Category Archives: Rwandan Government in Exile

PAUL KAGAME 2017: N’UBWO AFITE UBURAMBE MU KOGA MU MARASO Y’ABAHUTU N’AY’ABATUTSI, NONEHO UBANZA YARANGIJE GUSOMA NKERI!

Kagame final

Nkunda kureba sinema zerekana uko inyamaswa zihiga. By’umwihariko ariko njya nitegereza cyane uko Intare zitwara iyo zirimo guhiga izindi nyamaswa. Sinibuza guseka cyane iyo mbonye intare isimbukiye imbogo ariko byagera aho izindi mbogo zirukaga zihunga zigasa n’iziyunguye agatekerezo, zigahagarara, zikisuganya, zigasubira inyuma gutabara iyazo yasigaye mu nzara z’intare! Nta gishimisha nko kureba ukuntu intare Umwami ishyamba yiruka ibebera, ikimwaro cyayibanye cyinshi!

Muri iyi minsi mwaba muri kwitegereza Paul KAGAME ngo murebe uko asa kandi agenza nk’intare yamwaye ??!!

I.IKIMWARO CYA PAUL KAGAME

Uyu munyagitugu yarabanje avuza iyabahanda, abeshya Abanyarwanda n’ isi yose ngo nibamurebe mu maso ngo ni umudemokarate w’akataraboneka. Ngo nta nyota y’ubutegetsi afite nk’abahutu bamubanjirije. Ngo manda ebyiri yemererwa n’Itegekonshinga nizirangira mu mwaka wa 2017 ntazakenera kurihindura ngo yihambire ku butegetsi!

Ntibukeye kabiri, yadukana agashya ko kwikoreza abaturage bagowe ibiseke ku ngufu ngo babijyane mu Ntekonshingamategeko kwerekana ko bamukunda byarenze igipimo; akomereza ku kwinginga abakecuru ngo nibaririmbe kandi babyine ko rwose KAGAME ari murumuna wa Yezu Kristu; naho “Abacukuzibimisarani” bo bahindurirwa akazi, bahabwa “mikoro” ngo bazenguruke igihugu cyose bomongana ngo” KAGAME atariho u Rwanda ntirwabaho! Ngo niwe wenyine wavukiye gutegeka, abandi benegihugu bose bakaba bagomba kwiheshereza agaciro mu kumubera abagereerwa n’inkomamashyi”! Ibyo twese twarabibonye turumirwa, Abazungu bari barizeye KAGAME bo baranyonyomba, bikuriramo akabo karenge, umwe umwe nta nduru!

Ingaruka zo gutegekwa n’”Umunyakinyoma utagira indangagaciro n’imwe yubaha”, ubu nizo rero zikomeje kujya ku kabonabose. Kwihishira byarangiye! Reka twibutse bine mu bimenyetso simusiga byagaragaje ko twinjiye mu bihe bidasanzwe:

(1) Mu Ukuboza 2015 KAGAME yategetse ko Itegekonshinga risuzugurwa burundu,kugirango rimwemerere kuzaba umwami w’u Rwanda ubuziraherezo.

(2) Ingingo ya 25 y’Itegekonshinga igena ko nta mwenegihugu ugomba kubuzwa gutahuka mu gihugu cye, Paul KAGAME yategetse ko itazongera gukurikizwa ukundi. Byagaragaye cyane taliki ya 23/11/2016 ubwo yafataga icyemezo kigayitse cyane cyo gucira ishyanga Padiri Thomas NAHIMANA, Nadine Claire KASINGE,Venant NKURUNZIZA na KEJO MAHIRWE Skyler bari biyemeje gutahuka mu Urwababyaye bagiye gufasha Abanyarwanda guharanira uburenganzira bwabo. Ubwo KAGAME yaduhezaga ishyanga yishuka ko abatuye mu gihugu imbere bose yarangije kubatera ubwoba bidasubirwaho,ko ntawe uzatinyuka kumuhangara mu matora y’umukuru w’igihugu yo mu 2017.

Icyo atamenye ni uko ubushake y’impinduka bwarangije kuzura mu mitima y’abanyarwanda batagira ingano.

Ntiyamenye aho Diane RWIGARA ateye aturuka, ntiyigeze anamenya uko uwo mwari yatojwe ibya politiki n’amarira y’akarengane yahogoje Abanyarwanda benshi! Kuko batari bamwiteguye, kumucecekesha byakomeje kubera KAGAME n’Agatsiko ke ingorabahizi.

diane

AYA MARIRA YATEWE N’UMUGAMBI MUBISHA WA KAGAME YO KURIMBURA UMURYANGO WA RWIGARA, HARI AHO AHURIYE N’UYU MUKWABU WO GUFUNGA ABAYOBOZI BA FDU BARI I KIGALI?

Gutoteza umuryango wa RWIGARA hagamijwe kuwutindahaza no kuwurimbura bifitanye isano n’umukwabu wo gufata no gufunga abayobozi ba Opozisiyo y’imbere mu gihugu bo mu bwoko bw’Abahutu. Ntiriwe ndondogora reka mbabwire uko tubibona mu tugingo 5 gusa dukurikira.

1.Mu gihe abaturage bari bataribagirwa uko KAGAME yagaraguye mu biziba kandi amurenganya umusore Abanyarwanda twese twakundaga witwa Kizito MIHIGO, yadukiriye Diane RWIGARA n’umuryango we . Mu gutoteza Nyakubahwa Kandida Perezida Diane RWIGARA n’umuryango we ku mugaragaro kandi mu buryo bugayitse cyane, buteye agahinda, ubwoba n’umujinya, Paul KAGAME yivuyemo bidasubirwaho. Yashyize umukono ku bisanzwe bizwi! Yeretse abenegihugu bo mu bwoko bw’Abatutsi, ko amaraso yabo ntacyo amubwiye, ko abatanze utwabo bagatera inkunga umutwe w’Inkotanyi mu ntambara yatangiye ku ya 1/10/1990 nta kandi gaciro bafite mu maso ye, uretse kumubera ibitambo akeneye! Mu yandi magambo KAGAME yahumuye amaso ya ba Batutsi bake cyane bari batarasobanukirwa, bakaba bacyishuka ko KAGAME aribo yarwaniye, ko ari Umukiza wabo! Mu kugaraguza agati umuryango wa RWIGARA ku kabonabose KAGAME noneho yerekanye uwo yariwe kuva mu ntangiriro: icyo yishakiraga ni UBUTEGETSI kugira ngo abwifashishe maze asahure igihugu, yibere umuherwe ndetse w’umunyamurengwe, we n’umuryango we gusa basezere ku bukene, buri mwana we ajye agenda muri LANDCRUISER y’akataraboneka, mu gihe abana ba rubanda itanga imisoro baribwa n’ingona bagiye kuvoma ibiziba byo kunywa!

