Tag Archives: ISHEMA

Ubwami bwakuweho na Kamarampaka none bugaruwe na Kamarampaka. Ese abanyarwanda baribeshye?!

kalinga

Kalinga n’izayo, ikimenyetso cy’ubwami bwakuwe na Repubulika.

Nk’uko umutwe w’iyi nyandiko ubihishura, ntabwo ndwanya Kamarampaka iyo ariyo yose ikozwe mu nyungu rusange z’abanyarwanda cyane cyane ko atari na bwo bwambere abanyarwanda biyambaje Kamarampaka.
Nk’uko amateka abigaragaza Kamarampaka ya mbere mu mateka y’u Rwanda yabaye kuwa 25 Nzeri 1961 hagamije kumenya niba abanyarwanda baba bashyigikiye ko u Rwanda rukomeza kugendera kumatwara n’imyumvire by’ingoma ya cyami. Nimuri iyo Kamarampaka rero abanyarwanda bagera kuri 80% bemeje ko banze ubutegetsi bw’ingoma ya Cyami ku mugaragaro, maze bihitiramo kugengwa n’ubutegetsi bwa Repubulika bushingiye, kandi bugendera kumahame ya Demokarasi isesuye. Ibyo ni ukuri kandi byashimishije benshi mu banyarwanda b’icyo gihe. Atari uko amatora yabaye mu mucyo gusa ahubwo ari uko Repubulika yari itegerejwe mu kurengera inyungu rusange za Rubanda; binyuranye n’ingoma ya cyami yari yubakiye ku gatsiko k’Abatutsi kandi mu nyungu za ko gusa abandi bakababera abagaragu.

Nyamara kwemeza ko umwami n’ubwami biciwe mu Rwanda ntabwo byari kwishimirwa n’abanyarwanda bose kandi birumvikana. Agatsiko ingoma yakamiye kagizwe ahanini n’umwami n’ibyegera bye bari bibumbiye mu Ishyaka rya UNAR ntabwo bigeze bishimira ayo matora n’imyanzuro yayo kugeza bahisemo guhunga igihugu kuko bumvaga bibagoye gutegekana n’abo bumvaga ko bagomba kubabera abagaragu ubuziraherezo. Iyo ngengabitekerezo ni yo igiye koreka u Rwanda.

Ngo iyo Kamarampaka yakuye ho ubwami ni yo igomba no kubugarura!

Iyo ngengabitekerezo rero na n’ubu ni yo aba bana ba UNAR (FPR) biyemeje kugendera ho. Kugeza ubu abacurabwenge ba FPR bemeza ko amateka yabarenganije ubwo hemezwaga ko ubwami buciwe, hakimikwa Repubulika. Hari abajyaga bavuga ko Paul Kagame we ubwe yarahiriye nyina umubyara amaze kumutekerereza uko byagenze kugira ngo ubwami buveho, maze amubwira ko azakora uko ashoboye kose akabahorera.

Guhora byarabaye ariko kugarura ingoma ya cyami na byo ngo byari biri muri uwo mugambi wo guhorera ubwoko bwe, kandi kuri ubu ingoma arayikozaho imitwe y’intoki, nako ari hafi kuyicaraho. Ntabwo rero ari ingingo y’101 y’itegekonshinga igomba guhindurwa byihuse, kuko hari n’izindi zikibangamiye uyu mugambi w’AGATSIKO ka Paul Kagame kugira ngo bihorere byimazeyo ku banzi babo!

Mu by’ukuri uyumugambi mubisha ugeze kure kuko twagumye kubifata nk’amagambo n’ibikino none igihe kirabitweretse. Nta kindi Paul Kagame n’agatsiko ke bagamije atari ukugarura ubwami n’ubugaragu mu gihugu cy’u Rwanda. Hakaba haratewe intambwe nyinshi kugira ngo uyu mugambi ugerweho, ariko hasigaye gukuraho Repubulika nyirizina hakimikwa ubwami buganje. Mu rwego rwo kwereka abanyarwanda ko abanze ubwami n’umwami bibeshye, ubutegetsi bw’agatsiko bwiyemeje gusenya n’inkingi za Demokarasi na repubulika maze hakimikwa ubwami n’umwami mushya. Iyi Kamarampaka rero biteguriye igamije kwihesha agaciro n’icyubahiro ngo bambuwe muri 1961 ubwo amatora yemezaga ko ubwami n’umwami bisezerewe na Rubanda rugufi.

Hakorwa iki ngo uyu mugambi mubisha wa Paul Kagame uburizwemo?

Umunyarwanda wese wumva ko yiyemeje urugamba rwo kurwanirira inyungu rusange za rubanda aho kurwanirira ubwoko cyangwa akarere… nashingure ahagarare maze atere intambwe adasusumira, akenyere akomeze maze duhangane n’aba bamarayika b’ikinyoma ari bo banzi ba demokarasi mu Rwanda.

Twibuke ko Kagame n’agatsiko ke ari abantu, bavutse nk’abandi bana bose, bagira amarangamutima nk’abandi bose, icyo babarusha barayarenga bagashyira mu bikorwa imishinga yabo mibisha. Kagame aratinya, agira ubwoba n’impungenge ariko arabirenga akikomereza. Ibyo rero nta kindi kibimutera ni twe ubwacu twamworoye. Dukwiye kwishyira hamwe twese tugafatana urunana tugataha mu rwatubyaye mu nyungu rusange z’abanyarwanda bose maze tugafatanya na bo, tukabahumuriza, kandi tukababera icyitegererezo, maze mukareba ngo agahuru k’imbwa karashya. Kagame yahisemo inzira y’ikinyoma n’iterabwoba. Nta kindi rero twamutsindisha tutabaye intwararumuri z’ukuri n’ubutwari. Tukamutinyuka, tukamubwira tugahangana kugeza dutsinze kuko nta ho ikinyoma cyatsinze ukuri.

Niba hanze y’igihugu hakorera amashyaka koko arenga 20, imyaka ikaba irenze 20 umunyagitugu aducinyiza atwica urwagashinyaguro….tukarebera murumva byagenda bite? Njye nta munyagitugu nzi mumateka wigeze yikuraho agihumeka?!!! Uwamumenya yaduha urugero noneho tukizera ko General Paul Kagame na we azamukurikira yenda akaba uwa kabiri.

