Des rebelles FDLR près de Pinga, à 150 km au nord-ouest de Goma, dans l’est de la RDC. © AFP

Après la neutralisation du M23, la brigade d’intervention des Nations unies devait s’attaquer aux autres groupes armés notamment les rebelles rwandais FDLR. Mais les pays de la région ont décidé d’accorder six mois à ces derniers pour qu’ils se rendent. Trois mois plus tard, zéro reddition…

“Sur le terrain, rien ne bouge”, reconnaît une source onusienne proche du dossier. Le 2 octobre pourtant, trois mois se sont écoulés depuis qu’un ultimatum de six mois a été accordé aux rebelles des Forces démocratiques pour la libération du Rwanda (FDLR) par les États de la région pour qu’ils désarment volontairement.

“Si nous refusons de déposer les armes comme convenu, c’est parce qu’on cherche à nous imposer certaines conditions inacceptables sans nous avoir consulté au préalable”, se défend La Forge Fils Bazeye, porte-parole des FDLR. Et de pointer la Mission de l’Onu pour la stabilisation du Congo (Monusco) : “Nous avons demandé à la Monusco par exemple d’agrandir les deux camps de transit au Nord-Kivu et au Sud-Kivu pour pouvoir recevoir d’autres combattants qui sont prêts à se rendre, mais on exige de les envoyer à Kisangani, ville choisie pour le regroupement de nos hommes sans notre accord.”

À en croire le rapport de Ban Ki-moon, secrétaire général de l’ONU, publié le 24 septembre sur la mise en œuvre de l’accord-cadre entre la RDC et les autres pays de la région, “au 31 août, seuls 103 combattants des FDLR et 202 personnes à leur charge avaient déposé 102 armes et s’étaient rendus dans le Nord-Kivu, tandis que 83 combattants et 236 personnes à leur charge avaient déposé 83 armes dans le Sud-Kivu.” Au total, quelque 186 éléments FDLR seulement se sont rendus jusqu’ici et “se trouvent actuellement dans des deux camps de transit gérés par la Monusco, à Kanyabayongo (Nord-Kivu) et à Walungu (Sud-Kivu)”, précise le texte.

>> Lire aussi : le désarmement des FDLR expliqué à ceux qui ont raté le début

Désarmement au point mort

Autrement dit, depuis la timide vague de reddition fin mai, le désarmement volontaire des FDLR est resté au point mort. La Communauté de développement de l’Afrique australe (SADC) et la Conférence internationale sur la région des Grands Lacs (CIRGL) avaient prévenu que des opérations militaires contre ce groupe armé seraient organisées “au cas où aucun progrès ne serait constaté lors de l’examen à mi-parcours d’octobre”. Un sommet conjoint SADC et CIRGL doit être convoqué dans les prochains jours “pour décider de la marche à suivre”.

Les pays de la région décideront-ils de suspendre l’ultimatum pour engager la traque des FDLR ? En tout cas, la Monusco de son côté se dit prête à neutraliser ces rebelles rwandais. Son chef, Martin Kobler, ne croit plus au désarmement volontaire des FDLR qu’il accuse de bloquer le processus en exigeant l’ouverture d’un dialogue avec Kigali avant de se rendre (une condition “inacceptable” pour les autorités rwandaises). Problème : des troupes qui composent la brigade d’intervention de l’ONU – des soldats tanzaniens, malawites et sud-africains – ne peuvent pas bouger, sans aval de leurs États respectifs, membres de la SADC et/ou de la CIRGL. “Nous attendons le feu vert des pays de la région”, renseigne notre source onusienne.

“L’option militaire doit être remise sur la table”

En attendant, Kigali s’impatiente. “Toutes ces tergiversations doivent cesser”, tonne Olivier Ndurungirehe, représentant adjoint du Rwanda auprès des Nations unies. “Il faut maintenant que la Monusco et la brigade d’intervention mettent en œuvre les décisions du Conseil de sécurité qui demande la neutralisation de tous les groupes armés présents dans l’est de la RDC, y compris les FDRL”, insiste-t-il, dénonçant à son tour “l’absence de volonté des FDLR de se désarmer”.

