Category Archives: Politiki

NTABWO RUBANDA IGOOKA YAKOMEZA KUREKA KAGAME NGO AGENGE U RWANDA NK’AHO ARI URUGO RWE.

Banyarwandakazi, Banyarwanda,

Muri iyi minsi haravugwa ikibazo cy’impunzi nyinshi ziri muri Israel no muri Libiya Kagame ku giti cye no mu nyungu ze bwite ashaka kuzana ngo azituze mu Rwanda, mu gihe n’abanyarwanda bangana na miliyoni 12 barira ayo kwarika kubera kubura imirimo n’ubutaka buhagije bwo kubatunga.

Ntabwo nzinduwe no kwinjira mu isesengura rihanitse kuko iki kibazo gikomeje kuvugwaho ku buryo burambuye n’Abanyarwanda bo mu ngeri zose barimo abantu ku giti cyabo, imiryango iharanira uburenganzira bwa kiremwa muntu ndetse n’Abanyapolitiki.

Abo bose rero bavuze uko babona iki kibazo kandi bose bahuriza ku bintu nka bibiri:

(1) Kagame yishakira amafaranga yo gushyira mu mufuka we

(2) Kagame yaba ari no mu mugambi mureremure wo gushaka abarwanyi bazamufasha mu guhungabanya umutekano mu Rwanda no mu bihugu duturanye nk’u Burundi, Kongo n’ibindi.

Ibyo yaba ateganya byose ntabwo bizamusiga amahoro. Ndagirango ngire icyo mvuga kuri iki kibazo gikomeye cyane cyo kuzana abimukira mu Rwanda, rubanda itabyemeye.

1.Abakurikira politiki y’u Rwanda mwaba mwibuka ko ku italiki ya 23/11/2016. Ishyaka Ishema ryohereje abarwanashyaka baryo kujya mu Rwanda kugirango baryandikishe mu gihugu bityo rizabashe kugira uruhare mu matora yari ateganyijwe y’umukuru w’igihugu yabaye muri Kanama uyu mwaka. Ariko nk’uko mwabikurikiye kuri iyo taliki ya 23/ 11/2017 Nyakubahwa Padiri Thomas NAHIMANA n’intumwa yari ayoboye aribo : Claire Nadine KASIINGE, Skyler KEJO na Vénant NKURUNZIZA bangiwe kurira indege yagombaga kubajyana mu Rwanda kuberako Paul Kagame yari yatanze itegeko rigayitse ko NAHIMANA Thomas n’abo bari kumwe nta ndege igwa i Kigali igomba kubatwara.Ku italiki ya 23/1/2017 Padiri Thomas NAHIMANA na Claire Nadine KASIINGE bakuwe mu ndege i Bruxelles kubera impamvu twavuze haruguru.

2.Ikibazo : Padiri Thomas Nahimana n’abo bari kumwe ntabwo ari abanyarwanda ? Uburenganzira bwo kubabuza gusubira mu gihugu cyabo, Kagame abuhabwa nande ? Tuzi n’abandi benegihugu batari bake bagiye basaba ibyangombwa by’u Rwanda nka Pasiporo n’indangamuntu nyamara Leta y’Agatsiko ka Kagame ikabibima mu buryo butemewe n’amategeko. Buriya mwambwira ko Victoire Ingabire, Deogratias Mushayidi, Diane Shima Rwigara, Kizito Mihigo….bafunzwe bazira iki uretse ubwikanyize bw’ingoma y’Agatsiko gasuzugura abenegihugu birenze urugero ! Ibi byose se ntibyereka Abanyarwanda ko Kagame agenga igihugu cy’u Rwanda nk’aho ari urugo rwe aho ashobora kwinjiza cyangwa gukumira uwo ashaka ?!

3.Ubu noneho Kagame ku gatwe ke, ateye intambwe idasanzwe yo kwiyemeza kwakira ibihumbi birenga 40 by’abanyamahanga ngo baze gutuzwa mu Rwanda.

4.Rwose biragaragara ko Kagame arimo yitiranya u Rwanda n’urugo rwe bwite aho afata icyemezo gikomeye nka kiriya cyo kuzana abantu batari abenegihugu,bitabanje nibura guca mu Ntekonshingamategeko ngo ibifateho umwanzuro n’ubwo bwose dusanzwe tuziko inzego z’igihugu yazujujemo inkomamashyi ! Igihugu yakigize icye, agitwara mu mufuka w’ikoti yambara. Niwe Gouvernement, niwe Parlement, yewe ninawe Butabera ! Uko u rwanda ruyobowe biteye agahinda.

5.Sinasoza ntibukije ko ibyo Kagame arimo akora ubu abiterwa no gushaka KWUKURIRA MU KIMWARO yashyizwemo na MANDA YA GATATU yihaye ku ngufu, kandi yari yarashutse amahanga ko ari Umudemokarate w’akataraboneka§ None ubu bose baramutahuye, ni umunyagitugu wamunzwe n’inyota y’ubutegetsi akoresha yigwizaho imitungo, we n’umuryango we ! Amaraporo ubundi yahishwaga, atangiye kujya ahagaragara arushanwa gushyira ahagaragara amarorerwa akomeje gukorera Abanyarwanda n’ibihugu duturanye .Ubu rero ari kugitutu cy’ibihugu bikomeye ari nabyo byajyaga bimusingiza ngo ni umutegetsi mwiza. None arakora ibishoboka n’ibidashoboka kugirango ibyo bihugu bimugarukire arebe ko yaguma ku butegetsi yibye rubanda. Arashaka kwerekana ko ari umuperezida w’igihangange ukemura ibibazo byananiye isi yose. Ariko arishuka, ibuye ryagaragaye ntiryica isuka. Abanyarwanda bafashe igihe cyo kumumenya kurusha uko yiyizi, ubu bamaze kubona neza ko adateganya kuva ku butegetsi mu mahoro no ku neza. Muri uyu mwaka wa 2017, ikibazo cye cyatangiye « kwigwa ».

Umwanzuro :

6.Rubanda igooka niyumve ko itagomba gukomeza kwihanganira Kagame n’Agatsiko ke k’Abanyamurengwe bagashize bishakira amafaranga yo gutunga imiryango yabo naho rubanda yicwa n’inzara, ibaho mu bucakara, ikora ariko ibyo yakoreye bikaribwa n’Agatsiko.

7.Mboneyeho umwanya wo kwihanganisha abaturage bo muri Gicumbi bamaze hafi umwaka bakora badahembwa, abana babo babuze amafaranga batanga ku ishuli abandi ntibakigira icyo bashyira mu gifu.

8.Nka Minisitiri w’ubutegetsi bw’igihugu, umutekano n’iterambere ry’umurenge ndakangurira Rubanda igooka ko igomba kwisuganya mu maguru mashya, igafatanya na Guverinoma ya rubanda ikorera mu buhungiro tukaburizamo imigambi yabo mibisha yo guheza abenegihugu ku ngoyi y’iterabwoba no kubambura ibyabo. Ntabwo twakomeza kurebera nk’aho hari abandi bazabidukorera.

9.« Igihe ni iki, ejo hazaza ni kera », niko twari dukwiye kumva ibintu. Dukomeje kwituramira, tukamureka agakomeza kwikorera ibyo yishakiye, ejo azaba agurisha abana bacu ku manywa y’ihangu, mu isoko ry’abacakara nk’iryagaragaye mu gihugu cya Libiya muri iyi minsi. Nidutinyuka kandi dutinyurane, duhaguruke tumuvudukane, tumwerekeko RUBANDA ariyo ifite ububasha.

10.Abanyarwanda bari mu gihugu cyane cyane mwebwe urubyiruko rwahinduwe abatindi nyakujya nimwe mbaraga z’ibanze zigomba gushyigura Umunyagitugu, ingoma ye igahabwa iherezo. Abanyarwanda bahejejwe hanze y’igihugu natwe biratureba. Buri wese natange umuganda ashoboye, he kugira abigira nka « Bigirankana bya Nirwange wabonye inzu ihiye ati nimunsasire niryamire !!! ».

Murakoze

Ndi NAHAYO Joseph

Ministre w’Ubutegetsi bw’igihugu, umutekano n’iterambere ry’umurenge.

Muri Guverinoma ya rubanda ikorera mu buhungiro

GUVERINOMA YA RUBANDA : MINISTRE MUSHYA W’UBUTEGETSI BW’IGIHUGU,UMUTEKANO N’ITERAMBERE RY’UMURENGE.

Leave a reply

Ibyemezo by’inama idasanzwe ya Guverinoma y’u Rwanda ikorera mu buhungiro yo kuwa 19/11/2017

Ku cyumweru tariki ya 19/11/2017 i Paris mu Bufaransa hateraniye inama idasanzwe ya Guverinoma y’u Rwanda iyoborwa na Nyakubahwa Padiri Thomas NAHIMANA, Perezida wa Guverinoma y’u Rwanda ikorera mu buhungiro.

Umurongo w’ibyigwa wariho ingingo ebyiri :

1) Kunoza inzego zigize Guverinoma,

2) Raporo y’ibimaze kugerwaho muri Minisiteri y’Ubutabera

Abagize inama bamaze kungurana ibitekerezo bafashe imyanzuro ikurikira:

1.Abagize inama bagejejweho kandi bashima aho imirimo y’inzego za minisiteri y’ubutabera igeze cyane cyane ku bijyanye n’itegurwa ry’amadosiye ya mbere y’abakekwaho ibyaha bikomeye byabangamiye rubanda ku buryo budasanzwe azashyikirizwa Urukiko Rwa Rubanda.Inama ya Guverinoma yasabye Nyakubahwa Minisitiri w’ubutabera kwihutisha ibyo bikorwa, gutunganya inyandiko za ngombwa Guverinoma ikeneye no kuyigezaho bidatinze abakandida ntamakemwa kandi bafite ubushobozi ku mwanya w’Umushinjacyaha mukuru.

2.Abagize inama bose bemeje ko Bwana Joseph NAHAYO agirwa « Minisitiri w’Ubutegetsi bw’igihugu, Umutekano n’Iterambere ry’umurenge ». Bwana Joseph NAHAYO akazarahirira imirimo ye mishya mu gihe kitarenze iminsi irindwi.

III. Joseph NAHAYO ni muntu ki ?

Bwana NAHAYO Joseph yavutse taliki ya 12 Ugushyingo mu 1973. Avukira mu Kagari ka SAHARA, Umurenge wa BUSOGO, mu Karere ka MUSANZE, (Ruhengeri),Intara y’Amajyaruguru.

Amashuri abanza yayize i BUSOGO, ayisumbuye ayiga i SHOGWE. Ubu afite impanyabushobozi mu bijyanye n’imboneza mubano (Graduat en assistance sociale) yakuye muri Haute École de la Communauté française de Belgique de Mons, Province du Hainaut. Afite kandi na Master en politiques économiques et sociales yakuye muri Université Catholique de Louvain.

Bwana NAHAYO Joseph arubatse afite umugore n’abana 3. Ni umugabo w’inyangamugayo, usohoza inshingano ze atiganda, ukomera ku masezerano yagiranye na bagenzi be.

Intego imuhora ku mutima ni : Ugutinyuka, tugatinyurira n’abandi gufatanya na « Rubanda igooka » mu bikorwa byo kwigobotora ingoyi y’ « Agatsiko k’Abanyamurengwe Bagashize ». Iki ni igihe gikwiye cyo guhaguruka tukirwanaho nk’abenegihugu kuko nta wundi ubitubereyemo.

Uwakwifuza kugeza ubutumwa kuri Nyakubahwa Joseph NAHAYO yanyura muri izi nzira:

Tel: 0032496768804

Email: nahayo59@gmail.com

Tumwifurije gusohoza neza inshingano.

Bikorewe i Paris kuwa 20/11/2017

Chaste GAHUNDE

Minisitiri w’itangazamakuru,

Umuvugizi wa Guverinoma y’u Rwanda ikorera mu buhungiro.

RWANDA : REVOLISIYO YA RUBANDA IRATUTUMBA… (IGICE CYA 1)

Leave a reply

I.IBYICIRO BIBIRI by’ABENEGIHUGU BAHANGANYE BYAMENYEKANYE

1.Uko ndiho mbyerekwa muri iki gihe, Revolisiyo ya rubanda yatangiye mu Rwanda, nta gihe kinini isigaje ngo isandare hanze isi yose ibibone. Amakuru dufite ni uko amatsinda anyuranye y’abaturage b’abasivili, mu gisilikari ndetse no mu gipolisi, akomeje kwijujutira AKARENGANEkagirirwa abaciye bugufi batahwemye gufatwa nk’inkomamashyi n’abagereerwa mu gihugu cyabo. Ayo matsinda kandi arimo kongera cyane ingufu mu kwisuganya, ayobowe n’Abalideri badashaka kwigaragaza kuko bidakenewe. Uko kwisuganya biri gukorwa imbere mu gihugu no hanze yacyo. Mu gihe kitarambiranye Kagame n’agatsiko ke bashobora kuzaryama bajya gukanguka bagasanga barangije gufatwa mpiri batazi n’uko bibagendekeye.