Igisubizo rero ni ugutinyuka tukaganira uburyo bwo gukorera mu gihugu cyacu cy’amavuko, tugakorana ho tukerekeza mu Rwatubyaye. Buri shyaka rikorera hanze rwose rikwiye kugira uyu mugambi wo kubohora abanyarwanda bidatinze, rikwiye kugira ubutwari bwo kurwana uru rugambwa rwa nyuma. Buri shyaka rikwiye kugira gahunda yo kubohoza urubuga rwa politiki rwafashwe bugwate n’agatsiko ka FPR-Inkotanyi. Ese ntimurabona ko gutahuka kw’abanyapolitiki n’aba lideri bacu ari ko gufunguka k’urubuga rwa politiki?

Niba koko mugamije inyungu rusange za rubanda ngaho nimusubize ubwenge ku gihe, maze hashakwe umuti w’iki kibazo cy’agatsiko kiyemeje koreka u Rwanda byanze bikunze. Niba urubuga rwa politiki rugenda rwifunga uko bwije n’uko bukeye tukabirebera tukanuma cyangwa tukavugira aho turi ntibigire icyo bitanga, ubu noneho dukwiye gutera indi ntambwe. Ntabwo urubuga rwa politiki rushobora kwifungura, ahubwo ni twebwe ubwacu tuzarufungura nta wundi. Ntabwo Amerika n’Ubwongereza bizavuga ngo bibe kuko atari Imana. Kandi iyo Amerika yarababwiye kandi izakomeza ivuge ariko ntacyo bishobora gutanga niba twihitiyemo kwibera ku mugonero.

Banyarwanda nimugire umuco wo kwirenganura, n’ubutwari bwo kwirwanaho ntimuhezwe mu buja n’ubugaragu n’umuntu nka mwe!

Ni murangwe n’ubutwari, muharanire Ishema ry’u Rwanda.

Venant Nkurunziza
Umunyamabanga mukuru wungirije ushinzwe amategeko no gukemura amakimbirane
Ishyaka Ishema ry’u Rwanda.

Ndaje Rwanda

1.Ndaje Rwanda mutima w’abawe

Soko shingiro nshima inkomoko

Imikorere yawe iteye inkeke

Abacu buzuye amaganya

5. Ndaje Rwanda nkunda nkundira nkubaze

Ko wahoranye ubutwari

Abawe bakaririmba Repubulika

Ubu Ishema ryawe riri hehe

Abawe baheze i shyanga?

10. Nyemerera nkubwize ukuri

Nyamara  ukaraje uramwirenza!

Inzigo n’inzika byamarira iki Muntu?

Ibyiza ni ukubana neza

Ibyago ntawabihamagaye!

15. Erega amoko yabo sicyo cyasha

Ishavu ridashira ni inda yabo

Abacu ntibagihagije iyo ntare!

Imikorere yayo iteye inkeke!

Inkiko nta w’uzikomye!

20. Invune z’abawe zahinyuje intwari

Ariko intwarane twaje

Yego inva si uburyamo

Ariko uburyarya bwuje abawe!

None abacu barashize!

25. Gusa abagukunda tuzakwitangira

Kugupfira nta pfunwe bidutera

Inzira twatangiye ntigihagaze

Imana ikunda u Rwanda turi kumwe

Ubumwe bwacu ni agaciro karwooo!!!

30. Dore ibango nta banga

Dutere duterure twese

Twitse twange urwango

Twungurane ingurane

Ingorane zugarije u Rwanda.

35. Rwanda ko tuje turirimba amahoro

Imbeho igataha irebero urugwiro rukabura

Abanzi babaza impanvu Abakunzi bavuza impundu?

Intwaro zacu ntizivusha ngo zitere ishavu ababyeyi

Zacuzwe na Mutarenganya.

40. Twaje abarezwe neza

Indamu mu nduru ntituyishaka

Impaka ni iza kamarampaka

Intwaro zacu nitwe ubwacu

Ukuri kwacu kuzatsindaaa!!!

45. Dore ngeze kwa Sogokuru aho i Burasirazuba

Nsanga nyogokuru ababaye cyaneee!!!

Acyamura ugutwi ati icyampa ukunva

Ntunvune ukanvuna mwana wange

Nanjye ndita mu gutwi nti ahubwo wantindiye!

50. Ngeze Mu Buganza bw’I Gisaka

Nsanga barasakabaka

Kabaka ati muribande ubundi ?

Nanga kuripfana mpagarara nemye

Nti  erega naho dukura ubutwari,

55. Turi mwene Mutarenganya

Wa Luteri rwa Rolilala rwa Gahindi Mohandasi

Twanze intambara rero

Duhitamo inzira y’amahoro

Umurage wayo turawunyotewe

60. Ubwo indahiro iramurenga ngo intsinzi arayiruzi

Turikomereza dusaba urwagasabo

Kanyarwanda ati: Ko inzira ibaye ndende?

Nti : Intwaro ni ubutwari kandi ubutwari ni umutwaro

Agahinda k’abawe katubuza amahwemo,

65. Kiyongozi ati twikomereze

Ducyama ubwo twerecyeza Nduga

Ndungutse ati mwabatindiye indagu yeze kera

Gitera Ndongozi w’i Gitarama ati narimbiteze

Ijambo rye turizirikana ubwo.

70. Ibwami tuhacyama baduha impundu

Indirimbo y’amahoro  yamamara  i Nyaruguru

Ababyunvise biruhutsa bitsa amahoro

Twese tuti erega n’ubundi ntacyo twapfaga!

Twifatira inzira ubwo umwana asezera iwabo.

75. Mu nzira twunva ab’ i Ruhande

Induru bayigize ndende

Ngo dutabare aho Rukomeye

Dusanga ibyishimo byabarenze

Inzira tuyifatanya ubwo,

80. Twerekeza mu Kinyaga

Imihanda yose dusanga twisanga

Badusanganiza amafunguro

Amafu aradusaba

Badusaba gukomera ku ntego,

85. Intambwe tuyigira ndende

Ngo dusange ab’ i Musanze

Dusanga bari maso

Rukara adukubise amaso

Amasonzi aramuzenga,

90. Ngo n’ubundi yari yarabivuze

Ubutwari buravukanwa

Tumuzirikana ubwo turikomereza

Ibanga ryacu rikwira Urwagasabo

Umwezi utaha urwatubyaye.

