Mwarimu ni we uhembwa makeya cyane mu Rwanda ku buryo ageze n’aho asaba kugaburirwa!

download (1)

John Rutayisire bamusaba ibiryo akabahata amasomo y’icyongereza

Kuwa kane tariki ya 14 umwaka wa 2013, Abarimu bagaragaje ko bababajwe n’uko Leta ibasaba gukora umurimo mwiza no gutanga umusaruro, nyamara yo ntiyite ku bibazo byabo. Ibi byagaragaye mu nama yahuje Abarimu n’ abafite aho bahuriye n’uburezi baturuka mu turere twa Kamonyi, Muhanga, Ruhango na Nyanza two mu Ntara y’Amajyepfo na Karongi na Rutsiro two mu ntara y’iburengerazuba. Iyi nama yayobowe n’umuyobozi w’ikigo cya Leta gishyinzwe guteza imbere uburezi REB.

Mu gihe umushahara wa mwarimu ukomeje kuba intica ntikize kubera ko Leta y’agatsiko isa n’aho igamije kubadindiza, noneho bigeze aho Abarimu batobora bakavuga uko bamerewe. Barifuza rwose ko Leta yashaka uburyo yabafasha nibura bakabasha kujya babona ifunguro rya saa sita. Mutekereze kubona Mwarimu wajyaga yihaza mu biribwa kera, ubu noneho ageze aho asaba kugaburirwa!

Mu by’ukuri jye uko mbibona, Abarimu ntibashakaga kugaburirwa ahubwo bwari uburyo bwo gukangura Leta ngo yumve uburemere bw’ikibazo bafite. Uretse ikibazo cyo kubona ibibatunga bihagije, Abarimu baninubira urugendo bakora bajya kandi bava aho bigisha, ibi nabyo bikaba bituma bakererwa, bikanandidiza abanyeshuri.

Abarimu bagaragaje ko umushahara wabo ari muto cyane ku buryo nta kindi babasha kwimarira. Nk’abafite abana biga mu mashuri yisumbuye n’amakuru bo bahura n’ingorane zitoroshye kuko n’ibyiciro by’ubudehe bashyirwamo usanga bitabemerera guhabwa inguzanyo ya bourse.

Gusa rero amarira y’abarimu yabaye imfabusa kuko umuyobozi wa REB yagaraje ko atabyitayeh,o ahubwo avuga ko azabaha umwarimu wo kubigisha icyongereza ngo babashe gutanga umusaruro! Niba kwiga icyongereza aribyo bizongera  imibereho yabo sinamenya.

Iyo witegereje usanga koko akarengane mwarimu ahura na ko mu Rwanda gasa n’agahimano kizweho neza. Mu mwaka w’2000, ishuri rikuru nderabarezi rya Kigali rimaze igihe gitoya ritangiye, Leta yizezaga abaryigamo ko umuntu azajya ahembwa hakurikijwe impamyabushobozi agezeho  bityo ko n’umwarimu yagombaga guhembwa nk’undi mukozi muri ministeri bahuje impamyabushobozi . Nyamara si ko byaje kugenda kuko nk’uko bizwi FPR ibeshya kurusha uko ihumeka.

Nk’iyo urebye imishahara y’abakozi ba Leta  iheruka gushyirwa ahagaragaramu mu itegeko No 92/03 ryasohotse mu igazeti ya Leta numero special yo kuwa 01 Werurwe 2013, usanga mwarimu bamwigirizaho nkana. Umwarimu ufite impamyabumenyi ya A 2 ahabwa umushahara fatizo ungana na 59,125 mu gihe nyamara umuforomokazi bahuje niveau ahabwa umushahara ungana na 216,081; umushoferi ufite permis gusa agahembwa 127,607. Aya ni nayo ahembwa umukozi ukora ku rugi ku Bitaro bya CHUK  kimwe na kanyamigezi waho. Umushoferi ku kigo nderabuzima mu karere ahembwa 98,258 naho ukora muri labo ufite A 2 agahembwa 166,315. Umushoferi wa Bus ya Onatracom ahembwa 212,679 mu gihe umukarani wa FARG ahembwa 288,109.

Aka karengane kagirirwa Mwarimu gakwiye gucika kuko ntawe utanyura mu maboko ye. Imibereho ye ikwiye kwitabwaho cyane nyamara Leta y’agatsiko ntibikozwa. Abarimu bagira Revolisiyo naho ubundi amarira yabo ntacyo abwira ababakandamiza.

Chaste Gahunde

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s