Category Archives: Politics

Rwandans forced to fund Gen Karenzi bail

2 Replies

29E5477800000578-0-image-a-9_1435355500540

Lt Gen Karenzi Karake was arrested by British police on war crimes and genocide charges pending his extradition to Spain.

There are unverified facts about the arrest of Karake Karenzi saying that he sought it to embarrass president Kagame, as did for example the production of BBC Rwanda Untold Story, so he cannot pretend to run for a third term.

However, whatever the circumstances of the Rwandan general’s arrest in LONDON, the entire Rwandan population inside is being affected because they are being forced to contribute to the £1,000,000 bail that has been requested by the judge to allow the suspect to be available for the court without staying in prison.

Boniface Twagirimana, who is in Kigali, is reporting that in Matimba of Nyagatare, every household is being asked to contribute 4000 RWF to KK Bail Fund, on top of which they have to add another 2,000 RWF to pay for a motorcycle for the police force.

The irony of the request is that, in that area of Byumba, that is where General KK and his killing squads started in 91/92 ethnic cleansing and sweeping it of hutu population to give space to his tutsi community.

Many people are being seriously harrassed and treated as enemies of state in case they show any reluctance to contribute, particularly because they don’t have the means. There is also fear that corrupt officials might use KK Bail Fund to exhort money from the population. Apparently there isn’t even any receipt being provided to prove that someone has contributed.

Rwandans have for many years been squeezed financially by many demands from RPF system without this one even giving them the means to earn a decent income from their labor. There are times that enough becomes enough and one needs to take a step to refuse from being indefinitely exploited.

Like in 1959 when the hutu majority made an end to its centuries-long exploitation by the tutsi monarchy, I think the time has come to end also the RPF discrimitaive and repressive system which uses all means to impoverish the population and keeps it constantly under the lowest of the aspirations: survival.

Forcing Rwandans to fund KK bail might trigger a social revolution.

Ambrose Nzeyimana

Rwanda: Ingwate ya Gen Karenzi Karake yatumye abaturage bashyirwa ku nkeke.

Leave a reply

barabasi11-300x200

Aha ni abaturage mu myigaragambyo bashowemo n’ubutegetsi ngo barwanye ubutabera basaba ko Gen Karenzi yarekurwa.

Kirehe: Abatuye akarere ka Kirehe ubu bari mu mazi abira;ubu ngo kubera ko akarere ka Kirehe gashaka kwiyerekana neza i Bwami ubu ngo buri rugo rwategetswe gutanga ibihumbi bitandatu(6000 FRW) ngo yo kuriha ingwate Karake Karenzi yaciwe!

Gusa ngo kubera ko abaturage bari batangiye kwijujuta akarere kahise gategeka abakusanyamakoro(amaturo) kutongera kuvuga ko ari aya karenzi ko ahubwo bajya bavuga ko ari ay’ubutaka! Abakozi bahembwa bo ngo bagomba gutanga kimwe cya cumi (1/1O) cy’umushahara wabo ngo bitaba ibyo bakamburwa akazi ngo kuko uwakabahaye ari nawe ukeneye ayo mafaranga!

Aya marira ntabwo ari i Kirehe gusa, amakuru akomeje kutugeraho nuko ibi bintu ngo biri gukorwa mu gihugu hose cyane cyane abafite akazi bakaba bibasiwe cyane n’abakoresha!Abakozi bari basanzwe bafite imyenda mu mabanki bo ubu ngo byababereye ihurizo rikomeye kuko mu gihe bari batakigera kuri banki kubera kwishyura inguzanyo ubu ngo ibyo ntibyitaweho ayo batanga bagomba gushakisha aho ava batabikora bakabura intama n’ibyuma!

Mu karere ka Nyagatare mu murenge wa Matimba abaturage baho nabo inkubiri yo kubanyaga utwabo irakomeje! Ubu buri rugo rwategetswe gutanga amafaranga ibihumbi bine (4000frw) ngo yo gukemura ikibazo cy’ingwate ya Karenzi Karake.

Si ibi gusa ngo kuko bagomba no kongeraho ibihumbi bibiri(2000frw) ngo yo kugura Moto ya Polisi! Hari abaturage benshi batangiye kugira impungenge ko iki kibazo cya Karake kigiye gutuma bahohoterwa n’inzego zibanze na cyane ko umuturage ugaragaje ko aya mafaranga ari menshi ngo ahita yukwa inabi ndetse akabwirwa ko ngo ubwo ari mu banzi b’igihugu!

Biranakekwa ko ba kaboko karerekare bari bwitwikire iki gikorwa kitiriwe Karake maze nabo bagasarura bishyirira mu mifuka yabo na cyane ko ngo aya mafaranga atagira fagitire!

Boniface Twagirimana

Rutsiro: Polisi iratoteza abaturage ibaziza gusoma ikinyamakuru

Leave a reply

media freedomMu karere ka Rutsiro mu murenge wa Kivumu mu kagali ka Runyoni hari abaturage ubu bari mukangaratete abandi bahisemo kuba bahunze ingo zabo ngo bazira ko babonywe basoma ibinyamakuru ngo bitegamiye kuri leta.

Ubu ngo abasomye ibyo binyamakuru barimo guhigwa bukware na polisi ndetse ngo abatawe muri yombi bategetswe kuvuga abandi bose baba baraganiriye ku byasomwe muri ibyo binyamakuru!

Aba baturage ngo barazira kuba barasomye ikinyamakuru kitwa Umurabyo ariko abaturage ngo bari kubwirwa ko batemerewe gusoma mwene ibi binyamakuru ndetse ngo ntibemerewe no kubigura.

Biravugwa ko aba bapolisi bahurujwe n’umuyobozi(chairman) wa FPR -Inkotanyi mu murenge wa Kivumu witwa UWIMANA Jean D’Amour ifite numero ya telefone 0788540274

Twagirimana Boniface

1/7/2015: Duhimbaze Isabukuru y’Ubwigenge bw’u Rwanda dusezerera umuco mubi wo kuba INDOREREZI !

Leave a reply

kayibandusi-248x300Nguyu Nyiricyubahiro Gregoire Kayibanda,

wagejeje u Rwanda ku bwigenge ( RIP).

UBUTUMWA BW’UMUYOBOZI W’ISHYAKA ISHEMA RY’U RWANDA

Banyarwandakazi , Banyarwanda, baturanyi namwe nshuti z’Abanyarwanda,

1.Ku italiki ya mbere Nyakanga,  Abanyarwanda bagifite umutima wo gukunda igihugu bibukana ubwuzu italiki nziza u Rwanda rwabonyeho UBWIGENGE, dore imyaka ishize ari 53.

2.Koko rero ubutegetsi bw’Abakoloni baturutse mu mahanga ya kure ntibwarangwaga  no guharanira inyungu z’ibihugu bikolonijwe. Ahubwo umukoloni yagenzwaga mbere na mbere no gusahura ibihugu yigaruriye agamije gukungahaza icyo akomokamo,  ibyo bikamutera gufata uwakolonijwe nk’umuntu wo hasi cyane, utazi ubwenge, utazi ikimufitiye akamaro,  bityo akamucisha bugufi bitavugwa.  Muri rusange, akarengane kakorwaga n’Abakoloni niko katumye abakolonijwe bahumuka, barisuganya, bageza n’ubwo biyemeza kwivumbura.

3.Nibyumvikane neza ko UBWIGENGE(Indepandansi)  bw’igihugu ari indangagaciro ikomeye cyane ibihugu byinshi byaharaniye, birayirwanirira ndetse abaturage babyo batari bake bemera no kumena amaraso yabo kugira ngo bayigereho.

4.Ndibutsa ko hari umwihariko w’amateka y’u Rwanda tudakwiye kwibagirwa. Ni uko Abarwanashyaka baharaniye ubwigenge bw’u Rwanda bagombye kubifatanya n’urugamba rwo kwigobotora ingoma ya cyami na gihake , babonaga neza ko irusha iy’Umubiligi amakare n’ubugome mu kurenganya rubanda rugufi.

5.Niyo mpamvu bashyize ingufu mu kubanza kubona inzego zishingiye kuri demokarasi mbere yo  gusezerera Umukoloni w’Umubiligi . Niko byagenze.

6.Koko rero ntacyo byajyaga kuba bimariye rubanda rugufi gusezerera Umubiligi ukareka gihake igakomeza guheza abasokuruza bacu “ MU BUJA”.

7.Reka rero tubisubiremo twishimye, kubona UBWIGENGE  taliki ya 1Nyakanga 1962, byari amahirwe akomeye cyane ku Rwanda no ku Banyarwanda.

8.Kubona ubwigenge ni uguhabwa ububasha bwo kwitorera abategetsi b’abenegihugu.

