakozwe na FPR bayafitemo uruhare rw’intagereranywa.
Twese tuzi neza uko iturufu y’amacakubiri na propagande zo kubiba urwango n’urwicyekwe mu banyarwanda byakoreshejwe n’amashyaka yamaraniraga ubutegetsi kuva u Rwanda rubonye ubwigenge, ndetse igakora cyane mu gihe cy’intambara hagati ya FPR-Inkotanyi na MRND yari k’ubutegetsi, n’amashyaka yarashyigikiye ibyo bikundi bibiri. Iyi propagande ntakiza yagejeje kubanyarwanda uretse kubashora muri genocide yahitanye imbaga y’inzirakarengane.
Ikibabaje kandi giteye agahinda ni uko ubucurabwenge bw’ishyaka RNC bwamuzwe kandi bukaba imbata y’iyi système na propagande yo gucamo ibice abanyarwanda, no kubiba amacakubiri nk’iturufu yo kumaranira ubutegetsi. Ntagitangaje kuko babifitiye impamyabumenyi y’ikirenga, barabyize, barabitozwa, barabikoresha guhera za 90 ubwo bari mu bakaraza b’imbere b’ingoma ya FPR-Inkotanyi.
Ubwo rero tumaze kurebera hamwe ubucurabwenge bw’ishyaka RNC ubwo ari bwo na système ya politiki na propagande bakoresha, umuntu yakwibaza impamvu y’iyo mikorere y’urukoza soni, igamije gushora abana b’u Rwanda mu mwiryane.
Impamvu yabyo ingana ururo, kandi umuntu wese ushishoza ntatinda kuyibona. Aho abacurabwenge bajya gushinga ishyaka RNC bigiriye inama bagira bati : « dukorere mu kivunge cy’abantu twiyita ihuriro, twiyegereze abahutu mu nzira izo ari zo zose batugirire icyizere, maze tubacurike tubahindure ibikoresho bya politiki yacu, naho abatutsi baratuzi bazatuyoboka, tubangishe kagame, turwanye kandi twibasire ushatse gukoma mu nkokora umugambi wacu, bityo nitudafata ubutegetsi bizadufasha gukwepa ubutabera muri iki gihe tuba mu buhungiro kandi bidufashe no kubona amafaranga adutunga ».
Ikigaragara umuntu yavuga ni uko abacurabwenge b’ishyaka RNC bafite intego eshatu muri politiki yabo.Umuntu yazivuga muri make muri aya magambo, aho abo bacurabwenge bagira bati :
-Dushake umutwe wa Kagame Paul, waturiye akatumara, akikubira ibyagezweho na FPR kandi twarafatanije urugamba, kabone n’ubwo twawubona hagaritswe imbaga y’abanyarwanda, ibyo ntibidukanga, ikingenzi ni uguhitana Kagame.
-Tumaranire ubutegetsi mu nzira zo kwigarurira rubanda nyamwishi rwo mu bwoko bw’abahutu, cyane cyane impunzi zahungiye mu bihugu by’amahanga, dukoresheje iturufu y’uko tuzabasubiza k’ubutegetsi. Tubangishe Kagame n’ubutegetsi bwe, ndetse n’abahutu bene wabo batadushyigikiye, naho abatutsi tuzabumfisha ko hari aho Kagame yatatiye amahame ya FPR, bityo bazatumva, kandi bidufashe kwikiza Kagame muri FPR ,maze tuzayiyobore yitwa RNC , bityo turindagize abahutu. Abatazatuyoboka, tuzabateza umwiryane, amacakubiri, maze tubangishe abanyarwanda, tubateze abayoboke n’abambari bacu, tubashinja ko bakorana n’umwanzi wacu FPR mu kubahemukira.
-Izi ngingo ebyiri zizadufasha gukwepa ubutabera no kwibagiza abanyarwanda ibyaha dukurikiranyweho . Ubutabera mpuzamahanga bwo, tuzabubwira ko ibyaha bavuga byakozwe na Kagame wenyine, ko kandi twabufasha mu kuba abatangabuhamya, bityo tubapfunyikire amazi, iminsi izaba yisunika, ari nako inkiko zibagirwa dosiye zacu.
Muri make ngiyi gahunda y’ishyaka RNC n’impamvu ituma bakora politiki y’amacakubiri, nk’uko twabibonye ubwo bakoreshaga Bwana KARENGERA Augustin, wirukanywe mu ishyaka PPR-Imena, akorewe manipulations na RNC mugusebya Ishyaka PPR-Imena mu mugambi wabo wo kurisenya no kuribuza kugera ku ntego ryiyemeje yo guharanira ubumwe bw’abanyarwanda, ubworoherane ukuri n’ubwiyunge , hakoreshejwe inzira y’ibiganiro.
Intorezo cyangwa inkota y’ishyaka RNC kandi ntabwo bayigeze ishyaka PPR-Imena ryonyine, kuko hari n’abandi yagezeho cyangwa izageraho , bitewe n’uko badacyeza ubucurabwenge bw’iri shyaka rya RNC.
Ingero natanga ni urwo amashyaka nka PDP-Imanzi na RDI- Rwanda nziza, byararwanijwe cyane ndetse bushinjwa ibi byaha n’abacurabwenge ba RNC bagamije kubabibamo amacakubiri no kubangisha abanyarwanda igihe bafataga gahunda yo kujya gukorera politiki mu Rwanda. Ngira ngo n’ubu iyi propagande y’amacakubiri iracyakomeje ku ishyaka PDP-Imanzi.
Irindi shyaka twavuga iyi propagande ya RNC yagezeho ni Green Party, ubwo yahirimbaniraga kwandikwa mu Rwanda. Ndetse n’ishyaka Ishema rya Padiri Nahimana, iyi propagande y’amacakubiri no gusebanya by’shyaka RNC barigezeho, bikoma Padiri Nahimana kuko atayobotse imigambi y’ubucurabwenge bwa RNC.

