Kagame baramusurira urupfu: Irebere ayo makarito batwaye nk’imirambo bajyanye mu mva!

Banyarwanda, Banyarwandakazi,
Maze iminsi mvugana n’abaturage ku bijyanye n’amabaruwa bitirirwa ko bandika basaba ko uriya mwicanyi Kagame yakomeza kuyobora u Rwanda.Mu baturage twaganiriye bambwiye ko rwose ariya mabaruwa bayahatirwa kuyandika,bati “ariko ikindi dutinya,dutinya ko iriya nyeshyamba yamenyereye kuba mu mwobo ejo niva ku buperezida izasubira mu mwobo ikaza iturimbura?”

Bati; “ubu n’ubwo yicana, yica irobanura igenda ifata umwe uno munsi ejo igafata undi, abasigaye tugasenga Imana tukabona burije burakeye”. Bati “twe tubona kuba ari perezida hari abantu atinya bigatuma atatumena mo amasasu nk’ayo yatumenagamo akiba mu ishyamba. Bati: “ese mwana ni gute wavana intare mu ishyamba ukajya kuyirerera mu nzu? N’ubwo hariya bayikuye mu ishyamba bayizanye mu Rugwiro, urabona ko n’ubu yibereyeho nk’uko yari ibayeho mu ishyamba”. Bongeraho bati: “Rero kuyikura hariya ni ukuyisubiza aho bayikuye, aho bayikuye mu ndake isubiye yo yatumara noneho”.

Umu DASSO umwe aniga umuntu abandi barebera koko?

Muri rusange abaturage bafite impungenge z’ubuzima bw’iriya ntare nyuma y’umwaka wa 2017! Akaba ariyo mpamvu bemera gusinyishwa ku gahato kugira ngo ejo intare itazasubira mu mwobo ikazaza ari kirimbuzi.
Nabateze amatwi numva impungenge zabo. Icyo nakuyemo ni uko iriya ngirwa ntare yahahamuye abaturage ku buryo batifuza ko yasubira mu ishyamba.
Impungenge zabo zifite ishingiro ariko haricyo biyibagije ko kuba iriya ngirwa ntare ikomeza kubahahamura babifitemo uruhare. Bati : “ese gute wa mwana we?

Nanjye nti: “mufite imbaraga n’ubushobozi. Ubushobozi bwanyu bwose mwabuhaye ingirwa ntare muyihindura intare nya ntare”. Baratangaye.

Ni koko abaturage bafite imbaraga batazi.

Dore uko ibintu bimeze:.Amabaruwa muhatirwa gusinya mwanze kuyasinya ku mugaragaro mukamagana n’abo baza kubahatira gusinya, ingirwantare ihinduka injangwe. Ubwo muba muyambuye bwa bushobozi ntizongera kuza aho muri, yemwe n’iyo yabakangisha kujya mu mwobo muyibwire ko niyibeshya uwo mwobo muzawusibanganya iwurimo, nk’uko yasibanganyirije abacu mu buvumo..
Nabahaye urugero rw’imbwa. Imbwa iyo ikumokeye ukayereka ko watinye ukiruka ikwirukaho ku buryo ushobora no kuvunika. Ariko iyo imotse wihagararaho wabona n’ibuye hafi ukaritora ukariyitera, icyo gihe izinga umurizo ikagenda nawe ukikomereza.

Mwitinya Kagame, mwituma akomeza kubahonyora mwimwimika nk’ umwami. Mwarabyaye n’ubwo bamwe yabamaze ho urubyaro ariko na kamwe yabasigiye na ko gafite ububasha bwo kuyobora. Kagame ntiyavukanye imbuto. Ababeshya ko navaho mutazabaho arabeshya, Kagame si Imana, ndetse kubwe muba mwararimbutse mwese kuko ni cyo yaje ashaka kandi yarabyivugiye ko ikimubabaza  ari uko atabonye umwanya wo kubica mwese ngo abamare. Ubu rero aya mabaruwa muri kwemera ko babasinyisha, murimo mumuha wa mwanya wo kubamara mwese.

Batangiye kumva ingero nabahaye, bati: “wa mugani, twishyize hamwe ntacyatunanira. Bati: “ese ko ari twe tunamutora n’ubwo tutamutoye ku bushake!!” Nti “ntimwumva se”, nti: “noneho muzanamwangire ku bushake”.

Bati: “rero baradusinyishije kandi amabaruwa barangije kuyapfunyika.

Nabasubijeko ntarirarenga.

Buriya bazagaruka muri kamarampaka baje kubasaba gutora.“Yego” bizaba bisobanura ko mwemeye ko Kagame akomeza kuyobora ubuziraherezo, “oya” izaba isobanura ko mubyanze. Abaturage barasetse bose, bati “aho ni ho tumutegeye noneho ntazaducika, reka tubike ibanga ryacu ku mutima”.

