Dr Christophe Mpozayo arazira gutanga ibitekerezo bye!

Image

Nk’uko tubikesha ikinyamakuru umuryango.rw , umugabo Christophe Mpozayo afungiye kuri polisi i Remera azira gutanga ibitekerezo bye. Polisi yo imurega ko akwirakwiza ibihuha kandi ngo akaba agamije kwangisha abaturage ubutegetsi buriho. Koko iyo ubutegetsi bugeze mu marembera burenganya  kandi bukikanga buri wese. Ese twakora iki ngo twumvishe FPR n’agatsiko kayiyobora ko gutanga ibitekerezo bitandukanye n’ibyabo ari umusanzu wo guhindura ibitagenda neza?

Biragaragara ko aka gatsiko gafite byinshi kishinja kandi ni mu gihe. Kuva tariki ya 1/10/1990 amaraso y’inzirakarengane y’abanyabyumba n’abanyaruhengeri ndetse n’ayamenetse mu gihugu hose kugeza n’uyu munsi abarwa kuri ko. Igitangaje ariko ngo ni uko Mpozayo yari afite na gahunda yo gukura umukuru w’igihugu ku butegetsi!? Iki se ni icyaha? Ubundi se ntazabuvaho?

Itegeko nshinga rya repubulika y’u Rwanda n’ubwo dufite byinshi turinenga ariko risobanura ko nta mukuru w’igihugu ugomba kurenza manda ebyiri. Kagame arazirangije. Bityo rero gutegura kumusimbura nta cyaha kibirimo. Mu rwego rwo gutekinika dossier, polisi irashinja Dr Mpozayo gutunga grenade! Umuntu nka Mpozayo nta grenade akeneye yewe n’ubwo yaba ashaka guhirika leta ubwonko bwe burusha imbaraga grenade igihumbi. ahubwo polisi nibanze ibare ama grenades ari mu bubiko bw’intwaro maze itubwire ko iyo grenade yabonetse kwa Mpozayo itari iya Leta yazanywe n’abaje kumusaka!  (Administration)

Umugabo witwa Mpozayo Christophe afungiye kuri sitasiyo ya polisi I Remera mu mujyi wa Kigali, akekwaho gukwirakwiza ibihuha yifashishije imirongo nkoranyambaga ya interineti agamije kwangisha abaturage Leta iriho.

Mpozayo yaratawe muri yombi kuri uyu wa gatatu nyuma y’uko polisi imenye amakuru ko yaba ari gukwirakwiza ibihuha mu baturage ngo bivumbure kuri leta iriho.

Si ubwa mbere kandi Mpozayo afunzwe, kuko no mu Ugushyingo umwaka ushize yafashwe ashinjwa gutunga intwaro mu buryo butemewe n’amategeko no gusebanya.

Mpozayo yakoraga mu ihuriro rishyiraho amategeko muri Afurika y’iburasirazuba EALA (East African Legislative Assembly). Akaba yarakoreraga Arusha muri Tanzaniya.

Newtimes dukesha iyi nkuru ikaba itangaza ko uyu mugabo yakoraga ibi bikorwa byo gukwirakwiza ibihuha ahamagarira abaturage kwangaLeta iriho yifashishije imirongo nkoranyambaga ya interineti (social media ).

Umuvugizi wa polisi y’u Rwanda, ACP Damas Gatare na we yemeje ifatwa rya Mpozayo. Yagize ati :”Twongeye gufata Dr Christophe Mpozayo kubera kugerageza kwangisha abaturage ubuyobozi abinyujije mu nyandiko mu guhungabanya ubusugire bw’igihugu.”

Gatare yavuze ko Mpozayo afungiye kuri sitasiyo ya polisi I Remera, mu gihe iperereza rigikomeje.

Itegeko rivuga ko”umuntu wese ukwirakwiza ibihuha, wangisha abaturage ubuyobozi, kwanganisha abaturage ubwabo cyangwa uhamagarira abaturage guteza akaduruvayo mu gihugu abinyujije mu mvugo , inyandiko, mu mashusho, mu byapa n’ibindi mu guhungabanya umutekano w’u Rwanda, ahanishwa igihano cy’igifungo kuva ku myaka 10 kugera kuri 15.

Iperereza rikaba rigikomeje ngo bamenye niba ntaho ahuriye n’udutsiko tw’iterabwoba cyangwa abahakana Jenoside.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s