Opozisiyo yambuwe uburenganzira bwo gutora: Nimuhaguruke twange Agasuzuguro k’Inkotanyi n’Intore!

Leave a reply

20151217_151751

1.Nk’uko twari twabitangaje ejobundi hashize , uyu munsi twagiye i Paris kuri  Ambassade y ’ u Rwanda  tujyanywe no gutora  OYA  !

Twahageze saa cyenda.  Twavuganye n’abapolisi b’Abafaransa bari bashinzwe kurinda umutekano  hanyuma tugana ku rugi  rwa Ambasade turakomanga.  Umupolisi yabwiye uwari uje gukingura ati « uyu ni umuyobozi w’ ishyaka rya Opozisiyo uje gutora »  undi mbona arikanze ! Twavuze abo  turibo  ni uko umukozi wa Ambasade watwakiriye n ‘ agasuzuguro kenshi atubwira ko tudashobora kwinjira  ! Twerekanye ibyangombwa  ko turi Abanyarwanda biba iby’ubusa. Uwo mukozi w’Ambasade  ( ubutaha tuzabagezaho inkuru yihariye imwerekeyeho) yambwiye ngo  ntabwo ndi kuri liste,  icyakora iyo liste ntayo yatweretse, ntayo yari afite, yewe nta n’ubwo yagombye kujya kuyirebaho !  Ngo abagomba gutora abazi mu mu mutwe ! Yasaga n’ushaka kunyumvisha ko hatora gusa abo we yishakiye !

20151217_151553

2.Namwibukije ko Ambassade ari iy’Abanyarwanda  bose  ko nta burenganzira afite bwo kumpeza hanze,  yanga kuva ku izima.

Twateranye amagambo nk’iminota irindwi  kuko byabaye ngombwa ko mubwira ko bakwiye  kureka Agasuzuguro bagaragariza rubanda kandi ko politiki yo gucamo Abanyarwanda ibice  , bamwe bakitwa beza abandi bakagirwa abanzi  b igihugu ari mbi cyane kandi ko  abayishyiditse amaherezo bazabiryozwa.

3.Namubwiye ko turambiwe  ubutegetsi bwabo bw’igitugu n’iterabwoba kandi ko umunsi ibintu byahindutse abakozi ba Leta bakora nabi  nka we bose  tuzabasezerera.

4. Abapolisi b ‘Abafaransa babikurikiraniraga hafi bumiwe, nabo biboneye ko amatora ya  FPR-INKOTANYI ari ukurimanganya gusa,  ko demokarasi iheza Opozisiyo hanze y ‘urugi ari umwimerere(Marque déposée ) wa  Paul  Kagame n ‘Agatsiko ke!!!!

5. Ubwo kandi abandi Banyarwanda bari bajyanye na  Bwana Ntaganzwa  Jean  Damascene, Visi Prezida  wa muri  UDFR -Ihamye,  nabo bangiwe kwinjira muri Ambasade  y’u  Rwanda mu  Buholandi , babujijwe gutora bazira ko ari abo muri  Opozisiyo.

6. Amakuru atugeraho avuye mu  Rwanda nayo atubxira ko abaturage batawe ku munigo ngo uzatora OYA ejo azabona ishyano.  Mbese umwenegihugu wese utemeye gusenga « IKIGIRWAMANA KAGAME  » nta mwanya agifite mu Rwanda ! Ishyano riragwira pe!

ISOMO

7. Itora ni uburenganzira  bukomeye rubanda idakwiye kwitesha kuko byasa no kwikura mu kibuga! Twibuke ko hari abarwaniye ubwo burenganzira ndetse bakamena n ‘ amaraso yabo. Kwigumira mu rugo ntujye gutora  ni ugutiza umwanzi ingufu, mbese bingana no kumuha IJWI.

8.Agasuzuguro  Intore n’Inkotanyi  bagaragariza Abanyarwanda  ntikakiri  ako  kwihanganirwa.  Bageze rwose aho bumva ko aribo  Benegihugu  bonyine abandi twese tukaba turi  nk’imbeba mu maso yabo!  Ibi rero  bijyanye  na gahunda  barimo  yo  kudutsindagira ku ngufu ikintu cyenda gusa n’Itegekonshinga rigira  Kagame ikigirwamana ngo kuko ari we wenyine ushoboye kuyobora u  Rwanda, bityo akaba agomba gusinyirwa n’abo yakuyemo umutima kugira ngo agirwe Perezida uzakurwaho n’urupfu gusa!

9. Mu by’ukuri kiriya kintu bariho badutsindagira  si itegekonshinga ahubwo ni  « Charte de la  tyrannie ». Nicyemezwa u Rwanda nta Tegeko Nshinga ruzaba rugifite !

10. Ndahamagarira Abanyarwanda gutsinda  ipfunwe n ‘ ubwoba tugahagurukira kurwanya  iki gitugu kidasazwe cy’ Intore  n ‘ Inkotanyi, mu nzira zose zishoboka.  Ntidushobora gukomeza kubika umutwe  nk’ibihwagari imbere  y ’ akarengane  n ‘ Agasuzuguro  kangana gatya. U Rwanda ntirukeneye umutegetsi w’umwicanyi  nka Paul Kagame , uhindukira akigira n’ Ikigirwamana. Abanyarwanda bakeneye Leta ibafasha gusubiza umutima mu gitereko kugira ngo babone imbaraga zo gutekereza ibikorwa byabateza imbere.

11.Banyarwandakazi, Banyarwanda,  ushaka inka aryama nkazo : uburenganzira  buraharanirwa ! Niba mudahagurutse ngo twange agasuzuguro  turi benshi, nimukenyere mwisubirire mu buja n’ubugaragu kuko nyine  uwigize agatebo ayora ivu!

Gusa impinduka njye ndayibona ngiyi yaje kandi Kagame  n’Agatsiko ke ntibagishoboye kuyikumira ! Kanguka utange umuganda wawe.

 

Padiri Thomas Nahimana,

Umukandida w’Ishema na Nouvelle Generation  mu matora ya Perezida yo mu 2017.

Un référendum controversé au Rwanda

Leave a reply

Jeudi et vendredi, les Rwandais vont se prononcer sur une modification de la constitution. Une manoeuvre du président Kagame? L’opposition dénonce un manque de débat démocratique.

Ruanda Verfassungsreferendum Anweisungen zum Ausfüllen des Stimmzettels

La consultation populaire va durer deux jours au Rwanda. C’est demain et vendredi que se tiendra le référendum sur les modifications de la constitution. Le parti au pouvoir espère une large victoire du « oui », afin de permettre au président Paul Kagame de briguer un troisième mandat en 2017 – ce que la constitution actuelle ne lui permet pas. L’opposition, elle, dénonce une manœuvre destinée à empêcher l’alternance politique.

Pétition quasi-obligatoire

Plus de 3 millions et demi de Rwandais ont signé il y a quelques mois la pétition lancée par la mouvance présidentielle, pour réclamer la modification de la loi fondamentale. Pour le parti de Paul Kagame, c’est la promesse d’une victoire écrasante du « oui », par la volonté du peuple. Parmi les dispositions les plus importantes contenues dans le projet soumis à référendum, il y a la possibilité faite au président de faire jusqu’à cinq mandats d’affilée. Paul Kagame pourrait donc se représenter pour un nouveau septennat en 2017, briguer ensuite encore trois mandats de cinq ans et ainsi cumuler 31 ans à la tête du pays.