>> Lire aussi : “la RDC et la Monusco n’ont plus d’excuses pour ne pas neutraliser les FDLR”, selon Olivier Nduhungirehe

En conséquence, “l’option militaire doit être remise sur la table”, suggère le diplomate rwandais. “Pourquoi la brigade d’intervention de l’ONU devrait-elle attendre encore trois mois supplémentaires avant de les traquer alors que ces rebelles ne désarment pas et qu’ils ont même indiqué qu’ils ne le feront pas ?” s’interroge-t-il.

À tort, les dirigeants FDLR considèrent que la RDC devait mettre la pression sur le Rwanda pour que ce dernier accepte d’engager des pourparlers avec eux. C’est une erreur !

Lambert Mende, porte-parole du gouvernement congolais

Du côté de Kinshasa, c’est le même constat : “Il n’y a pas eu de progrès”, reconnaît Lambert Mende. Mais le porte-parole du gouvernement congolais estime que “l’ultimatum de six mois, décidé par les chefs d’État de la région, doit être maintenu jusqu’à son terme”, avant d’engager des opérations militaires contre les FDLR.

Pour Lambert Mende, le blocage constaté dans ce processus de désarmement volontaire ne serait du qu’à une “perception fausse” des dirigeants FDLR sur le rôle que doit jouer Kinshasa. “À tort, ils considèrent que la RDC devait mettre la pression sur le Rwanda pour que ce dernier accepte d’engager des pourparlers avec eux. C’est une erreur ! Dans tous les cas, ils rentreront chez eux de gré ou de force”, conclut le ministre congolais.

________________________

Par Trésor Kibangula

Source: Jeune Africa

01/10/1990 – 01/10/2014:

PLEASE JOIN US NUMEROUS TO PROTEST AGAINST INHUMANE ACTS AND DICTATORIAL EMBODIED BY RPF

Zirikana iri somo: Igitabo cy’Intagiriro 18,20-33

Hanyuma Uhoraho ati:  « Induru iterwa na Sodoma na Gomora imaze kuba ndende, n’icyaha cyabo kirakabije !Ngiye kumanuka ndebe niba iby’induru yangezeho ariko babigenjeje koko.Niba atari byo kandi nabyo mbimenye. »

Ba bagabo bagenda berekeje i Sodoma , Abrahamu we akomeza guhagarara imbere y’ Uhoraho.

Abrahamu aramwegera ati « Koko ugiye kwica intungane hamwe n’umunyabyaha? Hari n’aho yenda haboneka abantu mirongo itanu b’intungane mu mugi!Ubwo se koko warimbura uriya mugi? Ntiwababarira hariya hantu ugiriye izo ntungane mirongo itanu? Uramenye ntukabigenze utyo ngo wice umunyabyaha hamwe n’intungane ; intungane zaba zipfuye urw’abagome. Ntibikabeho ! Ucira imanza isi yose ntakarenganye ! »

Uhoraho ati «  Ninsanga muri Sodoma hari intungane mirongo itanu, nzahagirira imbabazi, nzahasonera kubera izo ntungane mirongo itanu.»

Abrahamu ati  « Njye mukungugu, njye w’ivu, nongeye kuvugisha Databuja. Za ntungane mirongo itanu nihaburamo eshanu, bizatuma usenya uriya mugi wose ? »

Uhoraho ati « Nimpasanga intungane mirongo ine n’eshanu sinzahasenya. »

Abrahamu ati « Ahari wenda haboneka mirongo ine.»

Uhoraho ati « Sinzawusenya ngiriye abo mirongo ine.»

Abrahamu ati « Databuja ntarakare nongeye kubaza: ahari wenda haboneka mirongo itatu.»

Uhoraho ati « Sinzawusenya ninywusangamo mirongo itatu ».

Abrahamu ati « Nongeye kwiyemeza kubaza Databuja : ahari wenda haboneka makumayabiri.»

Uhoraho ati « Sinzahasenya nihaboneka makumyabiri.»

Abrahamu ati «  Databuja ntarakare reka noneho mvuge ubwa nyuma: ahari wenda haboneka icumi gusa. »

Uhoraho ati « Sinzahasenya, ngiriye abo icumi ».

