RWANDA
AMAHORO People’s Congress – FDU-INKINGI – RNC

January 12th , 2014

PRESIDENT PAUL KAGAME CONFIRMS HIS REGIME’S ROLE IN THE ASSASSINATION OF COLONEL PATRICK KAREGEYA AND DECLARES WAR ON RWANDANS

On January 1st, 2014, the strangled body of an opposition leader, the late Colonel Patrick Karegeya , was found in Michelangelo Hotel in Johannesburg, South Africa. The South African government has “called upon the responsible officials to expedite the investigation”.

According to Associated Press, Paul Kagame said today that: “You cannot betray Rwanda and get away with it. There are consequences for betraying your country.” “It’s a matter of time, whoever betrayed the nation cannot escape the consequences,” Kagame said in Kinyarwanda during a national prayer breakfast meeting. President Kagame informed that all those opposing his regime should be treated the same way, and that nobody in his government should be apologetic about the fate of his enemies.

This presidential confession strengthened similar statements made earlier by other Rwandan government officials. Rwandan Prime Minister Pierre Habumuremyi tweeted on Monday, 6th January, 2014: “Betraying citizens and their country that made you a man shall always bear consequences to you.” Foreign Affairs Minister, Madam Louise Mushikiwabo tweeted and later confirmed in an interview that Karegeya was a “self-declared enemy” of her government and that what happens to its enemies should not make it lose sleep. In her interview, she insisted that late Patrick deserved to be killed because of betraying the country that created him. Speaking at a governmental controversial “Ndi Umunyarwanda” campaign in Rubavu district on 11th January, 2014, the Defence Minister, General James Kabarebe, joined other officials in confirming the regime’s role in the assassination. “Do not waste your time on reports that so and so was strangled with a rope on the 7th floor in whatever country.” “When you choose to be a dog, you die like a dog, and the cleaners will wipe away the trash so that it does not stink for them. Actually, such consequences are faced by those who have chosen such a path. There is nothing we can do about it, and we should not be interrogated over it.”

The assassination and incarceration of the opposition in particular, and Rwandans in general, has now reached unacceptable levels. Political figures and critic journalists are murdered inside and outside the country. Political leaders of the opposition are handed long sentences, including life sentence for Deo Mushayidi (PDP Imanzi); 15 years in jail for Madam Victoire Ingabire (chair of FDU-INKINGI); 4 years for Bernard Ntaganda (President of PS Imberakuri); 2 years for Sylvain Sibomana (Secretary General FDU-INKINGI); 15 years for Dr. Theoneste Niyitegeka (presidential challenger in 2003), etc. Since 1994, President Kagame’s regime has committed horrendous abuses of human rights in Rwanda and the Democratic Republic of Congo, including war crimes, crimes against humanity and possibly acts of genocide. Political space has been closed, press freedoms curtailed, civil society silenced, and Rwanda in a state of permanent siege, fear and insecurity reminiscent of the pre-1994 genocide period. The Rwandan state, instead of defending and protecting citizens, has been criminalized to frightening levels, projecting terror into and beyond the Great Lakes region.Through silence, covert and overt protection of the regime from accounting for these crimes and violent dictatorship, the international community has encouraged President Kagame to act with impunity.

Rwandan democratic voices have, over the last several years, called for a peaceful settlement of Rwanda’s problems through dialogue. President Kagame has rejected peace and dialogue, and opted for a violent path, by assassinating and jailing his opponents, and declaring war on all Rwandans who demand freedom.

In view of the above, we call upon:

1) President Paul Kagame and his criminal regime to resign immediately since he has lost all legitimacy to govern;
2) The Rwandan people to reject fear and intimidation, remain calm, united, and be more determined to continue the just and legitimate struggle for freedom;
3) The international community to invoke “RESPONSIBILITY TO PROTECT”, the new international security and human rights norm to address the international community’s responsibility to prevent and stop genocide, war crimes, ethnic cleansing and crimes against humanity;
4) The international community to compel President Paul Kagame and his agents of terror to account for the crimes they have committed before, during and after 1994; and,
5) The international community to support the Rwandan people who seek a new political dispensation characterised by truth, justice, the rule of law, genuine reconciliation and healing.

