Category Archives: Amatora 2017

AMATORA 2017: GUVERINOMA Y’U RWANDA IKORERA MU BUHUNGIRO IRAHUMURIZA RUBANDA

Itangazo rigenewe Itangazamakuru

MU GIHE KITARENZE AMEZI 6 GUVERINOMA YA RUBANDA IKORERA MU BUHUNGIRO IZABA IMAZE GUHANGA INZIRA YO GUSEZERERA « Ikigirwamana »CYIYICAJE KU NGOMA.

Nyuma yo kwitegereza neza no gusesengura bihagije uko u Rwanda rwayobowe guhera taliki ya 1/10/1990 kugeza uyu munsi n’ibyago bikomeye byarugwiririye biturutse ku byemezo n’ibikorwa by’abategetsi babi , by’umwihariko Paul Kagame udaterwa isoni no kugenda arushaho kwerekana koko ko ari « Umunyagitugu w’umwicanyi utaranganwa impuhwe,Umusazi utagifite igaruriro, Umunyamurengwe usonzeye gusengwa nk’ Ikigirwamana » ;

I. Reka tubanze twibutse urugendo twakoze kugeza ubu :

1. Taliki ya 28/1/2013, Abataripfana b’ikubitiro bateraniye i Paris bashinga Ishyaka ISHEMA ry’URWANDA ryihaye intego yo gufasha abanyarwanda kwisubiza « ishema » ry’abenegihugu, bakanga kugirwa inkomamashyi n’abagereerwa mu Rwatubyaye ;

2. Ntibyatinze andi mashyaka ya « Nouvelle Génération » afata icyemezo cyo gushyigikira umushinga w’ishyaka Ishema wo kujya gukorera politiki mu Rwanda hashyizwe imbere « Kunga Abenegihugu kugira ngo bafatanye kwiyubakira u Rwanda rujya mbere »;

3. Twafashe igihe gihagije cyo kuganira , kujya impaka no kungurana ibitekerezo n’Abanyarwanda b’ingeri zose ndetse dukora ingendo zo gusanga impunzi mu bihugu binyuranye;

4. Twagendereye abayoboyi b’ibihugu by incuti tubasobanurira umushinga dufite, barawushima kandi batwizeza kuzawutera inkunga tugeze mu Rwanda ;

5. Hagenwe Ikipe igomba kuva mu buhungiro ikajya mu Rwanda, ihabwa Padiri Thomas Nahimana nk’umukandida mu matora y’umukuru w’igihugu yagombaga kuba muri Kanama 2017;

6. Nyamara uwo mugambi mwiza kandi w’amahoro wakomwe mu nkokora n’Umunyagitugu Paul Kagame wahisemo gukumira Padiri Thomas Nahimana n’Ikipe ye hifashishwa inzira igayitse yo kubasohora mu ndege zabajyanaga mu Rwanda incuro ebyiri zose, ni ukuvuga taliki ya 23/11/2016 i Nayirobi muri Kenya na taliki ya 23/1/2017 i Buruseli ho mu Bubiligi;

7. Icyo gikorwa cy’urugomo cyo guheza Ishyanga abenegihugu batavuga rumwe n’Inkotanyi cyahaye Bwana Paul Kagame, icyanzu cyo « kwiyimika nk’umwami wa Repubulika y’u Rwanda » binyuze mu ikinamico yiswe amatora yo ku ya3-4/8/2017;

II. Kubera izo mpamvu zose n’izindi nyinshi tutiriwe turondora, turatangariza Abanyarwanda n’umuryango mpuzamahanga ibi bikurikira :

1. Guverinoma y’u Rwanda ikorera mu buhungiro yashyizweho taliki ya 20 /2/2017,ikaba ihuriweho n’amashyaka menshi na Sosiyete Sivile, ntiyemera kandi nta gaciro na busa iha « ingirwamatora y’umukuru w’igihugu » yo ku itariki 3-4/8/2017 yahejwemo mu buryo buteye isoni abandi benegihugu bifuzaga kuba abakandida aribo Diane Shima Rwigara na Mwenedata Gilbert;

2.Turamenyesha rubanda ko Paul Kagame atakiri Perezida w’u Rwanda kuko manda ye ya nyuma yemererwaga n’Itegekonshinga yarangiye taliki ya 3/8/2017 bityo akaba atagomba kumvirwa no kuyobokwa nk’umukuru w’igihugu cyacu;

3.Dutangaje ko « Igisanaguverinoma » Paul Kagame yitegura gushyiraho ntaho kizaba gitaniye n’ « Agatsiko k’Abagizibanabi bitwaje imbunda » kagambiriye guheza Abanyarwanda mu iterabwoba no mu bucakara hagamijwe gusa gukomeza kubarya imitsi;

4 . Kuko twakomeje gusaba Paul Kagame ko yafungura imfungwa za politiki zirimo Victoire Ingabire Umuhoza, Deogratias Mushayidi, Theoneste Niyitegega, Padiri Eduwari Ntuliye, Padiri Mategeko Amatus n’abandi….ariko akica amatwi, dutangaje ko tutagikeneye kugirana ibiganiro na we;

5.Guverinoma y’u Rwanda ikorera mu buhungiro irahumuriza abenegihugu bose kandi irabizeza ko igiye gukorera ibishoboka byose kugira ngo mu gihe kitarenze amezi atandatu (6) hazabe habonetse inzira ikwiye yo kugamburuza « Agatsiko k’Abagizibanabi bitwaje imbunda »kaduhinduye twese nk’ingaruzwamuheto;

6.Turasaba Abenegihugu bose muri rusange na buriwese ku giti cye kwihutira gushyigikira mu nzira zose mushoboye Guverinoma yanyu ikorera mu buhungiro kugira umugambi mwiza wo kwibohoza ingoyi y’iterabwoba ry’Agatsiko ugerweho mu buryo bwihuse;

7.Turashimira abategetsi b’ibihugu by’incuti batugaragarije ko bahangayikishijwe n’uburiganya bwa Paul Kagame, bakaba batakimubonamo umukuru w’igihugu ukwiye kwemerwa no kwizerwa, ndetse bakaba biteguye gutera rubanda inkunga mu rugamba rwo kwishyiriraho ubutegetsi bushingiye kuri demukarasi nyakuri;

8.Turasaba umuryango mpuzamahanga gutera intambwe yo guha akato aka « Gatsiko k’Abagizibanabi bitwaje imbunda » no kugafatira ibihano bikakaye byo mu rwego rw ‘ubukungu, urwa politiki ,urwagisilikari n’urw’ubutabera mpuzamahanga  kugira ngo karekure ubutegetsi kibye rubanda, bityo hategurwe amatora y’umukuru w’igihugu adafifitse .

Bikorewe i Paris, taliki ya 10 /8/2017
Padiri Thomas Nahimana,
Perezida wa Guverinoma y’u Rwanda ikorera mu buhungiro

ITANGAZO RIGENEWE ITANGAZAMAKURU N° 002/07/2017 : MUSHIKIWABO NAREKE GUKOMEZA GUSETSA IMIKARA

Banyarwanda, Banyarwandakazi namwe nshuti z’u Rwanda ;

Tariki ya 11/07/2017 mwabashije gusoma mu kinyamakuru IGIHE.COM gikorera mu kwaha kw’agatsiko ka FPR-Inkotanyi inyandiko http://igihe.com/amakuru/u-rwanda/article/minisitiri-mushikiwabo-yagaragaje-ihurizo-ryatumye-padiri-nahimana-atabasha . Muri iyi nyandiko MUSHIKIWABO yaba yarashatse gutanga ibisobanuro bidafashije, asisibiranya, abeshya Abanyarwanda ndetse n’Abanyamahanga ku mpamvu zaba zarateye   Leta y’agatsiko ka FPR-Inkotanyi guheza Nyakubahwa Padiri Thomas NAHIMANA mu mahanga, akabuzwa atyo uburenganzira bwe bw’ibanze bwo gutahuka mu gihugu cyamwibarutse n’ubwo kwiyamamariza kuba Perezida wa Repubulika nk’uko yari yabitumwe n’ishyaka rye ISHEMA Party.

Muri aka kanya nifuje kongera kubagezaho inkuru y’impamo yerekeye uko FPR yakoze ibishoboka byose ngo ikumire Padiri Thomas NAHIMANA n’ikipe ye ngo batajya mu Rwanda gutangiza ku mugaragaro ishyaka ISHEMA Party no guharanira impinduka inyuze mu nzira z’amahoro na revolisiyo itamena amaraso.

1.Mu kwitegura uru rugendo rwerekeza i Kigali rwo ku itariki ya 23/11/2016, Leta y’u Rwanda yanze guha padiri Thomas Pasiporo nshya y’ u Rwanda yari yarasabye, dore ko iyo yari asanganywe yari yararangiye mu mwaka wa 2013.