9.Kubona ubwigenge ni ukugira ububasha bwo kwigenera imishinga y’iterambere rifitiye rubanda rugufi akamaro.

10.Kubona ubwigenge ni ugusezerera ikiboko na shiku, ni ukugira ububasha bwo kwiyubakira igihugu mu nyungu z’abenegihugu ubwabo.

11.Kubona ubwigenge ni ukwishyira ukizana, ugahinga umurima wawe kandi ukazasarura ibyo wejeje, ni uguhahira urugo rwawe kandi ukarya ibyo wakoreye ntawe uguhagaze hejuru.

GUSA MURI IKI GIHE  AYO MAHIRWE  ARAGENDA AYOYOKA !

Dasso

Ngiyi imikorere ya FPR-Inkotanyi

12.Mu guhimbaza isabukuru y’ubwigenge ku ncuro ya 53 , ntitwakwibagirwa akaga gakomeye igihugu cyacu kiri kongera gusubiramo uko imyaka igenda isimburana.

13.Ako kaga twese turakabona kuko kakuruwe n’ishyano ry’intambara yatangiye taliki ya 1 Ukwakira 1990, itangijwe n’umutwe wa FPR-Inkotanyi,  wimika ingoma y’igitugu gikaze  kuva muri Nyakanga 1994.

14.Akaga turimo ni uko Repubulika ya gatatu iyobowe na FPR-Inkotanyi  yataye umurongo, ihindura kamere y’ubutegetsi, ubutegetsi bukomoka kuri rubanda ibusimbuza ubutegetsi butangwa n’imbunda n’iterabwoba,  imikorere yabwo  ikaba ifite byinshi ihuriyeho n’iy’ingoma ya cyami na gihake twari twarasezereye mu 1959.

15.Aka kaga turimo karaturuka ku bategetsi bokamwe n’ingengabitekerezo yahoze ari ya LUNARI y’uko bo bavukiye gutegeka, rubanda y’Abanyarwanda ikaba igomba kubabera abaja n’abagaragu.

16.Akaga turimo karaturuka kuri Perezida Paul Kagame urangije imyaka 21 ku butegetsi, akaba kandi ashoje manda ze ebyiri z’imyaka 14 yemerewa n’Itegekonshinga ariko bikaba bigaragara ko inyota ikabije y’ubutegetsi ikomeje kumutera  kwitabaza uburiganya n’iterabwoba kugira ngo ahindure ingingo y’101 y’iryo tegekonshinga bityo rimwemerere kwibera umwami w’u Rwanda, uzakurwaho n’urupfu.

17.Aka kaga karaterwa n’uko mu Rwanda nta mukuru wahanura abandi ukiharangwa, abakabikoze bose barangije guhindurwa Abagererwa n’Inkomamashyi nsa, abandi baracecekeshwa.

NONE SE DUKORE IKI ?

kayibanda_kennedy

18.Mu guhimbaza umunsi w’ubwigenge ku nshuro ya 53, turamagana twivuye inyuma iyi Repubulika ya gatatu yiyuburuyemo ubutegetsi bwa cyami na gihake bwubakiye ku iterabwoba, ikinyoma, ivanguramoko  n’ukwikubira ibyiza byose by’igihugu.

19.Turahamagarira abenegihugu kudakomeza kuba indorerezi ahubwo bagahagurukira kwitanga ngo gutabara igihugu cyabo amazi atararenga inkombe burundu.

20.Turahamagarira abenegihugu b’u Rwanda kwisubiza ububasha bwo kwishyiriraho amategeko no KWITORERA ABATEGETSI batari Abahinza n’Abatware bakorera inda zabo n’iy’Umwami wabo gusa.

22.Turabashishikariza mwebwe rubyiruko gutangira kwisuganyano kwitegura amatora yo mu 2017 kugirango  tuyahindure “IGIFARU” kizasezerera bidasubirwaho ingoma y’igitugu n’itarabwoba, kikatugarurira ISHEMA ryo kubaho nk’abenegihugu bishyira bakizana mu Rwababyaye.

23.Ishyaka ISHEMA ry’u Rwanda rizakomeza kwibutsa Abanyarwanda ko rubanda itakaza ubwigenge , igahinduka  ikivunge cy’Abagererwa n’Inkomamashyi ari uko twabyemeye.

24.Tuzakomeza gutoza abenegihugu ko tudakeneye intwaro zisesa amaraso kugira ngo tuvudukane abadusubije mu buja maze tubereke ko turi igihugu kigenga.

25.Niduhaguruka tukisuganya, tukanga agasuzuguro, muzirebera ukuntu uwahekwaga mu ngobyi azagomba gushyira ibirenge hasi akigenza.

26.Umunsi mwiza ku benegihugu bafungiye mu Rwanda no mu mahanga, baba abari muri Gereza zinyuranye cyangwa abari mu ngo iwabo ariko bakomeje kubuzwa ubwigenge bubakwiye, bagahatirwa kubaho bubitse umutwe ,kubera ubwoba bwo kugirirwa nabi.

27.Mugire umunsi mwiza wo guhimbaza ubwigenge mwebwe mpunzi z’Abanyarwanda mukumbuye gusubira mu byanyu mu Rwababyaye,

28.Umunsi mwiza w’Ubwigenge n’amizero ku benegihugu bari mu kaga mu mashyamba ya Kongo,

29.Umunsi mwiza wo kwicengezamo icyifuzo cyo guharanira ubwigenge ku Banyarwanda mwese mwahisemo kwitangira abandi mukora politiki irwanya igitugu.

30.Nitwirinda gukomeza kuba INDOREREZI, buri wese agafata icyemezo cyo gutanga umuganda we, tuzatsinda bwangu iyi gihake ya Kagame, dore ko atari ubwa mbere rubanda nyarwanda yaba itsinze abami.

Padiri Thomas Nahimana,

Umuyobozi w’ishyaka Ishema ry’u Rwanda

Umukandida w’Ishyaka ISHEMA ry’u Rwanda,

 mu matora ya Perezida yo mu 2017

Cherie Blair’s Firm Lied Over Maldives Contract: Maldivian Democratic Party

Leave a reply

7-Cherie-Blair-AFPGetLike her huband, Cherie Blair makes money to whiten dictators

Soon after getting hired by the Maldives government to ‘improve its image’, Cherie Blair’s Omnia Strategy LLP, sought to distance themselves from any controversy even with many suggesting an end to the democratic process for hiring a third party.

The opposition Maldivian Democratic Party (MDP) on Saturday accused Cherie Blair’s law firm, of lying over its role advising the authoritarian regime of Maldives President Abdulla Yameen.

Initially, Omnia Strategies said their work was limited to “legislative and constitution reform to which the Government is committed.”

“Our objective is to assist the Government in strengthening democracy, rule of law and restoring investor confidence,” Omnia said. They further stated that they would not get involved in domestic politics.

However, on Saturday, Toby Cadman appeared at a press conference in Male’ alongside Foreign Minister Dunya Maumoon, where he revealed Omnia’s actual work involved responding to the claim submitted by President Nasheed to the UN Working Group on Arbitrary Detention.

In the press conference, Cadman made a robust defense of Nasheed’s jailing, and even suggested that his 13-year sentence should have been a life sentence.

Moving away from the truth, Cadman even went as far as suggesting that former president Nasheed’s right to legal counsel was guaranteed. Mohamed Nasheed however, was repeatedly denied the right ot legal council and often appreared without his lawyer in court.

Commenting on Omnia Strategies, MDP Spokesperson Hamid Abdul Gafoor said:

“Omnia Strategies is the very worst kind of mercenary outfit. They are taking possibly millions of dollars in exchange for helping a dictatorship keep a democracy hero in jail.

“Blair and Cadman should be utterly ashamed of themselves. They are no friends of the Maldives.”

Source:Focusnews

Related links:Cherie Blair ‘s firm unethical

Dore uko iburanishwa ry’Inkotanyi Karenzi Karake ryagenze kuri 25/06/2015

Leave a reply

westminster-magistrates-court-300x159Leta y’u Rwanda yatanze akayabo ka miliyoni imwe y’amapawundi – ni ukuvuga amanyarwanda arenga miliyari – kugira ngo Inkotanyi Karenzi Karake ifungirwe kijyambere mu nzu ikodeshwa na Ambasade y’u Rwanda i London.

Kuri uyu wa kane tariki ya 25/06/2015, umucamanza Quentin Purdy yatangije urubanza rwa General Karenzi Karake mu rukiko Westminster Magistrates Court.
Icyumba kiburanirwamo cyari cyuzuye abanyamakuru n’abandi bantu bari babukereye baje kureba uko urubanza rugenda.
Hari n’abategetsi bakuru ba Leta y’Inkotanyi y’u Rwanda, barimo Ambasaderi w’u Rwanda mu Bwongereza Williams Nkurunziza ndetse na Ministri w’Ubutabera Johnston Busingye.