We would like to assure the Rwandan people that though the struggle for freedom, unity, democracy, justice and shared prosperity is long and difficult, ultimately, freedom will triumph over dictatorship, and pursuit of a better life for all over imposition of death.

For the Platform,

Dr. Nkiko Nsengimana, Coordinator
FDU-Inkingi
Lausanne, Switzerland

Etienne Masozera, President
AMAHORO People’s Congress
Ottawa, Canada

Dr. Theogene Rudasingwa, Coordinator
Rwanda National Congress (RNC)
Washington DC, USA
E-mail: ngombwa@gmail.com

Kuri iki cyumweru tariki ya 12 Mutarama ubwo habaga igiterane cy’amasengesho yo gushimira Imana, Perezida Kagame yahamagariye abantu guhagurukira ubwicanyi bakibasira uwo ari we wese utavuga rumwe na Leta ya FPR. Ikibabaje cyane ni uko abakozi b’Imana bari bahateraniye nta wagize ubutwari bwo kuvuga ati ibyo ntibyari ku murongo w’ibiteganyijwe. Na  ba bataripfana ba Padiri Thomas Nahimana umenya nta n’umwe wari watumiwe. Ikintu gitangaje ni uko muri iyi minsi ibiba mu Rwanda bigaragaza  neza neza ishusho y’ibyabaye mu mwaka wa 1994 ubwo Abatutsi bicwaga.

Ubwo Perezida Kagame yafataga ijambo ryamaze igihe kingana hafi n’isaha, yaje kugera ku makuru amaze iminsi avugwa ko Leta ye ariyo ikomeje kubuza abaturage bayihunze amahoro ndetse ikaba ariyo yahitanye uwari ukuriye iperereza Colonel Patrick Karegeya. Perezida yagaye cyane abantu birirwa bisobanura ngo sibo bamwishe aranabakangura ngo guhera ubu babikore!

Amateka yisubiyemo:

1. “Kuki mutabikora” (kwica abo tutavuga rumwe)?

Paul Kagame perezida wa Repubulika y’u Rwanda( 2001- )

Iri ni ijambo Paul Kagame yavuze nyuma yo gushimira Ministri w’intebe wavuze ko umuntu wese “uzagambanira” igihugu azirengera ingaruka. Iyi nshinga “kugambana” ifite igisobanuro gikomeye cyane ariko nta na rimwe iki gisobanuro gishobora guhabwa agaciro mu gihe nta rukiko rwabisuzumye ngo rugere kuri iyo myanzuro. Bitabaye ibyo n’umuntu  wanze gusomya undi ku icupaashobora gushinjwa ubugambanyi uwo na we akaba za ngaruka za Damiyani zimugezeho.

Kagame yongeye kuduhamiriza ko we ikimurangaje imbere atari ubutabera ko ahubwo ari ukwica ugerageje kumwereka ibitekerezo binyuranye n’ibyo we afite. Kagame ntiyigeze babazwa n’uko Karegeya agiye atarangije ibihano yakatiwe. Nta n’ubwo ababajwe n’uko ibirego yaregwaga byo gufatanya na FDLR agiye atabiburanye! Ibi kandi biraduhamiriza ibyo benshi mu bitandukanyije na FPR bakunze kudomaho agatoki. FPR irica. Kwica kwa FPR byagaragajwe n’uko ariwo mutwe wafashe ubutegetsi ariko nta mfungwa z’intambara wigeze ugaragaza. Bose yarabishe. Ikindi hari umwe mu bihayimana Musenyei Simaragde Mbonyintege we witegereje ibyabaga mu Rwanda mu mwaka wa 1994  aravuga ati “Interahamwe zirica ariko Inkotanyi zo zirabaga”. Kuba nta butabera bwigeze buhana Inkotanyi bisobanuye ko “kubaga” Musenyeri yavugaga bitari icyaha. Niyo mpamvu n’uyu munsi Kagame ajya mu giterane cy’amasengesho agahamagara ngo “Bantu b’Imana…kuki mutabikora? Ugenekereje wavuga ngo “kuki mutabaga?

