Polisi y’u Rwanda irashinjwa kunyereza Munganyinka Godbertha n’umuhungu we Copin.

Kuva mu mwaka wa 1995 byabaye akamenyero ko mu gihe cyo kwibuka jenoside cyangwa mbere yaho gatoya mu Rwanda haba ibikorwa by’urugomo rukorerwa abaturage. Bimwe muri ibyo bikorwa harimo nko kurigisa abantu bikorwa n’abibona mu butegetsi kandi badashobora gukorwaho iperereza na polisi.

Muri iyi minsi mike ishize twese twabonye uko umuhanzi Kizito Mihigo yashimuswe n’inzego z’ubutasi zikamufungira mu mwobo i Kami, cyakora itangazamakuru ryateye hejuru ndetse na Kiliziya Gatolika ibikurikiranira hafi maze polisi n’ikimwaro cyinshi itangaza ko ariyo imufite kandi mbere yari yanangiye.Iyicarubozo ryakorewe Kizito nta wundi ushobora kuryiyumvisha keretse uwanyuze i Kami. Ibi bikaba ari ikimenyetso ko Kizito yari agiye gupfa urwo abandi nka ba Major Cyiza na Depite Hitimana bafuye.

Kugeza ubu kandi uretse Kizito na Ntamuhanga bagaragajwe,  Gerard Niyomugabo Nyamihirwa na n’ubu ntawe uzi uko byamugendekeye. Muri iki gitondo nibwo twamenye ko hari n’abandi benshi bakomeje kuburirwa irengero mu Rwanda abo tugiye kuvuga akaba ari Munganyinka Godbertha n’umuhungu we Ndanyuzwe Serge uzwi ku kabyiniriro ka Copin.

Ibya Godbertha na Copin byagenze bite?

Ntawe uzi uko byagenze. Cyakora abantu baheruka kubona Godbertha n’umuhungu kuwa mbere tariki ya 3 Werurwe 2014 ubwo bavugaga ko berekeje i Kigali. Icyari kibajyanye i Kigali nta kindi uretse kwishyuza amafaranga y’ikodi ku mazu yabo aherereye ku Kabeza werekeza Kanombe mu mujyi wa Kigali. Kuva icyo gihe nta wigeze amenya uko byabagendekeye. Ayo mazu ubusanzwe atuwemo n’abasirikare bakaba bari basanzwe bishyura bigoranye akaba ari nayo mpamvu byabaye ngombwa ko Godbertha ajyana n’umuhungu we. Munganyinka Godbertha yavutse mu mwaka wa 1962 naho umuhungu we Ndanyuzwe Serge alias Copin yavutse mu mwaka wa 1993. Bari batuye mu kagari ka Gacu umurenge wa Rwabicuma mu karere ka Nyanza, intara y’amajyepfo.

 

   2014-04-16 11.29.41

Godbertha Munganyinka na Ndanyuzwe Serge alias Copin

Kuki Polisi y’u Rwanda ikemangwa mu ibura ry’aba bantu?

Kuva aba bantu baburirwa irengero, abaturanyi baratatse ariko polisi ivunira ibiti mu mu matwi. Ubundi hano mu Rwanda dusanzwe tumenereye ko iyo inzu yawe ikodeshwa n’umusirikare biba ari iki bazo kuko hari igihe azindukana umujinya akakurasa agasigarana amazu yawe. Mu gihe cyegereje icyunamo byo biba ari ibindi kuko polisi usanga isa n’itabyitayeho cyangwa ikavuga ngo n’inyange zirapfa nkanswe ibyiyoni!Chief-Supertendent-Hubert-Gashagaza_-umuvugizi-wa-Polisi-y_Igihugu-mu-Ntara-y_Amajyepfo-akaba-n_umugenzacyaha-muri-iyo-Ntara-

Chief Superintendent Hubert Gashagaza yanze gukora iperereza

Ubusanzwe mu gihe itegeko ryo kumviriza amatelephone ryatorwaga, Ministri Mussa Fazil yavuze ko rigamije kurinda umutekano w’abantu. Bitera akantu rero iyo polisi itakiwe ntijye muri network ngo icukumbure irebe uwavuganye n’uwabuze bwa nyuma cyangwa se ngo ishakishe n’aho iyo telephone iba iherereye. Kuba ibi bidakorwa, twe tubifata nk’ikimenyetso ndakuka cy’uko polisi iba ibyihishe inyuma. Kandi rero ni mu gihe, hari igihe usanga nk’abo basirikare bakekwa bafite barumuna babo muri polisi maze ugasanga uwo urega ariwe uregera. Bityo rero ubwo Polisi yirengagije umurimo wayo wo kurinda umutekano w’abaturage ndagira ngo nisabire uwaba yaramenye uko byagenze azadutungire agatoki tubikurikirane mu nzego zo hejuru tuzumve icyo Perezida Kagame abivugaho cyangwa anatubwire niba ariwe wabarigishije tuve mu gihirahiro.

Niyoyita Marcel

Umutaripfana w’ISHEMA

Intara y’amajyepfo

 

 

 

Advertisements

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s