Tag Archives: Paul Kagame

Kagame nahindura ingingo y’101 mu nyungu ze bwite : Tuzahamagaza Urukiko rwa rubanda rumucire urubanza !

Koko Kagame niyizirika ku butegetsi nyuma ya 2017, azaba abaye igiporoporo, bya byiza bamuririmba bizaba zeru.Urukiko rwa rubanda ruzamucira urubanza!

Icyo nkundira Bwana Paul Kagame ni uko nibura we ajya agera aho akibuka ko rubanda ariyo ifite ububasha buhebuje mu gihugu. Gusa icyo mpfa na Paul Kagame ni uko yibuka gusa abaturage ari uko afite ibibazo, akabahagurutsa agamije kubikoreza umusaraba we ubwe yakagombye guheka. Koko rero Paul Kagame ntajya yibuza kwibutsa abaturage ko bafite ububasha butavogerwa iyo akeneye ko babukoresha bamuvana mu kaga, we ubwe cyangwa abagizibanabi n’abicanyi be, mbese nk’iyo batawe mu kagozi n’ubucamanza mpuzamahanga!

Nanone ariko byumvikane neza ko icyo Kagame yirengagiza nkana ari uko ubwo bubasha abaturage bafite bashobora no kubukoresha bakemura ibibazo bikomeye bibabangamiye kandi bikomoka ahanini ku butegetsi bw’igitugu n’iterabwoba bwa FPR. Niyo mpamvu dukwiye kwibaza iki kibazo gikomeye tuti : Ese iyo ntwaro y’ « ububasha bwa rubanda » Kagame akoresha yitabara, abaturage bo babuzwa n’iki kuyitabaza mu bihe by’amage nk’ibyo FPR ishaka kudushoramo ?

I.Abayoboke ba FPR Inkotanyi bakoze “Kudeta” bakuraho Inteko Ishinga amategeko!

FPR irwaye indwara itoroshye ariko ikeneye kubonerwa umuti mu maguru mashya. Kuki Abayoboke b’Ishyaka rimwe rya FPR bahora bishuka ko aribo benegihugu bonyine ? Kuki bahora bitiranya ibyifuzo byabo n’iby’Abanyarwanda bose ? Kuki bashaka kutwumvisha ku ngufu ko inyungu bwite z’umwami wabo Paul Kagame ari zo za rubanda nyamwinshi !

Ejobundi taliki ya 14 Nyakanga 2017 byagaragariye bose ko Inteko Ishinga amategeko y’u Rwanda itakibaho, ko yasimbujwe Abidishyi batazi ibyo barimo, basuzugura bikabije Itegekonshinga n’andi mategeko yose yakagombye kuba abagenga. Byaragaragaye ko Abayoboke b’Ishyaka FPR Inkotanyi bakoze Kudeta, bakaba barakuyeho inzego nkuru z’igihugu zirimo Inteko Ishinga amategeko , ku buryo aribo basigaye bicara mu ntebe zahariwe Intumwa za rubanda, bakavuga ibyo bishakiye, abahoze bitwa Abadepite n’Abasenateri bakikiriza bakoma amashyi, bagasinya buhumyi, barangiza bagacinya akadiho nk’abatamutwe imbere mu ngoro yari yarahariwe imirimo y’Inteko ishinga amategeko ! Inteko nshingamategeko nta muyobozi ikigira, ntizi aho igana, isigaye ikora ibidakorwa, akazi yagakoze ikagasimbuza kwitabira ibiterane by’ishyaka rya FPR, igahuruza abafana ba FPR ikabuzuza mu Nteko, bakirengagiza ko nta tegeko narimwe ririho riteganya bene iyo mikorere. Ngicyo ikigaragaza ko amarangamutima y’Ishyaka rya FPR-Inkotanyi ariyo asigaye yaragizwe itegeko riyobora u Rwanda!

Iyo rero bigaragaye ko nta Tegeko Nshinga rikiriho, ko nta Nteko Ishinga amategeko yiyubashye ikiriho, rubanda ikwiye kumenyeshwa ko igihugu kigeze mu kaga, ikiga uko yakoresha ububasha n’uburenganzira bwayo kugira ngo itabare u Rwanda irukure mu kangaratete rwenda kurohwamo n’INKOTANYI !

II. Kuki Abadepite n’Abasenateri bakomeje guhunga inshingano yabo bakitwikira abaturage ?

Reka tubanze twibutse ko ikinamico ryakiniwe mu ngoro y’Inteko taliki ya 14 Nyakanga 2015 ritagomba kwitiranwa n’icyemezo ndakuka cyo guhindura ingingo y’101 y’Itegekonshinga ryo mu 2003 .

Icyo iriya « theatre » tweretswe yari igamije nta kindi kitari ugushakisha“impamvu yumvikana” yashingirwaho mu guhindura iriya ngingo y’101 , dore ko kugeza ubu impamvu rukumbi Inkotanyi zifite ngo ari uko Kagame yayoboye igihugu neza cyane, ngo akaba ariwe wenyine washobora kuyobora u Rwanda, ndetse ngo nta wundi munyarwanda uriho washobora kuyobora igihugu ! Ninde utabona ko guhindura Itegekonshinga hashingiwe ku mpamvu nk’iyi, mu kinyejana cya 21 , ari uguha ikinyoma intebe, gukoreshwa n’ubuswa buteye isoni ndetse bufite icyo bupfana n’ubugoryi n’umwana muto cyane yagaya?

Icyakora, nk’uko bo ubwabo babyivugira, birashobka rwose ko Abayoboke b’Ishyaka rya FPR INKOTANYI bose baba ari IBIGARASHA ku buryo nta wundi muntu muzima baba bafite uruta Kagame wahagararira ishyaka ryabo mu matora yo mu 2017. Ubwo ariko bo babibona, ubwo niko biri ! Gusa turabaha gasopo , barekere aho kwishuka ko u Rwanda rutuwe n’Inkotanyi gusa ! Hari andi mashyaka, azi neza ko afite abantu bashobora kuyobora igihugu neza kurusha Paul Kagame. Niyo mpamvu nk’Ishyaka Ishema ry’u Rwanda ryatanze umukandida witeguye kwiyamamariza kuba umukuru w’igihugu mu mu matora yo mu 2017. Niba FPR nta wundi muntu ifite, ikaba icungiwe kuwo Itegeko nshinga ritacyemerera kwiyamamaza nive mu kibuga ireke gutesha Abanyarwanda igihe .

Gusa reka twongere twibutse ko guhindura iriya ngingo y’101 bifite « Procedure ndende » bigomba kuzakurikiza, bigatangizwa no kwandika umushinga, ukagomba gutorwa n’imitwe yombi y’Inteko nshingamategeko buri wose ukwawo, hanyuma iryo hindurwa rikazemerwa ariko rishoboye gutorwa n’abaturage muri Referedum. Aha ndashishikariza abaturage kuzaba intwari bagatora “ OYA”, bityo bakaba banze ko Ingingo y’101 ihindurwa, ndetse bakaba bemeje ko banze ko FPR igarura u Rwanda mu ngoma ya cyami.

Nk’uko twabyeretswe rero, ku italiki ya 14 Nyakanga, ubwo abagize imitwe yombi y’Inteko bivagamo nk’inopfu, bakagaragaza ko biteguye gufunga amaso, bagatera umugongo amahoro n’umutekano by’Abanyarwanda, bagahitamo gukorera inyungu bwite z’umuntu umwe witwa Paul Kagame.

Nanone ariko n’ubwo dushobora kubashinja icyaha cyo kuba inkomamashyi bikabije, gucira Abadepite n’Abasenateri urubanza ko bahinduye ingingo y’101 byaba ari ukwihuta cyane kuko icyemezo cyabo kigira inzira kinyuzwamo kandi iteganyijwe n’ingingo y’193 y’Itegeko nshinga. Kuva rero bataragaragaza ubutwari bwo kunyura iyo nzira ku mugaragaro, ibyo twabonye mu nteko taliki ya 14 Nyakanga dukwiye kubifata nko kwiganirira no kwibonekeza mu buryo bw’impfabusa.

Ese ubundi ko Abadepite n’Abasenateri aribo itegeko riha ububasha bwo gutangiza umushinga w’iri vugurura baratinyira iki kubikora bwangu? Niba bazi ko ibyo benda gukora ari byiza kandi bifitiye Abanyarwanda akamaro, kuki babanza guca inyereramucyamo bakagomba kwitwikira abaturage? Baratinya iki, barashuka nde ? Nibatinyuke bakore umushinga, bawutore, bijye ahagaragara, bityo rubanda ibakureho icyizere burundu kandi izagire n’aho ihera ibibaryoza, igihe kigeze.

III. Ese Kagame nahindura ingingo y’101 y’Itegekonshinga tuzabikoraho iki ?

Paul Kagame nahindura Itegeko nshinga kugira ngo yongere yitoreshe nk’umukuru w’igihugu ubwa gatatu kandi abibuzwa n’itegekonshinga , ibintu bizaba bisobanutse.

(1)Azaba ahinduye impfabusa Itegekonshinga yarahiriye kubaha, kubahiriza no kurinda;

(2)Azaba asuzuguye inzego nkuru zose zishinzwe kuyobora igihugu,

(3)Azaba ahisemo gushyira icyifuzo cye bwite hejuru y’inyungu rusange z’abenegihugu

(4) Azaba aguye mu cyaha gikomeye cyane cyo kugambanira igihugu no kwica bikomeye kandi nkana Itegeko nshinga kivugwa mu ngingo y’115 y’itegeko Nshinga ryo mu 2003.

