Musanze : Umucuruzi Musinga Martin yaburiwe irengero

arton9855-72ffbUmugabo witwa Ndimubanzi Martin uzwi ku izina rya Musinga ubusanzwe utuye mu Kagari ka Mpenge, Umurenge wa Muhoza ho mu Karere ka Musanze kugeza ubu yaburiwe irengero nyuma y’uko avuye mu rugo agiye Kigali kubonana n’abantu bamuhamagaraga kuri telefone ye igendanwa bamubwira ko bagiye kumuha Isoko.

Umuryango wa Musinga ukaba wadutangarije ko yavuye mu rugo rwe ruri I Musanze mu gitondo cyo kuwa Gatatu tariki ya 06 Ugushyingo ahamagawe n’abantu atazi I Kigali bamubwira ko bagiye kumurangira isoko isoko cyane ko biri mubyo asanzwe akora.

Mu kugera I Kigali, Musinga ngo akaba yari afite izindi gahunda ariko iy’ibanze ari iy’aba bantu bagiye kumurangira isoko. Aba bantu baje kumuhamagara bamubwira ko bari Nyarutarama kuri Mtn bamusaba ko yabasangayo ariko ababwira ko we ari Kimisagara.

Musinga n’aba bantu bamuhamagaraga baje kumvikana ko bahurira Nyabugogo ahitwa kwa Mirimo, ahita ava Kimisagara yerekeza Nyabugogo atawawe mu modoka n’umwe mu bantu bo mu muryango we (amazina atatangajwe kubera umutekano we) amugeza Nyabugogo ngo ajye kubonana n’abo bantu undi nawe akomeza gahunda ze.

Kuva icyo gihe Musinga yajya kubonana n’abamuhamagaraga kugeza ubu umuryango we uvuga ko utarongera kumuca iryera.

Ni muri urwo rwego kuwa Kane tariki ya 07 Ugushyingo umuryango wa Musinga wafashe umwanzuro wo kugeza ikibazo kuri Komiseri Mukuru wa Polisi nk’uko bigaragazwa na kopi y’iyo baruwa yasinyweho n’ubunyamabanga bwa Komisariya Nkuru ya Polisi.

Uyu muryango uvuga ko kugeza ubu polisi ibabwira ko iri gukora iperereza kugirango habe hamenyekana aho umuntu wabo aherereye.

Twagerageje kuvugana n’Umuvugizi wa Polisi y’u Rwanda mu gushaka kumenya ibirambuye kuri aya makuru ariko ntibyadukundira.

Ubusanzwe Ndimubanzi Martin uzwi ku izina rya MUSINGA afite ibikorwa by’ubucuruzi binyuranye mu Ntara y’Amajyaruguru, akaba ari na we uhagarariye icuruzwa ry’ibinyobwa bya SKOL mu Mujyi wa Musanze.

Inkuru dukesha urubuga Umuryango.rw

NDLR: Indi nkuru ibabaje cyane ni uko umukecuru wa Musinga yagize ikibazo cy’umutima ahita yitaba Imana nyuma yo kumva ibura ry’umuhungu we. Imihango yo kumushyingura iteganyijwe kuri uyu wa Kane tariki ya 14 Ugushyingo 2013. Twifatanyije n’uyu muryango mu bihe bikomeye barimo.

Polisi y’igihugu iravuga ko ikomeje gukora iperereza ariko benshi turasanga harimo n’uburangare muri iri perereza. Mu gihugu nk’u Rwanda aho ama telephone yose bayumviriza kandi buri nimero ikagira nyirayo uzwi birahagije kumenya abahamagaye Musinga kuri uwo munsi. Kuba kugeza ubu polisi itaragaragaza abakekwa rero biteye amakenga.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s