“Interahamwe zirica ariko Inkotanyi zirabaga” Mgr Simaragde Mbonyintege wa Diocese ya Kabgayi.

 
umwicanyi
Iyi ni ifoto yakozwe(montage) yerekana ko Kagame ari umwicanyi kabuhariwe.
Gusubiza Tom Ndahiro ni “uguta inyuma ya Huye” ; ariko reka dupfe kumusubiza kuko “Ntawe uvuma iritararenga”, ahari yagira icyo yitoreramo. Turamusubiza tumwibutsa we ubwe, twibutsa abasomyi n’abakunzi b’urubuga Leprophete-Umuhanuzi ibi bikurikira :
1. Nk’uko Padiri Thomas Nahimana yabyanditse mu nyandiko ye yise N’ububasha bw’ikuzimu ntibuteze gutsinda Kiliziya…. (Mt 16,18)” yasohotse ku urubuga Leprophete ku italiki ya 05 Gicurasi 2011, dore icyo Tom Ndahiro apfa na Kiliziya Gatolika :
“Tom Ndahiro afite aho yavomye urwango afitiye Abapadiri. Ibya Tom Ndahiro ubyumvise wese ntibyabura kumubabaza. Ni inkuru itazwi na benshi, reka tuyitangaze, ubwo igihe cyayo kirageze. Umuryango we ukomoka muri Diyosezi ya Kibungo. Ababyeyi be bari abakirisitu gatolika b’imena. Ndetse se umubyara yakoraga kuri paruwasi bikamufasha kubona udufaranga two gutunga umuryango we. Gusa rero uwo musaza yaje kugira igishuko aterura amafaranga ya paruwasi yari agenewe gufasha abakene. Padiri mukuru byaramubabaje cyane kuko yakundaga uwo musaza ariko kubera ko uwo musaza atashatse gusubiza amafaranga y’abakene yibye, Padiri mukuru yafashe icyemezo cyo kumusezerera ku kazi. Icyakurikiyeho ni uko uwo muryango wagize ibibazo by’ubukungu, maze si ugukena uratindahara ! Icyo kimwaro cyateye abo muri uwo muryango guhindura idini no kwanga kiliziya gatolika urunuka, bagahora bayivuga nabi mbese mu buryo bwo kwikura mu isoni. Ushaka kumva aho Tom Ndahiro akomora ubukana atahwemye kugaragariza Kiliziya gatolika yahera aho. Sijye wahera.
Icyitonderwa: Ntitwiriwe tuvuga utuntu twose (détails) nk’amazina y’abantu n’ay’ahantu kugira ngo hatagira uwo bibangamira. Ariko ushaka kubimenya neza azabibaze Tom Ndahiro cyangwa se natwe twazabimugezaho”.
Nta cyiza rero Tom Ndahiro ashobora kwifuriza Kiliziya Gatolika. Abonye uburyo ateranya abayigize, cyane cyane abayayiyobora, yaba ari hafi kugera ku ntego ye yo kuyisenya. Amahirwe yose ni uko atazabishobora.
2. “Interahamwe zirica, ariko Inkotanyi zo zikabaga”. Ibi ni ibyanditswe ku buryo budashidikanywa na Musenyeri Smaragde Mbonyintege, umwepiskopi wa diyosezi ya Kabgayi. Kuki tutigeze twumva Tom Ndahiro amwagana na rimwe ? Ibyo Padiri Fortunatus Rudakemwa yaba yaranditse birusha biriya ingufu ni ibihe ? Ngibi :
“Ikibazo cyo mu Rwanda si Abahutu, ikibazo ni Interahamwe. Kandi Abahutu bose si Interahamwe. Ikibazo si Abatutsi, ikibazo ni imburagasani z’Inyenzi-Inkontanyi. Kandi Abatutsi bose si Inkotanyi. Mu mateka ya vuba aha y’Urwanda, Interahamwe zishe Abatutsi benshi zitaretse n’Abahutu. Ariko rero, Inkotanyi nazo zishe Abahutu benshi b’inzirakarengane, zitaretse n’Abatutsi bamwe na bamwe. Niba utabizi, amateka ya vuba aha y’Urwanda yarakwihishe”.
Tom Ndahiro, umuhakanyi w’inzobere mu kuvanga amasaka n’amasakaramentu, ahamya ko Padiri Rudakemwa yanditse ziriya nteruro muri Dusangirijambo yitwa“Uhoraho Imana arababarira bitavugwa” ku wa 20 Gashyantare 2012. Arigiza nkana abeshya kugirango abasomyi bakeke ko hari icyo Ijambo ry’Imana rimubwiye. Rubanda bakinisha byinshi. Ntayobewe ko Padiri Rudakemwa yanditse biriya muri Gicurasi 2011, ubwo yatangazaga mu byiciro 3 inyandiko yise Nganire na Yohani Ndorimana. Ukomye urusyo akoma n’ingasire”. Icyo gihe Ndorimana yari akiri padiri, ariko ari mu marembera yenda kuvamo, kandi agashaka gusiga yanduranije.
Igitekerezo nyamukuru cya padiri Rudakemwa cyari uko abicanyi bose bagomba guhanwa cyangwa se bakagirirwa imbabazi, bamaze kwemera icyaha cyabo no gusaba izo mbabazi nyine.
Tom natubwire niba umuntu yise Interahamwe “Imburagasani” yaba aciye igihugu umugongo cyangwa inka amabere. Narangiza, adusobanurire niba umwicanyi atari nk’undi. Kireka ahari icyaha cyaba ari ukwica Umutusti gusa, naho kwica Umuhutu, Umutwa, Umuzungu cyangwa umunyamahanga bikaba “ubutwari no gukunda igihugu”.
Ubwanditsi bwa Leprophete-Umuhanuzi
Byakuwe ku Rubuga Leprophete-Umuhanuzi

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s