Abakozi ba Ambasade nabo bari bahuruye bagaragiwe n’abanyarwanda b’intore za Leta y’Inkotanyi, bari bazinduwe no kwamagana ifatwa n’iburanisha ry’inkotanyi Karenzi Karake. Uretse abo, hari n’abanyarwanda b’impunzi baharanira ko ubutabera bwagera kuri bose, bakaba bagaragazaga ko bishimiye ko noneho n’inkotanyi zitangiye gukurikiranwa ku byaha zakoze harimo ibya jenoside n’ibihonyora inyokomuntu.

Urubanza rwari ruteganijwe gutangira saa 14h isaha y’i London, ariko rwatangiye rukereweho hafi igice cy’isaha.

Muri ekipe y’abavoka baburaniraga inkotanyi Karenzi Karake, harimo Cherie Blair, umugore wa Tony Blair wabaye Ministri w’Intebe w’Ubwongereza igihe kirekire, akaba n’umwe mu bajyanama bakuru b’umukuru wa Leta y’inkotanyi Paul Kagame.

Inkotanyi Karenzi Karake yicajwe mu kumba bashyiramo abashinjwa ibyaha. Yicaye akikijwe n’abacunga-mbohe babili, naho uwa gatatu akaba yari yicaye areba mu cyerekezo cy’abo bagenzi be babiri bakikije uregwa. Inkotanyi Karenzi Karake yazanywe mu rukiko yambaye igisalupeti cy’amabara abonerana y’icyatsi n’umuhondo cyanditsweho mu bitugu amagambo HM PRISON, bita hano mu Bwongereza “escape suits”, bakunze kwambika ba ruharwa bakekwaho ko bashobora gutoroka.

Agitunguka muri ako kumba bicazamo abashinjwa, yambaye icyo gisalubeti, mu banyarwanda bari aho mu cyumba cy’indorerezi hari abatangaye, barimyoza, barahuuma, bigaragaza ko batunguwe no kumubona muri iyo myenda y’imbohe. Hari n’abagore bapfunetse bararira ku buryo bugaragara.
Mbere yo kwicara aho bamweretse yazamuye akaboko areba mu cyerekezo cy’ahicarwa n’indorerezi, bamwe mu ntore za Leta y’Inkotanyi zari zirimo bakoma amashyi.

Mu gutangiza urubanza, umucamanza Quentin Purdy yasabye inkotanyi Karenzi Karake guhaguruka akavuga amazina ye n’igihe yavukiye. Karake amaze kubivuga, yabajijwe niba yemera kwoherezwa mu gihugu cya Espagne kuburanirishwayo ibyo abaespanyole bamushinja, cyangwa niba atabyemera. Yashubije ko atemera kwoherezwa muri Espagne.

Mbere yo gusuzuma niba Karake ashobora kuburana ibyo bya extradition ari mu munyururu cyangwa ari hanze, umucamanza Purdy hamwe na ba avoka bombi, uhagarariye Ubushinjacyaha n’uhagarariye Karake bagiye muby’amatariki kugira ngo bemeze igihe amadosiye n’ibimenyetso bizaba byarangije kwegeranywa n’igihe urubanza rushobora kuzatangira kuburanishwa nyabyo. Bumvikanye ko rwazaburanishwa mu mpera z’ukwezi kwa 10, ku tariki ya 29.

prison-escape-suitMu rukiko, Inkotanyi Karenzi Karake yari yambaye umwenda w’abanyururu nk’uyu.

Ku birebana no kuba yahabwa uburenganzira bwo kuba ari hanze ya gereza kugeza igihe umwanzuro urebana na extradition uzafatwa n’urukiko, uhagarariye ubushinjacyaha yasobanuye impamvu abona ko bitaba byiza ko inkotanyi Karenzi Karake yaba ari hanze by’agateganyo. Yavuze ko afite impungenge zikomeye ko Karenzi Karake yakoresha amayeri yose agatoroka akava mu Bwongereza, cyane cyane ko nta muryango cyangwa imitungo afite mu Bwongereza kandi Leta y’inkotanyi ikaba yashobora no kumufasha gutoroka, cyane cyane ko byagaragaye ko iyo Leta na Ambasade yayo mu Bwongereza barwanya bikomeye iby’ifatwa n’iburanishwa ry’inkotanyi Karenzi Karake.

Bwana Mark Summers waburaniraga inkotanyi Karenzi Karake we yasobanuriye umucamanza impamvu uwo aburanira yakurwa mu munyururu akaburana ibya extradition ari hanze.

Mu mpamvu z’ingenzi yatanze harimo:

– Kuba bazerekana bihagije ko impapuro za Espagne zo kumuta muri yombi bagendeyeho zidakwiye guhabwa agaciro

– Kuba Karenzi Karake agendera kuri pasiporo diplomatique akaba yagombaga ubudahangarwa; aha, avoka wa Karenzi Karake yahaye umucamanza pasiporo itukura y’abadiplomates Karenzi Karake yagendeyeho ndetse ikaba yari irimo na viza yatewemo na Ambasade y’Abongereza. Umucamanza yabajije impamvu bavuga ko Karenzi Karake yari mu misiyo y’igihugu kandi viza iteye muri iyo pasiporo ikaba yerekanye ku yari agiye muri Visit na Business. Uwunganira Karenzi Karake yavuze ko ariko Abongereza bakunze kubigenza.

– Kuba bizagaragazwa ko gusaba ko Karenzi Karake ajya imbere y’ubucamanza bwa Espagne ari igikorwa cya politiki atari ukubera gushishikazwa koko n’ubutabera kandi hakaba hari ibimenyetso ko imiryango yo muri Espagne ikomeza gusaba iburanishwa ry’abategetsi b’u Rwanda ifite ubufatanye n’abagize uruhare muri jenoside, harimo na FDLR;

– Kuba Karenzi Karake atari umuntu wo muri rubanda rusanzwe, ahubwo akaba ari umuntu ukomeye cyane kandi wubashwe mu Rwanda no mu mahanga. Aha umwunganizi wa Karenzi Karake yasobanuye ko urebye imirimo Karenzi Karake ashinzwe mu Rwanda, kumufunga ari kimwe no gufunga Diregiteri wa CIA. Yibukije kandi ko Karenzi Karake yabaye umwe mu bayobozi bubashwe kandi bashoboye bategetse Misiyo ngaruramahoro y’ingabo za LONI i Darfur muri Sudan.
Yakomeje avuga ko u Rwanda ari igihugu cyizewe kandi kinafashwa n’Ubwongereza ndetse ko no mu madosiye arebana n’iyicwa ry’abasipanyole, u Rwanda rwakoze ibishoboka byose mu gukora anketi, gucira imanza abo anketi zagaragaje no kwerekana ubushake mu gufatanya na Espagne kurangiza icyo kibazo.

Ku birebana rero no kuba Karenzi Karake yavanwa mu gihome by’agateganyo, umwunganiye yavuze ko Leta y’u Rwanda yamwishingira rwose kandi ikizeza umucamanza ko Karenzi Karake atazatoroka u Bwongereza.

Ku birebana n’aho yaba mu gihe Karenzi Karake ategereje iburanishwa ry’urubanza n’umwanzuro warwo, umwunganira yahaye umucamanza adresi z’amazu abiri akodeshwa na ambasade y’u Rwanda i London ariko akaba adatuwemo ubu , anagerekaho ko umucamanza aramutse atizeye iby’ayo mazu, ashobora kwemerera akazaba kuri adresi y’inzu ituwemo na Ambasaderi ubwe. Umucamanza abajije ibyerekeranye n’ubudahangarwa bw’inzu nk’iyo ya Ambasaderi, umwunganizi yavuze ko Ambasaderi w’u Rwanda yiteguye gusinya impapuro zivana ubudahangarwa ku nzu bazacumbikiramo inkotanyi Karenzi Karake muri icyo gihe cyose.

Umucamanza yabajije abunganira inkotanyi Karenzi Karake kumubwira umubare w’amafaranga y’ingwate baba biteguye gutanga kugira ngo rwose bigaragare ko uwo Karenzi Karake azakurikiza amabwiriza azahabwa yose kugira ngo ategererereze hanze iburanishwa n’umwanzuro by’uru rubanza. Abunganira Karenzi Karake bahise bongorerana hagati yabo, banavugana na Ministri w’Ubutabera w’u Rwanda hamwe na Ambasaderi w’u Rwanda bari babicaye inyuma, maze babwira umucamanza ko biteguye gutanga ibihumbi 200 by’amapawundi. Umucamanza yabyumvishije ariko ababwira ko umuntu wo mu rwego nka ruriya, uregwa ibyaha biremereye nk’ibyo ashinjwa, atagwatirirwa munsi ya miliyoni y’amapawundi. Umwunganizi wa Karenzi Karake yavuze ko iramutse ariyo yemejwe n’umucamanza nayo bayitanga.