Uhoraho ngo arangize kuvugana na Abrahamu, aragenda maze Abrahamu asubira iwe.

Uko byagenze, ibara umupfu : Sodoma yafashwe n’inkongi, irarimbuka irashira , harokoka Loti n,abakobwa be babiri gusa !

Isomo ku Rwanda

Kuri iki cyumweru nifuje gusangiza abakunzi b’Umuhanuzi iri somo kubera ko hari impamvu. Muri iyi minsi nakomeje gutekereza cyane ku mahano akomeje gukorwa mu Rwanda. Nitegereje cyane amafoto y’iriya mirambo y’inzirakarengane zabohewe amaboko mu mugongo , zigakubitwa, zikicwa , zikoherwa mu ruzi , kugeza ubwo zireremba mu kiyaga cya Rweru. Nitegereje uko Leta ya Kagame yiraza i nyanza ngo ntizi abishwe, abantu bakabura gishyingura kandi bigaragara neza ko ari Abanyarwanda. Nakomeje no kuzirikana uko abantu ibihumbi byinshi bakomeje kuururwa irengero, bikarangirira aho. Nakomeje kwibaza kuri iri fungwa rya hato na hato ry’abayobozi bakuru ba gisivile na gisilikari, ahanini biturutse kuri MUNYANGIRE yagizwe nk’itegeko nshinga ry’ingoma ya FPR Inkotanyi.

Byanteye kwibaza ikibazo Abanyarwanda benshi bibaza muri iki gihe :Muri kiriya gihugu cyacu haracyari abantu bagishyira mu gaciro , bashobora kukirengera bakakibuza kongera guhomboka ?

Muri iri somo rya Bibiliya niho nabonye igisubizo, biturutse kuri iyi nkuru y’irimbuka rya Sodoma . Koko rero mu gihugu ntihajya habura abantu b’intungane, abantu bashyira mu gaciro ariko hashobora kubura umubare uhagije kugira ngo bakibuze kurimbuka . Abantu batatu ntibahagije ngo barokore umugi : Loti n’abakobwa be babiri gusa(dore ko na nyina ubabyara yarimbukanye n’inkozizibibi!) ntibashoboye kurokora Sodoma.

None mu Rwanda haba nta bantu icumi b’intungane bagihari ? Kandi ko bishoboka ! Abantu b’intungane ni abantu bashyira mu gaciro, banga akarengane(justes), batemera guhindurwa ibikoresho n’umugiziwanabi,bemera guhaguruka bakitangira kwamagana ikibi no kurengera abarengana. Umuntu w’intungane ntashobora kwsemera guhindurwa igikqnge, ngo agamburuzwe n’ubwoba bw’urupfu. Aho guhemuka yakwemera guhara ubuzima bwe akicwa.

Aho iterabwoba ryahawe intebe mu Rwanda rituma hari abantu b’intungane bakiharangwa ? Aho uwashaka abantu icumi yababona ? Aho gutegereza kuzabyemezwa n’uko Sodoma irimbutse tuyireba, buri wese yari akwiye kwisuzuma agakora uko ashoboye ngo abarirwe muri bariya “bake” b’intungane. Gusa abake bashyira mu gaciro nabo ntacyo bamarira igihugu batisuganyije ngo ijwi ryabo rishobore kumvikana.

Ababi bazakomeza guteka no kumvirwa kugeza ryari ? Abasenya bazakomeza kurusha ingufu abafte gahunda yo kubaka igihugu kiboneye bose kugeza ryari ?

Noneho muri iyi minsi biragaragarira buri wese ko Agatsiko Sajya ka Paul Kagame (ariko noneho ndabona n’Abassajya yiyemeje kubahingamo ubudehe ni ukuri !) katakiri muri gahunda yo gushyira igihugu kuri « mteremko » gusa , ahubwo ndabona noneho kakigejeje rwagati mu muhengeri ! Twemere koko u Rwanda rwongere ruhomboke turebera ?

Icyumeru cyiza ku bakunda u Rwanda mwese,

Imana ibahe ukurindwa n’Abamalayika bayo.

