Tag Archives: jenoside

Abantu batinyuka kuvuga ko hishwe Abatutsi gusa si Abanyarwanda ni Abanyamahanga kuko ibyo bavuga si ibintu by’i Rwanda.

Muri Nyakanga, tariki ya 19,1994, niho twashyizeho Guverinoma, twise iy’ubumwe. Iyo Guverinoma y’ubumwe ntiyagiyeho ku bushake bwa FPR. Reka da! Kubera ko kwica Perezida Habyarimana wari waremeye amasezerano yashyizeho umukono we, Kagame yashakaga, gufata igihugu cyose. Mbese nk’uko bafashe Uganda bari kumwe na Museveni wabafashije gufata u Rwanda. Kugira ngo andi mashyaka ajye mu buyobozi bw’igihugu, nyuma yo kwicwa kwa Perezida Habyarimana, byakozwe ku mabwiriza y’ibihugu by’inshuti za FPR. Kubera ko itashoboraga kubisuzugura, cyane igihugu nka USA. Kuri FPR ntibyari bikiri ngombwa rwose ko iyo guverinoma ihurirwamo nandi mashyaka, nk’uko byari biteganijwe mu masezerano ya Arusha. Ikindi nanjye ni uko narokotse kandi izina ryanjye ryari mu masezerano ya Arusha ko ari Faustin Twagiramungu wo muri MDR uzayobora guverinoma y’inzibacyuho.

Kuri Kagame we, yumvaga ko yafashe igihugu ko agomba kukiyobora uko ashaka: nk’uko abikora ubu. Ubu arica, akanakiza. Rero njye sinabaye Ministre w’lntebe ku bushake bwa FPR-Inkotanyi. Uretse ko kujya muri iriya guverinoma kw’amashyaka yandi bitabujije ko abantu bakomeza kwicwa: mwibuke ibyabereye i Kibeho, cyangwa muri Gitarama, nyuma y’intambara hiciwe abantu 18.000, mfitiye gihamya! Ibi kandi narabyamaganye igihe nari Ministre w’intebe mu bihe bitandukanye by’umwihariko taliki ya 8/12/1994. Ubwo namaganaga ku mugaragaro ubwicanyi inkotanyi zarimo zikora hirya no hino mu gihugu.

Iyi Guverinoma ihuriweho n’amashyaka menshi, yemeje ko abantu benshi bishwe n’InterahamwePawa na bamwe mu basirikare n’Abaturage bavugaga ko bari guhorera Perezida Habyarimana wishwe n’Inkotanyi.

Ntawahakana ko abanyarwanda batari muri MRND na CDR, cyane Abatutsi, batishwe! Barishwe, Abatutsi n’Abahutu batari muri MRND-CDR bafatwaga nk’abanzi b’Igihugu. Mu nama za mbere za guverinoma zakozwe twashatse uburyo bwose kugira abicanyi bazafatwe “bakanirwe” urubakwiye. Bivuze ko bacirwa imanza bagahanwa by’intangarugero. Byabaye ngombwa ko ibyakozwe nyuma y’iraswa ry’ndege ya Perezida Habyarimana dushaka uburyo bwumvikana neza kugirango dusobanure icyo twise “Jenoside” (Génocide) Ni ukuvuga ko hari Abatutsi bishwe batemaguwe bazira ko ari abatutsi, n’abahutu benshi bari mu mashyaka ya MDR, PSD, PL barwanyaga politike ya Habyarimana muri MRNDD na politike ya CDR. Abenshi biswe ibyitso baricwa indege ya President Habyarimana ikimara kuraswa.