2.Impamvu ingana ururo ?

Akarengane kagiriwe umusore w’umuhanzi witwa Kizito Mihigo, agafungwa atagira icyaha, kababaje abatagira ingano mu bamukundaga, bituma Uwatinyutse kurenganya umusore muzima nk’uriya afatwa nk’igisimba mu bantu.

Deogratias Mushayidi na we yari umunyarwanda ushyira mu gaciro cyane akaba umwe mu bageragezaga guha FPR-Inkotanyi ishusho ya kimuntu: ntiyayinengaga kuko yayangaga, ahubwo yifuzaga ko abategetsi bayo bahindura ingiro bakareka gukomeza kwijandika mu byaha bikomeye byerekeza igihigu mu rundi rwobo. Yasabye Kagame kunamura icumu aho kumwumva aramufunga. Kumucecekesha no kumukatira igifungo cya burundu byahamije FPR muri ya shusho yayo y’Igikoko kitaranganwa umutima w’imbabazi.

Muri iyi minsi, ukugaraguzwa agati mu buryo buteye isoni n’agahinda biri gukorerwa Diane Shima RWIGARA n’umuryango we byahumuye amaso ya benshi mu benegihugu. Kwica umugabo wagufashije urugamba nka Asinapol Rwigara, ukamwambura ibye, ukagerekaho kwica urubozo, gucunaguza no kwandagaza umupfakazi n’imfubyi asize , byeretse abake bari bagishidikanya ko Kagame n’Agatsiko ke atari abanegihugu nk’abandi, ko ahubwo ari ABACANCURO bigaruriye u Rwanda , bakaba nta kindi bagamije uretse gusahura igihugu bishyirira mu mifuka yabo, mu by’ukuri ubuzima bwiza bw’umuturage bikaba bitarigeze kuba gahunda ibashishikaje na buke.

Uguhezwa ishyanga n’ugufungwa kw’Abalideri banyuranye ba Opozisiyo, ukwigira indakoreka n’ukwihambira ku butegetsi bya Kagame, ukwikubira ibyiza byose by’igihugu, KUNENA no GUSUZUGURA UMUTURAGE,(=kumunyara hejuru ! ) ni bimwe mu by’ingenzi bishobora gushora u Rwanda mu marira n’amaganya birenze ibyo amateka yatweretse kugeza ubu.

Abicaje amabuno yombi, abadamaraye mwibwiraga ko mwashyikiriye imaragahinda yanyu…muritonde , ibihe bije birasa ukwabyo. Kurwanira guhirika iyi ngoma y’Umunyagitugu utakigira rutangira byo ngibi byaje, ubanza nta kigishoboye kubihagarika. AKARENGANE kari mu Rwanda karenze igipimo.

3.Hari intsinzi yabaho hatabanje kubaho imirwano ?

Uwifuza gusogongera ku byiza by’intsinzi ariko agashaka kugendera kure imirwano, uwo aba ari ikigwari cyangwa umutesi. Gutsinda bibanzirizwa no kwiyemeza kwirwanaho urwaana.

Revolisiyo nayo ni ubwoko bw’intambara igamije impinduka nziza mu miyoborere y’igihugu no mu mibereho y’abenegihugu. Umwihariko wa Revolisiyo ya rubanda ni uko ari intambara y’abakene kuko idakenera intwaro kirimbuzi zikorerwa mu nganda z’abazungu kandi zihenze cyane. Revolisiyo nta batekenisiye baminuje amashuri ikenera. Icyo Revolisiyo ya rubanda isaba gusa ni amaboko, amaguru, umutwe n’UKWIYEMEZA kutajegajega kw’abaturage bahagurukiye kuyikora. Iyo rubanda yahagurutse Umunyagitugu uwo ariwe wese ahinda imishyitsi.

Nk’uko buri wese abizi, imirwano (lutte/combat) yose ihanganisha nibura amatsinda abiri aharanira inyungu zivuguruzanya. Kumenya neza Umwanzi murwana, ukamenya kumutandukanya n’Umwizerwa mufatanyije urugamba, ni intambwe ikomeye yerekeza ku ntsinzi.

4.Ibyiciro by’abenegihugu bihanganye mu Rwanda ni ibihe ?

Muri iki gihe, buri wese yarangije kubona neza ko mu Rwanda hari ibyiciro bibiri by’abenegihugu bihanganye, kabone n’ubwo abafite inyungu mu kurya imitsi ya rubanda bakomeje kubeshya amahanga bavuga ikibazo cy’U Rwanda uko kitari, bakajya bacyita amazina y’utubyiniriro, mbese mu rwego rwo gutoba amateka y’u Rwanda!

Iki ni igihe rero cyo kumenya neza gutandukanya ibyo byiciro nyakuri bihanganye no kwitegura byuzuye intambara ivuza ubuhuha igiye gushyamiranya ibyo byiciro byombi kugeza kimwe muri byo gitsinzwe ruhenu.

Hari uwaba se atabona neza ko hariho icyiciro kigizwe n’«AGATSIKO K’ABANYAMURENGWE BAGASHIZE » hakaba n’icyiciro cya « RUBANDA IGOOKA »!

5.Abagize « AGATSIKO K’ABANYAMURENGWE BAGASHIZE » wababwirwa ni’iki ?

Uwo ni Cyomoro cya Kagame udamaraye mu byo se yambuye rubanda mu gihe bene Rwigara bari kugaraguzwa agati!

Ntabwo bigoye na gato gutandukanya abagize iki cyiciro n’abandi benegihugu kuko nta kibahuza na gito .

« Abanyamurengwe bagashize » ni abakoresha umwanya w’ubutegetsi bicayemo, bakarya utwabo bakagerekaho n’ibyarubanda ».Mu ijambo rimwe ni « ABARYAMITSIYARUBANDA« .

Umuntu wese ufite inzira yo gutungwa n’ibyo yambuye rubanda akoresheje ingufu cyangwa uburiganya, agakira, agakungahara , akanena kandi agasuzugura rubanda….uwo ni Umunyamurengwe wagashize .

Mu yandi magambo,ABANYAMURENGWE BAGASHIZE ni abajura biyita Intore, bakarangwa no kwishongora kandi mu by’ukuri imigenzereze mitindi yabo ibashyira mu mubare w’abakwiye gufatwa nka ba Ruvumwa. Uzababwirwa n’uko biheshereza agaciro mu byakagombye kubatera isoni! Ni ubuhe bupfura bundi buri mu kwifashisha umwanya waherewe gufasha rubanda noneho ukawukoresha usahura n’ibitakugenewe ?

Dore ingero zigaragara z’Abanyamurengwe bagashize :

(1)Perezida wa Repubulika ubura gutungwa n’umushahara utubutse ugeretse ku bindi byinshi Leta imugenera ahubwo agakoresha ubutegetsi afite, agasahura n’ibyagenewe gufasha impfubyi, abapfakazi n’ abakene, akigwizaho imitungo, akigurira indege ze bwite,amakonti ye yo muri Banki zo mu mahanga akayuzuzaho amamiliyoni y’amadolari…uwo si umuntu wo kubahwa, ni umujura mu bandi, akwiye gufatwa akabiryozwa.

(2)Minisitiri w’umuherwe : Niba Minisitiri runaka agaragayeho imitungo y’akataraboneka atari yaragaragaje ko afite mbere y’uko yinjizwa muri Guverinoma, uwo ni umubandi, akwiye gufatwa bwangu agasubiza iby’abandi yanyereje.

(3)Undi muyobozi wese uhemberwa kubungabunga inyungu rusange, ubukungu bwose yaronka akananirwa kwerekana inzira zemewe n’amategeko yaburonsemo, ni igisambo kitagomba gukomeza kureebeerwa . Nafatwe asobanure ibye n’ibyarubanda.

(4)Umusilikari cyangwa umupolisi wabaye umuherwe nyuma y’uko yinjiye muri ako kazi, nta handi yaba yarakuye ayo mafaranga uretse kuba yarayibye rubanda. Bene uwo rubanda iramworohera kugira ngo azagire akahe kamaro kandi ?

(5)Uwihayimana (Padiri, Furera, Mameya, Pasitori …) ugaragaweho no kuba umuherwe , nta handi yerekana yaba yarakuye iyo mitungo . Ko Imana akorera idahemba inoti z’amafaranga, ibyamirenge atunze yaba yarabikuye he handi uretse mu kwambura abaturage no kunyereza ibyari bigenewe rubanda rugufi ?

Muri make, « AGATSIKO K’ABANYAMURENGWE BAGASHIZE » kagizwe ahanini n’aba bantu tumaze kwerekana haruguru. Kandi aba bantu bafite IKIBAHUZA gikwiye kumenywa na bose : Baraziranye; bafite uko basangira ibisahurano; buhuzwa nanone no gushyiraho imitwe y’ABACANCURO bahemberwa kubacungira umutekano, kongeera no kurinda imitungo-myibano yabo. Niyo mpamvu barangwa no kwifata nk’ « UMUTWE w’ABAJURA BITWAJE INTWARO ».

Mu by’ukuri nk’uko bishobora kugaragazwa n’ ibaruzamibare, abagize Agatsiko k’ABANYAMURENGWE BAGASHIZE » ntibarenze 1% by’abaturage bose b’u Rwanda. Nyamara nibo bikubira 95% by’umutungo wose w’’igihugu. Ni ukuvuga ko kuri miliyoni 12 zituye u Rwanda, abafitanye isano n’Agatsiko k’Abanyamurengwe bagashize ntibarenze ibihumbi 120 , ubariyemo abana babo ,abagore babo, n’Imbwa Zabo Ziryana zirinda ibipangu byabo ngo hatagira uwo muri rubanda igooka uhegera.

6.RUBANDA IGOOKA igizwe na bande?

RUBANDA IGOOKA ntibisobanura gusa abakeneshejwe kurusha abandi.

RUBANDA IGOOKA igizwe n’abenegihugu bakora bakagooka ariko ibyo baruhiye bikajya gutunga ABANYAMURENGWE BAGASHIZE.

(a)Umuhinzi urima umushike, akabiba, ibyeze bigasarurwa na Koperative z’Abanyamurengwe bagashize kandi abana be bicwa n’inzara.

(b)Umucuruzi ukora ijoro n’amanywa ariko inyungu yose ikaba iy’Agatsiko, (c)Umusilikari cyangwa Umupolisi urara rwantambi arwanira kurengera inyungu z’Abanyaremurengwe bagashize, akiyuha akuya abacungiye umutekano, yagira amahirwe amaraso ye ntamenekere mu kazi agahembwa urusenda ndetse akimwa iminsi y’ikiruhuko yo kujya iwe ngo yite no ku muryango we.

(4) Umwarimu ugoka ngo ararerera igihugu ariko akagororerwa kwimwa ibikoresho n’imfashanyigisho, gusuzugurwa akitwa « Gakweto » no guhembwa inticantikize itamwemerera no kugaburira abo yabyaye.

(5) UMULIDERI wese wiyemeza kwitangira kuvuganira « Rubanda Igooka », kabone n’aho yaba yari asanzwe abarurirwa mu Banyamurengwe bagashize, aba ahinduye urugamba, aba ahindutse umwana wa « rubanda igooka », aba abaye umwe nayo.

Muri make RUBANDA IGOOKA ni bariya baturage banyuyuzwa imitsi. Bamburwa ibyabo, bakirukanwa muri gakondo yabo, bakarandurirwa imyaka, bagasenyerwa amazu hakiyongeraho gucibwa imisoro ihanitse, amahooro y’urucantege n’imisanzu by’urudaca…byose bijya mu mifuka y’Abanyamurengwe bagashize!

Ushyize mu mibare usanga icyiciro cya Rubanda igooka kigizwe n’abenegihugu basaga miliyoni 11 n’ibihumbi 800, ubariyemo n’abana babo. Mu by’ukuri iki cyiciro nicyo gifite ingufu gihabwa n’uko kigizwe n’UMUBARE munini cyane w’abenegihugu.

II.NONE SE KO RUBANDA IGOOKA ARIYO IFITE INGUFU Z’UMABARE MUNINI IRABURA IKI NGO ISUMIRE AGATSIKO K’ABANYAMURENGWE BAGASHIZE BAYIHEJEJE KU NGOYI !?

(BIRACYAZA….)

Padiri Thomas Nahimana

Abacamanza bakorera mu rukiko rwisumbuye rwa Nyarugenge basubitse Isomwa ry’urubanza rwa ba Rwigara

Leave a reply

Diane RWIGARA mu bihe bitandukanye azanwa mu rukiko

Nibyo koko, Bari bategereje amabwiriza ya nyiri kubafunga; Paul KAGAME wari mu nama ya Karindwi ya ICGLR (International Conference on the Great Lac Region).