Karikatur des DW-Zeichners Said Michael Le caricaturiste Said Michael se fait l’écho des craintes au sein de l’opposition et à l’étranger, sur les ambitions du président Kagame

Le hic, c’est que la campagne a été entièrement orchestrée par le pouvoir, d’après ce journaliste, Gonza Muganwa :

« Le référendum ne sera pas une véritable décision politique du peuple. Officiellement, il n’y a pas de voix discordante. Le parti au pouvoir et ses alliés dominent totalement le paysage politique. »

La chef de la diplomatie européenne, Federica Mogherini a aussi mis en garde début décembre contre la modification d’articles pour les besoins d’un seul individu, qui affaiblirait la crédibilité de la réforme constitutionnelle. Les Rwandais qui sont contre la modification de la constitution préfèrent s’exprimer de façon anonyme, comme ceux-ci:

« Nous n’osons rien dire car ça mettrait notre vie en danger. Des gens ont déjà été emprisonnés, persécutés ou ont tout bonnement disparu. »

« Kagame a dit qu’il ne se présenterait que deux fois. Ce vote est un mensonge. »

Une opposition désenchantée

Le Parti Vert démocratique, seul parti d’opposition indépendant, a pris la tête de la contestation du référendum. Il réclame l’alternance, à la fin du mandat de Paul Kagame, en 2017. Sa plainte devant la cour suprême pour faire annuler le référendum a échoué. Carine Maombi, des Verts, regrette que la date du scrutin n’ait ensuite été confirmée qu’il y a une semaine. Les campagnes de sensibilisation à la modification de la constitution se sont ainsi déroulées sans débat contradictoire.

Par ailleurs, de nombreux Rwandais sont favorables au maintien de Paul Kagame à la présidence. D’une part en raison de la période de croissance économique qui a suivi le génocide de 1994, mais aussi parce que le président n’a pas préparé son éventuelle succession. Pour l’heure, en face de lui non plus, il n’y a pas de rival capable de lui tenir tête aux prochaines élections.

Source: http://www.dw.com/fr/un-r%C3%A9f%C3%A9rendum-controvers%C3%A9-au-rwanda/a-18921817

News Flash: Kigali arrest opponents against the third term!

Leave a reply

According to Boniface Twagirimana , one of the leaders of FDU Inkingi in Kigali, two men commissioned by the political parties FDU- Inkingi, PS Imberakuri and PDP Imanzi, were arrested this afternoon at the office of prime minister where they went to submit a request to conduct peaceful picket against the upcoming referendum.

The duo-Jean Marie Vianne Kayumba (PDP Imanzi) and Twagirayezu Fabien ( FDU-Inkingi) are up to now held in unknown place  by the members of presidential guard unit in charge of the prime minister’s security.

Tensions have been increasing since the government announced that the referendum on the amended constitution  will take place in less that 10 days, that is on December 18th, 2015. This decision is viewed as a an additional manoeuvre to rig the vote in favour of Kagame. Members of the opposition have been mobilising for a “no” vote and possible demonstrations.

More to come…

FPR ko wiruka nk’ukurikiwe bite?

1 Reply

kagame-yiruka

Nyamara Umunyarwanda yaciye umugani ngo iyihuse ibyara ibihumye! Gusa icyo nkundira amateka ni uko amenya guhemba buri wese akurikije ibyo yakoze ndetse rimwe na rimwe akamugerekeraho ...NDLR.

Kagame yavuze ko azafata icyemezo nyuma y’ikinamico ya referendum! Ariko birashoboka cyane ko byose bigenze uko babiteganya, Kagame azakomeza kujijisha kugeza icyumweru kimwe mbere y’amatora yo muri 2017. Aha rero umuntu yakwibaza ati “none barirukanswa n’iki?

Igisubizo nta handi kiri uretse politique yo mu karere.

Kagame ntabwo ashaka kuza ari inyongera mu myitwarire anti-democratique ya bamwe mu bakuru b’ibihugu bo mu karere kuko yasanga isura mbi ijyana n’iyo myitwarire yararangije kumudoderwa bityo bikaba byamugora kuyivanaho.

Ku ruhande rumwe Kagame yakoze uko ashoboye kugirango arokokore isura ye imbere y’ibibera mu Burundi. Ni byo bya bindi bya “ Hey look at me, I’m different…Nkurunziza ntabwo akunzwe n’abaturage naho njyewe ni bo bansaba kugumaho”.

Ariko nyamara ushyize izindi details ku ruhande indorerezi z’amatora mu Burundi si byo zabonye kandi abaturage batoye mu mucyo nta gahato ugereranyije n’uumuhango witirirwa amatora ukorwa mu Rwanda.

Ubu igisigaye ni ugutera rwaserera mu Burundi bakora uko bashoboye buri munsi hakaboneka umurambo wo kwerekana muri Media ngo “byaciste naho twebwe umutekano ni wose”, n’ubwo bashimuta abatavuga rumwe na bo rwihishwa bikanga bikamenyekana.

Ku rundi ruhande hari igihugu cya Congo (RDC). Uko bizagenda muri Congo magingo aya nta we ubifitiye gihamya FPR irimo. Ikigaragara ni uko bishobora ku defavolisant FPR haba mu karere cyangwa mu mahanga. Ikindi kandi nta gushidikanya mu mezi ari imbere ibya RDC bizatangira gushyuha. Aho rero ni ho FPR yagize iti ‘ibyo byose bigomba kuza twe ibyacu tubigeze kure kuko nibwo byatworohera ku gerageza kurokora isura”, wenda na ho babona uko bakora za parallismes bishyira.
Ntabwo ari ku busa iyo kinamico ya referendum ikorwa mu minsi mike mbere y’iminsi mikuru aho bishoboka ko benshi barangariye mu bindi kandi bigakorwa mbere yuko umwaka urangira ngo bagerageze gufata distance n’ibizaba mu mwaka wa 2016.

Igisigaye ni ukureba niba izo maneuvres zikozwe hutihuti nta gutekereza bacungana n’ibihe abandi barangaye, zizatanga results bifuza.

  • Ese credibility ifite ngufu ki muri ayo macenga yose?

  • Ese kwitanguranwa biruta kuba barategereje gukina ku munota wa nyuma?

Kagame yatumenyereje ko akora ibyo ashaste ubundi agasigara ahangana na consequences. Byose bizaterwa n’uburemere bw’izo consequences haba kubanyarwanda, haba ku baturanyi, haba ku banyamahanga, haba kuri FPR ubwayo, haba mbere ya 2017 cyangwa nyuma se na yayo.

Kasinge C. Nadine

Kamarampaka: Nimucyo dutangire revolisiyo yacu, amakiriro yacu.

Leave a reply

image_abbé-300x300

Ni koko Abaturage nibo bafite urufunguzo rw’impinduka mu Rwanda. Paul Kagame n’agatsiko ayoboye bameze nk’uwo munyagitugu uhagaze ku rubaho narwo ruhagaritswe na rubanda. Uko byamera kose umuturage navuga “NO” nta kizatubuza gukoresha ya mvugo y’abakuru ngo “agahuru k’imbwa karahiye”!