Mu nama za guverinoma twakoze twaje kumvikana ko inyito twaha ubwicanyi bwabaye mu Rwanda kuva Inkotanyi zimaze kwica Perezida HABYARIMANA yari: ITSEMBABWOKO N’ITSEMBATSEMBA. Iyi nyito nijye wayitanze, yemerwa n’inama y’abaministre, yariyobowe na Perezida w’uRwanda Pasteur Bizimungu, na Visi Perezida Général Paul Kagame. ITSEMBABWOKO bivuze ko hari abatutsi bazize ubwoko bwabo. Ko hari n’abahutu bazize ubwoko bwabo. Ntitwigeze tuvuga Itsembabwoko Tutsi Gusa. Aha byumvikane neza! Abana b’abasore baririmbaga ngo: “Navaho Impundu zizavuga! Bari abatutsi harya?” Aba bose indege ikimara kuraswa babirayemo barabica. Uko Interahamwe Pawa zicaga ni nako abatekinisiye ba FPR nabo bicaga aho bari barashyizwe mu gihugu hose nkuko Tito Rutaremara yabyiyemereye kuri Radio na Television by’u Rwanda ko FPR yarifite abantu bayo mu gihugu hose no mu mashyaka yose.
Nina ko kandi Ingabo za APR/FPR zicaga Abahutu aho zanyuraga hose.

ITSEMBATSEMBA bivuze ko: habaye ubwicanyi bwo kwica rubanda gusa nta gusobanura.

Reka rero mbwire abasoma ibi nanditse, mbyanditse mfite ikiniga nibaza niba tukiri abantu, cyangwa tukiri Abanyarwanda, cyangwa ba: Ntabuntu, Ntamutima, ndetse na Ntabwenge. Abantu batinyuka kuvuga ko hishwe Abatutsi gusa! Abo si Abanyarwanda ni Abanyamahanga kuko ibyo bavuga si ibintu by’iRwanda: ni abamamyi bishakira ubutegetsi bakoresheje agahinda dufite kokubura abacu. Cyakora niba Ntibazirikana.

Abantu banyagirwa bombi: umwe ati “nijye wanyagiwe jyenyine!!!
NI AGAHINDA GUSA.

Faustin TWAGIRAMUNGU

Uwabaye Minisitiri w’intebe w’u Rwanda.

Umuhanzi Ben Rutabana ati: “Ubutegetsi bwa Kagame ntibwigeze buba bushyashya, bwagombaga kuvaho bukijyaho”.

Normal
0

false
false
false

EN-US
X-NONE
X-NONE

MicrosoftInternetExplorer4

/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0in 5.4pt 0in 5.4pt;
mso-para-margin-top:0in;
mso-para-margin-right:0in;
mso-para-margin-bottom:10.0pt;
mso-para-margin-left:0in;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;}

“Ubutegetsi bwa Kagame ntibwigeze buba bushyashya, bwagombaga kuvaho bukijyaho”    Ben Rutabana.

indexKu Ifoto umuhanzi Ben Rutabana

Aya ni amwe mu mgamabo umuhanzi Ben Rutabana uzwi cyane ku izina rya Africa aherutse kubwira abumva Radio Ikondera mu kiganiro Fata Ijambo muri uku kwezi kwa Nzeri 2013. Ben Rutabana yatangiye avuga ku mateka ye muri makeya avuga uburyo yakuze yumva hagize abatera u Rwanda yabasanga akabafasha kurwanya Leta yari iriho kuko yateraga ipfunwe mu bana cyane cyane ab’Abatutsi.  Mu mwaka wa 1990 Ben Rutabana yaje gufatwa afungirwa I Butare aregwa kuba icyitso cy’Inkotanyi. Mu mwaka wa 1991 Ben yarafunguwe nyuma y’amasezerano yabereye I N’Sele mu gihugu cya Congo (Zayire). Akimara gufungurwa yahise yerekeza iy’urugano asanga Inkotanyi azifasha kurwanya Leta ya Habyarimana. Ben Rutabana rwose yemeza ko nta nkomanga imuri ku mutima kuba yarafashe intwaro akarwana kuko yumva yari afite impamvu nyayo arwanira.

Urugamba rwa nyuma Ben yarurwaniye ku Rucunshu aho yarasiwe mu mwaka wa 1994 asubizwa inyuma muri sick bay aho yarwariye aba atandukanye n’intambara atyo. Ben wemeza ko yagiye mu ntambara adakurikiye umwuga w’igisirikare, yashatse uburyo bwo kuva mu gisirikare ariko ntibyamworoheye kuko bashakaga ko akomeza gukorera mu ishami rishinzwe production. Muri iki gihe nibwo Ben wari umaze kubona ipeti rya Sous Lieutenant, yaje gutangira kubona ko hari ibibazo bikomeye byari byugarije igihugu. Aragira ati mu gihe njye nabaga mbabajwe n’uko nsanze abanjye barashize, hari abandi barimo babyina intzinzi. Ati rwose nk’umuntu warokotse jenoside njye nta nstinzi nigeze mbona, ndetse agatangazwa n’abandi bahise batangira gusahuranwa bacuranwa imitungo batitaye ku mirambo bagendaga basimbuka.