Radio itahuka mu isura ya radio RTLM
Ikindi umuntu yakwerekana muri uyu mugambi wo kubiba amacakubiri w’ishyaka RNC, ni uburyo Radio Itahuka n’umunyamakuru wayo Bwana Serge bafashe isura ya radio RTLM yo mu myaka ya 93, mbere gato ya genocide. Umuntu yagereranya umunyamakuru Serge wa radio itahuka n’umunyamakuru Kantano wa RTLM , kuko icyo bose bahuriyeho ni ukuba abigisha n’abacengeza matwara ba politiki y’amacakubiri no kubiba urwango mu banyarwanda.

Umwanzuro
Ishyaka RNC rikwiye guhindura politiki yaryo, rikava mu migambi yihishe, icuriwe muri salon kwa Kayumba, maze abacurabwenge ba RNC bakayoboka politiki yubaka ubumwe bw’abanyarwanda, kandi politiki irimo ubworoherane n’ubwubahane ku yandi mashyaka ya politiki.
Niba kandi abacurabwenge ba RNC batisubiyeho, bakanangira umutima, bakikomereza gahunda yabo nk’uko twayivuze hejuru, abanyarwanda b’ingeri zose, cyane cyane urubyiruko, rurabe maso, hato rutagwa mu mutego mutindi w’ishyaka RNC , ribashora mu macakubiri n’inzangano zisenya, bagamije kugera k’ubutegetsi.
Ishyaka PPR-Imena risanga intamabara zisenya, n’ihangana rivusha amaraso y’inzirakarengane, mu nyungu zabaharanira ubutegetsi, byarashegeshe bikomeye umuryango nyarwanda, bityo inzira z’ibiganiro bihuza abanyarwanda b’ingeri zose bigomba kugirwa umusingi wo kubaka igihugu kimwe n’umuryango umwe “One people, One Nation” usangira byose kandi ufite icyerekezo cyiza cy’ejo hazaza.
FPR n’ amashyaka bafatanije mu kuyobora Leta muri iki gihe, kimwe n’amashyaka ya opozisiyo, duhindure twese ingendo, duharanire twese inyungu rusange z’umuryango, dufatanye gukemura ibibazo byugarije umuryango nyarwanda mu nzira z’ibiganiro byubaka kandi bitanga ikizere kuri bose.
Turwanye amacakubiri, twirinde ibitanya abanyarwanda mu nyungu z’udutsiko tw’abantu.
Bikorewe I Buruseli, kuva 27/12/2013
Ubuyobozi bw’ishyaka PPR-Imena

Icyemezo cyuje ubutwari abayobozi ba Kiliziya gatolika y’u Rwanda bafashe cyo kudashyigikira ku mugaragaro gahunda ya “Ndi umunyarwanda”, ni icyo gushimirwa. Nta mukristu n`umwe uyobewe ko bamwe mu bashumba ba Kiliziya bifuzaga ko iriya gahunda yashyigikirwa, nk`uko iya Cacaca yashyigikiwe, none bikaba byarabuze igaruriro. Aha rero bakoresheje ubushishozi, n`ubwo hatari habuze bamwe mu bihayimana bigize indangurura-majwi ya “Ndi umunyarwanda”, haba mu bigo by`abihayimana, mu materaniro y`abakristu no ku maradiyo na televisiyo nyarwanda. Mu by`ukuri, ubwo FPR yari imaze kunoza gahunda y`icengezamatwara ya “Ndi umunyarwanda”, yafashe bamwe mu bihayimana ibagira ibikoresho mu miryango babarizwamo no muri Kiliziya muri rusange. Uw`igikongoti (urangurura cyane) akaba padiri Ubalidi Rugirangoga ukomoka muri diyosezi ya Cyangugu.