  1. Iyo pasiporo nshya Padiri Thomas Nahimana yayisabye muri Ambasade y’u Rwanda i Paris taliki ya 19/10/2016. Aho kumubwira igihe bazayimuhera, Ambasade yamubwiye ko iyo pasiporo nshya azayisanga mu Rwanda!Picture1

3.Ni muri urwo rwego Padiri Thomas Nahimana yafashe icyemezo cyo gusaba visa yo kugenderaho nk’umwenegihugu w’umufaransa. Aha twakwibutsa ko amategeko y u Rwanda atabuza umunyarwanda kuba yagira n’ubundi bwenegihugu(double nationalite), mbese nk’uko Paul Kagame afite n’ubwenegihugu bwa Uganda !Picture2

  1. Leta y’u Rwanda yatinze guha Padiri Thomas NAHIMANA igisubizo kuri iyi visa yasabye u Rwanda. Yewe n’uyu munsi akaba ari ntayo baramuha,kandi bakaba bataranamuhakanira ngo bamubwire ko bayimwimye! Nyamara nk’uko bigaragara ku cyemezo ambassade yamuhaye yagombaga guhabwa iyi visa tariki ya 28/10/2016. Ibi bikaba bigaragaza ubushake bwa Paul Kagame bwo gukomeza kurerega Padiri Thomas NAHIMANA ngo azabure uko agera mu Rwanda mbere y’amatora.                                    Picture3
  2. Ngiyo impamvu yateye Padiri Thomas Nahimana, kwerekeza muri Ambasade ya Kenya iri i Paris, agasaba visa ya East Africa Community yemerera uyifite wese gutembera mu bihugu by’u Rwanda, Uganda na Kenya. Iyo visa nayo yemewe n’amategeko y’u Rwanda niyo yagendeyeho mu ngendo zombi.Picture4

6.Ubwambere Padiri Thomas NAHIMANA n’Ikipe imuherekeje bafashe indege taliki ya 23/11/2016 ariko Leta y’u Rwanda ibatangirira i Nayirobi ishingiye ku masezerano ibihugu bigirana n’amasosiyeti y’indege ibabuza kwinjira mu ndege yagombaga kubageza i Kigali ku isaha ya saa munani n’iminota 55.

  1. Icyo cyemezo cyo kubuza abenegihugu Padiri Thomas Nahimana, Madame Nadine Claire Kasinge, Mahirwe Kejo Skyler na Venant Nkurunziza cyafashwe nk’amahano (scandale) kirasakuza cyane mu bitangazamakuru mpuzamahanga ndetse n’imwe mu miryango mpuzamahanga irakigaya cyane. Byateye Perezida Paul Kagame kugira ikimwaro n’ipfunwe bityo mu buryo bwo kwikura mu isoni atangaza mu ruhame ko atumva neza « ukuntu umwenegihugu nka padiri Thomas Nahimana yabuzwa kwinjira mu gihugu cye ». Benshi baketse ko ari uburyo bwo gufungura amarembo, ko noneho Padiri Thomas n’Ikipe ye baramutse bongeye gufata urugendo bakwakirwa mu Rwanda nta nkomyi.

8.Taliki ya 23 /1/2017 nanone Ishyaka ISHEMA ryongeye kohereza Padiri Thomas Nahimana na Madame Claire Kasinge mu Rwanda kugira ngo bajye kwandikisha ishyaka kugira ngo rizabone uko rigira uruhare mu matora ateganyijwe mu kwezi Kanama 2017.

9.Kubera ko guhera tariki ya 23/11/2016 Leta y’u Rwanda yakomeje kwanga guha padiri Thomas Nahimana Pasiporo nshya y’ u Rwanda, Padiri  yakomeje kwibutsa Ambasade y’u Rwanda i Paris ko yamuha igisubizo kuri visa y’u Rwanda yari yarasabye taliki ya 19/10/2016 kugirango azafate urugendo akoresheje pasiporo ye y’umufaransa kuko yizeraga ko nakandagiza ibirenge mu gihugu azasubirana uburenganzira bwe bwose nk’umwenegihugu w’umunyarwanda. Ambasade igendeye ku mategeko ya Kigali yakomeje kumurerega.

10.Ku wa kane taliki ya 19/1/2017 Padiri Thomas Nahimana yahamagaye muri Ambasade abibutsa ko italiki y’urugendo rwa kabiri yegereje, ko akeneye igisubizo kuri visa yasabye. Ambasade yamusabye ko ayoherereza « réservation » y’indege noneho ngo bakamuha igisubizo muri uwo mugoroba. Nyamara siko byagenze. Ku wa gatanu taliki ya 20/1/2017 ari nawo munsi wa nyuma w’akazi mbere y’italiki y’urugendo, Padiri Thomas Nahimana yongeye kubaza ambasade, imubwira ko Kigali itaratanga uruhushya rwo kumuha visa yasabye.

11.Aha reka twibutse ko Louise MUSHIKIWABO nka Minisitiri w’ububanyi n’amahanga ari we ushinzwe guha amabwiriza za ambasade, bityo izi ntambwe zose zatewe akaba azizi neza. Byongeye kandi, ku mabaruwa yose Ubuyobozi bw’ishyaka ISHEMA bwandikiye abahagarariye ibihugu byabo mu Rwanda kuri iki kibazo, Louise MUSHIKIWABO yahabwaga Kopi.

12.Claire Nadine Kasinge nawe yasabiye visa y’u Rwanda muri Canada aho atuye akoresheje pasiporo ye y’abataliyani ariko banze ku musubiza kandi ubundi abasabiye visa online (Canada) bagomba gusubizwa mu masaha atarenze 72.

13.Hari abandi Bataripfana basabye ibyangombwa byo gutaha mu Rwanda ambasade z’aho batuye zirabibima. By’umwihariko twabamenyesha ko Bwana Vénant Nkurunziza we yari yagombye kubanza gusubiza ibyangombwa bye by’impunzi kugira ngo atahe mu Rwanda.

14.Niyo mpamvu Padiri Thomas Nahimana na Nadine Claire Kasinge nta yandi mahitamo bari bagifite uretse gukomeza urugendo rwabo bagendeye kuri East African tourist visa bari barahawe na Kenya ikaba ibemerera kwinjira mu Rwanda, Uganda na Kenya.

15.Tariki ya 23/01/2017 nanone bahagarikiwe ku kibuga cy’indege i Buruseli mu Bubiligi, ku itegeko ryatanzwe na « Direction Générale de l’immigration » y’u Rwanda mu rwandiko rwanditse mu rurimi rw’icyongereza, rukerekana pasiporo y’infaransa Padiri Thomas NAHIMANA yitwaje na nimero yayo, bakavugamo Pasiporo ya Padiri y’inyarwanda na nimero yayo ; bakavuga ko afite « East african tourist visa », … bagatanga itegeko ko « ibyangombwa byose yaba yitwaje , atagomba kwemererwa kurira indege igana i Kigali ». Hari kandi n’urwandiko nk’urwo rukumira Madame Nadine Claire KASINGE.

Banyarwanda, Banyarwandakazi namwe nshuti z’u Rwanda,

Twibutse ko :

  1. Mu mwaka wa 1990 FPR yo yafashe intwaro igatangiza urugamba rwamennye amaraso y’abanyarwanda batagira ingano ivuga ko irwanya ubutegetsi bwahejeje Abanyarwanda bo mu bwoko bw’abatutsi mu buhungiro.
  2. Agasuzuguro nk’aka FPR-Inkotanyi igaragaza mu kubuza Abanyarwanda gusubira mu gihugu cyababyaye no kubabuza kwiyamamaza mu matora ya perezida wa repubulika gashingiye kuri ya ngengabitekerezo ya kera ngo «hari abavukiye gutegeka abasigaye bakavukira kuba abagaragu n’abagererwa mu gihugu cyabo ».
  3. Gucira abenegihugu ishyanga ni imwe mu mpamvu 20 z’ingenzi zatumye hajyaho Guverinoma y’u Rwanda ikorera mu buhungiro kubera ko Leta ya FPR-Inkotanyi yataye agaciro mu gihe itacyubahiriza uburenganzira bw’umwenegihugu, ikica nkana itegekonshinga ubundi rifatwa nka « contrat » hagati y’abayobozi n’abayoborwa.