Nyuma Ben yongeye gufungwa na Leta ya FPR akekwaho gushyigikira ko ubwami bugaruka mu Rwanda, ibi bikaba byarashingiwe cyane cyane ku ndirimbo ze harimo iyitwa Isengesho. Ben yongeye gufungwa amezi 6 nibwo yagize umwanya uhagije wo kwitekerezaho maze niko kuririmba indirimbo yise Imbaraga z’urukundo. Ben agifungurwa yahise ashakisha uko yakwerekeza iy’ubuhungiro mu Bufransa ubu akaba ari umwenegihugu w’icyo gihugu.

Ben Rutabana kimwe n’abandi Banyarwanda benshi afite byinshi anenga ubutegetsi bwa Paul Kagame. Asanga Kagame yifata nk’umwami utavugirwamo. Ahereye aha agasaba ko Kagame niba ahisemo koko kuguma kwibera atyo, ko yatanga nibura umunsi umwe wo gusaza inzobe maze akareka abantu bakamubwira amakosa ye ariko akabemerera ko nibucya atazabaniga. Ben yemeza ko ibyo barwaniye bitagezweho ariko akaba agifite icyizere ko abantu bashobora gupfubura revolisiyo maze abana bakazaragwa igihugu kizira umwiryane.

Ben yemeza ko rwose Abanyarwanda bakwiye kwicara hamwe bakumvikana ku mateka yabo bakareka kuyakoresha nka papier mouchoire ihanagura isura igatererwa muri toilette. Abajijwe ku kibazo cy’uko ubutegetsi bwa Paul Kagame bwaba bushaje bukaba bugeze mu marembera, Ben yasubije ko we abona buriya butegetsi butarigeze buba bushyashya ngo kuko kuva bwajyaho bwagombaga guhita buvaho. Ati Kagame aramutse yongeye kwiyamamariza indi manda, yaba akoze ikosa rikomeye cyane. Ati n’ubwo Kaguta Museveni wa Uganda yabashije guhindura itegeko nshinga kugira ngo abone uko agundira ubutegetsi, Kagame aramutse abikoze nta gihamya ko we byamuhira. Ati ndamutse ndi Kagame muri iyi myaka itatu isigaye natanga ihumure ngashyiraho ubutegetsi buboneye Abanyarwanda bose. Ben agaya ijambo ruvumwa Kagame yavuze kuwa 30 Kamena aho yategekaga abana b’Abahutu gusaba imbabazi z’ibyaha abo bakomokaho cyangwa benewabo baba barakoze. Ikindi agaya ni ukuvuga ngo abakoze jenoside barafunguwe kandi mu by’ukuri inzirakarengane zikaba zifunzwe. Ben ni nk’aho yavuze ati kuri Kagame abicanyi bakwiye gufungurwa bagasimburwa n’inzirakarengane!

Aha twibutse ko Perezida Kagame mu mwaka wa 2003 yafashe icyemezo cyo gufungura by’agateganyo abaregwaga jenoside ariko bakaba barireze bakemera icyaha. Nyuma y’imyaka ibiri biturutse ku gitsure cy’amahanga yateraga inkunga Gacaca, Kagame yemeye ko n’abandi bari bafunzwe baregwa jenoside  bafungurwa by’agateganyo bagacibwa imanza mu nkiko Gacaca zibonwa na benshi nk’uburyo bwo kwihimura ku Bahutu kubera imikorere yazo idahwitse. Cyakora ngo nta murozi wabuze gikarabya, abarenga ibihumbi 300 babaye abere mu nkiko Gacaca ariko ntibigeze bahabwa impozamarira cyangwa ngo basabwe imbabazi nyuma yo gusigwa ubusembwa bw’icyaha cya jenoside ku bwende.