Ubutumwa nabahaye ni uko bagomba gushirika ubwoba ntihazongere kuza umuntu ubereka aho batora. Muri demokarasi uwo muntu yatoye ni ibanga. Abaturage rero biteguye kwereka ingirwa ntare Kagame ko kuba yibona nk’intare ari ukubera abaturage,ubu bagiye kumugira injangwe babinyujije muri kamarampaka, abibwira ko ariya mabaruwa bari kwirirwa basinyisha abaturage byarangiye, muribeshya cyane., you will be embarrassed in broad daylight!!!

Byose biragenda nk’uko byahanuwe: Isekurume izabyara isekurume ndwi (manda y’imyaka 7) zose zanjye konka. Iyo ihene yavutse ntiyonke irapfa.

Kagame rero, abaturage uyobora bagufata nk’inyeshyamba n’ubwo wavuye mu ishyamba, ishyamba ryo riracyakurimo, ni akamaramaza mugani w’Abarundi.
Niba wifuza gufata iy’ishyamba na bwo, rwose Kagame ntizakorohera kuko ishyamba ntirikiri ryeru nk’uko byahoze cya gihe utera u Rwanda rwatembaga amata n’ubuki ukarugira urutemba amaraso n’imiborogo

.
Dore aho mpera mbivuga ko bitazakorohera ni aha:

Ubwoba bwawe burazwi, ukangwa n’ubusa. Ba Nyamwasa bagufashije kuguma mu mwobo utuje yewe ndetse bakanakurokora inshuro nyinshi, ubahejeje ishyanga abandi wabanigishije ibiziriko, abandi barimo baborera muri 1930. Niba wizeye uriya Kabarebe utwite inda y’imvutsi,uragowe kuko umunsi yumvise ko byagukomeranye azahera ko ajya ku bise bitunguranye urebe kariya kadigi kameze nk’agatwite bane ehhhe, dore aho nibereye!

None se uriya mufumbira wakuye i Bugande ni we uzakurwanirira? Umunsi yumvise byakomeye azasubira iwabo i Bufumbira nazaba atarafumbira imirima y’iwabo, dore ko numva ko ari hafi gutanga ifumbire mu murima wa nyina. Na twa tuzi yirirwa yicisha abanyarwanda ntatwo azaguhaho ngo tukuruhure.

Rwarakabije se? Ko utizera umuhutu ubwo se uwo mwobo uzawubana mo na nde? Wibuke ko iyo byakomeye buri wese akiza amagara ye. Uriya mushikiwanyu se azaba akibona aho avugira ko ntawe uzaba ukimutega amatwi? Uwo munsi na Cliton/Blair bazavuga ko nta ho bakuzi. Uzaba ubaye uwa nde??

Icyiza ni ukwishyira mu maboko ya rubanda, icyo gihe nta cyo tuzagutwara tuzagushyikiriza ababishinzwe, n’ubwo watubabaje ukaduhekura, ukatugira imfubyi,tuzagufata tugushyiirize inzego zishwizwe kurinda umutekano wawe, ariko niwiha kujya mu mwobo, tuzawusibanganya nta kundi bizagenda.
Kagame emera wivireho ejo bundi manda yawe nirangira.Kuba waraje ku butegetsi nabi ukabuvaho nabi ntacyo bizakumarira, nyamara ubuvuyeho neza, hari akantu byahindura ku isura abanyarwanda baguha. ibyaha wakoze byo, abanyarwanda ubwabo bazamenya uko bakugenza, si abana babi n’ubwo wabatoje ububi, ariko abeza turacyari benshi.Tangira wirukane ayo mabandi wavanye Uganda, kontara mwari mwarasinyanye na yo yo kurimbura abanyarwanda no gusahura u Rwanda uyisese. Tangira witegure ko uzabazwa byinshi ku mahano yagwiriye u Rwanda azanywe nawe n’ayo mabandi yawe.Tangira witegure gusubiza iby’abandi wasahuye, umutungo wa rubanda. Ibyo byose ni byo wakagombye kuba utekerezaho kurusha uko utekereza mu guhindura itegeko nshinga, nzi neza ko utazabigeraho n’ubwo wowe n’ayo mabandi yawe mwibwira ko muri kubikozaho imitwe y’intoki, ariko murebye nabi mwasanga murimo mukora kuri bombe izabaturikana mwese hamwe!
Nyamwanga kumva ntiyanze no kubona, utazi ubwenge ashima ubwe.
Ngibyo ibya ya  ngirwantare y’u Rwanda.

Umutaripfana,

Jeanne Mukamurenzi.