Umucamanza yanabajije niba, aramutse yemeye kumurekura by’agateganyo, bashobora gutanga numero ya telefone igendanwa inkotanyi Karenzi Karake yahora afite aho ari hose kugira ngo igihe abapolisi bamushakiye bamubone. Umwunganizi yemeye ko iyo numero ya telefone bayitanga rwose.

Umucamanza yababwiye ko aramutse yemeye ko Karenzi Karake yarekurwa by’agateganyo yategekwa kujya yitaba kuri stasiyo ya polisi ya hafi y’aho yacumbikirwa. Umucamanza yabahaye urupapuro ruriho urutonde rwa za sitasiyo za polisi i London, abasaba guhitamo stasiyo ya polisi imwe iri hafi y’imwe muri ya mazu abiri akodeshwa na ambasade ariko adatuwemo ubu. Ambasaderi yahamagaye Bwana James Uwizeye, umwe mu bakozi ba Ambasade wari wicaye mu cyumba cy’indorerezi, maze abafasha guhitamo sitasiyo babwira umucamanza.

Ibyo byose birangiye, umucamanza yahise abwira uregwa n’abari aho bose ibyo ategetse.

Yemeye kurekura inkotanyi Karenzi Karake by’agateganyo kugeza igihe umwanzuro w’urubanza rwo kumwohereza muri Espagne uzafatirwa.
Umucamanza akimara gutangaza icyo cyemezo, Cherie Blair yahindukiye areba Ambasaderi na Ministri w’Ubutabera ba Leta y’Inkotanyi bari bicaye inyuma ye, maze yerekeza igikumwe cye hejuru, nko kwerekana ati ‘turagitsinze’!

kayenzi

Conditions zijyana n’iyo ‘bail’ umucamanza yatanze ni:

Karenzi Karake:

1) ategetswe gutanga ingwate ya miliyoni imwe y’amapawundi (£1,000,000) kugira ngo ave mu munyururu aburane urubanza rwa extradition ari hanze;

2) agomba gucumbikirwa gusa mu nzu umucamanza yahisemo muri za zindi ebyiri zidatuwe Ambasade ikodesha;

3) agomba buri joro kuba ari kuri iyo adresi kuva saa 20h nimugoroba kugeza saa 08h mu gitondo;

4) agomba kwambikwa ku kaguru akuma ka ‘electronic tag’ adashobora kwiyambura kagenewe kwereka abapolisi buri gihe aho aherereye kugira ngo bazajye bahita bamenya igihe yaba ageze aho atemerewe kujya.

5) agomba kujya kwiyerekana buri munsi mbere ya saa sita kuri sitasiyo ya polisi y’i Barnet;

6) agomba, aho ari hose, kuba afite telefone igendanwa kandi iyo telefone ntizigere ibura umuriro na rimwe; numero y’iyo telefoni izaba iri ku rupapuro umucamanza azasinya ngo Karenzi Karake arekurwe by’agateganyo;

7) ntashobora gusubizwa pasiporo yagenderagaho;

8) abujijwe kuba yashaka indi pasiporo cyangwa izindi mpapuro z’inzira zatuma ashobora kujya hanze y’u Bwongereza, haba ku mazina ye bwite cyangwa ku matirano;

9) abujijwe kuba yakwegera hafi y’aho abajya mu mahanga bashobora kunyura, nko ku bibuga by’indege;

10) abujijwe kurenga imbibi z’umuhanda M25 ukikije umujyi wa London;

11) azahita afatwa asubizwe mu munyururu naramuka arenze kuri imwe muri izo conditions z’ubugwate kandi icyo gihe ntazasubizwa iyo ngwate ya £1,000,000.

12) azasubizwa iyo ngwate yose uko yakabaye gusa nyuma y’uko urubanza rwo kumwohereza cg kutamwohereza muri Espagne rurangiye atarigeze arenga kuri condition n’imwe y’ubugwate bwe.

Umucamanza yabajije inkotanyi Karenzi Karake niba yumvise neza izo conditions kandi niba azemeye, amusubiza ko azumva neza kandi azemeye.

Umucamanza yategetse ko iburanishwa ry’urubanza nyirizina rizaba ku tariki ya 29/10/2015.

Umucamanza akimara kugenda, abapolisi bahise basohokana inkotanyi Karenzi Karake. Icyo gihe zimwe mu ntore za Leta y’Inkotanyi zasohokaga mu cyumba cy’indorerezi zatangiye kuririmba ngo ‘Tuzarurwanirira’, mu gihe abandi bavugaga ngo ‘shiiiiii” babibutsa ko ari ngombwa kutifata nk’ababuraburere cyangwa abasazi mu rukiko.

Simeon.
Ijwi Rya Rubanda.

  1. Mu byavuzwe n’uwaburaniraga inkotanyi Karenzi Karake ariko ntasobanukiweho neza impamvu byazamuwe, ni ibyerekerana ngo na‘Mongolian case’ yaba yarateye ibibazo bikomeye hano mu Bwongereza. Aho ntibaba barakoraga reference ku bibazo byavutse mu rubanza rwa maneko mukuru wa Mongolia, nawe wafashwe n’abongereza, imanza zikavurungutana, bikarangira yoherejwe mu Budage bwari bwatanze impapuro zo kumuta muri yombi? Uwaba yari mu rukiko akaba yarumvise neza iby’iyo case bakozeho reference yazadufasha gusobanukirwa.

Imikorere ya FPR-Inkotanyi isa neza neza n’iy’ingoma ya PILATO !

Leave a reply


barabasi11-300x200

« Turashaka BARABASI……. », « Turashaka BARABASI……. »

1. PILATO

Hari umugabo w’Umuromani wabaye ikirangirire cyane kubera imikorere ye n’urubanza yaciye rutazibagirana mu mateka y’isi . Uwo ni Ponsiyo PILATO(Pontius Pilatus) wabaye Guverineri  w’Intara ya Yudeya ahagana mu myaka 26-37 nyuma ya Yezu.

Hari ikintu kidasanzwe  cyatumye amateka agumana izina rya PILATO  kurusha iry’abami b’ibihangange . Ni uko mu rubanza rumwe yakatiye “intungane” Yezu w’i Nazareti (Yudeya) igihano cyo kwicwa abambwe ku musaraba hanyuma akamugurana  “umugiziwanabi”  kabuhariwe witwaga BARABASI wari waramaze abantu ! Ibyo kandi yabifashijwemo n’Abaherezabitambo b’abayahudi bashoye rubanda mu myigaragambyo basabira Yezu ngo “ Nabambwe”, ndetse bakongeraho ngo “Rekura BARABASI”, mbese nk’uko  byifashe i Kigali uyu munsi, aho rubanda iri gutera hejuru ngo nibayirekurire BARABASI (KK)wayo!

ponce

Iryo banga-ngengamikorere ryo “guha intebe ikibi ukavumira icyiza ku gahera”, niryo ryatumye uyu mugabo Pilato akomeza kuvugwa uko ibisekuruza byagiye bisimburana, ndetse bigera n’aho izina rye ryandikwa mu ndangakwemera y’abakirisitu ngo : “ Yabambwe ku musaraba ari twe agirira, ku ngoma ya Ponsiyo Pilato, niho yababajwe, arapfa maze arahambwa”.

2. Ingoma ya POLO Kagame mu kirenge cy’iya PILATO

Kuva FPR yafata ubutegetsi mu Rwanda hadutse umuco udasanzwe wo Gucurika Indangagaciro: imyitwarire yari isanzwe yarumvikanyweho nk’ikwiye kubahwa no kubahirizwa iteshwa agaciro burundu ! By’umwihariko hari ingeso mbi eshatu zahawe intebe kurusha uko byari bisanzwe mu Rwanda. Koko rero uwazigwagamo mbere yahabwaga induru, akicwa n’isoni, agacyura ikimwaro. Ariko ubu ahubwo izo ngeso zagizwe indangagaciro “Regime” ya POLO yubakiyeho  :

(1)Kubeshya no kubeshyera abandi mu ibanga, mu ruhame no mu Nkiko bikitwa ubwenge(Kumeneka-Abamene, Gutekinika-Abatekinisiye ),

(2)Kurushanwa kurenganya no kwica abaturage ukabihemberwa (amapeti , kuzamurwa mu ntera)

(3)Ingeso yo « Gusahura iby’abandi »  yagizwe nk’itegeko rikungahaza abibona mu nda y’ingoma.