//

Madame Jeanette Kagame ntavuga rumwe n’umugabo we kuri bimwe mu bintu bikomeye.

Madame Jeanette Kagame ntavuga rumwe n’umugabo we kuri bimwe mu bintu bikomeye.

jennette-kagame3

“…tuzi twese ko icyaha ari gatozi ndetse n’abemera Imana bavuga ko “Buri vi rizipfukamira” Madame Jeannette Kagame.  Ifoto dukesha http://www.leprophete.fr/news.php?id=221

Kuwa 30 Kamena uyu mwaka I Kigali hahuriye urubyiruko rukabakaba cyangwa rurenga 1000 ku butumire bwa Imbuto Foundation, umuryango ukuriwe na Madame Perezida Jeannette Kagame. Mu ijambo ritangiza ibiganiro byaranze uwo munsi Madame aratwicikra akajisho uko u Rwanda ruhagaze muri iki gihe ndetse n’uburyo bukwiye bwo gukemura ibibazo mu rwego rwo kubaka ejo hazaza. Reka turebere hamwe ibikubiye muri iri jambo turishime cyangwa turinenge ntawe uhutajwe,turyuzuze cyangwa turicenshure, niyo demokarasi duharanira.
1. Urubyiruko rufite inyota yo kumenya amateka.
Mu ntangiriro y’iri jambo madame yadusubiriyemo ibyo duhora tuvuga. Amateka ni ikintu cya ngombwa cyane , atwigisha ubuzima bw’abatubanjirije, ibibazo bahuye nabyo n’uburyo babikemuye, ibyiza babayemo n’uburyo babigezeho, amakosa bakoze dukwiye kugendera kure, ibi bikadufasha gushushanya isura y’igihugu cyiza kizira umwiryane. Madame abishimangira agira ati : “twemera ko urubyiruko rw’u Rwanda rugomba gusobanukirwa neza amateka y’igihugu cyacu, yaba ameza ndetse n’amabi twanyuzemo”. Nta kuri kuruta uku.

2. Wenda (Igihugu) kizongera gutabarwa n’abato
Madame ntahakana ko U Rwanda rufite ibibazo ahubwo uretse ko we abigereranya n’ibyariho mu gihe FPR yateraga muri 1990. Aragira ati “Ababohoje u Rwanda bangana namwe ndetse hari bamwe bari batoya”. Nuko ati “namwe nimutabare igihugu cyanyu”. Ibi bisobanuye ko bya bindi opposition ivuga isaba abantu guhaguruka (ndlr: bagakora revolution) ariko na Madame abibona. Abo batandukanira ni uko opposition yo ivuga iti bizagerwaho naho Madame we abivuga ameze nk’udafitiye uru rubyiruko icyizere: “Wenda kizongera gutabarwa n’abato” kuko kigeze ku muteremuko.
3. Urubyiruko ntirugomba kwikorezwa ibyo rutagizemo uruhare

Normal
0

false
false
false

EN-US
X-NONE
X-NONE

/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0in 5.4pt 0in 5.4pt;
mso-para-margin-top:0in;
mso-para-margin-right:0in;
mso-para-margin-bottom:10.0pt;
mso-para-margin-left:0in;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;}
Madame Jeannete yasabye abantu ko bakwiye kwicara hamwe bakaganira bavugisha ukuri, bakavuga aho bakomeretse. Yagize ati: « Kera iyo inzara yateraga, ababyeyi bakoraga ku mbuto babikiye ihinga ritaha, bagatekera abana maze bakaramuka kabiri… natwe rero dushonje amahoro asesuye nimuze tujye inama nk’abaryi b’imbuto ».

Aha nahageze mpita nongeraho nti mbese Opposition tutibagiwe na FDLR bakaganira na FPR bakavuga uko bakomeretse. Mbega ukuntu byaba byiza we!? Yongeye no kwibutsa ko niba hari abakibeshya ko bavukanye imbuto nk’uko byakunze kuvugwa ku Bami b’u Rwanda ko cyari ikinyoma cyambaye ubusa. Ati niba hari abibwira ko bazivukanye (imbuto) nibasigeho. Nkunda umuntu ntacyo ampaye!
Ikindi yagize ati: “… tuzi twese ko icyaha ari gatozi ndetse n’abemera Imana bavuga ko “Buri vi rizipfukamira”. Yongeraho ko bityo urubyiruko rudakwiye guterwa ipfunwe n’ibyo ababyeyi baba barakoze.