Bitwaje ko “Dossier ari nini, batabonye umwanya wo kuyisuzuma”. Mu wundi mwanya bakaba barakoze iyo bwabaga bima abaregwa iyo dossier arinako batanguranwa mu kwihutisha urubanza. Bahugiye mu guhisha ukuri, bibagirwa ko bashinzwe gutanga ubutabera bakorera igihugu aho gukorera Président.

Paul KAGAME ubwe yarivugiye ati : “Ikiraro nzacyambuka ari uko nkigezeho”
Mu Ishema ry’u Rwanda turamubwira tuti : Intateganya ejo hazaza hayo, igera ku ikiraro cyabaye umwuzure, ikarohama.”

Umukono w’ Afande muri uru rubanza uragagarira buri wese :

– Byose byatangiye ari rwihishwa, tubyutse twuynva ngo RWIGARA Assinapol yapfuye (Imana Imuhe Iruhuko Ridashira). Ngo yakoze impanuka. Anne RWIGARA ahageze ako Kanya bamwima Se kandi akiri muzima. Bamumuhaye ari uko bamumazemo umwuka. (Imana Imwakire Imbere y’abayo)
– Agize icyo Abaza bati uwamwishe aracyarwaye impumu. Nibyo koko Afande PC arwaye Impumu. None uRwanda rwose yarwanduje impumu, none n’abacamanza be bananiwe gufata icyemezo k’urubanza baburanishije.
– Bati kandi nimukomeza kuvuga ndabahonda. Ubwo Hôtel umubyeyi wabo yaruhiye baba bayisenye m’umunsi umwe. Babaha fagitire Ngo bishyure. Namwe munyunvire ubwo bunyamanswa.
– Amasambu yabo baba barayigabije, Inganda zabo bazigabiza Ingengera.
– Umuryango w’Intwari nawo uti : Murampondagura sinoga ! Nibwo Diane yiyamamarije kuba président. Azana imikono hafi 1200 kandi hari hakenewe 600 gusa.
– Bati uraruhira ubusa, njyewe Afande mu mukino ndi rutahizamu nkaba n’umusifuzi. Kandi abafana nabo n’abanjye.
– Diane ati aho urabeshya reka tubipime. Aba afunguje INTABAZA ,Mouvement pour le Salut du Peuple.
– Afande PC ashya ubwoba ati reka Inzika yiyongere nzakwereka nimara kwima ingoma.
– Aho ahugukiye ati : “Niyo waba uri cyangwa se warashatse kuba Président bikakunanira, nta Immunité (ubudahangarwa) ufite” Buracya umuryango wa RWIGARA urafungwa.
– Arahubuka abaka za téléphones zabo, audio bazishyira hanze kugirango bakange abagifite ubugwari n’ubwoba, babangishe ku bagifashe ku ruhu, inka yarariwe cyera. Ntamenye ko k’urundi ruhande akangura abari basinziriye.
– Umunsi wambere babajyana kuburana , bashorewe n’Abapolisi ngabo, twimyoje barahindukira babashoreza Abapolisi ngore.
– Bakekaga ko Audio zakanze abanyarwanda, ko bose barwaye Impumu. Bagiye kubona, babona Imbaga yateranye ku bwinshi: Abahagarariye ibihugu by’amahanga mu Rwanda sinakubwira, abanyamakuru ntibahatangwa, inkumi nabasore baza babukereye. Yewe, na Me NTAGANDA, Impirimbanyi y’a Demokarasi irahasesekara.
– Babazanye babatunguye ngo babasebye, baza bambaye imyenda bararanye. Umunsi wakurikiyeho RWIGARA yaberetse ko atari inkirabuheri aza yakwambariye made in Rwanda. Maze ba gafotozi si ukwihera ijisho na camera barafotora. Ibyari urubanza bihinduka “défilé de mode”. Afande abibonye umushiha uramurenga, niko kubinjiriza mu gikari ngo hatagira ubabona.
– Adeline RWIGARA Yiyambaza Christ Umurinzi na Bibiliya ye, ubwoba burabataha.
– Bwakeye Babambura Bibiliya zabo, Abaje kubatera ingabo mu bitugu, barabasaka sinakubwira, téléphone zirafungwa, abanyamakuru barakubitwa n’ibyuma birafungwa. Gusa Uko bukeye bakomeje kuza ku bwinshi kugeza n’ubu.
– Ab’Avocat bandagaza ingingo z’ubushinjacyaha Imwe ku yindi rubura gica.

Kwambuka ikiraro, ukigezeho ukuntu ari bibi, ntabwo utekereza Ngo ushishoze ku ingaruka ushobora guhura nazo, n’iyo uzigezeho nta mwanya ubona Ngo zigire icyo zikwigisha. Abagukurikiye buhumyi bamwe ubambukiraho wagera hagati mu ruzi abandi bakakoshya gukomeza, bacye basigaye mukarohamana.

Ubushinjacyaha bukorera mu kwaha kw’umurwayi w’igihunga wabize ibyuya mu kwaha, abutera igitutu bwirukankana dossier ituzuye Ngo umurwayi arashaka kuvurwa byihutirwa. Kandi umuti ni ugufungirana ikuzimu umuryango wa Rwigara wose, ubuziraherezo.
Abaganga b’umurwayi w’igihunga nabo Ngo turi Abacamanza bigenga. Gusa bananirwa gufata icyemezo ku muti wavura umurwayi kuko batabonye umwanya wo gukora diagnostic(isuzuma) uko bikwiye.

None birangiye umurwayi agiye kwivura. Agiye gusimbuka ikiraro atazi iherezo. Abaganga be bategereje kumuha dossier Yose ngo ku wambere azihitiremo umuti. Ese mama, azasimbuka buhumyi cyangwa azasubira inyuma cyangwa se azashikama igihunga gikomeze kimurye !?.
Ese mama, baba bamubwiye ingaruka za buri muti bamwandikiye !?
Ese mama, baba bamubwiye uko umuti ugomba gufatwa !?
Ese mama, inama avuyemo ntiyaba yahuhuye n’uwatsindagiraga !?

Ibyo aribyo byose IYIHUSE ibyara IMPUMYI. Kandi Ngo Usatira uruzi urwita ikiziba.

Ishema ry’u Rwanda

YUBILE-100 Y’UBUSASERDOTI : ABAPADIRI KILIZIYA Y’U RWANDA IKENEYE NI ABAFITE UBUHANGA MU KUMENYA UKO INZOKA IRUMA N’UBUGOMBORO

Leave a reply

Abahimbaza Yubile basubiza amaso inyuma ariko batagamije kuba imbohe z’amateka ababaje. Bicuza ibyo batatunganyije mu gihe cyahise ariko bagambiriye kunoza ibihe barimo no gutegura ejo hazaza harushijeho kuba heza. Muri make, ikibazo nyamukuru dukwiye kwibaza mu gihe hahimbazwa Yubile y’imyaka 100 y’ubusaserdoti , ni iki gikurikira:

I. Kiliziya ikeneye abapadiri bameze bate? Icyo rubanda ibatezeho cyane ni iki muri iki gihe ?

Mu rwego rw’igihugu, Umunsi mukuru wo gusoza Yubile y’imyaka 1oo Abanyarwanda bambere bahawe isakramentu ry’Ubusaserdoti wabereye i Kabgayi kuri uyu wagatandatu taliki ya 7/10/2017. Wabimburiwe n’igitambo cya misa cyakurikiwe n’ibirori byiza, n’ubwo imvura yabaye karogoya bityo zimwe mu ndirimbo n’imbyino bikaburizwamo.

Televiziyo y’u Rwanda(TVR) yagize neza kuduha natwe turi kure amahirwe yo kubikurikirana. Twiboneye uko Abasaserdoti bari bakeye, abakristu twabonaga batewe ishema no kwizihiza abapadiri babo na Yezu Kristu wabatoye.

Hagaragaye abashyitsi banyuranye, ari abaturutse mu bihugu duturanye , ari abo mu nzego z’ubutegetsi ndetse habayeho n’akarusho k’uko umushyitsi mukuru w’ibi birori yabaye bwana Paul Kagame, Perezida w’u Rwanda wacyuye igihe taliki ya 3 Kanama 2017 ariko agakomeza kwihambira ku ntebe y’ubutegetsi ngo kugeza igihe azapfira.

II. Amagambo yahavugiwe akwiye gusesengurwa , ubutumwa yatangaga bukumvikana neza.

Abantu bane nibo bahawe umwanya wo gukora imbwirwaruhame.

1.Habanje Umugabo n’umugore bavuze mu izina ry’umuryango w’abakristu .Bagerageje kwerekana ibibazo bisanzwe bibangamiye umuryango muri iki gihe . Icyakora batinye gukomoza ku bibazo karundura bibangamiye umuryango kandi bituruka ku butegetsi bubi. Birinze rwose kuvuga imiryango yashenywe burundu n’imibare ihanitse y’abo akadobo kumiye ku mutwe bagemurira abahejejwe mu buroko; iyahungabanyijwe n’ukuburirwa irengero kwa hato na hato; igeze ku buce kubera urwikekwe rudasanzwe rwabibwe mu ngo n’imiryango; iyanamye ku gasozi kubera ugusenyerwa amazu na Leta wagira ngo yihaye inshingano yo guhima wabaturage ; iyasuhutse kubera inzara ya Nzaramba yaturutse kuri politiki mbisha yo guhatirwa guhinga igihingwa kimwe, kurandurirwa imyaka no kwamburwa ubutaka; imiryango yarimbutse kubera irondakoko n’ivangura byahawe intebe… Mbese birinze GUHANURA !

2. Hakurikiyeho Padiri Ntivuguruzwa Baltazar wavuze mu izina ry’abandi bapadiri bahimbaza Yubile ! Yabivuze neza nta buryarya ati : « Mvuge iki mu izina ry’abasaserdoti bagenzi banjye ko numva umukoro urenze ubushobozi ?! »

Mu ijambo rye yirinze rwose kugira icyo avuga ku bibazo nyakuri bibangamiye « umupadiri w’umunyarwanda » muri iki gihe, bya bindi koko bimubuza gukora umwe mu mirimo itatu yatorewe cyangwa yose hamwe ariyo : Guhanura, gutagatifuza, no kuyobora imbaga y’Imana . Yirinze kuvuganira abapadiri bari mu kaga k’ubukene, abafungiwe akamama, abazahajwe no guhora bashyirwa ku nkeke yo kuvangurwa no gutotezwa . Muri make na we yatinye GUHANURA…..

3. Naho Musenyeri Filipo Rukamba , nka Perezida w’Inama nkuru y’Abepiskopi gatolika mu Rwanda, yavuze ijambo ryiza rikwiye gushimwa ariko rikagira n’ibyo ryanengwa.

Yigishije amateka y’umupadiri w’umunyarwanda, yibutsa uko Abamisiyoneri b’Afurika(Pères Blancs) bakoze umurimo mwiza wo kugeza inkuru nziza mu Rwanda, bagashinga amashuri ndetse ntibazuyaze no gutangiza Seminari, bakohereza bwangu abana b’abanyarwanda i Rubya muri Tanzaniya kwitegura kuba abasaserdoti , babiri bambere bakaba baraje guhabwa ubupadiri mu mwaka w’1917. Abo ni Padiri Baltazar Gafuku na Donat Reberaho .

Musenyeri Filipo Rukamba yibukije ibyasabwaga abana boherezwaga mu Seminari, ko mbere ya byose bagombaga kuba barahawe isakaramentu rya Batisimu.

Aha hari ibanga rikomeye ry’amateka rikwiye kumvikana neza ! Twibuke ko Abanyarwanda ba mbere bitabiriye kuyoboka Ubukristu, bakabatizwa, ari rubanda rugufi rwari rukandamijwe n’ingoma ya gihake , kuko banibwiraga ko umuzungu w’umumisiyoneri yasaga n’ufite ingufu zashobora kuzabakiza ingoyi ! Ntitwiyibagize ko abana b’Abatutsi b’indobanure , ab’abatware n’ab’i bwami babanje kwitaza Abamisiyoneri no kugendera ubukirisitu kure ! Niyo mpamvu abashoboye kugera mu maseminari bwa mbere bari abana bo mu bwoko bw’Abahutu, kuko aribo bari baremeye « kubatizwa » . Bene abo nyine nibo babaye abambere guhabwa icyubahiro n’ikuzo ryo kuba abasaserdoti b’abanyarwanda! Ibi byatunguye abambari b’ingoma ya cyami , birabababaza ndetse birabarakaza cyane ! Mu maso yabo , kubona umwana ukomoka muri rubanda rugufi (Umuhutu !) kuri Alitari, mu mwaka w’1917 , byari ishyano ku gasozi , byari agahomamunwa! Mu maso y’abo bategetsi, Umuhutu ntiyari akwiye icyo cyubahiro, c’est tout ! Kuko nyine byasaga n’ibihabanye n’ingengabitekerezo ya cyami bamwe bagikomeyeho no muri iki gihe ngo : « Abahutu ntibavukiye gutegeka, babereyeho kuba abagaragu » ! Nyuma yo kubona Abahutu bambere babaye Abapadiri nibwo hatangiye « campagne »ihambaye yo gushishikariza n’abana b’Abatutsi kwigira kubatizwa no guharanira kuzaba abasaserdoti .