Padiri Thomas Nahimana.

Parution: Monday 8 September 2014, 22:28
Par:Jean de Dieu Musemakweli

Habaho ibemenyetso 3  byerekana aho amajyambere abereye ikiremwamuntu (Indices du développement humain) ageze mu gihugu cyangwa mu karere aka n’aka :

C. Kwambara neza. Imyambaro yabaga ikoze mu mpu, mu bivuvu by’ibiti cyane cyane icy’umuvumu,  mu bihunda by’insina cyangwa ibibabi by’ibihingwa bimwe na bimwe bigira ibibabi binini. Byari bikomeye kubona umwambaro utwikiriye umubiri wose. N’iyo umunyarwanda yitwaga ko yambaye, yaba umwana, umusore, inkumi, umugabo cyangwa umugore,  igice kinini cy’umubiri we cyabaga kibereye aho, ari umutumbuze. Ushaka kubyibonera asome inyandiko ya Gaspard Musabyimana yitwa L’habillement au Rwanda ancien (Uko bambaraga mu Rwanda rwo hambere) yatangaje le 25 Werurwe 2008 ku rubuga www.musabyimana.be. Mu gutunganya iyo nyandiko, yifashishije igitabo cya Jan-B Cypers cyitwa L’habillement du Rwanda ancien, Musée Royal de l’Afrique Centrale, Tervuren, Belgique, 2004. Amafoto ari muri iyo nyandiko nayo yavuye muri icyo gitabo.

Dore imwe gusa muri iyo myambaro :

1. Uruyonga rwari umwambaro ugizwe n’indodo z’ibivuvu by’igiti cy’umuvumu.

2. Ibihunda by’insina

3.Umwitero wari umwenda ukoze mu ruhu rw’inyamaswa cyangwa mu bivuvu by’umuko. Wafatiraga ku rutugu, ugatwikira ahanini umugongo.

4. Umukenyero wari umwambaro w’abategarugori wakenyererwaga mu mankinya, ugatwikira amaguru.

5. Ishabure yari umwambaro w’abakobwa bakiri bato, ariko n’abagabo barawambaraga. Bawukenyereraga mu mankinya, ukagira incunda zimanuka kugera ku tugombambari.

6. Ikinyita cyari akagutiya kagufi gakozwe mu ruhu rw’inka cyangwa rw’ihene, kandi ukarebye akabona aho umutwe n’umurizo w’iryo tungo wari uherereye.  Mu by’ukuri kari ako gukingiriza gusa imbere (igitsina) z’ukambaye. Abakobwa, abasore n’abagabo barakambaraga, ariko umukobwa umaze gushinga urugo ntiyongeraga kukikoza.

D. Ibindi : Umwami, ibikomangoma, abatware n’abagore babo bahekwaga mu ngobyi. Ingendo zose zakorwaga ku maguru. Nta mihanda, nta farasi, nta ndogobe cyangwa ikindikindi. Kubera iyo mpamvu, ubuhahirane hagati y’uturere tutegeranye bwabaga buruhanije. Ubuvuzi bwa Gihanga bwabagaho, ariko bwari bufite aho bugarukira, kandi hatari kure cyane. Ni yo mpamvu muri rusange Abanyarwanda batarambaga.

Nk’uko twabibasezeranije rero, ubutaha tuzabagezaho inyandiko yerekana ko ubuhake ari bwo bwatumaga mu Rwanda hahora amapfa n’inzara, hanyuma tuzakomeze tureba ukuntu Abadage, ari bo babaye Abakoloni bambere b’u Rwanda, bakomye imbarutso y’amajyambere muri icyo gihugu.