BITYO RERO : Kubera ko inzego z’igihugu zose azaba yazibye, akazigarurira kugira ngo zikorere inyungu ze bwite zonyine, rubanda niyo izagomba kumukosora, kuko nyine « ubutegetsi bwose bukomoka kuri rubanda kandi akaba nta muntu ku giti cye cyangwa agatsiko bakwiha ubutegetsi »(Ingingo ya 2, Itegeko nshinga 2003)

Paul Kagame naramuka afunze umutwe, akanga gusoza manda ye neza ngo yigendere mu mahoro, ahubwo agahitamo kugundira ubutegetsi ku ngufu, dore kimwe mu byemezo Abanyarwanda ubwabo bashobora kumufatira :

Abenegihugu batari mu mugambi mubisha wo kwibira Paul Kagame ubutegetsi, tuzahamagaza abaturage tureme URUKIKO RWA RUBANDA (Tribunal Populaire), turuhe Inteko y’abacamanza, dusabe Kagame kurwitaba , rumucire urubanza.

Urubanza ruzacibwa rushingiye ku itegekonshinga ryo mu 2003 Kagame yarahiriye kubaha no kurengera no ku masezerano mpuzamahanga agenga ikiremwa muntu u Rwanda rwasinye. Ibihano bizatangwa hakurikijwe uburemere bw’ibyaha Kagame yakoreye abanyarwanda guhera taliki ya 1/10/1990 kugeza ku munsi w’urubanza. Kagame yakwitaba atakwitaba ntibizabuza urubanza gucibwa kandi nta cyemeza ko Umuryango mpuzamahanga utazadutiza imbaraga zo gushyira ibyemezo by’Urukiko rwa Rubanda mu bikorwa. Tegereza uzabyibonere !

Urukiko rwa Rubanda ruzakorera he ?

Ruzacumbikirwa aho ruzaba rushobora gukorera mu bwisanzure. Imanza zaciriwe Abanyarwanda Arusha zo se ntizemewe ? Izaciriwe i Bulayi hari uwazitesheje agaciro ? Urubanza rugiye gucirwa Jenerali Karenzi Karake muri Espagne rwo se hai uzaruhagarika ? Abazaba bagize Inteko y’Urukiko rwa Rubanda bazadufasha kwiga aho rukwiye kuzakorera ?

Urukiko rwa Rubanda ruzatangira imirimo yarwo ryari ?

Icyemezo cyo guhindura ingingo y’101 kugira ngo Kagame yongere yitoreshe ku ngufu bwa gatatu nikimara gufatwa ku buryo budasubirwaho, Urukiko rwa Rubanda ruzahita ruhamagarwa rutangire imirimo yarwo. Abumva uyu mugambi ubanyuze batangire bitegure neza kuzagira uruhare mu ishyirwa mu bikorwa ryawo. Erega ni uko REVOLISIYO zitangira!

IV. Hirya y’ibigaragara

Ubu noneho iminsi ya Kagame Paul irarangiye, utabibona ni uko adashaka kureba cyangwa se akaba ari impumyi yabuvukanye ! AMATORA yo mu 2017 ni ikorosi rikomeye cyane kuri Kagame no ku Ishyaka ry’INKOTANYI !

Guhera ku italiki y’amatora yo mu 2017, hari ISHUSHO ye izaba icyuye igihe , ya yindi ya :

(1)Kagame amahanga yemeraga nk’Umuperezida udasanzwe

(2)Kagame wazaniye Abanyarwanda Demokarasi

(3) Kagame waciye ruswa mu Rwanda

(4) Kagame wahagaritse jenoside

(5) Kagame wazanye iterambere ry’akataraboneka mu Rwanda

(6) Kagame w’intangarugero muri Afurika….

Iyi shusho izahita isimburwa n’indi ihuje n’uko ari :

(1) Kagame w’umunyagitugu kabuhariwe, ukoresha iterabwoba mu Rwanda no mu ihugu by’Akarere

(2) Kagame ukoresha ikinyoma n’uburiganya bikaze mu Rwanda

(3) Kagame wigaruriye umutungo wose w’igihugu, agasahura amabuye y’agaciro muri Kongo , akigurira indege ebyiri, akirundaho n’indi mitungo myinshi.

(4) Kagame wahanuye indege ya Habyarimana kandi akagira uruhare rugaragara mu guteza jenoside yarimbuye abatutsi itarese n’abahutu, agamije gusa kwifatira ubutegetsi.

(5) Kagame wishe Abanyarwanda n’Abanyekongo b’inzirakarengane barenga miliyoni 6

(6) Kagame utagishoboye kwihanganirwa n’amahanga kuko ari umwicanyiRUHARWA….

Niba iyi shusho ya kabiri ariyo asonzeye, nahindure ingingo y’101 bwangu , ubundi ahinduke IGIPOROPORO izuba riva, abe RUVUMWA mu mahanga, n’abo bazungu bari bakimwoma mu nyuma bajye bamuhungira kure kuko bazaterwa isoni no gukorana na RUHARWA . We n’umuryango we barabe baritegure ingaruka zikaze zitazabura kubageraho zihuse .

UMWANZURO

(1)Ndi Kagame, nafata umwaka w’2017 nk’umwaka w’amahirwe, ngasohoka neza ntanduranyije, nkareka rubanda igatora undi mukuru w’igihugu yishakiye. Ngafata igihe cyo kuganira n’utowe, tukigira hamwe uko Abanyarwanda « bangirira akabanga » ku bibi nabakoreye .

(2) Naho ku bibaza niba koko Urukiko rwa Rubanda rushobora kujyaho kandi rugakora, igisubizo ni YEGO. Abenegihugu b’Abanyarwanda si bifitemo ububasha busesuye kandi budakomwa imbere . Ubwo bubasha ntibubereyeho kugoboka Kagame n’abicanyi be gusa iyo ubucamanza mpuzamahanga bwabataye mu kagozi ! Rubanda ishobora gukoresha ubwo bubasha yitabara cyangwa yivuna ubutegetsi bwa Kagame ushaka guhindura Repubulika nk’ingoma ya cyami. Revolisiyo nyakuri ishobora gutangirira mu gikorwa cyo gushyiraho iyi « Tribunal Populaire »!

(3)Iki gitekerezo cy’Urukiko rwa Rubanda si umwihariko w’Ishyaka Ishema. Hari abandi banyarwanda b’inararibonye twakiganiriyeho, dusanga gikwiye kandi gitunganye.

(4)Turasaba abanyamategeko n’abandi Banyarwanda bakunda ukuri bifuza kujya mu nteko izanoza neza ishyirwaho n’imikorere by’uru Rukiko rwa Rubanda, niruba ngombwa, ko bakwiyandikisha bakoresheje email : urukikorwarubanda@gmail.com . Abumva bakwiyemeza kurutera inkunga nabo bashobora kohereza ubutumwa kuri iyi aderesi.

Banyarwandakazi, Banyarwanda, cyane cyane mwebwe Urubyiruko, NIMUTINYUKE, mwishakemo UBUTWARI . Ko Paul Kagame n’Abiru be bamaze kubiyereka imbere n’inyuma, muracyatinya iki kindi mutabonye ? Igihe kirageze ngo duhaguruke dushyire hamwe, dufate ibyemezo birengera u Rwatubyaye. Ni nde wakwihandagaza ngo avuge ko amahanga azasuzugura ibyemezo by’URUKIKO RWA RUBANDA ?

Azabe se ari twe tugomba kuzurizwaho ibya wa mugani ngo « Ucira injiji amarenga amara amanonko « ?!

Ushaka kumenya neza uko REVOLISIYO ya rubanda itangira, yahera n’aho !

Padiri Thomas Nahimana,

Umukandida w’Ishyaka ISHEMA mu matora ya Perezida yo mu 2017.

Tel : 033652110445

:Email : nahimanathom@gmail.com

Rwanda vs BBC: Kagame yiyambaje umudepite w’ igisahiranda kugira ngo BBC ibe yanengwa.

1 Reply

Paul Kagame yaba yaremereye Eric Joyce agatubutse.

Ku itariki ya 6 Ugushyingo 2014, umudepite w’indakoreka (indiscipliné) yasabye inteko ishinga amategeko y’Ubwongereza gusuzumana ubushishozi impamvu yatumye BBC ihitisha film documentaire yise “Rwanda: Untold story”. Ako kanya ibinyamakuru byo mu Rwanda byahise bisamira hejuru icyo cyifuzo, maze byemeza ko inteko yamaze kwamagana BBC ndetse igashyigikira itsinda ry’abashakashatsi riyobowe na Linda Melvern ryavuze ko iyo film ipfobya genocide yakorewe abatutsi mu mwaka wa 1994.

Nyamara uko ibyifuzo(motions) bigezwa mu nteko n’uko bitorerwa ni ibintu bitandukanye. Buri mudepite ashobora gusaba ko inteko iganira ku kintu iki n’iki ndetse ikagifataho ibyemezo. Ibi bishobora no gukorwa n’itsinda ry’abaturage bishyize hamwe bagashyira umukono ku nyandiko ibisaba. Ariko ntibivuga ko ibyifuzo byose bisabwe byemerwa n’inteko, ahubwo binyuzwa mu matora. Guhita rero umuntu avuga ngo BBC yanenzwe ni ukwihuta cyane. Muri iyi nyandiko ndagerageza gusesengura impamvu zaba zarateye Depite Eric Joyce gusaba ko BBC yakwamaganwa kandi nyamara igihugu cye cyemera uburenganzira n’ubwigenge bw’itangazamakuru.

Birazwi ko kuva FPR yafata ubutegetsi mu Rwanda yakoresheje imbaraga zose cyane cyane iz’ifaranga n’ikinyoma kugira ngo yigarurire imitima y’abantu banyuranye bababajwe n’amateka y’ U Rwanda. Ni muri urwo rwego FPR yakorewe ubuvugizi n’abantu batandukanye b’abanyamerika nka Pasitoro Rick Warren, umunyemari Bill Gates, n’abongereza nka Tony Blair wigeze kuba minisitiri w’intebe w’Ubwongereza n’abandi batandukanye. Uyu mudepite Eric Stuart Joyce na we yaje yiyongera kuri abo.