Twibuke ko abapadiri icyenda ba mbere (9) bose bari Abahutu ! Umupadiri wa 10 niwe waje ari Umututsi : ni Bigirumwami Aloys , wabuhawe taliki ya 26/5/1929, akaba ari na we waje gutorerwa kuba Umwepiskopi wa mbere muri Afurika yo hagati mu mwaka w’1952 !

Dukomeze nanone twibuke ko abana ba rubanda rugufi bize mu maseminari, amato n’amakuru ariko ntibashobore kugera ku bupadiri babaye abaturage bajijutse (IBISOME) ari nabo bavuyemo abanze akarengane n’ivangura bagirirwaga Kubera ubwoko bwabo bagatangiza Revolisiyo ya rubanda yakuyeho ingoma ya cyami ikazana Repubulika ! Ushaka gusobonukirwa inzigo iri hagati ya ba Kagame n’ Abamisiyoneri , na bya bitutsi bahora batuka Musenyere Perraudin, yahera n’aha akaba yumvise neza aho ruzingiye !

Mu kwibutsa ko abana bagomba kujya mu Seminari basabwaga no kuba bafungutse mu mutwe, bashobora gukurikira amasomo mu Kilatini, Icyongereza, Ikidage , Icyongereza ndetse n’Igiswahili, Musenyeri Filipo Rukamba (Musenyeri Aloys Bigirumwami amubereye sewabo) yari agambiriye kwibutsa abikundira politiki ya « humirizankuyobore » ko Kiliziya gatolika y’u Rwanda, kuva mu ntangiriro, yafashe umuco wo gutegura abapadiri b’abahanga kandi bumva neza isi barimo. Bishatse kuvuga ko abapadiri b’Abanyarwanda, uko bacecekeshwa kose, ntibayobowe uko igihugu cyabo gihagaze muri iki gihe, uko kiyobowe nabi, n’uko hakenewe impinduka.

Ijambo rya Musenyeri Filipo Rukamba ryanyuze kurushaho ageze aho yibutsaga amwe mu mazina y’abapadiri bakoresheje impano zihariye bagafasha abaturage benshi mu buryo bunyuranye kandi bagafasha n’igihugu gutera imbere mu nzira nyinshi. Najyaga kunezerwa kurushaho iyo Musenyeri Rukamba yongeraho na Padiri Galikani Bushishi ndetse na Bisengimana bagize ubutwari bwo gutabariza abaturage ubwo inzara ya Ruzagayarura yari ibamaze naho abategetsi b’i bwami bahugiye mu kwirirwa baririmba ko u Rwanda ari Paradizo ! Burya koko amateka ahora yisubiramo !

Muri abo Musenyeri Filipo yavuze ko bageretse impano zihariye ku busaserdoti, uwambere yatangiriyeho ni Padiri Tomasi Bazarusanga . Mu by’ukuri uyu mupadiri ni na we wagize igitekerezo cyo gutangiza « Kinyamateka » ariko iyo « initiative » iza kwitirirwa Padiri Goubau, wayishyize mu bikorwa ! Twibukijwe ko Padiri Thomas Bazarusanga yanateje imbere ubumenyi bw’imiti ya kinyarwanda kandi akora ubushakashatsi mu byerekeye inzoka ziri mu Rwanda, uko zirumana n’UBUGOMBORO abarumwe nazo bakenera. Nkimara kumva ubu buhamya nabaye nk’ubonekewe, mbibonamo ya mvugo-shusho yo muri Bibiliya, yerekana Umubyeyi Bikiramariya mu butumwa bwo gukandagira inzoka akayijanjagura agahanga, nayo ikagerageza kumuruma agatsinsino ! Ubwo butumwa kandi tukaba twarigishijwe ko ari ubwa Kiliziya muri iki gihe ! Nibwo rero numvise igitekerezo kinzamutse mu mutima ngo ahari« icyo Kiliziya y’u Rwanda ikeneye muri iki gihe ni abapadiri nka Tomasi Bazarusanga benshi, basobanukiwe uko inzoka ziruma, n’ubugomboro abarumwe baba bakeneye! Koko rero uramutse ufashe umwanya ukitegereza neza uko Kiliziya gatolika y’u Rwanda ibayeho muri iki gihe , ntiwabura kubona ko yarumwe bikomeye! Kandi n’ubu iracyarumwa buri munsi. Hari ibimenyetso simusiga byerekana ko ubumara bw’inzoka bwacengeye mu mubiri wa Kiliziya Gatolika yo mu Rwanda . Dore iby’ingenzi:

(1) Ubwoba bw’urupfu bukomeje kokama benshi mu bayobozi ba Kiliziya

(2)Gutinya GUHANURA : kwanga kureba no kwamagana akarengane kariho muri ibi bihe turimo, nyamara tukizera ko ejo hazaza hashobora kuba heza, kandi ntacyo dukoze uyu munsi ngo duce ako karengane katazabura kongera kudusenyeraho igihugu.

(3) Kwihutira kugira izacu imvugo za Leta ivangura abanyarwanda bityo Kiliziya ikagwa mu mutego wa « Mémoire selective », nayo ntiterwe ipfunwe no kuvangura imirambo y’abana bayo bishwe, hakibukwa « bamwe » mu benegihugu abandi bakagirwa ibicibwa ! Musenyeri Filipo Rukamba azatubarize Paul Kagame impamvu hari Abepiskopi babiri batabye mu gituro kimwe i Kabgayi, bakaba badashobora gushyingurwa muri Diyosezi zabo . Azamutubarize kandi aho yajugunye Musenyeri Phocas Nikwigize. Azamutubarize impamvu Abanyarwanda biciwe na FPR badashobora gushyingura mu cyubahiro no kwibuka ababo ! Azaba agize neza .

(4) Korohera no gukomeza kubembereza « régime politique » igeze mu marembera , mu gihe iyo ngoma imaze imyaka 23 yica, ivangura abenegihugu, irenganya, ikwiza iterabwoba, ibeshya, yikubira ibyiza byose by’igihugu !

(5) « Gutinya » guha Ijambo Abamisiyoneri bashinze Kiliziya y’u Rwanda ngo nabo batange ubuhamya bwabo, ni ikimwaro kitari gikwiye kubaho ku munsi wa Yubile y’imyaka 100 y’ubusaserdoti mu Rwanda ! Aho ibirori byabereye ni muri Seminari Nkuru yubatswe na Musenyeri Perraudin, ariko ngo kirazira kumushimira ubwitange bwe bwagiriye Kiliziya y’u Rwanda akamaro !

Icyo umuntu yanenga Musenyeri Filipo Rukamba, ni uko na we nk’abamubanjirije yibanze ku gihe cyahise, yirinda kuvuga akaga k’igihe turimo, yewe ntiyatinyuka no kubura amaso ngo agenekereze uko ejo hazaza hazaba hasa, niba u Rwanda rukomeje kuyoborwa nk’uko bimeze muri iki gihe . N’ubwo ababajwe no gutangaza ko Kiliziya yapfushije 1/3 cy’abapadiri bayo barimo n’abepiskopi 4 barimbuwe na Paul Kagame utarabiryozwa, birashoboka ko nidukomeza gutinya GUHANUURA, ubutaha Kiliziya Gatolika ishobora kuzapfusha 3/4 cyangwa 4/4 by’abapadiri n’abepiskopi Kubera ko bazaba baratinye gukora umurimo wabo w’ingenzi wo GUHANURIRA aba bategetsi b’INKOTANYI ! ….

4.Reka dusozereze kuri Paul Kagame witabiriye ibirori bya Yubile amwenyura ku buryo bitigeze kumugaragaraho mu myaka 23 amaze ku butegetsi. Byantangaje ukuntu yavuze ijambo rye atuje, adahekenya amanyo nk’uko bisanzwe , ndetse akirinda kuba umushinjacyaha, gutuka Kiliziya gatolika no kuyubikaho urusyo ngo niyo Nyirabayazana w’ugusenyuka kw’igihugu mu 1994. Ahubwo noneho Paul Kagame yagaragaye avuga ubufatanye, yemeza ko hakwiye kubaho imyumvire mishya. Yerekanye ko yatewe ishema no kubonana na Papa Fransisko kandi ko baganiriye ibyubaka!

Uko Paul Kagame yagaragaye muri ibi birori avuga neza yagombye kuba ariko yagaragaye guhera agifata ubutegetsi. Kuba abyadukanye uyu munsi rero bifite icyo bisobanuye.

Biragaragara ko noneho Paul Kagame akeneye Kiliziya Gatolika ku buryo budasanzwe! Ntabwo ayikeneye kubera ko ayikunze cyangwa ngo abiterwe n’uko inzigo yashize cyangwa akaba yarahindutse mu mutima ! Paul Kagame akeneye Kiliziya Gatolika kubera ibibazo bimukomereye arimo muri iki gihe ! Manda ya gatatu yihaye ku ngufu guhera taliki ya 4/8/2017, azi neza ko itazamuhira, azi ko ntawe ukimwumva, baba abanyamahanga, baba n’abanyarwanda bakabije kuremererwa n’ubutegetsi bwe bw’igitugu n’akarengane.

Agatwenge ka Paul Kagame , si agatwenge k’ineza ! Ni agatwenge kuzuye ubuhendanyi n’uburyarya nk’ubw’inzoka ihugiriza uwo yiteguye kuruma! Mu by’ukuri Paul Kagame ntakeneye gukorana na Kiliziya Gatolika, ahubwo arifuza kuyikoresha, akayihindura igikoresho cy’inyungu ze bwite, kuko ashaka ko abayobozi bayo bamushyigikira mu gihe yegereje kurunduka ! Akeneye umugisha wa Papa n’uw’Abepiskopi kugira ubutegetsi yibye bwemerwe . Kagame akeneye ko abapadiri bamufasha « gusinziriza rubanda » imurambiwe (opium du peuple) kugira ngo idahaguruka ikamuvudukana! Niyo mpamvu yazinduwe no gutongoza abayobozi ba Kiliziya Gatolika!! Yageze n’aho yemera kuzatanga impano batamusabye !!! Ngo azabwira Abaministri be bagire ibyo bashyikiriza abayobozi ba Kiliziya ! Aho iyi si « ruswa »mwo kabyara mwe !(Cadeau empoisonné!)

Ntimwamwiyumviye se : ngo ntabwo aherutse guhura n’abepiskopi ngo baganire ! Ubundi se yari yarababuriye he !? Icyo gihe ntiyari abakeneye, ariko ubu noneho arabakenye !

Kiliziya Gatolika Paul Kagame yifuza mu Rwanda ifite izina : ni « Kiliziya IDAHANURA »…. Yayindi imureka akikorera ibyo yishakiye, ntikome! Agahatira abakecuru kumusenga nka Murumuna wa Yezu, ikicecekera ! Akiba amajwi mu matora, Kiliziya yituramiye. Agasenya amazu y’abaturage, Kiliziya ntibavugire . Agatwikira imfubyi zitagira kirengera muri ruhurura kuko zimwanduriza umujyi , Kiliziya ikirebera hirya . Agakubita, akambika ubusa, akarasa ku manywa y’ihangu abagizwe ABAZUNGUZAYI n’amaburakindi, Kiliziya ikaruca ikarumira. Agatindahaza ABAKENE, Kiliziya gatolika y’u Rwanda , ntibarengere ! Akagaraguza agati, agafunga cyangwa akica Abalideri bavugira rubanda, Kiliziya ikinumira.

Ngiyo imyumvire mishya Kagame yifuza kubona mu bapadiri bose ba Kiliziya gatolika y’u Rwanda, barimo na Padiri Tomasi Nahimana yaciriye ishyanga n’ubu akaba atemererwa gutahuka mu Rwamubyaye !

UMWANZURO

Kuba Musenyeri Filipo Rukamba yakoze disikuru nziza ifite icyo yungura Abanyarwanda mu byerekeye amateka y’abapadiri ba Kiliziya gatolika y’u Rwanda, ni ibyo gushimwa!