Jean de Dieu Musemakweli

Abashoboraga kumubangamira kuri uwo munota wa nyuma ni ba nde ? Ni abasirikari bo mu gipolisi bwite cy’Ingabo (police militaire) bari barinze iryo joro kwa Kayibanda. Ni nde wari ubakuriye, ari na we wari wacaguye abariyo muri iryo joro ? Ni Kapiteni Charles Uwihoreye. Harabyarimana yaragiye abwira Uwihoreye ati “nari ndasiwe kwa Kayibanda, kubera iyo mpamvu ngombe ngire icyo nkora”. Uwihoreye byamubujije amahoro, ajya kubaza abari barinze kwa Kayibanda uko byagenze, bamubwira ko Habyarimana avuye aho, ko nta n’uwamutunze urutoki, ko ahubwo bamuhaye amasaluti gusa. Icyakora Uwihoreye yasize ababwiye ati : “Ntimushyamirane n’abasirikari Habyarimana agiye kohereza hano, mubihorere”. Uwihoreye yasubiye mu kigo cya gisirikari cya Kigali. Ntiyashoboraga kugisha Habyarimana impaka, ahubwo yamubwiye ko asanze Kayibanda acyicaye muri salo, hari ibintu ari kwandika. Ibyakurikiyeho (kuri perezida Grégoire Kayibanda) twabibonye mu gice cya 3 cy’iyi nyandiko.

Abandi se bo byabagendekeye bite ?

Ifatwa ryabo ryabaye mu byiciro 2. Bamwe bafashwe mu cyumweru cyakurikiye kudeta, abandi batoraguwe mu mezi yakurikiyeho. Ntawarondora ifatwa rya buri wese ngo azarangize. Reka tuvuge gusa irya Kapiteni André Bizimana. Yari atuye imbere y’ishuri ry’Ababiligi (École belge). Bamutumye Guillaume Mbonigaba umusuzofisiye (sous-officier) w’umukanishi akaba yari na mukuru wa Majoro Rwendeye. Yarakomanze, baramukingurira, abwira Bizimana ko Habyarimana yifuza kubonana na we kuri Etat-Major. Bizimana yasubiye mu nzu, yambara neza, afata ikaramu n’impapuro, araza. Yashatse gufata imodoka ye bwite, Guillaume ati “ese waje tukajyana muri iriya jipe nazanye ?” Undi yabyemeranye umutima mwiza. Yaba umuntu waraye ahushije Habyarimana, ntaba yaremeye. Yarabutswe ijipe igeze kuri Nyabugogo, abaza niba uwo ari wo muhanda ujya kuri Etat-Major, bamushyiramo amapingo, bamujyana muri gereza yo mu Ruhengeri. Ni ho benshi bafungiwe, abandi bajyanwa muri gereza ya Gisenyi.

Iyicwa ryabo

Twibutse ko muri Gashyantare 1974 hari urukiko rwa gisirikari rwatangiye kubaburanisha. Rwahagaritse imirimo yarwo mu cyi ry’uwo mwaka rutababuranishije bose. Umunani muri bo rwari rwarakatiye urwo gupfa, barimo na perezida Grégoire Kayibanda, bari bamaze gukomorerwa, bahawe igihano cyo gufungwa burundu.  Ni iki cyatumye urukiko ruhagarika imirimo yarwo ? Ntawashidikanya rwose ko ubwo icyemezo cyari kimaze gufatwa ko bagomba gutangira kwicwa, niba bitari byaratangiye kera. Abishi babo bakaba baratinyaga ko urukiko rwajya ruhamagaza imfungwa iyi n’iyi rwibwira ko ikiriho, ngo ize iburane, ikabura, ubwo bikaba bibaye akabona bose ko uwo muntu yapfuye. Uwari waraguye mu bitaro bya Ruhengeri ku buryo buzwi (officiellement) yari Jean Gakire wari umunyamabanga mukuru (secrétaire général) muri ministeri y’ububanyi n’amahanga. Gakire yapfuye perefegitura ya Ruhengeri ikiyobowe na Pierre-Célestin Kabanda, atarasimburwa na Protais Zigiranyirazo wagize uruhare rukomeye mu iyicwa rya ziriya nzirakarengane nk’uko turi buze kubibona mu kanya.