Umuhanzi-Kizito-Mihigo-yitangiriye-itama-akimara-kumva-imyanzuro-yurukiko

2.Icyatunguye KAGAME, ni ugutahura ko Abanyarwanda bamuzi neza, ko biteguye no kumubwiza inaninarimwe (Résistance à l’oppression). Ngira ngo yaguye igihumura abonye neza ko babandi yari yarabeshye ko yakijije bamuzi nk’AKAMASA KAZACA INKA kugeza n’igihe amarira y’umubyeyi uri mu kaga ashyize ahagaragara kwa kuri abanyarwanda bose bazi ariko batinyaga kuvuga kwerekeye Kagame n’Agatsiko ke kitwaje intwaro: “MURI INTERAHAWE Z’UBUNDI BWOKO”! Mambo kwisha!

3.Dore icyo gufata abayobozi ba Opozisiyo bo mu bwoko bw’Abahutu bisobanuye:

Kagame ni umugome ariko si impumyi, si n’igipfamatwi! Yamaze kubona ko ubutindi bwinshi yashyize muri gahunda yo kurimbura umuryango wa RWIGARA bugiye kumubyarira amazi nk’ibisusa ku buryo budasubirwaho aherako atangira ya “makinamico asanganywe” bo bita “AMAKATA”, mu rwego rwo kuyobya uburari no kurangaza abanyarwanda:

Boniface-TWAGILIMANA

(1) Mu gufunga abanyapolitiki bo mu bwoko bw’Abahutu, KAGAME agamije kugerageza guhumuriza no kongera guhuma amaso Abatutsi barangije kumubona nk’ “INTERAHAMWE Y’UBUNDI BWOKO”. Arashaka kubabwira ko “atari we mwanzi w’Abatutsi”. Ko umwanzi wabo ari umuhutu wese, wa wundi wabishe kandi n’ubu akaba agifite umugambi wo kubatsemba! Mwibuke “IKIBAZO-NCENGEZAMATWARA” cyuje urwango Paul KAGAME aherutse kwandikisha ku kinyamakuru cye gishya cyitwa INKOTANYI: “Quelle ethnie est considérée comme responsable du génocide des Tutsi en 1994 au Rwanda? « (« Ni ubuhe bwoko buzwiho kuba bwaratsembye Abatutsi mu mwaka w’1994?” Biragaragara neza ko Kagame ari muri « stratégie » y’amacakubiri, agendereye guteranya Abahutu n’Abatutsi kugira ngo hatagira utabara undi mu gihe abagabyeho igitero.

(2) Gushinja Abayobozi ba FDU ko bari gukorana n’imitwe y’abahutu ishaka gutera u Rwanda iturutse mu gihugu “kitazwi”(!) ni ugushaka kuvumbura ubwoba n’umujinya w’Abatutsi abashyira imbere igikangisho cy’uko Abahutu bashobora kugaruka ku butegetsi. Icyo agamije ni ukugira ngo Abatutsi bamutereye icyizere muri iyi minsi bamugarukire, hato badatera intambwe yo kwiyemeza gufatanya n’Abahutu bo muri Opozisiyo bashaka guhirika ubutegetsi bwe bw’igitugu gikabije.

(3) Gufungwa kwa bariya Bahutu bo mu ishyaka rya Victoire INGABIRE UMUHOZA uheze muri gereza arengana, ntihagire ubikinisha, kuko mu kandi kanya amaraso yabo araba ashobora kumenwa kuko KAGAME ayakeneye kugira ngo yongere yerekane nyine ko abereyeho kuba Umukiza na Nyagasani urinda umutekano w’Abatutsi. Mu mutwe wa KAGAME ufite uburambe mu kwiyuhagiza amaraso, nta kundi yakoozwa amaraso ya RWIGARA adakarabye aya Bonifasi Twagirimana na bagenzi be!

(4) Hagati aho birashoboka ko umuryango wa RWIGARA wahabwa agahenge by’akanya gato ariko baritonde…ntabwo KAGAME wacuje RWIGARA ubuzima, agasenya amagorofa n’amazu bye, agafunga inganda, agafatira amakonti, agashyira umupfakazi n’impfubyi mu mapingu agamije kubivugana rwihishwa…ntabwo azabareka gutyo gusa kuko mu by’ukuri bamukojeje isoni! Intare yamwaye…muyitege!

(5) Gusa ubwo abanyarwanda bamaze kumenya ufite uburambe mu koga mu maraso yabo, baramutse bagize ubwenge burenze ubw’imbogo ho gato bamuviraho inda imwe, agasoma nkeri cyangwa akibira ubutazuburuka. None se ngo iyo ukomeje guhishiira umurozi ntakumaraho urubyaro?

UMWANZURO

Ibihe bya politiki iyi ntindi ngo ni “Manda ya gatatu itemewe” yinjijemo Abanyarwanda birakomeye cyane kandi ntibisanzwe. Birasaba ko abanyarwanda barekera aho kuzarira ahubwo bakihutira kugira imyitwarire mishya: bagakanguka, bagahaguruka, bakagira icyo bakora KIDASANZWE.

Mu bihe bisa nk’icyo tugezemo, na YEZU KRISTU ubwe yageze aho abwira Intumwa ze ati: “Ubu noneho… n’udafite inkota nagurishe igishura cye, maze ayigure” Luka 22,36.

Banyarwanda, Banyarwandakazi, iyaba uyumunsi mwakundaga mukumva ijwi rye, ntimunangire imitima yanyu!

Murakarama.

Padiri Thomas Nahimana.

Perezida wa Guverinoma y’u Rwanda ikorera mu buhungiro.

GUSENYA UMURYANGO WA RWIGARA : IGITERO CYA NYUMA UMUNYAGITUGU PAUL KAGAME AGABYE KU BANYARWANDA!

2 Replies

GUSENYA UMURYANGO WA RWIGARA : Igitero cya nyuma Umunyagitugu Paul KAGAME agabye ku Banyarwanda ! Tariki ya 05/09/2017

Amakuru y’u Rwanda muri iyi minsi ishize yaranzwe ahanini n’akarengane gakabije umunyagitugu Paul KAGAME akomeje gukorera umuryango wa nyakwigendera RWIGARA Assinapol.