Twanze gukomeza kuba abacakara

Ubwo Paul Kagame akomeje gukoresha inzego z’iterabwoba n’ubwikanyize asanganywe ngo abantu batore bemeza ko azaba  perezida ubuziraherezo, bisobanuye ko yarangije gufata icyemezo cyo gukomeza gutegekesha igitugu n’iterabwoba. Yerekanye ko amarira y’abo yagize impfubyi n’abapfakazi ntacyo amubwiye. Nitumenye neza ko akaga k’abamaze imyaka irenga 20 bafungiye icyaha Paul Kagame n’Agatsiko ke bakoze kagikomeza. Biragaragaye ko Agatsiko katiteguye koroshya ingoyi kazirikishije Abenegihugu, ndetse ahubwo ko kiteguye kuyikaza kurushaho. Biragaragaye ko Paul Kagame afata Abanyarwanda nk’ « IBIGORYI, AMASAZI, IBIKERI, UMWANDA, IBIGARASHA BICITSE, IMBURAMUKORO… nk’uko n’ubundi adahwema kubivugira mu mbwirwaruhame !

ubu rero Abanyarwanda bageze mu mayira abiri :Guhitamo ubwigenge cyangwa se guhitamo inzira yo kuba abacakara bidasubirwaho.Turamutse twicecekeye ntitugire icyo dukora, tuzaba duhisemo guhamba uburenganzira bwose bw’abenegihugu maze dusinyire kuba ingaruzwamuheto izuba riva, duture mu gihugu cyacu nk’aho turi Abanyamahanga cyangwa Abajyanwabunyago. Abanyarwanda bazakora, Agatsiko karye ; abana babo bicwe n’inzara, Agatsiko kamena ibiryo kubera umurengwe. Guhera ubu Paul Kagame n’Agatsiko ke bafunguriye ABARWANASHYAKA bashaka ko ibintu bihinduka inzira yo kwerekana icyo bahisemo : Ni INZIRA Y’IMYIGARGAMBYO IDAHUTAZA.

Bazahaguruka batobore bavuge ko banze kubaho batariho, ko barambiwe iyicwarubozo Agatsiko kadahwema kubakorera, ko bashaka UBWIGENGE, ko Agatsiko nikadahindura imvugo n’ingiro, biteguye GUHANGANA nako. Koko rero « la résistance contre l’oppression », ni uburenganzira umuntu wese avukana. Nta munyarwanda wavukiye kuba umucakara no gukomeza kubaho nk’imfungwa mu gihugu cye cyitwa ko cyigenga. Amahanga arabyumva cyane, amaso y’isi yose yerekejwe mu Rwanda.

Ibitekerezo-shingiro biyobora imyigaragambyo

Imyigaragambyo idahutaza iyoborwa n’ibitekerezo-shingiro ( principes) bibiri :

  • Kwanga gutiza umurindi umugizi wa nabi (le principe de la non-coopération)

Umunyagitugu nta yandi maboko agira uretse ayo abaturage atoteza bamutiza. Abaturage ni bo ubwabo batiza umunyagitugu ikiboko abakubitisha, bakamuha n’amafaranga agura amasasu akoresha abarasa. Agatsiko kayoboye Urwanda nta zindi ngufu na mba kagira abaturage baramutse bafashe umugambi wo kwanga kugira uruhare mu byemezo gafata birenganya rubanda. None se abo Agatsiko gakoresha mu kurasa ababyeyi, si abana babo ? Abo Agatsiko gakoresha baca imanza zirenganya abacu, si abagore n’abagabo bacu ? Abo Agatsiko gakoresha bambura abaturage amasambu yabo n’imitungo yabo, si abaturanyi bacu ? Iyo Agatsiko kibereye mu maraha, kabyina mu tubari, gatembera mu mahanga, si twe dukora akazi kose ko kubaka igihugu no gushaka amafaranga Agatsiko kazarihira abana bako mu mashuri yo mu Bulayi, nyamara abacu ntibashobore gufashwa ngo bige kaminuza ?

Ibyo byose bisobanura iki ? Abaturage baramutse banze gutanga umuganda wabo ngo Leta mpotozi ikunde ihirime, babigeraho mu minsi itarenze 30, bitagombeye imirwano ivusha amaraso !

  • Kwiyemeza gusuzugura ibyemezo bya Leta irenganya abaturage bayo (le principe de la désobéissance civile).

Burya rero Leta igira ireme ari uko abaturage bayemera bikabatera kuyumvira. Leta nayo iba ifite inshingano y’ibanze yo gutabara abaturage no kubarindira umutekano (schéma protection-obéissance). Iyo Leta nk’iyobora Urwanda guhera mu 1994 itagishoboye kurengera abaturage ahubwo akaba ariyo ihungabanya umutekano wabo, ikabafungira ubusa, ikabambura ibyabo, ikabicira ubusa,…iba igomba kuvaho kuko abaturage baba batakiyifitiye icyizere ndetse bakaba bashobora kurekera aho kuyumvira. Icyo gihe icyitwaga Leta kiba gihinduye isura, kiba kibaye Agaco k’abajura n’abicanyi. Abaturage bahinduka nk’intama ziragiwe n’ikirura, cyica iyo gishatse n’igihe kibishakiye ! Abo baturage baba bateye agahinda : iyo umaze kubona neza ko uwakakuvugiye, uwakakurengeye ,uwakagutabaye agaruka akaba ariwe ukurenganya, uguterera ku ngoyi, ugutabika ; uwakaguhumurije akaba ari we ugutera ubwoba, wabyitwaramo ute ? Biteye agahinda gusa. Nyamara niho Urwanda rugeze. Abenegihugu nibadahaguruka ngo bo ubwabo birwaneho, ibyabo bizaba birangiye, kandi bazaba bizize. None se uwiyishe araririrwa ?

Dore bimwe mu bikorwa abaturage bashobora gukora kugira ngo bereke Leta ko nitarekera aho kubarenganya, bazahaguruka bakayikuraho.

Imyigaragambyo izabera mu migi no mu cyaro

1.Urugendo rutuje (marche pacifique).

Ubusanzwe urugendo nk’uru rubera mu migi minini aho abanyamakuru bashobora gukurikirana ibiri gukorwa kandi bagafata n’amafoto bereka amahanga. Umwihariko wo mu Rwanda ni uko uru rugendo rutazabera mu mugi wa Kigali gusa. Ruzabera mu mirenge yose kuko ikibazo cy’Ubutegetsi bwa Paul kagame n’Agatsiko ke bubangamiye Abanyarwanda bushinze imizi iwacu mu murenge. Benshi mu baturage b’i Rwanda ntibarabona Kagame mu maso, ntibazi n’amazina y’abagize Agatsiko kabatagangaje gakorera i Kigali. Nyamara hari icyo bazi : bazi neza amazina y’abakorera Agatsiko ku murenge wabo. Aha hari ibanga rya politiki rikomeye.

Agatsiko mu mikorere yako, kaba muri buri minisiteri n’ibigo bya Leta, mu ngabo z’igihugu, no mu zindi nzego zose z’ubuzima bw’igihugu. Gakorera ku Ntara no ku Karere. By’umwihariko, Agatsiko kegerejwe abaturage, ku Murenge. Usanga naho hari abantu batarenze 8, bashinzwe gushyira mu bikorwa ibyo Agatsiko kari i Kigali kabategetse byose bigamije kurenganya abaturage. Mu by’ukuri abo bantu 8 bo ku Murenge nibo baboshye abaturage bidasubirwaho kuko baba bazi buri muturage wese mu izina rye.

Ni iki cyerekana umuntu uri mu gatsiko ko ku Murenge ?

*Ni wawundi utanga amakuru y’ibyabaye byose mu murenge ndetse akajya yongeramo n’amakabyankuru no kubeshyera abaturage kugira ngo ashimwe n’Agatsiko ko akora neza.

*Ni wawundi wabwiraga inteko y’urukiko Gacaca icyemezo kigomba gufatwa, kitagize aho gihuriye n’amategeko ahubwo kigamije kurenganya umuturage nk’uko Agatsiko gakuru kaba kabyifuza.

*Ni wawundi abaturage bose batinya ko ashobora kubafatira ibyemezo bagafungwa batagira icyaha.

*Ni wa wundi ushinzwe kubaca amafaranga y’umusanzu wa FPR, ay’ikigega Agaciro…akabyongeramo ubukana bwinshi atitaye ku marira y’umuturage waraye inzara.