Ubugome bwinshi

Nk’uko n’undi wese yabigenza, binubiye uburyo bari bafunzwemo : muri za Kamironko, ni ukuvuga muri kasho zitageramo urumuri, harimo imbeba, imbaragasa, ibiheri n’utundi dusimba. Binubiye kandi ko bagaburirwaga nabi. Abanzi babo bati “reka n’ibyo twabagaburiraga tubikureho, hanyuma mwicwe n’inzara n’inyota”. Ni uko byagenze. Muri bo hari umwe gusa w’igitsina gore, umwari (Mademoiselle) Agnès Kabarenzi, mushiki wa Kapitene André Bizimana. Ni we wamaze igihe kirekire kurusha abandi muri ayo magomerane, kuko yamaze amezi 2 yose atarya atanywa, hanyuma umutima we ugahagarara.  Abandi babonaga bagiye gupfa, bakabavana mu munyururu, bakajya kubica babakubise inyundo mu mutwe, ugize imana bakamurasa, abandi bakabahamba ari bazima. Mu bagize amahirwe yo kuraswa, hari abajugunywe mu rwobo rwa Bayanga mu Bugesera. Ibi bisa n’ibyabaye kuri perezida Grégoire Kayibanda ubwe nk’uko twabibonye mu gice cya 3 cy’iyi nyandiko. Hasigaye amezi 2 ngo bamunige, Sagatwa yatangiye kumwicisha inzara. Icyakora ngo “ntabapfira gushira”, Bwana Tharcisse Ndindiri wari umushoferi wa Kayibanda yafunguwe ari muzima, ariko uburyo yari ameze nabi bwatumye abamubonye bose bahebura ku birebana b’abari barafunganywe na we.

Ntakuntu bitari kumenyekana

Abicanyi babigizemo uruhare ni benshi cyane ku buryo kubika ibanga bitari gushoboka. Dore urutonde rwabo  rw’agateganyo :

·         Umukuru (Habyarimana) wavugaga “uramukiwe cyangwa abaramukiwe kwicwa”.

·         Umugaba wungirije w’Ingabo z’igihugu (Koloneli Serubuga).

·         Ministiri w’ubutegetsi bw’igihugu (Koloneli Kanyarengwe).

·         Uwategekaga urukiko rwa gisirikari rwari rumaze kuvanwaho (Majoro Ntibitura).

·         Umukuru w’urwego rukuru rw’iperereza (Komanda Lizinde).

·         Ushinzwe iperereza rya gisilikari muri Etat-major G2 (Kapitene BEM Simon Habyarimana).

·         Umukuru w’ingabo mu Ruhengeri (Kapiteni Stanislas Biseruka)

·         Umukuru w’ingabo ku Gisenyi (Kapiteni Matthias Havugwintore)

·         Perefe wa Ruhengeri (Bwana Protais Zigiranyirazo)

·         Perefe wa Gisenyi

·         Umuyobozi wa gereza ya Ruhengeri

·         Umuyobozi wa gereza ya Gisenyi

·         Abicanyi bapakizaga abagomba kwicwa mu mamodoka babajyana aho bagomba kwicirwa

(Butsitsi, Burasa, n’abandi)

Kuri abo bose hiyongeraho ababibonye cyangwa ababimenye bibagwiririye rwose batanabyifuzaga. Abo ni nka Dogiteri Cyprien Hakizimana wagombaga gusinya ibyemezo by’urupfu bivuga ko buri wese mu bishwe yapfuye ku buryo busanzwe (mort naturelle) azize indwara,  Kapiteni Rwabakika, liyetona Alphonse Baliyanga wategekaga abasirikari barindaga umukuru w’igihugu, Kapiteni Munyengango wayoboraga ikigo cya gisirikari cya Bugesera (yahurujwe n’abaturage bavuga ko babonye imirambo y’abantu batazwi ireremba hejuru y’amazi y’urwobo rwa Bayanga) ; abaturage babonaga ibyobo rusange bicukurwa bikajugunywamo imirambo y’abantu cyangwa se abantu bakiri bazima, n’abandi benshi.