Twibutse ko Bwana RWIGARA Assinapol yari umucuruzi ukomoka mu bwoko bw’abatutsi wazamutse cyane mbere y’intambara yo mu Ukwakira 1990 . RWIGARA ni umuntu wakunzwe kandi wubashywe cyane na Perezida HABYARIMANA Yuvenali w’umuhutu waje kwicwa na KAGAME n’agatsiko ke ka FPR INKOTANYI mu ijoro ryo ku itariki ya 6 Mata 1994. Gusa bigeze ahagana mu mwaka wa 1989, Bwana RWIGARA yafashe icyemezo cyo gutera inkunga ku buryo bugaragara inyeshyamba z ‘umutwe wa FPR-INKOTANYI kuko bamwe mu bayoboke bayo bari bashoboye kumwumvisha ko icyari kigamijwe ari ukurenganura no gucyura impunzi z’abatutsi zari zarasohotse mu Rwanda guhera mu mwaka wa 1959. Gufata ubutegetsi bwose byaje kugerwaho na FPR mu mwaka w’1994 habanje kuba intambara ikaze na jenoside bigahitana ubuzima bw’abantu barenga miliyoni ndetse hagasenyuka byinshi.

Twifuje kumenya icyo Nyakubahwa Padiri Thomas NAHIMANA, Perezida wa Guverinoma y’u Rwanda ikorera mu buhungiro atekereza kuri iki kibazo cy’umuryango wa RWIGARA, adutangariza ibi bikurikira. Ni mu kiganiro yagiranye na Radiyo The Voice of Rwanda kuri micro ya Angela DANA.

THE VOICE OF RWANDA

Nyakubahwa Perezida, ndakeka mukurikirana amakuru agezweho ku bijyanye n’umwari Diane RWIGARA n’umuryango akomokamo. We n’abo muri uwo muryango bafashwe na Polisi baregwa ibyaha bibiri aribyo (1) kudatanga imisoro no (2) gukoresha impapuro z’impimbano. Mubitekerezaho iki ?

Padiri THOMAS NAHIMANA :

Bizwi na bose ko igipolisi cy’umunyagitugu Paul Kagame cyakataje mu gutekinika amadosiye kugira ngo gishinje ibinyoma umuntu wese wamaze gutangwa na Kagame ngo afungwe cyangwa yicwe. Ubu rero ikigaragara muri iyi minsi ni ibikorwa biteye agahinda birimo gukorerwa umuryango wa RWIGARA bitegetswe na Paul KAGAME. Uyu munyagitugu Paul KAGAME kandi ni nawe wishe RWIGARA Assinapol kandi nyamara uyu mucuruzi yari yaramufashije bitagira ingano mu gihe yari ku rugamba. Nanone ariko ntitwabura kuvuga ko inzira yakoreshejwe mu gucura ibyaha bigerekwa ku muryango wa RWIGARA igaragaramo ubuswa bukabije. Nawe se, reba nka kiriya cyaha ngo cyo gukoresha impapuro z’impimbano, ntawe kitasetsa ! Ninde se uyobewe ko cyari cyahimbwe hagenderewe gusa kubuza Diane RWIGARA kwiyamamariza umwanya w’umukuru w’igihugu ! Ayo manyanga yakozwe twese tubireba. Ariko noneho kubona Paul KAGAME yitera ijeki ngo arashaka gukurikirana Diane RWIGARA mu nkiko hashingiwe kuri icyo cyaha gihimbano nibyo byitwa « kwenderanya » mu kinyarwanda. Twese ntawe utabibona.

Naho ku cyaha ngo cyo « kunyereza imisoro » kinagaragara ko aricyo cyaba nyamukuru, umuntu wese ukurikirana iby’u Rwanda ntiyabura kwibaza ati : ni kuki kandi ni gute inzego zishinzwe kwakira imisoro mu Rwanda zizwiho kutajenjeka zitabonye ubwo buriganya mbere hose, kugeza aho miliyari eshanu zose zigeramo ? Ndetse wakongeraho uti: ni iyihe mpamvu iki kirego kivumbutse muri iki gihe ?

THE VOICE OF RWANDA

Nyakubahwa Perezida, murashaka gusa n’abemeza ko ubuyobozi bw’ikigo gishinzwe imisoro mu Rwanda bwaba bufite uruhare mu guhishira iki cyaha cyo kudatanga imisoro kiregwa umuryango wa RWIGARA ?

Padiri. THOMAS NAHIMANA

Si ugushaka kubyemeza gusa, ahubwo ndabihamya mpagaze ku maguru yombi. Rwose nibyumvikane neza ko haramutse harabayeho koko icyo cyaha cyo kunyereza imisoro byaba ari ikosa ry’inzego zibishinzwe. RWIGARA siwe bikwiye kubarwaho. Ariko koko Abanyarwanda bazabeshywa kugeza ryari ! Abantu bakwiye gusobanukirwa kandi bakamenya intangiriro y’ibi bintu. Reka nze mbabwire neza uko iki kibazo cyifashe. RWIGARA Assinapol yasinye AMASEZERANO yo gutera inkunga urugamba rwa FPR Inkotanyi mu gihe uyu mutwe witwara nk’uw’iterabwoba wari ukiri mu ishyamba. RWIGARA yatanze inkunga ibarirwa mu ma miliyoni menshi y’amadolari kandi ishyikirizwa Paul KAGAME wari umuyobozi ya FPR-Inkotanyi. Muri ayo masezerano, FPR nayo yemereraga RWIGARA ko nibaramuka bafashe ubutegetsi, nta kindi bazamwitura uretse kuzamuha ubwisanzure agakora ibikorwa bye by’ubucuruzi ariko « adatanga imisoro nk’abandi » mu gihe cy’imyaka nibura 30. Babyita mu gifaransa “régime fiscal aménagé”. Ndetse si RWIGARA wenyine wemerewe iyo « régime fiscal amenagé ». N’abandi bacuruzi batanze inkunga ifatika y’amafaranga kimwe na bariya basirikare bakuru bose b’Inkoramutima za Kagame, bacuruza badatanga imisoro nk’abandi banyarwanda kugeza n’uyu munsi ! Iyi mikorere iteye itya ikaba rwose ikomeje gutera icyuho gikomeye mu isanduku ya Leta kubera ko « uko imisoro itangwa » bigaragaramo ivangura rikabije kandi rigamije guhombya « entreprise » yose Paul KAGAME adashaka. Ni na yo mpamvu mubona ubukungu, ubucuruzi n’imari byose by’igihugu byikubiwe n’Agatsiko gato cyane k’abantu bazi « gusangira » n’umunyagitugu Paul KAGAME no kumukomera amashyi amanywa n’ijoro.

THE VOICE OF RWANDA :

None se murakeka ko Polisi yatewe n’iki kujya gusaka ndetse no gufatira ibintu bitandukanye mu rugo rw’umuryango wa RWIGARA ?

Padiri THOMAS NAHIMANA

Aha nanone hari ibikwiye kubanza gusobanurwa. Kiriya gipolisi cya Kagame, si urwego ruzwiho kubahiriza amategeko n’uburenganzira bw’ikiremwa muntu nk’uko mubibona mu bihugu nk’u Bufaransa cyangwa ibindi bihugu byateye imbere by’Uburayi. Polisi y’u Rwanda ni “umutwe witwaje intwaro” uri mu biganza by’umunyagitugu Kagame, akaba yarawuhinduye igikoresho yifashisha uko abyifuje mu kurengera inyungu ze bwite zonyine. Umutekano w’abaturage si wo ubashishikaje kandi Abanyarwanda bose barabizi neza!