*Ni wawundi abaturage bazi neza ko ari we “l’homme fort” (igikonyozi) wo mu Murenge, wikorera ibyo yishakiye, abaturage bakamugenera amakoro n’inyoroshyo z’amoko menshi kugira ngo barebe ko bwacya kabiri, ubutegetsi bw’Agatsiko ntibugire icyo bumutwara kabone n’aho yakwica umuturage amuhora ubusa.

Bene abo turabazi neza, mu mazina yabo bwite. Abo rero nibo MWANZI nyakuri w’Abenegihugu ku rwego rw’Umurenge. Abo nibo ba mbere tuzahangana nabo nibiba ngombwa. Ariko mbere yo kubahangara, tuzabanza dutinyuke tubabwire ko igihe kigeze cyo gushyira mu bikorwa ziriya ngingo 12 zigamije kuzahura igihugu no gusubiza inyabutatu nyarwanda icyizere cyo kubaho tubanye mu mahoro.

Abaturage bazahurira ahantu bumvikanyeho maze bakore urugendo rugana ku biro by’Umurenge wabo. Bazitwaza ibyapa byanditseho ko badashaka guhora baragijwe imbunda nk’ibisimba, ko banze ko itegekonshinga rihindurwa hagamijwe inyungu z’umuntu mwe gusa, ko banze ko Agatsiko gakomeza gusahura umutungo w’igihugu konyine, ko bamaganye ifungwa ry’abanyaporiki batavuga rumwe n’Agatsiko… mbese byamagana akarengane bagirirwa n’icyifuzo bafite cyo kubaka igihugu cy’amahoro.

  1. Sit’in

Abaturage bazahurira imbere y’ibiro by’Umurenge wabo ku isaha bumvikanyeho. Bazahicara maze babuze abakozi b’umurenge kwinjira mu biro. Umunsi nuca ikibu, abaturage bazataha, nibucya bongere bagaruke mu gitondo…. bityo bityo kugeza igihe Paul Kagame n’Agatsiko ke bazaba biyemeje kwemera inzira y’impinduramatwara itavusha andi maraso.

Guhagarika akazi

  1. Kwanga kujya ku mirimo itiza Leta y’Agatsiko umurindi

(1)Abarimu bazahagarika gusubira mu ishuri kwigisha

Akarengane abarimu bagirirwa n’Agatsiko gateye isoni. Nibo bakozi basabwa kwitangira umurimo wabo amasaha 20 kuri 24, nyamara bagasuzugurwa, bakimwa ibikoresho n’imfashanyigisho, bagahembwa intica ntikize. Nyamara Abamotsi b’Agatsiko batagize icyo bamariye rubanda bagahembwa amamiliyoni buri kwezi. Abarimu bagomba kugira uruhare rugaragara mu mpinduramatwara dutegereje. Barajijutse, babona neza akarengane kariho. Nibo bagomba gufata iyambere mu guhumura amaso y’abandi benegihugu. Bahagaritse kwigisha iminsi 30 gusa, atari uko banze kurera abana b’igihugu, ahubwo ari uko bagamije kubaraga Urwanda ruzira akarengane n’umwiryane, Leta y’Agatsiko yaba yacyuye igihe ! Ni ngombwa rwose ko abarimu bumva ko bafite izi ngufu zirusha ubumara umuriro w’ibifaru bya Paul kagame n’Agatsiko ke.

(2) Abacuruzi bazafunga amangazini yabo, amasoko ntareme

Igishishikaza Paul Kagame n’Agatsiko ke mbere ya byose ni amafaranga binjiza ku makonti yabo buri munsi. Turetse kwitabira amasoko iminsi 30 gusa, agatsiko twaba tugashegeshe kuko byaba bigaragara ko ubuzima bwahagaze mu gihugu. Amahanga yamenya ko mu Rwanda hari ikibazo gikomeye koko, akadufasha kubona igisubizo cy’Agatsiko kigize indakoreka.

(3)Abatwara abagenzi bazahagarika akazi

Ngaho nawe tekereza iminota ibiri gusa uko igihugu cyaba cyifashe, taxi zose, bisi zose … ziramutse zihagaritse kugenda iminsi 8 yonyine ! Amasosiyete y’Agatsiko atwara abagenzi yahomba, ubuzima bwagahagarara, ubugome n’amanyanga by’Agatsiko bikaba bigiye ahabona !

Bene ibi bikorwa n’ibindi nka byo (urugero : nk’ubu twanze kongera kugura amazi yitwa Inyange kuko ari ubucuruzi bukiza Agatsiko gusa !) byose ni intangiriro nziza yo gukemura ibibazo amaraso atamenetse. Gusa ibyo byose bisaba ko abenegihugu bumva impamvu twagomba kugira ibyo twigomwa, nko kwigora tukagenda n’amaguru iminsi mike, imodoka zabo tukazireka ; nko kwemera kudahembwa ukwezi kumwe ariko nyuma tukazagenerwa umushara ukwiye ; kwemera kudacuruza icyumweru kimwe ariko ubutaha tukazafungura amangazini yacu Rwanda Revenue (Rwange uruvemo) itakiduhagaze hejuru, n’ibindi. Biradusaba twese abenegihugu kureba kure, « ntawe usarura icyo atabibye », kandi ngo « ushaka inka aryama nkazo ». Hatagize abemera kwitanga, ntacyo twageraho gifite agaciro kandi kikazakagilrira n’abana bacu mu myaka iri imbere.

Agatsiko kazabyitwaramo gate ?

Abanyarwanda nibahagurukira kwerekana ko barambiwe politiki mpotozi ya Kagame, Agatsiko kazahitamo imwe muri izi nzira 2 zikurikira :

(1) Paul Kagame n’Agatsiko ke bazicara batekereze, bagishe umutima inama, maze bacishe make bemere impinduka mu gihugu. Bazabona neza ko babifitemo inyungu nyinshi nko kubabarirwa ibyaha bikomeye bakoreye Abanyarwanda no kudakurikiranwa n’inkiko. Nibahitamo iyo nzira, bizaba ari mahire. Urwanda ruziruhutsa rutangire inzira y’iterambere rirambye kandi Abanyagihugu bose bibonamo.

(2)Agatsiko gashobora kuzahitamo kwerekana ko katemera impinduka, ko gakomeje gahunda yo kuyobora igihugu mu nyungu zako gusa. Icyo gihe kazafata ibyemezo bihubutse nk’uko gasanzwe kabigenza. Kazashaka gukora ibikorwa by’iterabwoba. Kazohereza ingabo zigakomeyeho ngo zijye kwirukana abaturage ku ngufu no gusesa imyigaragambyo. Kazakubita, kazafunga bamwe, kazatera amagerenade rwihishwa, yenda kazakoresha imbunda karase, KAMENE AMARASO y’abaturage , bamwe muri bo bahasige ubuzima. Nibigenda bityo, Paul Kagame n’Agatsiko ke bazaba bafunguriye abenegihugu inzira ya nyuma  ariyo twakwita INTAMBARA y’ISOZABUNYAGO. Ibizakurikiraho, Paul Kagame n’Agatsiko ke bazabe aribo bonyine babibazwa.

Biracyaza…

Ababyeyi ba Prof Anastase Shyaka utekinikira FPR bari baguye mu buroko habura gato!