1.Padiri Ubalidi yayobeje leta ya FPR

Muri iyi minsi nakunze kubona ku mbuga zinyuranye, abantu bamwe bemeza ko padiri Ubalidi yivugiye ko Kiliziya y`u Rwanda ishyigikiye gahunda ya “Ndi umunyarwanda”. Kandi koko nawe ubwe yarabyivugiye ku maradiyo no kuri televiziyo nyarwanda, ubwo yemezaga ko ikibazo cyo mu Rwanda kizakemurwa na “Ndi umunyarwanda, nk`uko Gacaca yagize uruhare mu bwiyunge bw`Abanyarwanda”. Nyuma y`inama y`Abepisikopi yatangiye ku ya 10 igasozwa ku ya 13 Ukuboza 2013, nasanze ari ngombwa gucukumbura ibya Ubalidi. Ibyo naguyeho biteye agahinda. Reka mbanze mvuge ko padiri Ubalidi atari we uvugira Kiliziya y`u Rwanda. Nta n`ubuyobozi na buto ayifitemo, kuko nta na paruwasi abarizwamo byibura. Ubu yahindutse umupadiri wigenga.

Dore igishya rero. Nyuma ya jenoside yakorewe Abatutsi, padiri Ubalidi yegeraga bamwe mu bapadiri b`abahutu yitaga “bazima”, akabasaba kwigisha Abahutu bose gusaba imbabazi Abatutsi. Ubwo na bamwe mu bapadiri b`Abatutsi, akababwira ko bagomba gusaba Abatutsi barokotse jenoside, bagatanga imbabazi, baziha Abahutu bose. Abapadiri b`abatutsi bahitaga bamutera utwatsi, ariko Abahutu bo bakinumira, dore ko muri bo harimo ababaga baragizwe impfumbyi na FPR, abandi bafite ababyeyi mu mazu y`imbohe. Aho padiri Ubalidi abereye padiri mukuru i Mushaka, yabonye uburyo bwo gushyira mu bikorwa gahunda ye. Ni bwo atangiye gufungira amasakaramentu Abahutu ngo banze kwemera ko ari abicanyi. Nyamara nta kintu na kimwe yasabaga Abatutsi, kuko hari muri cya gihe cya Gacaca ya FPR. Mwese muzi ko icyo gikorwa kigayitse, cyatumye madame Jeannette Kagame ubwe agororera paruwasi ya mushaka imodoka nshya yo gushimira Padiri Ubald n’intumwa ye padiri Eric ngo kuko “Bubahiriza gahunda za leta”. Abasobanukiwe n`icyo bita “Abahanura-binyoma” bahita bumva icyiciro padiri Ubalidi aherereyemo.

Musenyeri Damaseni Bimenyimana si we warose padiri Ubalidi yikura muri paruwasi ya Mushaka, ngo kuko yumvaga afite umuhamagaro wo kwigisha hose “Ubumwe n`ubwiyunge” mu murongo wa leta ya FPR. Musenyeri Damaseni yihutiye guhita amusimbuza undi, kandi ntiyagira ikindi amushinga, ku buryo ubu Ubalidi yibereye nk`umupadiri w`inzererezi utagira aho abarizwa. Icyakora afite amafaranga menshi, kuko uretse ayo leta imuhemba, aho yigisha hose, haba mu bigo by`abihayimana no mu biterane, ategeka ko bamuhemba.

Padiri Ubaldi atangiza ingengabitekerezo ye na Jeannette.

Aha arimo arigisha uko abahutu bonyine bagomba

guheka ibyaha byose by’abanyarwanda harimo n’ibyakozwe

n’Abatutsi ba FPR bitagomba kuvugwa !

Ibyo padiri Ubalidi yivugira kuri televiziyo no ku maradiyo ya hano mu Rwanda, ni nabyo yigisha no mu biterane by`amasengesho ngo yo gukiza. Nanyarukiye mu giterane aherutse gukorera ku Gisenyi, ariko ibyo numvise ni agahomamunwa. Ngo Abahutu bose niba bashaka gukira, bagomba gusaba imbabazi Abatutsi. Nategereje ko yavuga ati “Abanyagisenyi na Ruhengeri mwarababaye cyane, namwe ababiciye bagomba kubasaba imbabazi”, ndaheba. Abenshi twatashye twabihiwe.