Reka rero tugaruke kuri ririya saka rya hato na hato , rikorwa amanywa n’ijoro mu rugo rwa RWIGARA. Icyo rigamije namwe mwakibwira! Icya mbere ni uko Kagame arimo gushakisha ahaba haherereye amasezerano RWIGARA yasinyanye na FPR kugira ngo umuryango we utazayashingiraho wiregura mu gihe haba habayeho urubanza. Icya kabiri, ni ugufatira amafaranga yose uyu muryango waba warabashije gushyira ku ruhande mbere y’uko Leta ifatira amakonti yabo mu mabanki. Nanone kandi kuba muri iyi minsi haragaragaye Abajepe bashinzwe kurinda Paul KAGAME birirwa bakanarara ku nzu ya RWIGARA, ni ikimenyetso kitabeshya cyerekana ko umunyagitugu yakuye agahu ku nnyo akaba yariyemeje, we ku giti cye, kurandurana n’imizi umuryango wa RWIGARA.

THE VOICE OF RWANDA

4. Nyakubahwa Perezida, aha umuntu yakumva ko KAGAME mumukabirije ! None se muratekereza ko KAGAME yaba afite iyihe nyungu mu gukorera ubu bugome umuryango wa RWIGARA ?

Padiri THOMAS NAHIMANA

Ugize neza kumbaza icyo kibazo kidufasha kugaragaza « ipfundo » ry’inkomoko y’akarengane umuryango wa RWIGARA uriho ukorerwa muri iki gihe, iyi mu by’ukuri ikaba ari nayo ntandaro y’uruvagusenya Abanyarwanda benshi bakomeje guhura narwo mu mibereho yabo ya buri munsi.

Reka rero twibutse ko nyuma y’umwaka w’1994, RWIGARA yongeye gukora ibikorwa bye by’ubucuruzi mu RWANDA, biramuhira, asubira gutunga amafaranga abarirwa mu mamiliyoni menshi. Ibibazo bikomeye byatangiye Paul KAGAME akimara kuba Perezida wa Repubulika, asimbuye BIZIMUNGU wananijwe, akeguzwa mu mwaka wa 2000. Icyo gihe rero Paul KAGAME yashatse guhabwa imigabane myinshi mu bikorwa bya RWIGARA wari umenyereye kwikorera ku giti cye. RWIGARA wari waragize igihe gihagije cyo kurunguruka imikorere ya Kagame na FPR, yaricaye, aribaza ,asanga kwemera gufatanya na Kagame mu bucuruzi bidatandukanye no kunywana na Lusufero ! Byamuteye ubwoba afata icyemezo cyo guhakanira KAGAME. Sibwo KAGAME arakaye umuranduranzuzi agatangira gukubita agatoki ku kandi ko azashirwa arimbuye RWIGARA n’ibye byose ! Kuba RWIGARA yarakomezaga gutera imbere mu bucuruzi bwe kandi agatinyuka kwanga « gusangira na KAGAME wiyumva nk’umwami w’u Rwanda », ngicyo icyaha gikabije cyatumye RWIGARA yamburwa ubuzima bwe. Mu by’ukuri nta kindi KAGAME yahoraga RWIGARA kitari icyo, akaba yaratangiye rero kumwenderanyaho ku buryo bugaragara mu myaka ya 2001-2002.

Icyo gihe RWIGARA yahise abona ko ibintu bitoroshye, ko ndetse ashobora gufungwa cyangwa akwicwa, nibwo yiyemeje guhungira mu gihugu cy’uBubiligi. Iyi nkuru y’uko RWIGARA yatotejwe cyane na FPR yagizwe ibanga, ntiyamenywe na benshi. Gusa rero FPR yaje gukoresha bwa buhendanyi isanganywe, iramushukashuka, irongera imwizeza ibitangaza, yemera kuva mu Bubiligi atahuka mu Rwanda maze bamwivugana ku itariki ya 4/2/2015.

THE VOICE OF RWANDA :

5. Ariko rero igipolisi cy’u Rwanda cyemeje ko RWIGARA yazize impanuka y’imodoka !

Padiri THOMAS NAHIMANA

Ikinamico ryo kubyita impanuka ntiryafashe kuko Diane RWIGARA wahise agera aho iryo shyano ryabereye yatanze ubuhamya bw’ibyo yabonye. Yasanze se akiri muzima, yibonera n’amaso ye uko abapolisi bashishikariye kumutsindagira mu mufuka w’abapfuye kandi agihumeka, nyuma aza kubona n’uko bamuhwanyije bamuteraguye ibyuma, bamukubise n’inyundo mu mutwe, kandi ibyo byose byakorwaga na ba bapolisi ba Kagame mwebwe muvuga ngo barinda umutekano w’abaturage muri disipulini ihambaye!

Iyo witegereje ibyakurikiye urupfu rwa RWIGARA uhita usobanukirwa, ntiwongera gushakisha uwari ufite inyungu muri ubwo bwicanyi(A qui profite le crime !). Ibuka ko tariki ya 12 /9/2015, ubuyobozi bw’umujyi wa Kigali bwahise butangira gukubita hasi igorofa rizwi cyane rya RWIGARA ngo kubera ko ritubatswe rikurikije amategeko. Nyamara iyo nzu yubatswe mu buryo bukurikije amategeko, ikaba imaze imyaka irenga 25 !

Muri make, ibi byagaragaje ko KAGAME atanyuzwe n’amaraso ya RWIGARA yonyine ahubwo ko yari afite umugambi wo « kurimbura » umutungo we hagamijwe gutindahaza n’umuryango we wose.

THE VOICE OF RWANDA :

6. Aho icyemezo Diane RWIGARA yafashe cyo kwiyamamariza kuba Perezida wa Repubulika mu mwaka wa 2017 nticyaba cyarabaye nyirabayazana yaje kongera ibibazo byari bisanzwe bitoroshye ?