Eric Stuart Joyce ni muntu ki?

Uyu mugabo w’imyaka 54 yavuye mu gisirikare cy’Ubwongereza mu mwaka wa 1999 afite ipeti rya Major. Mu mwaka wa 2000 kugeza muri 2005 uyu mugabo yabaye depite w’ishyaka Labour party. Kuva mu mwaka wa 2005 ni umudepite w’agace Falkirk. Nyuma yaje kwirukanwa muri iri shyaka kubera imyitwarire mibi cyane yakunze kumuranga kugeza n’ubu ikaba yaramukurikiranye. Turabibona mu kanya.

Depite Joyce kandi yakunze kuregwa icyaha cyo gukoresha nabi umutungo wa leta. Urugero mu mwaka wa 2005-2006, uyu mugabo yasabaga ko inteko imwishyurira ama pound 174.811 ni ukuvuga miliyoni 190 y’amanyarwanda kandi agera kuri 62% ( hafi miliyoni 120) akaba ngo yari ayo guhemba abakozi b’ibiro bye. Icyo gihe yarahiye ko azagabanya uburyo akoresha amafaranga ya rubanda. Mu mwaka w’inteko wa 2006-2007 yari ku mwanya wa 11 mu gukoresha amafranga menshi cyane. Ariko mu mwaka w’inteko wa 2007-2008 noneho yongeye kuzamura cyane asaba amapound 187,334 ni ukuvuga arenga miliyoni 200 z’amanyarwanda. Muri uwo mwaka yatangaje inteko ubwo yaguraga ibishushanyo (oil paintings) bitatu ku ma pound 180 ni ukuvuga hafi ibihumbi 200 by’amanyarwanda. Bamubajije ibisobanuro, yavuze ko ayo mashusho ari meza. Mu mwaka wa 2009 yarezwe kutishyura imisoro amaze kugurisha inzu ye I Londres. Mu gihe ibinyamakuru byamubazaga uko azabyitwaramo, yaravuze ngo azicara akore imipango!

Mu mwaka wa 2012 Depite Joyce yarezwe kandi yemera icyaha cyo kugirana ubucuti n’umwana w’umukobwa ufite imyaka 17 wigeze kumukorera mu kwiyamamaza mu mwaka wa 2010. Ibi byarakaje abandi badepite bo muri Labour party cyane cyane uwitwa Johann Lamont watangaje ko atewe ishozi n’uyu mugabo Joyce wakoresheje umwanya afite agakora amahano ndengakamere. Ibi byatumye Joyce avuga ko mu matora ateganyijwe mu mwaka utaha wa 2015 azatanga imihoho.

Uretse ibi kandi uyu mugabo avugwaho n’ubusinzi. Urugero ni aho ku itariki ya 18 Ugushyingo umwaka wa 2010 Depite Eric Joyce yafashwe agafungwa ndetse akemera icyaha mu rukiko nyuma yo kwanga ko abapolisi bamupima kuko yari atwaye imodoka yasinze. Icyo gihe baramurekuye ariko atanga amande y’ama pound 400 ndetse afatirwa igihano cyo kudatwara imodoka mu gihe cy’umwaka wose. Icyo gihe yahise yegura ku mwanya wo guhagararira Ireland ya ruguru nka “shadow minister”( minisitiri wa opposition) ndetse asaba imbabazi kubera iyi myitwarire.

Nyuma yaho nibwo ku itariki ya 22 Gashyantare 2012 ku isaha ya yine na 50 z’ijoro yongeye gufungwa aregwa cyo gukubita abadepite Stuart Andrew na Phil Wilson washakaga kumubuza kurwana. Ubwo yahise yadukira Luke Mackenzie na Ben Maney bari bashatse gukomakoma. Abandi bahuye n’umwaku muri ako kavuyo ni Alec Shelbrooke na Kackie Doyle-Price mu gihe bashakaga gukiza. Bukeye bwaho ni bwo yirukanywe mu ishyaka Labour Party aregwa ibyaha bitatu byo guhohotera abandi maze afungurwa atanze ingwate . Ku itariki ya 9 Werurwe uwo mwaka hongeweho ikindi cyaha maze asabirwa gufungwa cyangwa agatanga amande y’ibihumbi bitatu by’ama paound(miliyoni eshatu n’ibihumbi 300 y’amanyarwanda) n’impozamarira zingana n’amapound 1400( miliyoni n’ibihumbi 540 y’amanyarwanda) kubo yakubise. Yemeye gutanga aya mafaranga kugira ngo adafungwa. Ku itariki ya 12 Werurwe 2012 yasabwe gutanga ibisobanuro mu nteko maze asaba imbabazi avuga ko yamaze kwegura mu ishyaka Labour Party ariko ko yifuza ko bamureka akarangiza manda ye ntazongere kwiyamamaza mu matora yo muri 2015.

Ntibyaciriye aho kuko uyu mugabo urusha ibyaha ingurube yongeye kugaruka mu rukiko kuwa 4 Nyakanga 2012 aregwa guca akagozi (electronic tag) bari baramuziritse ku kaguru mu rwego rw’igihano. Icyo gihe yahanishijwe ama pound 600 (ibihumbi 656 by’amanyarwanda) y’amande.

Hatarashira umwaka ku itariki ya 14 Werurwe 2013, Joyce yongeye gufatwa aregwa kongera kurwana mu kabari k’inteko ishinga amategeko. Kubera ko bwari bubaye ubwa kabiri, Joyce yahawe igihano cyo kutongera kugura ibinyobwa bisindisha mu tubari umunani tw’inteko ishinga amategeko. Icyo gihe yaregwaga n’ikindi cyaha cyo gukomeretsa ariko atanga amande baramurekura.

Ku itariki ya 19 Werurwe 2013 Joyce yatutse ashaka no kurwana n’abapolisi bo ku kibuga cy’indege cya Edinburgh biturutse kuri telephone mobile ye yari yabuze. Ku itariki ya 21 Werurwe 2014 nanone Sebyago Joyce yarezwe kandi yemera icyaha cyo guhungabanya umutekano maze bamuca ama pound 1500( Miliyoni n’ibihumbi 642 y’amanyarwanda) ndetse n’andi 150 (ibihumbi 164 y’amanyarwanda).

Uyu mugabo Eric Joyce yatangiye kwinjira mu bibazo byo karere k’ibiyaga bigari ubwo yinjiraga mu ishyirahamwe ry’abadepite b’abongereza, abantu benshi babona nk’ibisahiranda byari bigamije kurya mu mafaranga aturuka mu mabuye y’agaciro aturuka muri Congo. Iryo shyirahamwe ryatangijwe na Oona King maze aryita The All Party Parliamentary Group on the Great Region of Africa. Ubu rigizwe n’abadepite barenga 200 baturuka mu nteko ishinga amategeko y ‘Ubwongereza imitwe yombi bakaba bita ku bibazo bireba akarere. Iri shyirahamwe rikura amafaranga mu mpano z’ama ONG ndetse n’abantu ku giti cyabo. Eric Joyce yigeze kuyobora iri shyirahamwe ndetse mu mwaka wa 2008 yayoboye uruzinduko rw’abadepite rwabereye mu Burasirazuba bwa Congo. Bikekwa ko ari muri iki gihe yatangiye gusogongera ku buryohe bwa diyama ndetse na ruswa y’abanyagitugu bo ku karere.

Umwanzuro:

Birashoboka ko uyu mugabo nyuma yo kugira ibibazo by’uruhuri ndetse agatakarizwa icyizere mu nteko no muri sosiyete y’igihugu cye, yaba yemeye gufata ikiraka abandi bose bari baranze. Ibi biragaragazwa n’uko yasinye iyi motion wenyine. Ibiri amambu kandi FPR ntijya itinya gutanga ibiraka nk’iki. Eric Joyce rero uri mu bibazo bikomeye by’ubukene yiyemeje gutanga motion mu nteko ngo BBC nifatirwe ibyemezo! Aragira ngo arangize manda ye akuyemo agatubutse azajya ashukisha abana b’abakobwa ndetse akabasha kwigurira agatama maze agahondagura abenegihugu. Harahagazwe. Burya koko nta murozi wabuze umukarabya, ariko uyu mukarabya we ndabona asa n’umurozi nyirizina. Cyakora uyu murimo ubanza utazamuhira! Qui vivra verra.

Chaste Gahunde

Rwanda: Iterabwoba ko nta Revolisiyo ishoboka?!

3 Replies

Hari abatekereza nka Mussa Fazil ko nta wundi wayobora u Rwanda

Mu nyandiko yasohotse ku rubuga Ikaze iwacu kuwa 5/11/2014, Jotham Rwamiheto ararahira agatsemba ko revolisiyo ya rubanda idashoboka mu Rwanda. Ni uburenganzira bwe kubibona atyo kimwe n’uko afite uburenganzira bwo guhabwa ibisobanuro akeneye. Ni yo demokarasi duharanira.

Agendeye ku nyandiko Thomas Nahimana yanditse ku wa 5 Ugushyingo 2014 yagiraga iti Nta manda ya gatatu kuri Paul Kagame“nta manda ya gatatu kuri Paul Kagame”, Rwamiheto arafatwa mu mutego abantu benshi bakunze kugwamo iyo bakora ubusesenguzi. Muri aka kanya ngendereye kumara impungenge abiteguye revolisiyo ngaragaza ibyo Rwamiheto atasobanukiwe mu isesengura rye:

Kwitiranya ibintu

Mu busesenguzi hari ibintu bibiri bibaho. Abantu babiri bashobora kureba igiti nyamara umwe akibonera igiti gusa undi akabona umuvure. Uyu muntu ubona igiti nta cyaha afite ariko ubona umuvure amurusha kureba kure. Ubona igiti gusa nta kindi yitekerereza uretse igihimba cy’igiti, amashami n’amababi. Cyakora rero uyu muntu ntashobora kutubwira ko iki giti nta mazi atembera mu mitsi y’igiti cyangwa se ko nta mizi igiti gifite kubera ko atabibona, ndetse natwe tukaba tutabibona !