Bityo rero, ubwo Kagame Paul atagira abajyanama bazima ahubwo akiringira  abamotsi nka MUSHIKIWABO na bamwe mu basirikare badashyira mu gaciro bakomeza kumufasha mu mugambi mubisha wo kwihambira ku butegetsi ubuziraherezo no kwimakaza akarengane, nibyumvikane neza ko ubutegetsi bwe bwarangije guhinduka « Un régime d’occupation militaire » bityo bukaba bugomba  kurwanywa kugeza buvuyeho. Louise MUSHIKIWABO nareke gukomeza guteza ubwega no kwiyerurutsa, amahano bakorera rubanda isi yose yarangije kuyamenya.

Bikorewe i Paris mu Bufaransa

Tariki ya 12/07/2017

Chaste GAHUNDE

Ministre de l’Information,

GUVERINOMA y’u Rwanda ikorera mu Buhungiro

2017, umwaka wo kubyutsa umutwe, tugaharanira ISHEMA ryacu.

img_20161216_200807

Banyarwandakazi,
Banyarwanda,
Baturanyi namwe nshuti z’Abanyarwanda,

Dore umwaka wa 2016 urashize uwa 2017 uratashye.

1.Uwampa ububasha bwo kwita izina uyu mwaka mushya uje, nawita « Umwaka wo kubyutsa umutwe » no guharanira ishema rya buri mwene gihugu.
2.Nk’uko twese twabibonye kandi tukaba dukomeje kubizirikana mu mitima yacu, umwaka wa 2016 wabayemo ibyiza bitari bike byaduhaye icyizere cyo gukomeza kubaho ariko wanabayemo byinshi byagoye Abanyarwanda. Muri make habonetse ibibazo byinshi ,ibisubizo bike cyane.

Ushojwe :

(1) rubanda icyibuka « itekinika » rigayitse ryagaragaye muri gahunda yo guhindura ingingo y’101 Itegekonshinga ryo mu 2003 mu rwego rwo kuniga demokarasi burundu.
(2) havugwa inzara yiswe « NZARAMBA » ikomeje guca ibintu mu turere twose tw’igihugu, ikaba ahanini yaratewe na politiki mbi yo kurandura imyaka y’abaturage, kubambura  imirima y’ibishanga no kubabuza guhinga ibyo bashaka kandi bibafitiye akamaro.
(3) hari urubyiruko rutagira ingano rukomeje gutaka no guta icyizere cy’ejo hazaza, rukaba ruremerewe cyane n’ivangura rukorerwa, ubushomeri no kubuzwa ukwishyira ukizana.
(4) hari abaturage barira ayo kwarika kuko Leta yabasenyeye amazu hakaba n’abo yambuye amasambu yabo ntibahabwe ingurane ikwiye.
(5) hariho abenegihugu benshi baraswa n’ inzego zakagombye kubarindira umutekano.
(6) hagaragara iterabwoba rikaze mu Turere, mu Mirenge no mu Tugari riherekejwe no kweguzwa ku ngufu kw’abayobozi benshi b’inzego z’ibanze abasivili bagasimbuzwa abasilikari ku mpamvu zifitanye isano n’amatora yegereje .
(7) haganje ruswa, ivangura n’akarengane mu nzego zinyuranye.
(8) haradutse « inkongi z’imiriro »  zibasiye amagereza n’amazu y’ubucuruzi y’abatari abatoni b’Ishyaka riri ku butegetsi.
(9) hari ukurebana ayingwe n’ukwiteranya n’ibihugu by’abaturanyi gushobora gukurura intambara zisenya.
(10) N’ibindi bitari bike bibangamiye ubumwe n’ubwiyunge bw’abanyarwanda.

3.Ku buryo bw’umwihariko ntitwabura kwibutsa uko uyu mwaka wa 2016 urangiye hagaragaye ikosa rikomeye kuri Leta iriho ryo kubangamira bikomeye uburenganzira bw’Abanyarwanda bari mu mahanga bifuza gutaha mu gihugu cyabo batubitse umutwe, ahubwo bafite ubushake bwiza bwo kugira uruhare rugaragara mu micungire iboneye y’ubuzima bw’igihugu no gutanga umuganda wabo mu gushyikiriza Abanyarwanda ubuyobozi bubanyuze.

4.Niyo mpamvu twifuriza Abanyarwanda ko umwaka mushya wa 2017 wababera muhire.

Umwaka mwiza wa 2017 ndawifuriza Abalideri bose ba politiki bifuriza igihugu cyacu impinduka nziza kimwe n’impirimbanyi za demokarasi zose bafatanyije.

Ndanawifuriza Perezida wa Repubulika , Imana izawumuheremo ubushishozi bukomeye , azashobore gukiranura Abanyarwanda nk’uko abifite mu nshingano .

Umwaka mwiza wa 2017 ndawifuriza Abanyarwanda bose muri rusange , cyane cyane abashavuye kubera impamvu zinyuranye. Uzababere umwaka w’ubutwari bubahagurukiriza guharanira uburenganzira bwabo mu bwitonzi no mu mutuzo .

5.Koko rero uyu mwaka wa 2017 uje ni umwaka udasanzwe . Turifuza ko waba umwaka w’impinduka zikomeye ariko nziza.

Umwihariko w’uyu mwaka wa 2017 ni uko uzaha abenegihugu ICYANZU cyo kwipakurura ubutegetsi bw’igitugu bakitorera Umukuru w’igihugu uzabubaha, akabakunda, akabafasha kurushaho kwiyunga no kwiyubakira iterambere rirambye kandi risaranganyijwe.

6.Ndasaba Abanyarwanda aho bari hose, mu mahanga cyangwa mu gihugu, KUBYUTSA UMUTWE , bakiyemeza kwitabira amatora y’umukuru w’igihugu ateganyijwe taliki ya 3 n’iya 4 Kanama (8) 2017, batitaye ku iterabwoba batazabura gushyirwaho . Nibimenyekane neza ko « Guhunga amatora »   ari ubundi buryo buhambaye bwo « guhitamo gushyigikira ubutegetsi bw’igitugu » buriho .
Gusa nanone nibyumvikane ko kugira ngo amatora ari imbere azagenda neza kandi azane impinduka ikenewe,  bizaba ngombwa ko  abenegihugu biyemeza gutsinda ubwoba , bakayitegura , bakayitabira, bagakurikirana uko amajwi abarurwa n’uko atangazwa.

7.Guhitamo kwituramira no kwiturira mu gice cy’abanyabwoba na bantibindeba nta musaruro bitanga kuko bitabuza akarengane gusagamba no kuzagera kuri buri wese umunsi umwe .

8. Ibibazo nyakuri Abanyarwanda bafite twese turabizi. N’ibisubizo byatanga amahoro kuri bose , nta munyarwanda ubiyobewe.
Abanyarwanda barambiwe « politiki y’ibipindi » y’ishyaka rukumbi rya FPR-Inkotanyi, politiki  yo kubashinyagurira ngo bavuye mu bukene kandi inzara yenda kumarira abana babo ku icumu ! Ngo u Rwanda ni intagereranywa mu miyoborere myiza kandi iterabwoba rivuza ubuhuha, abaturage b’inzirakarengane bakomeje kuraswa ku manywa y’ihangu! Ngo demokarasi yashinze imizi mu Rwanda  kandi urubuga rwa politiki rudanangiye , imfungwa za politiki nka Victoire INGABIRE , Deogratias MUSHAYIDI, Kizito MIHIGO, Padiri Édouard NTULIYE, Padiri MATEGEKO Aimé  n’abandi …batarenganurwa kandi aribyo bikwiye .

9.Nyamara twese tuzi neza ko icyo Abanyarwanda bakeneye mbere na mbere ari ukwicarana nk’abareshya, bakaganira nta buhendanyi, bakumvikana ku nzira zo guca burundu ivangura rishingiye ku irondakoko , gusaranganya neza ibyiza by’igihugu no gufatanya kurwanya akarengane aho katuruka hose .

10.Nk’umuyobozi mukuru w’ISHYAKA ISHEMA ry’u Rwanda nkaba n’umukandida waryo mu matora y’umukuru w’igihugu ateganyijwe, nongeye kwizeza Abanyarwanda bose ko twiteguye gutaha mu mahoro mu gihugu cyatwibarutse taliki ya 23 Mutarama 2017 kugira ngo twandikishe ishyaka ryacu nk’uko biteganywa n’amategeko, twitabire amatora  bityo tuzabone uko dutanga umuganda wacu mu kubaka igihugu gitekanye kandi giha abana bacyo bose « AMAHIRWE ANGANA ».

11.Sinasoza ntongeye gushimira mbikuye ku mutima Abanyarwanda benshi badutabaye, bakatwereka urukundo mu bihe bikomeye, ubwo guhera taliki ya 23 Ugushyingo 2016 twari nk’imfungwa mu kibuga cy’indege cya Nairobi, twambuwe uburenganzira bwacu bwo kwinjira ku butaka bw’uRwatubyaye . Igihe kirageze ngo twese duhagurukire guharanira ko hatazongera kugira undi mwenegihugu ukorerwa igikorwa nk’icyo cy’urugomo n’agasuzuguro.