PADIRI THOMAS NAHIMANA :

Nibyo rwose ntiwibeshye. Akarengane uyu muryango wahuye nako niko katumye Diane RWIGARA afungura amaso amenya neza kamere nyakuri y’ubutegetsi kirimbuzi bwa FPR bwahohoteye Abanyarwanda batagira ingano guhera muri Nyakanga 1994. Yahise afata icyemezo cyo gutsinda ubwoba akamagana ku mugaragaro akarengane gakorwa na FPR. Si ibyo gusa ahubwo yiyemeje no gufatanya n’abaturage mu rugamba rwo guharanira impinduka za politiki hagamijwe kwimakaza imibereho myiza y’abaturage. Nyamara mu mutwe wa KAGAME n’abicanyi be, kuba umwari RWIGARA Diane w’imyaka 35 yarafashe kiriya cyemezo cyo gushaka kwiyamamaza, byafashwe nk’ icyaha ndengakamere cyo kwibagirwa uwo ariwe : umututsikazi w’umunyiginya, wacitse ku icumu rya jenoside bityo akaba yaragombaga guhora asenga kandi asingiza Umucunguzi we rukumbi, Nyagasani Paul KAGAME, umututsi w’umwega ! Ukurikije imitekerereze ya KAGAME, Diane RWIGARA ntiyagombaga, yewe habe no mu nzozi, kumva ko afite uburenganzira bwo guhangana n’ « Umwami » w’u Rwanda mu matora ya 2017! Ibi nibyo KAGAME yashingiyeho afata icyemezo ko Diane RWIGARA agomba gutotezwa, gufungwa ndetse akazanicwa mu minsi mike iri imbere aha! Niba ntacyo rubanda ikoze hagati aho, kwizera ko hari ukundi bizagenda kwaba ari ukwishuka!

THE VOICE OF RWANDA :

7. Ni ryo jambo ryanyu ry’umusozo ?

PADIRI THOMAS NAHIMANA :

Ndareba ngasanga ari ikimwaro ku Banyarwanda bose bakomeza kuzarira mu gihe ubuzima bwabo n’imibereho yabo biri mu biganza by’Umugabo utaranganwa umutima w’impuhwe, utagira ukuri muri we, utagira indangagaciro n’imwe yubaha, unezezwa no guhemukira abamufashije bakanamugirira neza agamije kuburagiza abapfakazi no gutindahaza impfubyi!

Nka Perezida wa Guverinoma y’u Rwanda ikorera mu buhungiro, ndahamagarira urubyiruko rw’u Rwanda guhaguruka nk’abitsamuye, bagaharanira uburenganzira bwabo, bakarwanira ko Diane Shima RWIGARA arenganurwa kimwe n’izindi mfungwa za politiki nka Victoire INGABIRE UMUHOZA, Déogratias MUSHAYIDI, Kizito MIHIGO, n’abandi.

Mboneyeho kandi akanya ko kubwira umunyagitugu Paul KAGAME ko « Guverinoma ye idashakwa n’abanyarwanda » igiye kumushwanyagurikiraho kuko itazashobora guhangana n’ubushake bwa revolisiyo buri guhinda mu mitima y’abenegihugu benshi bakunda ukuri n’ubutabera. Nabimenye neza, kandi abyitegure : nyuma y’aka karengane gakabije kagiriwe Diane RWIGARA n’umuryango we, Abanyarwanda biteguye kumubwira ngo « BURYA SI BUNO ». A très bientôt.

Ikiganiro cyateguwe na Angela DANA,

Umunyamakuru wa Radio The Voice of Rwanda

https://voiceofrwanda.airtime.pro/

AMATORA 2017: GUVERINOMA Y’U RWANDA IKORERA MU BUHUNGIRO IRAHUMURIZA RUBANDA

1 Reply

Itangazo rigenewe Itangazamakuru

MU GIHE KITARENZE AMEZI 6 GUVERINOMA YA RUBANDA IKORERA MU BUHUNGIRO IZABA IMAZE GUHANGA INZIRA YO GUSEZERERA « Ikigirwamana »CYIYICAJE KU NGOMA.

Nyuma yo kwitegereza neza no gusesengura bihagije uko u Rwanda rwayobowe guhera taliki ya 1/10/1990 kugeza uyu munsi n’ibyago bikomeye byarugwiririye biturutse ku byemezo n’ibikorwa by’abategetsi babi , by’umwihariko Paul Kagame udaterwa isoni no kugenda arushaho kwerekana koko ko ari « Umunyagitugu w’umwicanyi utaranganwa impuhwe,Umusazi utagifite igaruriro, Umunyamurengwe usonzeye gusengwa nk’ Ikigirwamana » ;

I. Reka tubanze twibutse urugendo twakoze kugeza ubu :

1. Taliki ya 28/1/2013, Abataripfana b’ikubitiro bateraniye i Paris bashinga Ishyaka ISHEMA ry’URWANDA ryihaye intego yo gufasha abanyarwanda kwisubiza « ishema » ry’abenegihugu, bakanga kugirwa inkomamashyi n’abagereerwa mu Rwatubyaye ;

2. Ntibyatinze andi mashyaka ya « Nouvelle Génération » afata icyemezo cyo gushyigikira umushinga w’ishyaka Ishema wo kujya gukorera politiki mu Rwanda hashyizwe imbere « Kunga Abenegihugu kugira ngo bafatanye kwiyubakira u Rwanda rujya mbere »;

3. Twafashe igihe gihagije cyo kuganira , kujya impaka no kungurana ibitekerezo n’Abanyarwanda b’ingeri zose ndetse dukora ingendo zo gusanga impunzi mu bihugu binyuranye;

4. Twagendereye abayoboyi b’ibihugu by incuti tubasobanurira umushinga dufite, barawushima kandi batwizeza kuzawutera inkunga tugeze mu Rwanda ;

5. Hagenwe Ikipe igomba kuva mu buhungiro ikajya mu Rwanda, ihabwa Padiri Thomas Nahimana nk’umukandida mu matora y’umukuru w’igihugu yagombaga kuba muri Kanama 2017;

6. Nyamara uwo mugambi mwiza kandi w’amahoro wakomwe mu nkokora n’Umunyagitugu Paul Kagame wahisemo gukumira Padiri Thomas Nahimana n’Ikipe ye hifashishwa inzira igayitse yo kubasohora mu ndege zabajyanaga mu Rwanda incuro ebyiri zose, ni ukuvuga taliki ya 23/11/2016 i Nayirobi muri Kenya na taliki ya 23/1/2017 i Buruseli ho mu Bubiligi;

7. Icyo gikorwa cy’urugomo cyo guheza Ishyanga abenegihugu batavuga rumwe n’Inkotanyi cyahaye Bwana Paul Kagame, icyanzu cyo « kwiyimika nk’umwami wa Repubulika y’u Rwanda » binyuze mu ikinamico yiswe amatora yo ku ya3-4/8/2017;

II. Kubera izo mpamvu zose n’izindi nyinshi tutiriwe turondora, turatangariza Abanyarwanda n’umuryango mpuzamahanga ibi bikurikira :

1. Guverinoma y’u Rwanda ikorera mu buhungiro yashyizweho taliki ya 20 /2/2017,ikaba ihuriweho n’amashyaka menshi na Sosiyete Sivile, ntiyemera kandi nta gaciro na busa iha « ingirwamatora y’umukuru w’igihugu » yo ku itariki 3-4/8/2017 yahejwemo mu buryo buteye isoni abandi benegihugu bifuzaga kuba abakandida aribo Diane Shima Rwigara na Mwenedata Gilbert;