Ubona umuvure we, atekereza icyo igiti gishobora gukorwamo. Atekereza ku gitumye iki giti gihagaze kandi azi ko, uko byamera kose, hari uburyo gishobora gutemwa. Aha bivuga ko azi neza akazi gakenewe gukorwa kugira ngo cya giti kibe umuvure kandi birashoboka. Twese twabonye imivure myinshi ikozwe mu biti.

Aba bantu icyo batandukaniraho ni uko umwe abona ikiriho mu buryo bushoboka (l’Etre en possibilité) n’ikiriho mu buryo buhari (l’Etre en nature). Niho umunyapolitiki atandukanira n’utari we. Umunyapolitiki areba ibiriho agasoma ibimenyetso by’ibihe maze agafata ingamba. Utari we ajya kubona akabona ibintu bimwikubiseho bikaba birangiye. Bene uyu nta wamurenganyiriza ko mu gihugu habuze imivure kabone n’aho haba hari ibiti byinshi.

Rwamiheto rero na we aribonera igiti gusa nyamara Thomas areba umuvure( revolisiyo).

Gukerensa ingingo zibangamira Paul Kagame mu kongera kwiyamamaza

Ziriya ngingo zose (101 na 193) zirasobanutse. Nyamara murabona ko abantu babiri batazumva kimwe. Cyakora si na ngombwa kugira master en droit kugira ngo bigaragare ko Perezida wa repubulika atari we ufite ijambo rya nyuma mu kubona indi manda.

Reka nongere ngaruke ku ngingo ya 193 agace ka (2) kagira kati:

“Ariko iyo iryo vugururwa ryerekeye manda ya Perezida wa Repubulika, ubutegetsi bwa demokarasi ishingiye ku bitekerezo binyuranye cyangwa ku bwoko bw’ubutegetsi buteganyijwe n’iri tegeko Nshinga cyane cyane ku butegetsi bwa leta bushingiye kuri Repubulika n’ubusugire bw’igihugu, rigomba kwemezwa na referendumu, rimaze gutorwa na buri mutwe w’inteko ishinga amategeko”.

Icyo mbona mu by’ukuri umuntu atanajyaho impaka ni uruhare n’agaciro bihabwa rubanda. Itegeko nshinga ryo rirasobanutse. Rirerekana ko rubanda ariyo igena imihindagurikire y’iri tegeko binyujijwe mu matora azwi ku kazina ka referendum. Nk’uko Ishyaka Ishema ridahwema kubitwibutsa, mu gihe cy’amatora umuturage aba yasubijwe ijambo kugira ngo avuge akamuri ku mutima. Ijambo rye riba ryoroshye cyane cyane mu gihe cya referendum ni “yego” cyangwa “oya”. Abanyarwanda bagaragaje ko mu gihe cyose baba bafite ubuyobozi (leadership) bubari imbere bavuga akabari ku mutima.

Gusa Rwamiheto we asanga FPR ifite imbaraga ngo z’umurengera ku buryo nta muturage wayitinyuka. Iyi ni ya ideology FPR yabibye, ko:

‘Nta cyo rubanda yishoboreye ndetse na revolisiyo yo muri 1959 yakozwe n’Ababiligi’!
‘Abatutsi bose batuye muri Kigali bashyigikiye Kagame mu mushinga we wo kwizirika ku butegetsi’.
‘Revolisiyo itegurwa ari iy’abahutu gusa cyangwa se abatutsi bakuriye mu Rwanda bonyine’.

Ibi si ukuri na mba, ndakeka ko uyu mugabo atabitekerejeho bihagije.

Abanyarwanda bagaragaje ko mu gihe bafite leadership ihamye bagera kuri byinshi. Cyakora nanone uyu mugabo ndizera ko ashobora kwemeranya nanjye ko nta revolisiyo itagira aba leaders. Abo nibo bakenewe muri iki gihe kandi bagomba kwegera rubanda, kubana nayo ndetse bakaba biteguye no kubipfira. Ikindi, byaragaragaye ko muri iki gihe abahutu, abatutsi ndetse n’abatwa, abavuye hanze ndetse n’abakuriye mu gihugu twahagurukiye kurwanya umunyagitugu Paul Kagame n’atsiko ke kiganjemo abasajja. Kuvuga ko abatutsi bose bashyigikiye Kagame, ni ugukora mu nkovu Kayumba Nyamwasa, na bagenzi be, ni ugukaza iminyururu iboshye Deo Mushayidi n’inshuti ze, ni ugushinyagurira Kizito Mihigo n’abakunzi be. Ikibura ni leadership yegereye abaturage, cyakora haramutse hari umu leader ubwira abo ayoboye ati ‘ntibishoboka aba bantu bazatumara’ urumva ko nyine bitashoboka.

Mu mwanzuro wa Rwamiheto arakora andi makosa atatu akomeye:

1.Aravuga ko niba muri FPR hatavuyemo abantu ngo bahindure (bahinduke) bafashe abasivile nta myigaragambyo ishoboka. Muri politiki hari ihame rivuga ngo nta gufata icyemezo ku bintu udafitiye ubushobozi cyangwa udafiteho control (on ne décide pas sur ce qui ne dépend pas de nous). Tekereza gukora umushinga utekereza ngo wenda ‘bazahinduka’ ! Icyo akaba ari cyo ushingiyeho. Nibadahinduka se ? Si wowe umaze kuvuga ko batakwikora mu nda, ko FPR ariyo yabahaye umugati ? None ngo bazahinduka bafashe rubanda ?! Fata icyemezo kubyo wowe ufitiye ubushobozi. Ak’imuhana kaza imvura ihise.

Arasaba abantu bose gushyigikira ingabo ngo zizabohoza igihugu. Simbyanze. Iyo zibikora kera wenda ishyaka ISHEMA ntiryari gutoza abantu kwitabira revolisiyo ! Ariko se koko watekereje kuri feasility y’iyo ntambara ushaka ko iba (Ibikoresho, base arriere, diplomacy…)? Aha na ho wasanga urimo gukora rya kosa ryo gufata icyemezo ku bintu udafiteho controle.
Muri signature ya Rwamiheto aravuga ko ahirimbanira demokarasi, imbunda ye ikaba ari ikaramu naho amasasu akaba ibitekerezo! Ibi na byo biragaragaza ko hari ikibazo?! Ni gute umuntu wahisemo ikaramu yakangurira abandi gufata imbunda? Aho si ukubaroha? Koko umuntu wahisemo demokarasi ishingiye ku bitekerezo arasaba abana kujya mu rugamba rw’amasasu? Demokarasi y’amasasu twarayibonye, na FPR niyo yatuzaniye.

Umwanzuro:

Banyarwanda Banyarwandakazi namwe nshuti z’u Rwanda,

Ibibazo u Rwanda rufite ni byinshi kandi bishingiye ku buyobozi bubi bwa FPR Inkotanyi. Intambara zabaye mu gihugu zamennye amaraso atagira ingano zikorwamo ibyaha bya jenoside n’ibindi byaha ndengakamere. Ntidukwiye gukomeza kubirebera ahubwo mu gihe uyu munyagitugu yakwibeshya ngo arahindura itegekonshinga, nta yindi ngoma. Mukomeze mube maso tubikurikiranire hafi. Amaraso wanga kuyamenera igihugu FPR ikayanywera ubusa. Ushaka arashobora naho ak’imuhana kaza imvura ihise.

Vive la volonté et l’intrépidité du Peuple Rwandais

Vive la Révolution au Rwanda

Vive le People Rwandais uni et émancipé

Chaste Gahunde

Umunyamabanga nshingwabikorwa

ISHEMA Party

REVOLISIYO : Nta manda ya gatatu kuri Paul Kagame! Agatego abaswa bazakubiramo ikirenge!

1 Reply

Kagame yaba azi aho ingoma ya Cyami itandukanira na Repubulika ?

Habayeho indirimbo yasingizaga Abaparmehutu ikannyega Abalunari, yagira iti : Itora mwisabiye(karampaka), dore niryo ribakozeho , indi Loni izava he ! Koko rero Ishyaka rya Lunari ryari rishyigikiye umwami na gihake niryo ryasabye Loni ko yakoresha amatora ya Kamarampaka mu Rwanda, n’abagore bagahabwa uburenganzira bwo gutora ! Ayo matora niyo nyine yakuyeho gihake, Kalinga n’izayo zose zigenda nk’ifuni iheze. Hari taliki ya 25 Nzeri 1961.

FPR imaze gufata ubutegetsi byabaye ngombwa ko yandika itegekonshinga rinyuze Paul Kagame 100%. Iryo tegeko ryanditswe mu mwaka w’2003 niryo u Rwanda rugenderaho ubungubu. Ryahaye Kagame nka Perezida wa Repubulika ububasha bwose yifuzaga, riniga amashyaka ya Opozisiyo mu buryo buteye isoni.

Gusa burya koko nta bapfira gushira! Muri FPR harimo n’abantu batari basamariye intsinzi (insinzi!!!) gusa ahubwo bashyiraga mu gaciro bitangaje. Abo nyine nibo bakoze ku buryo itegekonshinga ryandikwa uko Kagame abyifuza ariko bashyiramo n’agatego abaswa bazakubiramo ikirenge ! Abaturage baritoye muri Referendum muri mata 2003 nabo bari bazi ko amaherezo iryo tegekonshinga rizakorera ishyano ba Mutimamukewomurutiba ! Bateze Kagame umutego ukomeye ntiyarabukwa none dore niwo nyine ugiye kumufata mu ijosi ku manywa y’ihangu!

Mu ngingo y’101, bifuje ko Perezida Kagame yakwica agakiza uko abyifuza ariko ntarenze manda ebyiri zihwanye n’imyaka 14 ku butegetsi!