Isanduku-y-abo-kagame-yishe

(Iyi  igaragaza Kagame yikoreye isanduku yo ni photo montage)

Byumvikane neza ko kugira ngo UMUCURI nk’uyu (renversement des valeurs) ushobore gukwirakwizwa mu gihugu hose byabaye ngombwa ko  hifashishwa ingufu z’iterabwoba rya gisilikari. Aha ni naho dushingira twemeza ko uyu MUCURI utagwiririye u Rwanda ahubwo watekerejwe nka “strategie” y’ubutegetsi bwa FPR-Inkotanyi buhora bukenera “gucanga” abaturage (guhinduranya AMAKATA) kugira ngo bushobore kubayobora buhumyi.

By’umwihariko mu byerekeye Ubutabera n’ubucamanza niho FPR yerekaniye kamere nyakuri yayo mu kugaragara ku buryo buhoraho nk’ishyize imbereuguhana yihanukiriye inzirakarengane no kugororera abicanyi ruharwa n’abagizibanabi b’amoko yose !

Aha niho Ingoma ya POLO ihurira n’iya PILATO, bikaba mahwi !

3.Niba ubishidikanya ngaho nsubiza ibi bibazo bikurikira :

(1)Kuki ubuzima bugomba guhagarara mu igihugu ngo rubanda igata imirimo ngo igiye kwigaragambya iririra  KARENZI KARAKE mu gihe nta wemerewe kwigaragambya asaba ko harenganurwa KIZITO Mihigo, Victoire Ingabire UMUHOZA, Deogratias MUSHAYIDI…?

Ese abo Karenzi Karake yiciye nabo bafite uburenganzira bwo kwigaragambya basaba ubutabera ? Ariko nanjye ndigiza nkana wa, babanje se bagahabwa n’ubwo gushyingura abo!

Ibyaha by’ubwicanyi Karenzi Karake na bagenzi be nibura 40 bakurikiranyweho si ibihimbano, si ibyo dushidikanyaho, si ibyo tubarirwa, ni ibyo twiboneye n’amaso yacu ! Byinshi muri byo byakozwe ku manywa y’ihangu, n’ibyakozwe nijoro ntihabuze  bake babirokotse  akaba ari nabo ubu batanga ubuhamya . Koko rero nta bapfira gushira!

Intwari-Kizito-Mihigo

(2)Nyamara se Kizito Mihigo yakoze iki kibi cyatumye igihugu kimuhagurukira kikamukoza isoni imbere y’isi yose, aho yari yarambariye inkindi akahambarira incocero(roza) ? Azira UBUSA ! Nashoboye kumenya inkuru y’ukuntu yajyaga  yegura inanga ku mugoroba akajya KWIBIKIIRA umukecuru nyina wa Paul Kagame, akamucurangira uturirimbo dutuje, umukecuru yamara gusinzira, Kizito akabona gutaha! None inyiturano ibaye iyo kumuzimya atabyaye. Ikibi se yakoze ni ikihe ?  Itekenika rigasubiza ngo : « Yavuze ko azica Kagame », (Nka babandi ngo  « Yavuze ko azasenya Hekaru akayubaka mu minsi itatu !!!!). Ukibaza uti « Ese Kizito azicisha Kagame indirimbo ko nta yindi ntwaro agira kandi akaba ntawundi yaririmbye ibigwi nka Kagame » ?!!  Abatekinisiye bati : “Nafungwe burundu ye ” ! Igihugu nk’icyacu cyihutira kwitura inabi Umucuranzi w’ineza si icyahaye intabe Inkozizibibi ? “VOILA”, ngiyo imikorere ya PILATO neza neza!

Victoire-Ingabire-handcuffed-in-court

(3)Nk’uyu mubyeyi Victoire Ingabire UMUHOZA, intwari yatabaye aho abagabo bahuutswe, ikemera gusiga byose , urugo, umugabo n’abana bato, ikitangira uRwanda yifuza ko habaho ubutegetsi bushingiye ku mahame ya demokarasi, abenegihugu bose bakabana bareshya ntabaryamira abandi, ninde wagaragaza ikibi yaba yarakoreye u Rwanda cyatuma asuzugurwa bigeze hariya, akogoshwa umusatsi,  agafungwa nk’ingambanyi n’umugome ? Igihugu nk’iki cyacu gikoma mu nkokora INTWARI nk’iyi si icyigaruriwe n’IBIGWARI ? Ngiyo ingengabitekerezo  nyakuri ya PILATO !

Mushayidi

(4)Naho se Deogratias MUSHAYIDI  wakomeje kuburira Abanyarwanda atinimugarukire ukuri n’ugusaranganya neza ibyiza by’igihugu, mwirinde irondakoko; ati kuko niba dusubiye muri gihake yo ku ngoma ya cyami, tuzongera tugire ingorane nk’izo twahuye nazo muri za 59!  Aho yabeshye ni he? Ubu se umutegetsi ukatira urwo gupfa umuhanuzi nk’uyu, si uwanga urumuri akikundira umwijima, akarwanya ukuri maze akihitiramo kwimika ikinyoma ?  PILATO se nyine si uko yakoraga,  neza neza ?

UMWANZURO

Ingoma ya POLO irasa neza neza n’iya PILATO, mu korora Abicanyi n’Abatekamutwe, ikica Abagiraneza n’Inyangamugayo.

Ubu rero igihugu cyose cyatawe ku munigo ngo gikunde gicike ururondogora ku ngufu, ngo ishyano riraguye, ngo isi irashize, ngo « Abanyafurika basuzuguwe n’Abanyabulayi « (nk’aho Abanyafurika bose ari abicanyi nka Karake!) ngo kubera ko ruharwa KARENZI K. yafatiwe mu Bwongereza hagamijwe kumushyikiriza Urukiko rw’igihugu cya Espagne kugira ngo asobanure   iby’Abasipanyolo yishe cyangwa yicishije! Kuki se atagomba kubibazwa nyine ? Kuko ari Inkotanyi y’amarere gusa ? Kuki Inkotanyi zikomeza kwishuka ko zahawe  UBUDAHANGARWA buzira iherezo buzahora buzifasha kugirira abandi nabi ? Ninde washutse Inkotanyi ko ibyaha by’ubwicanyi bwa buri munsi, ikinyoma kirenze urugero, iterabwoba rikabije, ugusahura iby’abandi nta rutangira n’akarengane kadahuga bagirira rubanda…  bitazagira ingaruka ku babikora ? Ni kuki POLO n’ABIRU be batabona ko ibihe birimo kubahindukana ngo bahindure imvugo n’ingiro, bacishe make, bafungure urubuga rwa politiki, bemere ibyaha bakoze, babisabire imbabazi bityo dutangire turebe ko twazihangana tukabagabanyiriza ibihano !?

Nyir’amaso yerekwa bike, ibindi akibonera.  Gusa ndahamya ko rubanda nyarwanda irambiwe bidasubirwaho imikorere iteye nk’iy’ingoma ya PILATO !

Turashaka UBUTABERA nyabwo, kandi ubu nyine twavuye hasi tuje kubuharanira. Ntawundi rero ubitubereyemo !

Padiri Thomas Nahimana,

ISHEMA ry’u RWANDA

Tel: 0033652110445

Email: nahimanathom@gmail.com

Ifatwa n’ifungwa ry’umwicanyi kabuhariwe Jenerali Karenzi Karake: Ikimenyetso cya nyuma cy’Ukurunduka kw’ingoma y’Agatsiko ?

Leave a reply

karenzi-300x184Kuri uyu wa gatandatu taliki ya 20/6/2015 Liyetona Jenerali Karenzi Karake, Maneko mukuru wa Kagame(NISS) yafatiwe ku kibuga cy’indege cya Heathrow kiri hafi y’umujyi wa Londres, mu gihugu cy’Ubwongereza . Ubu Karenzi Karake yamaze kugezwa muri Gereza ya BELMARSH (High Security Prison) ahafungirwa abicanyi kabombo, akaba ariho ategerereje koherezwa mu gihugu  cya  Espagne ngo kimuburanishe.

Twibutse ko mu mwaka w’2008, Umucamanza w’Umusipanyoro witwa Fernando Andreu Merelles yasohoye Manda mpuzamahanga 40 zo gufata abayobozi bakuru b’igisilikari cy’Inkontanyi abashinja jenoside n’ibyaha by’intambara  bijyanye ahanini no kurimbura abantu benshi  mu Rwanda no muri Kongo.

Ifatwa rya Karenzi Karake risobanura iki !

Si ubwa mbere Karenzi Karake yari agiye kwidegembya mu Bwongereza nyamara ntiyari yarigeze afatwa , manda yo kumufata yahoraga yirengangizwa!