2.Turamenyesha rubanda ko Paul Kagame atakiri Perezida w’u Rwanda kuko manda ye ya nyuma yemererwaga n’Itegekonshinga yarangiye taliki ya 3/8/2017 bityo akaba atagomba kumvirwa no kuyobokwa nk’umukuru w’igihugu cyacu;

3.Dutangaje ko « Igisanaguverinoma » Paul Kagame yitegura gushyiraho ntaho kizaba gitaniye n’ « Agatsiko k’Abagizibanabi bitwaje imbunda » kagambiriye guheza Abanyarwanda mu iterabwoba no mu bucakara hagamijwe gusa gukomeza kubarya imitsi;

4 . Kuko twakomeje gusaba Paul Kagame ko yafungura imfungwa za politiki zirimo Victoire Ingabire Umuhoza, Deogratias Mushayidi, Theoneste Niyitegega, Padiri Eduwari Ntuliye, Padiri Mategeko Amatus n’abandi….ariko akica amatwi, dutangaje ko tutagikeneye kugirana ibiganiro na we;

5.Guverinoma y’u Rwanda ikorera mu buhungiro irahumuriza abenegihugu bose kandi irabizeza ko igiye gukorera ibishoboka byose kugira ngo mu gihe kitarenze amezi atandatu (6) hazabe habonetse inzira ikwiye yo kugamburuza « Agatsiko k’Abagizibanabi bitwaje imbunda »kaduhinduye twese nk’ingaruzwamuheto;

6.Turasaba Abenegihugu bose muri rusange na buriwese ku giti cye kwihutira gushyigikira mu nzira zose mushoboye Guverinoma yanyu ikorera mu buhungiro kugira umugambi mwiza wo kwibohoza ingoyi y’iterabwoba ry’Agatsiko ugerweho mu buryo bwihuse;

7.Turashimira abategetsi b’ibihugu by’incuti batugaragarije ko bahangayikishijwe n’uburiganya bwa Paul Kagame, bakaba batakimubonamo umukuru w’igihugu ukwiye kwemerwa no kwizerwa, ndetse bakaba biteguye gutera rubanda inkunga mu rugamba rwo kwishyiriraho ubutegetsi bushingiye kuri demukarasi nyakuri;

8.Turasaba umuryango mpuzamahanga gutera intambwe yo guha akato aka « Gatsiko k’Abagizibanabi bitwaje imbunda » no kugafatira ibihano bikakaye byo mu rwego rw ‘ubukungu, urwa politiki ,urwagisilikari n’urw’ubutabera mpuzamahanga kugira ngo karekure ubutegetsi kibye rubanda, bityo hategurwe amatora y’umukuru w’igihugu adafifitse .

Bikorewe i Paris, taliki ya 10 /8/2017
Padiri Thomas Nahimana,
Perezida wa Guverinoma y’u Rwanda ikorera mu buhungiro

Umunyagitugu Paul KAGAME acyuye igihe. Ni iki kitezwe muri politiki y’u Rwanda ?

Leave a reply

Guhera tariki ya 05 /08/2017 Paul Kagame waranzwe no gutegekana igitugu guhera mu mwaka wa 1994 azaba atakiri Perezida wa Repubulika y’u Rwanda. Itegekonshinga yarahiriyeho ryamwemereraga kugeza kuri manda ebyiri gusa kuko nta narimwe umuntu yemererwa kuyobora manda zirenze izo. Umunyagitugu abonye manda ebyiri zirangiye yashatse gukora itekinika ngo itegekonshinga rihindurwe bityo yemererwe kwiyamamaza indi nshuro. Cyakora na nyuma ya referendumu ififitse, Paul Kagame ntiyemerewe kwiyamamaza. Abaza gusoma ibi baribaza bati none se ko tumaze minsi tubona Kagame yiyamamaza, ubwo si uko abyemerewe?

Igisubizo kuri iki kibazo kigaragararira mu gisobanuro, imyitwarire n’imikorere y’umunyagitugu. Kagame nk’umunyagitugu wakuye agahu ku nnyo ntakeneye itegeko iryo ariryo ryose ngo yiyamamaze. Ni umunyagitugu utagendera ku mategeko. Kuri we amategeko icyo amaze ni ukwiyerekana mu rubuga mpuzamahanga ariko mu by’ukuri igifite agaciro ni amabwiriza we yishyiriraho ngo agere kubyo ashatse. None se Abanyapolitiki ntibafungwa mu Rwanda kandi itegekonshinga ribemerara gukora umurimo wa politiki? Kwandikisha amashyaka atavuga rumwe na FPR se ntibyabaye ikibazo kandi nyamara u Rwanda rwemera amashyaka menshi? Abaharanira uburenganzira bw’ikiremwamuntu se bo basiba guhungetwa kandi nyamara u Rwanda rwarasinye amasezerano mpuzamahanga agena uburenganzira bw’amashyirahamwe guhera mu mwaka wa 1975? Abantu se birirwa bicwa buri munsi kandi nyamara igihano cy’urupfu kitaravanyweho mu mategeko y’u Rwanda? Kagame ntacyo amategeko amubwiye we ashaka kwigumanira ubutegetsi ngo akomeze ahonyore abenegihugu uko yishakiye ari nako akomeza kwikubira ibyiza by’igihugu. Na manda Paul KAGAME azategeka guhera ku itariki ya 05/08/2017 ntizaba yemewe n’amategeko niyo mpamvu azaba ari umuperezida utemewe, ufite ubutegetsi butemewe, bugomba gusimburwa vuba na bwangu.

Ni iki kitezwe muri iyi manda ?

Mu rubuga mpuzamahanga: Kagame azaba yamaze guta ibara yitwa umunyagitugu nk’abandi bose, umujura, umunyakinyoma ndetse na bya byaha bye benshi bajyaga batinya kuvuga bazabigarukaho. Bya bigwi n’imidari yajyaga yambikwa ngo yahagaritse jenoside bizahagarara kuko iyo umuntu akoze ibyiza akabirenzaho ibibi byose biba bibi gusa. Niko isi ikora, ni nako tuyibamo.

Cyakora kubera ko Paul Kagame yaryohewe n’ibyo yabonye, azatanga amafranga y’umurengera agure abanyamakuru n’ibigo bikomeye kugira ngo bigerageze kwerekana ko isura ye itari mbi nk’uko igaragara! Hari ibintu bimwe na bimwe batazashobora gukiza Kagame : Nko kuba atihanganira abatavuga rumwe n’ubutegetsi bwe ntazashobora kubihindura. Kuba mu myaka amaze ku butegetsi atarashoboye kureka ngo abandi bagaragaze impano zabo mu miyoborere ntazapfa kubishobora ngo nibura afungure imfungwa za demokarasi Ingabire Victoire, Deo Mushayidi n’abandi. Kuba mu bo batangiranye umugambi benshi baramucitseho bizakomeza kumwokama.