95. Ndiruhutsa nti ahari harabaye

Umwami abyunvise ubwo agwa mu kantu

Tuti gutsimbarara nibyo byoretse u Rwanda

Indamu yawe si iyamwene Kanyarwanda

Tera iyo ntambwe nawe urwubake!

100. Ararahira arirenga

asanga amazi yarenzE inkombe

Imbuto yera imihanda yose

isarurwa na mwene Kanyarwanda

Mutarenganya ahabwa ishimwe.

105. Aho dushinze ikirenge

Rubanda iba yahatanzwe

Inzira imubanye inzitane

Ahitamo kubaza Rubanda

Ati nkoriki Rubanda

110. Twese tuti: Ahooo!!!

Tuti igisubizo ni icyo

Nta mwami uba umwana

ijwi rya rubanda ni rihabwe agaciro

Gucurama ntibigukwiye,

115. Cururuka wunve abawe

Ikibazo kibaye insobe

Ikiza ni ugusasa inzobe

Ikindi rubanda yanze ikinyoma

Ikimonyo gihirimana ubwiru

115. Mbwira abunva igisubizo ni urukundo

Igisigaye ni ugusaranganya

Isuri isambira byinshi igasohoza bikeya

Icyiza ni ukubana buhanga

Impanga zanga impagarara

120. U Rwanda nirwande twanze induru

Indirimbo yacu ni DEMOKARASI

Nisugire isagambe

Imbaga ihabwe ijambo

Ishema n’isheja birange Urwatubyaye.

Venant Nkurunziza,

Ishema Party

UMURONGO WA LUNARI N’UWA PARMEHUTU: N’UBU RURACYAGERETSE !


parmehutu (1)Mu isesengura ry’ubushize twabonye uburyo kamere ya politiki ituma hafi ya hose mu bihugu haba imirongo ya politiki ibiri y’ingenzi ihanganye. Ibi biterwa n’uko abantu bashaka guhuza imbaraga, buri wese akiyunga n’abo begeranye mu bitekerezo. Kugira ngo na none abantu bishyire hamwe, bisaba ko buri wese agira icyo yigomwa. Ibyo rero bituma imyumvire yari itatanye mu ntangiriro, igenda yegerana, ikaza kwibumbira mu mirongo ibiri minini. Hari impamvu ikomeye rero ituma haba imirongo ibiri, ntihabe itatu cyangwa ine. Ni impamvu ishingiye ku mibare.Iyo abantu biyegeranya ngo baronke ingufu, buri tsinda riba riharanira kuba irya mbere. Ayo mahirwe yo kuba imbere agenda yiyongera uko amatsinda aba make, akagenda ayoyoka uko amatsinda aba menshi. Dufate urugero rw’igihugu kirimo ibyerekezo bine bya politiki: A, B, C, D. Kuko bose baba ari cyo bagendereye, buri murongo wa politiki waba ufite amahirwe angana na 25% yo gutsimbura abandi ukajya imbere. Nyamara hagize babiri muri bo bihuza, hasigara amatsinda atatu, ya mahirwe yo kuba uwa mbere akazamuka akagera kuri 33%. Hagize abandi babiri bihuza, ya mahirwe agera kuri 50%. Aha rero ni ho hari ipfundo rituma henshi haba imirongo ibiri ya politiki.

Ujya muri politiki ntabwo aba afite gusa umugambi wo kugera ku butegetsi. Aba anifuza kuburambaho igihe kinini gishoboka. Aha rero ni ho demokarasi itandukanira n’izindi nzira. Abanyagitugu bafata ubutegetsi bakanaburambaho ku ruhembe rw’umuheto. Mu bya cyami ho bubaka ingengabitekerezo ko ngo nta wundi wayobora usibye abavukanye ubwo butore. Muri demokarasi ni ibindi. Utinda ku butegetsi igihe cyose ba nyirabwo (abaturage) bakibugutije. Ndetse n’iyo rubanda yaba igukunze cyane bakugenera umubare wa “Manda” udashobora kurenza.

Muri demokarasi rero, igipimo cy’amajwi gitanga icyo cyizere ni 50% n’imisago. Iyo ufite muri za 40%, ushobora gutegeka kuko uba warushije abandi. Amajwi asigaye n’ubwo aba ari menshi (60%) ariko aba atatanye. Nyamara rero ntiwabyizera, kuko bashoboye kwishyira hamwe, bahita bagira 60% bakaguhigika. Ni yo mpamvu iri rushanwa ry’ubutegetsi muri demokarasi riganisha kuri 50%, kuko buri wese aba azi ko narenzaho na 0,1% azatengamara, kuko abasigaye bose, n’aho bakwiyunga batamutsimbura. Ubu bushake bwo kwegera 50% rero butuma abantu bagenda biyegeranya bikarangira bibumbiye mu bice bibiri bihanganye. Amashyaka asigaye na yo yireba ahereye kuri iyo mirongo yombi, hakaba abo byitwa ko bayikuririza, abandi bakavugwa ko bayoroshya. Ni ho haturuka ibyo twumva ngo Centre-Gauche (koroshya) cyangwa ngo Extrême-Droite (gukabya).

N’iwacu mu Rwanda ni uko byagenze. Ibitekerezo bya politiki byagiye byiyegeranya kugera hasigaye ya mirongo ibiri gusa: uwa repubulika ishingiye kuri demokarasi (wabimburiwe na MDR-PARMEHUTU) n’uwa gihake ishingiye ku murage n’amateka (wabimburiwe na UNAR). N’ubu rukigeretse. Amashyaka yacu wayarebera muri iyi mirongo yombi. Gusa na none, birashoboka ko hagira ayitarura ho gato, amwe akayikabiriza (Extrême), andi akayoroshya (Centre). Ariko murabona nyine ko na yo ari ya mirongo yombi aba yubakiyeho.

