aside Iyo nta bisubizo bihari, buri, wese yitakana abandi. Ng’uko uko byifashe mu Rwanda

Umuyobozi mukuru w’ikigega kigenewe gutera inkunga abacitse ku icumu rya Jenoside yakorewe Abatutsi muri Mata 1994 batishoboye (FARG), Theophile Ruberangeyo, ndetse n’Umunyamabanga wa Leta muri Minisiteri y’Ubutegetsi bw’igihugu n’imibereho myiza y’abaturage, Dr Mukabaramba Alvera, ibisobanuro byababanye iyanga ku makosa agaragazwa na raporo y’Umuvunyi, nabo bashinja kutuzura.

Aba bayobozi bombi bari bitabye Komisiyo ya Politiki, uburinganire n’ubwuzuzanye bw’abagore n’abagabo mu iterambere ry’igihugu mu nteko ishinga amategeko y’u Rwanda, kuri uyu wa Gatanu tariki 22 Werurwe 2014, aho bakomeje kugaragaza gutungurwa n’amakosa berekwaga akubiye muri iyi raporo yananyujijwe imbere ya Minisitiri w’intebe.

Ubugenzuzi bwakozwe n’Urwego rw’Umuvunyi mu Kwakira 2012 kugeza muri Mata 2013, bugashyirwa muri raporo yashyikirijwe Minisitiri w’Intebe Dr Habumuremyi Pierre Damien, ndetse n’Inteko Ishinga Amategeko, bugaragaza ko hari ibikoresho by’ishuri byaguzwe na FARG bigenewe abanyeshuri bacitse ku icumu byandagaye hirya no hino mu Turere bitigeze bishyikirizwa abo bigenewe nk’uko byari biteganyijwe.

Iyi raporo kandi igaragaza ko mu mafaranga yagenewe FARG agera kuri miliyoni 130 n’ibuhumbi 783 n’amafaranga 706, ubuyobozi bwa FARG butabasha gusobanura imikoreshereze yayo ndetse n’amafaranga arenga miliyoni 86 n’ibihumbi 854 n’amafaranga 947 yakoreshejwe indi mirimo idafite aho ihuriye n’ibikorwa biterwa inkunga na FARG.

Ubu bugenzuzi kandi bukomeza bwerekana ko hari n’ibigo by’amashuri byo mu turere icyenda, FARG ibereyemo umwenda ungana na 41,810,138 biba byarahaye ubumenyi n’abana FARG ibereye umubyeyi ariko byakwandikira FARG byishyuza ikavunira ibiti mu matwi.

Atanga ibisobanuro kuri ibi bibazo, Umunyamabanga wa Leta muri Minisiteri y’Ubutegetsi bw’igihugu, Dr Mukabaramba Alvera yavuze ko ibigaragara muri iyi raporo ibyinshi byakemutse ndetse anavuga ko igaragaramo ibibazo byagaragaraga mu mwaka wa 2010, ubu ibyinshi bikaba byarabonewe umuti.

Dr Mukabaramba avuga ko iyi raporo igaragaza imibare yo muri 2010, kandi igenzura ryakozwe mu mwaka wa 2012-2013, yavuze ko kuva mu mwaka wa 1998 kugeza muri 2004, FARG yaguraga ibikoresho by’abanyeshuri ikabishyikiriza uturere, uturere na two tukabigeza ku bigo, ariko mu mwaka wa 2005, FARG yagiranye amasezerano n’ibigo by’amashuri ko bizajya byakira abanyeshuri bikaha n’ibikoresho, maze ikazabishyurira rimwe mu gihe cyo gutanga amafaranga y’ishuri.

Yagize ati “Ubu FARG isigaye itanga matelas zonyine, gusa tukimenya ko hari ibikoresho bikiri mu Turere twahise twandika ibaruwa dusaba ko ibi bikoresho byahabwa abagenerwabikorwa ba FARG biga mu mashuri y’uburezi bw’ibanze bw’imyaka icyenda na 12, ubwo rero niba hari ibikiriyo ni amakosa y’uturere.”

Nyamara ariko n’ubwo avuga gutya, Theophile Ruberangeyo, Umunyamabanga Nshingwabikorwa wa FARG, nawe wari mu bagomba kwisobanura yavuze ko ibaruwa yandikiwe uturere idusaba gutanga ibi bikoresho birimo amakaye, amakaramu na ‘set’ yanditswe mu mwaka wa 2011, kandi ikibazo cyaratangiye kugaragara 2005.

Aba bayobozi bakomeje kwerekana ko batemeranya n’iyi raporo y’Urwego rw’Umuvunyi, kuko ku birebana n’imyenda babereyemo ibigo by’amashuri, bagaragaje ko nta kigo na kimwe cyishyuje babereyemo umwenda, ngo kuko mu mwaka wa 2010 FARG ifatanyije n’izindi nzego zirimo iz’uburezi bakoze inama bakemeza ko bagiye kwishyura ibi bigo mu gihe cy’amezi abiri.

Uyu muyobozi yakomeje avuga ko amafaranga yakoreshejwe nabi, Umuvunyi yagaragaje ko batayazi ngo kuko muri iyi raporo batagaraje igihe aya mafaranga yanyererejwemo. Aha nta bintu byinshi bigeze bongeraho. Yagize ati “Nta ‘information’ nta amakuru tubifiteho.”

Imyaka 20 ishize hakiri abarokotse badafite aho kuba. Raporo y’Umuvunyi kandi ikomeza igaragaza ko kuva mu mwaka wa 1998 kugeza muri 2012, Leta y’u Rwanda yashyize muri iki kigega amafaranga miliyari 19 na miliyoni 319 n’ibihumbi 788 n’amafaranga 805, agenewe kubakira abacitse ku icumu batishoboye, ariko kugeza ubu hakaba hakiri imiryango 2 800 itarabona amacumbi.

Kuri iyi ngingo, Umunyamabanga wa Leta muri Minisiteri y’Ubutegetsi bw’igihugu, yatangaje ko imibare igaragazwa n’Umuvunyi, ntaho ihuriye n’iyo bafite n’ibyo bamaze gukora.

Yavuze ko Raporo igaragaza ko Leta yabahaye miliyari 19 zisaga kandi barahawe miliyari 21, akomeza avuga ko ikibazo cy’amacumbi cyakomezaga kizenguruka abantu ntibubakirwe, ariko nyuma mu mwaka wa 2010 bakaza gukora igenzura mu gihugu cyose bareba abantu bakenewe kubakirwa n’abakeneye gusanirwa.

Gusa n’ubwo aba bayobozi bagera imbere y’inteko bamwe bakemera ibyo raporo iba ibashinja ndetse bagahakana bagatsemba basoza bavuga ko bagiye kwikubita agashyi mu mikorere. FARG na MINALOC baje nyuma ya MINEFRA nayo yabuze ibisobanuro bihagije ku gihombo cya miliyari ebyiri zisaga z’Amadorali y’Amerika Leta ya hombye mu kubaka ingomero nto indwi.

Mukabaramba Alivera na Theophile Ruberangeyo ubwo bari ku ngoro y’Inteko Ishinga Amategeko y’u Rwanda

rubibi@igihe.rw

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s