Kagame azakomeza kugerageza kwiyegereza abahutu b’inkomamashyi agamije kugaragaza ko atavangura ariko ntazashyiraho chef d’état-major cyangwa ministiri w’ingabo utari uwo muri FPR. Abatutsi batinyuka kwamagana politiki ya Kagame nka Kizito Mihigo na Diane Rwigara bazakomeza kwitwa abanzi b’igihugu.

Mu rubuga rwa politiki nyarwanda: Abaturage bazakomeza guceceka ngo bategereje ko Imana izabakuriraho Kagame. Amashyaka ya opozisiyo akorera hanze azakomeza kwamagana ubutegetsi bwa Kagame ariko arasabwa gushaka udushya. Abalideri bazakomeza kuba bakeya ndetse abazifuza kuva mu mahanga ngo batashye mu Rwanda gufatanya na rubanda Kagame ntazabemerera. Guverinoma y’u Rwanda ikorera mu buhungiro izarushaho kumvikanisha ibibazo by’u Rwanda ari nako yotsa igitutu ubutegetsi bw’umunyagitugu ngo bwemere gufungura urubuga rwa politiki. Urukiko Mpanabyaha rwa Rubanda rwashyizweho na rubanda ruzakira ibirego rukore kandi ruburanishe amadosiye y’abayobozi bakekwaho ibyaha bya jenoside, ibyibasiye inyokomuntu n’ibyaha by’intambara. Ibihano bazabahwa bizashyikirizwa ibihugu n’umuryango mpuzamahanga kugira ngo aba bantu bafatirwe ibihano. Abazaba bahamwe n’ibyo byaha bazagira ibibazo mu kubona visa zo kwinjira mu bindi bihugu, imitungo yabo iri hanze izafatirwa, kandi ntibazemererwa ubuhungiro mu gihe bazaba babusabye. Uzagerageza gusohoka azafatwa maze ashyirwe aho agomba kurangiriza ibihano. Abitwaje intwaro barwanya Kagame bazaba bafite impamvu yo kugaba ibitero ariko imbaraga zabo zizakomeza kuba nkeya ku mpamvu nyinshi zitandukanye. Ku ruhande rwa APR, abasirikare benshi batangiye urugamba rwa 1990 bazaba bageze mu gihe cy’iza bukuru, bityo Kagame azajya yirukana uwo ashatse yitwaje ibyo.

Ubutegetsi bwa Kagame buzaba butemewe ariko nta munyamahanga uzabukuraho uretse kubuvuga nabi. Abemera iby’ubuhanuzi n’indagu bahamya ko Kgame atazabasha gutegeka iyi myka irindwi igiye kuza, cyakora umupira uri mu kibuga cy’abanyarwanda ubwacu. Turasabwa gukora ibirushije ubukana ibyo twakoraga mbere, gufata ibyemezo bisharira no kwirinda utunyungu tw’abantu ku giti cyabo.

Biracyaza…

The Government of Rwandan People in Exile: Reshuffle and People’s Tribunal

Leave a reply

Mr. Justin SAFARI enters Ministry of Justice which is symbolically led by Déo MUSHAYIDI (in Rwanda’s Prison). The Former Prime Minister, Abdallah AKISHULI becomes the Attorney General of the People’s Tribunal while Ms Immaculée KANSIIME UWIZEYE replaces him keeping at same time the diplomacy portfolio.

From left: Abdallah AKISHULI, Immaculée KANSIIME UWIZEYE and Thomas NAHIMANA. Photo archives Mininfo GREX.

Press Statement

Cabinet reshuffle within the Government of Rwanda in Exile

By the virtue of the powers conferred upon him by Articles 14, 15 and 16 of the Charter governing the Government of the Rwandese People in Exile signed on 23 February 2017 in Paris, France;
Considering the unbecoming behavior of the Rwandan dictator Paul Kagame who rejected the proposals for the urgent need for the opening up of political space in Rwanda made by the Government of the Rwandan people in exile, thus opting de facto for the way of “an absolute monarchy” under the deceptive image of a republic actually emptied of its true substance;
Implementing the resolution of the Government Council of 23 April 2017, which established the “People’s Tribunal” to investigate crimes against humanity, war crimes and crimes of genocide committed by certain senior political and military officials since 1 October 1990, which until now enjoy unacceptable impunity;
His Excellency the President of the Government of the Rwandese People in Exile, Thomas Nahimana, appointed the High Authorities of the People’s Tribunal as follows:

1. The Attorney General of the People’s Tribunal: Mr. Abdallah AKISHULI
2. The Presiding Judge of the People’s Tribunal: Mr. Vénant NKURUNZIZA

5. His Excellency the President of the Rwandan People’s Government in Exile has appointed members of the cabinet of ministers as follows:

1. Prime Minister: Mrs. Immaculée KANSIIME UWIZEYE
2. Vice-Prime Minister: Mrs. Nadine Claire KASINGE
3. Minister of Justice: Mr. Déogratias Mushayidi represented by Minister Justin SAFARI
4. Minister of Culture, Family and Women Empowerment: Mrs. Victoire INGABIRE UMUHOZA represented by Mrs. Nadine Claire KASINGE
5. Minister of Information: Mr. Chaste GAHUNDE
6. Minister of Education: Mrs. Chantal MUKAMANA MUTEGA
7. Minister of Interior and Local Development: Mr. Daniel NDUWIMANA
8. Minister of Commerce and Finance: Mrs. Marine UWIMANA
9. Minister of Agriculture, Livestock and Land: Mr. Jean Léonard SEBURANGA
10. Minister of Refugee Condition and Eradication of Causes of Asylum: Mrs. Virginie NAKURE
11. Minister of Infrastructure and Habitat: Reverend Father Gaspard NTAKIRUTIMANA
12. Minister of Health and Citizen’s Well-fare: Mrs. Spéciose MUJAWAYEZU

6. GOVERNMENTSPOKESPERSONS :

Chaste GAHUNDE
Immaculée KANSIIME UWIZEYE
Marine UWIMANA

Done in Paris on July 31, 2017
Chaste GAHUNDE
Minister of Information, Government Spokesperson

COMMUNIQUE DE PRESSE: Remaniement ministériel au sein du gouvernement du peuple rwandais en exil

Leave a reply

Monsieur Justin SAFARI est le nouveau Ministre au sein du Ministère de la Justice de Monsieur Déo MUSHAYIDI. L’ancien Premier Ministre, Abdallah AKISHULI cède la place à Mme Immaculée KANSIIME UWIZEYE pour devenir le Procureur général du Tribunal du Peuple dont la mission est juger les crimes contre l’humanité, crimes de guerre et de génocide commis par les hautes autorités militaires et politiques qui jusq’aujourd’hui jouissent d’une impunité inacceptable.