2. “Banyarwanda ntimuzabe ba Ntibindeba”

Dr. Théodore Sindikubwabo, perezida wa Repubulika y’u Rwanda (1994-1998)

Iri ni ijambo Perezida wa Repubulika Dr Sindikubwabo Théodore yavuze mu gihe jenoside yabaga mu mwaka wa 1994. FPR imushinja ko yabwiraga abahutu guhagurukira kwica Abatutsi.  Nk’uko nabigaragaje mu nyandiko yo kuwa 9 Mutarama, Leta y’u Rwanda irapfobya kandi igahakana jenoside yakorewe abatutsi. Ibi ndabishingira ku mvugo FPR ishinja ubutegetsi bwayibanjirije ko ariyo yahamagariye abantu gukora jenoside.  Théodore Sindikubwabo yabwiye abanyarwanda guhaguruka bakarwanya FPR n’ibyitso byayo(iri jambo ibyitso ryasobanuwe ko ari Abatutsi bavugwaga).

None uyu mwaka iyo mvugo ni yo abategetsi bimirije imbere. Nyuma y’uko Mushikiwabo  avugiye ko urwanya Leta wese ari umwanzi ukwiye kwicwa nk’uko Karegeya yishwe, Kagame we yaje atonganya intore azibaza impamvu zitabikora. Ibi ni byo byanyibukije Perezida Sindikubwabo Théodore abwira abanyarwanda ngo bareke kuba ba Ntibindeba , neza neza Kagame yasubiye mu magambo ya Sindikubwabo. Koko babivuze ukuri nta gishya munsi y’izuba, ibyo tubona cyangwa twumva biba byarabayeho na mbere. Ikibabaje ni uko tutigira ku mateka! Ubu koko, Banyarwanda muremeye umuntu wimirije imbere inyungu ze bwite abashore mu bwicanyi ngo ni uko yabivugiye mu giterane cy’amasengesho? Mubitekerezeho n’ubushishozi ndabizeye.

Hagowe abihayimana bumva umukuru w’igihugu avuga ibi ntibagire ikintu bakora: kuki niba mudashoboye gutsinda ubwoba ngo mumubwire,  mutandika ngo mukore ubutumwa mubugenere umuryango w’abibumbye, ibihugu n’imiryango nterankunga mukagaragaza aho igihugu kirimo kuganishwa?

3.Gukora ikosa ni ibya muntu, ariko gukomeza kwivuruguta mu makosa ni ibya shitani

Uyu mugani ubundi uturuka mu kilatini ( errare humanum est sed perseverare diabolicum). Kubera kamere muntu tudashobora gutandukana na yo mu gihe tukiri mu mubiri, uwo ari we wese yakora ikosa. Gusa rero iyo umuntu akoze ikosa ejo akongera akarikora ejobundi akarisubira burya si we uba akora ahubwo ni shitani iba imurimo. Iyo shitani imuhuma amaso ntashobore kubona ko arimo gukora nabi bityo akigumira mu bye, umubare w’ibyaha akawurushanwa n’ingurube aka ya mvugo. Kandi burya ngo n’ingurube iba yiyumvamo ubwenge bwahebuje. Niho havuye wa mugani baca bannyega umuntu ushaka kwigira intyoza bagira bati “sus minervam docet”. Bisobanura ngo ingurube yigisha Minerva, kandi nyamara Minerva ni imana itanga ubwenge! Munyumvire namwe aho ingurube ijya guha ubwenge imana ibutanga!