 

I. UKO IYO MIRONGO YOMBI IHAGAZE MURI IKI GIHE CYACU.

1. Umurongo wa UNAR.

Kuba FPR ari UNAR y’ubu byo si umugani. Mwibuke ko mu ntangiro zayo yitwaga RANU, ni ukuvuga UNAR mu mpine y’icyongereza. Gusa rero uko gusa no gusabirana ntibyagarukiye mu mazina gusa. Witegereje ibikorwa, usanga ari wa murongo wa UNAR ukomeje. FPR kimwe na UNAR irwanira ishyaka ibitekerezo.

 Icya mbere FPR yashakaga si imyanya mu butegetsi.

Iyo FPR iza kuba igenzwa n’imyanya, i Arusha bari bayihaye irenze iyo yari ikwiye, yari gutuza. Gusa ibi byari bihabanye n’umurongo wayo wa politiki wo kumva ko ubutegetsi bufite ba nyirabwo: Indobanure zo muri FPR. Ni yo mpamvu FPR yakomeje intambara kugeza ibufashe bwose. Yanze gutatira wa murongo w’uko hari abavukiye gutegeka n’abavukiye guhakwa.Iyo Kagame avuze ngo “twatakaje imyaka 30” ni ho aba yerekeza. Ni ukuvuga ngo Repubulika ya mbere n’iya kabiri zabaye icyuho, kuko ubutegetsi bwari mu maboko y’abatabugenewe.

Muzumve amadisikuru y’ubu: u Rwanda rwabayeho kugeza 1959, hacamo icyuho cya jenoside yamaze imyaka 30 (Repubulika ya mbere n’iya kabiri), rwongera kubaho FPR ifashe ubutegetsi. Igisekeje ni uko ibi Kagame abivugira kuri Stade Amahoro atubatse, akabivuga aturutse mu Rugwiro atubatse, ari butahe mu Kiyovu atubatse n’ibindi. Ibyakozwe byose kuri repubulika ya mbere n’iya kabiri bisa n’ibitabaho kuko nyine byakozwe n’abatagenewe kugira ubutegetsi. Kuri FPR, mu Rwanda ubutegetsi bufite ba nyirabwo. Si ubutegetsi butangwa, ni ubutegetsi butunzwe. Ni yo mpamvu yanze kubusangira n’abandi. Ibyo ntibivuguruzanya no kuba nyuma yo kubufata igenda ibukeberaho abo ishatse n’igihe ishakiye. Na ba Rwarakabije yarabakebeye. Gusa ibakebera izi, na bo bazi, ko ari ubwayo, bakagomba kwitwararika no kuyoboka. Ingaruka y’iyi myumvire ni uko ushaka kugira ijambo mu gihugu cye agomba kubanza GUHAKWAngo arihabwe, kuko rifite ba nyiraryo. Ngako akagobeko ko “kwihesha agaciro”. Iyo wumvise uku kuri, uba ubaye umuntu. N’iyo wari ufite “mandant d’arrêt” ukurikiranweno jenoside nka Rwigema Pierre Céléstin, bayigukuriraho, ugataha, babona uyoboka neza bakakugabira akanya. Naho iyo ugize uti nanjye ndi umwenegihugu ugashaka kwiha ijambo, FPR ikubika hamwe na ba Victoire, Mushayidi na Ntaganda, iyo ugize amahirwe ntigukurikize ba Rwisereka.

Aha kabiri FPR ibera umushibuka wa UNAR ni ku bo yubakiyeho.

N’ubwo ishuka abantu ngo abaturage bayikunda kurusha uko bikunda, n’umwana icyo nticyamufata. Ntiwaba wubakiye ku baturage ngo ujye kubabyutsa saa cyenda z’ijoro n’imbunda ugira ngo ubatoreshe ku ngufu indorerezi zitarahasesekara. Ntiwaba wubakiye ku baturage ngo ubavune ibikumwe ubatoresha ku ngufu, uwo badashaka. Ntiwaba wubakiye ku baturage ngo amajwi yabo uyate mu misarani. Ntiwaba wubakiye ku baturage ngo nyuma y’imyaka 19 intambara irangiye, ube ukibacungisha imbunda kugera muri nyumbakumi (positions z’abasirikari hose, lokodifensi, inkeregutabara n’ibindi). FPR yubakiye by’ukuri ku ndobanure nke. Abandi ni ugukurikira.Torture-FPR

Ikindi kirimo kwigaragaza cyane muri iyi minsi ni“ukwikubira” ibyiza by’igihugu. FPR ikomereje aho UNAR yari igereje. Kera inka zari iz’umwami none zagiye muri Girinka(FPR). Ntiwayigurisha udahawe umuriro (uruhusa). Ubutaka ntibukiri ubw’abaturage ngo bwabaye ubwa leta (FPR). Ibishanga ni uko.Uhinze ibidategetswe waba uhungabanyije umudendezo wa leta (FPR). Usaruye ikigori mu byo bagutegetse huginga ukagaburira abana, ngo uba ukomye gahunda za leta (FPR) mu nkokora. Gutwara taxi byeguriwe abifite (FPR). Ntibitangaje kuba FPR iri mu mashyaka akize ku isi. Kera igihugu cyose cyari icy’umwami, none ubu cyose cyahindutse icya FPR. Icyo dusigaranye umwami mushya atarafata ni abagore. Ubanza na bwo biterwa no gutinya kwirahuriraho amakara kuko n’ababo babananiye. Umunsi umwe tuzakanguka dusange hatowe itegeko ko abagore bari abacu bahindutse aba leta (FPR) !

Ivangura riragenda rikagera hose. Mu bintu byose usangamo gahunda ebyiri: ireba rubanda rwa giseseka, n’ireba indobanure zo mu butegetsi. Ngo abana ba rubanda nibajye biga mu zuba ryo mu mpashyi, nyamara ab’indobanure za FPR biga Green Hills baruhuka Nyakanga na Kanama. Ngo abana ba rubanda nibige ku ngufu mu cyongereza (n’abigisha ntacyo bazi), nyamara muri Green Hills hari ishami ryiga kandi ryigisha mu gifaransa… Ngo Bourses zivuyeho ku bana ba rubanda, nyamara ab’indobanure bararihirwa ibya mirenge mu mahanga… Ni byinshi byerekana ko FPR na yo ifata abanyarwanda mu byiciro. Hakaba abavukanye uburenganzira n’abagomba kubusaba bagategereza kubuhabwa; hakaba abavukanye impagarike n’abavukanye inenge ngo yitwa ingengabitekerezo…ngayo nguko.

