General Nyamvumba avuga rumwe na opposition y’u Rwanda

arton53423-08000

 

Gen Patrick Nyamvumba

Mu kiganiro umugaba w’ingabo z’u Rwanda General Patrick Nyamvumba yagiranye n’ikinyamakuru igihe.com (http://www.igihe.com/interviews/ )  yagaragaje ko avuga rumwe na opposition y’u Rwanda. Bimwe mu byo opposition isaba FPR gukosora cyangwa ikava mu nzira abandi bakabikora, harimo kubaka igihugu buri wese yibonamo. Mu gihe abenshi mu bavugizi b’agatsiko bakunze kuvuga ko nta kibazo gihari, general Nyamvumba we yagize ati: “ ugiye kubireba phase [igihe] y’intambara yararangiye ariko hasigaye kugira u Rwanda rw’Abanyarwanda, abantu bose bibonamo.” Nyamvumba rwose na we azi ko u Rwanda rwamunzwe n’ivangura kugeza havangurwa abapfuye, ivangura mu mfungwa n’imfubyi, n’ibindi bituma hatabaho igihugu Abanyarwanda bose bibonamo. Ikimenyetso gifatika kigaragara mu ngabo Nyamvumba abereye umugaba aho usanga abayobozi bose ari abo mu bwoko bw’abatutsi.

kagame-na-RDF-3-2

Kuva ku bayobozi b’ama brigades kugera ku ma sections, haba ministre n’aba chefs ba za directions za Etat Major bose ni Abatutsi. Ni byo koko Abanyarwanda bose ntibibona muri izi ngabo.

Avuga ku kibazo kijyana n’umutekano , Nyamvumba aragira ati “nkanjye ushinzwe ingabo nakwibanda ku kibazo cy’umutekano kuko ariwo musingi, tukareba ko igihugu n’abagituye bafite umutekano dufatanyije n’izindi nzego z’umutekano n’abasivili, sinavuga ko twabigezeho,…”

N’ubwo FPR ihora ihinduranya imvugo hari ikindi kimwe idashobora kubeshya ngo cyemerwe: kumva ko byose yabigeraho iheza abandi banyarwanda bashaka gutanga umusanzu wabo banyujije mu mashyaka ya politiki. Ntibizashoboka ahubwo Kagame ashatse yakwibuka wa mugani ugira uti “uwo uzaheka ntumwisha urume” maze hakabaho ibiganiro bizatuma twubaka igihugu twese twibonamo.

Ubwanditsi

 

 

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s