Leave a reply

shyakaProf. Shyaka Anastase ni Umuyobozi Mukuru (CEO) w’Ikigo cy’Igihugu Gishinzwe Imiyoborere (Rwanda Governance Board). Afite impamyabumenyi y’ikirenga mu bya Politiki, akagira n’impamyabushobozi ihanitse mu bya tekiniki. Arubatse, afite umugore n’abana batatu

Uyu mugabo n’ubwo tutashidikanya ko ari umunyabwenge bwa bundi biga mu mashuri ariko umuntu yakwibaza impamvu yitandukanya n’ubwenge maze akaba ariwe usa nk’uri imbere mu guhuza ibikorwa by’itekinika rigamije kwimika Paul Kagame nk’umwami w’u Rwanda.

Nta gihe gishize se na sewabo ba Anastase Shyaka barekuwe nyuma yo gufungwa igihe kitari gito bashinjwa Genocide, hari amakuru yemeza ko baziraga akarengane n’inzangano harimo no kugirana ubucuti n’abantu bari bakomeye mu butegetsi bwa Perezida Habyalimana, nka ba Col Aloys Nsekarije n’abandi…

Bivugwa ko mu ntambara ya 1990, nyina wa Shyaka w’umuhimakazi yahungiye i Bugande naho ise agasigara mu Rwanda aho bari batuye mu Mutara.

Mu minsi yashize igihe Guverinoma yahindurwaga Ministre James Musoni wishakiraga kujya muri Ministeri y’ibikorwa-remezo kuko ari yo irimo agafaranga yifuzaga ko Prof Shyaka amusimbura muri Ministeri y’ubutegetsi bw’igihugu ariko Tito Rutaremara na Francois Ngarambe (umunyamabanga mukuru wa FPR) barabyanze kubera impamvu z’ubwoko ndetse bahitamo Francis Kaboneka wari umaze iminsi akorana na Francois Ngarambe mu bunyamabanga bwa FPR.

Biravugwa ko Prof Shyaka narangiza iki kivi cyo gutekinika arimo ashobora guhembwa umwanya wa politiki wisumbuyeho muri Guverinoma cyangwa muri Sena kuko ngo yagaragaje kubaha no kutazuyaza gukora ibyo ategetswe byose.

Si Prof Shyaka wenyine kuko hari benshi urugero twatanga rundi ni Minisitiri w’Urubyiruko Jean Philbert Nsengimana, mu 2002 se wa Ministre Nsengimana akaba yaraguye muri Gereza ku Kibuye aho yari afungiye aregwa icyaha cya Genocide.

N'ubwo Ministre Nsengimana avuga ko kimwe mu bintu byamubabaje harimo urupfu rwa Se ntabwo bimubuza kubyina Kamucerenge yishimira imbehe bamutije nk'inshumbusho!


ISHEMA PARTY : Notre fructueuse visite en Australie.

Leave a reply

20151111_022433

LE CANDIDAT DU PARTI ISHEMA AUX ELECTIONS RWANDAISES DE 2017 TERMINE SA TOURNÉE AUSTRALIENNE

Le Parti Ishema a pris une décision sans recul : rentrer au Rwanda pour travailler main dans la main avec tous les Rwandais, pour déraciner le pouvoir dictatorial de Kagame, et restaurer l’Etat de droit. La situation sociopolitique du pays comporte une urgence non ajournable : combattre  le mensonge institutionnalisé ; le terrorisme érigé en système de gouvernement  ; l’accaparement des biens du pays par une clique criminelle sans scrupule ; le développement séparé (apartheid) entre les Rwandais sur critères ethniques et le lieu de naissance etc. Avec détermination, le Parti Ishema a fait de la lutte contre cette dictature impitoyable sa priorité. Pour ce faire, le Parti Ishema s’est fixé la date du 28 janvier comme jour J pour sa rentrée au Rwanda.

1. Préparation de la rentrée au Rwanda.

20151114_105345

Dans le cadre de cette imminente rentrée au Rwanda, le Parti Ishema porte sur son agenda de multiples visites aux quatre coins du monde pour un double objectif :

*Rencontrer la diaspora rwandaise pour un échange sur la situation du pays et les solutions à envisager .

*Concertation avec les acteurs clés de la politique internationale intéressés par  la stabilisation politique du Rwanda et de la région des Grands Lacs.

C’est dans ce cadre que les visites et rencontres à haut niveau ont eu lieu avec l’Union Européenne (juin) ; le Royaume Uni (août) ; les États-Unis (octobre) et l’Australie (novembre). Le travail de concertation internationale est long, laborieux et demande beaucoup de soutiens.

Dans ces concertations, nous insistons sur les points principaux de la crise politique rwandaise  provoquée par les  agissements du régime de terreur et dictatorial imposé par la mafia (Agatsiko) du FPR.

2. Visite en Australie.

20151111_071917

Dans notre visite du 11au 23 en Australie, un échange fructueux avec les hautes autorités du pays a été focalisés sur cinq points.

(1)Au même titre que l’Australie, le Rwanda est membre du Commonwealth, formé par les anciennes colonies britanniques. Cette organisation repose sur des idéaux clairs en faveur de la démocratie et des droits humains. Malheureusement, le pouvoir rwandais agit de façon répétitive en flagrante violation des principes fondamentaux du Commonwealth dont il est membre depuis 2009.

(2)L’Australie fut partie prenante de la force de maintien de la paix au Rwanda en 1994. Le contingent australien fut témoin du massacre des refugiés de Kibeho, massacre porté à terme par le Colonel Fred Ibingira, sous les ordres du général Paul Kagame, et qui se solda par 8000 tués , tous civils. Les militaires formant ce contingent australien ont eu le courage de dénoncer ces crimes de guerre et de maintenir active la mémoire de ces victimes innocentes.

(3)L’Australie offrit une terre d’accueil à  environ 19 milles familles de  refugiés rwandais fuyant la barbarie du FPR. Ces Rwandais ont pu, au bout d’un calvaire atroce, retrouver en l’Australie une terre de paix.

(4)L’Australie collabore au développement du Rwanda par des bourses octroyées à la jeunesse rwandaise, principalement dans le domaine de l’agriculture et de l’élevage.

(5)Le peuple australien, connaisseur des crimes du régime du FPR, a marqué ses distances avec la dictature de Kigali. Pour cela, le gouvernement australien s’est opposé à l’ouverture d’une ambassade rwandaise sur son sol. De ce fait il a mis un frein à l’insécurité que la diplomatie belliciste de Kagame sème sur son passage à la poursuite des opposants réels et imaginaires.

20151120_025734

Les autorités australienne se sont montrées réceptives et partagent nos inquiétudes. Elles se sont engagés à :

*La plaidoirie sur le déficit criant en matière des droits humains et des libertés violés constamment per le FPR.

*Soutien et appui en vue du changement pacifique au Rwanda.

*Implication pour une tenue d ‘  élections libres et pacifiques  en 2017.

 

3. Échange avec la Diaspora rwandaise vivant en Australie.

Les échanges avec les Rwandais vivant sur le sol australien, surtout dans les villes de Sydney et Perth, ont permis un dialogue de convergences sur les point suivants :

*Il est temps de mettre fin à la dictature du FPR et de rétablir la souveraineté du peuple  rwandais.

20151121_100126

*Les 2 mandats constitutionnels du président Kagame prennent fin en 2017. L’ordre constitutionnel et l’alternance politiques sont les bases d’une stabilité politique durable.

*Les tentatives d’une revision  constitutionnelle taillée sur les mesures d’un individu en la personne de Kagame portent les germes d’une instabilité aux dimensions imprévisibles.

*L’alternance et les élections de 2017 constituent une exigence non négociable.

L’objectif du Parti Ishema de pacifier  la scène politique rwandaise ne peut être atteint  sans la participation de tous les rwandais, de l’intérieur comme de l’extérieur.

La politique extérieur belliciste du régime de Kigali préoccupe à l’extrême. Plus particulièrement, l’agression flagrante contre le voisin Burundi doit s’arrêter sans délai.

