Kagame narekeraho kugira abanyarwanda abanyamahanga mu gihugu cyabo.

abaministiri-ndi-umunyarwanda-280x100

Kagame yemeje Abaministri gushyigikira gahunda ya Jeannette Nyiramongi ya “Ndi Umunyarwanda”.

Ngo “Ndi Umunyarwanda,” nk’aho ntari mbizi.

Ariko se ubundi, nari nsanzwe ndi umunyamahanga?

Abazi uko igiti iyo kijya kugwa kivuga gikaka, ndabona prezida Paul Kagame na FPR ye ariho bageze. Nta garuriro pe!!! Ahubwo ababishoboye babari hafi ni ugukiza amagara n’ibintu, ibintu bigishoboka, naho ubundi igiti cy’amarumbo magari gishobora kubagwa hejuru nibatitaza ibintu bikigenda.

Ngo “Ndi Umunyarwanda,” nk’aho ntari mbizi.
Ariko se ubundi abantu, aha ndavuga abahutu kurusha abandi baturarwanda bose, Urabica uberekako atari abantu,
Urabatwara utwabo twose,
Urababuza kwiga,
Urababuza kwivuza,
Urababuza guhinga,
Urababuza kubyara,
Urababuza kuvuga gusoma cg kwandika ibyo bashaka,
Urabafunga umunsi n’ijoro,
Urabicisha inzara uko ubishoboye kose,

MURI MAKE URABABUZA KUBA ABANTU,

Warangiza ngo nibabe abanyarwanda?

KANDI WARANZEKO MBERE NA MBERE YUKO NO KUBA ABANTU UTABIBIFURIZA!!!

Naho se abo iyi myaka yose witaga Abanyarwanda, aha ndavuga abatutsi kurusha abandi baturarwanda bose, baraba iki? Cyangwa nabo warababeshyaga, nabo icyo gihe cyose nti bari Abanyarwanda!!!

Cyangwa ni wowe utari umunyarwanda, ukaba ufite ikibazo cy’ubunyarwanda, kuberako wumva kikuremereye, ukumvako ugifashijwe n’abandi baturarwanda, cyakorohera!!!

Abarera, n’abakirera bafite akazi gakomeye. Kwumvisha abana mu mikurire yabo abo baribo, kugirango mu mikurire yabo, ndetse no misazire yabo, bitazakomeza kubabera ikibazo, ndetse bakaba bagitera n’abandi. Nkuko birikugaragara muri gahunda ya “Ndi Umunyarwanda.”

Kuba umwenegihugu runaka, ntabwo byerekanwa no kubiririmba.
Byerekanwa cyane cyane n’uburenganzira busesuye uwo mwenegihugu aba afite mu gihugu cye. Mu gihe rero Kagame na Leta ye ntabwo baha abaturarwanda benshi, cyane cyane abahutu, ariko n’abatutsi bamwe n’abamwe, ndetse n’abatwa, we n’ubutegetsi bwe nibarekere aho kuvuza iy’abahanda na “Ndi Umunyarwanda.”

Cyakora birababaje pe!!!
U Rwanda rwarahuye koko!!!
Rwarakubititse!!!
Imyaka irenze makumyabiri ni myinshi cyane.

Reka ndekere aha, nirinde kwandika byinshi.
Ngo agahinda ntikica, hica… Kagame na FPR.

Mu mitegekere mishya nyuma ya Kagame, abantu bagomba kuzashyiraho uburyo ubutegetsi butari buzima, bugaragaza ibimenyetso byuko nta kigenda, bigaragara ko rwose burwaye, bwananiwe, buzajya buvaho. Hazaba hakwiye no kureba ndetse no kwerekana ibyo bimenyetso, abantu bose bakabimenya, bakamenyako ubutegetsi bwananiwe bugomba kuvaho.

Ambrose Nzeyimana

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s