Nk`uko nabivuze haruguru, Ubalidi yifuje kuva kera ko iri cengeza-matwara, ariryo FPR yise “Ingengabitekerezo”, ryahinduka gahunda ya leta. Yabigezeho rero, abinyujije kuri madamu wa perezida, Jeannette Kagame-Nyiramongi. Mu by`ukuri iyi ngengabitekerezo, Ubalidi ayihuriyeho n`imyumvire ya benshi mu Batutsi bavuye i Burundi, ari naho padiri Ubalidi (kimwe na madamu wa perezida) yarerewe. Twese twiyumviye uburyo uhagarariye Ibuka yabanje gutera utwatsi iyi ngengabitekerezo ihatira Abahutu bose gusaba imbabazi. Bwakeye yisubiyeho, kuko yari amaze gukururwa amatwi! Birumvikana rero ko iyi ngengabitekerezo atari iya Ibuka, ntibe n`iy`Abatutsi bavuye Uganda, kuko bo ikibashishikaje ari ukwirundira imitungo gusa.

Jeannette Kagame yasumanye ubushishozi igitekerezo cya Ubald aragishima akigira icye, agishyikiriza Paul Kagame kigirwa gahunda ya Leta!

2.Kuki padiri Ubalidi atsimbarara kuri “Ndi umunyarwanda” ?

Biteye isoni, kubona FPR imara imyaka hafi makumyabiri ivuga ko ari nta moko aba mu Rwanda, Jeannette agafatirana Kagame mu burwayi yifitiye, akamupakiramo ko “Abahutu bose, uhereye ku bitambambuga, bagomba gusaba imbabazi Abatutsi”. Mu by`ukuri umucurabwenge w`iyi gahunda-rukozasoni ni padiri Ubalidi RUGIRANGOGA. Aho yahuriye na Jeannette kugira ngo babyumve kimwe, Paul Kagame akwiye kuhatohoza neza akahamenya ! Icyakora FPR nayo yahise isamira hejuru iyi ngengabitekerezo ya Padiri Ubaldi na Jeannette kubera ahanini kubura ibitekerezo bishya no kubera inyungu ibifitemo, zo kugumya guhuma amaso Abanyarwanda, ngo batava aho bibaza ku bibazo bikomeye bibugarije. None se aho gahunda ya “Ndi umunyarwanda” itangiriye, mwongeye kumva hari uwibaza irengero rya ya mafranga yatangwaga muri cya Kigega-mbura-ndiba cy`Agaciro fund ? Leta ya FPR rero, yungukira mu bitekerezo rusenya-miryango na rutwika-gihugu nk`ibi bya padiri Ubalidi.

Padiri Ubalidi se we abifitemo nyungu ki ? Uyu mupadiri w`umunyacyangugu yashoboye kubona bamwe mu bahutu bifitiye inyota y`ubutegetsi n`iy`ubukire abicishaho, nabo si ugucinya inkoro bava hasi. None se Bamporiki ntakuyemo ubudepite ? Nyamara kure y`ibi bigaragara, Ubalidi yifitiye inyungu ze zihishe kandi asangiye n`abandi bose bafite ibiganza biriho amaraso, yaba ay`Abahutu, cyangwa se ay`Abatutsi. Muti ese gute ? Hamwe no gushaka kuba umupadiri w’icyamamare uzwi kandi ukunzwe n’abategetsi bakomeye, Padiri Ubalidi azi neza ko atari umwere w`amaraso y`Abahutu : uretse abo yafungishije, Yifuza rero icyatuma bitongera kuvugwa. Mu rurupfu rwa Sindayiheba Yohani ruhora rumubunga mu maso no mu mutwe. Ku rundi ruhande, Abahutu bose basabye imbabazi, abicanyi b`Abatutsi bahita bahinduka abere, bityo n`Abahutu b`abaziranenge ntibatinyuke kuvuga amabi FPR inkotanyi na Ubalidi bakoreye Abahutu. Murumva rero ko iyi ngengabitekerezo ya Ubalidi irimo imibare (calculs) itoroshye. Nyamara ntishobora kuba isoko y`ubumwe n`ubwiyunge, mu gihe Umunyarwanda wese adashobora kuvuga ukuri kw`ibyamubayeho yisanzuye.

Umwanzuro

Nta wabura rero kwishimira ko nibura noneho Abashumba ba Kiliziya Gatolika bashoboye gutegura uyu mutego, ku buryo ikinyoma gikubitiwe ahagaragara. Kuba bashoboye kurenga imyumvire itandukanye kuri iki kibazo, bakinjira mu myumvire rusange y`Abanyarwanda, byongeye gusubiza ishema iyi nteko yabo. Nibakomereze aho rero, birinde kugwa mu mutego padiri Ubalidi yaroshyemo leta ya FPR, none ikaba imaze gucika ururondogoro yisobanura. Kuko mu by’ukuri biragaragara ko Ubutegetsi bwa FPR bushobora guhungabana bikomeye biturutse kuri gahunda yizwe nabi cyane ya “Ndi Umunyarwanda”.