Dore uko iyo ngingo ibivuga:

“Perezida wa Repubulika atorerwa manda y’imyaka irindwi. Ashobora kongera gutorwa inshuro imwe.

Nta na rimwe umuntu yemererwa gutorerwa manda zirenze ebyiri ku mwanya wa Perezida wa Repubulika”.

Musa Fazili : Umushukanyi

Manda ya nyuma ya Paul Kagame izarangira mu mwaka w’2017 ! Gusa inyota afite yo kuguma ku butegetsi iramutera igishuko cyo gushaka uko yahindura itegeko nshinga kuko ahari mu mutwe we yibwira ko ubutegetsi bwa Repubulika n’ubutegetsi bwa cyami byose ari kimwe. Afite n’abanyendanini nka ministri Musa Faziri bamushishikariza kurihindura ngo bakomeze bamurireho ! Ariko bizwi ko nahasiga agahanga batazamuherekeza.

Icyo birengagiza ni uko nyine ba bahanga banditse Itegekonshinga bari bamuzi neza ari nabo nyine bakoze uko bashoboye ngo bamufungire amayira kuburyo atazoroherwa no guhindura Itegekonshinga uko yishakiye. Ng’uko uko bateganyije ingingo yaryo y 193 igira iti:

(1)Ububasha bwo gutangiza ivugurura ry’Itegeko Nshinga bufitwe na Perezida wa Repubulika bimaze kwemezwa n’Inama y’Abaminisitiri; bufitwe kandi na buri Mutwe w’Inteko Ishinga Amategeko binyuze mu itora ku bwiganze bwa bibiri bya gatatu by’amajwi y’abawugize.

Ivugururwa ryemezwa ritowe ku bwiganze bwa bitatu bya kane by’amajwi y’abagize buri mutwe w’inteko.

(2)Ariko iyo iryo vugururwa ryerekeye manda ya Perezida wa Repubulika, ubutegetsi bwa demokarasi ishingiye ku bitekerezo binyuranye cyangwa ku bwoko bw’ubutegetsi buteganyijwe n’iri Tegeko Nshinga cyane cyane ku butegetsi bwa Leta bushingiye kuri Repubulika n’ubusugire bw’Igihugu, rigomba kwemezwa na referendumu, rimaze gutorwa na buri Mutwe w’Inteko Ishinga Amategeko.

(3)Nta mushinga w’ivugururwa ry’iyi ngingo ushobora kwakirwa.

Bisobanuye ko guhindura manda ya Perezida wa Repubulika ari inzira ndende, itangirira muri guverinoma, ikaba yakomereza mu mutwe w’abadepite, babyemeza ikajya muri Sena, igasozwa no kubaza rubanda niba ibyemera. Nyamara muri Referendumu yo muri mata 2003 rubanda nyine yavuze ko idashaka Perezida wa Repubulika wigira umwami!

Niyongera guhabwa ijambo binyuze muri Referendum rubanda izavuga OYA kuko mpamya ko itazemera ko bayihindura injajwa. Ngo Umugabo nyawe ahindukira mu kiryamo ntahindukira mu ijambo. Nta gushidikanya, amarorerwa Kagame na FPR bakoreye Abanyarwanda muri iyi myaka 20 bamaze ku butegetsi (ikinyoma, iterabwoba, kwikubira ibyiza byose by’igihugu…) azatuma abaturage badatora umushinga wo guhindura manda ya Perezda wa Repubulika hagamijwe gusa guha Paul Kagame amahirwe yo kongera kuba umukuru w’igihugu mu nyungu ze bwite! Abamotsi ba Kagame nibadukana ka kageso kabokamye ka ‘Tora aha” cyangwa bakitabaza bwa bukorikori bwabo bwa nzikoraho bwo gutekinika amajwi, rubanda izaba ifite uburenganzira bwo kuvuga ngo OYA binyuze mu myivumbagatanyo na Revolisiyo. Aha ho kubyitegura tubigeze kure!

Umwanzuro

Paul Kagame nka Perezida wa Repubulika yarahiriye kuzakurikiza kandi akarinda itegekonshinga! Ntabwo yarahiriye kurisuzugura no kurihindura . Iyo ndahiro iteganywa n’ingingo y’104 y’itegekonshinga we ubwe yasinye :

«Jyewe, [Paul Kagame], ndahiriye u Rwanda ku mugaragaro:

1° ko nzakorana umurava imirimo nshinzwe;

2° ko ntazahemukira Repubulika y’u Rwanda;

3° ko nzakurikiza nkanarinda Itegeko Nshinga n’andi mategeko;

4° ko nzaharanira amahoro n’ubusugire bw’Igihugu kandi ko nzashimangira ubumwe bw’Abanyarwanda;

5° ko nzubahiriza mbikuye ku mutima inshingano zanjye nta vangura iryo ari ryo ryose;

6° ko ntazigera nkoresha ububasha nahawe mu nyungu zanjye bwite;

7° ko nzaharanira iyubahirizwa ry’ubwigenge n’uburenganzira bw’ibanze bwa muntu n’ibyagirira akamaro Abanyarwanda bose.

Nintatira iyi ndahiro nzabihanirwe n’amategeko. Imana ibimfashemo. »

Inama tugira Paul Kagame ni uko yakwirengagiza igishuko kimukirigira mu mutima we kimwe n’abamushuka ngo ahindure itegekonshinga ! Narangize manda ye mu mahoro ubundi yegame, abandi banyarwanda batorerwe kuyobora igihugu cyabo. Yavutse asanga u Rwanda ruriho, azapfa arusige. Yavutse asanga abanyarwanda bamaze ibinyejana byinshi bariho, siwe wababeshagaho. Naho yabicamo miliyoni nyinshi, azapfa abasige kandi bazabaho kuko atari we ubabeshaho. Nareke kwishuka, siwe Mana y ‘u Rwanda. Naramuka afunze umutwe agatangiza ibyo guhindura itegekonshinga, aririwe ntaraye ! Rubanda iri maso…..

Na Perezida Blaise Compaore wa Burkina Faso, mu myaka 27 yose yari amaze ku butegetsi, yibwiraga ko yarangije kwifatira abaturage be bidasubirwaho. None dore abuze byose nk’ingata imennye kandi ntibirangiriye aho! Mu minsi itarambiranye n’Urukiko mpuzamahanga rukorera La Haye ( ICC ) ruraba rumutumyeho ngo : Mzee ngwino hano hari utubazo duke ugomba gusobanura turimo n’urupfu rwa Thomas Sankara, hanyuma urahita witahira ! Mbese nka kurya Inkotanyi ziryoshyaryoshya zikanasekera uwo zenda gukubita agafuni!

Amahirwe menshi kuri Paul Kagame, gusa yari akwiye kwirinda ko imvugo ya kinyarwanda igira iti “Amatwi arimo urupfu ntiyumva” yamwuzurizwaho kandi yaraburiwe.

Padiri Thomas Nahimana

Umuyobozi w’Ishema Party

Rajab Kakyama responds to Andrew Mwenda

Leave a reply

European walls to most Africans have eyes, ears and brains too. I am not suggesting that Mwenda was attended to with empty seats but that the atmosphere is quite unique from the usual African setting and one is apt to feel the presence of “sophistication” and “intellectualism.” It’s unfortunate that I am passing judgment on a person I hardly know. But when one listens to Andrew, the first time one is drawn to two aspects, 1) the sharpness and 2) the loudness in his voice. If one tends to easily come up to conclusions, then Andrew passes for a “wit thinker.” However, if you took the time and analyzed his statements, half of the time they fall short of this description.

In other words, Andrew tends to think with his “tongue” rather than the necessary brain muscle.
If religion does not need “preconditions” to germinate, why doesn’t he throw some seeds of Islam into the Vatican? Why doesn’t he throw other seeds of Christianity into Mecca? In the Quran, the Surahs that were revealed in Mecca are different in citation from those that were revealed in Madinah. This was because the people and the life-styles was different. Jesus had to plan for his journey into Jerusalem, why? I think this was a misguided thought that was largely irrelevant to the intended discussion.

Like he so accuses of the BBC’s failure to come up with “something new” in their ‘untold story’, Andrew finds himself in the same predicament when he has to “regurgitate” the RPF/Kagame mantra. Sometimes, he says it from the top, at times from the middle and other times from the bottom. But it remains the same. The only (major) achievement of the RPF/Kagame government is to have silenced the guns. As for peace, why would there be political exiles if dissent was tolerated? There are still political murders inside Rwanda. Those who flee from extrajudicial killings are at times followed.

Among those, is former Army commander. Kayumba, Karegeya (RIP), Rudasigwa and Joel Mutabazi, a former Rwandan army lieutenant who was extradited from Uganda on orders of the Rwandan government. After the murder of Karegeya, Mwenda and President Kagame have since “praised” the act. But no competent court inside and outside Rwanda had passed a sentence of “Death” for Karegeya. Karegeya was not shot in “combat”, he was murdered in a hotel room. So, who gives the right to kill in Rwanda? It is not in doubt that Rwanda has witnessed an impressive economic recovery since the 1994 genocide but only in that regard.

There is nothing magical about Rwanda comparing with the economies of its neighbouring countries. The average GDP of the East African countries is about 6%. With the introduction of UPE (regardless of the quality), the number of primary pupils in Uganda rose from about 500,000 to 7,000,000. The idea of one pupil – one laptop is not only unique to Rwanda- Kinyatta of Kenya has amplied it and on even a larger scale. “Consequently, most Rwandans do not read printed newspapers. Instead, they depend on the Internet for information and debate on public policy.” Another unguided statement from “the old man of the clan.”