Communiqué de Presse

En vertu des pouvoirs qui lui sont conférés par les articles 14, 15 et 16 de la Charte régissant le Gouvernement du Peuple Rwandais en Exil signé en date du 23 février 2017 à Paris en France ;
Tenant compte du comportement indigne du dictateur rwandais Paul Kagame qui a rejeté les propositions en rapport avec l’urgente nécessité de l’ouverture de l’espace politique au Rwanda formulées par le Gouvernement du peuple rwandais en exil, optant de facto pour la voie « d’une monarchie absolue » sous les dehors trompeurs d’une république en réalité vidée de sa substance ;
Mettant en application la résolution du conseil gouvernemental du 23 avril 2017 qui a institué le « Tribunal du Peuple » avec mission de juger les crimes contre l’humanité, les crimes de guerre et crimes de génocide commis par certains hauts responsables politiques et militaires depuis le 1 octobre 1990 qui, jusqu’aujourd’hui, jouissent d’une impunité inacceptable ;
Son Excellence le Président du Gouvernement du peuple rwandais en exil, Thomas Nahimana, a nommé les hautes autorités du « Tribunal du Peuple » comme suit :

Le Procureur Général du « Tribunal du Peuple » : Monsieur Abdallah AKISHULI
Le Juge Président du « Tribunal du Peuple » : Monsieur Vénant NKURUNZIZA

5. Son Excellence le Président du Gouvernement du peuple rwandais en exil a remanié le gouvernement comme suit :

Premier Ministre : Madame Immaculée KANSIIME UWIZEYE
Vice – Premier Ministre : Madame Nadine Claire KASINGE
Ministre de la Justice : Monsieur Déogratias MUSHAYIDI représenté par le Ministre Justin SAFARI
Ministre de la Culture, Famille et Promotion de la Condition Féminine : Madame Victoire INGABIRE UMUHOZA représentée par Madame Nadine Claire KASINGE
Ministre de l’Information : Monsieur Chaste GAHUNDE
Ministre de l’Education : Madame Chantal MUKAMANA MUTEGA
Ministre de l’Intérieur et du Développement local : Monsieur Daniel NDUWIMANA
Ministre du Commerce et des Finances : Madame Marine UWIMANA
Ministre de l’Agriculture, Elevage et des Terres : Monsieur Jean Léonard SEBURANGA
Ministre de la Condition des Réfugiés et Eradication des Causes de l’Asile : Madame Virginie NAKURE
Ministre de l’Infrastructure et Habitat : Révérend Père Gaspard NTAKIRUTIMANA
Ministre de la Santé et du Bien-être du citoyen : Madame Spéciose MUJAWAYEZU

De gauche à droite: Abdallah AKISHULI? Procureur général, Immaculée KANSIIME UWIZEYE, Premier Ministre et Thomas NAHIMANA, Président .

6. LES PORTE-PAROLES DU GOUVERNEMENT :

Monsieur Chaste GAHUNDE
Madame Immaculée KANSIIME UWIZEYE
Madame Marine UWIMANA

Fait à Paris le 31/07/17

Chaste GAHUNDE
Ministre de l’Information, Porte-Parole du Gouvernement

La naissance d’un gouvernement rwandais en exil

Leave a reply

Après avoir été empêché à deux reprises de rentrer au Rwanda pour contester les présidentielles d’août 2017 l’abbé Thomas Nahimana, dirigeant d’un parti rwandais d’opposition basé à l’étranger a décidé de créer un gouvernement Rwandais en exil ayant son siège en France.

Interrogé sur le contexte de la création du gouvernement rwandais l’abbé Thomas Nahimana, “président rwandais en exil” rétorque que lui et son équipe ont tenté de rentrer légalement au Rwanda à deux reprises mais en ont été empêchés. La première fois c’était le 23 novembre dernier lorsqu’ils ont été retenus à l’aéroport Jomo Kenyatta de Nairobi.

Ils ont réessayé une deuxième fois, le 23 janvier 2017, et se sont vu refuser l’autorisation d’embarquer pour Kigali à partir de l’aéroport de Bruxelles. L’abbé Nahimana et son équipe ont donc une fois de plus buté sur une décision de Kigali: «le gouvernement rwandais avait émis un ordre imposant a toutes les compagnies aériennes desservant le Rwanda de ne pas nous embarquer».

Pourtant, après le premier incident survenu au Kenya le Président Paul Kagame en personne avait déclaré lors d’une conférence de presse à Kigali qu’il ne s’opposait nullement à ce que l’abbé Nahimana puisse rentrer au pays pour participer à la vie nationale et, le cas échéant, se présenter au scrutin présidentiel.

Paul Kagame: “il ne m’appartient pas de décider de qui peut se présenter contre moi”

Lors d’une réunion du bureau politique de son parti, le Président Paul Kagame a déclaré qu’il ne s’opposait nullement au retour de l’abbé Nahimana au Rwanda pour participer aux élections présidentielles. Des Propos qu’il a réitéré plus tard lors d’une conférence de presse tenue à Kigali le 15 Décembre 2016.

«il ne m’appartient pas de décider de qui peu se présenter contre moi. Il y a des lois et des règlements… Je pense que les lois et règlements en vigueur permettent à toute personne, hormis les étrangers de se présenter…. Mais chacun, y compris celui que vous venez de mentionner (l’abbé Nahimana) doit se soumettre aux lois en vigueur et ils peuvent se présenter que ce soit contre moi, ou contre toute autre personne d’ailleurs. S’ils veulent se présenter ils ont le droit de se présenter.»

Paul KAGAME

L’abbé Nahimana prend à témoin la communauté internationale et l’appelle à reconnaître son gouvernement et à l’accompagner pour trouver une issue pacifique.

« La communauté internationale nous avait suivi dans nos démarches pour tenter de rentrer au Rwanda pour participer au jeu démocratique si démocratie il y avait. Nous avons continue d’informer la communauté internationale sur l’évolution; sur les résistances du gouvernement rwandais; sur des écarts en terme de respect des lois de Paul Kagame et de son gouvernement. Ils savent déjà ce que nous avons fait. Ils nous attendent pour nous donner conseil et pour nous aider a trouver des solutions et nous accompagner sur la voix pacifique. Puisque c’est cela notre voie. La voie pacifique. »

Source: http://www.sbs.com.au/yourlanguage/french/fr/article/2017/03/07/la-naissance-d%E2%80%99un-gouvernement-rwandais-en-exil?language=fr