Euphrosine Murekatete

Umukristukazi wa Paruwasi Sainte Famille 

Kagame (in front) and his rebel group RPF belonged to Ugandan Army. That is why it is true to say that Uganda attacked Rwanda in 1990.

On 25^th of December 2013, when we were celebrating the birthday of our Lord and savior Jesus the Christ of Nazareth, I came across an article by another Kagame’s acolytes, Paul Hiebert  who, in http://www.slate.com/articles/technology/the_next_silicon_valley,  praised the so called economic growth and ICT miracles of Rwanda after Rwandan genocide.

I usually have no objection when people say that Rwanda has developed after the 1994 genocide. And this is because when you come from zero, you grow faster than the person who has exhausted his potential. Had we compared Rwanda of 1980 and Rwanda of 1995, we would have gained a better understanding on how costly is the war and maybe condemn who caused it. Leave that aside, my case has always been twofold:

1. Economic development is much different from economic growth and Rwanda needs more the first than the second. I hereby urge those who praise Kagame to relax a little and think twice before selling the unsellable.
2. Rwanda is well known not because of any other characteristic than genocide. And when you have to talk about the progress, you are compelled to talk about the “angel” that stopped genocide. Shallow or no deep analysis is done to understand this genocide and the truth behind it.

My simple question to Paul Hiebert and his likes is simply this:

Did you know that the majority of the million victims of genocide were killed by Kagame himself and his army RPF? Maybe you do not. Well, hear this. People could tell you lies but statistics cannot.

Kagame told you that the genocide claimed life to one million Tutsi and some moderate Hutu. You, being intelligent as I assume, should question this:

• Whenever we have commemoration no Hutu is mentioned
• Kagame who knows traditional practices would not expose his brothers and sisters’ skulls in shelves instead of letting them rest
• About statistics now: before genocide Rwandan population was six million and two hundred thousand (6,200,000) and Tutsi represented 14 %, that is 868, 000 persons. Kagame and his RPF told you that one million Tutsi died. But Rwanda never had such a number of Tutsi. In 2005 a research done by the genocide survivors association IBUKA and FARG( Fonds d’Assistance aux Rescapés du Génocide) has shown that 360,000 Tutsi were killed meaning that 500,000 Tutsi survived and that 640,000 others killed during genocide were Hutu. Kagame killed so many Tutsi and Hutu including these 640,000. Do you think Kagame’s so –called achievements should make the humanity forget his crimes? I don’t. Given that human life is sacred and is priceless, I urge you Paul Hiebert to write about this man’s crimes and advise how you think he should be prosecuted before you talk about frivolous economic growth that is far less meaningful to Rwandans who lost theirs.

NTA UTERA IMIGERI IBIRI ICYARIMWE NGO AHAME HAMWE: Abarwanya ubutegetsi buliho nibazirikane aya magambo, buli wese yirinde gushaka gusenya abo basangiye urugendo n’iyo baba batari mu kinyabiziga kimwe nawe.

Banyarwanda bavandimwe dusangiye umurage ;

Hari byinshi nifuzaga kwandikaho aliko mpisemo kubanza kuvuga kuli iyi ngingo igaragara nk’umutwe w’inyandiko kuberako niyumvamo ko yihutirwa.

Ibyo nifuzaga kuvugaho kandi nzakomeza kuganiraho na nyuma yo kubagezaho iki kiganiro, ni ibijyanye no gushishikariza abo mu moko Hutu-Tutsi gukanguka bakireba bakareba ejo hahise maze bakiyemeza kwegerana no gukemurira hamwe ibibazo, byaba ibyo kuvanaho ubutegetsi bw’igitugu butoroheye abanyarwanda muli iki gihe ndetse n’ibyo guhamya neza uburyo bw’imibanire bubakwiye.

Reka twiganirire noneho ku cyatuzinduye cy’uko kwiha gutera imigeri ibiri umwe uwutera umunyagitugu uwundi uwutera abarwanya umunyagitugu nawe witwa ko urwanya, ali ikosa likaba n’ikosa ry’igenarugamba « erreur strategique/strategic error », kuko uba wisenya mu buryo buziguye utabibona, kuko uba uca intege abaca intege umunyagitugu nawe urwanya. Kugenza gutya ni ukudashakira ibyiza abo uvuga ko uharanira gutabara, aha ndavuga abanyarwanda.

Muli ibi bihe, abarwanya ubutegetsi buyoboje iterabwoba abanyarwanda bamaze kwiyongera haba mu mubare w’amashyaka ya opozisiyo haba no mu bantu ku giti cyabo batanga ibitekerezo bikangurira abanyarwanda kwishakira umubano mwiza hagati yabo. Iki ni ikimenyetso cyiza kigaragaza ko abanyarwanda bariho bakanguka ku muvuduko ushimishije, kikagaragaza kandi ko ubayoboye nabi atazakomeza kubangiriza ngo bamwihorere ubuzirakumusaba guhinduka cyangwa se kumwihaniza igihe yanze akanangira, byakwangwa abaturage bababaye bakikemurira ibibazo mu nzira yaba ibihutiye.

