Kagame, Kaguta na Kenyatta barezwe mu rukiko!

DnKagameUhuru2506.JPG

Uhereye ibumoso Kenyatta wa Kenya, Kagame w’u Rwanda na Kaguta wa Uganda baregwa kwica amasezerano ya EAC.

Arusha muri Tanzania haravugwa urubanza ruregwamo Perezida Kaguta Museveni, Kagame Paul na Kenyatta Uhuru. Nk’uko tubikesha ikinyamakuru The Citizen mu nyandiko ya Mussa Juma yo kuwa 19 Ugushyingo 2013, aba bagabo bareganwa n’umunyamabanga mukur w’Umuryango w’ibihugu by’Afurika y’Uburasirazuba Bwana Richard Sezibera. Bose uko ari bane bakurikiranweho kwica nkana amasezerano agenga umuryango w’Afurika y’Uburasirazuba East African Community( EAC) mu gihe bakoraga inama zigera kuri eshatu zose bakanga gutumira ibihugu bya Tanzania n’u Burundi kandi nabyo ari ibihugu binyamuryango

Iki kirego cyatanzwe mu rukiko rw’umuryango w’ibihugu by’Afurika y’Uburasirazuba(EAC) kuwa 18 Ugushyingo 2013 n’abagabo batatu ari bo Bwana Ally Msangi, Bwana David Makata, na Bwana Yohani Adam. Barasaba umucamanza ko yagira imfabusa kandi agahagarika ishyirwa mu bikorwa ry’ibyemezo byafashwe mu nama eshatu zitatumiwemo Tanzania n’u Burundi. Izo nama zabaye ku matariki ya 24 na 25 Kamena Entebbe muri Uganda, tariki ya 28 Kanama Mombasa muri Kenya no ku itariki ya 28 Ukwakira I Kigali mu Rwanda zihuza ba Perezida Kagame, Museveni na Kenyatta.

220px-Dr_Richard_Sezibera,_GAVI_board_member,_at_the_GAVI_pledging_event_press_conference

Dr Richard Sezibera umunyamabanga mukuru wa EAC, na we yagizwe ishumi ya ba 3K

Nk’uko The citizen gikomeza kibitangaza, uburanira abarega avuga ko izo nama uko ari eshatu zishe amategeko agenga uyu muryango igice cya 6(a)(b)(d) na (f), igice cya 7(f), igice cya 71(d), igice cya 3 ingingo ya 3 igice cya 1 C(3) z’amasezerano agenga uyu muryango, izi ngingo zikaba ziteganya ko abanyamuryango bose bagomba kugaragara mu ifatwa ry’ibyemezo birebana no kwishyira hamwe(integration).

Urebye uburyo Abanyatanzania bahagaurukiye iki kibazo, biragaragara ko bahangayikishijwe no kubona bashyirwa ku ruhande rw’umuryango biyubakiye. Hari Umunyatanzania twaganiriye ambwira ko iri yegezwa ku ruhande rya Tanzania, rifatwa nk’akagambane kabaye gaturutse kuri Kagame w’u Rwanda, ngo kandi ari bwo akinjira muri uwo muryango.

Mubajije impamvu akeka ko U Burundi nabwo bwaba bwaregejwe yo ambwira ko yakomeje gukurikira ibinyamakuru byandikirwa Kigali agasanga Nkurunziza na Kikwete ngo bashobora kuba bashyirwa ku ruhande ngo kuko ari Abahutu.

Biragaragara ko urukiko ruramutse rukoze akazi karwo neza, ibyemezo bya ba  3K (Kaguta, Kagame na Kenyatta)  biyise ishyirahamwe ry’abashaka ( coalition of the willing) bishobora kuba imfabusa aba bagabo bakaba babaye nka ya Nkorabusa ngo ibagara imigozi. Reka dukomeze tubitege amaso.

Chaste Gahunde

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s