Ariko kuba Musenyeri Filipo Rukamba , wavugaga mu izina ry’Inama y’Abepiskopi Gatolika y’u Rwanda, yateye intambwe ndende yo kwemeza, ku munsi wa Yubile y’imyaka 100 y’ubusaserdoti, ko n’abapadiri Ishyaka rya FPR-Inkotanyi ryigombye, rikabinjiza mu mutwe w’ Abacengezamatwara baryo bitwa « ABARINZI B’IGIHANGO » , ko nabo bakwiye gushimirwa iyo mirimo ya politiki nk ‘Abacurabwenge b’ingengabitekerezo ivangura abanyarwanda, ni ugutandukira kandi ni ikosa rikomeye atazabura KWICUZA mu gihe kiri imbere. Niba ari n’inyaryenge yabimwongereye muri disikuru we atabizi , yamuhemukiye ! Ibyo « bihango » abantu ku giti cyabo bafitanye na FPR, nta mwanya byakagombye guhabwa mu butumwa bwa Padiri ugifite n’inshingano muri « Misiyoni » ! Nabo nibabe intwari, bamese kamwe, bareke kwitwikira Kiliziya Gatolika!

Kuba Musenyeri Filipo Rukamba atatinyutse GUHANURA kuri uyu munsi w’imbonekarimwe, ngo yerekane, mu kinyabupfura no mu bwubahane, akarengane kagirirwa rubanda rugufi muri iki gihe , nabyo birerekana cyane ko ingabire y’ UBUHANUZI iri mu kaga gakomeye, muri Kiliziya y’u Rwanda.

Ngaho se ubufatanye Paul Kagame akeneye nibujyane na « Réformes » zifatika mu miyoborere y’igihugu , AKARENGANE kagabanuke, imfungwa zibohorwe, impunzi zitahuke mu gihugu mu mutekano. Naho ubundi ibyo Kagame ariho yivugisha byasa na « tactique » yo kubanza guhuha kugira ngo inzoka irusheho kuruma Kiliziya no kuyicengezamo ubumara buzayihuhura!

Niyo mpamvu bigaragara ko Kiliziya y’u Rwanda muri iki gihe ikeneye Abapadiri bemera gukora ubushakashatsi , bakagira ubumenyi buhagije mu byerekeye INZOKA, uko iruma, n’ubugomboro abakirisitu barumwe baba bakeneye !

Yubile nziza ku bapadiri bose b’Abanyarwanda,

Dusabirane twese kurushaho kuba ABAHANUZI…n’ABAGOOMBOOZI….mu Rwanda rw’iki gihe turimo.

Padiri Thomas Nahimana

PAUL KAGAME 2017: N’UBWO AFITE UBURAMBE MU KOGA MU MARASO Y’ABAHUTU N’AY’ABATUTSI, NONEHO UBANZA YARANGIJE GUSOMA NKERI!

Leave a reply

Kagame final

Nkunda kureba sinema zerekana uko inyamaswa zihiga. By’umwihariko ariko njya nitegereza cyane uko Intare zitwara iyo zirimo guhiga izindi nyamaswa. Sinibuza guseka cyane iyo mbonye intare isimbukiye imbogo ariko byagera aho izindi mbogo zirukaga zihunga zigasa n’iziyunguye agatekerezo, zigahagarara, zikisuganya, zigasubira inyuma gutabara iyazo yasigaye mu nzara z’intare! Nta gishimisha nko kureba ukuntu intare Umwami ishyamba yiruka ibebera, ikimwaro cyayibanye cyinshi!

Muri iyi minsi mwaba muri kwitegereza Paul KAGAME ngo murebe uko asa kandi agenza nk’intare yamwaye ??!!

I.IKIMWARO CYA PAUL KAGAME

Uyu munyagitugu yarabanje avuza iyabahanda, abeshya Abanyarwanda n’ isi yose ngo nibamurebe mu maso ngo ni umudemokarate w’akataraboneka. Ngo nta nyota y’ubutegetsi afite nk’abahutu bamubanjirije. Ngo manda ebyiri yemererwa n’Itegekonshinga nizirangira mu mwaka wa 2017 ntazakenera kurihindura ngo yihambire ku butegetsi!

Ntibukeye kabiri, yadukana agashya ko kwikoreza abaturage bagowe ibiseke ku ngufu ngo babijyane mu Ntekonshingamategeko kwerekana ko bamukunda byarenze igipimo; akomereza ku kwinginga abakecuru ngo nibaririmbe kandi babyine ko rwose KAGAME ari murumuna wa Yezu Kristu; naho “Abacukuzibimisarani” bo bahindurirwa akazi, bahabwa “mikoro” ngo bazenguruke igihugu cyose bomongana ngo” KAGAME atariho u Rwanda ntirwabaho! Ngo niwe wenyine wavukiye gutegeka, abandi benegihugu bose bakaba bagomba kwiheshereza agaciro mu kumubera abagereerwa n’inkomamashyi”! Ibyo twese twarabibonye turumirwa, Abazungu bari barizeye KAGAME bo baranyonyomba, bikuriramo akabo karenge, umwe umwe nta nduru!

Ingaruka zo gutegekwa n’”Umunyakinyoma utagira indangagaciro n’imwe yubaha”, ubu nizo rero zikomeje kujya ku kabonabose. Kwihishira byarangiye! Reka twibutse bine mu bimenyetso simusiga byagaragaje ko twinjiye mu bihe bidasanzwe:

(1) Mu Ukuboza 2015 KAGAME yategetse ko Itegekonshinga risuzugurwa burundu,kugirango rimwemerere kuzaba umwami w’u Rwanda ubuziraherezo.

(2) Ingingo ya 25 y’Itegekonshinga igena ko nta mwenegihugu ugomba kubuzwa gutahuka mu gihugu cye, Paul KAGAME yategetse ko itazongera gukurikizwa ukundi. Byagaragaye cyane taliki ya 23/11/2016 ubwo yafataga icyemezo kigayitse cyane cyo gucira ishyanga Padiri Thomas NAHIMANA, Nadine Claire KASINGE,Venant NKURUNZIZA na KEJO MAHIRWE Skyler bari biyemeje gutahuka mu Urwababyaye bagiye gufasha Abanyarwanda guharanira uburenganzira bwabo. Ubwo KAGAME yaduhezaga ishyanga yishuka ko abatuye mu gihugu imbere bose yarangije kubatera ubwoba bidasubirwaho,ko ntawe uzatinyuka kumuhangara mu matora y’umukuru w’igihugu yo mu 2017.

Icyo atamenye ni uko ubushake y’impinduka bwarangije kuzura mu mitima y’abanyarwanda batagira ingano.

Ntiyamenye aho Diane RWIGARA ateye aturuka, ntiyigeze anamenya uko uwo mwari yatojwe ibya politiki n’amarira y’akarengane yahogoje Abanyarwanda benshi! Kuko batari bamwiteguye, kumucecekesha byakomeje kubera KAGAME n’Agatsiko ke ingorabahizi.

diane

AYA MARIRA YATEWE N’UMUGAMBI MUBISHA WA KAGAME YO KURIMBURA UMURYANGO WA RWIGARA, HARI AHO AHURIYE N’UYU MUKWABU WO GUFUNGA ABAYOBOZI BA FDU BARI I KIGALI?

Gutoteza umuryango wa RWIGARA hagamijwe kuwutindahaza no kuwurimbura bifitanye isano n’umukwabu wo gufata no gufunga abayobozi ba Opozisiyo y’imbere mu gihugu bo mu bwoko bw’Abahutu. Ntiriwe ndondogora reka mbabwire uko tubibona mu tugingo 5 gusa dukurikira.

1.Mu gihe abaturage bari bataribagirwa uko KAGAME yagaraguye mu biziba kandi amurenganya umusore Abanyarwanda twese twakundaga witwa Kizito MIHIGO, yadukiriye Diane RWIGARA n’umuryango we . Mu gutoteza Nyakubahwa Kandida Perezida Diane RWIGARA n’umuryango we ku mugaragaro kandi mu buryo bugayitse cyane, buteye agahinda, ubwoba n’umujinya, Paul KAGAME yivuyemo bidasubirwaho. Yashyize umukono ku bisanzwe bizwi! Yeretse abenegihugu bo mu bwoko bw’Abatutsi, ko amaraso yabo ntacyo amubwiye, ko abatanze utwabo bagatera inkunga umutwe w’Inkotanyi mu ntambara yatangiye ku ya 1/10/1990 nta kandi gaciro bafite mu maso ye, uretse kumubera ibitambo akeneye! Mu yandi magambo KAGAME yahumuye amaso ya ba Batutsi bake cyane bari batarasobanukirwa, bakaba bacyishuka ko KAGAME aribo yarwaniye, ko ari Umukiza wabo! Mu kugaraguza agati umuryango wa RWIGARA ku kabonabose KAGAME noneho yerekanye uwo yariwe kuva mu ntangiriro: icyo yishakiraga ni UBUTEGETSI kugira ngo abwifashishe maze asahure igihugu, yibere umuherwe ndetse w’umunyamurengwe, we n’umuryango we gusa basezere ku bukene, buri mwana we ajye agenda muri LANDCRUISER y’akataraboneka, mu gihe abana ba rubanda itanga imisoro baribwa n’ingona bagiye kuvoma ibiziba byo kunywa!

Umuhanzi-Kizito-Mihigo-yitangiriye-itama-akimara-kumva-imyanzuro-yurukiko

2.Icyatunguye KAGAME, ni ugutahura ko Abanyarwanda bamuzi neza, ko biteguye no kumubwiza inaninarimwe (Résistance à l’oppression). Ngira ngo yaguye igihumura abonye neza ko babandi yari yarabeshye ko yakijije bamuzi nk’AKAMASA KAZACA INKA kugeza n’igihe amarira y’umubyeyi uri mu kaga ashyize ahagaragara kwa kuri abanyarwanda bose bazi ariko batinyaga kuvuga kwerekeye Kagame n’Agatsiko ke kitwaje intwaro: “MURI INTERAHAWE Z’UBUNDI BWOKO”! Mambo kwisha!

3.Dore icyo gufata abayobozi ba Opozisiyo bo mu bwoko bw’Abahutu bisobanuye:

Kagame ni umugome ariko si impumyi, si n’igipfamatwi! Yamaze kubona ko ubutindi bwinshi yashyize muri gahunda yo kurimbura umuryango wa RWIGARA bugiye kumubyarira amazi nk’ibisusa ku buryo budasubirwaho aherako atangira ya “makinamico asanganywe” bo bita “AMAKATA”, mu rwego rwo kuyobya uburari no kurangaza abanyarwanda:

Boniface-TWAGILIMANA

(1) Mu gufunga abanyapolitiki bo mu bwoko bw’Abahutu, KAGAME agamije kugerageza guhumuriza no kongera guhuma amaso Abatutsi barangije kumubona nk’ “INTERAHAMWE Y’UBUNDI BWOKO”. Arashaka kubabwira ko “atari we mwanzi w’Abatutsi”. Ko umwanzi wabo ari umuhutu wese, wa wundi wabishe kandi n’ubu akaba agifite umugambi wo kubatsemba! Mwibuke “IKIBAZO-NCENGEZAMATWARA” cyuje urwango Paul KAGAME aherutse kwandikisha ku kinyamakuru cye gishya cyitwa INKOTANYI: “Quelle ethnie est considérée comme responsable du génocide des Tutsi en 1994 au Rwanda? « (« Ni ubuhe bwoko buzwiho kuba bwaratsembye Abatutsi mu mwaka w’1994?” Biragaragara neza ko Kagame ari muri « stratégie » y’amacakubiri, agendereye guteranya Abahutu n’Abatutsi kugira ngo hatagira utabara undi mu gihe abagabyeho igitero.

(2) Gushinja Abayobozi ba FDU ko bari gukorana n’imitwe y’abahutu ishaka gutera u Rwanda iturutse mu gihugu “kitazwi”(!) ni ugushaka kuvumbura ubwoba n’umujinya w’Abatutsi abashyira imbere igikangisho cy’uko Abahutu bashobora kugaruka ku butegetsi. Icyo agamije ni ukugira ngo Abatutsi bamutereye icyizere muri iyi minsi bamugarukire, hato badatera intambwe yo kwiyemeza gufatanya n’Abahutu bo muri Opozisiyo bashaka guhirika ubutegetsi bwe bw’igitugu gikabije.

(3) Gufungwa kwa bariya Bahutu bo mu ishyaka rya Victoire INGABIRE UMUHOZA uheze muri gereza arengana, ntihagire ubikinisha, kuko mu kandi kanya amaraso yabo araba ashobora kumenwa kuko KAGAME ayakeneye kugira ngo yongere yerekane nyine ko abereyeho kuba Umukiza na Nyagasani urinda umutekano w’Abatutsi. Mu mutwe wa KAGAME ufite uburambe mu kwiyuhagiza amaraso, nta kundi yakoozwa amaraso ya RWIGARA adakarabye aya Bonifasi Twagirimana na bagenzi be!

(4) Hagati aho birashoboka ko umuryango wa RWIGARA wahabwa agahenge by’akanya gato ariko baritonde…ntabwo KAGAME wacuje RWIGARA ubuzima, agasenya amagorofa n’amazu bye, agafunga inganda, agafatira amakonti, agashyira umupfakazi n’impfubyi mu mapingu agamije kubivugana rwihishwa…ntabwo azabareka gutyo gusa kuko mu by’ukuri bamukojeje isoni! Intare yamwaye…muyitege!