Bamwe mu bicanyi byarabahungabanije. Kubivuga ni kimwe mu byabafashaga kumva nibura umutimanama wabo ugize amahoro ho gatoya. Abandi barabyigambye, ahari kuberako bibwiraga ko n’ubwo byamenyekana, ntacyo byabatwara. Mu bo byahungabanije harimo Komanda François Burasa. Mu w’1977 yarahungabanye cyane, biba ngombwa ko ajya mu bitaro by’abarwaye mu mutwe i Ndera. Bananiwe kumuvura, bamwohereza mu Bubiligi. Abaganga bo mu Bubiligi bamugiriye inama ko kugirango akire agomba kujya avuga iyo yumva bimuremereye. Ni bwo rero atangiye kujya abwira abaje kumusura bose ukuntu Habyarimana, Zigiranyirazo, Serubuga na Lizinde ari abantu babi, kubera ko bamutumye kwica abantu, bikamutera kurwara ; bo bakaba bigaramiye, ntacyo babaye. Yahereyeko agarurwa mu Rwanda daridari, asezererwa mu gisirikari, ajya kuba iwabo ku isambu. Amaze koroherwa, yagiye kwikorera ku giti cye.

Mu babyigambye twavuga nka Butsitsi, ndetse n’umukuru w’igihugu ubwe Jenerali Majoro Juvénal Habyarimana. Mu w’1979 yasabye Dogiteri Donat Murego kujya Addis-Abeba muri Etiyiopia kuba umunyabanga mukuru wungirije w’umuryango w’ubumwe bw’Afurika (OUA). Murego yaranze. Habyarimana asaba Dogiteri Sylvestre Nsanzimana wayoboraga kaminuza y’u Rwanda i Butare kuba ari we ujyayo. Nsanzimana yaremeye, Habyarimana amubaza niba hari icyamubuzaga guherako agenda. Nsanzimana yaravuze ati “ntacyo usibye ko njye n’umuryango wanjye wose, hashize imyaka 6 nta gakuru ka muramu wanjye Gaspard Harerimana tuzi”. Habyarimana yaramusubije ngo “bambwiye ko yapfuye. Hari ikindi kikubuza kugenda ?” Nsanzimana ati “ntacyo”.

Izindi mpamvu zatumye ubu bwicanyi bumenyekana ni uko ab’ingenzi mu babigizemo uruhare basubiranyemo. Mu w’1980 Kanyarengwe, Lizinde, Biseruka n’abandi bagerageje gukora kudeta ngo bahirike Habyarimana. Lizinde yarafunzwe kubera iyo mpamvu, Habyarimana aboneraho akanya ko kumugerekaho n’icyaha cyo kuba yarishe we wenyine abari barafunzwe nyuma ya kudeta yo ku wa 5 Nyakanga 1973. Lizinde nawe ariko yasize inyandiko ndende (mémorandum) yitwa  “Des massacres cycliques au Rwanda et de la politique du bouc émissaire (Ubwicanyi bwakomeje kugenda bugarukirana mu Rwanda na politiki yo kugereka ibyaha ku bandi” yo ku 23 Gicurasi 1991. Muri iyo nyandiko Lizinde ashyira imfu z’aba bantu bose ku mutwe wa Habyarimana. Mu by’ukuri bombi babigizemo uruhare rukomeye cyane, umwe ari gatozi, undi ari icyitso, cyangwa bombi ari gatozi.

Indi mpamvu yatumaga ubu bwicanyi bwaragombaga kumenyekana byanze bikunze ni uko bamwe mu bayobozi ba kiliziya gatolika mu Rwanda, cyane cyane Musenyeri André Perraudin, bakomezaga kubaza amakuru y’izo mfungwa ariko badashakuje. Naho nka padiri Jean Marie Vianney Rusingizandekwe we yateraga hejuru rwose. Hari kandi n’imiryango mpuzamahanga nka “Amnesty International” nayo yakomezaga kubaririza.

Akaga k’imiryango (abagore n’abana) b’abishwe

Mu gihe abagabo bari bafunze bari no kwicwa uruhongohongo, imiryango yabo nayo yari ifungishijwe ijisho muri komini buri wese yavukagamo. Imitungo yabo, ari iyimukanwa n’itimukanwa, yariho ibohozwa ku buryo buteye isoni na bamwe mu bari bafite agatuza ku ngoma ya Habyarimana. Abari bafungishijwe ijisho nta burenganzira bari bafite bwo kurenga komini batuyemo batabanje kubona uruhushya rwa perefe wa perfegitura, kabone n’ubwo babaga bagomba kujya kwivuza. Inshuti zatinyukaga kujya kubasura zari nke cyane. N’ubusanzwe bakekaga ko ababo bishwe, icyakora bahebuye ruhenu mu w’1980, ubwo babimenyaga ku buryo budashikanywa binyuze mu nzira twavuze mu kanya.