20151111_072858

Remerciements.

Nos remerciements sincères vont à tous les militants et sympathisants d’Australie, particulièrement à ceux et celles de Sydney et Perth.  Le pire soutien à la dictature c’est l’indifférence, la peur et la résignation. La cause du Rwanda et des Rwandais est nôtre.

Ensemble nous vaincrons.

Vive le Rwanda

Vive la démocratie

Vive le peuple amis d’Australie.

 

Leave a reply

mandela-300x148

Nelson Mandela ati :   “Kwibohoza bitangirira mu mutwe”.

Mu kiganiro mpaka radio Itahuka yagiranye na Padiri Thomas Nahimana (taliki ya 28/11/2015), umukandida ku mwanya wa Perezida wa Repubulika mu matora ya 2017, hagarutswe ku ihinduka ry’ubutegetsi muri 1959 nk’icyitegererezo cy’ibishobora kuba mu myaka iri imbere. Hari uwahamagaye ari muri Kanada agira ati “Kayibanda kuba yarageze kuri iriya revolisiyo ni ukuba ababiligi baramurwaniye”. Umutumirwa mukuru we, Padiri Thomas, yagiraga ati umurimo wakozwe na bariya bayobozi, Kayibanda na bagenzi be, ni uwo gushimwa no gufataho icyitegererezo. Nzinduwe no kugira ngo turebere hamwe uko ubutegetsi buhirima, muri rusange, ndetse tunarebe uko ubwa cyami bwahirimye muri 1959, byadufasha kumva ibiri imbere.

1. Urugendo rwa politiki.

Mu gusobanura isano hagati ya politiki n’ubutegetsi, reka nifashije ibyanditswe n’umuhanga Jean Hakorimana, umwarimu mu gihugu cya Espagne, muri Kinyamateka numero 1852 yo muri Nyakanga 2015. Yaragize ati, “mu bumenyi bwa politiki (science politique), politiki ni igikorwa cyose gikorewe mu ruhame, kigamije guha isura imigendekere y’umuryango n’igihugu muri rusange. Ibi bivuze ko ibyo abantu bakora mu mbere bamaze kwegekaho urugi bititwa ibikorwa bya politiki, kabone n’aho byagira ingaruka mu migendekere yayo…Politiki itangira ku myumvire y’umuntu umwe cyangwa bake, bikazabyara impaka, abantu bakagenda biyegeranya bakurikije aho buri wese ahagaze, bikazakura bikabyara amashyirahamwe, amashyaka, amatora n’amategeko. Akenshi ibi by’amashyirahamwe n’amashyaka ni byo abantu bita politiki. Nyamara uru rwego rwa politiki ntirwagerwaho hatabanje ziriya ntambwe zibanza. Dufate urugero mu mateka y’Amerika. Mu myaka ya za 1960, abirabura baho ibihumbi n’agahumbagiza bigabije imihanda bamagana amategeko yabavanguraga. Nyamara imbarutso yatanzwe n’igikorwa cy’umugore umwe witwa Rosa Parks. Umunsi umwe, mu ruhame, yanze kwimukira umuzungu ku ntebe yo muri bisi, nk’uko amategeko y’ivangura yabiteganyaga”.

2. Itandukanyirizo hagati ya politiki n’ubutegetsi.

Mu kugereranya politiki n’ubutegetsi, uyu musesenguzi abigereranya mu buryo bwumvikana neza. “Ugereranyije politiki n’ubutegetsi, wavuga ko urubuga rwa politiki rugarukira ku mpaka mu bitekerezo n’ibyifuzo. Ubutegetsi bwo ni intambwe ituma umwe muri benshi bajyaga impaka yegukana ubushobozi bwo gushyiraho amategeko agenga bose. Kugira ngo bigerweho, ababona ibintu kimwe bishyira hamwe bagafata ubutegetsi mu nzira zinyuranye, yaba amatora cyangwa ingufu. Ubutegetsi ni bwo butuma ibitekerezo bihinduka amategeko, kandi ayo mategeko akagenga bose, ababyibonamo n’ababirwanya. Nyuma y’iyi ntambwe, izo mpande zombi zikomeza kugaragarira mu bari ku butegetsi n’abatavuga rumwe na bo (opozisiyo).

Aho demokarasi itaniye n’igitugu, ni uko demokarasi igena umwanya ibikererezo bitari ku butegetsi bikomeza kwigaragarizamo mu ruhame. Yemera ko ibitekerezo bitari ku butegetsi bikomeza kubyara ibikorwa bya politiki, ku buryo na byo umunsi umwe bishobora kuzagera ku butegetsi. Naho igitugu cyo, gicungira ku muryango ngo ibitekerezo bitari ku butegetsi bitabyara ibikorwa bya politiki (bitajya mu ruhame), ahubwo bigume gusa mu nzu no mu mutima wa buri wese. Nyamara igitugu ntigishobora gusiba burundu ibitekerezo badahuje. Icyo gikora gusa, ni ukubuza ko bijya ku karubanda mu nzira iyo ari yo yose, ngo bitabyara ibikorwa bya politiki. Mu yandi magambo, igitandukanya demokarasi n’igitugu, ni uko muri demokarasi, nyuma yo gutera intambwe yo gufata ubutegetsi (binyuze mu matora), politiki irakomeza. Urubuga rwo kujya impaka z’ibitekerezo ntiruhagarara. Naho mu miyoborere y’igitugu, ugeze ku butegetsi ahita afunga urubuga rwa politiki”.

3. Icya mbere kiranga ubutegetsi ni uko nta wifuza kuburekura. Ikibazo ni Inzira zo kubukomeza.

Muri kamere y’ubutegetsi, nta muntu ubufata agamije kuburekura. Ibi hari uwo byatungura, ariko reka nisobanure. Ubutegetsi bushobora kugirwa n’ishyaka cyangwa umuntu. Ishyaka riba rifite umurongo rigenderaho. Riba ryifuza ko ibyo bitekerezo byaryo byazayobora igihugu ubuziraherezo. N’iyo ubutegetsi bufitwe n’umunyagitugu, aba ashaka kuzaburaga umwana we cyangwa agatsiko ke (nk’igihe bufitwe n’itsinda rya gisirikari). Muri rusange, igitandukanya demokarasi n’igitugu ni inzira zinyurwamo mu kugumana ubutegetsi:

• Muri demokarasi, ufite ubutegetsi aharanira guhora imbere mu kugeza abaturage ku byo bashima kuko ari bo babutanga. Ikindi muri demokarasi, ushaka kuramba ku butegetsi areba inzira amategeko yateganyije. Niba wenda manda zemewe umuntu umwe ari ebyiri, agategura umukandida mushya azamamaza nyuma yazo.

• Mu butegetsi bw’igitugu ho, ubufite aburindisha intwaro kabone n’aho abaturage baba batamushaka. N’iyo hateganyijwe inzira zimuha nyirantarengwa, aca mu kigunda, mu kibunda no mu myobo ngo akunde abugumeho. Mbese nk’ibi byogeye muri Afurika byo guhindura Itegeko Nshinga.

Mu yandi magambo, muri demokarasi, uguma ku butegetsi si umuntu ni ibitekerezo. Ibitekerezo bya politiki biharanira kuguma ku butegetsi ariko abantu babisegasiye bo bakagenda bahinduka. Ikindi kiranga ubutegetsi bwa demokarasi, ni uko ubugumishwaho no kuba ari wowe ukorera abaturage kurusha abandi. Iyo habonetse ugutambutse, aragutsimbura, ugasubira kwisuganya mu myumvire n’imikorere, nyuma ukazagaruka kwiyereka abaturage. Igitugu aho gitandukaniye na demokarasi ni uko aha ho ibitekerezo atari cyo gikuru. Si ibitekerezo biharanira kuguma ku butegetsi, ahubwo ni abantu. Bashobora no kugenda bahindura ibitekerezo, igikuru ni uko bo badahinduka. Icya kabiri ni uko ikigumisha ku butegetsi atari ukurusha abandi gukorera abaturage, ni ingufu z’amoko anyuranye.