Kagame amaze kubahishurira ko mwakoze ikosa mukamureka akarahirira kubayobora. Arababwira ko kirya gihe mwakoze ikosa rikomeye cyane, none se mwihitiyemo kuba nka ka ka benz twabonye haruguru( ingurube yitwa aka benz mu mvugo y’ab’ubu). Aha naho muhatekerezeho neza!

 Umwanzuro:

Mu gihe FPR yatangije icyunamo kidasanzwe kubera ko hashize imyaka 20 ubwicanyi bubaye mu Rwanda( mu by’ukuri  ubwicanyi bwatangiye mu kwezi kwa cumi 1990), abategetsi b’u Rwanda wagira ngo bamanukiwemo n’abazimu. Biragoye kumenya aba bazimu abo ari bo kugira ngo wenda abakibuka umuco baterekere igihugu gihumeke. Niba ari abazimu b’abo FPR yatsinze za Byumba Ruhengeri n’ahandi, niba ari abazimu b’abasenyeri, niba ari abagwagasi bo mu mashyamba ya Congo, niba ari umuzimu wa Karegeya nta wamenya. Ikigaragara cyo ni uko Abanyarwanda basabwa ubwitonzi n’ubushishozi muri iki gihe  kugira ngo twirinde gusubira mu mwiryane waranze igihugu cyacu.

Tugire ubutwari duharanire ko ukuri kujya ahagaragara ubutabera bukagera kuri bose kandi ibyiza by’igihugu bigasaranganywa mu buryo butabogamye. Nta kindi gikumira jenoside kitari iki. Wowe wirirwa uvuga ngo “never again”, warangiza ukaryamira abenegihugu ukabacuza utwabo, ukabafungira ubusa, ukababuza kwiga ukabima ubutabera…uragosorera mu rucaca. Never again ni ijambo gusa, iyo ridaherekejwe n’ibikorwa byiza rihinduka zero. Irinde gukora irindi kosa nk’iryo Paul Kagame yaguhishuriye ejobundi.

Chaste Gahunde

Nk’uko tubikesha ikinyamakuru Umuryango.com, ngo umenya Kayumba Nyamwasa amaze kumanika amaboko akaba yiyemeje gutaha mu Rwanda agakorana na FPR. N’ubwo bwose nta wizeye ukuri kw’iyi nkuru, RNC nitagira icyo itangaza birafatwa nk’ukuri.

Ubwanditsi

Dore uko iyo nkuru ibivuga.

Kayumba Nyamwasa wigeze kuba umugaba w’Ingabo z’u Rwanda, nyuma akaza guhungira muri Afurika y’Epfo, aho hamwe na bagenzi be bashinze Ishyaka RNC ritavuga rumwe n’ubutegetsi bw’u Rwanda, biravugwa ko yaba ashaka kugaruka gukorera mu gihugu imbere.

Inkuru dukesha africanudo.wordpress.com ivuga ko Kayumba Nyamwasa yagiye yohereza Intmwa ahantu hatandukanye nko muri Leta zunze ubumwe za Amerika, mu Bwongereza ndetse no mu Karere ka Afurika y’Uburasirazuba, aho izo ntumwa ngo zabaga zifite ubutumwa bwihariye bugenewe Perezida Paul Kagame mu rwego rwo kwiyunga.

Nk’uko icyo gitangazamakuru cyakomeje kibyandika, ngo byari bitegnyijwe ko ibisabwa kugirango Kayumba abe yagaruka mu Rwanda byaba byatunganye mbere y’impera z’ukwezi kwa Gashyantare uyu mwaka.

Iki kinyamakuru kandi cyakomeje kivuga ko umushinga wa Kayumba Nyamwasa wo kugaruka mu Rwanda, waba ushyigikiwe kandi ukanaterwa inkunga na ANC ishyaka riri ku butegetsi muri Afurika y’Epfo, aho Cyril Ramaphosa Umuyobozi mukuru wungirije w’iryo shyaka ari we wahawe inshingano zo kumugeza mu Rwanda.