Impozamarira

Leta ya Habyarimana yaje “kwibuka ibitereko yasheshe”. Mu rwego rwo kwivana mu isoni, yahaye impozamarira abapfakazi n’imfubyi z’abo yari yaramaze kwica. Ariko uburyo byakozwemo nabwo buteye agahinda. Mbere y’uko urubanza rwa 2 rwa Lizinde rutangira, urwo yaregwagamo kuba yarishe bariya bantu, abakozi bo mu kigo cy’iperereza bazaga nijoro, bagatwara abapfakazi, bakabajyana aho icyo kigo gikorera i Kigali,  bagategekwa kuvuga imyirondoro yabo n’iy’imfubyi bareraga. Ubwo bakongera bakabagarura iwabo muri iyo joro.

Rimwe rero baraje barabatoragura bose, babajyana i Gitarama kuri perefegitura. Icyo gihe perefe yari James Kabera. Bahasanze perefe nyine, umuhesha (procureur) Déogratias Kayibanda na Augustin Nduwayezu wategekaga urwego rukuru rw’iperereza mu Rwanda (Service central de renseignement – CSR). Uyu Augustin Nduwayezu yabwiraga buri mupfakazi ngo “Umukuru w’igihugu, Nyakubahwa Jenerali Majoro Juvénal Habyarimana, yababajwe cyane no kumenya ko umugome Lizinde yishe umugabo wawe, ukaba usigaye uri wenyine kandi ufite n’imfubyi ugomba kurera. Akaba yantumye  rero ngo nkubwire ngo “ukomere”, ngo ngushyikirize n’iyi mpozamarira ngomba”. Ubwo buri mupfakazi yahabwaga ibahasha ifunze. Nta burenganzira yabaga afite bwo guherako ayifungura, ahubwo yaheragako ategekwa gusinya cyangwa gutera igikumwe ku rupapuro rwanditseho ngo “Amafaranga y’impozamarira, kubera umugabo wanjye / umubyeyi wanjye, waguye mu buroko yishwe na Lizinde”. Nta kopi y’iyo nyandiko bahabwaga, ahubwo buri wese yaheragako asohoka. Bageraga hanze, bagafungura iyo bahasha, bagasanga buri wese yagiye ahabwa  miliyoni imwe y’amafaranga y’amanyarwanda ku mugabo we, n’andi ibihumbi ijana kuri buri mfubyi. Hari uwagirango ayo mafaranga ni make, kuko mu by’ukuri ari amadolari y’amanyamerika y’ubu 1.800 ku mugabo, n’180 kuri buri mfubyi. Gusa muri icyo gihe, inkiko zo mu Rwanda ntawe zari zarigeze ziha amafaranga agera kuri miliyoni mu rwego rw’impozamarira, binyuze mu rubanza ! Nanone nyine si menshi urebye agaciro k’umuntu.  Aho abamaze kuyahabwa bari bateraniye ariko, ku mbuga y’ibiro bya perefe, hari abakozi benshi bo mu rwego rw’iperereza bababuzaga kuganira kandi bari bamaze imyaka irenga 10 batabonana. Ngo Umuryango wa perezida Grégoire Kayibanda wo waba utarahawe iyo mpozamarira, kuko Kayibanda na Verediyana bo batari bafungiye mu Ruhengeri cyangwa ku Gisenyi (!),bityo bakaba batarishwe na Lizinde,  ahubwo bikaba byaremejwe ko bo bazize urw’ikirago.

“Ngibyo, nguko”,  wa mugani wa ya mvugo ya kinyarwanda. Buri wese abitekerezeho icyo ashaka. Igice cya 7 cy’iyi nyandiko, ari na cyo cya nyuma, kizaba ari umwanzuro.

BIRACYAZA…..

Jean de Dieu Musemakweli