What would inform this statement is that in Rwanda there are facilities that simplify/ease the use of the internet. One such factor would be the availability of electricity in almost all parts of Rwanda. Let us examine this fact. 80% of electricity consumption occurs in Kigali, where only 5% of the population live. For the rest of the population residing in the rural areas, wood remains the main source of energy. With the privatisation of Electrogaz and the development of future hydropower projects, Rwanda is looking to ensure an increased energy supply in the near future. However, only about 6% of the population is able to have access to the grid, mostly those living in urban areas.

According to the Rwanda Vision 2020, wood is the source of energy for 99 % of the population, which leads to massive deforestation and soil destruction. Actually, through the Mbarara-Gikondo transmission line, Uganda exports 132 KV of its meagre power to Rwanda. So the laid 4,000km of Fibre Optic Cable is an impressive gesture but to what purpose if the cables are to lay humbly in the ground without power supply. It also tells a lot about the planning of a country, what would have come first, the fibre cables or the power cables? Lastly, Rwanda’s revenues as a share to GDP is only 30%, what forms its 70%?

Source: Comments

Andrew Mwenda does his job: praising Paul Kagame.

Leave a reply

How the discourse on press freedom in Rwanda has missed the promising developments in that country

Last week I attended President Paul Kagame’s lecture at Chatham House in London. It was without the usual hecklers i.e. mindless anti-Kagame fanatics. It attracted the more refined minds of British intellectual society. So the discussion was calm and reflective. Later in the week, I spoke at the universities of Oxford in England and Bremen in Germany – again before audiences of the sophisticated, thoughtful type. In all events, some people raised the issue of press freedom in Rwanda, saying that is Kagame’s worst score.

There is a fundamental misunderstanding of what is happening in Rwanda’s media. The human rights Taliban have distorted the discourse because they treat democracy as a religion. Religion does not need “pre-conditions” – you can plant the seed of Christianity or Islam in any society regardless of its level of development and it will germinate. But even here it takes generations for people to completely abandon their traditional superstitions.

Democracy, as a system of government, needs structural foundations; and it takes time to build regardless of the intentions of leaders. Governments can write high-sounding constitutions promising freedom and equality. However, if the structural conditions for it are missing, little will be realised in practice. That is why it took America 90 years from independence to freeing slaves. Yet the American constitution clearly stated: “We hold these truths to be self-evident that all men are born equal…” This self-evidence certainly did not apply to poor white men, all blacks, women and other ethnic minorities – each of whom gained rights at different times.

America’s democratic institutions did not end slavery; they perpetuated it. Instead it took a civil war to end it. Even then, it lasted another 100 years from the 13th amendment (which guaranteed every adult male a franchise) for America to give its black people the right to vote. And this was because a large and educated black middleclass had grown as a result of industrialisation. Even then, the civil rights movement lasted 15 years of protests and boycotts accompanied by unprecedented police brutality and KKK terrorism.

Let’s return to Rwanda. The global human rights police have a habit of picking one unfortunate incident (like the arrest of a journalist) and present is as a daily pattern. They have been extremely successful partly because Kigali often plays into their hands. But how many journalists have been arrested in Rwanda over the last four years? Zero! Yet if you read Human Rights Watch reports and listen to Kagame critics, you would think it is 100.

Over the last 20 years, Rwanda’s Gross Domestic Product has grown at an average rate of 6.6% (and 7.7% since Kagame became president in 2000). This has led to the growth of nominal per capita incomes in Rwanda from $150 in 1994 to $700 ($1600 in purchasing power parity) in 2014. This income growth has largely been driven by deregulation, privatisation and liberalisation all of which have freed a significant share of the economy from the state. The growth of the private sector as a source of wealth and power has been accompanied by the emergence of an increasingly large, educated middle-class – a vital social infrastructure for democratic politics.

The above is accompanied the mass access to education opportunities. University enrolment in Rwanda has risen from under 1,500 in 1995 to over 80,000 today. There is free education up to the first 12 years of schooling; primary school enrolment in Rwanda is at 98% and over 60% of its youth studying in secondary schools. Mass education is moving hand in hand with rapid urbanisation – both of which form the software for democratic politics.

Finally, Rwanda is a small country of 26,338 km²that has so far laid 4,000km of Fibre Optic Cable – the highest density of any country in the developing world including China. Its vision is to have 95% of all Rwanda connected to the 4G LT (the highest speed internet) by 2017. With its one-laptop-per-child policy, the spread of smart phones (made possible by increased education and income), Rwanda is creating the most promising hardware and software for free publicity/expression in the developing world.

Consequently, most Rwandans do not read printed newspapers. Instead, they depend on the Internet for information and debate on public policy. Government deliberately encourages the use of social media and has thereby turned almost every adult citizen into a journalist and a publisher and broadcaster. This is the most rapid expansion of space for free expression in history. Therefore, even if it were true that Kagame jails journalists and shuts down newspapers, his methods would be archaic and self-defeating. He would be fighting freedom tactically while building it strategically; which would result in overall good.

It is possible that in all his aforementioned policies towards education, Internet and income growth, Kagame’s aim is not democracy but development. Granted! But that is beside the point. Freedom may not be his subjective motivation but it is likely to be the objective outcome. It is also possible that in spite of all these developments, democracy may fail to gain a foothold on the steep hills of Rwanda. But it is also true that without these developments in education, income and urbanisation in Rwanda, it is unlikely that the nation can build a genuinely democratic political dispensation.

A country like Singapore has all these but has not democratised to the same degree as Norway. However, there is a consensus among its elites in favour of its current political arrangement. Public satisfaction with the political system is higher in Singapore than France and UK. So Rwanda can follow suit. America has the infrastructure for democratic politics. But democracy has found it difficult to flourish in that multi-racial nation whose foundation was genocide of native peoples and the enslavement of its black population. Because of these early distortions, America has remained an oligarchy of corporations – the ruling classes relying ever more on propaganda to keep the illusion of democracy especially to the less observant.

There are many un-freedoms in Rwanda. Some are products of its social structure. Some are unnecessary actions by the state (and this is where the debate should be). However, given its history, many un-freedoms in Rwanda are necessary for ensuring social order – itself the first pre-condition of democracy. Freedom without order is license. The seed of democracy does not germinate on the sands of anarchy. Just look at Libya, Iraq and Mali! In England and Germany last week, the audiences appreciated these arguments.

amwenda@independent.co.ug

– See more at: http://www.independent.co.ug/the-last-word/the-last-word/9459?task=view#sthash.BHVmLF0f.dpuf

Paul Kagame: umuperezida w’inzererezi, usesagura.

2 Replies

P.Kagame(ibumoso) amaze kwegukana akazina ka Mobayilo Purezidenti (Mobile President)

Mu Kinyarwanda inzererezi bivuga umuntu wirirwa cyangwa akarara agenda, cyangwa byombi icyarimwe. Kera bene uyu muntu bamuvugiragaho bati imbwa yamurigase mu karenge, ni kabwera, ni ikirara, ni inzererezi. Muri iki gihe iyo bavuze inzererezi humvikana ba bana baba mu muhanda bazwi no ku izina rya mayibobo. Ikintu abantu bitwa aya mazina bahuriyeho ni ukutagira akazi kazwi, baba bagafite kakaba katemewe n’amategeko. Perezida Paul Kagame we, n’ubwo afite akazi kazwi, ingendo ze za buri munsi ziteye ikibazo cyane cyane ko akoresha amafranga aturuka mu misoro y’abenegihugu kandi ingendo ze zirahenda cyane. Bityo abantu bakagira bati iyaba yagendaga mu gihe koko ari ngombwa ubundi akibuka ko igihugu gikennye.

Iyo witegereje zimwe mu ngendo Kagame ajyamo ziba zihenze ku buryo bukabije. Urugero, mu kwezi kwa Nzeri 2011 perezida Kagame yaraye muri Hotel Mandarin Oriental Hotel aho yishyuraga amadolari agera ku bihumbi makumyabiri maganatandatu na mirongo itandatu n’ane(US$20,664 y’abanyamerika ku ijoro rimwe!!! Ni ukuvuga arenga miliyoni cumi n’enye z’amanyarwanda ( 14.000.000Frws). Igitangaje ni uko uyu mugabo iyo agiye atarara ijoro rimwe ahubwo amara nk’ibyumweru bibiri nibura. Ikindi cyiyongeraho ni uko mu ngendo ze akoresha indege ye bwite ariko Leta akaba ariyo iyikodesha.

Kuba Perezida wa repubulika yajya mu ruzinduko ntacyo byari bitwaye niba koko ari ahantu ha ngombwa. Ariko iyo urebye ingendo nyishi akora aba ari izashoboraga gukorwa nabamwe mu ba minisitiri. Cyakora inyinshi ziba ari mu nyungu ze, ngo azajya guhabwa iBihembo cyangwa impamyabumenyi z’ikirenga (atigiye) bita iz’icyubahiro. Ahandi akunda kujya mu nama ni izerekeye iz’ishoramari. Aha naho hashobora kujyayo minisitiri ushinzwe ubukungu, cyangwa se umuyobozi w’ikigo gishinzwe ishoramari,…

Muri uyu mwaka wa 2014, Perezida Kagame umaze gutsindira akazina ka mobile president ( mobayilo purezidenti) yamaze iminsi hafi 90 yose hanze mu ngendo zidasobanutse ariko zifite intego izwi: gusesagura umutungo wa leta. Hai aha hari urutonde rw’izo ngendo.