 2. Umurongo wa MDR-PARMEHUTU.

Umuromgo wa politiki wabimburiwe na MDR-PARMEHUTU na wo ntiwazimye : Ubutegetsi ntawe ubuvukana butangwa na rubanda, ikabuha umwegihugu yishakiye hadashingiwe ku mavuko no ku bukire. Abenegihugu bose barareshya, nta wavukiye guhaka, ngo undi avukire guhakwa .

inama

Mu matora ya Kamarampaka yabaye le 25/9/1961 : Rubanda yasezereye Karinga n’izayo ihitamo ubutegetsi bwa Repubulika ishingiye kuri Demokarasi.

Uyu murongo wa Parmehutu ntaho wagiye. Ubizi kuturusha ni UNAR/FPR bamye bahanganye. Mu mikorere yayo, FPR ihora yikanga umurongo wa politiki wa Parmehutu ikawuhoza mu ngororero (target). Ingororero cyari igiti bashingagaho intobo bitoza kumasha. Gufora umuheto rero babyitaga kugorora. Aha ni ho haturuka ijambo ingororero. FPR na yo rero ihoza MDR-PARMEHUTU mu ngororero. Mwumvise mu minsi ishize abacurabwenge bayo bateza ubwega ko bamaze kuvumbura bidasubirwaho ishyaka ricumbikiye PARMEHUTU y’ubu. Uku ni ko umucurabwenge wayo Tom Ndahiro abisobanura (mwihangane nimubona hari aho bitumvikana si amakosa yanjye. Imyandikire n’ubuhanga bwa Tom murabizi. Gusa nahisemo kubyandukurana n’amakosa yabyo ngo nubahe ibitekerezo by’undi harimo n’uburenganzira bwe bwo kwibeshya):

 “Amateka ariyanditse Bucyana Maritini abonye umusimbura. Uwo si undi ni Thomas Nahimana washinze ishyaka rye “Ishyaka/Parti Ishema—IshemaParty.” Ab’ingezi muri iryo shyaka ni aba: Padiri Thomas Nahimana, Mme Nadine Claire Kasinge, Bwana Jean Baptiste Kabanda, Dr. Deogratias Basesayabo, Bwana Chaste Gahunde, Dr, Joseph Nkusi, Bwana Venant Nkurunziza na Bwana Ernest NSENGA… Muri iryo tangazo biyerekana ko baharanira amahoro. Ariko imvugo ikoreshwa ikomoka mu ijambo ryavuzwe na Geregori Kayibanda ku itariki ya 10 Mata 1994. (Soma Kangura N0 40-Gashyantare 1993). Ibyanditse mu itangazo ry’ishyaka rya Padiri, usanga igitekerezo ari icya CDR n’abambari bayo. Ku rupapuro rwa mbere KANGURA N0 51 handitse ngo: “ABATUTSI BAKWIYE KURYOZWA IBY’INTAMBARA” ku urwa nyuma hari ifoto ya Bucyana Martini wari perezida wa CDR munsi y’ifoto ye handitse ngo: “ISHYAKA RYACU NIRYO RITEZWEHO GUKIZA RUBANDA, NIRYO RISHYAMIRANYE N’ARI KU BUTEGETSI. Icyo kinyamakuru ni icyo mu Ukwakira 1993. Mu itangazo rya Padiri Nahimana n’abo ayobora, ntibagaragaza Ku urupapuro rwa 3 rw’icyo kinyamakuru Kangura, hari inyandiko ifite umutwe: “KWITWA UMUPARMEHUTU SI IGISEBO NI ISHEMA”. Iryo zina ISHEMA rishyizwe ahagaragara kuli 28 Mutarama 2013 rifite icyo riganishaho. PARMEHUTU yakoreye kudeta i Gitarama kuli 28 Mutarama 1961. Ishema ryayo rivukiye i Paris, France nyuma y’imyaka 52. Niamateke reka dutegereze”.

(http://umuvugizi.wordpress.com/2013/01/29/hutu-power-mu-birindiro-i-paris/#more-1809)

 

Kubera amakosa menshi n’akajagari k’ibitekerezo, ntibyoroshye guhandura ubutumwa burimo. Reka ariko ngerageze n’ubwo ari nko guhinga umushike.

 

Muri make uyu mucurabwenge wa FPR akaba n’umwiru mukuru kwa Kagame (umujyanama) aragira ati:

  1.  Amateka arongeye yisubiyemo. Ishema rya Parmehutu rivukiye i Paris.
  2.  Ishyaka Ishema ryavutse taliki ya 28 Mutarama, itariki yibukwaho Kongere y’i Gitarama ubwo MDR-PARMEHUTU yahirikaga ingoma ya Cyami igakoma imbarutso y’ugutsindwa kwa LUNARI.
  3.  Ishyaka Ishema riri mu murongo wa PARMEHUTU ya Grégoire Kayibanda. N’ubwo rigaragaza ko riharanira amahoro, imvugo yabo ikomoka kuri Grégoire Kayibanda.
  4.  Abashinze iri shyaka nta bwoba batewe no kwitwa Abaparmehutu (kuri bo si igisebo ahubwo ni ISHEMA).
  5.  Aya ni amateka abanyarwanda bakwiye gukurikiranira hafi.

 Ubundi iyi nkundura yaherukaga gukariha muri 2003 ubwo FPR yari yanzikiye gusesa MDR. Nyuma byabaye nk’ibituje. Ubanza FPR yarumvaga PARMEHUTU yarapfuye buhambe. Ubu ariko itangiye kumva ko itanogonotse. None Tom ati “Ishema rya Parmehutu rivukiye i Paris”. Usibye no guteza ubwega ngo PARMEHUTU yazukiye mu Ishema, FPR izi ko umurongo wa politiki udapfa. Kuba kuva MDR yaseswa muri 2003 nta shyaka ryari rihagarariye umurongo wayo wa politiki, ntibivuze ko ibitekerezo wubakiyeho byari byarapfuye. Ibitekerezo ntibipfa, hapfa ba nyirabyo. Ndacyafite amatsiko yo kumenya uko abayobozi b’Ishyaka Ishema bakiriye iri sesengura rya FPR. Biramutse ari byo, politiki y’u Rwanda yaba iteye indi ntambwe. Ibintu byaba bibaye nk’ibindi umugani w’abiru. Ibi ndetse biduhaye akanya ko gusesengura isano iri hagati y’iriya mirongo ibiri yaranze politiki y’u Rwanda n’amashyaka agenda avuka ayishamikiyeho.