4. Icya kabiri kiranga ubutegetsi ni uko nta wishimira abatavuga rumwe na we.

Turetse no ku butegetsi bw’igitugu, no muri demokarasi nta wishimira opozisiyo. Ndetse iyo ayibonye urwaho arayisenya. Urugero rutari kure twarufatira mu Bufaransa. Ubwo Sarkozy n’ishyaka UMP bari ku butegetsi, bakoze ibishoboka byose ngo abo batavuga rumwe b’abasosiyalisti bacike intege. Barabanje ab’inkwakuzi muri bo ariko na none b’inkundarubyino nka Bernard Kushner barabiyegereza babaha imyanya, ariko banaboneraho barabacuyura muri politiki. DSK (Dominique Strauss Khan) byagaragaraga ko ashobora kuzabahagama mu matora bamushukishije kuyobora ikigega cy’imari (FMI) umutego umutsinda yo (ndavuga gupfa mu bya politiki). N’ahandi ni uko abantu batabyitaho, ubonye urwaho abo abatavuga rumwe na we ntabarebera akari urutega. Gusa muri demokarasi bikoranwa ubwenge n’uburere, nta rugomo n’amahane.

Muri make, ufite ubutegetsi burya aba afite ingufu nyinshi ku buryo ubundi abatavuga rumwe na we batahangana na we kabiri batarasenyuka. Impamvu opozisiyo ikomeza kubaho ikwiye kumvikana.

5. Kuki se opozisiyo zibaho mu gihe abafite ubutegetsi baba batazicira akari urutega.

Opozisiyo ibeshwaho n’impamvu imwe: kuko ari AMABURAKINDI. Ni ukuvuga ngo no muri demokarasi iyaba byashobokaga bayizimya burundu. Muri demokarasi, ikiyigira amaburakindi ni amategeko n’imyubakire y’inzego bihamye. Umwanya wayo uba warateganyijwe ku buryo n’uri ku butegetsi akinishije kurengera amategeko yamucura inkumbi. Yakoresha amayeri cyangwa akitwaza ukutareba kure kw’abagize opozisiyo, akaba yababibamo urumamfu, ariko nta na kimwe yakora hanze y’amategeko. Muri make, muri demokarasi opozisiyo ibaho kuko irengerwa n’amategeko, ndetse n’umuco wa politiki muri rusange ukaba waramaze kuyishingira igiti.

Mu butegetsi bw’igitugu ho biragoye. Nta muco wa politiki uhaboneka washingira igiti opozisiyo ngo ikore mu mudendezo. Akenshi nta n’amatageko aba ahari, n’iyo ahari ntiyubahirizwa. Ni yo mpamvu akenshi kuba muri opozisiyo (kutavuga rumwe n’abari ku butegetsi) byitwa amazina nko kugambana, kudakunda igihugu, kubiba amacakubiri n’ibindi.

Igitangaje ariko, ni uko no mu butegetsi bw’igitugu opozisiyo itajya ibura. Wenda bayica intege bakanayitega imitego yose ishoboka, nyamara ntibiyivanaho burundu. Aha rero ni ho hari ibanga rikomeye.

6. Kuki opozisiyo ishoboka mu butegetsi bw’igitugu.

Niba twavuze ko muri demokarasi ubutegetsi bwemera opozisiyo by’amaburakindi kuko amategeko yayishingiye igiti, mu butegetsi bw’igitugu ho ibintu biragoye. Ubutegetsi bw’igitugu bwemera opozisiyo ku mbaraga (ntihagire uwumva iza gisirikari). Imbaraga ziri amoko menshi: imyigaragambyo, kugumura abaturage, guha ubutegetsi akato (non collaboration) n’ibindi. Ku muhero w’uru rutonde, na za mbagara za gisirikari wazishyiraho. Akenshi iyo ubutegetsi bukoresha ingufu za gisirikari, amaherezo biratinda na opozisiyo ikazageraho ikabyiga. Ni bya bindi ngo ukoze hasi yibutsa umusazi ibuye.

Muri make rero, urugero rwo gushyigikirwa n’abaturage, ingufu zo kwishyira hamwe no kubuza ubutegetsi amahwemo, ni cyo cyonyine gishingira igiti opozisiyo. Iyo ibyo bibuze, bayiniga itaranavuka. Imbaraga z’abaturage abenshi ntibazi uburemere bwazo. Zirusha uburemere izindi zose, ndetse n’iza gisirikari. Iyo abaturage bageze aho bavuga bati turanze, ubutegetsi bw’igitugu n’aho bwaba bukomeye gute buba bwamaze guhirima. Byaragaragaye mu minsi ishize. Za Misiri, za Tuniziya n’ahandi si uko abategetsi baho batagiraga intwaro. Ariko umunsi abaturage bagize bati turanze, bararashe nyamara baratsindwa.

7. Umunzani hagati y’imbaraga za opozisiyo n’iz’ubutegetsi ugendera ku mahame ane.

1. Iyo ubutegetsi bufite imbaraga kandi na opozisiyo ikaba ari uko ibibona: opozisiyo icisha make ikayoboka.
2. Iyo ubutegetsi bufite imbaraga nyinshi ariko opozisiyo yo yibwira ko ari nke: opozisiyo iraburwanya byarimba ikanabuhirika.
3. Iyo ubutegetsi bufite intege nke nyamara opozisiyo yo yibwira ko bukomeye: opozisiyo icisha make ikayoboka.
4. Iyo ubutegetsi bufite imbaraga nke kandi na opozisiyo ikaba ibizi: opozisiyo iraburwanya byarimba ikanabuhirika.

Ziriya mpamvu enye uzitegereje urasanga zubakiye ku byo abantu bemera. Hari ibyo abantu bemera bitariho bikabatsikamira, hari n’ibiriho banga gushyiramo ukwemera bakabitsimbura. Ikigenga ibintu si ikbaraga z’ubutegetsi ahubwo mbere na mbere ni uko opozisiyo ibubona. N’iyo bujegajega ariko opozisiyo yo yibwira ko budahangwarwa iratinya igahora yimunyamunya. Ni yo mpamvu ingoyi ya mbere mbi iba mu mutwe, kwibihora kwa mbere na ko kugahera mu bitekerezo. Uwashingira ahangaha byamufasha kumva byinshi byahise, ibiriho n’ibizaza:

-Impamvu FPR ihoza ku munwa ko ngo ari akataraboneka n’indahangarwa kuva ngo isi yaremwa.
-Icyatinyuye ba Kayibanda bagahangara ubutegetsi bw’umwami muri 1959.

Edmond Munyangaju

(Biracyaza).

Umwihariko wa Revolisiyo: Ni iki gituma Agatsiko-Sajya Kabasha Kunesha Miliyoni 11 z’Abanyarwanda?

Leave a reply

people power

Itegereze iyi foto: ibaze aba baturage baramutse bavuye kuri uru rubaho, uriya ubabwira ijambo byamugendekera bite? Ni koko burya umunyagitugu akoresha imbaraga z’abaturage mu kubakandamiza. Abaturage baramutse babimenye bagafata icyemezo, umunyagitugu yarara ahirimye mu manga.