12 Mutarama, Luanda, Angola
21 Mutarama , Naivasha, Kenya
24 Mutarama, Davos, Switzerland
30 Mutarama, Addis, Ethiopia
05 Gashyantare , Cap Vert
12 Gashyantare , Los Angeles World , Wisdom Conference, visits to Berkeley University, University of California, and Palo Alto University)
20 Gashyantare, Kampala, Uganda
23 Gashyantare, Dublin, Ireland
25 Gashyantare , Luanda, Angola
02 MataA, Brussels, Belgium
22 Mata, Eastern USA ( MIT, Tufts and Brandeis University)
25 Mata, Western USA (Milken Institute, Saddleback Church, and Stanford University)
02 Gicurasi, Nairobi, Kenya
08 Gicurasi, Abuja, Nigeria
11 Gicurasi ,Nairobi, Kenya
16 Gicurasi ,Geneva, Switzerland
23 Gicurasi , Gabon
27 Gicurasi, New York, USA
27 Kamena, Malabo, Equatorial Guinea
08 Nyakanga, Accra, Ghana
03 Kanama, Aspen, USA
06 Kanama, Washington, DC, USA
20 Kanama, Rwanda Day (Mercier University), Atlanta, USA.
21 Kanama, New York City
01 Ukwakira, Dubai
05 Ukwakira, Trieste, Italy
07 Ukwakira, Kampala, Uganda

Iyo ubaze iminsi uyu mugabo yamaze muri izi ngendo usanga ari 88 ni ukuvuga amezi atatu aburaho iminsi ibiri. Muri izi ngendo nk’uko bigaragara 17 zabereye muri Afurika, Uburayi, n’uburasirazuba bwo hagati kandi wasangaga buri rugendo rumara nibura iminsi itatu(3). Ni ukuvuga iminsi 51 yose hamwe. Mu kwezi kwa Gashyantare, Kagame yamaze icyumweru cyose muri Leta zunze ubumwe z’America (USA) yongera kumarayo ikindi cyumweru mu kwezi kwa Mata. Ukwezi kwa Nzeri 2014 Kagame yazereraga muri Leta zunze ubumwe z’Amerika (USA) atangirira Aspen, Colorado; akomereza Atlanta, Georgia ahava yerekeza New York. Ahavuye Kagame yanyuze i Dubai agera mu Rwanda tariki ya 2 Ukwakira nyuma y’iminsi itatu asubira mu Burayi kuya 5 Ukwakita aho yagiye mu Butaliyani. Yose hamwe iminsi 36 wayiteranya na 51 twabonye haruguru ikaba iminsi 87 yuzuye ni ukuvuga hafi amezi atatu umukuru w’igihugu yamaze azerera.

Ubu Kagame aritegura kujya i Londres mu Bwongereza kuwa 20 Ukwakira 2014 ntawamenya iminsi azamarayo.

Ikibazo gikomeye ni aha kiri: Ni kuki Kagame atareka ngo ba minisitiri be bakore akazi kabo bajye mu ngendo zijyana n’akazi kabo? Uko byagenda kose mission ya minisitiri itwara makeya kurusha aya Kagame ujyana indege ye! Niba ibi abyanze se yakuyeho guverinoma ubwo mbona byose ashaka kubyikorera?

Murabona aho ya mafranga yo mu kigega agaciro ashirira. Kandi ntajya atanga raporo ngo avuge uko yayakoresheje. Ng’ibyo ibya Mister Mobile President! Harahagazwe!

Umwanzuro:

Igihe kirageze ngo Kagame afate ikiruhuko kuko biragaraga ko ananiwe. Ariko abe anitegura kuzasubiza ibibazo imber y’ubucamanza ku byerekeye uko yakoresheje nabi umutungo wa leta. Miliyoni 14 Kagame akoresha mu ijoro rimwe umwarimu wo mu Rwanda yazikorera mu gihe kingana n’amezi 238 ni ukuvuga imyaka 19 n’amezi abiri. Murumva aho bigeze? Aya mafranga yakwishyurira Abana 14 muri Kaminuza mu gihe cy’umwaka. Ufashe ayo Kagame yakoresheje muri iyi minsi 87 Abanyeshuri1200 babona bourses.

Uyu mugabo azi kwihesha agaciro koko.

Chaste Gahunde

Rwanda: Kagame yaba agiye kwiyahura?!

2 Replies

Iyi photo yahinduwe n’umuntu wemeza ko yabonekewe abona Kagame afatwa kubera ibyaha bya genocide aregwa.

Birakwiye gusesengura neza ijambo ridasanzwe Perezida Paul Kagame yavuze ejo taliki ya 14 Ukwakira 2014 ubwo yarahizaga mubyara we Bernard Makuza usimbuye Yohani Damaseni Ntawukuriryayo ku mwanya w’umuyobozi wa Sena.

Muri rusange, ryari ijambo rirerire cyane kuko ryamaze iminota 56 yose ! Ikintu cy’ingenzi cyariranze ni uko rya jwi ry’amakari Kagame asanganywe ryari ryaguyemo imbeho, ejo rwose ryari ribuzemo imbaraga ku buryo yavugaga nk’umuntu wongorera, nk’unaniwe cyane cyangwa se umurwayi usohotse ibitaro ! Izo ntege nke na we ubwe yaziyumvagamo kuko hari aho yivugiye ngo” N’ubwo umubiri wananirwa umutima wo ntunanirwa”. Gusa aha yaribeshye cyane kuko twese tuzi neza ko umutima utananirwa gusa ahubwo ugeze n’aho uhagarara burundu, iyo uruhijwe birenze imbaraga zawo . Aritondere uwe rero !

Maze gutega amatwi iri jambo nasanze mu by’ukuri ritari rijyanye neza n’ibirori byahimbazwaga ahubwo ryari rigenewe gufasha Kagame gusohora hanze (speaking out ) uruvangitarane rw’ ibyiyumviro by’ubwoba, uburakari n’agahinda, biremereye umutima we muri iyi minsi . Kandi impamvu y’uko kuremererwa Kagame yarayivuze ndetse ayitindaho cyane : ni Sinema yo mu bwoko bwa Documentaire yitwa “Rwanda: Untold story” yakozwe n’Abongeleza, yerekanwa incuro nyinshi kuri Televisiyo yabo yitwa BBC 2, irebwa n’amahanga menshi. None rero ikibazo ni iki : Icyababaje kandi kikarakaza Kagame bigeze aho ni iki mu by’ukuri ?

Muri iri sesengura turibanda ku ngingo ebyiri gusa: Ikibabaje Kagame(I) n’Icyo ateganya gukora (II).

I. “UBU NITWE BICANYI….”

Uwansaba kuvuga mu magambo atatu gusa ubutumwa bwose Kagame yatambukije mu ijambo rye ryamaze iminota 56, sinazuyaza, nasubira muri aya magambo ya Kagame: “UBU NITWE BICANYI….”. Mbega ukuntu yishimiraga kubyita abandi Banyarwanda harimo n’abarengana! None we bamuvuze uko ari, ngo Rusizi nticyambutswe!

Kagame arababaye

1.Icyababaje Kagame kurusha ibindi ni uko iriya sinema yerekana neza ko Abongereza batahwemye kumushyigikira kuva yatangira intambara zarimbuye Abanyarwanda batagira ingano bamaze kubona ko badashobora gukomeza kwibeshya no kubeshya isi mu gushyigikira umutegetsi bazi neza ko ari umwicanyi kabuhariwe !

2.Kagame ababajwe n’uko Abongereza bateye intambwe yo gutangira kumushinja ku mugaragaro ko ari we Nyirabayazana w’ibyago byagwiriye u Rwanda, ubwo yahanuraga indege y’uwahoze ari umukuru w’u Rwanda Yuvenali Habyarimana, mu ijoro ry’iya 6 rishyira iya 7 mata 1994, icyo gikorwa cy’iterabwoba kikaba ari cyo cyabaye imbarutso ya jenoside yarimbuye Abanyarwanda basaga miliyoni, Abatutsi n’Abahutu. Ndetse iyo Sinema yo ijya kure ikerekana ko mu by’ukuri gukomeza gushyira imbere Abatutsi bishwe bonyine birimo ikinyoma n’ubushinyaguzi kuko imibare itangwa n’u Rwanda ubwarwo igaragaza ko Abahutu bo mu Rwanda ari bo bagize umubare munini w’abarimbuwe bityo amateka y’u Rwanda akaba yirengagiza nkana kubavuga no kubibuka !

3. Kagame ababajwe n’uko amahanga aha ijambo (Freedom of speech) abantu we ngo abona nta gaciro na busa bafite (Completely discredited). Mu mutwe we yumvaga ari we (Le Maître de l’univers) ugena abantu bafite agaciro n’abatagafite, intungane n’abanyabyaha ! Ubwo bubasha kandi akaba yishukaga ko abufite ku Rwanda no ku bindi bihugu. Kandi ni mu gihe, mu myaka isaga 20 amahanga yakomeje kumufata bajeyi, none atangiye kwibonera ko ibihugu by’ibihangange birambiwe kandi byiyemeje kurambika hasi “politiki ya ciraha nikubite”yateteshaga umwicanyi ruharwa Paul Kagame.

4. Kagame ababajwe no gutahura bitinze ko nta rundi rukundo ba Mpatsibihugu bari bamufitiye, ko yagizwe igikoresho cy’inyugu zabo gusa , ko mu by’ukuri we nta kandi GACIRO bamuhaga katari ako kubabera igikoresho, bityo babona amaze guhindana( Infrequantable) bakaba biyemeje kumuta bakifatira undi wakwita ku nyungu zabo kumurusha .

Kagame afite ubwoba

5. Kagame atewe ubwoba no gutahura ko atigeze yita na rimwe ku nyungu nyakuri z’Abanyarwanda none atangiye kuraga mubyara we Makuza ibyamunaniye: Ngo ntimuzahugire muguharanira inyungu zanyu musuzugura iza rubanda !

6. Kagame afite ubwoba bw’uko politiki ye yo guhindura umutwe wa FDLR ba Nyirurutwerunini (Bouc-emissaire) itazongera gushyigikirwa nk’uko abyifuza, bo yahoraga agerekaho ibyaha byose byakozwe mu Rwanda n’akaga kose Abanyarwanda barimo ubungubu, bikamufasha kurangaza amahanga no kwigaragaza nk’intungane n’umucunguzi w’Abatutsi bo ku isi yose!