Uko bigenda bigaragara ko iyi ngoma y’igitugu ishobora gusenyuka vuba cyangwa se bitinze ho gake, niko bamwe mu bayirwanya batangiye kwikanga ko rya sangira n’isaranganya baririmba ritazabanezeza, nabo bakaba bakwibwira bati : « dore turi mu bafite igihagararo cyane muli opozisiyo, none nimucyo dutangire dusenye abandi noneho tuzasigare twenyine, n’amahanga abe aritwe azajya anyuraho twenyine, maze iyi ngoma nihirima tuzifatire twiharire ! »

Ngili ikosa rikomeye rero ryagiye rikururira u Rwanda akaga kaje kuvamo iyicwa ry’imbaga y’amoko yose mu buryo buteye ubwoba na n’ubu abanyarwanda bagipfa.

Baca umugani mu kinyarwanda ngo : « BABONA ISHA ITAMBA BAGATA N’URWO BARI BAMBAYE »

Abafaransa bo bakavuga ngo « IL NE FAUT PAS VENDRE LA PAEAU DE L’OURS AVANT DE L’AVOIR TUE », abongereza bo bati : « NEVER COUNT CHICKENS BEFORE THEY ARE HATCHED ».

Dore ibyashenye ubwami muli 1959, kandi abambari b’umwami iyo batwaza buke bakumvikana n’abandi banyarwanda, bashoboraga gukomeza ubwami Umwami agakomeza, umuhutu yajyaga asuzugura akamwungiriza cyangwa se akaba ushinzwe ubutegetsi nyubahirizategeko kandi ibintu bikaba byiza. Byabindi byo kuvuga ngo reka nziharire ndwanye n’aba batutsi bashaka kungira inama n’amashyaka yabo kuko aba bahutu bo ntacyo bari cyo byabakozeho! Buliya Lunari yabonaga intsinzi ali iyayo, igatangira kwiteganyiriza kuzayiharira itaranayishyikira! Abakuru bayo ntibatinze kubona ko bibeshyaga!

Dore kandi byashenye MRND n’izina ryayo yari imaze kubaka mu banyarawanda batari bake, ubwo yavugaga iti reka nsenye n’aba bahutu b’amashyaka angira inama, maze niharire kuko bariya batutsi bon nta mutamiro ulimo kuko mfite n’abanshyigikiye hirya no hino ku isi mu bihugu by’inshuti. Nyamara iyo abambari ba MRND bacisha make kare bakegerana n’abandi halimo n’abo bihaga gusuzugura, bakemera gusabana no gusangira, nta kibazo kiba cyarabaye, ishyaka ryabo ryashoboraga kuguma ku butegetsi noneho umutusi uvuye hehe cyangwa se wabaga aha mu Rwanda akaba yakungiriza na Perezida cyangwa agahabwa n’undi mwanya. Aliko byaranze. Buliya MRND yararebaga igasanga intsinzi izaba iyabo, noneho itangira kwitegura uko iziharira itaranayishyikira, hanyuma iza kwibuka ibitereko yasheshe! Yatekereje kwemera isaranganya trop tard. Abari bayikuriye ntibatinze kubona ko bibeshyaga.

Dore nanone birongeye FPR iliho irakora nka LUNARI na MRND, ibyayo buli wese yahita yibwira uko bizarangira niba nta gihindutse. Ubu FPR nayo irareba igasanga intsinzi ali iyayo, utu dushyaka twose izatuzingazinga ikadupfunyapfunya mu isogonda, aho gukenga ngo yiteganyirize. Abayikuriye ntibazatinda kubona ko bibeshya.

Tugarutse muli opozisiyo yacu iliho ubu rero, igishekeje ni uko iyi ngeso naho itahatanzwe. Hali abafite ibisigisigi by’amashyaka babayemo cyangwa se ubuhirimbanyi n’intambara z’ukwibohoza bagize, bakaba bakili mu nzozi z’igihe baganzaga bakigizayo abandi maze bakifatira byose bonyine. Ntibabona ko ibyo ali nabyo byabakururiye ibibazo bibonamwo ubungubu. Balimo abahutu bo mu bihe bya cyera, bakabamo n’abatutsi bo mu bihe bya vuba aha n’abatutsi bo mu bihe bya cyera. Iyo ngeso irakurura umutima wabo iwuganisha mu kurwanya abandi baharanira impinduka, kubatesha agaciro mu mvugo cyangwa se mu nyandiko, no kuyobya rubanda bayereka ko kanaka na kanaka ali abakozi b’uwo barwanya. Aya ni amaco yo kugira ngo abagenza batyo basigare muli opozisiyo bonyine. Ibi ntibikorwa n’umuntu umwe cyangwa se ishyaka limwe, bikorwa na benshi, kandi byagiye biviramo n’amashyaka menshi gucikagurikamo ibice, biyatunguye cyangwa se bidatunguranye.