Iri fatwa rero rifite igisobanuro cyane cyane ko rije risoza uruhererekana rw’ibindi bikorwa n’ibimenyetso bidasanzwe. Reka twiyibutse iby’ingenzi muri byo :

(1) Kagame yatangiye gutsindwa ruhenu mu mwaka w’2013 ubwo umutwe w’abicanyi yiremeye witwa M23 wakoranirwaga n’amahanga bakawushwanyagurisha umuriro nk’abatwika ibihunda byumye! Terminator wawuyoboraga yarafashwe ajyanwa i La Haye, ubu ategereje kuburanishwa vuba aha . Kagame ntiyahakuye isomo ngo yikengere.

(2) Bwarakeye abicanyi be bafata gahunda yo kwambuka imipaka bajya gutsinda impunzi mu buhungiro, muri zo Koloneli Patrick Karegeye yicwa mu ijoro rishyira italiki ya 1 Mutarama 2014, anigishijwe ikiziriko muri Hotel y’i Johanesburg! Kagame watunzwe agatoki n’Urukiko rwa Afurika y’Epfo ntiyatinye kubyigamba ku mugaragaro, agira ngo bizarangirira aho, Abiru be si ukumuha amashyi bava hasi ! Ntibakamenye….

(3) Hakurikiyeho kwaduka mu banyarwanda banyuranye barafungwa karahava , abadashoboye gutorongera baricwa . Nta wakwirengagiza uko barenganyije umwana Kizito Mihigo wabaririmbye, akabacurangira, akabahimbira ibisigo n’ibisingizo…bakamwitura kumuvuna ibyubi ! Ntawakwirirwa arondora amazina y’abasilikari bakuru batawe mu kagozi ku maherere. Ntawaceceka urupfu rwa Assinapol Rwigara…n’imirambo yagaragaye ireremba mu Kiyaga cya Rweru ! Ibyo byose Kagame yakomeje kwibwira ko bitazagira ingaruka!

(4) Taliki ya 1/10/2014 (Umunsi ngaruka mwaka w’itangazwa rya Mapping Report) Abongereza baratunguranye basohora Cinema ikarishye yitwa Rwanda’s untold story yashinjaga Paul Kagame n’abagererwa be kugira uruhareRUFATIKA muri jenoside yarimbuye Abatutsi no mu bwicanyi ndengakamere bwarimbuye Abanyarwanda n’Abanyekongo basaga miliyoni eshanu.

(5) Leta ya Kagame yakiriye nabi isohoka ry’iyo sinema, yiciraguraho karahava maze igiye kwihenura ikuraho agahu: nibwo ifunze burundu umurongo wa Radio BBC-Gahuzamiryango ngo ntizongere kuvugira mu Rwanda ukundi ! Kagame yakomeje gusuzugura icyifuzo cy’Ubwongereza cyo kongera gufungura iyo Radiyo, n’uyu munsi Abongereza n’Abanyamerika bari bakimusaba kuyifungura ! Koko ye ngo “utazi ikimuhatse areba…..”! Iyuzurize nawe singiye kuba umushiziwisoni .

(6) Mu minsi ishize Kagame n’Abiru be badukanye gahunda idasanzwe yo kubeshya amahanga no gusuzugura Abanyarwanda mu kubasinyisha ku ngufu za ‘petitions” ngo zisaba ko ingingo y’101 y’Itegekonshinga ryo mu 2003 yahindurwa kugira ngo Kagame agirwe umwami w’u Rwanda ubuziraherezo ! Ngo kuko ariwe wenyine  “Gitangaza” gishoboye kuyobora u Rwanda bambe !

(7) Leta y’Amerika imaze kumenya neza ko iryo hindurwa ry’ingingo y’101 riri gutegurwa mu buriganya bukabije(dol) n’iterabwoba (contrainte) rirenze ukwemera yihutiye gutangaza ko yiteguye gukorana n’umuperezida mushya w’u Rwanda kuko basanga Kagame acyuye igihe , amategeko yishyiriyeho akaba atamwemerera kongera kwiyamamaza bwa gatatu! Kagame yabiyemeyeho ku mugaragaro avuga ko iyo yumvise hari abantu biha kumubuza kugundira butegetsi, ngo yumva yabikorera icyo ! Muri make yibwiye ko abakubye na zero ! Igikenya nticyumva ihoni koko !

(8) Muri iyi minsi ikibazo cy’Uburundi gihangayikishije benshi , amahanga yarangije kubona neza ko Paul Kagame afite uruhare rukomeye mu kaduruvayo kari guhitana inzirakarengane mu gihugu cy’Uburundi. Ndetse byarangije gusakara hose ko abicanyi ba Kagame barimo gutoreza ku butaka bw’u Rwanda umutwe w’insoresore ziteguye kugaba igitero ku Burundi hagamijwe kurimbura umubare munini w’abarundi, gukuraho ubutegetsi buriho no kwimika abasogosi Kagame yishakiye . Iyi ntambara yegereje hagati y’u Rwanda n’Uburundi ikaba kandi  ibonwa n’abashishoza nk’ishobora kwatsa umuriro mu Karere kose k’Ibiyaga Bigari.  Aho Kagame we nayiteza azayihonoka ?

UMWANZURO

Kagamepix

Niba ibihugu by’ibihangange byashyize Kagame ku butegetsi bikanakomeza kumufasha no kumukingira ikibaba bimaze kugaragaza ko birambiwe amakosa ye akabije , ndetse akaba amaze guhinduka “ Un allié encombrant “,  ararye ari menge , IBIHE BYAHINDUTSE , iminsi ye irabaze.

Ugufatwa kwa Karenzi Karake nicyo kimenyetso cya nyuma cyerekana ko noneho koko ubutegetsi bw’Agatsiko bwinjiye muri “Mteremko sans retour”! Karenzi Karake naramuka yoherejwe imbere y’urukiko, akuburanira muri Espagne, amabanga yose azajya ahagaragara, n’ abafatanyacyaha be bose harimo HE, bazatoragurwa nk’imegeri mu minsi iri imbere aha. N’iyo bahitamo  kwifungiranira mu Rwanda ntibogere gusohoka, nta cyemeza ko batafatirwa no mu Rwanda  cyane cyane nibakomeza kwishora mu bikorwa byo guteza akaduruvayo mu Karere k’Ibiyaga bigari. Guterwa mu buryo bwa gisilikari nabyo bizaba bishoboka kuko kurwanya abagizibanabi (terroristes) ari inshingano y’Umuryango mpuzamahanga.

Muri make , igihe cyo gukomeza kwigira ba Nyiramukubitwa kirarangiye, hatangiye igihe cy’Ubutabera na Demokarasi.

Niyo mpamvu twongeye guhamagarira Abanyarwanda kutemera gukomeza kuba INDOREREZI mu gihe igihugu cyabo kiri mu kaga. Amahanga arakora umurimo wayo, ariko ntazadukorera uwacu : KWIBOHOZA iyi ngoma y’igitugu yubakiye ku iterabwoba n’ugusahura ibyiza byose by’igihugu ni inshingano yacu nk’abenegihugu.

Ubu noneho ya Revolisiyo ya rubanda irashoboka uyu munsi,kurusha ejo hashize , kereka nidukomeza kwirangaraho!

Gusa njye ndareba ngasanga Paul Kagame akwiye guhabwa  amahirwe ya nyuma yo kugarura ibintu mu nzira nzima…ikibazo ni uko yikundira kumva abamushuka bonyine!

Padiri Thomas Nahimana,

ISHEMA Party 

Tel :0033652110445

Email: nahimanathom@gmail.com

UK arrests Rwanda spy chief over alleged war crimes

Leave a reply

29E5477800000578-0-image-a-9_1435355500540

(CNN)UK officials arrested Rwandan intelligence chief Emmanuel Karenzi Karake at London’s Heathrow Airport in “connection with war crimes” in a move that has outraged Rwandan government officials.

The British High Commission in Rwanda confirmed Tuesday that the Metropolitan Police arrested Karake, who’s the head of Rwanda’s National Intelligence and Security Services, early Saturday on behalf of the Spanish authorities.

“This was a legal obligation, following the issue of a valid European Arrest Warrant,” the commission said on its Facebook page. It added that Britain had been “a close partner in Rwanda’s remarkable progress since the horrific events of the genocide in 1994.”

The Metropolitan Police said Karake, 54, appeared before Westminster Magistrates’ Court on Saturday afternoon “after being arrested on a European Arrest Warrant on behalf of the authorities in Spain, where he is wanted in connection with war crimes against civilians.”

Karake was remanded in custody and is due to appear in court again Thursday, police said.

His arrest will doubtless stir up painful memories around the Rwandan genocide two decades ago.