Mbifurije mwese Umwaka w’ibyiza gusa , « Umwaka wo kubyutsa umutwe tugaharanira ishema ryacu ».
Harakabaho Repubulika y’u Rwanda
Harakabaho Abenegihugu batewe ishema no kwitwa Abanyarwanda .

Padiri Thomas Nahimana , Umuyobozi w’Ishyaka ISHEMA
Umukandida mu matora y’umukuru w’igihugu ateganyijwe muri 2017

logo

Itangazo rigenewe abanyamakuru: ICYO TWE TUGAMIJE NI « UKUNGA ABENEGIHUGU NGO DUFATANYE KWIYUBAKIRA U RWANDA MODERNE »

red-lineItangazo rigenewe abanyamakuru

ICYO TWE TUGAMIJE NI « UKUNGA ABENEGIHUGU NGO DUFATANYE KWIYUBAKIRA U RWANDA MODERNE »

  1. « Intego y’ishyirahamwe iryo ari ryo ryose rikora politiki ni ukubungabunga uburenganzira ndakorwaho umuntu wese avukana. Ubwo burenganzira ni ukwishyira ukizana, kugira umutungo utavogerwa, kubaho ufite umutima mu gitereko n’ubwo kurwanya akarengane »(Ingingo ya 2 y’itangazo ry’amahame y’ibanze y’uburenganzira bwa muntu n’ubw’abenegihugu ryo mu w’1789).
  2. Kubera ko Ishyaka ISHEMA ryubatswe hashingiwe ku ihame rikubiye mu ngingo yibukijwe haruguru, nibimenyekane neza ko ba nyir’ibitangazamakuru n’amashyirahamwe akunze guha rugari icengezamatwara risenya, bikaba bigaragara ko muri iki gihe bashishikajwe cyane no guharabika Ishyaka ryacu mu kuryambika nkana isura y’ubuhezanguni, baba babiterwa no kutamenya, kugambirira ikibi cyangwa uburwanashyaka bw’agakabyo, ntibazatinda kubona ko badashobora kurwanya ukuri ngo bagutsinde.
  • Koko rero« KUNGA ABENEGIHUGU NGO DUFATANYE KWIYUBAKIRA U RWANDA MODERNE » ni wo mushinga wonyine dushoreye kandi twiteguye kuzamurikira imbaga y’abanyarwanda bityo tukaba twizeye ko, mu gihe gikwiye, rubanda itazabura kwishimira inyungu nyakuri izawusaruraho mu gihe cya vuba, ikiringaniye n’ikirekire, ni ukuvuga amahoro arambye n’iterambere risangiwe na bose.

Kubera izo mpamvu dutangaje kandi tumenyesheje imbaga y’abanyarwanda n’Umuryango Mpuzamahanga ibi bikurikira:

  1. Twakiranye ubwuzu n’icyubahiro ijambo ritazibagirana ryavuzwe na Perezida wa Repubulika y’u Rwanda, Paul Kagame, ku cyumweru gishize tariki ya 11 Ukuboza 2016, anenga, mu ruhame kandi nta guca ku ruhande, inzego za leta zafashe icyemezo cyo gukumirira umuyobozi w’Ishyaka ISHEMA, Bwana Padiri Thomas NAHIMANA, n’ikipe ye bagahezwa ku kibuga cy’indege cya Jomo Kenyatta i Nairobi, ku itariki ya 23 Ugushyingo 2016, bityo, mu buryo butemewe n’amategeko, bamburwa uburenganzira bwabo bwo gutaha mu rwababyaye no kugira uruhare mu bikorwa mboneragihugu n’ibya politiki.
  2. Dushyigikiye kandi dushimye iyo ntambwe y’ingirakamaro itewe na Perezida wa Repubulika nk’«ikimenyetso cy’ubushake bwo gufungura urubuga rwa politiki no gutanga ihumure »kigenewe abanyapolitiki ba Opozisiyo iharanira demokarasi, bityo nabo bakaba bakwiye kugiheraho bakisuganya bwangu, kugirango uruhare rwabo rugamije kubaka ruzagaragare mu mahinduka yegereje aganisha u Rwanda ku butegetsi bugendera koko ku mahame ya demokarasi.

3.Turashimangira ubushake dufite bwo kuva mu buhungiro tugataha mu Rwatubyaye kugirango bidufashe kuzuza ibisabwa n’amategeko, twandikishe Ishyaka ryacu ISHEMA ry’u Rwanda bityo tuzashobore kugira uruhare mu matora y’umukuru w’igihugu ateganyijwe ku itariki ya 4 Kanama 2017 n’ay’Intumwazarubanda yo muri 2018. Tukaba rero twishimiye gutangaza ko ubu noneho twiteguye gusesekara ku kibuga cy’indege cy’i Kanombe ku wa mbere tariki ya 23 Mutarama 2017.

  1. Tuboneyeho akanya ko gushimira byimazeyo ABATARIPFANA bose b’Ishyaka ISHEMA n’abandi ba « Bakunzi bacu », abashya n’abasanzwe, baduteye ingabo mu bitugu mu bihe bikomeye, tunabibutsa kandi ko ubu  inkunga yabo  ikenewe kurushaho kugirango iyi nzira y’amahoro twahisemo yemererwe n’Abanyarwanda benshi kandi ibasubize icyizere ko bifitemo ubushobozi bwo kwiyubakira igihugu cyunze ubumwe kandi kirangwa n’ubusabane bw’abagituye.
  2. Turasaba Umuryango Mpuzamahanga kuba hafi y’Abanyarwanda no gutanga ubufasha bukenewe kugirango, mu buryo bwihuse, imfungwa za politiki zose zifungurwe, hubakwe umuco wo kujya impaka zubaka kandi zituje kandi hategurwe amatora adafifitse.

Harakabaho Repubulika
Harakabaho imbaga y’abanyarwanda bunze ubumwe.

Bikorewe i Paris, ku ya 15/12/2016

Padiri Thomas NAHIMANA
Umuyobozi w’Ishyaka ISHEMA
Umukandida mu matora y’umukuru w’igihugu ya 2017

logo-300x135

 

 

AMAKURU y’ISHYAKA ISHEMA : Hasigaye iminsi 40 gusa !

nadine

Amakuru yo ku wagatandatu taliki ya 17/9/2016

Ishyaka Ishema ry’ u Rwanda rikomeje imyiteguro yo kujya gukorera politiki mu Rwanda . Mu gihe hasigaye iminsi ikababakaba 40 gusa Itsinda rya mbere riyobowe na Padiri Thomas NAHIMANA rigasesekara mu Rwatubyaye, Abataripfana bose barakataje mu kwegera no gusobanurira Abanyarwanda bakunda igihugu cyabo ko inkunga yabo ikenewe kandi bwangu.

Muri urwo rwego dore ibaruwa yandikiwe umunyarwanda wese wifuza kugira icyo afasha Abataripfana kugira ngo bashobore gusohoza neza iyi gahunda ifitiye benshi akamaro .

 

Tanga umuganda wo kubaka u Rwanda ruha abana barwo bose « AMAHIRWE ANGANA».

 logo-300x135

Muvandimwe duhujwe n’urukundo dufitiye igihugu cy’u Rwanda,

1.Nkwandikiye iyi baruwa kuko ndashidikanya ko ubona kandi wumva neza ibibazo bikomeye bikomeje gusenya igihugu cyacu bikaba ahanini bikomoka ku mikorere mibi y’ubutegetsi bwa FPR-Inkotanyi bwubakiye ku kinyoma, iterabwoba n’ukwikubira ibyiza byose by’igihugu hashingiwe ku irondakoko n’irondankomoko.

2.Kwemera ko abenegihugu twese tudakwiye gukomeza kwibera indorerezi ahubwo tugomba kugira icyo dukora ngo dufashe igihugu cyacu kubona inzira yo kwikura muri biriya bibazo, nicyo cyanteye guhaguruka nifatanya na bagenzi banjye tubyumva kimwe maze taliki ya 28 Mutarama(1) 2013 duhurira i Paris ho mu Bufaransa dushinga Ishyaka ISHEMA ry’u Rwanda .