 II. IBISA BIDASABIRANA N’IBISABIRANA BIDASA.

1. UNAR NA FPR

Mu isesengura rishize twagarutse ku ngingo yo kutitiranya izina ry’ishyaka n’umurongo waryo wa politiki. Koko rero ntibihagije kubona izina ngo wemeze ko ishyaka iri n’iri rifite umurongo runaka. Ahubwo ushingira ku bitekerezo bya politiki rishyize imbere. Bifasha umuntu kumenya ibisa by’ukuri. Twabonye uburyo FPR ari UNAR y’ubu. Ibi byo biroshye kuko FPR yatangiye yitwa RANU (UNAR mu cyongereza). Nyamara rero hari aho bidahuza. N’ubwo biharanira umurongo umwe wa politiki, hari aho bitandukaniye. Iyo UNAR yemezaga ko hari abavukiye gutegeka n’abavukiye gutegekwa, yabikoraga nta buryarya. Ni ho imyumvire yari igeze. Usibye n’abatware bari mu butegetsi, hari na benshi muri rubanda babyumvaga batyo. Turamutse dushingiye ku myumvire y’ubu y’uko abantu bavuka bareshya mu burenganzira, maze tugacira UNAR urubanza rukakaye, twaba tuyirenganyije. Mu gihe cyayo yumvaga iri mu kuri. Si ko bimeze ubu kuri FPR. Ukurikije aho imyumvire igeze ku isi hose no mu Rwanda, kuba FPR ivangura abanyarwanda ni umugambi uteguye, wubakiye ku bushake bwo guhigika bamwe ugatonesha abandi. Aha rero ni aha mbere FPR itandukaniye na UNAR. Kuri iki , uwashinja FPR ubugome ntiyaba arengereye.

Byaba n’isesengura ryiza umuntu yibajije impamvu FPR, imaze gufata ubutegetsi, itacyuye wa “mwami” UNAR yarwaniraga ishyaka. Igisubizo twagishakira mu nzira ebyiri.

Ku ruhande rumwe, igikuru si umwami, si n’ubwami, ni ingengabitekerezo(idéologie) byubakiyeho, imwe ya gihake (ko bamwe bavukiye gutegeka abandi bakavukira guhakwa). FPR rero yafashe icyo kiri ingenzi (wa murongo wa politiki ko ngo ubutegetsi bufite ba nyirabwo) ibindi ntacyo byari biyunguye.

Ku rundi ruhande ndetse, ishobora kuba yaranze kwikururira ibintu byamaze guta imitemeri. Erega maye iby’umwami hashize igihe kirekire imbwa zarabirwaniyemo. Abatabizi reka mbibutse ko umwami wa nyuma w’u Rwanda yatanze tariki 25 nyakanga 1957. Kuva icyo gihe, nta mwami wongeye kubaho. Nimumbaze rero muti uyu Ndahindurwa akaba iki? Igisubizo: ntiyigeze aba umwami. Umwami yabaga we kuva ku munsi yimitsweho, hashingiwe ku nzira yabugenewe mu muco nyarwanda.

 

Abasomye ibisobanuro byanditswe na Alexis Kagame (umwiru mukuru wagombaga kumwimika) muzi ko Ndahindurwa atigeze yimikwa, kuko byananiranye kumvikana ku buryo bwari gukoreshwa mu mihango yo kwimika. Ngo bahisemo ko arahira. Nyumvira nawe ! Nk’uwuhe mwami wundi se muzi wabaye we binyuze mu ndahiro? Iyo ndahiro se yari iteganyijwe he mu nzira tuzi z’ubwiru? Ku muntu wumva ubwami icyo bwari cyo n’uko bwakoraga, kuvuga “umwami warahiye” birashekeje. Ni nko kuvuga “imbeho ishyushye” cyangwa “ikimasa gihaka”. Kagame Alexis, nk’umwiru uzi ibintu, iyo usomye uburyo avuga ibi byo kurahira, ubona ko na we mu gihe yabyandikaga ibitwenge byari byamwishe: abyita comédie supplémentaire(Kagame, A., Un abrégé de l’Histoire du Rwanda, de 1853 à 1972, Butare: EUR, p. 266). Ubusanzwe umuragwa yabaga umwami umunsi yimitsweho bikurikije inzira ya kane y’ubwiru ari yo Nzira y’Ubwimika. Ibindi ni urwenya. Cyakora birashimisha iyo ubonye abantu batakirwambaye ngo baraharanira gucyura umwami. Abanyarwanda rwose tugira amashyengo! Nibacyure simbabujije. Icyaruta ariko, byibuze bazadutumire babanze bamwimike. Ikindi bashobora gukora, ni ukutubwira ko bavumbuye inzira nshya ya 18 (ubusanzwe ubwiru bugira inzira 17). Bashobora kuyita Inzira y’Irahira, noneho bakatubwira ko ari yo Ndahindurwa yanyuzemo aba umwami. Cyakoze na none iby’iyi nkubiri ngo yo gucyura “umwami” hari icyo mbona bimaze. Byibuze bitanga gihamya ko burya imigani y’abanyarwanda igana akariho, nka wa wundi ugira uti “nta kigozi kibura icyo kizirika iyo kikiri kibisi”.

 2. MDR 59 NA MDR 91

Reka tunakomoze gato ku isano iri hagati ya MDR-PARMEHUTU yo muri za 59 na MDR yo muri za 91. Ni kenshi twumva abanenga MDR yo muri 91 ko ngo yatatiye igihango, ko ngo yagambanye umunsi yifatanyije na FPR mu kurwanya Habyarimana, no kwemera kujya muri guverinoma FPR imaze kwifatira ubutegetsi ku ngufu, n’ibindi. Abavuga ibyo babiterwa no kumva ko, ukurikije uriya murongo wa politiki wa MDR-PARMEHUTU 59, ari ishyano ko MDR 91 yiyunga na UNAR nshya ari yo FPR. Mu by’ukuri si byo. Kutumva itandukaniro hagati y’izi za MDR zombi bishobora gutuma dushinja MDR 91 amakosa itakoze.