(5) Gusa ubwo abanyarwanda bamaze kumenya ufite uburambe mu koga mu maraso yabo, baramutse bagize ubwenge burenze ubw’imbogo ho gato bamuviraho inda imwe, agasoma nkeri cyangwa akibira ubutazuburuka. None se ngo iyo ukomeje guhishiira umurozi ntakumaraho urubyaro?

UMWANZURO

Ibihe bya politiki iyi ntindi ngo ni “Manda ya gatatu itemewe” yinjijemo Abanyarwanda birakomeye cyane kandi ntibisanzwe. Birasaba ko abanyarwanda barekera aho kuzarira ahubwo bakihutira kugira imyitwarire mishya: bagakanguka, bagahaguruka, bakagira icyo bakora KIDASANZWE.

Mu bihe bisa nk’icyo tugezemo, na YEZU KRISTU ubwe yageze aho abwira Intumwa ze ati: “Ubu noneho… n’udafite inkota nagurishe igishura cye, maze ayigure” Luka 22,36.

Banyarwanda, Banyarwandakazi, iyaba uyumunsi mwakundaga mukumva ijwi rye, ntimunangire imitima yanyu!

Murakarama.

Padiri Thomas Nahimana.

Perezida wa Guverinoma y’u Rwanda ikorera mu buhungiro.

GUSENYA UMURYANGO WA RWIGARA : IGITERO CYA NYUMA UMUNYAGITUGU PAUL KAGAME AGABYE KU BANYARWANDA!

2 Replies

GUSENYA UMURYANGO WA RWIGARA : Igitero cya nyuma Umunyagitugu Paul KAGAME agabye ku Banyarwanda ! Tariki ya 05/09/2017

Amakuru y’u Rwanda muri iyi minsi ishize yaranzwe ahanini n’akarengane gakabije umunyagitugu Paul KAGAME akomeje gukorera umuryango wa nyakwigendera RWIGARA Assinapol.

Twibutse ko Bwana RWIGARA Assinapol yari umucuruzi ukomoka mu bwoko bw’abatutsi wazamutse cyane mbere y’intambara yo mu Ukwakira 1990 . RWIGARA ni umuntu wakunzwe kandi wubashywe cyane na Perezida HABYARIMANA Yuvenali w’umuhutu waje kwicwa na KAGAME n’agatsiko ke ka FPR INKOTANYI mu ijoro ryo ku itariki ya 6 Mata 1994. Gusa bigeze ahagana mu mwaka wa 1989, Bwana RWIGARA yafashe icyemezo cyo gutera inkunga ku buryo bugaragara inyeshyamba z ‘umutwe wa FPR-INKOTANYI kuko bamwe mu bayoboke bayo bari bashoboye kumwumvisha ko icyari kigamijwe ari ukurenganura no gucyura impunzi z’abatutsi zari zarasohotse mu Rwanda guhera mu mwaka wa 1959. Gufata ubutegetsi bwose byaje kugerwaho na FPR mu mwaka w’1994 habanje kuba intambara ikaze na jenoside bigahitana ubuzima bw’abantu barenga miliyoni ndetse hagasenyuka byinshi.

Twifuje kumenya icyo Nyakubahwa Padiri Thomas NAHIMANA, Perezida wa Guverinoma y’u Rwanda ikorera mu buhungiro atekereza kuri iki kibazo cy’umuryango wa RWIGARA, adutangariza ibi bikurikira. Ni mu kiganiro yagiranye na Radiyo The Voice of Rwanda kuri micro ya Angela DANA.

THE VOICE OF RWANDA

Nyakubahwa Perezida, ndakeka mukurikirana amakuru agezweho ku bijyanye n’umwari Diane RWIGARA n’umuryango akomokamo. We n’abo muri uwo muryango bafashwe na Polisi baregwa ibyaha bibiri aribyo (1) kudatanga imisoro no (2) gukoresha impapuro z’impimbano. Mubitekerezaho iki ?

Padiri THOMAS NAHIMANA :

Bizwi na bose ko igipolisi cy’umunyagitugu Paul Kagame cyakataje mu gutekinika amadosiye kugira ngo gishinje ibinyoma umuntu wese wamaze gutangwa na Kagame ngo afungwe cyangwa yicwe. Ubu rero ikigaragara muri iyi minsi ni ibikorwa biteye agahinda birimo gukorerwa umuryango wa RWIGARA bitegetswe na Paul KAGAME. Uyu munyagitugu Paul KAGAME kandi ni nawe wishe RWIGARA Assinapol kandi nyamara uyu mucuruzi yari yaramufashije bitagira ingano mu gihe yari ku rugamba. Nanone ariko ntitwabura kuvuga ko inzira yakoreshejwe mu gucura ibyaha bigerekwa ku muryango wa RWIGARA igaragaramo ubuswa bukabije. Nawe se, reba nka kiriya cyaha ngo cyo gukoresha impapuro z’impimbano, ntawe kitasetsa ! Ninde se uyobewe ko cyari cyahimbwe hagenderewe gusa kubuza Diane RWIGARA kwiyamamariza umwanya w’umukuru w’igihugu ! Ayo manyanga yakozwe twese tubireba. Ariko noneho kubona Paul KAGAME yitera ijeki ngo arashaka gukurikirana Diane RWIGARA mu nkiko hashingiwe kuri icyo cyaha gihimbano nibyo byitwa « kwenderanya » mu kinyarwanda. Twese ntawe utabibona.

Naho ku cyaha ngo cyo « kunyereza imisoro » kinagaragara ko aricyo cyaba nyamukuru, umuntu wese ukurikirana iby’u Rwanda ntiyabura kwibaza ati : ni kuki kandi ni gute inzego zishinzwe kwakira imisoro mu Rwanda zizwiho kutajenjeka zitabonye ubwo buriganya mbere hose, kugeza aho miliyari eshanu zose zigeramo ? Ndetse wakongeraho uti: ni iyihe mpamvu iki kirego kivumbutse muri iki gihe ?

THE VOICE OF RWANDA

Nyakubahwa Perezida, murashaka gusa n’abemeza ko ubuyobozi bw’ikigo gishinzwe imisoro mu Rwanda bwaba bufite uruhare mu guhishira iki cyaha cyo kudatanga imisoro kiregwa umuryango wa RWIGARA ?

Padiri. THOMAS NAHIMANA

Si ugushaka kubyemeza gusa, ahubwo ndabihamya mpagaze ku maguru yombi. Rwose nibyumvikane neza ko haramutse harabayeho koko icyo cyaha cyo kunyereza imisoro byaba ari ikosa ry’inzego zibishinzwe. RWIGARA siwe bikwiye kubarwaho. Ariko koko Abanyarwanda bazabeshywa kugeza ryari ! Abantu bakwiye gusobanukirwa kandi bakamenya intangiriro y’ibi bintu. Reka nze mbabwire neza uko iki kibazo cyifashe. RWIGARA Assinapol yasinye AMASEZERANO yo gutera inkunga urugamba rwa FPR Inkotanyi mu gihe uyu mutwe witwara nk’uw’iterabwoba wari ukiri mu ishyamba. RWIGARA yatanze inkunga ibarirwa mu ma miliyoni menshi y’amadolari kandi ishyikirizwa Paul KAGAME wari umuyobozi ya FPR-Inkotanyi. Muri ayo masezerano, FPR nayo yemereraga RWIGARA ko nibaramuka bafashe ubutegetsi, nta kindi bazamwitura uretse kuzamuha ubwisanzure agakora ibikorwa bye by’ubucuruzi ariko « adatanga imisoro nk’abandi » mu gihe cy’imyaka nibura 30. Babyita mu gifaransa “régime fiscal aménagé”. Ndetse si RWIGARA wenyine wemerewe iyo « régime fiscal amenagé ». N’abandi bacuruzi batanze inkunga ifatika y’amafaranga kimwe na bariya basirikare bakuru bose b’Inkoramutima za Kagame, bacuruza badatanga imisoro nk’abandi banyarwanda kugeza n’uyu munsi ! Iyi mikorere iteye itya ikaba rwose ikomeje gutera icyuho gikomeye mu isanduku ya Leta kubera ko « uko imisoro itangwa » bigaragaramo ivangura rikabije kandi rigamije guhombya « entreprise » yose Paul KAGAME adashaka. Ni na yo mpamvu mubona ubukungu, ubucuruzi n’imari byose by’igihugu byikubiwe n’Agatsiko gato cyane k’abantu bazi « gusangira » n’umunyagitugu Paul KAGAME no kumukomera amashyi amanywa n’ijoro.

THE VOICE OF RWANDA :

None se murakeka ko Polisi yatewe n’iki kujya gusaka ndetse no gufatira ibintu bitandukanye mu rugo rw’umuryango wa RWIGARA ?

Padiri THOMAS NAHIMANA

Aha nanone hari ibikwiye kubanza gusobanurwa. Kiriya gipolisi cya Kagame, si urwego ruzwiho kubahiriza amategeko n’uburenganzira bw’ikiremwa muntu nk’uko mubibona mu bihugu nk’u Bufaransa cyangwa ibindi bihugu byateye imbere by’Uburayi. Polisi y’u Rwanda ni “umutwe witwaje intwaro” uri mu biganza by’umunyagitugu Kagame, akaba yarawuhinduye igikoresho yifashisha uko abyifuje mu kurengera inyungu ze bwite zonyine. Umutekano w’abaturage si wo ubashishikaje kandi Abanyarwanda bose barabizi neza!

Reka rero tugaruke kuri ririya saka rya hato na hato , rikorwa amanywa n’ijoro mu rugo rwa RWIGARA. Icyo rigamije namwe mwakibwira! Icya mbere ni uko Kagame arimo gushakisha ahaba haherereye amasezerano RWIGARA yasinyanye na FPR kugira ngo umuryango we utazayashingiraho wiregura mu gihe haba habayeho urubanza. Icya kabiri, ni ugufatira amafaranga yose uyu muryango waba warabashije gushyira ku ruhande mbere y’uko Leta ifatira amakonti yabo mu mabanki. Nanone kandi kuba muri iyi minsi haragaragaye Abajepe bashinzwe kurinda Paul KAGAME birirwa bakanarara ku nzu ya RWIGARA, ni ikimenyetso kitabeshya cyerekana ko umunyagitugu yakuye agahu ku nnyo akaba yariyemeje, we ku giti cye, kurandurana n’imizi umuryango wa RWIGARA.

THE VOICE OF RWANDA

4. Nyakubahwa Perezida, aha umuntu yakumva ko KAGAME mumukabirije ! None se muratekereza ko KAGAME yaba afite iyihe nyungu mu gukorera ubu bugome umuryango wa RWIGARA ?

Padiri THOMAS NAHIMANA

Ugize neza kumbaza icyo kibazo kidufasha kugaragaza « ipfundo » ry’inkomoko y’akarengane umuryango wa RWIGARA uriho ukorerwa muri iki gihe, iyi mu by’ukuri ikaba ari nayo ntandaro y’uruvagusenya Abanyarwanda benshi bakomeje guhura narwo mu mibereho yabo ya buri munsi.

Reka rero twibutse ko nyuma y’umwaka w’1994, RWIGARA yongeye gukora ibikorwa bye by’ubucuruzi mu RWANDA, biramuhira, asubira gutunga amafaranga abarirwa mu mamiliyoni menshi. Ibibazo bikomeye byatangiye Paul KAGAME akimara kuba Perezida wa Repubulika, asimbuye BIZIMUNGU wananijwe, akeguzwa mu mwaka wa 2000. Icyo gihe rero Paul KAGAME yashatse guhabwa imigabane myinshi mu bikorwa bya RWIGARA wari umenyereye kwikorera ku giti cye. RWIGARA wari waragize igihe gihagije cyo kurunguruka imikorere ya Kagame na FPR, yaricaye, aribaza ,asanga kwemera gufatanya na Kagame mu bucuruzi bidatandukanye no kunywana na Lusufero ! Byamuteye ubwoba afata icyemezo cyo guhakanira KAGAME. Sibwo KAGAME arakaye umuranduranzuzi agatangira gukubita agatoki ku kandi ko azashirwa arimbuye RWIGARA n’ibye byose ! Kuba RWIGARA yarakomezaga gutera imbere mu bucuruzi bwe kandi agatinyuka kwanga « gusangira na KAGAME wiyumva nk’umwami w’u Rwanda », ngicyo icyaha gikabije cyatumye RWIGARA yamburwa ubuzima bwe. Mu by’ukuri nta kindi KAGAME yahoraga RWIGARA kitari icyo, akaba yaratangiye rero kumwenderanyaho ku buryo bugaragara mu myaka ya 2001-2002.