3.Muri iyi myaka itatu ishize twarihuguye bihagije, twakoze inama nyinshi, twakoze ingendo mu bihugu binyuranye, twasesenguye amateka y’igihugu cyacu, twashyize ahabona ibitekerezo byacu, twagerageje kwifatanya n’abandi banyapolitiki tureba mu cyerekezo kimwe. Ikiruta byose ariko twateguye umushinga witwa « Kunga Abenegihugu kugira ngo dufatanye kwiyubakira u Rwanda moderne » (Together to modernize Rwanda) ugaragaza u Rwanda rubereye bose twifuza kuraga abadukomokaho.

4.Ubu rero igihe kirageze ngo duhaguruke tuve mu mahanga, dusange Abanyarwanda bari mu gihugu, dufatanye n’urubyiruko kubaka imishinga ishyigikira amizero mashya y’ejo hazaza.

5.Ibibazo bya politiki bikomeye cyane biri mu Rwanda muri iki gihe ntitubiyobewe. Ariko kandi tuzi neza ko ibyo bibazo bitazakemuka hatabonetse bamwe mu benegihugu bemera kwitanga. Aha ntuye mu gihugu cya CANADA, mfite urugo, mfite umugabo, mfite n’abana babiri bakiri bato. Baracyankeneye. Ariko nanone mu Rwanda hari abavandimwe bacu, hari imiryango, hari abaturage bakabaka miliyoni 12 nabo bakeneye « Abalideri » babafasha kwisuganya kugira ngo buhindure ibintu, bubake ubuyobozi bwiza binyuze mu nzira y’amahoro ishingiye ku bwitonzi n’ubushishozi.

6.Hasigaye amezi atagera kuri abiri tukaba dusesekaye mu Rwanda. Ntabwo nzagenda njyenyine. Mu Ikipe ya mbere tuzaba turi« Abataripfana batagendera kuri baranyica »bagera kuri batandatu (6), barangajwe imbere na Padiri Thomas NAHIMANA, Umukandida wacu ku mwanya wa Perezida wa Repubulika.  Hari abandi bazaza nyuma.  Mu gihugu tuzahasanga kandi n’abandi basore n’inkumi b’intwari cyane badutegereje tuzafatanya.

7.N’ubwo ariko dufite ubushake buhambaye n’ukwiyemeza kutajegajega tuzi neza ko ibikenewe ari byinshi kandi bisaba amafaranga atari make:

*Amatiki y’indege,

*Amacumbi,

*Ibikorwa byo kwandikisha ishyaka,

*Kwiyamamaza mu matora ya 2017 na 2018

*Ubuzima busigaye buhenze cyane mu Rwanda….

Niyo mpamvu dukeneye inkunga ya buri wese, yaba nto, yaba nini. 

8.Nkwandikiye rero ngira ngo nkumenyeshe ko inkunga yawe tuyikeneye rwose kandi ko   ushobora kuyitugezaho unyuze muri imwe muri izi nzira eshatu zikurikira:

  1. Kuyinyoherereza muri CANADA
  2. Kuyinyuza kuri Compte ya AIPAD-ISHEMA: IBA : FR76 3000 3010 2000 0372 8024 158 BIC : SOGEFRPP RIB : 30003 01020 00037280241 58
  3. Bitewe n’aho ubarizwa wayinyuza kuri :

*Italie: Madame Yvonne UWASE

*Belgique – Luxembourg: Joseph Nahayo ; Marie Claire Akingeneye

*Scandinavia: Jean Bosco Habiyaremye ; Jeanne Mukamurenzi

*Australia na Nouvelle-Zélande: Emmanuel Mugenzi ; Ernest Senga

*Allemagne: Simon Pierre Habineza

*America (USA): John Gahongayire

*Ubwongereza: Virginie Nakure

*Uburusiya: Valence Maniragena

*France – Suisse: Chaste Gahunde; Landouald Ntibayitegeka ; Akishuri Abdallah

*Pays-Bas: Ntaganzwa Jean Damascène

*Mazambique-Swaziland: Padiri Gaspard Ntakirutimana

*Zambiya-Malawi-South Africa: Venant Nkurunziza

*Cameroun: Kabanda Jean Baptiste

*Uganda-Tanzania-Burundi-Kenya-RDC- Congo Brazza- Rwanda: Padiri Thomas Nahimana, Jean Léonard Seburanga, Théodette Gatesire.

9.Mu gihe ngitegereje igisubizo cyawe cyiza kandi cyihuse, nkwifurije umugisha n’amahirwe atagabanyije.

 Harakabaho abenegihugu batewe ishema no kwitwa Abanyarwanda.

Mu izina ry’Ishyaka ISHEMA,

Nadine Claire KASINGE,

Umunyamabanga mukuru wungirije,

Umuvugizi w’umukandida.

AMAKURU Y’ISHYAKA ISHEMA RY’U RWANDA

compte-a-rebours

Muri iyi minsi abakunzi b’Ishyaka ISHEMA ry’u Rwanda cyane cyane urubyiruko bakomeje kutugaragariza ko bashishikajwe no kumenya impumeko dufite mu gihe hasigaye igihe kitagera ku mezi abiri ngo tube twasesekaye mu Rwatubyaye.

Kubera iyo mpamvu twiyemeje gutangiza uyu muyoboro witwa AMAKURU Y’ISHYAKA ISHEMA bityo tukajya tubagezaho uko duhagaze, umunsi ku wundi .  Ni muri urwo rwego rero dutangiye uyu munsi:

 Kuwa  Gatatu taliki ya 14/9/2016

 1.Ese mu Ishyaka ISHEMA hari ikibazo cyo kwicamo ibice bibiri gihari ?

 Nta kibazo gisa gityo dufite. Ishyaka ISHEMA ryunze ubumwe 100%.  Ubu icyo duhugiyeho ni ibikorwa bijyanye no kwisuganya neza :

*Ikipe ya mbere  izajya mu Rwanda  yatangiye imyitozo yihariye

*Turacyarimo kunononsora uko inzego z’abayoboke baba mu mahanga zizasigara ziteye

*Dushishikariye kwegera bwangu Abanyarwanda bose bafite ubushake bwo  kudutera inkunga (campagne de proximité) kugira ngo gahunda yo kujyana Ishyaka mu Rwanda igende neza. Ni muri urwo rwego, kuri uyu wagatandatu ushize( le 10/9/2016)  abayobozi b’Ishyaka Ishema ry’u Rwanda ndetse na Nouvelle Génération basuye abatuye mu mujyi wa Lille mu Bufaransa kugira ngo barusheho gusobanura umushinga wo kujya gukorera politiki mu Rwanda. 

2.      Ni gute umuntu  yinjira cyangwa agasezera mu Ishyaka ry’ Abataripfana? 

Umuntu wese ubishaka akaba akunda gahunda zo guhindura imiyoborere y’igihugu cyacu binyuze mu nzira zitamena amaraso, ashobora kwegera abayobozi b’Ishyaka ISHEMA ry’u Rwanda bakamusobanurira uko yabigenza. 

Icyambere Ishyaka Ishema ryihatira ni ugutoza umuyoboke waryo wese indangagaciro nziza y’ « ubutaripfana », aribyo kurangwa n’ubutwari budasanzwe bwo guhamya ukuri n’aho rukomeye ! Imbere y’akarengane kamugiriwe cyangwa kagiriwe abandi, haba mu Ishyaka cyangwa hanze yaryo,  Umutaripfana ntatinya kukamagana byaba na ngombwa akitabaza itangazamakuru akabisobanurira rubanda, ku mugaragaro.

 Irindi hame tugenderaho ni uko umuntu yinjira mu Ishyaka Ishema ku bwende bwe kandi akaba yarisohokamo igihe ashakiye. 

None rero Banyarwanda, Banyarwandakazi, mwese ndabararitse, ntimucikanwe. Muri uku kwezi kwa Nzeri (9) 2016,  tanga inkunga yawe kugirango bitarenze taliki ya 2 Ugushyingo 2016 Ishyaka ISHEMA rizasesekare mu Rwanda ryitwaje umushinga utagira uko usa witwa  « Kunga abenegihugu kugirango bashobore kwiyubakira u Rwanda Moderne »;« Together to modernize Rwanda »;« Rassembler pour moderniser le Rwanda ».

Uyu mushinga ni uwa twese : uruhare rwa buri wese nirugaragare bityo ntihazagire uhezwa ku buryohe bw’amatunda yawo.

BIRACYAZA….

Umutaripfanakazi

Jeanne Mukamurenzi.

logo-300x135 

2017 : Na nyuma ya Referendumu ififitse, Itegekonshinga ryahinduwe mu Kuboza 2015 ntiryemerera Paul Kagame kongera kwiyamamaza !

kagame-300x198

Ndifuza gusaba Abanyarwanda basonzeye impinduka ko barekera aho kugendera ku mpuha n’amabwire ahubwo abazi gusoma no kwandika bagafata umwanya wo kwisomera ubwabo Itegekonshinga rya Repubulika y’u Rwanda ryo mu 2003 nk’uko ryavuguruwe mu Ukuboza 2015 rigasohoka mu Igazeti ya Leta, nomero idasanzwe yo kuwa 24 Ukuboza 2015. Si ukurisoma gusa ahubwo bagomba no guharanira kumva neza icyo rivuga.