Louise Mushikiwabo, minister for foreign affairs and co-operation in Rwanda, expressed her anger over the arrest via Twitter.

“Western solidarity in demeaning Africans is unacceptable!! It is an outrage to arrest #Rwanda-n official based on pro-genocidaires lunacy!” she tweeted.

Mushikiwabo also said that the United Nations had in 2009 “amply documented” that the Spanish nongovernmental organizations she said were behind the “preposterous” European Arrest Warrant for Karake supported a Hutu militia group.

In 1994, Hutu extremists in Rwanda targeted minority ethnic Tutsis and moderate Hutus in a three-month killing spree that left an estimated 800,000 people dead. Hutu attackers burned down churches with hundreds or thousands of Tutsis inside. In some cases, wielding machetes, they entered homes and slaughtered children and grandparents.

The violence was triggered by the death of President Juvenal Habyarimana, an ethnic Hutu, in an April 1994 plane crash.

The armed forces of now-President Paul Kagame’s Rwandan Patriotic Front, of which Karake was also a member, eventually defeated the troops, stopping the wave of bloodletting.

Rights groups have since accused the Rwandan Patriotic Front — a Tutsi-dominated group — of killing thousands of Hutu civilians in the aftermath of the genocide.

The European Arrest Warrant issued by a Spanish judge in 2008 accused 39 other Rwandan officers besides Karake of wrongdoing.

Remembering — and trying to forget — Rwanda’s genocide, 20 years on

CNN’s Annie Rose Ramos, Margot Haddad and Carol Jordan contributed to this report.

Guhindura itegekonshinga, impamvu y’intambara y’amasasu mu Rwanda.

Leave a reply

11401014_1000982639942682_4495741431164951401_n

Nta n’umwe mu bakada ba FPR utabona neza ko icyo Kagame agiye kubazanira ari intambara! Baribaza bati twageze aha dute koko( How did we get here?)

Nyuma y’umwiherero(cyangwa kongere!)  wabereye  mu  Murenge wa Rusororo, Akarere ka Gasabo , mu mujyi wa Kigali , ku mataliki ya 13 na 14 Kamena 2015 ukaba warahuje  Perezida Paul Kagame na ba bantu  600 bafite inshingano yo kumufasha kuyobora Ishyaka rya FPR-Inkotanyi no  gukwirakwiza iterabwoba mu giturage ,   ibyahwihwiswaga bibaye impamo.

Ubu noneho ibintu bitangiye kujya ahagaragara, impamvu y’intambara y’amasasu (causa belli) irabonetse mu Rwanda. Byumvikane neza ko atari ABATARIPFANA bateganya gushoza iyo ntambara isesa amaraso : ntayo dushyigikiye, ntayo dushaka , nta n’iyo dukeneye. Gusa iyo intambara ije igira uko irwanwa, ikagira abiyemeza kuyirwana ariko n’abo igwirira si bake!

Ibyo ngiye gutangaza  aha simbivuga nk’uwishimiye ibyago by’umuryango we, ndabivuga nk’UMUHANUZI urira igihugu cye abona neza ko cyatangiye gushorwa mu nzira yo kurimbuka!

I. Iyo intambara  zijya gutera haboneka abantu bigira ba “KAMARA”!

Ngo akamasa kazaca inka kazivukamo ! Amateka y’isi atwereka ko iyo mu gihugu runaka hadutse umuntu cyangwa Agatsiko k’abantu bumva :

(1)  Ko ari bo bonyine ba “KAMARA”,

(2)  Ko aribo bonyine bazi uko igihugu kiyoborwa,

(3)  Ko aribo bavukiye gutegeka abandi benegihugu bakaba baravukiye kubabera abagaragu

(4)  Ko ibyiza by’igihugu byose ari akarima kabo bonyine

(5)  Ko bavuye ku butegetsi igihugu kitakongera kubaho…..

intambara karundura iba igiye gutera ! Impamvu ya bene iyo ntambara ihora ari imwe rukumbi : ntihabura bamwe mu benegihugu banga guhindurwa INKOMAMASHYI n’ABAGERERWA kandi  biyumva nk’abagabo n’abagore biyubashye, bityo bagafata icyemezo kidakuka cyo kurwana ku ishema ryabo, aho gupfa nk’imbwa z’imirizo bagahitamo gupfana intwaro mu ntoki barengera uburenganzira bwabo !

Intambara zo guharanira ubwigenge (guerres de libération armée)  zagiye zitangira ari uko bamwe muri ba Kavukire  biyemeje kwanga Umukoloni wigize Kamara bagahitamo kurwanira ubwigenge bw’ibihugu byabo.

Intambara z’Abarevolisiyoneri (Guerres révolutionnaires) nazo ni uko zitangira, iyo habonetse abaturage banga guhindurwa Inkomamashyi n’Agatsiko k’abenegihugu  kigize kamara kagashaka kwambura abandi  benegihugu uburenganzira bwabo no kubahindura abacakara .

II. Byagenze bite mu  Rwanda ?

1.Kugeza mu myaka y’1959, hariho ingoma ya cyami na gihake yumvaga yaragenewe kuzagenga u Rwanda ubuziraherezo. Iyo ngoma yari ishingiye ku muntu, inzu, n’ubwoko bumwe.  Umwami wenyine niwe wafatwaga nk’isooko y’ubutegetsi (Au Souverain, la souveraineté).  Umwami n’abiru be biyumvaga nk’aho aribo bonyine batunze ibanga ry’uko igihugu kiyoborwa . Umwami yumvaga ari we Nyirigihugu wenyine  abandi benegihugu bose bakaba ABAGERERWA be. Abantu n’ibintu byose byo mu gihugu byabarwaga nk’umutungo bwite w’Umwami. Yaragabaga, akanyaga. Yicaga uwo ashatse agakiza uwo yishakiye. Yumvaga kandi ko Imana iri ku ruhande rwe bityo ingoma ye ikaba idateze kugira iherezo.

Iyo myumvire iteye ityo yateye abami 3 ba  nyuma b’u Rwanda ikintu gisa n’ubuhumyi buhambaye  bityo ibanga rikomeye rirabihisha, batungurwa no kumenya ko “ibihe bihora bisimburana iteka”, batahura impitagihe ko “BIHIBINDI” na we ari umwana w’umunyarwanda! Kubera gukikizwa n’abagereerwa mu mwanya w’abajyanama b’abataripfana , Umwami wa nyuma w’u Rwanda yagiye gukanguka asanga yarumiye ku ruhu nka cya kirondwe kandi inka yarariwe kera !

Mu myaka ya 55, abasore (Nouvelle Génération) bari barasogongeye kuri “Filozofiya” ikabafasha kwicengezamo icyo Uburenganzira bwa muntu bivuga ikabongerera gushishoza no kumenya bwangu aho Umuyaga w’impinduka( The wind of change) werekezaga, bafashe icyemezo cyo “gusheta”amagara yabo, bahagurutsa RUBANDA RUGUFI. Iyo rubanda rugufi ni  yayindi  i Bwami babaraga nk’umukumbi w’Abagaragu n’Abaja batagize ikindi bishoboreye uretse guhakirizwa , nyamara bagiye kurengera uburenganzira bwabo bahagurukana n’iyonka. Nibwo batangaje ko “Karinga n’izayo zose iciwe i Rwanda”,   baca iteka ko kuva taliki ya 28 Mutarama 1961 kugeza n’uyu munsi  u “Rwanda rubaye Repubulika”,  ko “ Ubutegetsi bwose bukomoka kuri rubanda, kandi nko nta muntu ku giti cye cyangwa agatsiko k’abantu gashobora kwiha no kwikubira ubwo butegetsi “ ! ( Reba ingingo ya 2 y’Itegekonshinga ryo mu 2003)

Ng’uko uko Ingoma ya Cyami na Gihake yagiye nka nyomberi, mu kanya nk’ako guhumbya ijisho kandi yari imaze imyaka isaga magana ane yariyise Kamara, Repubulika irashingwa kandi irafata, Demokarasi iravuka n’ubwo yari igikeneye kurerwa neza kugira ngo ishinge imizi !

Reka twature tubivuge uko biri : Repubulika na Demokarasi twabigabiwe na PARMEHUTU !

Muri icyo gihe habayeho ibitambo bya Revolisiyo. Bamwe barishwe, abandi barafungwa, habaho abagizwe imfubyi n’abapfakazi, habaho ibimuga n’impunzi. Ibyo byose ntibyari bikwiye, iyo igihugu kigira abategetsi bashisoza izo ngaruka mbi zose zashoboraga kuburizwamo.  Impinduka zikabaho ariko zikabaho mu mahoro, zikagirira abenegihugu bose akamaro. Habuze ubushishozi, nuko ba KAMARA bibwiraga ko u Rwanda rutabaho batarutegeka bonyine bararubisa ariko rukomeza kubaho.