Cyril Ramaphosa umwe mu banyemari bakomeye muri Afurika y’Epfo, bivugwa ko yaba yaragiranye amanama atandukanye na Kayumba Nyamwasa hamwe na Patrick Karegeya kuva muri Nyakanga kugeza mu Gushyingo 2013, aho ngo baganiraga ku kuntu yatera inkunga inama idasanzwe ya RNC (Rwanda National Congress) yari iteganyijwe mu Gushyingo.

Iyo nama yari iteganyijwe muri Afurika y’Epfo, ngo yari kubera igihe kimwe n’izindi nk’iyo zagombaga kubera i Londres mu Bwongereza, i Washington muri Leta zunze ubumwe za Amerika , i Parismu Bufaransa, i Bruxelles Mu Bubiligi ndetse n’i Sydney muri Australia.

Gusa ngo kuwa 18 Ugushyingo umwaka ushize w’2013, Minisiteri y’Ububanyi n’amahanga muri Afurika y’Epfo yashyikirije kayumba Nyamwasa na Patrick Karegeya ibaruwa ibamenyesha ko batemwerewe gukoreshereza iyo nama ku butaka bw’icyo gihugu.

Ngo ku munsi wakurikiyeho (ubwo ni kuwa 19 Ugushyingo 2013), Kayumba na Karegeya batumije abanyamuryango bakuru ba RNC baba muri Afurika y’Epfo, mu nama y’igitaraganya yabereye muri hoteli ya Protea Hotel Centurion i Johannesburg.

Ngo iyo nama yamaze amasaha ari hagati ya 18 na 21, aho Kayumba na Karegeya basobanuriye abandi banyamuryango kuri iyo baruwa, maze Kayumba ababwira ko nta cyo izahungabanya kuri gahunda y’iryo shyaka, yemeza ko inama izaba nta kibazo.

Kubera icyizere gicye cy’uko iyo nama yazaba ku banyamuryango bamwe, Kayumba yahise ahindura inyito y’iyo nama, maze ayita “Ingando”, bateganya ko yazamara iminsi ibiri mu mpera z’ukwezi kw’Ugushyingo, ariko yimurirwa kuwa 21 na 22 Ukuboza, ariko birangira ikozwe mu munsi umwe kuwa 21 Ukuboza 2013.

Gusa kugeza ubu impamvu ifatika yatumye Cyril Ramaphosa yemera gushyigikira uwo mugambi wa Kayumba wo kugaruka mu Rwanda ntiramenyekana.

Kayumba Nyamwasa yahoze ari umusirikare mu ngabo z’u Rwanda ku ipeti rya Jenerali (Gen.) akaba yaranazibereye Umugaba wa zo, nyuma aza no guhagararira igihugu cye (Ambasaderi w’u Rwanda) mu Buhindi mbere y’uko ahungira muri Afurika y’Epfo muri Gashyantare 2010.

Yaje kurusimbuka kuwa 19 Kamena 2010, ubwo yagabwagaho igitero, maze nyuma aza kwishyira hamwe na Patrick Karegeya na we wari umusirikare w’u Rwanda ku ipeti rya Koloneli (Col.) mbere y’uko yamburwa amapeti, akaba yarigeze no kuyobora ubutasi bwo hanze y’igihugu.

Aba bombi hamwe na Dr Théogène Rudasingwa na we wari umuyobozi w’ibiro bya Perezida Paul Kagame ndetse na Dr Gerald Gahima wari Umushinjacyaha mukuru, bahise bashinga Ishyaka Rwanda National Congress RNC, ritavuga rumwe n’ubutegetsi bw’u Rwanda.

Nk’uko africanudo.wordpress.com yakomeje ibyandika, uwatangaje gahunda ya Kayumba yo kugaruka mu Rwanda ntiyagaragaje niba hari isano byaba bifitanye n’urupfu rwa Karegeya.

 Source: http://www.umuryango.rw/spip.php?article10526