By’umwihariko ndashaka kubwira Abanyarwanda bose cyane cyane abayoboke b’Umuryango wa FPR Inkotanyi, ko  na nyuma ya Referendumu ififitse , Itegekonshinga ryavuguruwe mu Ukuboza 2015 ritemerera Nyakubahwa Paul Kagame, kuzongera kwiyamamariza kuba Perezida wa Repubulika nyuma ya manda ye ya kabiri izarangira mu mwaka utaha wa 2017. Ndabagira inama yo gushaka undi mukandida hakiri kare kugira ngo mutazatungurwa . Sinahisha ko ku ruhande rwa Opozisiyo natwe dufite amatsiko yo kumenya hakiri kare umukandida mushya wa FPR twiteguye guhangana na we mu matora yegereje.

1.Twibukiranye icyo Itegeko Nshinga  riteganya

Hari ingingo ebyiri zitanga urumuri ruhagije kuri iki kibazo . Iy’ 101 n’iy’ 172.

Ingingo y’101 itarahindurwa yagira ga iti :

 » Perezida wa Repubulika atorerwa manda y’imyaka irindwi(7).  Ashobora kongera gutorwa incuro imwe. Nta na rimwe umuntu yemererwa gutorerwa manda zirenze 2 ku mwanya wa Perezida wa Repubulika”.

Nk’uko bigaragara,  iyi ngingo yari yarashyizweho mu rwego rwo gukumira umuperezida w’umunyagitugu wagerageza kwigundiriza ku butegetsi bityo agahindura Repubulika nk’ingoma ya cyami. Gusa Perezida Paul Kagame n’abambari be bahisemo kwica amatwi maze bakoresha igitugu kidasanzwe kugira ngo iyi ngingo ikomeye ihindurwe bityo Paul Kagame abone icyanzu cyo kuzapfira ku butegetsi.

Ingingo y’101 yaje rero guhindurwa no kwemezwa na Referendumu itekinitse  yo mu Ukuboza 2015.

Dore ibyo ingingo nshya y’101 iteganya :

« Perezida wa Repubulika atorerwa manda y’imyaka itanu (5). Ashobora kongera gutorerwa indi manda imwe ».

*Mu Cyongereza :The President of the Republic is elected for a five (5) year term of office. He or she may be re-elected once.

*Mu Gifaransa :Le Président de la République est élu pour un mandat de cinq (5) ans. Il peut être rééluune seule fois.

Nk’uko bigaragara ihindurwa ry’iyi ngingo ubwaryo ntaho ryemerera Perezida Kagame nk’ »ucyuye igihe » kongera kwiyamamaza! Ahubwo icyongeye gushimangirwa ni uko nta Perezida wa Repubulika y’u Rwanda uzemererwa kurenza manda ebyiri. Ikindi ni uko imyaka ya manda ivuye kuri irindwi igashyirwa kuri itanu kugira ngo Perezida wa Repubulika atazongera kurambirana ku butegetsi. Iri ni ivugurwa ryiza cyane kandi rifite ishingiro.

2.Abanditse ingingo y’172 nta mahirwe bashatse guha  Perezida Kagame yo kuzongera kwiyamamaza  !

Benshi bibwiraga ko Itegekonshinga ryavuguruwe kugira ngo ryemeze ikintu gisa n’irengayobora (Exception)  ry’uko Perezida Kagame  yakwemererwa kwiyamamariza manda ya gatatu mu mwaka w’2017. Nanone ariko abifuzaga iryo vugururwa nta mpamvu zumvikana bagaragaje uretse  kuvuga ngo Kagame niwe wenyine ushoboye kuyobora u Rwanda. Icyabateraga gutanga iyo mpamvu ya nyirarureshwa twese turakizi, ni iterabwoba n’igitugu bashyizweho ! Igishimishije  rero ni uko  mu kwandika bwa nyuma (version finale)  ingingo y’172 hashatswe uburyo bwa gihanga bwo gupfunyikira Paul Kagame ikibiribiri, mu mvugo y’abanyamategeko : uburenganzira yifuzaga barabumwima !

Ngaho nawe isomere witonze, wirebere uko Paul Kagame,  nka Perezida ucyuye igihe,  yimwa n’iri tegeko ububasha bwo kuzongera kwiyamamaza.

Irengangize impuha n’amabwire , witegereze kandi usesengure neza ibika bitatu bigize ingingo y’172 , wumve neza icyo bivuga :

Igika cya mbere : « Perezida wa Repubulika uri ku buyobozi mu gihe iri Tegeko Nshinga rivuguruye ritangira gukurikizwa akomeza manda yatorewe….

Ni ukuvuga manda yatorewe mu 2010 ikaba izarangira mu 2017.  Bisobanuye ko iyi ngingo izi neza ko Paul Kagame atari  mushya, ahubwo ari  Perezida ucyuye igihe , urimo gusoza manda ye  ya kabiri .

 Igika cya kabiri : « Hatabangamiwe ibiteganywa mu ngingo ya 101 y’iri Tegeko Nshinga, hitawe ku busabe bw’Abanyarwanda bwabaye mbere y’uko iri Tegeko Nshinga rivuguruye ritangira gukurikizwa, bushingiye ku bibazo byihariye u Rwanda rwasigiwe n’amateka mabi rwanyuzemo n’inzira igihugu cyafashe yo kuyivanamo,  ibimaze kugerwaho no kubaka umusingi w’iterambere rirambye; hashyizweho manda imwe y’imyaka irindwi (7) ikurikira isozwa rya manda ivugwa mu gika cya mbere cy’iyi ngingo……

Aha ntabwo itegeko rivuga ngo « tugabiye Paul Kagame manda y’imyaka irindwi y’ubuntu kuko ari umuntu w’akataraboneka « ! Oya, siko rivuga. Rigennye gusa ko kubera ibibazo bishingiye ku mateka, Perezida uzakurikiraho azakenera igihe kingana n’imyaka irindwi kugira ngo abishakire ibisubizo bityo habone gutangira manda z’imyaka itanu (quinquenat) nk’uko biteganywa n’ingingo nshya y’101. Ni ukuvuga ko umukandida wese uzatsinda amatora mu 2017  azaba atorewe manda y’imyaka irindwi. Abaturage nibatugirira icyizere tuzaba dutorewe imyaka irindwi .

Abakwiza impuha ko nta matora azabaho mu 2017 barishuka ! Manda y’Umukuru w’igihugu itandukanye cyane na manda ya Guverineri cyangwa Ambasaderi bajyaho bahawe ibaruwa ya nominasiyo kandi bagakurwaho n’ibaruwa y’uwabashyizeho (Revocation) . Manda ya Perezida wa Repubulika iratorerwa, buri gihe !

Naho abakomeje guteza urujijo ngo mu 2017 nta matora azabaho  ahubwo hazashyirwaho Leta y’ « Inzibacyuho » babiterwa no kwitiranya ibidasa . Kuba iyi ngingo y’172 yanditse mu GICE  bita « Ingingo zisoza n’iz’inzibacyuho «  ( gikubiyemo ingingo zigena ibizakorwa mbere no mu gihe cyo gutangira gukurikiza itegeko rishya) ntawe bikwiye kujijisha; ntaho bihuriye na ya Guverinoma y’Inzibacyuho yateganywaga n’amasezerano ya Arusha!

Igika cya gatatu: « Ibiteganywa mu ngingo ya 101 y’ iri Tegeko Nshinga bitangira gukurikizwa nyuma ya manda y’imyaka irindwi (7) ivugwa mu gika cya kabiri (2) cy’iyi ngingo ».

Aha ni uburyo bwo gusubiramo ko Manda z’imyaka itanu (quinquenat) zizatangira gukurikizwa mu mwaka wa 2024. Perezida uzatorwa icyo gihe (2024)azaba atorewe imyaka itanu , akazaba kandi adashobora gutorwa incuro zirenze ebyiri.