BITEYE AGAHINDA CYANE, KANDI NTA CYIZERE BITANGA – ESE BIRATERWA n’IKI?

Dore impamvu nkeka zibitera, kandi zirwanyijwe iyi ntambara yo kwibohoza yabera bose, abahutu n’abatutsi, maze urukundo muli bo rukaba rwatangira rukigishwa bya nyabyo.

1. Ubwoba bukabije bw’uko Kagame na FPR bafite ibigufu biruta iby’Uburusi na Amerika byo mu gihe cy’intambara y’ubutita

   Aha navuga nti “BALINGA”, nsubiyemo amagambo y’umusaza umwa wanyigishije cyera wakundaga kuvuga ilyo jambo. Byose ni BALINGA. Uko kwikanga rero gutuma bibwira bose bati Kagame na FPR bafite IKIJISHO n’IKINYUNDO bitureba aho tuli hose, naba Canada, Belgique, Cameroun, Libiya, Hollande, Kenya, Nigeria, Senegal, France, Afurika y’Epfo, n’ahandi …, niba ntagambaniye abatarayobotse Kigali y’ubu ndashize Ikijisho n’Ikinyundo birampitanye, kuko ntaho bitagera. Ubu bwoba n’amashyaka bwarayatashye, ku bururyo uje wese bamwikangamo cya kijisho na cya kinyundo bya Kagame na FPR, bati yatumwe. Mbese utayobotse Ishyaka ulimo wowe urwanya ubutegetsi wese uhita wumva ko ali urugingo rwa cya kijisho n’ikinyundo bije kukuneka no kugusekura! Ni uko amashyaka yose ukaba wayifuriza ko asenyukira mu ryawe aho kwifuza gufatanya nayo mu rugendo musangiye, ugasanga imbaraga zagakoreshejwe mu kurwanya umunyagitugu ziciwemo ibice, iz’igice kimwe zigatangira kurwanya abarwanya umunyagitugu.

Ubu bwoba kandi butuma abanyarwanda benshi batinya kugaragaza ko batishimiye ibibi bakorerwa n’ubutegetsi buliho, bityo bakibera ba ntibindeba, kandi imbaraga zabo nazo zikenewe kugira ngo abanyarwanda batabarwe.

2. Ubwibone n’ubusambo no kudakunda igihugu

   Ntawahakana ko bamwe mu barwanya ubutegetsi bashobora kuba badashaka icyiza cy’abanyarwanda, ahubwo bashaka kubukacira ngo bakore nk’ibyahozeho ku ngoma z’igitugu zabanje. Uyu mutima nawo abawiyumvamo nabagira inama yo kuwurwanya hakili kare, kuko niwo utuma batishimira ko abandi batera imbere ndetse ntibishimire kubona hari abamaze gukataza cyane no kwamamara mu kurwanya ibibi by’imiyoborere iliho. Bibaviramo gusuzugura bamwe mu baharanira impinduka nkabo, bitwaje “uwo naliwe amahindura ataraza”, ubundi bakibwira ko uyu nabonaga burya n’ubu namufata kurya. Aha ni ukwibeshya, kuko Kayibanda yasimbuye umwami Kigeli, hakaba hali n’izindi ngero nyinshi hirya no hino kuli iyi si.

3. Ishyari

   Ishyari ni ikintu kibi cyane, rikaba no mu ngeso mbi zimwe bita imizi y’ibyaha. Naryo ni ukugerageza kurirwanya no kuryivanamo kugira ngo kugendera hamwe no kwishimira intambwe nziza igaragara itewe n’undi, kuko bimuviramo nawe kwishimira intambwe uteye.

4. Amayeli y’Umunyagitugu abaharanira impinduka barwanya

Sinakwirengagiza ko hali n’uruhare amayeri y’umunyagitugu afite mu byo tubona byo gusenyana hagati y’abagize opozisiyo. Aya nayo arushaho gushoboka kubera bwa bwoba buhora mu bantu bitwa ko barwanya leta, kuko bikanga ibiti n’amabuye! Icyo gihe iyo umunyagitugu yatahuye ko aliko abamurwanya bamerewe, nawe bimutera imbaraga maze si ukubasaza akiva inyuma! Birumvikana ko nk’uko benshi babyikanga n’intumwa cyangwa se intasi zishobora gucengera zitumwe n’umunyagitugu, cyangwa se guteshwa umurongo no gusekuranya abahuliye mu ishyaka bikaba byabaho. Nyamara ibyo twavuze haruguru abantu babyirinze aya mayeri ntiyabona aho acengerera.