Byaje gupfira he?
Uyu mubyeyi rero akimara gutangiza iri huriro ngo Abahanga mu by’amateka nibo baganirije urubyiruko. Amateka bavuze yo ni agahomamunwa. Icya mbere cyantangaje rero ni ukuntu ari urubyiruko ari abarugezagaho ayo mateka bose barabeshyanye karahava. Mwese muzi ijambo Perezida Kagame yavuze mu minsi yashize yibutsa ko yohereje Abasirikare muri Congo bakarasa abagomba kuraswa ! Ariko abagabo babiri nako aba jenerali James Kabarebe yunganiwe na Rwarakabije barihanukiriye bati reka nta Munyarwanda ingabo zacu zigeze zica. Rwarakabije nawe ararahira ati: ni ukuri ( kwa Shitani) rwose nanjye nabihagazeho. Abo bombi barangije rero ikindi cyansekeje ni uko hari umwana w’umukobwa warokotse amasasu y’izo ngabo nawe waje ahita rwose ashyira mu ngiro ibyo bamwigishije (byo kubeshya) ati rwose umusirikare yaraje amfata akaboko anyereka inzira igana iwacu! Hahahahaha. Utazi Inkotanyi yageze muri Congo uko yasaga azambaze! Ninde wari kunyomoza uyu mukobwa? Ni Rwarakabije se cyangwa ni Kabarebe? Cyakora uwo mwana yagororewe kuzoroherezwa kwinjira mu gisirikare nyuma y’imyaka itatu yose bamutera utwatsi, bigaragara ko aricyo yari agamije dore ko ubushomeri mu rubyiruko cyane cyane urw’Abahutu buvuza ubuhuha.

Abandi baje kwinjira muri uwo munsi bakavangira Madame Jeannette, ni Rucagu Boniface ndetse n’undi musore usanzwe azwi cyane mu kazi ko gucukura imisarani maze bo bamagana ibyo Madame yari yavuze ko icyaha ari gatozi. Ni uko basaba imbabazi z’ibyaha ngo benewabo b’Abahutu bakoze. Ibi rero Perezida Kagame we yahise abigira itegeko ngo Abahutu bose bagombe basabe imbabazi z’ibyaha benewabo bakoze. Madame Jeannete yagize ubwoba bwo kumwambura micro ngo amwibutse ko icyaha ari gatozi!9059_324602541005074_1952928076_nIfoto dukesha urubuga https://www.facebook.com/urubuga.rwizanews

Perezida Kagame kandi yongeye kuvuga ku kibazo cyo gutesha abantu agaciro cyabaye mu mwaka wa 1973 aho ngo bakorakoraga izuru rya mushiki we ngo bumve uko izuru ry’umututsi rimera. Niba ibi byarabayeho birababaje. Icyo twakwibaza ni iki: Ese turimo kubikumira dute? Ese bitandukaniye he no guhamagara abana b’Abahutu ukababwira ngo nibasabe imbabazi z’ibyaha na Se cyangwa abavandimwe babo bakoze? Ese bitandukaniye he no kwemeza umwana ko ya masasu wamurasaga Bukavu, Masisi, Lubutu, Kisangani, Mbandaka ,…burya batashakaga kumwica kandi ababyeyi be bo yarabahitanye? Nyamara ntibizoroha.
Biragaragara ko u Rwanda rufite ibibazo bikomeye. Urubyiruko bararubeshya narwo rukababeshya kakahava. Nyamara buriya iyo ririya jambo rya Jeannete Kagame rikurikirwa tugasigara dushaka uko ryajya mu bikorwa yari kuba ari intambwe ikomeye. Icy’ingenzi ni ukugira Ubutwari bwo kuvuga Ukuri noneho tugaha igihugu umurongo uzaturinda umwiryane. Ukurikiye neza ijambo rya Jeannette n’irya Kagame uhita ubona ko batavuga rumwe ku bintu bimwe bikomeye.