Kuba amazina yombi asa bishobora kutuyobya tukibagirwa ko MDR 59 na MDR 91 byari bitandukaniye ku kintu cy’ingenzi. MDR 59 yarwaniraga ishyaka umurongo w’ibitekerezo. MDR 91 yarwaniraga imyanya mu butegetsi. Nerekanye uburyo kutarwanira imyanya byatumye MDR 59 idacikamo ibice kandi ntiyigurishe ku Mwami. MDR 91 yo ni ko byayigendekeye. Yari igendereye imyanya, biyitera kwigurisha iburyo n’ibumoso. Uko kurwanira imyanya kwabaye intandaro yo gucikamo ibice, kuko abenyegezaga ku mpande zose byaraboroheraga. Ngiyo MDR-Power, ngiyo MDR-Jogi, n’ibindi. Uku gucikamo ibice kwarayikurikiranye na nyuma ya 94. Muribuka umurava bamwe mu bari bayigize bagaragaje mu iseswa ryayo. Utabyibuka yabaza Safari Stanley na bagenzi be.

Nk’ishyaka rirwanira imyanya mu butegetsi ridashyize imbere umurongo wa politiki, kuba MDR 91 yarafatanyije na FPR ntibitangaje, nta n’ikosa ririmo. Iyo ushaka imyanya uyishakira ahashoboka hose no mu nzira zose. Igikuru ni ukubona icyo ushaka. Bagomba kuba baribwiraga bati reka FPR idufashe kugamburuza Habyarimana, tuzayikubita icenga tuyigobotore, cyangwa tuyereke igihandure mu matora. Basanze ibarusha imitego ibyungukiramo bo barahomba. Nka ya ndirimbo ngo “ndangura mpendwa ngacuruza mpomba”. Gusa MDR 91 nta wayitera ibuye, ku isi hose amashyaka arwanira imyanya mu butegetsi adashyize imbere umurongo w’ibitekerezo ni kuriya abigenza. Akadakora umwe ntikica ubukwe.

Dukurikije iriya mirongo ibiri ya politiki n’ibiyitandukanya, iyo MDR 91 iza kuba irwanira ishyaka umurongo wa politiki nka wa wundi wa MDR 59, ntibyashobokaga na gato “gukorana byahafi”(coalition) na FPR, kuko bari kuba bari mu byerekezo bihabanye kandi bihanganye. Ni imirongo igoye guhuza. Ngo “Bigirankana bya Nirwange yasomeje amata amatezano ati ibitajyanye ni ibi”! Nta hantu na hamwe wahuriza umurongo wa Repubulika ishingiye kuri Demokarasi(ubutegetsi bwa rubanda) , n’umurongo w’ubuhake bushingiye ku bisekuru. Uko kuba mu byerekezo bivuguruzanya bituma nta hantu mwahera mufatanya bya hafi. Iyo uharanira umwe muri iyi mirongo, kimwe mu byo uba ugamije ni ukuzibira urwanira undi murongo ngo adafata ubutegetsi. Kuba rero MDR 91 yo yarashoboye kwibona muri gahunda za FPR birumvikana. Nta wavuga rero ko MDR 91 yagambaniye wa umurongo wa politiki wa MDR 59. Ntawo yagiraga. Yari ishyaka rishaka imyanya mu butegetsi, mu nzira zose. Ngo imbeba yakurikiye akaryoshye mu nsi y’ibuye ihakura inda y’akabati. Ikindi kimenyetso gishobora kuzadufasha muri iki cyerekezo, ni ugucukumbura icyo FPR yapfuye na ba Gapyisi igahitamo kubakuraho. None wasanga hari icyo FPR yumvikanyeho n’abandi uyu we akayitera utwatsi! Abacukumbura muzarebe aha, hapfunditse ibanga. But that is another story!

Ubutaha tuzafatanya kureba uko amashyaka y’ubu ahagaze ushingiye kuri iriya mirongo iranga politiki y’u Rwanda, ingaruka bifite ku cyifuzo cyo guhuza “opposition”, n’izo bishobora kugira ku ihinduka ry’ubutegetsi.

BIRACYAZA….

Edmond MUNYANGAJU.

 

The Political Agenda of Ishema Party.

UKURI UBUTWARI UGUSARANGANYA

UKURI UBUTWARI UGUSARANGANYA

The Political Agenda of Ishema party is presented in the following articles.

1. We shall revise administrative institutions as to give them a democratic meaning

(1)    There shall be a Constitutional reform that would ensure the separation of powers (Executive, Legislative and Judiciary) , and,  respect the independence of each power while promoting collaboration among powers.

(2)     In order to maintain the democratic concept of political changeover, the Fourth Republic shall support and put in the constitution the presidential term of five years; that there is no reason to allow any president to go over two terms; that any president who will dare in any way to take the third term shall be prosecuted.  There shall be passed a law that punishes that severe crime against the State providing the sentence, the special court that shall try that crime and who shall have the right to file the injunction.

(3)     The cabinet would comprise twelve (12) portfolios only managed by twelve technocrats who would prepare projects and propose and search for necessary funding: Rwanda is a small nation that does not need more than 12 ministries.

(4)    Parliament would comprise one chamber of Deputies. The chamber of Senate shall be removed.

Rwanda shall have only thirty-six (36) electoral regions and each region would be represented by two (2) deputies, a female and a male whose duty shall be to advocate for development and social welfare on behalf of their constituencies. This dispensation will tackle imbalances among regions.

(5)     There shall be created the high Constitutional Council that would comprise six (6) law professionals plus retired presidents of republic. Their duty shall be to watch over the respect of the Constitution and the compatibility with other laws and executive decisions. They shall also advise or appeal to the court of law against executives who showed disrespect or incompatibility with the Constitution.

2.      The fair justice system to all Rwandans

(1)    Based on the principle of government continuity, the fourth republic shall present apology to all Rwandans for all crimes committed by the State to present.

(2)    There shall be the release of all political prisoners followed by the compensation. For those who are detained abroad, a transfer should be arranged to Rwandan prisons and any of their concerns would be raised and examined.