Ku batumva neza  ikinyarwanda byaba byiza basomye uko  iyi ngingo yanditse mu rurimi rw’Icyongereza ndetse no mu Gifaransa , ntaho rwose iha Paul Kagame uburenganzira bwo kwiyamamariza manda ya gatatu :

*Mu Cyongereza : »

« The President of the Republic in office at the time this revised Constitution comes into force continues to serve the term of office for which he was elected.
Without prejudice to Article 101 of this Constitution, considering the petitions submitted by Rwandans that preceded the coming into force of this revised Constitution, which were informed by the particular challenges of  Rwanda’s tragic history and the choice made to overcome them, the progress so far achieved and the desire to lay a firm foundation for sustainable development, a seven (7) year Presidential term of office is established and  shall follow the completion of the term of office referred to in Paragraph one of this Article.
The provisions of Article 101 of this Constitution shall be applicable after the expiry of a seven (7) year term referred to in Paragraph 2 of this Article « .

*Mu Gifaransa : 

« Le Président de la République en exercice lors de l’entrée en vigueur de la présente Constitution continue à exercer le mandat pour lequel il a été élu.

Sans préjudice des  dispositions de l’article 101 de la présente Constitution, compte tenu des pétitions présentées par le Peuple rwandais avant l’entrée en vigueur de la présente Constitution révisée, basées sur des défis sans précédent résultant du passé tragique qu’ a connu le Rwanda et la voie choisie pour les surmonter, les progrès déjà réalisés et le désir de poser une fondation solide pour le développement durable, un mandat Présidentiel de sept (7) ans est établi et prend effet à l’expiration du mandat visé à l’alinéa premier du présent article.
 Les dispositions de l’article 101 de la présente Constitution prennent effet  après l’expiration du mandat de sept (7) ans visé à l’alinéa 2  du présent article ».

3.Hirya y’ibigaragara

Iyi ngingo y’172 yavuzweho menshi, ndetse bamwe bagashaka kuyivugisha ibyo itavuga . Icy’ukuri ni uko irondogora bitari ngombwa . Ariko icy’ingenzi ni uko isoza itemereye Perezida ucyuye igihe ariwe Paul Kagame kongera kwiyamamaza. Uretse kumwemerera gukomeza no gusoza manda yatorewe mu 2010, igishya iyi ngingo igena ni uko mbere yo gutangiza manda zimara imyaka itanu(quinquenat) ziteganywa n’ingingo y’101 ivuguruye, hazabaho manda imwe y’imyaka irindwi (septenat) izatangira mu mwaka wa 2017. Bishatse kuvuga ko mu matora ya Perezida wa Repubulika ataha, tuziyamamariza manda y’imyaka irindwi.

Nanone ariko iyi ngingo y’172 n’ubwo yibutsa ibikorwa ngo by’agatangaza byagezweho, ntaho igena ko Perezida ucyuye igihe (Paul Kagame)  ahawe ububasha busesuye bwo kuziyamamariza iriya manda y’imyaka irindwi.
Nibyumvikane neza rero ko Perezida Paul Kagame naramuka abaye umukandida mu mwaka w’2017 azaba ari Umukandida utemewe n’Itegekonshinga(Candidat anti-constitutionnel) .  Abagomba kubimenya barangije kubitera imboni. Abatabizi bo bakicwa no kutabimenya!

N’aya mahanga asanzwe atera inkunga u Rwanda nayo  yarangije kubyumva,  ategereje gusa igihe gikwiye ngo akoze isoni abibwira ko bashobora kwikorera ibyo bashatse byose batitaye ku mategeko y’ibihugu byabo , amahame n’amasezerano mpuzamahanga Leta zabo zashyizeho umukono.

UMWANZURO

Biratangaje ukuntu benshi mu Banyarwanda bemera buhumyi impuha zakwirakwijwe mu bitangazamakuru, bakibagirwa kujya kureba icyo itegeko ryasohotse rivuga !  Hariho bamwe bishuka ko ibyo bari basomye mu mushinga w’itegeko aribyo biri mu itegeko ryasinywe rigatangazwa mu Igazeti ya Leta yo kuwa 24 Ukuboza 2015! Naho abenshi mu babonye akarindi kabanjirije ivugururwa ry’Itegekonshinga  ryo  mu kuboza 2015, bo bakomeje kwibwira ko byarangiye, ko Paul Kagame yemerewe kuzaba umwami w’u Rwanda ubuziraherezo! Siko bimeze, Itegekonshinga ryatowe ryagize impfabusa ya makinamico yose tweretswe yo kwikorera ibiseke bijyanwa mu Nteko!

Nizeye ko Perezida wa Repubulika we nibura azi neza ikiri mu ngingo y’101 n’iy’172 y’Itegekonshinga. Niba yararisinye atararisoma , yihutire kubikora kandi ntatungurwe no gusanga ritamuha uburenganzira yifuzaga!

Hagati aho  rero tubaye twifurije Paul Kagame kwitegura neza ubuzima bushya agiye kwinjiramo nyuma yo kuba yarakoreye igihugu nka Visi-Perezida na Perezida wa Repubulika imyaka isaga 23 ! Mu by’ukuri aramutse ashaka kongera kwiyamamaza mu mwaka w’2017, nta yindi nzira asigaranye uretse kongera guhindura Itegekonshinga akongeramo ingingo imwemerera kwiyamamaza , akongera agakoresha indi Referendumu itekenitse, akongera agaterera rubanda ku munigo kugira ngo ibyemeze ! Gusa ndabona igihe gisa n’icyamushiranye…..

Amahirwe angana ku bana bose b’u Rwanda,

 

logo-300x135

Padiri Thomas Nahimana, Umuyobozi w’Ishyaka ISHEMA

Umukandida wa Opozisiyo mu matora ya Perezida wa Repubulika yo mu 2017

Ishema Party and the New Generation Coalition: Invitation to the farewell conferences

Indogobe

1. In order to materialize the plans of ISHEMA Party and the New Generation Coalition of leaders,

2. In order to honor the promise we made unto Rwandans to return to Rwanda to exercise our political rights and work hand in hand with the people as we struggle to build a nation where democracy prevails and based on values of the Truth , Intrepidness and Social justice,

3. Implementing the resolutions of the Congress of Ishema Party held in Brussels, Belgium from the 15th to the 17th of January 2016;

4. Subsequent to the farewell to the Rwandans living in Australia and America,

We are happy to invite all the Rwandans living in European and African countries to the farewell conferences scheduled as follows:

(1) In Oslo, Norway: on Saturday July 23rd 2016 from 2 pm (14h00).  All the Rwandans living in Scandinavian countries are welcome. The meeting room will be communicated shortly.

(2) In Brussels, Belgium: on Sunday July 31st 2016 from 2 pm (14h00). We will convene at   Rue Eloy 80, 1070 Anderlecht.

(3) In Munich, Germany: on Saturday September 3rd, 2016 from 2 pm (14h00). The meeting room will be communicated very soon.

(4) In Lille, France: on Saturday September 10th 2016 from 2 pm (14h00). The meeting room will be communicated without delay.

(5) In Lusaka, Zambia: on Saturday September 17th, 2016 from 2 pm (14h00). The meeting room will be communicated in few days.

(6) In Capetown, South Africa: on Saturday September 24th, 2016 from 2 pm (14h00). . The meeting room will be communicated shortly.

(7) In Amsterdam, Netherlands: on Saturday October 1st 2016 from 2pm (14h00). The meeting room will be communicated shortly.

During these conferences, Rev Father Thomas NAHIMANA, the candidate of the opposition to the 2017 presidential elections will be joined by a Team of leaders from Ishema Party and the New Generation coalition to launch the campaign manifesto “Together to Modernize Rwanda”.

* The participants will:

  • Hear testimonies, exchange views and ideas and donate their contribution towards the party registration and electoral campaign.
  • Ask questions and get proper answers on the manifesto “Together to Modernize Rwanda”.
  • Discuss the possibility to join us in our journey to Rwanda

All are invited to support the change which is needed by the majority of the Rwandans.

“NO ONE ELSE SHALL DO IT ON OUR BEHALF”.