Icyo gihe RWIGARA yahise abona ko ibintu bitoroshye, ko ndetse ashobora gufungwa cyangwa akwicwa, nibwo yiyemeje guhungira mu gihugu cy’uBubiligi. Iyi nkuru y’uko RWIGARA yatotejwe cyane na FPR yagizwe ibanga, ntiyamenywe na benshi. Gusa rero FPR yaje gukoresha bwa buhendanyi isanganywe, iramushukashuka, irongera imwizeza ibitangaza, yemera kuva mu Bubiligi atahuka mu Rwanda maze bamwivugana ku itariki ya 4/2/2015.

THE VOICE OF RWANDA :

5. Ariko rero igipolisi cy’u Rwanda cyemeje ko RWIGARA yazize impanuka y’imodoka !

Padiri THOMAS NAHIMANA

Ikinamico ryo kubyita impanuka ntiryafashe kuko Diane RWIGARA wahise agera aho iryo shyano ryabereye yatanze ubuhamya bw’ibyo yabonye. Yasanze se akiri muzima, yibonera n’amaso ye uko abapolisi bashishikariye kumutsindagira mu mufuka w’abapfuye kandi agihumeka, nyuma aza kubona n’uko bamuhwanyije bamuteraguye ibyuma, bamukubise n’inyundo mu mutwe, kandi ibyo byose byakorwaga na ba bapolisi ba Kagame mwebwe muvuga ngo barinda umutekano w’abaturage muri disipulini ihambaye!

Iyo witegereje ibyakurikiye urupfu rwa RWIGARA uhita usobanukirwa, ntiwongera gushakisha uwari ufite inyungu muri ubwo bwicanyi(A qui profite le crime !). Ibuka ko tariki ya 12 /9/2015, ubuyobozi bw’umujyi wa Kigali bwahise butangira gukubita hasi igorofa rizwi cyane rya RWIGARA ngo kubera ko ritubatswe rikurikije amategeko. Nyamara iyo nzu yubatswe mu buryo bukurikije amategeko, ikaba imaze imyaka irenga 25 !

Muri make, ibi byagaragaje ko KAGAME atanyuzwe n’amaraso ya RWIGARA yonyine ahubwo ko yari afite umugambi wo « kurimbura » umutungo we hagamijwe gutindahaza n’umuryango we wose.

THE VOICE OF RWANDA :

6. Aho icyemezo Diane RWIGARA yafashe cyo kwiyamamariza kuba Perezida wa Repubulika mu mwaka wa 2017 nticyaba cyarabaye nyirabayazana yaje kongera ibibazo byari bisanzwe bitoroshye ?

PADIRI THOMAS NAHIMANA :

Nibyo rwose ntiwibeshye. Akarengane uyu muryango wahuye nako niko katumye Diane RWIGARA afungura amaso amenya neza kamere nyakuri y’ubutegetsi kirimbuzi bwa FPR bwahohoteye Abanyarwanda batagira ingano guhera muri Nyakanga 1994. Yahise afata icyemezo cyo gutsinda ubwoba akamagana ku mugaragaro akarengane gakorwa na FPR. Si ibyo gusa ahubwo yiyemeje no gufatanya n’abaturage mu rugamba rwo guharanira impinduka za politiki hagamijwe kwimakaza imibereho myiza y’abaturage. Nyamara mu mutwe wa KAGAME n’abicanyi be, kuba umwari RWIGARA Diane w’imyaka 35 yarafashe kiriya cyemezo cyo gushaka kwiyamamaza, byafashwe nk’ icyaha ndengakamere cyo kwibagirwa uwo ariwe : umututsikazi w’umunyiginya, wacitse ku icumu rya jenoside bityo akaba yaragombaga guhora asenga kandi asingiza Umucunguzi we rukumbi, Nyagasani Paul KAGAME, umututsi w’umwega ! Ukurikije imitekerereze ya KAGAME, Diane RWIGARA ntiyagombaga, yewe habe no mu nzozi, kumva ko afite uburenganzira bwo guhangana n’ « Umwami » w’u Rwanda mu matora ya 2017! Ibi nibyo KAGAME yashingiyeho afata icyemezo ko Diane RWIGARA agomba gutotezwa, gufungwa ndetse akazanicwa mu minsi mike iri imbere aha! Niba ntacyo rubanda ikoze hagati aho, kwizera ko hari ukundi bizagenda kwaba ari ukwishuka!

THE VOICE OF RWANDA :

7. Ni ryo jambo ryanyu ry’umusozo ?

PADIRI THOMAS NAHIMANA :

Ndareba ngasanga ari ikimwaro ku Banyarwanda bose bakomeza kuzarira mu gihe ubuzima bwabo n’imibereho yabo biri mu biganza by’Umugabo utaranganwa umutima w’impuhwe, utagira ukuri muri we, utagira indangagaciro n’imwe yubaha, unezezwa no guhemukira abamufashije bakanamugirira neza agamije kuburagiza abapfakazi no gutindahaza impfubyi!

Nka Perezida wa Guverinoma y’u Rwanda ikorera mu buhungiro, ndahamagarira urubyiruko rw’u Rwanda guhaguruka nk’abitsamuye, bagaharanira uburenganzira bwabo, bakarwanira ko Diane Shima RWIGARA arenganurwa kimwe n’izindi mfungwa za politiki nka Victoire INGABIRE UMUHOZA, Déogratias MUSHAYIDI, Kizito MIHIGO, n’abandi.

Mboneyeho kandi akanya ko kubwira umunyagitugu Paul KAGAME ko « Guverinoma ye idashakwa n’abanyarwanda » igiye kumushwanyagurikiraho kuko itazashobora guhangana n’ubushake bwa revolisiyo buri guhinda mu mitima y’abenegihugu benshi bakunda ukuri n’ubutabera. Nabimenye neza, kandi abyitegure : nyuma y’aka karengane gakabije kagiriwe Diane RWIGARA n’umuryango we, Abanyarwanda biteguye kumubwira ngo « BURYA SI BUNO ». A très bientôt.

Ikiganiro cyateguwe na Angela DANA,

Umunyamakuru wa Radio The Voice of Rwanda

https://voiceofrwanda.airtime.pro/

AMATORA 2017: GUVERINOMA Y’U RWANDA IKORERA MU BUHUNGIRO IRAHUMURIZA RUBANDA

1 Reply

Itangazo rigenewe Itangazamakuru

MU GIHE KITARENZE AMEZI 6 GUVERINOMA YA RUBANDA IKORERA MU BUHUNGIRO IZABA IMAZE GUHANGA INZIRA YO GUSEZERERA « Ikigirwamana »CYIYICAJE KU NGOMA.

Nyuma yo kwitegereza neza no gusesengura bihagije uko u Rwanda rwayobowe guhera taliki ya 1/10/1990 kugeza uyu munsi n’ibyago bikomeye byarugwiririye biturutse ku byemezo n’ibikorwa by’abategetsi babi , by’umwihariko Paul Kagame udaterwa isoni no kugenda arushaho kwerekana koko ko ari « Umunyagitugu w’umwicanyi utaranganwa impuhwe,Umusazi utagifite igaruriro, Umunyamurengwe usonzeye gusengwa nk’ Ikigirwamana » ;

I. Reka tubanze twibutse urugendo twakoze kugeza ubu :

1. Taliki ya 28/1/2013, Abataripfana b’ikubitiro bateraniye i Paris bashinga Ishyaka ISHEMA ry’URWANDA ryihaye intego yo gufasha abanyarwanda kwisubiza « ishema » ry’abenegihugu, bakanga kugirwa inkomamashyi n’abagereerwa mu Rwatubyaye ;

2. Ntibyatinze andi mashyaka ya « Nouvelle Génération » afata icyemezo cyo gushyigikira umushinga w’ishyaka Ishema wo kujya gukorera politiki mu Rwanda hashyizwe imbere « Kunga Abenegihugu kugira ngo bafatanye kwiyubakira u Rwanda rujya mbere »;

3. Twafashe igihe gihagije cyo kuganira , kujya impaka no kungurana ibitekerezo n’Abanyarwanda b’ingeri zose ndetse dukora ingendo zo gusanga impunzi mu bihugu binyuranye;

4. Twagendereye abayoboyi b’ibihugu by incuti tubasobanurira umushinga dufite, barawushima kandi batwizeza kuzawutera inkunga tugeze mu Rwanda ;

5. Hagenwe Ikipe igomba kuva mu buhungiro ikajya mu Rwanda, ihabwa Padiri Thomas Nahimana nk’umukandida mu matora y’umukuru w’igihugu yagombaga kuba muri Kanama 2017;

6. Nyamara uwo mugambi mwiza kandi w’amahoro wakomwe mu nkokora n’Umunyagitugu Paul Kagame wahisemo gukumira Padiri Thomas Nahimana n’Ikipe ye hifashishwa inzira igayitse yo kubasohora mu ndege zabajyanaga mu Rwanda incuro ebyiri zose, ni ukuvuga taliki ya 23/11/2016 i Nayirobi muri Kenya na taliki ya 23/1/2017 i Buruseli ho mu Bubiligi;

7. Icyo gikorwa cy’urugomo cyo guheza Ishyanga abenegihugu batavuga rumwe n’Inkotanyi cyahaye Bwana Paul Kagame, icyanzu cyo « kwiyimika nk’umwami wa Repubulika y’u Rwanda » binyuze mu ikinamico yiswe amatora yo ku ya3-4/8/2017;

II. Kubera izo mpamvu zose n’izindi nyinshi tutiriwe turondora, turatangariza Abanyarwanda n’umuryango mpuzamahanga ibi bikurikira :

1. Guverinoma y’u Rwanda ikorera mu buhungiro yashyizweho taliki ya 20 /2/2017,ikaba ihuriweho n’amashyaka menshi na Sosiyete Sivile, ntiyemera kandi nta gaciro na busa iha « ingirwamatora y’umukuru w’igihugu » yo ku itariki 3-4/8/2017 yahejwemo mu buryo buteye isoni abandi benegihugu bifuzaga kuba abakandida aribo Diane Shima Rwigara na Mwenedata Gilbert;

2.Turamenyesha rubanda ko Paul Kagame atakiri Perezida w’u Rwanda kuko manda ye ya nyuma yemererwaga n’Itegekonshinga yarangiye taliki ya 3/8/2017 bityo akaba atagomba kumvirwa no kuyobokwa nk’umukuru w’igihugu cyacu;

3.Dutangaje ko « Igisanaguverinoma » Paul Kagame yitegura gushyiraho ntaho kizaba gitaniye n’ « Agatsiko k’Abagizibanabi bitwaje imbunda » kagambiriye guheza Abanyarwanda mu iterabwoba no mu bucakara hagamijwe gusa gukomeza kubarya imitsi;

4 . Kuko twakomeje gusaba Paul Kagame ko yafungura imfungwa za politiki zirimo Victoire Ingabire Umuhoza, Deogratias Mushayidi, Theoneste Niyitegega, Padiri Eduwari Ntuliye, Padiri Mategeko Amatus n’abandi….ariko akica amatwi, dutangaje ko tutagikeneye kugirana ibiganiro na we;

5.Guverinoma y’u Rwanda ikorera mu buhungiro irahumuriza abenegihugu bose kandi irabizeza ko igiye gukorera ibishoboka byose kugira ngo mu gihe kitarenze amezi atandatu (6) hazabe habonetse inzira ikwiye yo kugamburuza « Agatsiko k’Abagizibanabi bitwaje imbunda »kaduhinduye twese nk’ingaruzwamuheto;

6.Turasaba Abenegihugu bose muri rusange na buriwese ku giti cye kwihutira gushyigikira mu nzira zose mushoboye Guverinoma yanyu ikorera mu buhungiro kugira umugambi mwiza wo kwibohoza ingoyi y’iterabwoba ry’Agatsiko ugerweho mu buryo bwihuse;

7.Turashimira abategetsi b’ibihugu by’incuti batugaragarije ko bahangayikishijwe n’uburiganya bwa Paul Kagame, bakaba batakimubonamo umukuru w’igihugu ukwiye kwemerwa no kwizerwa, ndetse bakaba biteguye gutera rubanda inkunga mu rugamba rwo kwishyiriraho ubutegetsi bushingiye kuri demukarasi nyakuri;

8.Turasaba umuryango mpuzamahanga gutera intambwe yo guha akato aka « Gatsiko k’Abagizibanabi bitwaje imbunda » no kugafatira ibihano bikakaye byo mu rwego rw ‘ubukungu, urwa politiki ,urwagisilikari n’urw’ubutabera mpuzamahanga kugira ngo karekure ubutegetsi kibye rubanda, bityo hategurwe amatora y’umukuru w’igihugu adafifitse .