7. Kagame afite ubwoba ko amateka y’u Rwanda agiye kuvugwa uko ari bityo uruhare rwe mu marorerwa yarimbuye abanyarwanda n’Abanyekongo batagira ingano rurekere aho guhishwa ahubwo ruvugirwe ku kabonabose.

8. Kagame afite ubwoba bwo kwitwa umwicanyi bityo abari bamukingiye ikibaba bakaba bagiye kumukuraho amaboko burundu, ahasigaye imbwa zikamurya !

9.Kagame afite ubwoba bw’uko agiye gukurwa ku butegetsi maze Inkiko mpuzamahanga zikamufata, zikamuryoza ibyaha byose yakoze zitababarira .

Kagame afite umujinya

10. Kagame afite umujinya ko ishema yaterwaga no kwita Umuyobozi “UDASANZWE”(Visionary Leader) rirangiriye aho, ahubwo akaba atangiye gucuncumuka agana ikuzimu (Descente aux enfers), kuko agiye kuba iciro ry’imigani, yerekanwe nk’umutegetsi w’UMUBISHA warushije abandi gukomeretsa no kwivugana abanyagihugu benshi, kuva isi yaremwa !

11. Kagame afite umujinya ndetse n’ ipfunwe ryo kuzasubira kuvugira kuri BBC, hahandi yahoraga ajya kwigamba ubumanzi bw’ubutekinikano: Aho yambariye inkindi azagira ubutwari bwo kwemera kuhambarira incocero?

12. Kagame afite umujinya mwinshi w’uko abo bafatanyije gusahura ibyiza by’igihugu n’iby’abaturanyi bamwigaritse akaba agiye kubibazwa wenyine, aka ya nteruro yo muri Bibiriyango “abo nagaburiye umugati wanjye nibo banteye ishoti”!

13. Kagame afite umujinya ko mu batangabuhamya bamushinja harimo abavandimwe bahoze mu Gatsiko ke nyuma bakaza kwitandukanya n’ubugizi bwa nabi bwe. Koko rero yagerageje kubatesha agaciro mu maso y’abanyarwanda n’abanyamahanga, abacira imanza zo kubacisha umutwe, agerageza kubatsinda ishyanga ngo ntihasigare n’iyonka……none ababajwe n’uko bakiriho kandi bakaba batamworoheye . Aricuza impamvu basubiranyemo, none bikaba biri mu bimukozeho….

II. KAGAME ARATEGANYA KWIYAHURA NO KOREKA U RWANDA

Kubera ko Kagame atiteguye “kwemera ibyaha bye ngo tuzarebe uko yagabanyirizwa ibihano”,mu ijambo rye ry’ejo yagerageje gushushanyiriza Abanyarwanda igikorwa cya nyuma cy’ubutwari yiteguye gukora : KWIYAHURA ariko ntagende wenyine.

Ongera utege amatwi uko Kagame yashoje ijambo rye : “From here ,I think, It is a time to go and do a real thing “, “Guhera ubu , ndabamenyesha ko ngiye gukora “Agatendo” katazibagirana”. Ako gatendo ni akahe ? Aho si “Apocalypse” nk’iyo twiboneye n’amaso yacu muri 1994 ?

Mu by’ukuri, mu kwishuka ko agifite ibanga ryo kwikura mu kimwaro , Paul Kagame agiye gushoza indi intambara y’amasasu, gusa icyo atazi ni uko izaba ariyo ya nyuma kuko ari nayo izamuhitana. Ibimenyetso byose birerekana ko Kagame agiye gutera Kongo n’Uburundi icyarimwe. Gusa hari ibintu bitatu asa n’uwirengagiza nkana. Icya mbere ni uko yibeshya ku ngufu z’Uburundi muri iki gihe kandi n’iyo turebye amateka tukaba dusanga basekuru na basekuruza be b’indwanyi cyane batarigeze bigarurira Uburundi na rimwe. Icyakabiri ni uko asa n’utangiye kwibagirwa ukuntu umutwe we w’iterabwoba yari yarahaye izina rya M 23 wayobewe ikiwukubise, ugashwanyaguzwa nk’amakoma y’insina, izuba riva ! Icya gatatu ni uko inzangano zikarishye yikururiye mu karere no mu mahanga ya kure zishobora kumubyarira amazi nk’ibisusa, nko mu kanya ko guhumbya ijisho! Intamenya ntibwira umugenzi koko. Nagende rwiza, abagira iyo bajya baragenda. Mbabajwe n’abana b’inzirakarengane bagiye kongera gutikizwa bashorwa mu ntambara zitagize icyo zimariye u Rwanda n’Abanyarwanda. Njyewe Padiri Thomas Nahimana, ndamutse ndi mu ngabo za Kagame, iyi yo sinayirwana kandi sinakwibuza gushishikariza n’abandi kugenza nkanjye: twareka Kagame akayishoramo na Cyomoro we, bonyine!

UMWANZURO

Nyamara hari ukundi byagenda…! Haracyari akadirishya k’uko Kagame yakiza ubugingo bwe n’ubw’umuryango we, akarokora n’ubw’Abanyarwanda benshi . Nacishe make, aduhamagare, twicare TUGANIRE nta buhendanyi.

Mu gihe amahanga yizeraga atagishoboye kumucira akari urutega, Abanyarwanda nitwe twenyine ahari twamupfa agasoni, ngo n’ibyaye ikiboze irakirigata ! Umuti w’ikibazo Abanyarwanda ubwabo barawifitiye, bifitemo ubushobozi bwo gutera umugongo ibyahise, bakitangira kurema igihugu cy’AMAHORO arambye kandi asangiwe basonzeye .

Padiri Thomas Nahimana,

Umuyobozi w’Ishema Party

Akaba n’Umukandida w’iryo shyaka mu matora ya 2017.

Paul Kagame: a mobile president who spent three out of nine months abroad !

Leave a reply

One other interesting thing you did not know about Kagame…He is always on trips using his personal jet but hired by the government. David Himbara has followed this amusing (not amazing) man’s movements. Kagame is the real “Mobile president”.

mobile president

The man (left) knows how to spend taxpayers’ money!

If we include Kagame’s forthcoming trip to London to attend the Global African Investment Summit (20-21 Oct) and give a lecture on “Rwanda’s Role in an Emerging Africa and Uncertain World” at Chatham House, 21 Oct 2014, he will have made 28 trips overseas in ten months. Of the 28 trips, 17 were in Africa, Europe and Middle East averaging 2 days each – meaning 34 days in total. In February, the President spent a week in western USA, and another week in eastern and western part of America in April – a total of 14 days. The President then spent the entire month of September in the United States, beginning in Aspen, Colorado in the west, swinging to the south in Atlanta, Georgia, before jetting to New York City for the UN events. From there, Kagame continued on to Dubai on 1 October, returning to Rwanda on 2 October and flying back to Europe for the event in Italy on 5 October 2014 – a total of 36 days. This means that in total Kagame was absent from Rwanda for a grand total of 84 days, or nearly 3 months.

Putting aside the costs which runs into millions of dollars, who runs Rwanda when Kagame is away, and how?

HERE IS A MORE COMPREHENSIVE LIST OF PRESIDENTIAL TRIPS JAN-OCT 2014

12 Jan: ICGLR Summit, Luanda, Angola
21 Jan: Nation Media Group Governor’s Summit, Naivasha, Kenya
24 Jan: World Economic Summit, Davos, Switzerland
30 Jan: AU Summit, Addis, Ethiopia
05 Feb: Africa Innovation Summit, Cape Verde
12 Feb: Western USA visit (including Los Angeles World Affairs Council, Wisdom Conference, visits to Berkeley University, University of California, and Palo Alto University)
20 Feb: Northern Corridor Integration, Kampala, Uganda
23 Feb: UN Broadband meeting, Dublin, Ireland
25 Feb: ICGLR Summit, Luanda, Angola
02 April: EU-Africa Summit, Brussels, Belgium
22 April: Eastern USA (including MIT, Tufts and Brandeis University)
25 April: Western USA (including Milken Institute, Saddleback Church, and Stanford University)
02 May: Northern Corridor Integration, Nairobi, Kenya
08 May: World Economic Forum for Africa, Abuja, Nigeria
11 May: Signing of standard railway gauge, Nairobi, Kenya
16 May: World Telecommunications and Information Society Award, Geneva, Switzerland
23 May: New York Forum Africa, Gabon
27 May: UN meeting on sustainable urbanization, New York, USA
27 June: AU Summit, Malabo, Equatorial Guinea
08 July: Honor of Wole Soyinka, Accra, Ghana
03 Aug: Aspen Institute, Aspen, USA
06 Aug: USA-Africa Summit, Washington, DC, USA
20 Aug: Rwanda Day (plus Mercier University), Atlanta, USA.
21 Aug: UN General Assembly (plus other events, including Global Citizen Festival), New York City
01 Oct: Global Business Forum, Dubai
05 Oct: 50th anniversary of International Center for Theoretical Physics, Trieste, Italy
07 Oct: Uganda-Rwanda Business Forum, (plus Uganda Independence celebrations), Kampala, Uganda
20 Oct: Global African Investment Summit (plus Chattam House Lecture), London, UK

We wait to see where the gentleman jets for November and December.

Rwanda’s Untold Story Documentary

Leave a reply

Twenty years on from the Rwandan genocide, This World reveals evidence that challenges the accepted story of one of the most horrifying events of the late 20th century. The current president of Rwanda, Paul Kagame, has long been portrayed as the man who brought an end to the killing and rescued his country from oblivion. Now there are increasing questions about the role of Kagame’s Rwandan Patriotic Front forces in the dark days of 1994 and in the 20 years since.

The film investigates evidence of Kagame’s role in the shooting down of the presidential plane that sparked the killings in 1994 and questions his claims to have ended the genocide. It also examines claims of war crimes committed by Kagame’s forces and their allies in the wars in the Democratic Republic of Congo and allegations of human rights abuses in today’s Rwanda.

Continue reading →