2. Kugeza mu myaka y’1990,  byaje kugaragara ko Demokarasi ya PARMEHUTU  yananiwe kwihandura rya “hwa” ryo gushaka gushingira “ rubanda itanga ubutegetsi” ku muntu, ku karere n’ubwoko !

Ngo kubera iyo mpamvu bamwe mu bana b’u Rwanda, cyane cyane abo mu bwoko bw’Abatutsi b’impunzi  bumvaga batagishoboye kwihanganira guheezwa no kugirwa Abagereerwa n’Inkomamashyi (les citoyens de seconde zone”) beguye imbunda maze taliki ya 1/10/1990 baturuka Uganda “barasa igihumeka cyose” kugeza bafashe ubutegetsi bwose mu 1994, ndetse barambuka bakomereza muri Zayire !  Ibitambo byatanzwe ku mpande zombi bibarirwa muri za miliyoni z’abahasize ubuzima, z’impfubyi n’abapfakazi; n’ibihumbi amagana by’inkomere , imfungwa n’impunzi.

Iyo inzira y’amahoro n’ibiganiro iza guhabwa agaciro, u Rwanda ntiruba rwarahindutse umuyonga nk’uko twabyiboneye n’amaso yacu, kugeza na n’ubu imitima y’Abanyarwanda benshi ikaba icyituriye mu gahinda, umujinya n’ubwoba bidashira . Habuze ubushake n’ubushishozi ,ba KAMARA bararikoze.

3.  None dore na   “ DEMOKARASI y’INKOTANYI” yibarutse “ikiburaburyo” gisa na  “ REPUBULIKA YA CYAMI NA GIHAKE” !

Guhera muri Nyakanga 1994, rubanda yakomeje gutegerezanya ukwizera kwinshi Demokarasi isesuye twari twarasezeranyijwe na FPR-Inkotanyi , ya  demokarasi yagombye ikiguzi cy’amaraso y’abana b’u Rwanda batagira umubare ! None dore  italiki irageze , nyuma y’imyaka 21, Demokarasi y’INKOTANYI ntibaye baringa gusa , ahubwo yibarutse ikiburaburyo ( un monstre) cyenda gusa na  “REPUBULIKA YA CYAMI na GIHAKE”!

Kubera ko FPR-Inkotanyi yafashe icyemezo ko ingingo y’101 y’Itegekonshinga ry’u Rwanda ryatowe mu 2003 igiye guhindurwa ngo kugira ngo Paul Kagame agume ku butegetsi “kuko ari we wenyine ushoboye kuyobora u Rwanda, akaba yaravukiye gutegeka naho abandi benegihugu bakagomba kumubera Abagereerwa  ubuziraherezo….”amagambo ashize ivuga.

Birumvikana ko Kagame agonze rwa rutare abamubanjirije baciriyeho amazuru : kwitiranya inyota ye bwite y’ubutegetsi n’ubushake bw’abenegihugu bose; kwitiranya nkana “rubanda itanga ubutegetsi” n’ubwoko cyangwa akarere bavukamo. Kagame we noneho yongeyeho n’agashya yihariye ko kwitiranya “rubanda itanga ubutegetsi” n’Agatsiko k’Abiru badashoboye bagizwe ahanini IBIGABO BY’IBINYABWOBA“ byitungiwe n’umwuga wo kuba INKOMAMASHYI. Harya ngo byashoboye gusinyisha ku ngufu abaturage basanga miliyoni ebyiri ? Nzaba mbarirwa ! Abo nyine mwasinyishije ku ngufu nibo bagiye kubibaryoza, nimutegereze gato .

Uko byamera kose biragaragarira buri wose ko icyaha gikomeye ari cya Paul Kagame ufashe icyemezo cyo gusubiza u Rwanda inyuma ho imyaka 53, akaba nibura atanashoboye kwiyita Umwami w’u Rwanda nk’abasekuruza be ngo bigire izina, ngo rubanda imenye uko itambira ingoma nshya ya Kagame wa mbere, ngo abahakwa bamenye uko bahakwa n’uko bazagabirwa…!

Turasanga iyi ngirwa DEMOKARASI y’INKOTANYI, iyi “demokarasi y’ibiseke by’ibipapuro bisinyishijwe rubanda ku ngufu”…., iyi yo nta kindi gitumye yaduka uretse gukungurira u Rwanda!  Turashishoza tukabona ko iyi “Demokarasi ya Kagame yo kubeshya amahanga”  igiye guteza indi ntambara ikarishye mu bana b’u Rwanda kuko tuzi neza ko umubare munini cyane ari uw’abenegihugu batemera kongera kugirwa Inkomamashyi n’Abagererwa indi myaka 400, bakaba nabo biteguye gusheta ubuzima bwabo barengera ubusugire bwa Repubulika, kandi nyine umubare wabo ukaba utambutse kure uw’abiyemeje kwitanga mu 1959, mu 1973, n’1990 ! Niba ubushishozi bwongeye kubura, ingingo y’101 igahindurwa, KAMARA arongeye araridukwegeye, nka ka Kamasa kazaca inka kazivukamo !

UMWANZURO

Guhindura ingingo y’101 y’itegekonshinga kugira ngo umuntu umwe witwa Paul Kagame akomeze abe Perezida w’u Rwanda mu nyungu ze bwite, ngo kuko nta wundi washobora kuyobora u Rwanda, ni cyo cyemezo kibi kurusha ibindi FPR igiye gufata!  Koko rero guhindura ingingo y’101 ni impamvu ihagije igiye guteza intambara  y’amasasu(causa belli) mu gihugu cyacu  . Paul Kagame n’umuryango we n’Ishyaka rye rya FPR-Inkotanyi bazirengere ingaruka zose zizakomoka  ku byemezo byabo byuzuye ubwikunde n’ubugwari bishobora gukururira igihugu cyacu mu ngorane zikomeye.

Gusa n’ubwo iki  kibazo cya “REPUBULIKA YA CYAMI NA GIHAKE“ kivutse  kandi kikaba ari ingorabahizi ,  haracyari ABATARIPFANA bacyizeye ko ibintu bitaradogera burundu, tukaba dusanga INZIRA y’AMAHORO igishobora gutanga ibisubizo bikwiye. Ariko kugira ngo u Rwanda rwirinde intambara yegereje hagomba gufatwa nibura ibyemezo by’ubwoko bune bikurikira

(1) Paul Kagame nazibukire gahunda yo guhindura ingingo y’101 no kwitangaho umukandinda mu matora yo mu 2017 kandi Itegekonshinga yishyiriyeho umukono ribimubuza

(2) Paul Kagame nafungure urubuga rwa politiki, imfungwa za politiki zose zirekurwe kandi zisubirane uburenganzira bwazo

(3)  Nihakurweho amananiza yose n’uburiganya bwabuza amatora y’umukuru w’igihugu yo mu 2017 gukorwa mu mucyo no mu bwisanzure.

(4) Paul Kagame nahamagare amashyaka yose ya Opozisiyo n’amashyirahamwe ya Societe Civile hakorwe ibiganiro ku mpinduka nziza igihugu cyacu gikenye.

(5) Paul Kagame nazibukire umuco mubi wo kurema no gushyigikira imitwe y’abicanyi igamije guhungabanya umutekano w’ibihugu duturanye cyane cyane UBURUNDI na Kongo.

Niba ibi byemezo bidafashwe mu maguru mashya , Abanyarwanda bakunda amahoro nibitegure bwangu kugira uruhare muri Revolisiyo ya karundura ariko itagamije gusesa amaraso y’abenegihugu. Koko rero Revolisiyo niyo nzira yonyine dusigaranye ishobora guhagarika umugambi mubisha w’Agatsiko gashaka guha ireme icyifuzo cy’abakeneye gushoza intambara y’amasasu .

Twamaganye twivuye inyuma ihindurwa ry’ingingo y’101 hagamijwe kwimika “Repubulika ya Cyami na gihake” iharanira inyungu za Paul Kagame n’ABIRU be bonyine bonyine.

Nta KAMARA ubaho kuri iyi si…..Kagame si KAMARA …..U Rwanda rwabayeho ataravuka, azapfa arusige.

Banyarwandakazi, Banyarwanda  nimukanguke, mushishoze maze mutabare igihugu cyanyu !

Imana ikomeze irengere u Rwanda n’Abanyarwanda, idutize imbaraga zo kwirinda umwiryane n’intambara zisesa amaraso.

Padiri Thomas Nahimana,

Ishema ry’U Rwanda.

Email: nahimanathom@gmail.com

Tel :0033652110445