Banyarwanda banyarwandakazi namwe nshuti,

twifuje kongera kubagezaho ingingo zikubiye mu butumwa bw’umwihariko wa revolisiyo. Ni amasomo yerekana uko rubanda ikwiye kwitwara mu gihe u munyagitugu akomeje kwikanyiza, kwizirika ku butegetsi, gusuzugura ataretse no gukenesha abenegihugu no kubagira abagererwa mu gihugu cyabo. Iki ni igice cya mbere, ibindi bizakomerezaho.

Muryoherwe.

 

Abantu benshi bakunze kwibaza uburyo bishoboka ko umunyapolitiki umwe gusa nka Paul Kagame ayobora ku gitugu Abanyarwanda miliyoni 11, imyaka irenga 20 igashira, abaturage batamukunda, bakabura imbaraga zo kumukuraho.

Igisubizo :

Ndabanza gusobanura ko politiki bitavuga amanyanga, kwiba, kubeshya no kwica abaturage nk’uko abanyapolitiki babi twakunze kubona iwacu batumye tugumana isura mbi y’uwo murimo utoroshye. Umwuga wa politiki ni umwuga mwiza cyane, ndetse uruta indi yose kuko abawukora neza bashinzwe kwita ku buzima bw’abenegihugu kugira ngo babeho mu mahoro n’umutekano kandi babone uko bakora indi mirimo yo kwiteza imbere mu by’ubukungu no mw’ iyobokamana. Iyo umwuga wa politiki tuwuhariye ibisambo n’abambuzi, twese bitugiraho ingaruka mbi, tugahora mu ntambara z’urudaca, mu mwiryane…mbese nk’uko bimeze ubu mu Rwanda. Kiliziya gatolika yo yashyizeho n’umutagatifu ushinzwe kuvuganira abanyapolitiki mw’ijuru, ni umwongereza witwa Thomas More. Birumvikana rero ko uwo murimo wemewe n’abo mu ijuru atari umwihariko w’abicanyi, abanyakinyoma n’ingegera z’ubwoko bwose.

Ni gute umuntu umwe nka Paul Kagame ashobora gushyira abantu miliyoni 11 ku ngoyi ?

Birashoboka rwose. Ibanga rye ni uko afata ingufu z’abaturage ubwabo (miliyoni 11), akaba arizo ababohesha! Burya rero icyo Paul Kagame adushoboza ni uko yabashije kurema agatsiko k’abantu bake cyane batarenze 8,(umunani ujya inama uruta ijana rirasana !), abo bakaba ari abantu bamwumvira 100%, badashobora kumugambanira. Si ngombwa ko abo bantu baba abanyamicomyiza, ndetse ahubwo tuzi ko bashobora kuba ari n’abicanyi kabuhariwe! Bariya 8, rero nibo bamufasha gushyira ku ngoyi abandi bantu nka 80, bikundira iraha no gutunga ibyamirenge, ubundi bakiyemeza kugaraguza abaturage agati no kubica urubozo nk’uko Umutware mukuru abyifuza. Abo 80 nabo barakugendera bagaterera abandi 800 ku kiziriko, bakabuvumvisha ko bagomba gukorera Icyama byanze bikunze. Abo 800 iyo bamanutse nabo baragenda bakaboha abandi ibihumbi 8 (Inzego z’ibanze !); abo nabo bakakugendera bakifatira miliyoni umunani, ntizishobora kwinyagambura!

Wajya kureba ugasanga igitugu cya Paul Kagame kirangeraho jye w’umuturage rwimbyi, kikansanga aho nituriye mu ishyamba, kandi uwo Paul Kagame ntaramuca n’iryera ! Igitangaje ni uko iyo mfunguye amaso, nsanga no mu muryango wanjye bwite harimo bene abo abantu bakorera “Umulyango”(w’Abanyarwanda!!!!!), bampoza ku nkeke ko ngomba kuyoboka uwo munyagitugu ubeshejweho no kuncuza utwo nkoreye niyushye akuya, akazashirwa ari uko anyambuye ubuzima !

IBANGA RYA 1: Umunani ujya inama uruta ijana rirasana

Ibanga rya mbere dukwiye kumva ni irihe ? Ni uko ubutegetsi bw’igitugu buba rwose bwubakiye kuri kariya gatsiko k’abantu 6 cg 8 banywanye, batagambanirana. Baramutse basubiranyemo, iby’ingoma y’igitugu byaba birangiye.

IBANGA RYA 2: Agatsiko gahabwa ingufu n’uko abaturage bakumvira

Ibanga rya kabiri ni uko ingoma y’igitugu nta zindi ngufu igira uretse izo ihabwa n’abaturage bayumvira. Umunsi umwe, abaturage bagize bati “ntitugishaka kukumvira”, agatsiko kakwira imishwaro, abaturage bakibohoza !

None se kuki abaturage bamaze kubona ko bakandamijwe batinyagambura ngo birukane ingoma y’igitugu ?

Burya rero ntawavukiye kuba umucakara ubuzima bwe bwose ! Niba abaturage bari ku ngoyi nk’abo mu Rwanda muri iki gihe badahaguruka ngo bahangane n’ingoma y’umunyagitugu Paul Kagame, ni uko yenda  batabifitiye imbaraga zihagije, ziruta iz’agatsiko.

IBANGA RYA 3 : Agatsiko k’abantu umunani karusha imbaraga abantu miliyoni 11 ?

Ibanga rya gatatu rigomba kumvikana aha ni iri : 8>11 000 000 ? Ni ukuvuga ngo “Ese agatsiko k’abantu umunani karusha imbaraga abantu miliyoni 11 ?” Igisubizo ni YEGO.

Kubera iki ? Buriya rero agatsiko k’abantu umunani karusha abaturage miliyoni 11 ingufu kuko ko kaba kashyize hamwe imbaraga zako (équipe ou bande organisée). Iyo kagabye igitero ku baturage, kirinda gutera benshi icyarimwe, ahubwo ingufu z’abantu umunani zigatera umuturage umwe umwe. Ku mpamvu y’uko ziriya miliyoni 11 nta bumwe zifitanye (11.000. 0000=1+1+1+1+1+1+1…. ; masse non organisée), ingufu zabo ziba zitatanye ntizibashe gukanga kariya gatsiko no kugashyigura mu birindiro byako!

Uwabyumva neza ni Umunyarwanda waba warigeze kugira akaga ko kubona abasoda nka 6 ba FPR bazindutse iwe n’imbunda zabo, mu cya kare nko mu masaa kumi za mu gitondo, bakagukinguza bagutuka ngo “kingura iki gihugu cyawe cy’inzu wa mujinga we”! Abana bagakangukira hejuru umutima udiha, nawe ugakingura urugi uhinda imishyitsi ! Mbega ukuntu wumva uri wenyine kuri iyi si, ukabone neza ko ubuzima bwawe buri mu biganza by’abo bicanyi, ko bashobora kugukoresha icyo bashatse kandi isi igakomeza ikazenguruka, ntihagire ubaza ibyawe! Ibyo kandi biba ku Banyarwanda batagira ingano, buri munsi, buri kwezi, buri mwaka….

Nyamara twese tuzi neza ko atariko igihugu cyakagombye kuyoborwa, hari ukundi byagenda.

Ubutaha tuzarebera hamwe ikibura ngo abantu bagere ku bumwe bwabafasha guhangana na Paul Kagame n’agatsiko ke.

Biracyaza…

Niba ufite icyo ushaka gusobanuza, watwandikira kuri aderesi ikurikira:

ishema_party@yahoo.fr cyangwa se ugasura urubuga http://www.ishemaparty.mobi ukatwandikira ukoresheje uburyo bwateganyijwe. Ushobora no gusura imbuga zacu kuri facebook.