5. Ukudasobanukirwa (ubujiji) n’Ukutagira umurongo w’ibitekerezo bihamye abantu bemera ko alibyo bibayobora mu rugendo rwabo rwo kwibohoza.

   Mu by’ukuli iyi ni inzitizi ikomeye nayo ituma hali uwumva yatezwa imbere no gusenyuka kw’abandi. Hakaba n’uwibwira ngo basenyutse biliya bitekerezo byabo nkabyifatira, ati kuko barabintanze. Bavandimwe banyarwanda reka mbabwire, nta gutanguranwa ibitekerezo kubaho. Niba udafite ibitekerezo uzasimbukira ibyo ubonye, rwose ufite ibibazo, n’uwakuraho abandi bose ugasigara wenyine, wakwizungurukaho mu kibuga wisangije kuko uba udafite aho uzi werekeza. Inama nakugira rero ni ukwirinda guta imbaraga zawe mu gusebya no gushaka ko abo wakagendanye nabo basenyuka. Aha ni ubujiji buba buvanze no guhuzagurika. Aha niho usanga umuntu akubwira ati jye ndi umu-liberal, ejo haza umuterankunga uha aba-communiste amafaranga ati nanjye nahindutse we ubu ndi umu-communiste, ejo bavuga bati byose ntibikigezweho turashaka abadakunda politiki bakora idini ati n’ubundi niryo nashakaga ubwo akaba atangiye idini, ejobundi bati turafasha amakipe y’umupira undi ati na cyera nakundaga kuwutera nimumpe ibyo bifaranga nzatwara n’igikombe cy’ayabaye aya mbere iwayo!

Ibi kandi birareba n’abafite imiyoboro inyuzwamo ubutumwa (ibinyamakuru, amaradiyo, n’indi …). Nibumve ko buli wese akeneye undi, ko buli wese yuzuzanya n’undi, ko gusenya uwo muli mu muhanda umwe ali ukwikururira gusenyuka nawe ubwawe. Abantu bose ntibakwirwa mu kinyabiziga kimwe kandi ntibagira uguhitamo kumwe mu gutoranya icyo bagendamwo, niyo mpamvu habaho byinshi by’amoko menshi. Hanyuma ikinyabiziga kitaza kikugonga ugomba kwishimira ko muliho mujya hamwe, ndetse kimwe cyatobokesha ikindi kikaba cyakigoboka kikagitiza nk’ijeki, bityo abagenzi bose bakazagerayo amahoro. Ibi byaba biruta gushaka ko kiliya gihirima cyangwa gishya kigakongoka kandi yenda imbere wari gutobokesha kikaba alicyo kikurwanaho. Wasanga kigendamo n’uwawe yafashe ishoye wowe wategeye nko muli gare da. None wagitwika ukamutwikiramo? Kuba magirirane, kuzuzanya, kungurana ibitekerezo no kungurana inama mu rugendo rwo guharanira impinduka nibyo bikenewe.

Banyarwanda bavandimwe dusangiye iki kiganiro, ndabashimira cyane kuba mufashe akanya ko gusoma iyi nyandiko nandikanye urukundo kuli bose.

Ndangije ngira inama abatavuga rumwe na leta bari mu mashyaka, abanyamakuru n’abandi, kwitaza imigenzereze nk’iyo tumaze kubona ko yabasenyera aho kububakira.

Ndisabira kandi n’ubutegetsi bw’u Rwanda, birumvikana ko ali ababukuriye mbwira, ko abavuga nabi ibyo bukora atari abagome habe ku gihugu habe no kuli bo ubwabo n’imiryango yabo nk’abantu Imana yaremye ikabagira n’abanyarwanda. Rwose nibumve icyo amajwi asakuza abasaba kandi si ikidashoboka: icyo basabwa ni uguhinduka, bakareka iterabwoba kandi bakimakaza iyubahirizwa ry’uburenganzira bw’ikiremwamuntu aho liva rikagera. Ibyo bikajyana no kurekura bakemera gushyikirana n’abarwanya imitekerereze yabo kugira ngo babe bagira aho bahuriza mu nyungu z’abanyarwanda bose.

Ibi Imana n’abakurambere nibyo bifuza, kandi nibidashyigikirwa n’abafite ububasha, hazazamurwa imbaraga zibasha gusenya igitugu n’iterabwoba byabo kugira ngo icyiza gishyirwe imbere kandi abanyarwanda b’amoko yose bahuze urugwiro mu bukungu no mu miyoborere by’igihugu cyabo nta vangura rikorewe bamwe.

Prosper Bamara , ku wa 22 ukuboza 2013