(3)    All those unjustly judged shall be given justice

(4)   In collaboration with all Rwandans, the United Nations and International Criminal Court, there shall be a platform to search and bring into courts of justice all criminals who killed Rwandans and foreigners in order to uproot the tradition of impunity that repeatedly took and is taking place in our country.

(5)   There shall be the dialogue between Rwandans of all categories to discuss extraordinary amnesty and/or mild punishments to Rwandans who have committed severe crimes, but who have confessed and assured their willingness to contribute to the reconciliation and national reconstruction.

3.      In order to remember and tackle the continuation of the sad history of conflicts that characterized our nation, there shall be inaugurated the “Reconciliation Temple” in which all Rwandan victims of genocide and wars since October 1st, 1990 would be buried as well as:

a.       All former presidents.

b.      All Rwandan cadavers in DR Congo forests and other known areas.

c.       All Rwandans who will have demonstrated special zeal including shedding their blood during the struggle to remove the tyrannical RPF system.

4.      Education policy shall be the fundamental of the  Republic.

(1)     There shall be a special consideration of teachers and educators because all start from school: A teacher will be given adequate remuneration, incentives and didactic material for higher performance, also awards shall be provided for those who perform better than others.

(2)      All primary and secondary school tuition fees will be paid by the State.

(3)     In order to promote education quality in public secondary schools, all students shall be accommodated at schools (Boarding School system).

(4)      Tertiary institutions students shall be given education loan according to a legal framework without any ethnic, regional and otherwise – based discrimination.

(5)     In order to help every Rwandan to have knowledge and skills necessary in the labor market be it in Rwanda or abroad, the State shall provide technical and vocational schools that match today’s requirements.

(6)     Instead of making Rwandan youth prisoners in their country, there will be arrangements to facilitate and allow Nationals to go abroad for work to earn foreign exchange so much needed for the balance of payments, and for individual households’ welfare improvement.

(7)     There shall be inaugurated a special educational Institute to train future leaders.

5.      By the law, the distribution of development projects shall be a must.

(1)   In each Sector shall be inaugurated a development project capable of employing at least one thousand (1000) persons.

(2)    Building a highway that will link Gisenyi, Kibuye and Cyangugu on Lake Kivu shores as well as development of centers aimed at attracting tourists.

(3)   During the first two years, there shall be Self-reconstruction for each Rwandan: Nobody will be asked to pay unusual tax, and businesses will be exempted. This will make our economy open to foreign investors, facilitate local businesses and firms to operate without fear and allow the country to develop fast.

(4)   There shall be created the National Special Commission for Equal Opportunities (NSCEO) which will uproot all kinds of segregation among Rwandans in work recruitment, school enrolment, presentation of awards, etc.

(5)   All national wealth that has been stolen and hidden either in Rwanda or abroad shall be tracked and brought back into national coffers.

6.      All members of clergy and different religious denominations officials who serve public interest will be salaried by the State and will play a role in implementation and management of projects of national interests.

7.      All Political parties shall be allowed to conduct their businesses in Rwanda without any hindrance. The State shall offer them financial assistance needed for the promotion of political activities. Political parties in turn will be requested to play a major role into national democratization, in explanation of Laws and Rules of the Land as well as the functioning of the judiciary system.

8.      Private media shall be promoted and protected by the Law. The State shall support private media financially, educationally, technically, and otherwise necessary.

9.      There shall be institutionalization of the army made of five thousand( 5,000) professional soldiers to protect national security and sovereignty.

(1)  Rwanda shall stop engaging in wars against neighboring countries.

(2) The soldiers will be withdrawn from rural residential areas and be resettled in legally recognized barracks.

(3) National internal security shall be safeguarded by police only.

(4)     At the age of eighteen years, the willing youth shall be introduced to military training in order to stay stand-by for the protection of the national sovereignty in case of any invasion.

(5)Demobilized (ex-soldiers) will be facilitated in starting new life and reintegration in civilian life by offering them new skills that will make them competitive in other fields of labor market.

(6)Terrorist armed groups known as Local Defense Forces (LDF) and National Reserve Forces (NRF- INKERAGUTABARA) shall be decommissioned and those who used them to violate security and rights of citizens will be prosecuted.

10.  Repatriation of refugees and provision of adequate housing shall be a priority.

(1)  All Rwandan refugees shall be sensitized to voluntary repatriation, shall be well received and given back their properties.

(2) There shall be designed a policy to create small and medium towns with basic infrastructure such as water and electricity to allow residents to engage in new development initiatives, while at same time making available arable lands for farming (crops and livestock).

Conclusion

Is there anybody who does not see that we can achieve these goals, and that once implemented, Rwanda’s image to the betterment in a short time? Briefly, the philosophy behind these goals can be summarized in eight (8) points:

(1) The Ideology of Ishema Party is expressed through these values: TRUTH, INTREPIDITY, and SOCIAL JUSTICE.

(2)For Rwanda to have genuine security, the country must be demilitarized.

(3)  The development needed by Rwandans cannot be achieved when the RPF’s clique maintains the biggest share, on contrary it must be based on the just redistribution of national wealth.

(4)    The pride of leadership loved by the people cannot be brought about by autocracy, mismanagement and selfishness, on contrary it is achieved through the bravery to protect and promote the common interest of the people.

(5)   The regional security in the Great Lakes shall never be founded on the policy of domination and the war-like spirit, but shall be brought about by a mutual respect between neighbors, cooperation, peaceful and sustainable integration.

(6)    Good relationships with other nations cannot be promoted through showing off and sadism, but must be based on our good will to build a nation that we are proud of while acknowledging and respecting interests of our partners and benefactors.

(7)     National reconciliation will never be realized through speeches full of lies and false statistics; but by equality of all people before the law, empowering and giving opportunities to the youth, and allowing the people to enjoy the freedom of expression.

(8)    Once this agenda is implemented in its entirety, it will definitely eliminate the argument of conflicts between Hutus and Tutsis that have destroyed too much to number.

Long live the free Rwanda and the free and peaceful people of Rwanda.

TRUTH – INTREPIDITY– SOCIAL JUSTICE

Done at Paris on the 2nd day of March 2013.

In the name of the Executive Team,

Father Thomas Nahimana

Secretary General of Ishema Party