Bikorewe i Paris, taliki ya 10 /8/2017
Padiri Thomas Nahimana,
Perezida wa Guverinoma y’u Rwanda ikorera mu buhungiro

‘Rwanda is like a pretty girl with a lot of makeup, but the inside is dark and dirty’

2 Replies

Diane Rwigara asks to postpone the interview. “My personal adviser is missing,” explains the text message. This is the new normal for Rwigara, who was until recently a loyal scion of Rwanda’s ruling elite.

Since the death of her father in 2015, the 35-year-old businesswoman has become a fierce critic of Paul Kagame, the country’s all-powerful president, and the ruling Rwandan Patriotic Front (RPF).

In May she announced her intention to run against him in the country’s electionon 4 August. For this, she has paid a heavy price.

In her grand, heavily fortified home in the heart of Kigali, the Rwandan capital, the interview goes ahead after her adviser – a close friend – turns up safe.

“He didn’t come home last night,” she explains. A stranger had called the night before and asked him to come for a drink. “He said he could give him some publicity for his newspaper. And you know how it is here: if you’re not part of the government, it’s hard to get publicity.”

He woke up the next day in a hotel room, his phone missing, remembering nothing from the previous night. “I’m used to it,” Rwigara says. Her best friend disappeared last December after she started speaking out against Kagame and the RPF. He has still not reappeared. “That’s life here. I’m just happy this one came back.”

Rwigara’s presidential bid was stillborn. On 7 July the National Electoral Commission barred her from standing on technical grounds, a move that came as little surprise to most. Kagame has ruled the country with an iron fist since sweeping to power after the genocide against Rwanda’s Tutsi minority in 1994. Criticism is barely tolerated, and the history of the past 15 or so years is littered with the names of opponents silenced and dissenters muzzled. To that list Rwigara adds her father, a prominent Tutsi businessman known to have been close to the RPF, at least early on.

The US-educated Rwigara publicly accused the government of foul play after her father died in a road accident, contacting foreign embassies in Kigali and international human rights organisations, as well as petitioning the president. Many question the allegation, but there has been no official investigation. It is the family’s word against that of the police.

Rwigara’s thwarted candidacy was a brief flash of colour in the otherwise drab landscape of contemporary Rwandan politics. Kagame’s re-election is so certain that he himself claimed victory on the first day of campaigning, citing the overwhelming verdict of a controversial constitutional referendum in 2015 that permitted him to stand for a third term.

The proposed changes passed with a thumping 98% majority. “Pretending not to know the will expressed by the people during the referendum would be a lie, not democracy,” he told cheering crowds at a rally.

But Rwigara exposed cracks in the RPF’s confident facade. Most doubt that she would have been a significant electoral threat, but the lengths to which the authorities went to frustrate her – she claims her supporters were repeatedly threatened, beaten and jailed as they toured the country drumming up support – suggested a nervousness that belied Kagame’s breezy rhetoric.

“The RPF are scared,” Rwigara says. “If they are loved by the people, as they claim, why is that when someone like me announces an intention to run they resort to all these dirty tricks to try to discourage me and silence me? If they were really popular, then they would have let me compete.”

Many in Kigali agree. “Every week that she is not in trouble is progress,” confides one foreign diplomat. “She, not the official opposition, is the ultimate test for them.”

Rwigara represents young, prosperous urbanites who grew up under the RPF and whom it sees as essential to the country’s future. The busloads of young Rwandans who arrived to watch her announce her candidacy, and her packed press conferences, unnerved Kagame and his allies, according to insiders. Nude photos, apparently of her, soon flooded the internet – assumed to be a well-orchestrated smear.

She believes her fearlessness in speaking out is a headache for the RPF, which fastidiously cultivates a rosy image of Rwanda for the outside world. “Rwanda is like a very pretty girl with a lot of makeup,” she says. “Perfect teeth, perfect hair, perfect everything. They spend so much time on the image because they know the inside is dark and dirty.”

Since her candidacy failed, Rwigara has launched what she calls a “movement” to challenge the regime on its human rights record. While her political awakening could be attributed to her father’s death, she makes allegations that go beyond personal grievance. Nobody else inside Rwanda has spoken more frankly about the extrajudicial assassinations that exiled critics and international organisations such as Human Rights Watch claim the government frequently carries out against its enemies.

“Everybody knows somebody who has disappeared, who has been killed,” Rwigara says. “The personal doctor of the president and an army major both died in the same week as my father. And those are the well-known people. You don’t hear about the other people.”

Yet she is also a former insider, and her candidacy could be seen as evidence of emerging fractures within the Tutsi elite who dominate politics and business. The government has made enemies of some of its natural supporters, such as the Rwigara family. After her father’s death, the family’s properties in central Kigali were seized and their hotel demolished.

Diane Rwigara gives a press conference after announcing her plans to run for president — Diane Rwigara gives a press conference in May after announcing her plans to run for president. She was later barred on a technicality. Photograph: Cyril Ndegeya/AFP/Getty Images

If she makes an unlikely spokesperson for the poor farmers who make up the majority of Rwandans, she may be more persuasive as an advocate for women. Kagame is something of a “donor darling” for his commitment to gender equality – half of the supreme court judges are women, and the country’s parliament is 61% female, the highest proportion in the world – but Rwigara dismisses such headline achievements as window-dressing.

“So what if Rwanda has the highest percentage of women in parliament? It’s really just part of the image. Because what do these women do?” she asks.

She says the parliament is little more than a rubber-stamp. There are women in senior positions in government, but none wield real power. And despite its impressive strides, academics have questioned the substance of Rwanda’s gender-equality drive, especially for unmarried women.

Rwigara doesn’t see her gender as a hindrance. “They used my being a woman to get to me,” she says. “But even if I’d been a man they’d have found other ways.” In fact, it was her family that had the problem with the idea of women in politics. “Growing up I remember my family members – my mum and my aunt – saying that a girl should not have a political opinion; that a girl should not be politically active. It took me a while to make peace with being a girl who likes politics.”

Is Rwanda ready for a female president? “I think Rwandans themselves are,” she answers. “Because if the regime thought the people would not listen to me because I’m a woman, then they would not have tried to find all these ways to stop me.”

She says she doesn’t fear for her life. “Not for the moment. They know killing me will make too much noise. It’s harder to kill you once you are known, once you’ve been seen.”

Source: The Guardian

Umunyagitugu Paul KAGAME acyuye igihe. Ni iki kitezwe muri politiki y’u Rwanda ?

Leave a reply

Guhera tariki ya 05 /08/2017 Paul Kagame waranzwe no gutegekana igitugu guhera mu mwaka wa 1994 azaba atakiri Perezida wa Repubulika y’u Rwanda. Itegekonshinga yarahiriyeho ryamwemereraga kugeza kuri manda ebyiri gusa kuko nta narimwe umuntu yemererwa kuyobora manda zirenze izo. Umunyagitugu abonye manda ebyiri zirangiye yashatse gukora itekinika ngo itegekonshinga rihindurwe bityo yemererwe kwiyamamaza indi nshuro. Cyakora na nyuma ya referendumu ififitse, Paul Kagame ntiyemerewe kwiyamamaza. Abaza gusoma ibi baribaza bati none se ko tumaze minsi tubona Kagame yiyamamaza, ubwo si uko abyemerewe?

Igisubizo kuri iki kibazo kigaragararira mu gisobanuro, imyitwarire n’imikorere y’umunyagitugu. Kagame nk’umunyagitugu wakuye agahu ku nnyo ntakeneye itegeko iryo ariryo ryose ngo yiyamamaze. Ni umunyagitugu utagendera ku mategeko. Kuri we amategeko icyo amaze ni ukwiyerekana mu rubuga mpuzamahanga ariko mu by’ukuri igifite agaciro ni amabwiriza we yishyiriraho ngo agere kubyo ashatse. None se Abanyapolitiki ntibafungwa mu Rwanda kandi itegekonshinga ribemerara gukora umurimo wa politiki? Kwandikisha amashyaka atavuga rumwe na FPR se ntibyabaye ikibazo kandi nyamara u Rwanda rwemera amashyaka menshi? Abaharanira uburenganzira bw’ikiremwamuntu se bo basiba guhungetwa kandi nyamara u Rwanda rwarasinye amasezerano mpuzamahanga agena uburenganzira bw’amashyirahamwe guhera mu mwaka wa 1975? Abantu se birirwa bicwa buri munsi kandi nyamara igihano cy’urupfu kitaravanyweho mu mategeko y’u Rwanda? Kagame ntacyo amategeko amubwiye we ashaka kwigumanira ubutegetsi ngo akomeze ahonyore abenegihugu uko yishakiye ari nako akomeza kwikubira ibyiza by’igihugu. Na manda Paul KAGAME azategeka guhera ku itariki ya 05/08/2017 ntizaba yemewe n’amategeko niyo mpamvu azaba ari umuperezida utemewe, ufite ubutegetsi butemewe, bugomba gusimburwa vuba na bwangu.

Ni iki kitezwe muri iyi manda ?

Mu rubuga mpuzamahanga: Kagame azaba yamaze guta ibara yitwa umunyagitugu nk’abandi bose, umujura, umunyakinyoma ndetse na bya byaha bye benshi bajyaga batinya kuvuga bazabigarukaho. Bya bigwi n’imidari yajyaga yambikwa ngo yahagaritse jenoside bizahagarara kuko iyo umuntu akoze ibyiza akabirenzaho ibibi byose biba bibi gusa. Niko isi ikora, ni nako tuyibamo.

Cyakora kubera ko Paul Kagame yaryohewe n’ibyo yabonye, azatanga amafranga y’umurengera agure abanyamakuru n’ibigo bikomeye kugira ngo bigerageze kwerekana ko isura ye itari mbi nk’uko igaragara! Hari ibintu bimwe na bimwe batazashobora gukiza Kagame : Nko kuba atihanganira abatavuga rumwe n’ubutegetsi bwe ntazashobora kubihindura. Kuba mu myaka amaze ku butegetsi atarashoboye kureka ngo abandi bagaragaze impano zabo mu miyoborere ntazapfa kubishobora ngo nibura afungure imfungwa za demokarasi Ingabire Victoire, Deo Mushayidi n’abandi. Kuba mu bo batangiranye umugambi benshi baramucitseho bizakomeza kumwokama.

Kagame azakomeza kugerageza kwiyegereza abahutu b’inkomamashyi agamije kugaragaza ko atavangura ariko ntazashyiraho chef d’état-major cyangwa ministiri w’ingabo utari uwo muri FPR. Abatutsi batinyuka kwamagana politiki ya Kagame nka Kizito Mihigo na Diane Rwigara bazakomeza kwitwa abanzi b’igihugu.

Mu rubuga rwa politiki nyarwanda: Abaturage bazakomeza guceceka ngo bategereje ko Imana izabakuriraho Kagame. Amashyaka ya opozisiyo akorera hanze azakomeza kwamagana ubutegetsi bwa Kagame ariko arasabwa gushaka udushya. Abalideri bazakomeza kuba bakeya ndetse abazifuza kuva mu mahanga ngo batashye mu Rwanda gufatanya na rubanda Kagame ntazabemerera. Guverinoma y’u Rwanda ikorera mu buhungiro izarushaho kumvikanisha ibibazo by’u Rwanda ari nako yotsa igitutu ubutegetsi bw’umunyagitugu ngo bwemere gufungura urubuga rwa politiki. Urukiko Mpanabyaha rwa Rubanda rwashyizweho na rubanda ruzakira ibirego rukore kandi ruburanishe amadosiye y’abayobozi bakekwaho ibyaha bya jenoside, ibyibasiye inyokomuntu n’ibyaha by’intambara. Ibihano bazabahwa bizashyikirizwa ibihugu n’umuryango mpuzamahanga kugira ngo aba bantu bafatirwe ibihano. Abazaba bahamwe n’ibyo byaha bazagira ibibazo mu kubona visa zo kwinjira mu bindi bihugu, imitungo yabo iri hanze izafatirwa, kandi ntibazemererwa ubuhungiro mu gihe bazaba babusabye. Uzagerageza gusohoka azafatwa maze ashyirwe aho agomba kurangiriza ibihano. Abitwaje intwaro barwanya Kagame bazaba bafite impamvu yo kugaba ibitero ariko imbaraga zabo zizakomeza kuba nkeya ku mpamvu nyinshi zitandukanye. Ku ruhande rwa APR, abasirikare benshi batangiye urugamba rwa 1990 bazaba bageze mu gihe cy’iza bukuru, bityo Kagame azajya yirukana uwo ashatse yitwaje ibyo.

Ubutegetsi bwa Kagame buzaba butemewe ariko nta munyamahanga uzabukuraho uretse kubuvuga nabi. Abemera iby’ubuhanuzi n’indagu bahamya ko Kgame atazabasha gutegeka iyi myka irindwi igiye kuza, cyakora umupira uri mu kibuga cy’abanyarwanda ubwacu. Turasabwa gukora ibirushije ubukana ibyo twakoraga mbere, gufata ibyemezo bisharira no kwirinda utunyungu tw’abantu ku giti cyabo.

Biracyaza…