Done in Paris, on July 12th, 2016.

logo-300x135

Chaste GAHUNDE,
Executive Secretary, ISHEMA Party
Email:chaste.gahunde@gmail.com
Tél :00 33 64 36 01 311

Jean Damascene NTAGANZWA,
Vice President, UDFR-IHAMYE
Email: ntaganzwa2001@yahoo.fr
Tél : 00 31 6 20 92 52 49

Abdallah AKISHURI,
President, FPP-URUKATSA
Email:amacumu.acanye@gmail.com
Tél: 00 33 7 58 17 30 72

Igihe kirageze : ISHEMA RY’U RWANDA NA NOUVELLE GENERATION BARABARARITSE MU BIGANIRO MBWIRWARUHAME BYO GUSEZERA KU BANYARWANDA BABA MU BULAYI NO MURI AFURIKA

Decollage-d-un-avion-de-la-Compagnie-Lufthansa-300x168

1. Mu rwego rwo gushyira mu bikorwa gahunda ishyaka ISHEMA na Nouvelle Génération bihaye no kuzuza amasezerano bagiriye Abanyarwanda yo kujya gukorera politiki mu Rwanda kugira ngo twegere rubanda maze dufatanye guharanira ko igihugu cyacu kigira ubuyobozi bushingiye kuri Demokarasi inyuze mu kuri no mu gusaranganya ibyiza by’igihugu,

2. Dushingiye kandi ku myanzuro ya Kongere isanzwe y’ishyaka ISHEMA yateraniye i Buruseli mu Bubiligi guhera tariki ya 15 kugeza kuya 17 Mutarama(1) 2016,

3. Nyuma y’ingendo zo gusezera ku batuye muri Amerika na Australia,

4. Twishimiye gutumira Abanyarwanda bose batuye mu bihugu by’Uburayi n’Afurika mu biganiro mbwirwaruhame byo gusezera biteganyijwe ku buryo bukurikira:

(1)Mu mujyi wa OSLO mu gihugu cya Noruveji (Norvege/Norway):Kuwa gatandatu tariki ya 23 Nyakanga (7) 2016 guhera saa munani z’amanywa (14h00). Hatumiwe abatuye mu bihugu bya Scandinavia bose. Icyumba bazahuriramo bazakimenyeshwa bidatinze.

(2)Mu mujyi wa BURUSELI mu gihugu cy’Ububiligi (Belgique/Belgium): Ni ku cyumweru tariki ya 31 Nyakanga(7) 2016 guhera saa munani z’amanywa (14h00). Tuzahurira kuri iyi aderesi : Rue Eloy 80, 1070 Anderlecht.

3.Mu mujyi wa MUNICH mu gihugu cy’Ubudage: Kuwa gatandatu tariki ya 3 Nzeri (9) 2016 guhera saa munani z’amanywa (14h00). Icyumba tuzahuriramo muzakimenyeshwa byihuse.

4. Mu mujyi wa LILLE mu gihugu cy’Ubufaransa: Kuwa gatandatu tariki ya 10 Nzeri (9) 2016 guhera saa munani z’amanywa (14h00). Icyumba tuzahuriramo muzakimenyeshwa mu minsi ya vuba.

(5) Mu mujyi wa LUSAKA mu gihugu cya Zambia: Kuwa gatandatu tariki ya 17 Nzeri (9) 2016. Icyumba tuzahuriramo muzakimenyeshwa bidatinze.

(6) Mu mujyi wa CAPETOWN mu gihugu cy’Afurika y’Epfo: Kuwa gatandatu tariki ya 24 Nzeri (9) 2016. Icyumba tuzahuriramo muzakimenyeshwa.

(7) Mu mujyi wa AMSTERDAM mu gihugu cy’Ubuholandi : Kuwa gatandatu tariki ya 1 Ukwakira (10) 2016. Icyumba tuzahuriramo muzakimenyeshwa vuba.

Muri ibi biganiro mbwirwaruhame, Padiri Thomas NAHIMANA umukandida wa Opozisiyo ku mwanya wa Perezida wa Repubulika mu matora ateganyijwe umwaka utaha wa 2017 hamwe n’Ikipe y’Abataripfana na Nouvelle Generation bazaganirira Abanyarwanda ku mushinga “Kunga abenegihugu kugira ngo babashe kwiyubakira Rwanda-Moderne”(Together to Modernize Rwanda).

*Hazabaho umwanya wo gutanga ubuhamya, kungurana ibitekerezo no kwakira inkunga yo gushyigikira ibikorwa byo gutangiza Ishyaka mu Rwanda na gahunda zijyanye n’amatora.

*Abafite ibibazo kuri uyu mushinga wo kujya gukorera politiki mu Rwanda bazahabwa umwanya wo kubaza kandi bahabwe ibisubizo bikwiye.

*Abifuza gufatanya natwe urugendo rugana i Rwanda nabo bazaze twumvikane kuri iyo gahunda y’ingirakamaro.

Mwese murararitswe ngo buri wese atange umusanzu we wo gushyigikira impinduka nziza isonzewe n’Abanyarwanda benshi cyane.

Nta wundi ubitubereyemo.

Bikorewe i Paris kuwa 12 Nyakanga (7) 2016.

logo-300x135

Chaste GAHUNDE,
Umunyamabanga nshingwabikorwa, ISHEMA ry’u Rwanda
Email:chaste.gahunde@gmail.com
Tél :00 33 64 36 01 311

Jean Damascene NTAGANZWA,
Visi-Perezida wa UDFR-IHAMYE
Email: ntaganzwa2001@yahoo.fr
Tél : 00 31 6 20 92 52 49

Abdallah AKISHURI,
Perezida wa FPP-URUKATSA
Email:amacumu.acanye@gmail.com
Tél: 00 33 7 58 17 30 72

KUJYA GUKORERA POLITIKI MU RWANDA: Umukandida wa Opozisiyo Padiri Thomas Nahimana n’ intumwa ayoboye bakiriwe n’Ubuyobozi bwa COMMONWEALTH.

 

Commonwealth delegation

1. Nyuma y’ingendo z’ingirakamaro zakorewe mu bihugu bya Australia, Leta zunze ubumwe z’Amerika na Canada ndetse no mu muryango w’ubumwe bw’ibihugu by’Uburayi, Nyakubahwa Padiri Thomas Nahimana, umukandida wa Opozisiyo mu matora ya Perezida wa Repubulika azaba mu 2017, hamwe n’intumwa ayobowe bakiriwe n’Ubunyamabanga bw’Umuryango wa Commonwealth, kuri uyu wa mbere taliki ya 4 Nyakanga 2016.

2. Muri uru ruzinduko bakoreye i Londres mu Bwongereza, guhera taliki ya 3 kugeza ku ya 5 Nyakanga 2016, Nyakubahwa Padiri Thomas Nahimana yari aherekejwe na Délégation y’abarwanashyaka batandatu bahagarariye Ishyaka ISHEMA na Coalition ya Nouvelle Génération.

3.Impamvu nyamukuru yagenzaga aba Bataripfana ni ugusobanurira byimbitse ubuyobozi bwa Commonwealth ibibazo bikomeye bihangayikishije abaturage muri iki gihe cyana cyane urubyiruko bikanabuza Demokarasi gutera imbere mu Rwanda, bikaba bishingiye ahanini ku miyoborere mibi y’Abategetsi b’igihugu bakomoka mu Ishyaka rukumbi rya FPR n’abambari baryo batagihisha ko bashaka kwihambira ku butegetsi ubuziraherezo hagamijwe gukomeza kwikubira ibyiza byose by’igihugu.

4.Indi ngingo ibiganiro byibanzeho ni iyerekeye amatora y’ Umukuru w’igihugu n’ay’ Intumwazarubanda ateganyijwe mu mwaka w’2017 n’uw’2018, Ishyaka ISHEMA ry’u Rwanda rikaba ryarafashe umwanzuro udakuka wo kuzayagiramo uruhare. Hasobanuwe inzitizi zose Ishyaka rya FPR Inkotanyi rigenda rishyiraho hagamijwe cyane cyane kubangamira no kwigizayo abakandida nyakuri ba Opozisiyo.

5.Bashyikirije ubuyobozi bwa Commonwealth ingingo z’ingenzi zubakiyeho Umushinga wa politiki witwa  » Together to modernize Rwanda » (Kunga Abanyarwanda kugira ngo bafatanye kwiyubakira u Rwanda-moderne »; Rassembler pour moderniser le Rwanda ) umukandida Padiri Thomas Nahimana ateganya gushyikiriza Abanyarwanda mu minsi ya vuba aha.

6.Reka twibutse ko U Rwanda rwinjiye mu muryango wa Commonwealth mu mwaka w’2009, Leta ya Paul Kagame ikaba yari yijeje uwo muryango ko izakora ibishoboka byose, igashingira imiyoborere y’igihugu ku mahame n’indangagaciro z’uwo muryango arizo Demokarasi (Democracy) imiyoborere myiza ( Good governance), igihugu kigendera ku mategeko abereye abenegihugu ( Rule of law), kubaha uburenganzira bw’ikiremwamuntu (Human rights), n’iterambere rirambye kandi risaranganyijwe ( Social and economic development).

7.Nyakubahwa Padiri Thomas Nahimana na Delegation bajyanye mu butumwa barashimira babikuye ku mutima Abayobozi bakuru ba Commonwealth ku kuba babakiriye neza, bakabatega amatwi, bakaganira mu mutuzo no mu bwubahane.

Harakabaho ISHEMA ry’u Rwanda na Nouvelle Génération,

Harakabaho Repubulika y’u Rwanda,

Harakabaho umuryango wa COMMONWEALTH

logo-300x135commomwealth logo